رواية طبيبي الفصل الثاني 2 بقلم سلمى عبدالجليل

رواية طبيبي الجزء الثاني

رواية طبيبي البارت الثاني

رواية طبيبي الحلقة الثانية

حور ابتدت تصرخ لحد م فقدت الوعي
عبير : حور حور فوقي الحقني ي دكتور
آسر شال حور ونزل بسرعة ع العربية هو ومامتها راحوا ع المستشفى
آسر شال حور ودخل بيها ع اوضة وكلم باباه عشان ييجي
ابراهيم : اي الي حصل
آسر حكاله الي حصل باختصار
ابراهيم اتاكد م التنفس بتاعها وركبلها محلول واكسجين
عبير : اي الي حصل ي دكتور دي اول مرة تحصلها
آسر افتكر ان حور كانت قايلاله ان بيحصلها حاجات مشابهه للموضوع دا والواضح ان مامتها مكانتش تعرف حاجة
آسر : دي حالة نفسيية نتيجة ضغط زايد وهي Dissociative episode نوبة تفكك
او بشكل اوضح نوبة فقدان وعي ناتجة عن اضطراب تفككي dissociative disorder و ف الحالة دي ي طنط الجسم بيتعرض لضغط نفسي شديد أو صدمة عاطفية، والعقل بيقرر يفصل مؤقتًا عن الواقع كطريقة لحماية نفسه.
والإغماء دا بيكون جزء من رد الفعل، لكنه مش ناتج عن مشكلة عضوية في القلب أو المخ. اما الصريخ أو التشنجات بتحصل أحيانًا خلال أو قبل الإغماء، وبيكون أشبه برد فعل عصبي مفرط.
واهمهم فقدان الذاكرة المؤقت (زي الي حصلها قبل الاغماء تاني) هو نوع من التفكك (Dissociation). ودا بيكون نتيجة ضغط نفسي كبير أو صدمة.و قلق حاد أو اضطراب قلق او اضطراب ما بعد الصدمة (PTSD) او اضطراب الهوية التفككي او كبت مشاعر لفترة طويلة بدون تفريغها
وف حالة حور ف الي حصلها دا نتيجة ضغط نفسي شديد وصدمة وكبت مشاعر لفترة طويلة
عبير بدموع : طب ازاي دا يحصلها دي ع طول بتضحك وتهزر والي ف قلبها ع لسانها مبتكتمش حاجة جواها
آسر : دا قدامكوا بس انما محدش عارف اي الي بيحصلها وهي لوحدها المهم دلوقتي انها ترجع كويسة من تاني وبعدها نتكلم ف كل حاجة
عبير : يارب ي ابني تبقى بخير
عبير تلفونها رن وكان احمد جوزها
عبير : سلام عليكم
احمد : عليكم السلام ازيك ي حبيبتي عاملة اي وحور عاملة اي برن عليها مش بترد
عبير : بخير الحمدلله هي بس تلاقيها عاملة موبايلها سايلنت ولا حاجة م انت عارفها
احمد : صوتك ماله ي عبير انتو متاكدين انكو كويسين
عبير : لا اصل منمتش كويس عشان سهرت مع حور م انت عارفها ف الاجازة دي حتى لسه نايمة لدلوقتي
احمد : ولو اني مش مقتنع بس اهم حاجة انكو كويسين واما تصحى خليها تكلمني عشان عاملها مفاجاة
عبير : حاضر مع السلامة
عبير قفلت الخط ودموعها نزلت
آسر : استهدي بالله ي طنط هتبقى كويسة والله متقلقيش
عبير : يارب ي ابني يارب
آسر و عبير فضلوا قاعدين ع الكنبة الي ف الاوضة وابراهيم خرج يشوف شغله.
عدت ساعتين وكانت حور ابتدت تفوق شالت جهاز الاكسجين وحاولت تقوم لكنها مقدرتش
عبير بلهفة :حور حبيبتي اخيرا فوقتي
حور بتعب : انا فين ي ماما
آسر : انتي ف المستشفى تعبتي شوية كدا وحبيتي تخضينا عليكي
حوى بصتله جامد وقالت : انت تعرفني ؟
آسر : امممم لسه بردو
حور باستغراب : هو اي الي لسه
آسر : لا ولا حاجة دا انا الدكتور المسئول ع حالتك هنا
حور :اوكي بس انا عاوزة اروح انا بكره المستشفيات
آسر : شوية بس عما تقدري تقومي تمشي وبعدها هعملك اذن خروج متقلقيش
حور هزت دماغها بالموافقة وغمضت عينيها وراحت ف النوم
عبير بقلق : هي اغمى عليها تاني
آسر : لا هي نايمة طبيعي بابا حطلها مهدا ف المحلول ف دا شئ طبيعي متقلقيش
عبير بتنهيدة : الحمدلله
وبعدها بصت لآسر : معلش ي ابني تعبناك معانا
آسر: لا تعب ولا حاجة ي طنط دا واجبي
فضلوا قاعدين تلات ساعات لحد م حور صحت
حور : ماما
عبير راحت بسرعة ليها : نعم ي حبيبتي
حور : هو احنا مش هنمشي بق
آسر : بقيتي كويسة ؟
حور : هي العيادة بتاعك اتنقلت هنا ولا اي
آسر فهم انها فاقت وافتكرته ف ضحك
حور : هو كلامي بيضحك ؟!
آسر : لا ولا حاجة انا هطلع اكتبلك اذن خروج دلوقتي وهتروحي البيت
حور ابتسمت وآسر خرج
حور :هو اي الي حصل ي ماما واي الي جابني هنا
عبير : تعبتي شوية واغمى عليكي ف جبناكي هنا
حور : انا اخر حاجة فكراها اني كنت عند دكتور آسر واتكلمت كتير لحد م قولتله احساس مقرف اوي وبعدها مدرتش بالدنيا وحالا انا ف المستشفى هو اي الي حصل ف النص
عبير : ولا اي حاجة ي حبيبتي زي م قولتلك اغمى عليكي ف جبناكي المستشفى
حور بعدم اقتناع : الحمدلله
قعدوا شوية وآسر جه واخدهم وركبوا العربية
حور فضلت ساندة دماغها ع الشباك ومبتتكلمش لحد م وصلوا
آسر بابتسامة : حمدالله ع سلامتك ي دكتور
حور : الله يسلمك
عبير : متشكرة جدا ي دكتور تعبناك معانا
آسر: قولت لحضرتك دا واجبي وبعدين بلاش دكتور دي دا انا لسه ٢٤ سنة انتي تقوليلي ي ابني او آسر او تدلعيني انتي مسموحلك بكل حاجة ي طنط
عبير: الله يعزك ي ابني
آسر : اهم حاجة اننا اطمنا ع دكتور حور الحمدلله بعد اذنكم
آسر مشي وحور وعبير طلعوا شقتهم
حور دخلت ع اوضتها اترمت ع السرير وراحت ف النوم ومامتها كذلك اليوم كان مرهق اوي عليهم
اما عند آسر
آسر رجع بيته لقى باباه ف انتظاره
ابراهيم : حمدالله ع السلامة ي حبيبي حور عاملة اي
آسر : بقت كويسة الحمدلله بس صعبت عليا اوي بعد م مامتها بتقولي انها كويسة وع طول بتضحك وتهزر وهي حالتها النفسية متدلش ع كدا خالص
ابراهيم: في نوع من الناس ي حبيبي بيبقوا خايفين دايما ع الي حواليهم وبيبقوا عندهم حتة الي هو انا مش هزود هم الي قدامي كفاية الي هو فيه دول بيبقوا اكتر عرضه للاكتئاب والحزن الدائم لانهم بيكتموا كل حاجة جواهم وبيظهروا الفرح والسعادة بس عشان الي حواليهم ميقلقوش ويتعبوا عشانهم وحور م النوع دا
آسر: ربنا يقدرني واجعلها تتعافى باسرع وقت
ابراهبم : يارب ي حبيبي
آسر طلع ع اوضته ونام
تاني يوم الصبح
حور صحت ع صوت موبايلها بيرن وكانت ريهام صاحبتها
حور بنوم : الو
ريهام : صباح الخير ي جميل انتي لسه نايمة السكشن هيفوتنا ي قلبي
حور بفزع : يالهوي السكشن
قامت بسرعة دخلت الحمام وخرجت لبست بسرعه ونزلت لقت ريهام مستنياها
ريهام بعصبية : كل مره ي حور كل مره
حور : اسكتي كان يوم كله اكشن امبارح احمدي ربنا اني صحيت يلا بسرعه بس واحكيلك بعدين
وصلوا الكلية واعتذروا م الدكتور ودخلوا
خلصوا السكاشن والمحاضرات الي عليهم واتمشوا
ريهام : اي الي حصل امبارح ي حور اكشن اي
حور : تعبت واغمى عليا وروحنا المستشفى ورجعت بالليل نمت ف معرفتس اكلمك و
ف نص الكلام لقيت مسدج مبعوته ع الصراحة
فتحت المسدج “انا بحبك اوي يارب تكوني بتحبيني ”
اتخضت اوول م شافت المسج ولكنها حاولت تبان عادي عشان ريهام وقفلت الموبايل وكملت كلام مع ريهام
وصلت البيت فطرت ولقيت رقم بيرن عليها
حور : السلام عليكم
آسر :وعليكم السلام دكتور حور معايا
حور : ايوة مين
آسر :انا دكتور آسر كنت حابب اطمن عليكي وبعدين عندك جلسة انهاردة الساعه ٤
حور بصت ف الساعة لقتها اربعة الا ربع
حور : هو لازم انهاردة دا الساعة اربعة الا ربع وبعدين مش كفايا الي حصل امبارح انا بنسحب
آسر : الي حصل امبارح دا كان رد فعل طبيعي جدا متقلقيش بس لازم نكمل عشان تبقى كويسة ربع ساعة وتكوني عندي مع السلامة ي دكتور وقفل السكة
حور بعصبية : يعني اايييي يووووه
قامت لبست بسرعة وقالت لمامتها انها هتروح لوحدها ونزلت وراحت العيادة والحمدلله العيادة كانت قريبه من بيتها راحت بسرعة وصلت العيادة اربعه ودقيقتين دخلت ع طول
آسر وهو مديها ضهره : دقيقتين تاخير ي دكتور مينفعش كدا
حور وهي بتنهج : م انت الي فاجئتني
آسر : انت؟!!
حور : أسفة قصدي ي دكتور
آسر ضحك : طب اقعدي الفرق بينا ست سنين ونص مش فرق كبير
حور : ونص ؟!!
آسر : احب الدقة ف كل حاجة يلا نبدا
حور : مش مستعدة
آسر كلم السكرتيرة : كوبايتين نسكافية لو سمحتي ي هناء
حور : عرفت منين اني بحب النسكافية
آسر : كنت شغال ف المخابرات
حور : والله؟
آسر :يلا نبدا
حور :اممم
آسر : كنا هنحكي عن مدرستك المرة الي فاتت
حور بحزن : ايوة
آسر : احب اسمعك جدا
حور خدت نفس طويل وبعدها خرجته وقالت :اولى وتانية وتالته ابتدائي كنت بحبهم اوي كنت بحب مدرسيني وصحابي او حاليا نقول الي كنت بعتبرهم صحابي رابعة ابتدائي كانت بداية القرف كله مدرسة العربي بتاعي كانت بتكرهني كدا لله ف لله مش عارفة ليه مع اني معملتلهاش حاجة والله م عملتنلها اي حاجة كانت مضطهداني انا كنت مشاغبة بس مؤدبة كنت ع طول بتنطط واجري واخرج واجي كان عندي فرط حركة تقريبا اتنين من صحابي كنت بحبهم اوي لما كانو يتخانقوا كانت كل واحدة تعبرلي اد اي هي بتحبني وان التانية هي الي بتكرهني كنت طفلة غبية كنت بفرح لما يقولولي انهم بيحبوني كنت بفرح اوي و لما كانو يرجعوا يتصالحوا يعاملوني معاملة مقرفة دي كانت البداية بس كنت بقول عادي مفيش صحاب بيفضلوا كويسين لازم خلاف وهزار وزعل عادي بس ف مرة كانو متخانقين ف واحدة قالتلي لو عرفتلها حاجات معينه عن التانية هتفضل صاحبتي دايما ف الاول قولتلها لا لقيتها بتقولي انها بتكرهنا واننا لازم نعرف هي متفقة علينا مع مين عشان متضربناش ف صدقتها قولتلها حاضر التانية عرفت بكل دا لانهم اتصالحوا من ورايا وعملوا حزب ضدي روحت للاخصائي الاجتماعي كالعادة انا الي غلطانة وهما مفيش براءة كدا بعدها فضلنا متخاصمين طول خامسة وسادسة ابتدائي وع طول يكتبوا اسمي عشان اتضرب مع اني بحلف للابلة اني متكلمتش بس هما كانو بيكتبوا اسمي ف حصه الابلة الي مبتحبنيش ف كانت تضربني مكنتش بحب احكي لماما حاجة عشان متدايقش وتقلق عليا ف كنت بعدي وخلاص كان معايا واحدة صاحبتي بحبها اوي كانت هي الي تقعد تقولي فكك منهم وكانت تفضل تهون عليا كنا بنقعد جنب بعض والدنيا تمام لحد م فيوم قلبت عليا بدون سبب وقعدت تقولي هما اصلا مبيحبوكيش ولا هيحبوكي هما بيحبوني انا هيحبوكي انتي ليه كنتي اي اصلا اليوم دا فضلت اعيط اكتر من اربع ساعات بس ف اليوم دا خدت حقي ومشيتها من جنبي وقعدت لوحدي الوحدة وقتها كانت اجمل منهم كلهم كانو بيفضلوا يتنمروا عليا كتير اوي عشان كل حاجة وعلى كل حاجة
ف اللحظة دي سكت ودموعي نزلت وانا بفتكر اكتر ايام المفروض الانسان بيبقى سعيد فيها انا كنت اتعس طفلة وقتها
آسر طلبلي لمون شربته
آسر : كفاية كدا انهاردة؟
حور عيطت
آسر : طب اهدي طيب نقوم نتمشى؟
حور بعياط :طب هما ليه محبونيش انا كنت بحبهم اوي عارف احنا دلوقتي علاقتنا سطحية جدا محدش فينا بيتمنى حاجة وحشه للتاني وكويسين معايا بس ليه وقتها كانو كدا ليه محبونيش وكانو بيعاملوني كدا ليه متحبتش زي م انا حبيتهم ليه
آسر : دي بتبقى غيرة بين الصحاب
حور : غيرة اي الي كانت تخليهم يزرعوا فيا الرعب دا تخيل تبقى بتمتحن امتحان اخر السنه وامهاتهم الاتنين يطلعولي اللجنة يفضلوا يبصولي بصات تحذيرية ويتكلموا ويضحكوا تخيل تفضل سخن اسبوعين كاملين والدكاترة مش عارفين دا بسبب اي وانا كنت مرعوبة منهم
آسر : طب اهدي اجبلك اي تاني نسكافية ولمون اعملك اي تاني بس اهدي ي حور الله يهديكي
حور : انا استحملتهم كتير اوي عشان بحبهم عشان مش عاوزة اقطع علاقتي بناس بحبها بس هما مقدروش دا عارف المضحك اي ان كل الي حبيتهم سابوني سابوني بابشع الطرق الي تتخيلها ومكملين حياتهم عادي انا الي حياتي واقفة واقفة مبتتحركش واقفة ع لحظات كنت اتمنى الموت فيها ولا انها تعدي عليا كدا
آسر :لازم تتخطي دا اومال انتي جاية هنا ليه جاية عشان تخرجي كل الي جواكي طول م هو جواكي هتفضلي تفكري فيه وحياتك تقف اكتر واكتر بصي انا هكتبلك علاج مهدئ هيساعدك ع الاسترخاء وعدم التفكير
حور : مباخدش علاج انا
آسر.:لازم ي حور دا اهم حاجة
حور : بقولك مش هاخد علاج يعني مش هاخد علاج انا جاية اطلع الي جوايا مش اخد علاج يبوظلي جسمي ويدمر صحتي
آسر : انا هعالجك مش هدمرلك صحتك
حور بعند : لا يعني لا
آسر : ي حور افهمي لازم ….
قطع كلامه رنة موبايلها
آسر :الموبايل يتققل
حور : دا رقم غريب ثواني
جت ترد لقته قفل وبعدها مسج اتبعتت
بصتله وبصيت للمسج تاني
آسر :في اي
ي ترى المسج فيها اي