رواية ظننا انه باب الامل الفصل الثاني والثلاثون 32 بقلم ملك ناصر

رواية ظننا انه باب الامل الجزء الثاني والثلاثون

رواية ظننا انه باب الامل البارت الثاني والثلاثون

رواية ظننا انه باب الامل الحلقة الثانية والثلاثون

عند جاسر..
طلع الاوضه بتاعتوا لقا عشق خارجه من الحمام لابسه
بيجاما وبتنشف شعرها وكان شكلها حلو اوي.. تجاهلته
وكملت اللي بتعملو..
اما هو فقرب منها ومسك الاستشوار اللي بتنشف بيه
وبينشفوا هوا..
كيان بصتلوا وكانت ساكته ملامحها مش معروف حزينه ولا
قاسيه ولا مبسوطه ولا ايه بالظبط..
جاسر وهو بيمشي ايدوا على شعرها الناعم: انا عارف انك
مش هتسامحيني بس عايزك تعرفي اني هعمل كل حاجه
علشان ترجعي تحبيني زي الاول..
كيان: مظنش يا جاسر وبعدت عنو شوية وهي بتشيل ايدو
انت جرحتني اوي وشكيت فيا.. معقول كل ده متعرفنيش..
كل ده ومعرفتش شخصيتي..
جاسر وهو بيلفها تاني وبيضفرلها شعرها: انا واثق فيكي اكتر
من نفسي ولو حد كان قالي مكنتش هصدق.. بس لما سمعت
التسجيل والغضب عماني.. داليا لعبتها صح وعرفت تفربك
التسجيل بشكل احترافي لدرجه اني صدقت..
كيان: هي ليه داليا عملت كده انا مش فاهمه؟! هي بتحبك
جاسر بسرعه: لا.. هي مش بتحبني.. ده حب تملك.. من وهي
صغيره مقتنعه هي وماما اني هتجوزها.. ولما اتجوزت عشق
كانت بتعمل مشاكل بيني وبينها كتير بس احنا كنا فاهمنها
ومكناش بنتخانق.. ومقدرتش تفرقنا.. وكمل بتنهيده.. بس
كان مكتوبلنا نتفرق في يوم من الايام..
كيان لقت في عينو نظرة حزن بصت في عينو وقالتلو:
ل. لسه بتحبها.. قالتها وهي بتتمنى انو يقول لا وينكر..
جاسر: مش هكدب عليكي واقولك لا.. انا بحبها.. بس مش
الحب اللي كنت فاكرو طلع حب عشرة واعتياد مش أكتر.. انا
كنت مفكر اني اول حب هو الحب الحقيقي.. بس الكلام ده
غلط.. الحب الحقيقي انك تلاقي تؤام روحك اللي قلبك دقلو
بجد اللي حبيتو من اول مرة شوفتو فيها.. انتي حبي
الحقيقي يا كيان.. حبي الاول والاخير الابدي..
كيان كانت بتسمع الكلام ده وهي بتحاول متضعفش اودام
كلامو بتحاول توقف نبضات قلبها اللي بدق بسرعه..
قامت وقت بسرعه وقالت بتوتر: ا. انا هنام.. تصبح على خير
جاسر اتنهد تنهيده حزن وعرف انها عنيدة ومش هتتصالح
بسرعه: وانتي من اهلو يا حبيبتي..
راحت كيان ونامت واديتو ضهرها وهي بتفكر في كل كلمه
قالها وعلى وشها ابتسامه كبيره..
……… صحيت كيان بليل علشان تنزل تشرب بس لما قامت
ملقتش جاسر اودامها.. وسمعت صوتو جاي من اوضه تغيير الملابس..
جاسر بصوت واطي: تمام هنتقابل بكره الساعه كام..
البنت:………
جاسر: تمان عايزك تجهزي كل حاجه ومش عايز حد يعرف اي
حاجه تمام..
البنت:……….
جاسر: تمام يا قمر اقفلي بقا علشان كيان متسمعنيش..
كيان دخلت الحمام بسرعه وجاسر سمع صوت قفل الباب..
اول ما دخلت وقفت ورا الباب وحطت اديها على بوقها
بصدمه وهي بتحاول تمنع عياطها..
بره عند جاسر..
ياترى سمعت حاجه.. يارب متكونش سمعت ربنا يستر
»»»»»»»»»»»»»»»»»»»»»»»»»»»»»»»»»»»»»»»»»»»
تاني يوم
»»»»»»»»»»»
في الجامعه……
كانت مليكه قاعده في الكافتيريا بتشرب القهوه بتاعتها
وحاطه الهاند فري بتسمع اغاني لحد معاد المحاضرة الاولى..
جه انس من وراها وقعدت على الكرسي اللي جمبها..
شالت مليكه الهاند فري: دكتور انس..
انس: قلبو
مليكه: نعم؟!
انس: عامله ايه
مليكه: الحمدلله بخير
انس: دايما.. هييييح.. كنت عايز اكلمم في موضوع
مليكه: اتفضل
انس: اظن سيبتلك وقت تفكري وبقالك اكتر من اسبوعين
سايبك تفكري براحتك
مليكه بتمثيل الغباء: على ايه..
انس: مليكه بلاش تعملي نفسك مش فاهمه.. انا عايز اتقدملك
مليكه بخجل: انا.. انا
انس بحماس: ها هتقوليها اهو
مليكه بكسوف شديد: كتبتلو رقم والدها في ورقه وادتهالو..
ده رقم بابا تعالى وبابا هيبلغك ردى
ومشيت بسرعه من اوداموا..
اما انس فكان مش مصدق نفسو من الفرحه.. هو فعلا كان
بيبحها جدا من اول يوم جت فيه الجامعه وكان مستنى
الوقت المناسب اللي يقولها…
عند كيان وجاسر..
صحيت كيان واتفاجات لما……