رواية عزبة فكه الجزء الثاني الفصل الثلاثون 30 بقلم ريناد
رواية عزبة فكه الجزء الثاني البارت الثلاثون
رواية عزبة فكه الجزء الثاني الجزء الثلاثون
رواية عزبة فكه الجزء الثاني الحلقة الثلاثون
الكنو وشيماء ابتسمو هما الاتنين
شيماء :اتكلم انتا الاول
الكنو :لا انتى اللى هتتكلمى الاول،، وقرب منها ومسك ايديها الاتنين وباس ايدها وهى دابت من البوسه دى وبصت للارض
الكنو :هااا سامعك اتكلمى
شيماء فاقت وبصتله واتكلمت
بص ياكرم انا ليا طلب عندك او بمعنى اصح اعتبره شرط .
الكنو بصلها بأهتمام وشاورلها بدماغه عشان تكمل
شيماء :بص بقى انا شرطى ان مفيش قرش من النهارده يدخل جيبك ولا تصرفه على بيتنا يجى من الحرام،، وكل اللى فات خلاص ترميه ورا ضهرك وتنساه قلت ايه؟
الكنو ابتسم :اكييد موافق
شيماء :اوعدنى
الكنو :اوعدك
شيماء :يبقا خلاص اليوم اللى تخل فيه بالوعد ده انا هخرج بره حياتك وتنسانى اتفقنا
الكنو :اتفقنا
شيماء ابتسمتله :هاه يلا بقى دورك قول كنت عاوز تقولى ايه؟
الكنو :هاتى الشنطه اللى ادتهالك الصبح
شيماء :هى تحت السرير تعالا خدها من جوا عشان تقيله اوووى انا جريتها جر بالعافيه
الكنو مسك ايدها وقومها وشالها ودخل بيها الاوضه وقعدها على السرير ونزل جاب الشنطه من تحت السرير وحطها جمبها وفتحها وشيماء اتفاجأت من كمية الفلوس اللى فى الشنطه
الكنو طلع عشر رزم وحطهم على جمب وبص لشيماء :
دول تمن البيت بتاعى اللى فمصر واظن دول مش حرام لان البيت ده ورث من جدود الجدود،،
ودول هتاخديهم انتى تمن الشقه دى عشان اقبل اعيش معاكى فيها
شيماء :ب بس دول اكتر من تمن الشقه بكتير!
الكنو ابتسملها :مش مهم
شيماء :طب ماشى وانا هكتبها باسمك من بكره
الكنو :الشقه هتفضل بأسمك زى ماهى مفيش اى حاجه هتتغير
شيماء هتتكلم لكن الكنو سكتها وحط صباعه على شفايفها وبيقرب من شفايفها لكن هى ارتبكت وبعدت :ط طي طب والفلوس التانيه دى؟
الكنو :بصى بصراحه الفلوس دى جايه من كل حاجه غلط ممكن تتخيليها وزى منتى شايفه يعدو الاربعه مليون وشويه فانا بصراحه مش عارف اعمل فيهم ايه ولا اوديهم فين ؟
شيماء :بعدين نشوفلهم صرفه وحطت الفلوس على الكوميدينو ولفت للكانو :
ممكن بقا تفتحلى السوسته عشان اقلع الفستان
الكنو ابتدا يفتح السوسته وحده وحده وانفاسه انقطعت وقرب من شيماء وحضنها جامد احلى حضن فى الحلال،،
ولأول مره يلمس وحده ست في الحلال ولقي ان طعم الحلال حلو اوي،،
وعاشو ليلة عمرهم بشوق وشغف وكأن الاتنين اول مره
يختبرو الاحساس ده،،
واتأكدوا فعلا لما الاتنين يكون مابينهم حب كل حاجه بتختلف،،
الصبح بدرى الكنو صحى وفضل باصص لشيماء وبيتأملها وبيلمس خدها بأيده وهو مبتسم وبيكلمها بهمس :
تصدقى انى حسيت معاكى بسعاده عمرى محسيت بيها فى عمرى كله،، ربنا يقدرنى واكون سبب سعادتك وفرحتك ياحبيبتى
وباسها بوسه خفيفه على خدها وقام خرج بره الاوضه وشيماء ابتسمت وفتحت عنيها ببطئ :
ربنا يقدرنى انا واسعدك واعوضك عن كل حاجه ياكرم ربنا ليا،،
وغمضت عنيها وابتسمت وهى بتفتكر ليلة امبارح وسعادتها وهى فى حضن الكنو وجابت المخده وحضنتها .
بعد شويه دخل الكنو الاوضه وقعد على السرير وشيماء كانت صاحيه لكن مغمضه عنيها وهو قرب منها وهمس فى ودنها :
بصى مش هسمحلك انك تحرمينى انى ابص لعنيكى الا لو كنتى نايمه فعلا لكن طول منتى صاحيه عنيكى تفضل بصالى على طول عشان انا مش بشبع من جمالهم
شيماء ابتسمت وفتحت عنيها الفيروزى الواسعه اللى بمجرد ماتبص للكنو بيهم بيتوه فى دنيا تانيه
شيماء :صباح الحب ياقلبى
الكنو :صباح الجمال،، يلا بقا عشان نفطر،، انا حضرتلك الفطار يأجمل عروسه فى الدنيا
شيماء :انت اللى بتحضرلى الفطار بنفسك! دا ايه الدلع دا كله؟
الكنو :وهأكلك باديه كمان هو انا عندى كام شوشو يعنى؟
وابتدا يأكلها فى بوقها وهى كمان تأكله وكانو بمنتهى السعاده وشيماء مش مصدقه نفسها ان اللى معاها ده هو نفسه الكنو اللى اسمه بيهز اتخن شنب فى بر مصر كله
بعد مأكلو وشبعو :شيماء :تسلم ايدك ياروحى
الكنو ابتسم ابتسامه خبيثه :بصى بقا كل اللى عملتهولك ده والدلع اللى دلعتهولك ده كل يوم تعمليلى زيه بالظبط
شيماء ابتسمت :انا سمعت الكلام ده فين قبل كده بس التانى غسل رجليها بميه وملح ههههههههه
الكنو :لا مش ضرورى بعفيكى من الميه وملح..
شيماء :ياروحى انا تحت امرك وخدامتك،، مش جوزى وحبيبى ونور عينى وقربت منه وحطت ايديها حوالين رقابته وقربت من ودنه وهمستله :
دانتا كرم ربنا ليا بعد سنين العذاب
الكنو ابتسم ولفلها واتقابلت عنيهم فى نظره طويله قالو من خلالها كلاام كتير اوووى
يوسف وفكريه وخالد نزلولهم اخر النهار وخبطو عليهم والكنو فتحلهم وشال خالد وحضنه وفضل يبوس فيه كتيير وهو بيضحك
يوسف بيهمس لفكه :الراجل اتعدى من شيماء واتجنن ياعينى بيضحك مع نفسه
فكه زغدته،، مبسوط يارذل مشفتش نفسك يوم صباحيتك كنت عامل زى الاهبل وفاتح بوقك وبتضحك عمال على بطال ازاى!
يوسف :انا؟
فكه :ايون انتا
يوسف :كنت زيه كده
فكه :يووه واكتر
يوسف :يلهوووى صدق اللى قال الحب بهدله هههههه
الكنو :هاه مش هتدخلو وتبطلو برطمه ولا ايه؟
فكه :لا طبعا داخلين صباحيه مباركه ياعريس
الكنو :الله يبارك فيكى يافكه ثوانى هنده شيماء
فكه :لا خليك انت انا هدخلها،،
ودخلت الاوضه وكانت شيماء لابسه فستان شيك جدا وعامله ميكب طالعه برنسيسه والفرحه بتنط من عنيها،،
واول ماشافت فكه داخله ابتسمت لها ولفت وبصوت ندمان
سامحينى يافيفى
فكه :على ايه؟
شيماء :انى كنت السبب فى فراقك عن حبيبك سنتين بحالهم عشان انا دلوقتى مش متخيله ان كرم يبعد عنى ثانيه وحده،، اسفه ياحبيبتى انى وجعت قلوبكم انتو الاتنين بالشكل ده
فكه فتحت دراعاتها لشيماء اللى جريت واترمت فى حضنها وضمتها وهى بتملس على شعرها :
انا سامحتك من زمان ياشوشو وكفايه انك كنتى السبب فى معرفتى انا ويوسف دا قادر انه يمحى من قلبى اى حاجه وحشه ناحيتك،،
المهم دلوقتى ان ربنا جمعنا وعوضك انتى كمان بكنو اللى مخلى الفرحه غيرت ملامح وشك وزادت فوق جمالك جمال
شيماء اتنهدت وابتسمت :اه والله يافيفى انا حاسه انى من امبارح فرحت فرحه بقربى من كرم محت كل حزنى اللى كان قبله
فكه :ربنا يجعل حياتكم كلها سعاده يارب
شيماء :امين يارب احنا وانتو ياقلبى
فكه :المهم تعالى نقعد مع بعض شويه عشان مسافرين وهناخد خالد ونسيبكم بقا تعملو شهر عسل براحتكم بقى
شيماء :ههههه شهر عسل ايه بس احنا كبرنا على الحجات دى
فكه :الحب والفرح ملوش سن ولا معاد انبسطى ياشيماء ومتفكريش فى اى حاجه،، احنا مش هناخد من الدنيا غير يومين الفرحه اللى بنعيشهم بس
شيماء :عندك حق والله،، وفجأه سمعو يوسف بينده :ايه بتعملو ايه كل ده اخلصو بقا
يوسف فى الاثناء دى كان بيوصى كنو على شيماء وبيحكيله هى اد ايه اتعذبت وقاست بعد موت ابوها وامها،، وانه يحاول يعوضها ويسعدها،،
والكنو اكدله انه هيعمل كل جهده عشان يسعد شيماء وانها بقت دلوقتى حياته كلها
وبعد ماقعدو مع بعض وضحكو وهزرو ويوسف اطمن على شيماء لما شافها مبسوطه وسعيده لاول مره من مده طويله،،
ورجع شاف ابتسامتها بتنور وشها من تانى،، سلمو على بعض وقامو عشان يسافرو مصر .
يوسف وفكه وخالد سافرو،، وشيماء والكنو قضو مع بعض احلى شهر فى حياتهم كلها،،
وبعد ماخلص الشهر اتصلو على يوسف وفكه يجيبو خالد ويجو يقضو معاهم يومين وفعلا وافقو
كنو كان واخد شيماء فى حضنه ونايمين
شيماء :كررررم
كنو :عيون كرم
شيماء :مفكرتش هتشتغل ايه؟
الكنو اتنهد :فكرت كتير ياشيماء وبصراحه مش لاقى اى شغله ينفع اشتغلها يعنى انا لا بعرف اقرا ولا اكتب ولا فأيدى صنعه وبصراحه مش عارف
شيماء :طب ايه رأيك متشتغل معايه فى المطعم
كنو :ياشيماء مطعم ايه ده اللى بيجيب ملاليم متفتحش بيت؟
شيماء :طيب بص بقا انا فكرت فى فكره كده ويارب تعجبك
الكنو :استر يارب
شيماء ضربته ضربه خفيفه على صدره مش تسمع الاول،، بص ياسيدى بقا وطقطقلى ودانك
الكنو مسك ودنو وقرب منها
شيماء :ايه رأيك لو تشتغل بلطجى زى منتا
الكنو عقد حواجبه وبعد عنها لكن هى مسكت ودنه وقربته ليها تانى ..
افهم بس،،،
بص فيه ناس بتبلطج على ناس غلابه وتاخد حقوقهم وهما ياعينى مبيقدروش يعملولهم حاجه،،
وفيه كمان ناس بتحتاج ناس تخوفلها ناس بتخوفها،، ومش بتلاقى،،
فأيه رأيك انت تعمل كده،، يعنى تجيب حق المظلوم وتخوف الظالم،،
بمعنى تانى تعمل شركه زى شركه البودى جردات كده الناس اللى بتحرس الناس المهمه دى فأنت
مشاء الله معارفك كتير والناس كلها بتخاف منك وتعملك الف حساب فليه متستغلش ده فى الخير؟
الكنو :والله فكره حلوه بس الحكايه دى عاوزه مصاريف وانا يعنى …
شيماء :خد تمن الشقه اللى ادتهونى وابتدى بيه واعمل شركه وهات ناس ولبسهم ونضفهم وهاتلهم سلاح مترخص يستعملوه للتهويش بس وبكده المشكله اتحلت
الكنو :لايمكن اخد فلوس الشقه منك ابدا الفلوس دى انسيها خاااالص
شيماء :ليه بس ابقا ردهملى تانى لما تكسب؟
الكنو :انسسسى
شيماء :طب انا عندى فكره ايه رأيك تعمل زى فكريه لما جت وفتحت المطعم فتحته بالفلوس اللى كانت معاها ولما كسبت اخدت الفلوس اللى دفعتها من المكسب وادتها لوحده غلبانه تجهز بيها بنتها،،
ايه رأيك تاخد من الفلوس بتاعتك مبلغ معلوم وتبقى تاخده من المكسب وتديه للمحتاجين،،
او تسد بيه دين الغارمين وكمان تعمل من مكسبك مبلغ معين تطلعه كصدقه دايمه تبعد عن شغلك اى شبهة حرام
الكنو :تصدقى طلعتى بتعرفى تفكرى! امال يوسف دايما بيقول عليكى حماره ليه!
شيماء :هو بص انا مش دايما بفكر يعنى سعات مخى بيقف لا اراديا كده وبقفل
الكنو :ربنا يستتتر،،، والاتنين ضحكو وحضنو بعض جامد
يوسف وفكه وخالد جم اسكندريه وراحو هما وشيماء وكنو البحر فى الشط بتاعهم الخصوصى وقضو يوم خرااافى
فكه وشيماء نزلو البحر،،
لكن شيماء مقدرتش تطول حست بتعب وخرجت بسرعه وفكه خرجت وراها ايه مالك؟
شيماء :مش عارفه حسيت انى تعبت فجأه
فكه :طب تعالى اسندى عليا وشك اصفر
شيماء :
لالالا احسن كرم يتخض عليا،، متقوليش قدامه انى تعبانه هما اصلا شويه سهر على شوية ارهاق وهيروحو لحالهم
فكه :يازيدى يازيدى عالحب
شيماء :وحياتك بقى حاجه اكبر من الحب يافيفى مش هعرف اوصفهولك
فكه :عااارفاهه يختى اسمه دهوله تعالى يمدهوله تعالي
شيماء :اهو هو ده
الاتنين ضحكو ووصلو عند يوسف وكنو وخالد
يوسف :ايه الضحك والسخسخه دى كلها
الكنو :متسبهم مبسوطين ياخى!
يوسف :ربنا يبسطهم دايما ياسيدى،، المهم خلصت السلطه؟ اصل الفراخ قربت تستوى وانا عصافير بطنى بتهوهو
شيماء :انا عمرى مشفت عصافير بتهوهو ياعالم الا فبطن يوسف
كنو :دى عصفير هجين على كلاب يبنتى نوع جديد هههههه
يوسف بيعيب عليه :ههههههه خفه انتا وهى،، غورى يابت ياحماره انتى من هنا وزقها
الكنو طلع مطوته وحطها قدام وش يوسف
بقولك ايه اوعى تزق الحب تانى وتكلمها كده ازعلك..
وفجأه فكه سحبت مطوتها اللى مبتفارقهاش ووقفت فى وش الكنو وحطتها قدام عنيه :
لأ بقولك ايه اوعى تطلع مطوه فوش الحب تانى اعورك..
يوسف بعد وميل على شيماء ومثل الخوف :شيماء ايه الاتنين اللى احنا متجوزينهم دول؟
شيماء :مش عااارفه،، إجرررى يامجدى وجريو هما الاتنين وفكه وكنو بيجرو وراهم ويضحكو وفجأه شيماء وقفت وحطت ايدها على دماغها ووقعت على الارض
والكنو صرخ بأسمها وجرى عليها ومسكها قبل ماتقع على الارض
رقعد وقعدها علي الارض وحضنها وهو هيموت من الخوف عليها،،
وفكه جريت جابتلها ميه،،
وفضلو يفوقو فيها لغاية مافاقت وحضنت خالد اللى اتخض عليها وكان بيعيط ويقولها،،
اوعى تموتى ياماما شيماء انا بحبك اووى متسيبينيش انا بقيت مبسوط اوووى واحنا كلنا مع بعض
شيماء بضعف ابتسمتله : متخفش ياخلودى انامش هسيبك ياروحى وبصت للكل لقتهم قلقانين وخايفين عليها وحست بأدين الكنو اللى محاوطاها وبتترعش رفعت دماغها وبصتله وابتسمت وحطت ايدها على ايده اللى محاوطاها وبراحه نزلتها على بطنها :
ابنك اللى عمل فيا كده متخفش عليا..
الكنو مفهمش للحظات وبعدين استوعب الكلام وبرق عنيه وفتح بوقه ومقدرش يتنفس لثوانى وهو مش مصدق وفجأه قام بعد عنها واداها ضهره
فكه حضنت شيماء وباركتلها :
عرفتى امته؟
شيماء :امبارح عملت اختبار بس كنت مستنيه اتأكد بأختبار دم،، لكن طالما دوخت كده اتأكدت خلاص
يوسف بص لخالد وحضنه بفرحه :ماما شيماء هتجيبلك اخ نونو ياخالد تلعب معاه
خالد فرح وفضل يتنطط من الفرحه
وشيماء قامت بضعف و راحت للكنو وحطت ايدها على كتفه ولفته ليها لقته بيمسح دموعه
شيماء :كرررم بتعيط،، هو انتا مش مبسوط عشان انا طلعت حامل؟
الكنو بصلها :انا ياشيماء مش مبسوط ؟ ..
شيماء : امال عنيك بتدمع ليه؟
الكانو : اصلي مستكتر كل الفرحه دى على نفسى،، ومش مصدق كرم ربنا دا كله ليا،، معقوله انا انا هبقا اب؟!!
هجيب ولد ويبقى ابنى واخويا وصاحبى؟؟
وحضن شيماء جامد ودفن دماغه فى رقبتها :
انا بححححبببك اوووى،، انتي سبب كل حاجه حلوه بتحصل في حياتي..
شيماء :انا كمان بموت فييك ياكرم ربنا ليا
فكه ويوسف مسكو ايدين بعض وهما بيبوصولهم ومبسوطين بيهم ويوسف قرب ايد فكه من بوقه وباسها بحب وفكه سندت عليه وهو حضنها
خالد بزعل وصوت عالي :اه كل واحد يحضن واحد وانا محدش بيحضنى؟
الكل انتبه بصله وجريو عليه كلهم وفضلو يبوسو فيه فى كل حته،، ويدغدغوه وهو مبسوط وبيضحك بصوت عالى وضحكته ماليه الجوو فرح،، وفجاه الكنو بص لشيماء وضيق عنيه وقربلها وضربها علي دماغها :
شيماء :اي اييه مالك يااكرومتى؟
كرم :يعنى عامله اختبار وعارفه انك حامل وجايه تنزلى البحر وتتنططى وتجرى كمان انتى ايه هاه؟
يوسف :حمااااااره
كنو :بصراحه،، وبص لشيماء فدى عندك حق وشيماء ضربته على كتفه ضربه خفيفه والكل ضحكو عليها
قعدو مع بعض وبيتغدو ومبسوطين والكنو بيأكل شيماء فى بوقها واتكلمو فى الشغل،،
وفى الفكره بتاعت شيماء اللى عرضتها على الكنو،، واللى عجبت الكل
ووسط الكلام يوسف اتكلم على شغله وانه مفتقر للسيوله ودا عامله مشكله خفيفه فى الشغل
الكنو عرض عليه مبلغ سلف لكن يوسف رفض جدااا
شيماء :طب انا عندى فكره حلوه
الكل :هممم
شيماء :فاكر يايوسف الناس اللى ضربوك واخدو منك فلوس الدهب بتاع فكريه اللى بعته،، انا اللى كنت مسلطاهم عليك هههههههع
يوسف زور وفضل يكح وفكه تضربه على ضهره لغايه مابقى كويس وبصلها بعيون حمره وشاورلها بايده عشان تكمل
شيماء :تعرف دول رجالة انور اللى كان مداينك،،
وكمان اديته ٣٠ الف جنيه من حسابى فى البنك عشان ميطالبكش بالوصولات عشان مكنش معاك فلوس
يوسف :لا والله اصيله فيكى الخير!
شيماء :قلتله لما يوسف يسددهملك اديهمنى،، لكن هو استندل واكلهم عليا وكمان هددك يسجنك،،
قمت انا وفيفى روحناله،، وفيفى سرقت منه المحفظه اللى كان فيها الوصولات وقالتلك انها لقيتها فى الورشه وانتا صدقت زى الاهبل عهههههه
يوسف بيجز على سنانه وقافل على ايده وفجاه اخد وضع البوكس وهيناولها لكن الكنو مسك ايده :اهدى ياجدع هتضرب مراتى قدامى ولا ايه؟
يوسف :دنا مش هضربها دااانا هكهربها هعذبها هخنقها،،
بص المهم هتموت النهارده وبص لفكه وانتى ياهانم حسابك معايه جاى
شيماء استخبت ورا الكنو :اسمعنى بس للاخر،،
الفلوس دى كرررومتى حبيبى هيجيبهالك من انور،، وانتا خدهم حلال عليك ودى تبقا اول شغلانه ليه عشان يرجع الحق لاصحابه
يوسف :تعرفى انا انضربت اد ايه فى اليوم ده ياجزمه انتي،، هنت عليكى ياشيماء؟
شيماء :فى الاول كان ضميرى بيأنبنى عشان خليتك انضربت،، لكن بعد كده مع معاملتك الزفت ليا كنت بقول احسن يستاهل قليل عليه
يوسف بص لكنو :طب بذمتك دى ايه
الكنو :حمااااره مش عايزه كلام..
يوسف :لا وواطيه كمان
شيماء :معلش يايوسف مش تزعل منى ورمتله بوسه فى الهوا لكن الكنو عمل نفسه بيمسكها قبل ماتوصل ليوسف وبصلها بغضب وهى ارتبكت
كنو :ايه اللى عملتيه دا سيادتك؟
شيماء :انا ممم مم معملتش دي دى دا
يوسف :بص بتبوس راجل غيرك وانتا قاعد،، ربيها ياعم دى ناقصه ربايه اصلا انزل عليها سوبلكس كده اقطملى رقبتها وريحنى
الكنو بيقربلها وشيماء ترجع لورا :كنو عشان ابنك انا اسفه والله مقصدى وفجاه شالها الكنو وجرى بيها بعيد عنهم ورا الصخور
الكنو :والله يازفته لو عملتى الحركه دى تانى لاقطعلك شفايفك دول
شيماء بتقربله :والله أسفه مش هتتكرر خلاص،، وقربت منه وصالحته ببوسه طويله خلت الكنو غاب عن الوعى ههههه
يوسف فى الوقت ده بص لفكه وعض على شفته التحتانيه ولسه هيقربلها
فكه احتمت بخالد وصرخت وهي بترفع اديها بإستسلام :
انا معملتش حاجه على فكره،، انا كنت بساعدك والله،، كنت صعبان عليا وانتا مهموم والكلب انور بيهددك،، فسرقتلك الوصولات اعمل ايه يعنى غصب عنى
خالد :يبابا مالك النهارده نازل فى ماماتى ضرب لييه؟
يوسف :ماماتك دول عاوزين يتعلقو من رجليهم شهر بحاله ياخالد،، ونام على الرمله وبص لفوق
يبنات الجزمه دنتو كنتو بتلعبو بيا ليعبب
صدق اللى قال صنف الحريم ملهوش امان،، د أنا دلوقتي حاسس نفسى برياله،،
ومثل البكا: كشفت راسى ودعيت عليكم يابعده ،،
فقربت منه فكه وقعدت جمبه وحطت دماغه على رجلها وفضلت تلعبله فشعره وهى بتضحك وهو استسلم وغمض عنيه وبعد شويه نام على رجلها وهو مبتسم
اليوم ده تقريبا كان اجمل يوم فى حياة الاربعه،،
بدون خوف بدون هروب بدون حزن،،
مليان بس حب،، والجو محمل بالعشق والغرام
اخر اليوم روحو كلهم ويوسف كلم شيماء عشان ينقل خالد لمصر وهى قصاد اصرار خالد وافقت،، وخصوصا انها هتكون حامل وخافت تقصر معاه فلقيت ان ده احسن حل عشان خالد
يوسف وفكه قضو الليل فى اوضتهم وخالد معاهم،،
وصحيو تانى يوم الصبح وراحت فكه وشيماء عملو تحليل واتأكدو من الحمل واخر النهار يوسف وفكه اخدو خالد ورجعو على مصر والامن مستتب
عدت الايام على الكنو بسعاده وكان حاسس انه ملك الدنيا كلها بين ايديه وهو مع شيماء،،
وشيماء كمان كانت حاسه بكل سعادة العالم والاتنين ندمو على سنين عمرهم اللى ضاعت فى حب او وهم اسمه الحب مع الاشخاص الغلط..
الكنو فتح شركة الحراسات الخاصه بتاعته واللى كان ليها اكتر من نشاط واهمهم استعاده حق المظلوم وعشان صيت الكنو وسمعته وسط الناس،،
الشغل بتاعه كان ماشى بمنتهى السهوله والسلاسه،، ومكنش محتاج للعنف مجرد اسمه بس بيحل اى مشكله،،
واول شغلانه ليه انه راح هو ويوسف جابو الفلوس من انور،، واداهم ليوسف اللى وسع شغله وابتدى الشغل يكبر وصيته يسمع فى كل مكان،،
ومش بس كده لا دا بعد كام شهر ابتدا يدور على ارض هو واصحابه عشان يشتروها ويجيبو قرض من البنك ويعملوها مصنع صغير لتصنيع قطع غيار الغسالات
عدو سبع شهور والكل مبسوط وشيماء فى الشهر السابع وكل شهر فكه وخالد يسافرو يقعدو معاها اسبوع يطمنو عليها وهى تشوف خالد
فى الوقت ده فى مصر فكه نايمه تليفونها رن
فكه :الوووو
نواره :الحقينى يافكه بووووولللللد ااااه
قامت فكه بسرعه ويوسف قام مخضوض
يوسف :فيه ايه؟
فكه :نواره بتولد يايوسف انتا عارف هى ملهاش غيرى وانا بعتب
يوسف :بتبررى فايه لازم طبعا تكونى جمبها وانا هروح معاكى
فكه :لا خليك انت عشان خالد المشوار مش بعيد
يوسف :انتى عارفه الساعه كام الساعه ٣ لايمكن طبعا تنزلى لوحدك فى الوقت ده
فكه :طب بص هرن على ابراهيم واقولهم يعدو عليا وهما ماشيين عشان يروحو المستشفى،، هخليهم ياخدو الطريق بتاعة بيتنا
يوسف :اه لو كده تمام خدى دول خليهم معاكى وادفعى حساب المستشفى وكل حاجه تحتاجها هاتيهالها
فكه :ربنا ميحرمنى منك ولا من حنيه قلبك دى يايوسف
وفعلا رنت على ابراهيم وعدى عليها ونزلت معاهم وكانت نواره وام ابراهيم بس اللى فى العربيه ونواره باين عليها تعبانه اوووى وشكلها قلق فكه عليها
وصلو المستشفى والدكتور كشف على نواره وطمنهم انها هتولد طبيعى وانهم ميخافوش هى بس تعبانه عشان بكريه،،
وقلهم انها لسه قدامها ساعه وخلاها تنتظر فى اوضه لغايه ميعاد الولاده
فى الوقت ده الوجع ابتدا يزيد على نواره وابتدت تبكى وتصرخ وتبص لهيما نظرات مرعبه وهو كان ماسك ايدها وقاعد جمبها وهى فجاه شدته من شعره وعضته فودنه خلته صرخ من الالم
ابراهيم :ااااه يبت المجانين
نواره :عارف العضه دى متجيش حاجه فاللى حاسه بيييه اااااه،،
تعالا هنا امال هو يجى يقولك بابا بالساهل كده،، وفضلت تموت فيه وامه تشده منها :
هتموتى الواد يامهبوشه اوعى كده يخرب بيت جنانك ماكل الستات بتولد محدش بيعمل كده!
وفكه كانت ميته من الضحك على الاوضه اللى اتحولت لحلبه مصارعه وابراهيم اللى مش عارف يبعد عنها ولا قادر يستحمل الضرب والعض بتاعها وتقريبا قطعت وشه
واخيرا سابته ومسكت بطنها وفضلت تصرخ جامد كانها ثارينه واتفتحت والدكتور جه يجرى وعرف انها خلاص هتولد دلوقتى ودخلها على كشك الولاده
بعد ساعه سمعو صوت عياط صغنون واخيرا نواره اتكتم صوتها اللى ازعج المستشفى كلها، وخوف كل الستات اللى جايين يولدو،،
وبعد شويه خرجت الممرضه شايله ولد زى القمر وادته لابراهيم اللى شاله واذن فى ودنه وباسه،، واداه لامه اللى عنيها دمعت من الفرحه اول ماشالت حفيدها
خرجت نواره بعد كده على الاوضه ونامت على السرير وبصت لابراهيم وشهقت :
ايه اللى شلفطك كده!
ابراهيم :امى،، امى اللى شلفطتنى وموتتنى من العض،، انا عمرى عمرى مشفت ولا سمعت وحده بتولد تعمل كده دنا لو ولدت مكانك كان اسهل …
بس يلا معلش كله اتنسى اول ماشفت وش القمر ده وناولها الولد عشان تشيله
ونواره شاورت لفكه وشيلتها الولد وطلبت منها انها هى اللى تسميه
فكه :يوسف،، سموه يوسف
ابراهيم :على بركه الله وبص لنواره يوسف يام يوسف
نواره :ههههه يلهوى عالحب،، بس حلو اسم يوسف يارب يطلع انسان محترم وقلبه طيب واخلاقه عاليه زى يوسف الكبير
فكه :ان شاء الله هيكون احسن كمان،، ونادت على ابراهيم علي جنب وادته فلوس عشان يدفع حساب المستشفى ويجيب لنواره اللى هى عاوزاه ويعمل احلى سبوع ليوسف كمان
وفعلا اتعمل السبوع وحضرت فكه ويوسف وخالد والكل انبسط وفكه اكتر وحده كانت سعيده بسعادة ابراهيم ونواره،، اللى اكتملت بوجود يوسف الصغير وسطهم
فى مكان فى مصر :
البيه تاب وبقى بيجيب حق الناس الغلبانه ونسى الناس الغلابه اللى داس عليهم بجزمته ومحدش عرف ياخد حقهم منه،،
لكن ودينى،، ورحمتك ياخليل ماكون اخوك ولا ابن امك وابوك لو مجبتلك حقك من الكلب كنو واخدتلك تارك،،
اطمن ياخويا قريب اوووى هترتاح فى نومتك متخفش
وزى ماكويت قلب امى وابويه على ابنهم البكرى ياكانو هخليك تتمنى الموت ومتطولهوش
الراجل التانى : ايوه امال ايه لازم عشان اخوك يرتاح فنومته،، الله يرحمك ياخله ياصحبى ويبشبش الطوبه اللى تحت راسك
ياترى ايه اللى هيحصل والايام مخبيه ايه وهل السعاده اللى فيها ابطالنا هتدوم ولا ؟
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عزبة فكه)
