روايات

رواية صدفه غير متوقعه الفصل الخامس عشر 15 بقلم نور محمد

رواية صدفه غير متوقعه الفصل الخامس عشر 15 بقلم نور محمد

رواية صدفه غير متوقعه الجزء الخامس عشر

رواية صدفه غير متوقعه البارت الخامس عشر

صدفه غير متوقعه
صدفه غير متوقعه

رواية صدفه غير متوقعه الحلقة الخامسة عشر

اول لما دخل اوضه شاف نور قاعده علي السرير
وباين علي ملامحها الزعل
ريان: ” انتي كمان زعلانه
نور: ” ريان انت تعرف كيفن
ريان باستغراب: ” مين ده
نور: ” اللي انا ضربتوه
ريان: ” لا معرفهوش وانا هعرفو منين يعني
نور بغموض: ” هو انت وبانه اخوات بس يعني مفيش عندكم اخ تاني
ريان باستغراب: ” لا انا وبانه بس …هو في ايه
نور: ” وريني كده ايدك
ريان: ” في ايه يانور …هتقرئيلي الكف ولا ايه
نور: ” يا ريان اخلص
ايدها ايده وهو مستغرب
نور بعد لما شافتها: ” خلاص
يلا روح نام
ريان بصدمه: ” انتي بتقولي ايه
يعني بعد الهبل ده كله وفي الاخر بتقولي خلاص …في ايه في حاجه انا معرفهاش
نور بتهرب: ” تصبح علي خير يا ريان
ريان كان بيبصلها بصدمه وقال: ” انتي بتعملي كده علشان تهربي و متتعقبيش صح
نور: ” لا مش صح علشان محدش يقدر يعقبني
تصبح علي خير بقي علشان عايز انام
قالت ذلك ودخلت الحمام علشان تغير
ريان بزهول: ” مالها دي
——————-
تقى: ” مالك يابنتي ايه اللي حصل
بانه بضيق: ” اتخنقنا هناك مع واحد وشافونا
تقى بشماته: ” اتقفشتوا يعني
بانه: ” ونبي يا تقي مش ناقصه هي
انا هنام احسن تصبحي علي خير
تقى: ” احسن علشان بعد كده تروحوا من غيري
—————–
فهد بعصبيه: ” انا مش قولتلك تبعد عنهم
مجهول بسخريه: ” هو انا عملت حاجه
فهد: ” مش عايز استعبات انت كده بتبني عضوه بينا
مجهول: ” ليه بس كده يا فهود لا احنا كده هنزعل من بعض
بس اختك كانت جامده بصراحه
فهد بنرفزه: “اخر إنذار ليك لو جيت جمبهم تاني متلومش غير نفسك قال ذلك وقفل السكه
كيفن بسخرية: ” غبي انت اللي جبته لنفسك
مايكل بضحك: ” بس كان شكلك تحفه وانت بتتاخد بالبوكس
كيفن بغيظ: ” هتندم علي الي عملتو ده
————
تاني يوم
نور: ” ريان يا ريان
ريان: ..…
نور قربت من ودانه
نور: ” ريااااااان
قام مفزوع من نومه
ريان بخضه: ” في ايه
نور: ” مفيش كنت بصحيك
ريان بغضب: ” في حد يصحي حد كده
نور ببساطه: ” مش انا عملت يبقي في…. يلا ادخل خد شاور علشان ننزل نفطر يلا بسرعه
ريان وهو يمسح علي وشه بغضب: ” امشي من وشي احسنلك
نور: ” عشر دقائق تكون جهزت لحسن انزل واسيبك
ريان بدهشه: ” تنزلي وتسبيني .. كمل بطريقه لا يا ماما ونبي استني اصلي بخاف انزل لوحدي
ابقي فكري تنزلي من غيري وشوفي هيحصلك ايه
نور: ” لا مش انت بتتريق ..كمان فيها ايه يعني لو نزلت لوحدي
ريان: ” فيها أن حضرتك بتعملي مصايب
نور بحنق: ” ليه شايفني طفله صغيره
ريان بسخرية: ” ما انتي فعلاً طفله
نور بغضب طفولي وهي بدبدب رجلها علي الارض
..انا مش طفله
ريان بضحك: ” ما هو واضح
نور: ” مستفز ..يلا اخلص قوم علشان عايزه أفطر
ريان باستفزاز: ” نصف ساعه كده وهقوم حاضر ولو نزلتي متلوميش غير نفسك
نور: ” انا هكلمك فهد وهقولو أن انت مجوعني ومش عايز تأكلني
ريان: ” غوري
نور: ” ماشي يا ريااان ماشيي
————-
تمارا قاعده بملل في الكافية مستنيه حد
تنهضت بزهق واتصلت بي
تمارا بضيق: ” انت فين بقالي نصف ساعه مستنيه حضرتك
مراد: ” انا داخل عليكي اهو
تمارا: ” سلام
شافتو جي وبيقرب عليها
تمارا: ” اتأخرت ليه
مراد: ” كنت في الشغل
تمارا: ” شغل اه
مراد: ” مالك ياحبيبتي بس
تمارا: ” انا اتخنقت
مراد: ” من ايه
تمارا: ” منكم كلكم
مراد: ” اتخانقني مني انا …اكيد نور هي السبب
تمارا: ” متجبش سيرتها لو سمحت
مراد بدهشه: ” ده شكل الموضوع كبير لدرجة انك مش طايقه صاحبه عملك
تمارا: ” علشان هي خاينه
مراد بزهول: ” خاينه!
تمارا بغضب: ” اه وانا مش عايزه اعرفها تاني
مراد: ” طب ينفع تهدي وتقولي زعلانه منها ليه وليه بتقولي عليها كده
تمارا: ” شكل الهانم لما اتجوزت نسيتنا
تصدق أن هي من ساعه لما سفرت وهي مبتكلمنيش غير كل فين وفين
مراد: ” اه قولي كده بقي انتي زعلانه منها كل ده علشان مبتسئلش عليكي طب ماعندها حق هي عندها شغل مش فاضيه للكلام ده… بس ليه برضو بتقولي عليها خاينه
تمارا بغضب وهي بتفتح موبايلها وبتجيب صوره وتورهالوا: ” بص اللي عندها شغل عماله تتصور مع البنات دول وتنزلها علي الصفحه بتاعتها ونسيتني
نسيت العيش والملح اللي مابينا راحت عرفت عليا البنات دول … كملت بغيره وكمان اصلا ذوقها وحش
يبقي خاينه ولا مش خاينه
مراد بصدمه وذهول: ” انتي مش طبيعيه
انتي غيرانا أنها صحبت بنات غيرك وكمان دي اخت جوزها فاعادي لما تتصور معاها
تمارا: ” لا مش عادي … وانا كمان هصاحب بنات غيرها يبقي خيانه بخيانه بقي
مراد بدهشه: ” هي جوزك
انتم بجد مش طبيعيين اومال انا لما اخونك هتعملي ايه
تمارا: ” انت كمان هتخوني .. اه ما طبيعي ما لازم تطلع زي اختك انتم اصلا عيله خاينه
مراد: ” تماارره في ايه ماخلصنا ولا انتي حالفه أنك تنكدي عليا
بدل ما نعدي اليوم حلو هنقلبوا نكد بقي
تمارا: ” قصدك أن انا نكديه طب حلو اتفضل روحني بقي
مراد بضيق وهمس: ” صبرني يارب معرفش عقلي كان فين وانا رايح اخطبك
تمارا: ” بتقول حاجه
مراد: ” مبقولش اتفضلي قدامي مش عايزه تروحي
تمارا: ” انت كمان مش طايقاني وعايز تتخلص مني
مراد: ” ياختتييي
————
مايكل: ” هاا ناوي تعمل ايه
كيفن بشر: ” هخليها تدفع حساب القلم ده غالي اوي
مايكل: ” اممم والله صعبانه عليه من اللي هيحصلها ادام دخلت دماغك يبقي حفرت قبرها بايدها
بس عارف انا مكنتش متخيل أنهم هيبقوا اغبيه كده لما جم كانوا بيمثلوا أنها حامل وامبارح في السهره مكنتش لابسه المخده
كيفن بسخرية: ” تلاقي البيبي راح يشتري حاجه وجي
مايكل بضحك: ” يخربيتك
المهم برضوا مقولتش هتعمل فيها ايه
كيفن بضحكه خبيثه: ” ……..
مايكل بصدمه: ” يابن اللعيبه مش اي حد انت برضو
كيفن بشر: ” والتنفيذ هيكون الليله
لمتابعه باقي الروايه في اسرار الحكايات
———–
نور: ” ريان متيجي نخرج بليل
ريان: ” نور احنا مش جايين نلعب
نور: ” يو بقي يا ريان احنا بس هنروح نتعشي في اي مطعم
ريان: ” لما نشوف يا نور
نور بفرحه: ” يعني موافق قول انك موافق
ريان بزهق: ” خلااااص يا نور موافق
نور بفرحه: ” هههههه شكراً يا رينو
ريان: ” رينو طب ايه رايك بقي مش رايحين
نور: ” خلاص اسفه مش هقولها تاني
ريان ضحك عليها
نور: ” مانت بتعرف تضحك اهوا اومال ليه لابسلنا وش الخشب
ريان كشر
نور: ” ييييي رجع كشر تاني
————–
في الليل
كانوا بيجهزو
ريان وهو بيلبس جاكت: ” خلصتي
كانت لابسه بنطلون قماش اسود و هودي اسود
نور: ” فاضلي بس الف الطرحه وخلاص
ريان: ” اممم.. بس حلو عليكي الكاجوال اكتر من الفساتين
نور: ” قصدك أن الفساتين عليا وحشه
ريان: ” لا مش قصدي انتي حلوه بكل حاجه بس الفساتين بتقصرك اكتر
نور: ” امممم انا اصلا بحب البس بناطيل مش بحب الفساتين
ريان: ” انتي اه حلو عليكي الكاجوال بس مش هيتلبس تاني روحي بقي شوفيلك عبايه او اي فستان
نور: ” نععم انت هتتحكم في لبسي لا يابابا انت اه جوزي بس ده في المهمه بس لكن مش معناه كده تتحكم في لبسي وكمان انت لسه بتقول الفساتين بتقصرك وبتقولي دلوقتي ألبسها انت عندك انفصام في الشخصيه
ريان: ” نوور انا مبحبش مراتي تلبس بناطيل حتي لو احنا متجوزين تبع المهمه وانتي برضوا مراتي ومكتوبه علي اسمي فااتفضلي روحي غيري لاما مفيش خروج
نور: ” مكتوبه علي اسم مين يابابا انا مكتوبه علي اسم أبويه كنت انت أبويه علشان اتكتب علي اسمك
ريان: ” مش ناقص غباء هتروحي تغيري ولا نلغي العشا
نور بتافف: ” انا عندي حل يردي الطرافين
انا هلبس بلطوا بتاعي الطويل وكده كده انا بلبس بنطلون واسع فأذن كده مفيش قله ادب
ريان: ” بنطلون واسع ايه ده شالستون
نور: ” مهو واسع عليا
ريان: ” علشان رفيعه
نور: ” طب يلا ننزل
ريان برفع حاجب: ” انت غيرتي
نور: ” ياربي…..يابني مانا قولتلك هلبس ام البلطو
ريان: ” طب البسي
نور: ” اهو حلو كده
ريان: ” مش بطال بس اخر مره تلبسيه
اتفضلي قدامي علي العربيه
نزلوا من الفندق وركبوا العربيه
وبعد وقت قليل وصلوا المطعم
ريان: ” اتفضلي وصلنا
نور بصتلوا بغيظ ونزلت
ودخلوا جوه وراحوا قعدوا علي ترابيزه
ريان: ” هااا تطلبي ايه
نور: ” امممم ممكن نجرسكو
ريان: ” تمام… نداء علي الويتر وطلب الاكل وبعد لما مشي
ريان: ” شكلك بتحبي الاكله دي اوي
نور: ” امممم .. بتسئل ليه يعني
ريان: ” اصل انتي كنتي بتتخنقي مع اخوكي لما قالك أن مامتك عامله نجرسكو
نور: ” اهه ..انت مركز بقي
ريان: ” انتي اللي كان صوتك عالي
نور: ” انا!
ربنا يسامحك ده انا صوتي مبيتسمعش
ريان: ” اه طبعا انتي هتقولي
نور: ” انا رايحه الحمام عقبال لما الاكل يجي
ريان: ” اتفضلي
عارفه مكانه فين
نور: ” ابقي اسئل
راحت سئلت بنت شغاله هناك عن مكان الحمام
وبعد لما قالتلها شكرتها وذهبت
كانت في الحمام بتغسل وشها
لو سمحتي
نور التفت تشوف مين: ” في حاجه
معليش لو مش هتعبك معاكي برشام للصداع
نور: ” اه ثانيه
فاتحت شنتطها ولسه بطلع البرشام البنت رشت حاجه في وشها
وملحقتش تصوت ووقعت من أثر المخدر
البنت اتصلت بحد: ” كله تمام يا باشا
كيفن بشر: ” تمام اتاكدي أن مفيش حد في الحمام
البنت: ” اه بس بسرعه احسن حد يجي
كيفن: ” هبعتلك الرجاله دلوقتي
دخلوا الحمام وشلوها و اخدوها من الباب الخلفي للمطعم وركبوها العربيه وتحركوا
كيفن بضحكه شريره: ” لما نشوف حضرت الظابط بقي هيعمل ايه

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية صدفه غير متوقعه)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى