رواية عاق الوالدين الفصل الثاني 2 بقلم أيات عبدالرحمن
رواية عاق الوالدين الجزء الثاني
رواية عاق الوالدين البارت الثاني
رواية عاق الوالدين الحلقة الثانية
راشد بص لوالده بنظرات ناريه و قال بصوت عالي جدا اقسم بالله ما يحصل لمراتي حاجه ليكون اخر يوم في عمرك وشال فريده ونزل بيها علي اقرب مستشفي وساب والده
بيحاول يفهم اي اللي حصل غير ان هو كان بيحاول يقوم عشان يساعدها لما شافها بتتألم
خير يا راشد يا ابني مالها فريده شايلها كدا ليه
مفيش ياخاله تهاني اسنديها بس معايا لحد ما اشوف تاكسي
فريده كانت بتتألم بشكل مش طبيعى خالص
وبدءت تطلق صرخات عاليه
هموووت يا راشد الحقني بسرررعه
فريده كانت موجوعه اوي ومافكرتش للحظه ان هي هتكون بين ايادي الله
في اي وقت واستمرت في ظلم حماها
راشد كان وقف تاكسي بسرعه واخده ورجع البيت بسرعه واخد فريده هو وتهاني جارتهم ووصلوا علي اقرب مستشفي
في عيادة خاصه بالنساء والتو.ليد
بسرعه لو سمحتي دخلينا للدكتور مراتي في الشهر السابع وتعبانه جدا
حضرتك الدكتور معاه كشف دلوقتي والمدام هتدخل طوارئ ودي هتذيد عن سعر الكشف خمسين جنيه
حاضر ياسيتي احنا قولنا حاجه ولسه هيخرج ثمن الكشف افتكر ان هو نسي حتي بطاقته في البيت
تهاني : انا معايا فلوس اهو وهدفع بس ربنا يطمنا عليها ووجهت نظرها للمرضه وقالت : مابتعملوش انتوا حاجه لوجه الله ابدا يا حول الله يارب
يلا يا ابني ندخل للدكتور
مش هينفع ادخل معاها يا خالتي تهاني ادخلي انتي وطمنيني بالله عليكي
حاضر يا ضنايا اهدي انت وانا معاها ومش هسيبها
بعد شويه عند الدكتور
تهاني بصدمه : يعني يا قلب امها هتو.لد ولا.ده مبكره
الدكتور: ايوه المدام عرضت نفسها لمجهود كبير جدا
فريده بتوتر: انا ما عملتش حاجه
الدكتور بإنفعال لان فريده كانت بتكابر وبتكدب كلامه : انا هنا يا مدام علي الكرسي دا من ثلاثين سنه
يعني اوصف الحاله اللي قدامي من اول الكشف واللي حصل معاكي دا مش مجهود شغل في البيت ابدا لان الجنين اتحرك من مكانه واخد وضع الولا.ده وتقدروا تعرفوا دا من اكتر من دكتور كمان
تهاني:خلاص يا دكتور اتوكل علي الله انت وشوف هتعمل اي
وهما خارجين فريده وقفت تهاني وقالت : بالله عليكي يا خالتي تهاني لو راشد سألك قولي ليه دي واخده خبطه قويه في بط.نها
ادت لولاده مبكره
تهاني بعدم فهم : ازاي يعني
فريده برغم وجعها الا ان هي قالت بخبث : اصل انا قولت لراشد اني وقعت وانا بنظف البيت وكدا
اه يا حبيبتي ما تخافيش
وفعلا تهاني من غير ما تحس بكذب فريده قالت اللي اتفقت فريده معاها عليه ودا ذاد الاشتعال في قلب راشد اكتر و اكتر تجاه والده وكان بيتوعد ليه
رجع. راشد البيت عشان يجهز كام حاجه لفريده ويااخد والدتها معاه ويمشي وطبعا ما سكتش لوالده وقال ليه كلمات قاسيه جدا
ونزل لعم صبحي اللي كان خلص تصنيع الطبق والمعلقه الخشب واخدهم منه ورجع البيت وحطهم قدام ابوه وقال : اعمل حسابك
ان من هنا ورايح اكلك هيكون في دول وانا اللي هحط ليك فيهم بنفسي انت فااااهم قال اخر كلمتين بصوت عالي ورزع الطبق والمعلقه قدام والده لدرجة ان المعلقه اتخبطت في رأسه وخرج وقفل الباب بصوت عالي
الاب المسكين كانت عيونه متجمع فيهم الدموع ورفع ايديه ولمس مكان ما المعلقه اتخبطت في رأسه ورفع رأسه للسماء وقال : يااارب
انا ما عملتش كدا مع ابويا عشان ابني يعمل فيا كدا ولا عمري قسيت عليه يارب اغفر ليه واهديه اكيد هو معمي ومش شايف الحقيقه
اكشف الغمام من علي عيونه ورجع قلبه صافي زي ما كان وهو طفل وهنا سمح لدموعه تنزل
في المستشفى كانت فريده هتموووت من شدة الألم وبتنادي وتقول ياااااااارب
راشد كان متوجه للمستشفي ومعاه مبلغ من المال استلفه من جيرانهم لحد ما فريده تقوم من ولا.دتها
وكام حاجه لفريده لكن في اللحظه دي جه شخص لابس زي قناع كدا ع رأسه وراكب دراجه ناريه
سرق الشنطه اللي كانت مع راشد بالفلوس اللي مستلفها بكل اللي فيها وجري
المستشفى محتاجين سبع الاف جنيه عشان ولادة فريده غير كدا مستحيل هتدخل العمليات غير علاج المولود واجر الممرضات وعاملات النظافه
في الإسكندرية
كانت اخت راشد بتتكلم مع زوجها راشد كلمها وقال ان ابوهم حمل ثقيل عليهم ولو ما اخدتوش هيضطر يسيبه يا في دار رعاية المسنين او في الشارع وووووووووو
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية عاق الوالدين)
