رواية عائله ديجا الفصل الأول 1 بقلم بسمة أبو العلا
رواية عائله ديجا الجزء الأول
رواية عائله ديجا البارت الأول
رواية عائله ديجا الحلقة الأولى
الكافيه في القاهره قاعدين اتنين بيتكلمو
خديچه : ماينفعش يا احمد والله
احمد : هينفع صدقيني
خديچه بضيق: هينفع ازاي انا معايا اخويا و عمري ما هسيبو ابداً دا اللي فاضلي من ريحه ابويا و امي الله يرحمهم
احمد : و مين قالك انك هتسبيه بس هيعيش معانا طبعاً
خديجه: لا هتزهق مننا
احمد : بصي يا خديجة انا لو ماكنتش عايزك مش هقولك تتجوزيني أو اطلب منك رقم خالك خديجه انا بحبك بجد و مش عايز غيرك ياريت تفهمي دا و متخافيش أبداً طول مانا معاكي ممكن
خديجه: ممكن
في الشركة قاعد في مكتبه تليفونه رن
احمد: السلام عليكم
مالك: وعليكم السلام مين حضرتك
احمد : انا احمد كنت عايز اكلم حضرتك في موضوع يخص خديچه بنت اخت حضرتك
مالك بقلق و خوف: طب اتكلم هيا حصلها حاجة
احمد: لا أبداً ممكن اقبل حضرتك الساعه 7 في كافيه في المعادي
مالك: تمام ماشي
في البيت عند خديچه بتكلم صحبتها
خديجه: والله زي مابقولك كدا عايز يتجوزني
سيلا : تمام و اي المشكلة
خديجه: يبنتي انا و اخويا مسئولية كبيرة اوي و انا خايفه يزهق مننا و يطلقني
سيلا : خديجه هسألك سؤال انتي بتحبيه
خديجه: دا انا بموت فيه بس خايفه
سيلا: يبقى سبيها ع ربنا و انشاء الله كل حاجة هتتحل
خديجه: انشاء الله اسيبك انا بقى هقوم كدا اشوف أسر
سيلا : ماشي يا قلبي سلميلي ع أسر
خديجه: ماشي يا حبيبتي باي
في الكافيه قاعدين بيبصو لبعض بصمت و اخيرا مالك اتكلم
مالك: اتكلم احنا بقالنا ساعة قاعدين و انت ساكت
احمد : حاضر هتكلم اهو انا بصراحه طالب ايد خديجه بنت اخت حضرتك
مالك: شوفتها فين
احمد: شوفتها اول مره صدفه في الجامعة لما كنت بجيب اختي و شوفتها تاني مره في الكافيه جنب الجامعة و من ساعتها و انا اعجبت بيها و اتكلمت معاها عشان اجيب رقم حضرتك منها بس
مالك : تعرفها من امته
احمد: من شهرين
مالك: طب انت بتشتغل اي و اهلك مين
احمد : انا اسمي احمد الالفي بشتغل في الشرطة و ابويا متوفي و امي الحمدلله عايشه و عندي 27 سنه
مالك: والله انا هتكلم معاها و هشوف رأيها اي
احمد: تمام ماشي مستني ردك
مالك: ماشي
في بيت مالك قاعد بيتكلم مع مراته بعد اما قالها ع الموضوع
رزان: طب رأيك اي
مالك: انا عن نفسي موافق بس اهم حاجه رأيها هيا
رزان : طب قوم قولها
مالك: هيا فين
رزان: في الاوضه مع أسر
مالك: ماشي
في اوضه خديجه دخل عليها مالك بعد اما خبط
مالك: أسر حبيبي روح العب مع معاذ
أسر: حاضر يا خالو
بعد اما أسر خرج
مالك: احمد كلمني انهارده و انتي اي رايك
خديجه: خايفه يا خالو
مالك: خايفه من أي بس تعالي يا حبيبتي في حضني و احكيلي
خديجه حضنت خالها
خديجه: خايفه يزهق مني و من أسر
مالك: بتحبيه يا ديچا
خديجه بكسوف: ايوا
(ملحوظه مالك بيحب خديجه جداً و بيعتبرها بنتو و هو معودها انها تحكيلو كل حاجة)
مالك: بيبقى سبيها ع ربنا
خديجه لسه هترد لقيت اللي بيقتحمو الاوضه ندي و إلياس ولاد مالك
ندي: و احنا ملناش في الحضن دا
مالك: لا ازاي تعالو طبعاً
ندى و إلياس جريو ع حضن ابوهم
و مالك حضنهم كلهم
مالك: ربنا يخليكو ليا يارب
في صباح يوم جديد تقوم خديجه من ع الفراش تتوضي و تصلي الظهر و تنزل تلاقي ندي قاعده و تقعد جنبها ع الكنبة
خديجه : امال فين طنط رزان
ندي: عند تيتا
خديجه: ماشي
ندي: مالك انتي تعبانه ولا اي
خديجه: يعني دماغي وجعاني شوية
ندي : اقوم اجبلك برشام طيب
خديجه: لا يا حبيبتي
في بيت احمد قاعدين كلهم على السفره
حسام( اخو احمد) : انا كلمت عمك انهارده و هنروح اخر الاسبوع نخطبلك ميرفت
احمد: و مين قالك اني هتجوز ميرفت اصلا انا في بنت بحبها و هتجوزها
حسام: ازاي يعني الكلام دا انا كلمت عمك خلاص
احمد بعصبية : و انا مش هتجوز ع مزاجكو انا كلمت خالها امبارح و اتفقت معاه
ساره ( امه) بزعيق : دا انت كمان روحت و اتفقت و اكن مالكش أهل و بعدين دي عادات وتقاليد
احمد بزعيق : انتو اي حرام عليكم انا مش هتجوز واحده مش بحبها لمجرد العادات والتقاليد
حسام ببرود : هتحبها بعد الجواز
احمد بزعيق: و انا مستحيل اتجوزها
حسام: يبقى تتطلع برا البيت دا و انسى انك ليك أهل
احمد : يكون احسن برضو انا ما يشرفنيش انكو تبقوا اهلي
ريما ( اخت احمد): ابيه احمد
احمد بصلها : اي
ريما : انا هروح معاك
حسام: بنت تعالي هنا
ريما : لا
حسام و يزن ( اخو احمد) مسكوها و هيا عاملها تعيط
احمد بصوت عالي: ريما خلي بالك من نفسك و اوعي يعملوا معاكي زي ورد
(طبعاً هنعرف مين ورد دي في الأجزاء اللي جايه)
في بيت خديجه
خديجه بتلبس أسر
خديجه: خلي بالك من نفسك
أسر: حاضر
خديجه داخت ف أسر قالها بخوف : مالك يا ديچا
خديجه: مافيش يا حبيبي
أسر باس خديجه من خدها و نزل
في شقه احمد قاعد ع الكنبة مغمض عينه و مرجع راسه لورا تليفونه رن
المتصل: الو
احمد: ايوا يا نادر عامل اي
نادر : الحمدلله و انت
احمد : مخنوق أوي و تعبان
نادر: انت فين طيب
احمد: في الشقه اللي في الزمالك
نادر: ماشي انا جايلك اهو
احمد: تمام
و قفل معاه و بص ع الصوره اللي حاططه خلفية
احمد بعياط: وحشتيني اوي موتي بسرعه اوي عمري ما كنت اتخيل انك تموتي بسرعه دي
باس الصورة و قفل الفون
حسام بزعيق: شايفه ابنك يماما
ساره: اهدي انا هروح اتكلم معاه احمد طيب و غلبان
يزن بسخرية: مين دا اللي غلبان يماما انتي اللي غلبانه والله
حسام عصبيه: ما انا و يزن اتجوزنا بنات عمنا و مقولناش حاجة اشمعنا هو يعني اللي اعترض
ساره ببرود: اهدو بقى انتو الاتنين قولتلكو احمد غلبان و هيسمع كلامنا
في شقه احمد قاعد مع نادر صحبو من ابتدائي و ابن خالته
نادر : طب ممكن تهدى
احمد بعصبية: أهدى ازاي اقول انا اي لخال خديجه اقولها اهلي مش موافقين عليكي
نادر: يبني اصبر بقى انا هاجي معاك و هتصرف
احمد: ماشي
بعد يومين
في بيت خديجه ع السفره
مالك: ها يا خديجة قولتي اي
خديجه: اللي تشوفه يا خالو
مالك: يعني موافقة
خديجه بكسوف: ايوا
ندى: في اي يجدعان و خديجه موافقة ع اي
مالك: خديجه جالها عريس
ندى و إلياس بفرحه: بجد
خديجه: ايوا
أسر قام من ع الاكل و طلع اوضته
خديجه: طب بعد اذنكم هطلع اشوف أسر
مالك: ماشي
في اوضته أسر
خديجه: مالك يا أسر
أسر بزعل : مافيش
خديجه: والله هو واضح فعلاً أن مافيش هو مش احنا صحاب و بنحكي كل حاجة لبعض مالك فيك اي
أسر بعياط: بابا و ماما راحو عند ربنا و انتي هتتجوزي و تسبيني
خديجه: و مين قالك بس اني هسيبك طبعاً هاخدك معايا انا معنديش حد اغلي منك عمري ما هسيبك ابداً لحد اخر يوم في عمري انت ابني قبل ما تكون اخويا
أسر: بجد مش هتسبيني
خديجه بابتسامه: لا طبعاً
أسر: انا بحبك اوي
خديجه: انا اكتر يا قلبي
في صباح يوم جديد في شركة مالك الباب خبط
مالك: اتفضل
السكرتيره: في واحد برا عايز حضرتك يا فندم
مالك: تمام خليه يدخل
احمد: السلام عليكم
مالك: وعليكم السلام تعالى يا احمد اقعد
قاعد احمد ع الكرسي
احمد : حضرتك مارديتش عليا
مالك: كنت هكلمك انهارده بعد الشغل عموماً هيا موافقة
احمد: بجد طب اجيلكو امته البيت
مالك: هات اهلك و تعالى يوم الخميس انشاء الله
احمد بتردد: بص بصراحه
مالك: في اي
احمد: من غير لف و دوران كدا انا اهلي مش موافقين و عايزيني اتجوز بنت عمي عشان العادات والتقاليد و انا مبحبش بنت عمي دي انا بحب خديجه قالولي امشي و انسى أن ليك أهل و مشيت و سبتلهم البيت
مالك بهدوء: بس انا مش موافق
احمد: انا ضحيت بكل حاجه عشانها انا بحبها انت مش متخيل انا بحبها قد اي
مالك اتنهد: هشوف رأيها الاول
احمد: تمام ماشي مستني ردك عليا
مالك: ماشي
مشي احمد و مالك قاعد يفكر هيعمل ايه
في بيت خديجه بالتحديد في اوضه خديجه ندى و إلياس اقتحموا اوضه خديجه
خديجه بخضه: في اي
ندي و إلياس في نفس الوقت : انتي ازاي ما قلتلناش على العريس
خديجه: عادي يعني بحسب طنط رزان قالتلكو
ندى برفع حاجب : والله 🤨
فجأة الاتنين جريو عليها و حضنوها
إلياس: هتوحشيني اوي
خديجه: و انت كمان هتوحشني اوي
ندي: هتوحشيني موت
خديجه: انتي اكتر واحده هتوحشيني
إلياس😳: والله
فجأة قام ضربها بالمخده و فضلوا هما التلاته يضربوا بعض بالمخدات و يضحكوا لحد اما خديجه اتكلم و قالت : كفايه بقى تعبت
ندي : اه والله
إلياس: احسن
خديجه بضحك: عيب عليك دا انت التوب و الباقي كانتالوب
إلياس بضحك: ايوا بقى
تليفون إلياس رن
إلياس: بس بس اسكتوا
خديجه: مين
إلياس: ارد طيب و هبقى اقولك
إلياس رد : تمام الحمدلله و انتي
المتصل: وحشتني اوي
إلياس نسي أن خديجه و ندي معاه في الاوضه
إلياس: و انتي كمان يا روكا
ندى بهمس: مين روكا دي
خديجه بنفس الهمس : و انا ايش عارفني بس اصبري يخلص و نعرف مين روكا دي
ندي : ماشي
إلياس: بعشقك
روكا : انا اكتر يا قلبي
إلياس: بقولك تعالي نخرج بكره
روكا: اوكي يا قلبي
إلياس: بتعملي اي
روكا : بذاكر
إلياس: طب روحي كملي مذاكره و لما تخلصي كلميني
روكا : ماشي باي
إلياس: باي يا روحي
خديجة بعد اما قفل : روحك
ندى: و روكا
إلياس بخضه: اي دا انتو لسه موجودين طب يلا اطلعوا برا
خديجه: نطلع برا فين يا بجح انت دي اوضتي
إلياس: اه صح نسيت انا خارج
خديجه: لا يحبيبي مش هتتحرك من هنا غير لما تقولنا مين روكا دي
ندي : ايوا فعلاً مين روكا دي
إلياس: و انتو مالكم
خديجه بصوت عالي: يا خالو
إلياس بسرعه كتم بقها : بس اسكتي اي
خديجه: طب قولنا مين دي
إلياس بضيق: واحده معايا في الدرس اسمها رقيه ارتحتو كدا
ندي : اه خدنا معاك بكره
إلياس: لا طبعاً مستحيل
خديجه: خلاص بقى انت حر بس لما اقول لخالو متزعلش بقى
إلياس: لا كلو الا بابا خلاص هاخدكم معايا و امري لله
خديجه و ندى بفرحه: ماشي
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية عائله ديجا)
