رواية عاجر الفصل العشرون 20 بقلم زينب ماجد
رواية عاجر الجزء العشرون
رواية عاجر البارت العشرون
رواية عاجر الحلقة العشرون
طلعت اركض من البيت بس تليفوني بيدي
وعقلي وكلبي طاير .. يبست بخوفي لا ياذون حازم لو يسووله شي
اخوتي واعرفهم چلاب مو بشر .. مستعدين يسوون كلشي حتى يرضون نفسهم وانانيتهم
طلعت من الفرع .. محل حازم على يمنتي ..
ما موجود هسه اكيد .. لازم اكله ياخذ حذره وينتبه
هو كالي متربصله كدام دائرته .. جعفر ماله امان حتى لو رحتله ما يجوز من حازم لازم اكله وابلغه ..
🌱🌱🌱🌱
طلعت من الفرع .. محل حازم على يمنتي ..
ما موجود هسه اكيد .. لازم اكله ياخذ حذره وينتبه
هو كالي متربصله كدام دائرته .. جعفر ماله امان حتى لو رحتله ما يجوز من حازم لازم اكله وابلغه ..
ما ادري الدا اسوي صح لو لا لان هو حذرني ما اكله والا راح ياذي بس اخاف لا يغدر بيه وياذينا اثنينه اقلها اني اروح بيها مو حازم ..
دكيت عليه .. رد
كال : ها بويه كولي
– حازم جعفر مراقبك برا الدائرة .. ديربالك ابوس ايدك
– شمراقبني اني مو بالدائرة انت وين
– خابرني كالي تجين هسه
– بتل بتل وين طالعة كتلج ما اتطلعين من بيت عمج
– مو بعيده يتربصلك من بيتك ويأذيك .. جعفر نذل يسويها عليك الله اتحذر منه
– صبا انت وين راييييحة عمج يدري بطلعتج
– لا اني رايحة لبيت جعفر .. كالي تجين
– جايج
-لا عليك الله لتجي
– امشي ارجعي بسرعة لبيت عمج لعد راح اجيج
انداريت وراي اني صرت بنص الشارع لا عابرة ذاك الصوب ولا يم فرعنا .. شفت كلامه صحيح مو مال اطلع بدون علم عمي هو متكلف عشائريا خل ارجع اكله واخلي يحابر جعفر
بس لو اذى حازم ..
حجيتها وحازم يصيح ويكلي ارجعي اكلج امشيييي
– رجعت حازم بس عليك الله لا تجي وانتبه والله جعفر مو ادمي ويتربصلك ..
كاعد احجي ويا حازم وامشي ادخل للفرع مال عمي
حيدر طلع بوجهي حجيت لحازم : حيدر هذا كدامي بالسيارة
– لا تصعدين وياه لا تسدين التليفووون
هو حجاها وحيدر نزل بسرعة كضاني من راسي : عبالج اتشردين من عدنا ولج تتزوجين من ورا روسنا ونخليييييج
– حيدر .. حيدر بس احاجيك
– اصعدي
وحازم يكله : اطير منك ابن **** كلي وين واني اجييييك
– اي هلا بيك لا ما انعل والد والديك ابن الجلب
وسداه منه ..
واخذ التليفون وسد الباب وداس بالسيارة ..
كمت اتوسل بيه : حيدر عليك الله .. والله ما سويت شي والعشيرة كالت زفة وبرضاكم .. حيدر ابوس ايدك والله ما سويت شي حرام
– بسيطة بسيييطة اني اعلمج
خلصت الطريق كله .. اتوسل بيه ما جاوبني ولا حجه وياي
وصلني لبيتنا اللي بالشماعية .. حجيت : حيدر عليك الله
– اشششش فوتي لا تشهرينا ولا تفضحينا فوتي بلا حجي
دخلت للبيت بس كلبي يرجف من الخوف
ركضت للمطبخ بسرعة واطكطك باصابيعي واكرض باظافيري من التوتر والخوف ودموعي تجري .. و الساني يهج ما خليت اية ودعاء ما دعيته
واني اصيح ها يا العباس دخيلتك يخو زينب .. لا تعوفني يالعباس احلفك بزينب وكسرتها لا تعووووفني .. دخيلك يالحسين وينك يا علي دخيلتك ..
ياربي نذر عليه سفرة لام البنين لو كضت بخير …دخيلتج اني يالزززززهرة
ربي فدوة سااااعدني
امن يجيب المضطر اذا دعاه ويكشف السوء
رجع اجا للمطبخ انعكد الساني نسيت شلون ادعي وانخي من الخوف
بس رفعت اديه وهو يكلي : تجيبينه للبيت صبا .. اروح للدوام تهرمين من وراي وتجيبين كوا*ج للبيت موووووو
– والله ما جبته جنت مريضة وهو اجا
كفخني : جنتي مريضة لو جنتي بخطبببببببته داخلتله بالخطبة مصلخة بالملابس المشخلعة ماااالج
رجع ضربني على راسي وكال : سهلة بس صبرج وعلي لا ما اندمج .. سهلة
طلع مني واني لشتي ترجف من فوك ليجوا
حتى تليفوني خذاه مني شلون بالله
بس لا يخلي حازم يجي ليجاي ويكتله .. لو يسويله شي ..
شوية ودخل جعفر كاله : وينها وينها
حيدر كام دخل جعفر المطبخ كضاه ويكله : مو هسه اصبر جعفر
– تكو*** من ورانا وووووولج حسبالج ما نلزمممممج حسبالج كوا* ج يحميج من عدناااااا
1
شوية ودخل جعفر كاله : وينها وينها
حيدر كام دخل جعفر المطبخ كضاه ويكله : مو هسه اصبر جعفر
سطرني راشدي وجر راسي تلازم وياه حيدر : مو هسه جعفر مو وكتها
2
– اسمعي ..
فد شوية يجي رجال .. شراي وراح يجون ناس
تلبسين عباتج واطبين توافقين على بيهة البيت وتبصمين
وشهود خاف يطلعون ال**** المهيضهم الكوا* مالج علينا ويكولون البيت ما ينباع الا بموافقتها تبيعين والبيت يصير … انت مال بيت انت مال بيت كوا**ه .. انت مال بيت اذا نخليلج بيت تسوينه مكو** لسوالفجججج ساقطة
يحجي ويكفخ على راسي
واكله : ابيعه وفدوة الكم بس لا تسوولي شي بس رجعوني لبيت عمي
-نرجعج حتى يزفج لكوا*** مووو كاتلة روحج ع *****
فرفحت روحي بين اديهم وهم يكفخون
عافوني بالمطبخ وهم كعدوا بالغرفة .. نطيت من الحر .. روحي طلعت حر وخوف وتوتر .. طبيت للحمام ذبيت على روحي مي وطلعت لفيت الحجاب وكعدت وادعي ادعي ادعي ..
ساعتين مدري تلاثة ..
اجو زلم .. جانوا نسابة جعفر اقارب مرته .. سلم عليهم وصار غير مود يضحك ويجامل واتفق وياهم ع البيعة ٧ ملايين ونص ..
كاملي حيدر وكاله : هاي اختي صاحبة البيت هي الاشترته وهي التبصم ع الورقة
كاله هي الورقة مو طابو ولا شي بس ضمان الواحد يضمن بيها حقه عشائريا خاف صار ما صار المشتري ما ينغلب وهاي بصمات اديهم ..
كتبوا وجابيبن حلب حبر بصمت وكالي : راضية بالبيعة
هزيت راسي وكتله اي
وجعفر يكله : هو اول وتالي الها قابل المن احنا شنحط بجيوبنا يمعود
سلم عليه وانطاه .. ٦ ملايين وباقي الفلوس يستلمهن من يفرغ البيت ويكعد بيه ..
طلعوا الرياجيل .. وهم طلعوا يوصلهم
عرفت من باعوا البيت واستلموا فلوسه ورجعوني للصفر .. هاي راح ياكلوني ويبردون كلبهم بيه
ركضت للحمام بابه حديد دخلت كبل .. وسركيته حيل
دخل جعفر صاح : وين لجججج .. صباااا
دخل للمطبخ ويكله : وين راحت هاي
حيدر : خاف بالحمام
دك الباب : افتحي الباب انت عسبالج حديدة تحميج من عدنا والعباس اليوم دفن ادفنج .. افتحي الباب .. افتحي الباااااااب
كمت اصرخ بكل على صوتي
لان اكو فتحة من الحمام بالحايط فوك بلكت احد يسمعني
واصرخ : الحكوووووووووالي
يا ناااااااس يا عاااااااااالم .. الحكووووووالي ولج يممممممممممه
اصرخ صريخ المحترك وهو يدفر بالبا ويرد يكسره
الباب حديد وثكيل .. يريد يفتح بيه يشيل ما ينفتح واني اصرخ بكل علو حسيي
اندكت الباب برا تركوا الباب وطلعوا
ما ادري ويامن يحجون برا بس اسمعهم يحجون
واني بالمطبخ وهم بالبيت .. سمعت صوت سهى بالبيت .. وهي تتوسل بيهم وتكله : والله احاجيها بس احب ايدك اهدا .. طايحة حظ وعلط بس عليك العباس لا تكتلها جعفر ..
– طلعيها اكلج
– اطلعها والله بس يتيمة وغبية هي غبية ما تعرف ذاك الجلب غواها والله
– اني اعلمها واعلمة شلون يغويها …
كاعد يحجون .. سمعت صوت حازم برا .. كام يدفر بالباب ويصيح .. اني فتحت الباب بسرعة مال الحمام من سمعت
عرضتلي سهى وهي تسد الباب : استري علينا ولج يمصخمة ولج راح يكتلووووج
تلطم على وجهه وتكلي : ولج كااافي ولج خزيتينا اكعدددددي
– حازم اجا سهى
– ولج بعدج اتصيحين خازم اصخام الصخممممج ولج انجي بروحج اني حايرة شلون احميج من جعفر وانت تكليلي حازم وبعدج داااكة عليه
– خاف يأذووو سهى بس وخري خل اسوفهم
كاعد احجي واسمعهم بالكراج .. تصايحوا وتكاتلوا
دفعت سهى من كدامي وطلعت للغرفة .. لكيت حازم هو وجعفر متلتزمي وبالكاع واحد يكتل بالثاني ..
جر حيدر حديدة من يم الكهرباء وطك حازم على ظهره فز حازم كاعد يندارله وجابله الضربة على راسه بعده ديلزم وجهه جعفر دفره للكاع وتولوه طك بالحديدة ..
كمت افرفح بمكاني واصرخ بكل علو حسي .. وسهى مسركة الباب مال الغرفة حتى لا اطلع
اباوعه وكع يم رجليهم وجعفر يكله : شيله شيله كبل لا يجون
1
ركض حيدر طلع للشارع قرب سيارته قريب من الشارع
وشالوه على اجتافهم .. وحطوه بالسيارة والطلعوا
اني فرفحت اصرخ واصيح .. وسهى تجر بيه وتكلي : حيل بيه امشي خل اخذج العمي كبل لاي جون وهم يسوون بيج مثل ما سوو بالمصخممم امشييي
ذبت العباية عليه وتريد تجرني
.. حازم مخابر على اخو وولد عمه يلحكونه للشماعية وكايللهم اني رايح .. بس هم ما يندلون البيت وين .. فجاي ويسالون بيت جعفر وين .. المنتقلين جديد لان ما يعرفون من اخواني غير بس جعفر يعرفون عندي اثنين اخوة بس شنو اسم الثاني ما يدرون
فضالين يفترون ويسالون على بيتنا
لحد ما عمي جاي .. من حازم مبلغه وكايله راح ياخذها لبيت جعفر .. رايح عمي لبيت جعفر مرته كايلتله جعفر راح على بيت صاحبه ما منطيته مكان جعفر الصدك حتى تشوشه
لحد ما سهى مخابرة جعفر وكايللها اني بالشماعية وراح نكتلها
مخابرة وجاية النا .. فعمي لاحكها .. وجاينا وهو بالطريق محمد شايفه وجاي وياه مدليه بيتنا ..
دخل علينا عمي سهى كالتله : عمي ابوس ايدك .. فدوة اخذها يمك لا تخليها تطلع اكسر رجلها ولا تخليها تطلع والله من يكضونها يكتلونها
اني كمت اصيح واكله : حازم كتلووووه عمي كتلووووا حاااازم .. حازم كتلووووه
اصيح وفرفحة والطم على وجهي وعمي يصرخ : حازم شنهي اجا ليجاي وينه
سهى : تعارك ويا حيدر وجعفر وراح
✨✨✨✨✨
– ما راحو خذوه يكتلووه .. كتلوه بذيج الحديدة وراح يكتلوووونه ..
محمد وولد عمه كاموا يدكون الباب وعمي كلهم : حازم جاي ليجاي ومتعارك ويا الولد ورايحين منا
ومحد يكله : هاي سيارة حازم شني الرايحين منا ..
– والله يا عمي شوفة عينكم انا اجيت جيتكم وهالسمعته .. اخابرنهم شلون انا بهالولد من نعلت الله على هيج خلفة زفرة تعل الفاد
يخابر على حيدر على جعفر محد يرد
ومحمد انتبه لصريخي واني اصيح كتلوه كتلوه
كاموا خابروا على عمامهم .. وابن عم حازم كاله : كعدنا واتفقنا وياكم وعلى حب الله كلنا نزفهم ونسد السالفة بس الظاهر ما رايدين تحلونها بالتفاهم .. احنا نبلغ شيخ عشيرتنه واي زلغ بحازم انت تتحملم تبعاته كامل
كام عمي يصيح : انا ياهو مالتي بويه موش اتفقت وياكم وخليت البت عدي وكتلكم هالبسوع تاخذونها سوياة ابنكم هم موش هينة ناهب بت من اهلها ورغم عن اهلها كتلكم تاخذونها مني .. بس ما اكدر لخواها انا شصير ابتليت خو ما ابتليييت
وصلنا للبيت .. عمتي جانت منتظرتنا بالباب
اني فرفحت الطريق كله ابجي ابجي .. روحي راحتي بس شافتني صاحت : ها ولج شسووولج
– عمة كتلووووه ولكم كتلووووه اني شفتهم بعيني كتلوووووووه
وطحت على عمتي انحب واصرخ من كل كلبي وسهى تكلي : يمكصوفة الركبة ولج احمدي الله واشكري طلعتي سالمة من اديهم خايبة لو كاضينج يكتلونج ويذبونج للجلاب وانت كاتلة روحج على واحد سرسري ناهب بت الناس من اهلها
عمتي حجت : يا اهل ذول النهبها منهم ولج يالباطلة .. وين اهلها .. وينكم عنها وتتسمون اهلها .. مرة اتزوجت لا نامت وياه بالحرام ولا عملت الشين .. اتزووووجت
– تاخذ من ورا ظهورنا
– انتم الحطيتوها ورا ظهوركم مو هي الخذت من وراكم .. انتم اللي ما دارين عنها بس بالر تكفولها وكوف جنكم عدوان مو خوان لا بارك الله بيكم
❣️❣️❣️❣️
صبا : ولج عمة كتلوه شلون بيه كليلي والله اكتل روحي واموت لو صار بيه شي ..
– تعاي تعاي ليجاي ..
كعدتني وهي تصيح بسويسو : جيبلها ماي ولك امشي
دخلت ميلاد : ها اجت
– اجت ام حظ المايل اجت … ولاخ على حظج ما كعد ويا وحيد من امداج وامدا حظج يا عمة على هالقسمة هاي .. هيج ارد اكولن
هدى : جا من طلعت ما عرفت تحجي تكول
صبا : كلالي لو حجيتي لاحد هاذ انا كبال دائرته اكتله .. واني خفت لا يسويها بس سواها سواااها وكتلاه .. يا يمه شسوي بحظي
دخل رسول وهو يكول : صدك جذب يا صبا بالقران خزيتينا .. هسه ابوي خابر جبيرنا وكاعد يحجي وياه .. شطببتي روحج بيا سوالف
كاعدة ومستقرة يا زواج يا خر* ..
تعال هسه شنبتلي بجعفر وحيدر شني
نذبهم من العشيرة لو نبتلي بمصايبهم .
عمتي : وهسه ما حصليتهم ما عرفتو وين خذوا الزلمة
– مالهم اثر كلش
انطاني الماي سويسو شربت شوية
وضليت انحب انحب لحد نا راسي صار هالكبره ..
ما نحس الا باب البيت انهجم
وصوت ام حازم ع الباب تصيح : طلعوا ابنييييي .. طلعوااااا باني يممممه
وامل تركع بالباب وتصيح : الله لا ينطييييج ام الرجولة علستي راس الرجاللل انت واخووووتج .. كرضتي رااااااااسه .. وين وديتو رجلي احجوووو
طلعت الهم عمتي .. ونسوان المنطقة التمن وعمي كام يصيح ويطردهن ويكللهن : وانا شنهي راعي ابنكم وين ما تلكون جعفر وحيدر كضوهم واكتلوهم من نعلت ابوكم لابو مصايبكم
🌿🌿🌿🌿🌿
وعمتي تتعارك وياهن وصياح
نسوان المنطقة صفن ويا عمتي وكامن يتعاركن ويا ام حازم وامل والزلم صيحوهن .. على صريخهن وصياحن بنص المنطقة فشار ما ينلبس عليه ثوب ..
بنص هالهوسة ..
اختي منى اجت و هدى وميلاد وعمتي و جهال وصياح وكلام وركض ومعارك كمت احس الكاع تروج بيه .. اكض بيد سهى واحسها تتحرك .. جسمي عرك حيل ذب ماي جسمي كله والبرد سرى من اطرافي .. وغواش نزل على عيوني .. اصطكيت اريد اكض بشي ايدي رخية و الشوف عدي صار خيال .. ورجلية ما شالني .. طحت
هيج كأنما روحي طلعت من جسمي ثواني ..
ما حسيت بروحي شصار غير هوسة وكاعد يضربون بيه بس ما احس بس اسمع .. وما اشوف ..
فتحت عيني على كيف اديه مو ملكي ومنى وسهى يصيحن ويتباجن .. ورسول يكول شيلنها وخواتي يريدن يشيلني كامن يرفعن بيه .. طب يوسف وهو يركض جراني من بيناتهم وشالني
احس بيه شايلني .. بس جسمي مثل الميت .. بس احس واشوف
بس ما اكدر احرك جسمي ولا الساني ينطق ..
حطوني بالسيارة وسهى كعدت يمي وراسي طاح عليها وهي تبجي و تفرك بادية .. رجعت الروح بادية من فركتهن .. وكام يطلع مني انين
دقايق احنا بمستشفى القادسية فات للمستشفى كبل بالسيارة وصاح على كرسي جابوله واجا شافني مفتحة كال يوسف : تكومين تكدرين
اريد احاول اكض روحي واجمع قوتي واعين نفسي حيل مالي اشيل بيه روحي .. جراني وكعدني ع الكرسي ونقلوني للطوارى .. نوموني على سديا عمضت عيوني .. واجا المضمد يفحص ضغط ويسحب دم
ويباوع بعيني .. ويميل وجهي منا ومنا
عدها فقر دم مبين .. وضغطها نازل حيل ..
لازم نحطلها مغذي ..
سهى تحجي وياه وتجاوبه ..
ويوسف دخل اني غمضت عيوني ..
ما ادري شضربني من ابر .. وشكلي مغذي نمت .. ما حسيت بوجودهم لحد ما ندهتني سهى كالت : كومي يلا احبيبة امشينا .. شسويتي بروحج وشعميتي عليها
مو جنتي وردة وزاهية ولج بيت واشتريتي وشغل واشتغلتي وايدج خير .. ومرتاحة ولج شلج بالرجل والعرس شحصلتي من الرجل حتى تردين تاخذين امدا حظج يخايبة ما كعد ولا صفى ..
2
تحجي وتبجي فوك راسي ..
حجيت : حازم لكوه
– مالنا خبر عنه خلنا نحير بمصيبتج .
اخذوني للبيت بس احس حرارتي ارتفعت صخنت حيل
ما ادري شصابني .. كامت الالم تنبع وتطلع بجسمي بطني وجع يروح ويرجع وروحي لعبانة كلش ..
رادتني اكل ما كدرت اكل احس روحي كلش لعبانة
واريد ازوع … والم ببطني كاعد يربط بظهري اتشنجت منه حيل
2
كمت الوب وراسي ذبحني
كعدة ما اكدر واكلها :عمة راح اموت بطني
-شكلتي يا عمة شو لكمة ما حطيتي بحلكج بس هاي القهر وفهايله جا هو القهر كليل ياكل الحيل اكل
كضيت بمنى كتلها : بس ضلي اسمعيلي بلكت اكو خبر عن حازم
/لهسه عمي وياهم يريدون يحصلون حيدر وجعفر ما هم ..
-اااااخ ولج يمه ولج يممممه المن ليا ضيم خلفتينيييييي
ولج يمه اخذيني يمج ااااخ
كام يزيد الوجع بشكل مو طبيعي
كالت سهى : امشي كومي خل ارجع بيج للمسشتفى كومي
خذتني وتمشي بيه لحد ما وصلنا راس الشارع ركبتني كيا للمستشفى بس الالم كام ما ينحمل .. من وصلت هناك ابو الطوارى يريد يفحص واني اصرخ من الالم والوجع واصيح : اخخخخخ ولج يمه
نقلوني على فحص سونار
كالوا .. ضربت عدها المرارة ولازم تدخل العمليات فورا ..
لا جايبة جنسية لا احد ويانا لا مستمسكات بس اني وسهى ..
كالتلهم : دخلوها
كالولها لازم تكملين اوراقها وتامنين بطلين دم ..
راحت هي وهم اخذوني ضربوني ابرة ونوموني ع السديا .. هود عندي الوجع بس سكنت .. شوية واجوني جايبيلي ملابس العمليات .. نزعو مني هدومي كلها ولبسوني ملابس العملية .. وكالتلي الممرضة امشي وياي
مشيت وياها روحي تلعب اريد بس ازوع ..
نومتني ع السديا .. واخذوا اديه والضوا مال العمليات سحبوه صار بعيوني .. جهاز خلوه بيدي منا وايد كاموا يسحبون منها دم و يخلون بيها كانونة ..
صار زلمة فوك راسي حط كمامة نايلون على خشمي ..
وحجه : شسمج
– صبا
– خايفة صبا
– حيل
حجيتها وكمت اشوفه مغوش لحد ما طفن عيوني وفقدت …..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عاجر)
