رواية صاحبة العيون السوداء الفصل الثالث 3 بقلم هند إيهاب

رواية صاحبة العيون السوداء الجزء الثالث

رواية صاحبة العيون السوداء البارت الثالث

رواية صاحبة العيون السوداء الحلقة الثالثة

صحيت من النوم بعد وقت طويل أوي وقولت:
– يااه أنا نايمه كُل ده
قومت من علي السرير وطلعت، مكنش في حد في البيت، فتحت الشبابيك كُلها وبدأت أروق البيت، كان عندي نشاط ٨وحماس بطريقه مُرعبه.
كُنت مبسوطه أوي بالمكان، طلعت السجاد علي البلكونه وأنا بتفرج علي الناس من فوق، خدت نفس عميق أوي وسمعت صوت الجرس بيرن.
دخلت وروحت فتحت لقيته واحد لابس جلبيه، كان شاب، ابتسم وقال:
– تميم بيه وصاني أجبلك الفطار ده
ابتسمت وأنا باخُد الشنطه منه وقولت:
– شُكراً
فضل يبُص لي وبعديها مشي، عقدت حواجبي وبعدين قفلت الباب، قعدت وفتحت الشنطه، كانت عباره عن سندوتشات وكوبايه قهوه.
ابتسمت وبدأت أكُل، قومت بعد ما أكلت وفضلت أكمل ترويق، خلصت ودخلت المطبخ، فتحت التلاجه وفضلت أفكر أطبُخ أيه، لحد ما أستقريت علي أكله بسيطه، عباره عن مكرونه وبانيه.
أول ما خلصت الأكل الباب أتفتح، كانت فريده، ابتسمت لما شوفتها وقالت:
– الله الله يا ست هند أيه الريحه الجميله دي
ابتسمت وقولت:
– حاجه علي قدي
ابتسمت وقالت:
– بس باين عليكي تعبتي النهارده
– لاء أبداً، ده كفايه اللي عملتوه معايّ
قعدتني وقعدت قُدامي وقالت:
– هو أحنا عملنا حاجه!!
بصيت في الأرض وقالت:
– متفكريش كتير في الموضوع ده، يعني الأفضل أنك تعتبري أن ده بيتك
ابتسمت وقالت وهي بتغير الموضوع:
– طب أنا جعانه، متدوقيني طبيخك
قومت بسُرعه وقولت:
– حالاً
غرفت طبق مكرونه وعليه فراخ بانيه وقدمتهولها، أخدت معلقه وبدأت تاكُل وقالت:
– الله نفسك حلو، لازم تميم يدوق هو كمان، هقوم أكلمه
ابتسمت وقامت تكلمه، طلع وقال:
– في أيه، أنتوا كويسين
هزت راسها وقالت:
– كويسين، كويسين، تعالا عشان تاكُل
دخل وقال:
– لحقتي تطبُخي
بتريقه قالت:
– آه دي مأخدتش معايّ ثواني
دخل المطبخ وشافني قاعده، قومت وقفت أول ما شوفته وقال:
– أزيك، عامله أيه دلوقتي
هزيت راسي وقولت:
– الحمدلله
– أقعُدي طيب
قعدت بهدوء وقعد علي الكُرسي اللي قُصادي، فريده عملت طبق وحطيته قُدامه، بدأ ياكُل وقال:
– فريده ده مش أكلك!!
– لاء أكلي
هز راسه برفض وقال:
– لاء مش أكلك، أنتِ مبتعمليهاش حلوه كده
ابتسمت وبصيت في الأرض، ضربته في كتفه وقالت:
– قصدك تقول أيه
ضحك وقال:
– بتكلم جد، هند اللي طبخت صح
ربعت أيديها وقالت:
– آه هي، بس بصراحه نفسها حلو في الأكل
بص لي وأبتسم وكمل أكل، خلص وقام يمشي، روحت وراه عشان أقفل الباب، فتح الباب وقبل ما يطلع بص لي وقال بهمس:
– علي فكره ده أحلي طبق مكرونه أنا كلته في حياتي
بصيت له وابتسمت بأحراج، فضل يبُص لي في عيوني وكأن عيونه عايزه تقولي حاجه، بس مفهمتش ومشي.