رواية طبيبي الفصل الرابع 4 بقلم سلمى عبدالجليل
رواية طبيبي الجزء الرابع
رواية طبيبي البارت الرابع
رواية طبيبي الحلقة الرابعة
آسر بتوهان : بحبك
حور زقته وبعدت عن حضنه
آسر باحراج : انا اسف والله مش قصدي دي دي
حور : ان شاء الله حبيبتك تحبك ي دكتور بس مش لدرجة انك تتخيلها انا يعني
آسر بأسف :مكنش قصدي والله انا بس لما بتكلم عنها ببقى مش احسن حاجة
حور : خير ي دكتور حاسة ان الادوار اتبدلت وانا الي بعالجك دلوقتي
آسر ضحك واخد حور ورجعوا الخطوبة
احمد : متاخرتوش يعني
آسر بضحك : خلصنا الكلام بق
احمد بهزار : دي حور دي رغاية مووت ازاي خلصت كلام
حور بصت لباباها جامد وقالت : مش كدا ي بابا
ابراهيم ضحك : طب ادخلوا يلا الحفلة لسه شغالة
حور بصت لآسر الي طمنها بنظراته ودخلوا وقعدوا جنب بعض
حور كانت بتبص عليهم وهي عمالة تفرك ف ايديها م التوتر
آسر حط ايديه بهدوء ع ايديها وبصلها وابتسم
حور بصتله بعيون فيها دموع
ميل عليها وقال بهدوء : لو عيطتي هطربق عليهم القاعة بالي فيها انا ع اخري خلقة
فضل ماسك ايديها جامد
الدي جي : صحاب العريس و العروسة ياريت تتفضلوا معانا ع الستيدج
عبير راحت لحور وكان آسر شال ايديه بهدوء من ايد حور
عبير : اي ي حبيبتي مش هتطلعي مع ريهام
حور بتوتر : مش قادرة ي ماما
عبير بقلق :انتي كويسة ي حبيبتي
آسر: يلا ي حور تعالي انا كدا كدا طالع لعمر
حور بصتله
آسر بهمس: صدقيني دا الاحسن قومي
حور قامت وراحت معاه هو رجع للشباب وهي وقفت وسط البنات وحاولت تكون مبتسمة دايما عشان محدش يحس بحاجة وكانت بتصقف وكل م عينيها تيجي ف عين ريهام ريهام تبعد عينيها بسرعة عشان متواجههاش صحابهم قربوهم من بعض لانهم عارفين انهم اقرب اتنين لبعض عشان يرقصوا سوا كل واحدة مكانتش عارفة تبص للتانية ف حور خرجت من وسطهم وبعدت بحجة انها هتدخل الحمام راحت الحمام غسلت وشها وحاولت تهدى وخرجت قعدت ع الكرسي بتاعها لقت وردة وفيها جواب وعليه اسمها من برة خدته لقت مكتوب فيه “مينفعش العيون الجميلة دي ينزل منها دموع امسحيها عشان خاطري ”
بصت حواليها كان كل واحد ف مكانه عادي بعدها آسر جه وكان شكله متضايق
آسر : اي الوردة دي مين الي ادهالك
حور : مش عارفة انا لقيتها هنا ومعاها الجواب دا ومكتوب عليه اسمي
آسر اخد الجواب والوردة وقرا الكلام وقام مقطع الجواب وساب الوردة مكانها
آسر بعصبية : يلا نمشي
حور بعدم فهم : اي دا في اي
آسر : بقول يلا نمشي
حور : وانا من حقي اعرف ليه
آسر بنفاذ صبر: هتمشي ي حور ولا عاوزاني اقلب الفرح عزا
حور بخوف : خلاص يلا
آسر راح لابراهيم واحمد : انا هاخد حور ونمشي في حالة ف العيادة مش كويسة وطلعت حور عارفاها ف لازم تكون معايا
احمد بقلق : طب الوضع كويس هناك ي ابني
آسر :مش عارف والله لسه هروح واشوف ومتقلقش حور ف ايد امينه
ابراهيم : ربنا معاك ي حبيبي
احمد : طب خلي بالك منها ي آسر دا اي اليوم الغريب دا
آسر : حاضر ي عمي
واخدها ومشي وطول الطريق عمال يخبط ويرزع ف العربية وفجاة وقف خد علاج وبص لقى حور اتخبطت ف ازاز العربية دماغها اتعورت
آسر بصلها لقاها بتعيط والدم نازل من دماغها نزل م العربية بسرعة ولف للكرسي التاني شاف الجرح لقاه بسيط طلع قطن وبيتادين من شنطة العربية وطهر الجرح وحط لزقة طبية وقعد ع الارض قدامها يبصلها
حور بدموع : هو في اي ولي كذبت عليهم انا مس فاهمة حاجة
آسر فضل يبصلها بس
حور : طب اي الي ف دماغك طيب خلاك تعمل كدا وتمشي بالسرعة الجنونية دي وف الاخر انا الي اتعورت
آسر : لو عرفتي الي ف دماغي هتخافي ف خليكي مش فاهمة كدا احسن
حور : من حقي افهم ي آسر هو في اي دا انا معرفكش غير من يومين مين اداك الحق انك تعمل كل دا مين اداك الحق تمسك ايدي اصلا انت بتستغل اني مش كويسة وبتقولي بتحب واحدة ومش عارف اي انت لو بتحبها مكنتش تعمل كدا اصلا
آسر بصلها ومردش
حور : انا بتكلم ومن حقي عليك انك ترد انا بمشي ورا الي بتقوله عشان المفروض ان دا الصح دا الي هيخليني اتعافى وابقى كويسة دا الي هيخليني انسى علاقات كتيرة مؤذية ف حياتي بس الي اكتشفته اني بتعالج عند شخص محتاج يتعالج
قالت جملتها الاخيرة ونزلت م العربية ومشيت بعيد
آسر قام بسرعة شدها من دراعها بقوة ورجعها العربية وقفل الباب ومشي
حور : انت بتعمل كدا ليه وواخدني ورايح فين آسر انت مش كويس صح خلاص اهدي
آسر كان ماشي بسرعة كبيرة جدا ومبيردش عليها وصوت انفاسه عالية
حور بدموع :انا خايفة ي آسر ارجوك هدي السرعة
ف اللحظة دي آسر وقف مره واحدة وحضنها بكل قوته وهي عماله تعيط وبتحاول تبعده ولكن مش عارفة
آسر بدموع : اسمها حور اسمها حور احمد حبيبتي وبنتي وكل حاجة حلوة ف حياتي بحبها من سنين من يوم م اتولدت وجبتلها العروسة هديه كنت محوش مصروفي من ساعة م عرفت ان طنط عبير حامل لحد م عرفت انها ولدت روحت اشتريتلك العروسة البينك الي عندك ف اوضتك بوست ايديكي يومها وانتي ضحكتي ومسكتي صباعي كل الموجودين كانو مبسوطين والاجواء كانت حلوة اوي كنتي بتكبري وحبك ف قلبي بيكبر كل يوم عن اليوم الي قبله كأن ربنا خلقك عشان تملكي قلبي وميكونش لغيرك ابدا بعد.م خلصت ابتدائي بابا خدني انا وماما وروحنا المانيا كملت دراستي هناك وبابا كان ع تواصل دايما مع عمو احمد وكان دايما يبعتلنا صورك انتي وهو سوا انا عاملك البوم خاص ف البيت انا اوضتي زي شقة صغيرة ليكي اوضة جوا اوضتي عبارة عن صورك وهدايا عيد ميلادك بتاع كل سنه كنت بحيبها واعينهالك جبتهم كلهم من المانيا لما نزلت بابا سابنا هناك ونزل فتح عيادته هنا لان خالو كان معانا درست هناك طب نفسي ورجعت بعد م خلصت دراسة هناك انا وبابا كذبنا عليك ف حوار التخرج وكل الكلام دا انا اصلا دارس ف المانيا لما دكتور عماد كلم بابا بابا قالي وانا قولتله ان انا الي هكون الثيرابيست بتاعك لغيت المواعيد عشانك اتفقت معاه اني ممكن ارن ف اي لحظة والي اقوله يعمله هما كانو يومين برغم الاكشن الي فيهم بس كنت مبسوط بوجودك الي بعت الوردة والجواب هو عمر دا خطه وانا اقدر اميزه كويس اوي كنت بساعده وانا ف المانيا ف الحاجات الي بتقف معاه وكان بيبعتلي حاجات كاتبها ف انا عارف خطه كويس المسج الي جاتلك ع الصراحة واحد صاحبه هو الي باعتها كانو متفقين يهزروا ويضحكوا معاكي ويستهزؤا بحبك ليه وريهام طلعت كانت بتكلمه من اول م دخلتوا الكلية كل دا عرفتوا لما طلعت ارقص وسطهم انا وهو صحاب من زمان بحكم صداقة بابا و عمو حامد وعارفين بعض كويس واحد من صحابه خدني ع جنب وقعد يحكيلي قال اي عن مغامراتهم وحكالي كل الي حكيتهولك دا وريهام هي الي كانت بتعرفه كل حاجة عنك عشان كدا جيت وانا متعصب ولما شوفت الوردة والجواب فهمت هو لسه عاوز يلعب بمشاعرك تاني وانا مستحيل اقبل بدا
خرجها من حضنه هي كانت ف حالة صدمة من كل حاجة سمعتها صدمتها ف صاحبتها وف الشخص الي بتحبه وف الشخص الي المفروض ثيرابيست
حور : انا عاوزة اروح
آسر : طب اتكلمي قولي اي حاجة
حور : انا عاوزة اروح ي آسر محتاجة ابقى لوحدي
آسر : حاضر
آسر اخدها وراحوا البيت ولكنها منزلتش م العربية ف سند راسه ع الكرسي وبصلها
هي معيطتش ولا ادت اي رد فعل ودا خلاه يخاف اكتر عليها كانت ساكته وشها بدون اي تعابير لا تعابير غضب ولا حزن ولا اي حاجة وشها خالي م التعابير والمشاعر فضل يبصلها بدون م يتكلم بعد حوالي ربع ساعة م الهدوء دا آسر اتكلم
آسر : طب انتي عاوزة اي دلوقتي وانا اعملهولك اطلبي اي حاجة وانا اعملهالك وقتي بس متسكتيش كدا بالله عليكي
حور بهدوء : طلعني انا مش هقدر امشي
آسر بسرعة نزل م العربية ونزلها منها و فضل ماسكها وهي مش قادرة تمشي فتح باب الشقه ودخلها قعدت ع الكنبة وهو ع الكنبة الي جنبها
آسر : اعملك عصير او حاجة
حور : لا
آسر : طب انزل اجبلك مهدا عشان تهدي وتنامي
حور : لا
آسر : متضطرنيش استخدم اساليبي كفاية الي حصل من شوية انا مش ع بعضي لوحدي
حور بصتله ومردتش
آسر :حور متخوفنيش انفعلي صرخي زعقي اعملي اي حاجة لكن متسكتيش
حور : هتكلم اقول اي
آسر : اي حاجة
حور : مليش نفس
آسر : حور الساعة بقت ١١ زمان اهلك جايين مش هينفع كدا لازم تبقي كويسة قبل م ييجوا عشان امشي انا كمان باباكي هيقول اي مامتك وعارفة اني الدكتور المعالج باباكي بق لما يلاقي بنته مع ابن صاحبه ف الشقة لوحدهم
حور بضحك : م باب الشقة مفتوح اهو متقلقش انا بصوت بسرعة
آسر فهم انها ابتدت تهلوس ف مردش
حور ضحكت جامد فضلت تضحك كتير وهو فضل يبصلها هو فاهم ان دا احد ردود الفعل نتيحة للي هي شافته وسمعته انهاردة ابتدت تتحرك يمين وشمال وقامت
حور : يعني انت بتحبني وهو بيضحك عليا وانا بحبه وصاحبتي بتحبه وهو خد صحبتي وضحك عليا
وفضلت تكرر الكلام دا كتير وتضحك بعدها قعدت ع الارض و وفضلت تحرك راسها بعشوائية اتخبطت ف ازاز الترابيزة دماغها اتفتحت آسر جري عليها لقى الجرح عميق جاب مناديل وحطها بسرعة ع الجرح واخدها ونزل ع المستشفى الدكتور خيط الجرح وآسر اخدها ومشي بالعربية
حور : وديني كافية
آسر : حاضر
آسر اخدها وراحوا كافية قريب م المستشفى
آسر : عاوزة تاكلي اي او تشربي اي الحاجة الي تحبيها اطلبيها
حور بضحك : عاوزة عمر
وفضلت تضحك كتير
آسر متكلمش
حور بصتله وغمزت : انتي غيرانة ي بيضة ي خلااااثي
آسر بصلها ومردش
حور : انا بردو كنت مستغربة ردود فعلك معايا مكانتش ردود فعل طبيعية بردو ازاي مشكتش
آسر مردش عليها كان.حابب انها اخيرا اتكلمت حتى لو بتعك ف الكلام
حور : هطلب نسكافية وتشيز كيك و مولتن كيك وجاتوه
آسر بصلها وضحك
حور :لو مش معاك يكفي انا معايا متقلقش
آسر كمل ضحك
حور : وسموزي خوخ
آسر طلب لنفسة تشيز كيك وقهوة وطلبلها كل الي هي عاوزاه وقال للويتر يجيب المشروابات السخنة بعد م يخلصوا الحاجات الباردة
حور : ممكن اسالك سؤال
آسر :اتفضلي
حور :لما انت بتحبني طول السنين دي يعني انت دلوقتي بتحبني بقالي حوالي ١٧ سنه صح ؟
آسر هز دماغه بأيوة
حور :استحملت ازاي دا انا حبيته اربع سنين وكنت بولع كل يوم
آسر : دي قدرات وكل واحد له قدرة تحمل ربنا بيديهاله
حور بحزن: انا اسفة
آسر :ع اي
حور : عشان فضلت تتعذب بسببي كل السنين دي
آسر بابتسامة : يهون الزعل لاجل شوفتك ي جميل
حور ابتسمت وبعدها ابتسامتها اختفت
آسر :مش كنتي بتضحكي من شوية اي الي حصل دلوقتي
حور : اوعدك اني هعمل كل حاجة عشان احبك وانت تعمل كل حاجة عسان تخليني احبك
آسر : لو ع اني اخليك تحبيني ف دا شئ سهل جدا.متقلقيش انا عارف عنك كل صغيرة وكبيرة واقدر اخليكي تحبيني الفكرة ف تخطي جرح قديم مش حب قديم
حور بصتله وسكتت ووقتها كان الويتر جاب الطلبات
حور بصدمة : اي كل دا هو انت عازم ناس معانا
آسر ضحك : دي طلباتك ي ست البنات
حور اتخضت وبعدها ضحكت وبدات تاكل
آسر بصلها بصدمة : هو اي دا
حور : هتتعود هتتعود لازم تعرف ان وقت اكتئابي بخلص فلوسي ع الي انت شايفه دا
آسر ابتسم وهي كلت كل حاجة وشربت السموزي وبعدها الويتر جاب النسكافية وجاب لآسر قهوة
حور بدات تشرب وبعدها بصتله
حور : ي ترى صوري الي بابا كان بيبعتها حلوة ولا وحشة اصله تصويره مش اد.كدا خليها ف سرك بق
آسر وقتها ضحك جامد وهي بصتله وضحكت وقالت وهي سرحانه : عليا النعمة ضحكتك احلى م الكفايين الي بشربه دا
آسر بصلها بصدمة
هي بصت ف النسكافيه الي بتشربه ومتكلمتش فضلوا قاعدين شوية وبعدها روحها
اخدها و طلع ومعاه العلاج
عبير : اي دا ي حبيبتي اي الشاش الي ع دماغك دا
آسر : وقعت اتخبطت ودماغها اتفتحت ي طنط بس تلات غرز متقلقيش جرح خفيف
احمد اخدها ف حضنه : حبيبة بابا الف سلامة الحمدلله ي آسر انك كنت معاها
آسر : الحمدلله دي الادوية ولازم تمشي عليها
واستاذن ومشي لما وصل البيت ابراهيم قابلة بضحك
ابراهيم بيقلده :الحالة حالتها صعبة ولازم حور معايا دي عيادتي ي اهبل ومكنش فيها اي حاجة
آسر بصله : بص ي هيما انا والله م شايف قدامي حصل كوارث من شوية ف انا هطلع انام
وسابه وطلع خد دش وقعد ع السرير مسك موبايله وبعتلها “حور”
حور شافت المسج لما لقت صورته واسمه ردت “نعم”
آسر ابتسم لما شاف المسج ورد “العلاج يتاخد ف مواعيده متنسيش هبعتلك ف كل معاد وان مردتيش هرن واعملك ازعاج يلا تصبحي ع جنة ”
حور ابتسمت “حاضر وانت من اهلها ”
آسر افتكر ان في جلسة بكرة بعتلها تاني “عندك جلسة بكرة الساعة اربعة وانتي كدا كدا مفيس كلية بكرة ف حلو دا تيجي واكلة كويس صدقيني فلوسي خلصت ع اوردر امبارح 😂”
حور ضحكت وقالت”حاضر ي دكتور متقلقش هيبقى معايا فلوسي بردو ”
قفلت موبايلها ونامت
صحت تاني يوم فطرت ولقت مسج مبعوته باسم العلاج ومعاده اخدته وعرفته وطلعت تقعد مع باباها ومامتها
احمد : الحالة الي كانت عند آسر امبارح عملت اي
حور بتوتر : بقت كويسة
احمد : وانتي اتعورتي ازاي
حور : آسر كان ماشي بسرعة ووقف فجاة ف اتخبطت
احمد : بس آسر قال انك وقعتي
حور : م هو انا وقعت م العربية اتخبطت
احمد شك ان في حاجة ف سكت ومرضاش يقول حاجة لانه عارف انها مش كويسة
بعد شوية حور دخلت لمامتها المطبخ
عبير : حبيبة ماما عاملة اي دلوقتي
حور : كويسة بس آسر قالي ان عندي جلسة انهاردة وبابا مش عارف حاجة
عبير :هقوله انك رايحة لريهام
حور ساعة م سمعت اسم ريهام افتكرت كل حاجة آسر قالهالها ف سكتت
عبير : مالك ي حبيبتي سرحتي ف اي
حور : مفيش ي ماما انا هدخل اغير بق
دخلت لبست ونزلت راحت العيادة لقته مستنيها وباب العيادة مفتوح
دخلت وكانت ف ايديها شنطة صغيرة ادتهاله
آسر بتعجب : اي دا
حور : دي هدية بسيطة عشان الي عملته معايا
آسر ابتسم : دي عربون محبة يعني ولا اي
حور : لا دي هدية شكر بطل تلزيق
آسر ضحك : طب يلا ي لمضة هنتكلم ف اي
حور راحت جنبه وبصتله : قوم من هنا
آسر بصلها بتعجب : اقوم منين وليه
حور : قوم من ع الكرسي واقعد مكاني
آسر ابتسم وقام وهي قعدت مكانه
حور بعملية : اي الي تاعبك ي دكتور آسر معاك دكتورة حور تحب نبدا منين
آسر ضحك جامد وهي ضحكت
آسر رد عليها بنفس الطريقة :والله ي دكتور انا تعبان جدا بس بشوفك ببقى كويس
حور اتكسفت وبعدها اتكلمت بجدية : ممكن نتكلم بجد شوية
آسر استغرب القلبة بتاعها دي بس هز دماغه بأيوة
حور : اي الحالة الي كنت فيها امبارح دي انت مكنتش طبيعي ي آسر انا كنت خايفة كان وشك احمر وعينيك مبرقة كدا وعروق رقبتك بارزة بشكل يخوف وكنت سايق بسرعة وع فكرة خدت بالي م العلاج الي انت خدته دا علاج اي
آسر بص ف الارض وبعدها بصلها وقال :دا علاج اكتئاب باخده من فترة
حور بخضه : انت بتقول اي
آسر ضحك : متقلقيش ملوش آثار جانبية سيئة اوي دونت ووري
حور : انت بتهزر ي آسر دي الادوية دي مصيبة وبعدين اي الي وصلك للحالة دي
آسر غمض عينيه وكأن بيقولها اوعي تدمعي وقال : من يوم م ماما اتوفت وانا ف المانيا اتوفت وانا ف تانية كلية وانا دخلت ف اكتئاب حاد ومكنتش باكل كنت مقضيها محاليل فضلت كدا اربع شهور وماما ادفنت ف المانيا بابا جه يومها وهو وخالو خلصوا اجراءات الدفن وفضل معايا لحد م اتعافيت ومن يومها وانا باخدها الي كان بيصبرني هو وجود صورتك ف شاشة موبايلي كنت بشوف امي فيك معرفش ازاي او ليه كنت كل م اشوف صورتك احس اني شايف امي ف بطلت اخده بس هو معايا ع طول عشان لو الي شوفتيه دا حصل ف اي وقت بيحصلي لما بكون متعصب لاني بفتكر كل حاجة قبل كدا ف باخده عشان اهدى
حور كانت بتسمعه ودموعها خانتها ونزلت
بصلها وضحك : انتي ع طول بتعيطي كدا ي بنتي
حور مسحت دموعها بسرعه
آسر : انا تمام طول م انتي معايا
حور بصت ف الارض
آسر :انا مبهزرش دا الحقيقي واديني مستني اشوف اميرتي ف مملكتي
حور قامت بسرعة : انا لازم امشي
آسر : ثواني هوصلك
حور : لالا خليك انا رايحة مشوار قبل م اروح ف عشان مزهقكش
آسر : انا الدقيقة معاكي بتديني طاقة مش طبيعية دا انا يا بختي انهاردة
حور مشت وهوا راح وراها
نزلوا وركبوا العربية
آسر :طب اي الهدية طيب
حور : ابقى شوفها لما تروح بق
آسر : طب احنا رايحين فين
حور : اطلع ع المول عاوزة اشتري حاجات
آسر : من عيوني
آسر طلع ع المول ونزلوا راحوا محل الدباديب والعرايس
قعدت تدور ع حاحة معينه وبعدها جابتها كان دبدوب فايبر كبير وطويل
آسر بضحك : اي كل دا ي بنتي كل دا دبدوب
حور : كنت عاوزة اجيبه من فترة بحب اخده ف حضني وانا نايمة
آسر برخامة : م المخدة موجودة
حور : المخدة راحت اوضة ماما بق معدش ليها لازمة
آسر ضحك : طب والدبدوب دا هيبقى اسمه اي
حور : لسه بفكر
آسر : ع فكرة اسم آسر تحفهههه
حور : اسم رخم
وسابته ومشيت راحت تحاسب
البنوتة الي ع الكاشير قالتلها انه حسابه مدفوع آسر عمل نفسه من بنها
جور راحتله بعصبية : دا اسمه اي
آسر بحب : اسمه اني خطيبك مثلا
حور بصدمة : اي ؟
آسر : تعالي تعالي اكملك بقيت الحكاية
حور راحت وهي مش فاهمة حاجة فضلوا يتمشوا ف المول وآسر بدا الكلام
آسر : لما كنت ف ابتدائي الكل كان شايف اد اي انا متعلق بيك وبحبك راح ابويا وابوكي قارئين الفاتحة بتاعنا وقالو لما نكبر هنعمل خطوبة ف انتي دلوقتي مسؤلة مني
حور : انت بتهزر صح
آسر :والله م بهزى وتقدري تسالي باباكي
حور : طب ازاي ماما معرفتكش
آسر :طنط مكانتش عارفاني لان شكلي اتغير وبعدها عرفت ان انا ابن ابراهيم صدقي ف عرفتني عشان كدا سيباكي معايا عادي
حور : اه ي ماما ي لئيمة طب عموما انا كش موافقة وخد دبدوبك وامشي
وسابته ومشيت
آسر راح وراها ومسك ايديها بسرعة وراحوا ع مكان الالعاب الي ف المول
آسر : مكانك المفضل من وانتي طفلة العبي براحتك
حور بصتله وضحكت وقعدت تلعب زي الاطفال وهو فضل يصورها فيديوز وصور كتيره وبعدها راحوا اتغدوا وروحوا
فضلت الايام بين ابطالنا كويسة قعدوا تلات شهور لكن حور متكلمتش مع اهلها ف اي حاجة تخص قراءة الفاتحة القديمة وسابت كل حاجة تيجي لوحدها وانهاردة اخر جلسة لحور
آسر : اقدر اقولك دلوقتي حمدالله ع السلامة انتي اول حد يخف من غير علاج
حور ضحكت : كان في علاج والله انت ليه مش مقتنع
آسر : كل مره نجيب سيرة العلاج تقوليلي كدا ي ترى بتتابعي مع دكتور غيري
حور : تؤ تؤ دي تبقى خيانة عظمي وضحكت
آسر : عموما كانو اجمل تلات شهور ف حياتي
حور : احم طب انا همشي بق اه صحيح اتفضل
كانت علبة صغننه ملفوفة بورق هدايا
آسر : تعرفي اني لسه مفتحتش اول هدية جبتيهالي
حور : اي دا ليه
آسر : كل م ابصلها اضحك واقول هي ليها وقت محدد هتتفتح فيه واسيبها مكانها ومفتحهاش
حور باستغراب : وي ترى اي الوقت المناسب دا
آسر : هتعرفي انهاردة بس انا مواعيدي مظبوطة الساعه ٨ هكون ف البيت البسي الدريس الابيض الي جبناه سوا
حور كانت مصدومة ف خرجت بسرعة وصلت البيت لقت مامتها بتقولها ان في عريس جاي يتقدم فهمت ع طول ودخلت خدت دش لان الساعه كانت سته وقعدت تكوي هدومها وتحط ماسكات الساعه بقت سبعه ونص قامت تلبس وهي بتحط اخر دبوس ف الطرحة كان الجرس رن عرفت ان هما
وقفت ورا الباب لقته جايب ورد توليب لونة ابيض ولابس شيميز ابيض وبنطلون كلاسيك اسود دخل وقعد وبص ع الازضة لقاها واقفة راح غامزلها دخلت بسرعة وقفلت الباب وبعد شوية طلعت وقدمت قهوة وسلمت عليهم وقعدت وبعد الكثير من الكلام اخيرا قالو نسيب العرسان لوحدهم
آسر : اول مرة اشوف عروسة مبتحطش لخطيبها ملح ف القهوة
حور بخضة : انت بتقول اي انا حطاه والله
آسر بغزل : غريبة يعني كانت مسكرة جدا اه صحيح نسيت انك انتي الي عملاها
حور : والله ان ما سكت لهتسمع واحدة مش موافقة تخليك تعيط سنين قدام
آسر قرب منها : بتقولي اي
حور بعدت بتوتر : مش قصدي والله مش قصدي
آسر كتم ضحكته : ايوة كدا اظبطي
ورجع مكانه واداها الورد
آسر : عارف انك بتحبي الورد دا اوي ف جبتهولك اه صحيح كتب الكتاب اخر الاسبوع
حور : انت بتكروتني ليه
آسر : ي قلبي انا معدتش عارف استحمل والله والا هنزعل كلنا
حور خافت : بتهزر صح
آسر :والله م بهظزر انتي متعرفنيش لما بوصل لحد معين مبيهمنيش حد واخطفك واهرب
حور ضحكت جامد وهو ضحك ع ضحكتها
حور : طب ي دكتور موافقة بس بابا موافق ؟
آسر : والله ي بنتي العالم كله موافق الا انتي
حور ضحكت عدى الاسبوع بسلام وانهاردة كتب الكتاب
الجو مليان زغاريط وسعادة وحان وقت كتب الكتاب
الماذون “بارك الله لكما وبارك عليكما وجمع بينكما في خير ”
الكل صقف وبعد م الدنيا هدت والكل مشي
آسر : عمو احمد حبيبي عاوز اطلب طلب
احمد : اامر ي حبيبي
آسر : الامر لله ي عمي انا بس كنت عاوز اخد حور ونخرج وانت عارف هنروح فين م انا قايلك
احمد بص لابراهيم : بقيت اخاف من ابنك
ابراهيم بص لاحمد : اسمع كلامه اصله دماغه تعبانه
كلهم ضحكوا
احمد : انا اديتك اغلى م عندي يبقى اكيد موافق
حور باسته وكذلك آسر وسابوه ومشيوا
حور : رايحين فين
آسر : كنتي سالتيني مرة هفتح الهدايا امتى وقولتلك ف الوقت المناسب وانهاردة الوقت المناسب عاارفة اي السبب
حور : اي السبب
آسر : اني لما بفتح الهدايا بحب اشكر صاحبها بطريقة خاصة وغمز
حور بكسوف : اتلم ي آسر
آسر :الله مش بقيتي مراتي
حور ابتسمت وكملوا ف طريقهم وقفوا قدام عمارة وهو نزل ومسك ايديها وطلعوا شقته
دخلوا وكانت متزينة بطريقة جميلة اوي فضل ماسك ايديها ودخلوا اوضة كانت كل حاجة فيها لحور صورها وهداياها وكل حاجة بصتله وعيونها دمعت وحضنته
حور : انا بحبك اوي
آسر فضل يتنطط : أخيراااا اخيرا ي حور انت عارفة انا بقالي اد اي مستني الكلمة دي باسها من دماغها وحضنها وبعدها راح للهديه الاولى وفتحها لقاها ساعة ومكتوب جنبها شكرا ابتسم وفتح التانية كانت نوت بوك وجنبها جواب مكتوب فيه “النوت بوك دي فيها كل حاجة حسيت بيها خلال التلات شهور الي فاتو كانو اجمل تلات شهور ف حياتي كل صفحة هتلاقي فيها رسالة اه صح الدبدوب اسمه آسر الي اسرني بحنيته واهتمامه وحبه وكل حاجة هو كان النعمة الي ربنا منّ عليا بيها اه صح وبالنسبة للعلاج ف مكنش في علاج اجمل من وجودك وعيونك واهمهم ضحكتك ”
آسر : م تيجي اشكرك ع الهدايا
حور : اتلم
بصلها بحب وحضنها وبعدها ضحك جامد
حور بحب : عليا النعمة ضحكتك دي احلى م الكفايين الي انا بشربه
ضحكوا هم الاتنين وانتهت قصتنا وبدات حكايتهم
لقراءة الرواية كاملة اضغط على : (رواية طبيبي)
