رواية شوفت القمر سهرني لياليا الفصل السابع 7 بقلم أحمد سعد
رواية شوفت القمر سهرني لياليا الجزء السابع
رواية شوفت القمر سهرني لياليا البارت السابع
رواية شوفت القمر سهرني لياليا الحلقة السابعة
(يوم فرح مصطفى واسماء )
مصطفى : الو ! احم احم .. صحصحى يا عروسه النهارده فرحك وورانا حاجات كتير
اسماء : مش قادره .. حاسه انى هبطانه كده . ما تيجى نأجل الفرح شويه ههههههههه
مصطفى : من عنيا يا قلبى حاضر هههههههههه اخر ليله لكل واحد فينا النهارده ف شقته بس هنيجى نقيم هنا معاهم طول اليوم عادى
اسماء : اه وهما يعنى القرود اختك ولا اختى هيسيبونا . دول هيشبطوا اكتر واكتر
مصطفى : سوسكا !
اسماء . يا عيون سوسكا
مصطفى : انا مش مصدق ان خلاص الليله هتبقى ف حضنى ومحدش هيقدر يمنعك عنى . حضنى هيبقى بيتك وامانك وبعون الله هعوضك عن اى احساس ف الدنيا وهتشوفى الجنان على اصوله بقا
اسماء : وانا كمان هجننك وهفلفلك وهخليك تقول حقى برقبتى وانا كان ايه اللى خلانى اتجوز البت دى
مصطفى : هههههههههههههه موافق . اما نشوف مين هيجنن مين
اسماء : اشطات .. هقوم اجهز نفسي بقي عشان ع الضهر كده هروح اشوف الفستان واللى هيعملى الميكب
مصطفى : نعم يا روح أمك ! يعنى ايه اللى هيعملك الميكب ده ؟؟ هو راجل ولا ست ؟
اسماء : لا ست يا مصطفى فيه ايه ؟
مصطفى : امال بتتكلمى بصفه الذكر ليه ؟ لاهو انتى عاوزانى استحمل ان ايد راجل غريب يلمس شعرك ولا يلمس وشك ويحطلك ميكب كمان …. دنا انفخك
اسماء : هههههههههههههههه ولا انا هرضى كمان ياعم الحمش .. وبعدين انا هبقى متجوزه راجل ومش معقوله اصغر بيه يعنى …
مصطفى : ماشى
اسماء : بحبك يا صاصا والله سبحان من مصبرنى عن انى ابوسك
مصطفى : هههههههههههههههههه اتلمى يابت كلها كم ساعه وهسيبك تبوسى براحتك
اسماء : ههههههههههه ماشى . هرن عليك ع الضهر كده عشان تيجى توصلنا . هروح انا ونور ومى …
مصطفى : ماشى .. باى يا حبي
……………….
((نور بتتصل على مصطفى بالليل وهما ف الكوافير ))
نور : الو ! ايوه يا صاصا انت فين ؟ هتيجى تاخدنا امتى احنا خلصنا
مصطفى : خلاص داخل عليكو اهو … بس الكورنيش كان واقف اعوذ بالله
نور : انت جاى انت ومين ؟
مصطفى : انا ف عربيه وعمك ابو اسماء ف عربيه ومعاه اصحاب اسماء . وانا لوحدى بالعربيه . وحسن وساره مراته جايين ف عربيه .. يلا احنا خلاص على الإمه وداخلين عليكو
………………….
مصطفى : هى فين سوسكا ! عاوز اشوفها بالفستان
نور : جوه ادخلها بتقول عاوزه تشوف رد فعلك لما تشوفها لوحدكوا
مصطفى : ماشى استنوا هنا
…………..
مصطفى : احم احم
اسماء : احم احم احم
مصطفى : احم احم احم احم
اسماء : هههههههههههه ايه ؟
مصطفى : ايه انتى ؟ فيه ايه مالك ؟
اسماء : فيه ايه وحشه ؟ الميكب وحش ؟
مصطفى : حرام عليك يا سوسكا انا قلبى مايستحملش كل ده
اسماء : ايه يا مصطفى وقعت قلبى
مصطفى : انا اللى قلبى مش هيستحمل حلاوه أمك دى كل شويه اتلمى بقي
اسماء : ههههههههههههه تؤتؤ مش هتلم بقي
مصطفى : اه يانى يامه … الفستان كأنه متفصلك بالمللى ايه الجمال ده يا حبيبتى . ربنا يحفظك النهارده من العين ومن عينى ومن عينك ومين عيون كل اللى هيشوفوك النهارده
انتى كده هتخلينى الغى الفرح ونروح على طول ع البيت بسبب حلاوتك الزياده دى
اسماء : ههههههههههههه ماتستعجلش . هنروح ننبسط شويه ونفرح وبعدين هنروح
مصطفى : مش احنا كاتبين الكتاب ؟
اسماء : اه
مصطفى : والمفروض اننا دلوقتى هنروح على فرحنا
اسماء : اكيد
مصطفى : طب هاتى حضن
اسماء : اللى عاوز حاجه ياخدها هو
…………………..
(مصطفى بيقرب على اسماء وبيحضنها حضن ضهرها بيطقطق فيه اكتر من ربع ساعه ساكت )
اسماء : مصطفى حبيبى خلاص
مصطفى : لا
اسماء : حبيبى اتأخرنا الناس بره مستنيانا
مصطفى : لا
اسماء : طب بصيلى طيب انت ساكت ليه ؟
مصطفى : 😔
اسماء : ايه ده انت بتدمع ليه دلوقتى ؟
مصطفى : مش مصدق ان ربنا كرمنى الكرم ده كله … ما تيجى نلغى الفرح يا سوسكا ونروح ع البيت على طول
اسماء : بقولك ايه بطل جنان عشان انا هتلاقينى بقولك يلا ع البيت وبلاها فرح هههههههههههههه
مصطفى : هههههههههههههههه لا خلاص حبه عقل بقا .. يلا يا سمو الاميره على العربيه محضرهالك ,, وانا اللى هسوق كمان وهتقعدى جنبى ..
اسماء : يلا يا باشا
………………………..
نور : اتأخرتوا ليه جوه ؟ زهقتونا من أولها
مصطفى : بقولك ايه مش طالبه لماضه امك النهارده .. اتهدى بقي
نور : هههههههههههههههه تؤتؤ .. المهم هنروح على بيتكوا امتى ؟
مصطفى : بيت مين ؟
نور : انا ومى يعنى هنروح معاكوا على شقكوا امتى ؟
مصطفى : وانتى وزفته تيجوا معانا على اساس ايه ؟
نور : ايه يا مصطفى هنبات معاكوا النهارده فيها ايه يعنى
اسماء : ايه يا مصطفى خليهم ييجوا يقعدوا معانا النهارده اهو نضحك شويه ونفتكر الفرح اللى هيحصل ان شاء الله ههههههههههههههههه
مصطفى : شوفى انتى وهى … ركزى يا نور انتى ومى ف اللى هقوله . عارفين الفرح ؟ الفرح بقا لما يخلص ماشوفش كلبه منكوا بتهوب ناحيه شقتنا لمده 4 سنين .. فاهمين ولا لا ؟ ال هنروح امتى ومش عارف ايه ؟ وانتى يا ست اسماء عاوزاهم ييجوا معانا ؟ اه وبالمره هعملكوا فشار وشاى .. امشى يابت ع العربيه .
اسماء : الله ! انت هتزعقلى من اولها
مصطفى : امشى يا اسماء .. انا مش قلقان غير من اجتماعكوا بتاع امبارح اللى فضلتوا قاعدين فيه اكتر من 5 ساعات … كنتوا بتقولوا ايه ؟
نور : هههههههههههههههههههههه لا ده كان اجتماع عادى كنا بنحضر للفرح مش اكتر يا صاصا يا حبيبى
مى : هههههههههههههههههههههه
مصطفى : مى ضحكت اهى يبقى كنتوا بتحضروا مصيبه من مصايبكوا .. هروح الشقه هلاقيها ع البلاط ولا ايه ؟
نور : هههههههههههههههههه الله اعلم
مصطفى : طب يلا انتى وهى ع العربيه اركبوا معانا .. يلا يا عمى يلا يا حسن هات مراتك وورانا ع القاعه يلا
حسن : ماشى يلا
ابو اسماء : يلا
…………………….
(العريس والعروسه داخلين القاعه )
……………………..
اسماء : انا مكسوفه خالص يا مصطفى . ايه الناس دى كلها
مصطفى : بس يابت مكسوفه ايه ؟ . دى اسكندريه كلها جايه تشوف اسماء مرات مصطفى
اسماء : ههههههههههههههه يا سلاام ياخويا …
مصطفى : اه طبعا امال ايه ؟ يابنتى دنا عرفت اسكندريه كلها ان فرحى الليله .. فرح مصطفى على اسماء وجايين يعرفوا هى مين اسماء دى
اسماء : ههههههههههههه ماشى ياعم .. الكوشه اهى يلا تعالى نقعد
مصطفى : (بيكلم من تحت سنانه ) استنى شويه هتفضحينا .. شويه بس اما الناس تسلم علينا وهنروح نقعد هههههههههه انتى تعبتى م الوقفه ولا ايه
اسماء : اه جدا هههههههههههه انا حاسه انى مهيبره ع الاخر
مصطفى : معلش تعالى على نفسك . .ده زى فرحك يعنى . وبعدين محضرلك مفاجأه ف الفرح كمان شويه كده
اسماء : ايه هى والنبى ايه ؟
مصطفى : تؤتؤ بطلى زن مش وقته هتعرفيها ف وقتها
نور : فيه ايه عمالين ترغوا .. اسكتوا شويه وسلموا ع الناس . انتوا ما بتصدقوا تتلموا على بعض وهاتك يا رغى
مصطفى : اخرسي بقي يا بت انتى .. انتى ايه اللسان ده جايباه منين
نور : طالعه لاخويا حبيبى ههههههههههه اسكتوا شويه يإما تسمعونا انتوا بتقولوا ايه ؟
مصطفى : وانتى مالك انتى ؟؟ ده ايه التناحه والغتاته اللى انتى فيها دى
نور : فيها لاخفيها يا عريس …
مصطفى : يلا يا اسماء ع الكوشه …. اقرأى ايه الكرسي ف سرك والنبى مش ناقصين عين ترشق هنا ولا هنا …
اسماء : من ساعه ما دخلت وانا بقرأها اصلا دنا قربت اخلص القرأن كله هههههههههههههه وبعدين عمال تقولى انا حلوه انا حلوه . وانت عينى عليك بارده يعنى البنات اللى ف القاعه مانزلوش عيونهم من عليك يا عريس .. عيب بقا كده هسيبلك الفرح وامشى والله لو ماتلموش شويه
مصطفى : خلى اللى يبص يبص المهم انا مركز مع مين ومش شايف غير مين
وبعدين انتى مستقله بعريسك يا بنتى … انا وبلا فخر كنت فتى احلام بنات كتير مش عاوز اتكلم عن نفسي كتير هههههههههههههههههه
اسماء : انت بتفرحنى دلوقتى ولا بتفرسنى .. فيه ايه يا واد انت سلم ع الناس سلم ياخويا وحسابنا ف البيت لما نروح .. ليلتك مش معديه
مصطفى : الله ! ليه طيب ياعم
اسماء : اه يعنى ايه فتى احلام بنات كتير دى
مصطفى : لا دنا بهزر مش اكتر … بقا دى خلقه حد يبصلها ولا اكون فتى احلام حد
اسماء : هههههههههههههههههه بطل تفرسنى يا مصطفى .. وبعدين انا اقسم بالله شكلى هقوم اتخانق مع نص البنات اللى ف الفرح دول .. ولاد الهرمه مش منزلين عينيهم من عليك . فيه ايه ياعم ؟
مصطفى : اهدى بس الله يكرمك وانا هخليهم يعيطوا دلوقتى
……………………….
(حوارات جانبيه ف القاعه )
سالى : شوفتى عروسه مصطفى يا ايمان ؟
ايمان : البت قمر ما شاء الله … يابختها ويا بخته
سالى : ماهو الواد بردو قمر يخربيت عينيه … اهو الواد ده كنت هموت ويبصلى ولا يعبرنى بكلمه بس كان جبله ولا كان بيبصلى اصلا .. مع انهم جيراننا بقالهم زمن
ايمان : اتنيلى على عينك يبصلك ليه هههههههههههههههه بصراحه ماشاء الله هما الاتنين لايقين على بعض بالظبط .. اسماء ومصطفى . ماينفعش حد فيهم كان يتجوز حد تانى
سالى : فعلا حلوين ماشاء الله
…………………….
على : والله واتجوزت يا درش ودخلت برجلك ع القفص وبكره تيجى تقعد جنبنا هنا هههههههههههههههه
حسن : اتكلم على نفسك يابنى .. الواد ده اتفرجوا عليه بعد الجواز هيبقى عامل ازاى
على : ما تيجى نسلم عليه ونمسي عليه يا رجاله
رامى : يلا … بس بلاش تمسوا عليه بجد لاحسن هو ابن مجانين وهيعلم علينا واحد واحد ههههههههههههههه دا مصطفى الغالى
على : ماليش فيه هههههههههههههه همسى عليه يعنى همسي عليه .. دا يوم فرحى هرانى مسا طول الفرح لما كنت هقعد ع الارض بسببه هههههههههههههه
حسن : هههههههههههههههههه انا ماليش دعوه
……………………..
على : الف مبروك يا درش عقبال العيال بقا
مصطفى : جاى عاوز ايه يا على ؟ ها . عاوز ايه يا على ؟
على : هههههههههههههههه .. الله ! جاى اباركلك يا صاحبى
مصطفى : الله يبارك فيك يا سيدى .. امشى يلا من هنا وماتقربش من هنا تانى .. شكلى هيبقى وحش قدامهم عيب
على : هههههههههههههههه ياختى حلوه .. دلوقتى بتترجانى . امال يوم فرحى ماكنش ف قلبك رحمه ليه يا اخى
مصطفى : امشى دلوقتى من هنا وهنتفاهم بعدين
على : ماشى هههههههههههههه بس ليا حق عندك
مصطفى : من عنيا .. امشى
……………………………
ام محمد : ماشاء الله صاصا الصغنن كبر اهو يا ام مصطفى وبقا عريس قد الدنيا وزى القمر
ام مصطفى : اه يا حبيب قلبى من جوه . مش مصدقه انه خلاص اتجوز وهيبات بعيد عن حضنى النهارده
ام محمد : سنه الحياه يا حبيبتى … وماشاء الله عروسته زى القمر . دى بنت جيرانكوا الجداد ؟
ام مصطفى : اه ماشاء الله عليها .. اول ما شافها قال هى دى الله اكبر الله اكبر عليهم
ام محمد : اه النصيب بقا هو اللى جابها لغايه عنده
ام مصطفى : ربنا يفرحهم ويبعد عنهم العين النهارده .. مصطفى طيب وراجل ويستاهل كل الخير
……………………….
مروه : اقرصينى يا عبير انا مقهوره
عبير : اتنيلى .. محدش مقهور اكتر منى والمصحف جاتنا نيله ف حظنا الهباب
مروه : ما تيجى نسلم عليهم
عبير : لا بلاش . لاحسن اجى اسلم على مصطفى انسي نفسى وابوسه هههههههههههه
مروه : بقا يابنت الجزمه انتى ساكنه ف الشقه اللى تحت منه بقالك سنين وماكنتيش عارفه تشدى انتباهه .. دنا لو جارته اقسم باللله كنت هجنن امه
عبير : اهى جات جارتنا الجديده الجميله وخدت عقله وجننت امه اهو
مروه : لا ده هى اللى اتجننت عليه ع فكره
عبير : هما الاتنين اتجننوا على بعض . سيبيهم ف حالهم ربنا يكرمهم
مروه : يارب اكرمهم يارب بحق جاه النبى
عبير : ههههههههههههههههه سلكى نيه امك ف الدعوه العيال هتولع
مروه : بقولك ايه انا قايمه اسلم عليهم
عبير : يابنت المجنونه .. طب استنى خدينى معاك
مروه : الف مبروك يا درش وربنا يتمملكوا على خير
مصطفى : الله يبارك فيك يا مرمر عقبال ما نفرح بيك ف فرحك انتى بقي فين عماد خطيبك ؟
مروه : معرفش ييجى النهارده وراه شغل بس باعتلك السلام
مصطفى : وصل يا باشا .. ازيك يا عبير . منوره الفرح
عبير : ده نورك يا عمنا .. مبروك يا اسماء . مش اسمك أسماء
مصطفى : ههههههههههههه لا ماسمهاش اسماء … اسمها ست البنات اسماء
مروه ف سرها لعبير : امشى بقا دا كسفك حته كسفه .. شكلك وحش
عبير : انا هتنقط ,, الواد من قريب بينور
اسماء : الله يبارك فيكوا عقبالكوا ان شاء الله
مروه : تسلمى يا حبيبتى
……………
(اسماء بتعض مصطفى ف كتفه )
مصطفى : اه يا بنت العضاضه ايه ده فيه ايه ؟
اسماء : وحياه أمك ؟ ايه مرمر دى ما تقوم تبوسها احسن
مصطفى : ههههههههههههههههه يابنتى دى جارتى والتانيه بردو جارتنا متربيين سوا
اسماء : لا دانتوا ماتربوش خااالص والنعمه لاقوم اربيها
مصطفى : اسماااااااااااااااااااااااااااء . اقعدى رايحه فين .. هههههههههههههه اه يابنت المجنونه
اسماء : ماتكلمنيش
مصطفى : ياخرابى !! امال اكلم مين … يا عبيطه دول غيرانين منك
اسماء : والله ؟ كل بعقلى حلاوه كل
مصطفى : لا ياقلبى ماباكلش حلاوه . مابحبهاش اصلا هههههههههههه بس انتى مش شايفه نفسك ولا ايه ف ام الفستان اللى هينطق عليك ده ….
اسماء : هههههههههههههههه مابكلمكش وليلتك طين النهارده يا مصطفى وهتبات ع الكنبه بره
مصطفى : ههههههههههههههه ياخواتى … بحب واحده مجنونه يا جدعان . ايه القمر ده
اسماء : طب اسكت بقي اسكت
مصطفى : بقولك ايه اتعدلى انتى عارفه انى ابن مجانين وممكن اقوم ابوسك قدامهم
اسماء : يادى النيله عليا .. انا اللى اتدبست ف واحد مجنون
(مصطفى بيقرب لأسماء جدااااااااااااا وبيبص لعينيها )
اسماء : ايه ؟
مصطفى : بحبك
اسماء : شكرا
مصطفى : وبموت ف غيرتك دى
اسماء : متشكره يا سيدى
مصطفى : طب ورحمه ابويا لو ما قولتيها دلوقتى لاخليك تقوليها ف المايك قدام الناس
اسماء : يالهههههههههههههههوى .. بحبك . والله بحبك .. يادى النيله عليا وعلى سنينى
مصطفى : ههههههههههههههههههههههه ايوه كده . ولا لازم نعلى صوتنا يعنى
اسماء : ماشى ياعم بس بردو هتنام ع الكنبه الليلادى
مصطفى : كده ؟ طب قومى يا سوسكا
اسماء : على فين ؟
مصطفى : يعنى هنقوم نمشى مثلا ؟ قومى محضرلك مفاجأه
اسماء : اهو قومت اما نشوف اخرها ايه ؟
………………
🌹🌹🌹🌹
مصطفى : بتعرفى ترقصي ؟
اسماء : هههههههههههههه لا .
مصطفى : طب بصى .. حطى ايدك ورا ضهرى وايدك التانيه على كتفى وخلي رجلك جنب رجلى مطرح ما اروح تعالى معايا . اشطا ؟
اسماء : اشطا
…………….
(بتاع الدي جى : سمع هووووس يا جماعه .. مصطفى باشا قرر يغنى وهو بيرقص .. المزيكا يابنى
مصطفى :
صاحبة الصون والعفاف احلى واحده في البنات
الي عمري ما قلبي شاف زيها في المخلوقات
تسمحيلي برقصه هاديه تسمحيلي بقربي منك
حلم عمري تكوني راضيه عن وجودي بس جميك
يا خلاصة الجمال يا نشيد العاشقين ❤
يا اجابة عن سؤال كان شاغلني من سنين
كان سؤال عن مين حبيبتي مين هتبقى اساس حكايتي؟
والاجابه كانت انتي انتي كنتي غايبه فين ❤
………..
(مصطفى بيشيل أسماء وبيلف بيها ف القاعه كلها )
اسماء : نزللللللللللللللللللللنى
مصطفى : مش هنزلك غير لما تقولى بحببببااااااااااااااك يا مصطفى بصوت عالى
اسماء : نزلنى يا صاصا هقع .
مصطفى : وربنا منا منزلك غير لما تقولى .. قولى يابت
اسماء : بحبك
مصطفى : بصووت عالى . سمعى الناس دى
اسماء : بحباااااااااااااااااااااااك
(مصطفى بينزلها وبيحضنها قدامهم )
مى : بت يا نور .. انا عاوزه اتجوز مصطفى ماليش دعوه
نور : ههههههههههههههه دا اتجوز اختك يا منيله
مى : ماليش فيه والله اطلقها واتجوزه انا والنبى والنبى
نور : عارفين يا ولاد اللذينه انتوا لولا انه اخويا كان زمانى انا اللى اتجوزته هههههههههههههه ده حبيبى وسندى ربنا يخليهولى
مى : فعلا والله . وهو تقريبا الصاحب الوحيد ليا . بقولك ايه عاوزين نرخم عليهم النهارده
نور : نروح لمين يا حيله . انتى عاوزه مصطفى يكرشنا من ع السلم
مى : لا مصطفى طيب ومش هيعملنا حاجه
نور : مين ده اجرى اجرى .. والمصحف يعلقنا ف السقف واقولك على حاجه . اختك هتساعده كمان هههههههههههههههههه دى ليلتهم يابنت الهبله
مى : طب خلاص نطب عليهم الصبح بدرى
نور : هو اى هيصه وخلاص … لا احنا نسيبهم يتهنوا ببعض شويه وبعد كده نبدأ الرخامه بتاعتنا
…………………..
عبير : جاتنا نيله ف حظنا الهباب
مروه : انا هتجيلى النقطه منك لله يا بعيده
عبير : امال انا اعمل ايه … انا بتقطع من جوايا يا مروه ونسيت طعم الفرح هههههههههههههه
مروه : اتنيلى على عينك اشوف فيك يوم انتى وخطيبى ف يوم واحد
مروه : بس انتى عارفه … مصطفى ده واد ابن حلال مصطفى عشان لقي البت دى
عبير : فعلا . انا كنت دايما اقول وهو الواد ده هيتجوز مين . لغايه ما شوفتها وقولت بجد لايقين على بعض هى قمر وهو قمرين
………………………….
مصطفى : احم احم .. مش يلا بقا يا سوسكا ولا ايه ؟
اسماء : يلا منا عماله ابصلك اصلا بقالى كتير عشان اقولك .. احنا بقالنا كتير وودنى خلاص ماعدتش سامعه بيها
مصطفى بيشاور على ابو اسماء : خلاص ياعمى بقا كلم محمود بتاع الدي جى يفنش
ابو اسماء : ايوه يلا الوقت اتأخر
مصطفى : لو سمحتوا يا اهل الفرح . نتلم على بعض كده عشان هناخد صوره متجمعه لينا كلنا باللى ف القاعه كلهم
……………….
(بره القاعه )
نور : استنى يا مصطفى هركب معاكو
مصطفى : امشى وحياه امك من هنا لاحسن ارنك علقه .. امشى يابت
مى : طب خلاص خدونى انا معاكوا
مصطفى : يجيلك ويحط عليك انتى كمان .. انتوا عاوزين منى ايه ياولاد المفكوكه
اسماء : ههههههههههههههههههه
مصطفى : اه مانتى عماله تضحكى انتى ولا هامك حاجه . لما نروح بس ربنا يسهل
حسن : صاااااااصا . حبيب قلبى وعشره عمرى .. مبروك يا كبير
مصطفى : يباركلى فيك يا ابو على .. ساره ازيك يابنتى الفرح منور بوجودك
ساره : ايه ده هو انت ماكنتش عاوزنى اجى ولا ايه .. اتلم يا مصطفى داحنا عشره وجيران .. مبروك يا اسماء وربنا يهنيكوا ببعض يا حبيبتى .. بقولك ايه احنا خلاص بقينا اصحاب عاوزين نطلع عيون الرجاله القادره دى
مصطفى : بقا احنا رجاله قادره ؟ بقا كده يا ندله دنا على طول اقول لجوزك هاتلها شوكولاته وهو مروح ….. بص يا حسن كيس حرنكش وانت مروح كل شهر وشكرا على كده اوعا تجيبلها حاجه
ساره : هههههههههههههههه مبروك يا درش وربنا يرزقكوا خير دايما … المهم اسماء بقت صاحبتى خلاص
مصطفى : ياباشا انتوا اصحاب من زمان اصلا
حسن : هههههههههههههههه يلا يا عريس اركب عربيتك واخلع بدل ما التتار اللى جوه يخرج ومش هتخلص
ابو اسماء : مبروك يا درش .. خلى بالك منها دى ماليش غيرها
مصطفى : هتوصى منك على اللى منك ولا ايه يا عم محمد .. وصيها هى عليا هههههههههههه
ام اسماء : لولولولولولى .. مبروك يا حبايبى وربنا يكتبلكوا الخير … رنى عليا يا اسماء لما توصلوا
مصطفى : ترن على مين يا حماتى . هى مسافره رحله ؟ هههههههههههه دى راحه شقه جوزها عيب بقا كده
ام مصطفى : تعالى ف حضنى يا ابن قلبى
مصطفى : حبيبه قلبى وتاج راسى وحبيبتى الاولى انتى يا ام مصطفى
نور : سيبيهولى بقا يا ماما
مصطفى : تعالى يا نور ف حضن اخوك … اخوكى بقا عريس صدقى بقا . يادى النيله انتى هتعيطي ليه دلوقتى
نور : هتوحشنى رخامتك عليا ,,,, انا بكره البت اسماء دى عشان خدتك منى
اسماء : ههههههههههههههههه بقا كده يا ندله
ابو اسماء : ههههههههههههههههه
ام اسماء : ههههههههههههههههههههههه معلش يا نور ابقى روحى رخمى عليهم كل يوم
مى : ههههههههههههههه
مصطفى : طب ايه بقا ؟ اسيبكوا بقا وامشى انا ولا ايه ؟
ابو اسماء : خد عروستك وامشى ربنا معاكوا
مصطفى : يلا يا سمو الاميره على بيتنا ولا ايه
اسماء : يلا
……………….
(العريس والعروسه داخلين شقتهم )
………
مصطفى : ادخلى برجلك اليمين يا عروستى
اسماء : احم … حاضر
مصطفى : ياختى عليك وعلى كسوف أمك ده هههههههههه
اسماء : مصطفى . اهدى شويه انا مكسوفه خالص
مصطفى : حاضر يا روحى … رايحه فين
اسماء : داخله الاوضه اغير الفستان ده حاسه انى مخنوقه
مصطفى : لا خليه عليك شويه وتعالى
اسماء : اجى فين . هنقعد فين بقي
مصطفى : تعالى هنقعد ف الريسيبشن ده نتفرج ع التلفزيون ونتكلم شويه لغايه ما تاخدى عليا انتى وتشيلى رهبه كسوف أول يوم ده
اسماء : ماشى يا حبيبى يلا
مصطفى : تعالى جنبي
اسماء : اهو جنبك
مصطفى : بصي بقي يا ست البنات
طبعا انا عارف ومتأكد ان باباك ومامتك قعدوا معاك ووصوك عليا ووصوك على جوزك وبيتك وتعملى ايه وماتعمليش ايه .. صح ؟
اسماء : صح
مصطفى : وأنا مش هزود عليهم حاجه كتير بس انا عندى كلمتين صغننين اد كدهو
اسماء : ماشى
مصطفى : ايه هتفضلى تقولى ماشى وحاضر طول الليل ولا ايه ههههههههههههه امال فين لسانك الطويل .. اتصل على نور ومى اجيبهملك يعنى ولا ايه ؟
اسماء : ياريت هههههههههههه
مصطفى : امشى يابت … الليله انتى بتاعتى انا وبس
اسماء : احم احم بقي .. كمل كلامك
مصطفى : يا اخواتى يا ناس قلبى هيقف من الرقه دى
اسماء : مصططططططططفى . هسيبك وهدخل انام والله انا وشى احمر ع الاخر
مصطفى : هههههههههههههههههههه خلاص اهو اهو هكمل
المهم ياستى عاوزك تعرفى ان اسماء ومصطفى بقوا شخص واحد
حقي عليك انك تكونى سكن ليا
انك تريحي بصرى وبصيرتى
ماتشيلينيش الهم فوق همومى حتى لو فعلا فيه هموم كتير هتقابلنا …. بس ضحكه منك كفيله انها تخلينى مليان امل وتفاؤل انى اواجه الهموم دى
اسندينى وقت وقوعى
شيلينى وقت كسرتى
طبطبى عليا وقت ما اكون محتاج حد يطبطب عليا
قوينى وقت ضعفى
اشترينى وقت ما الدنيا كلها تبيعنى
خليكى اخر خط دفاع لروحى لما الاقي الدنيا كلها جايه عليا
اسماء بدموع : حاضر يا راجلى وسندى وحمايتى ف الدنيا دى كلها
مصطفى : نيجى بقا لحقك عليا … واللى انا عاوزك تحاسبينى عليه لو مانفذتوش معاكى
اسماء : ايه هو ؟
مصطفى : حقك عليا وواجب عليا انى أحبك حب بكيانى كله
هعشقك بقوه واحد صابر العمر كله لأجل ما يلاقى حبيبته اللى يقدر يسعدها
هخلى الكون كله يغير من طريقه حبى ليك
هكون سندك
هكون أمانك وحمايتك
هكون إبنك وابوك
هكون اخوك وصاحبك
هكون جوزك وعشيقك وحبيبك
هكون ايد تطبطب عليك وقت ما تكونى زعلانه
هكون حضن دافى يملى كيانك وقت ما تكونى محتاجاه وحتى من غير ما تحتاجيه
هكون راجل بيعرف يحب
هديك الامان والثقه وانا متطمن
ليكى ف زمتى نخرج حتى لو كل يوم ويوم المهم يكون الجيب عمران ههههههههههه
انا مش جايبك خدامه ولا فلبينيه بدون مرتب
لا انتى زيك زيي ف البيت …
اللى فاضى فينا يطبخ ..
اسماء : ايه ده بتعرف تطبخ ؟
مصطفى : الشيف شربينى مع حضرتك يا هانم
اسماء : ههههههههههههه
مصطفى : ورحمه ابويا يا سوسكا لأعلمك يعنى ايه جنان وشقاوه وحب وحنان
اه بس خلى بالك عشان ماتقوليش انى ماقولتلكيش
انا مش بغير خالص
بس يمين الله لو شوفتك بتكلمى حد من قرايبك او بتبتسمى لراجل غيرى حتى لو ف شغلك
هقتلك وهقتله … طبعا النقطه دى مافيش نقاش .. وانا مش بغير على فكره خالص
اسماء : هههههههههههههه استر يارب
مصطفى : اى مشكله تحصل بينى وبينك ف إحنا كبار بما فيه الكفايه اننا نحلها
يعنى أمك وامى مالهمش علاقه بالموضوع
نور ومى دول الكريزه بتاعتنا … اصحابنا وحبايبنا بردو …
والاهم من ده كله ان مافيش حد فينا يسيب التانى زعلان …
بس انا ليا طلب صغنون
اسماء : نعم
ابوس ايديك بلاش مقالب بقي انتى ونور ومى انا استويت
اسماء : ههههههههههههههههه انت وحظك بقي
وبعدين ايه الكلام الحلو ده يا مصطفى .. ايه الجمال ده
وايه الحنيه دى
تصدق يا اخى . وهعترفلك بحاجه اول مره تعرفها
من يوم ما شوفتك وقبل ما اعرف انك جارى ولا حتى قبل ما اعرف اختك نور وتبدا تيجى عندنا كنت بتمنى انى اشوفك تانى وتكون من نصيبى
شوفت فيك رجوله من اول نظره منك ليا … حسيت انها نظره مش عاديه ماكسرتنيش النظره دى . بالعكس حسيت انى ملكه وانت بتبص للملكه بتاعتك
انا بحبك اوى يا تاج راسى
مصطفى : احم احم …. طب قومى معايا
اسماء : مصطففففى .. اعقل شويه
مصطفى : اه يا قليله الأدب دماغك على طول قذره ههههههههههههههههههه هنقوم نتوضى عشان هنصلى سوا ادخلى البسي الاسدال يلا
اسماء : حاضر
……………………..
(مصطفى بيصلى إمام ب أسماء وبعد انتهاء الصلاه )
مصطفى : ايه يا سوسكا بتعيطى ليه ؟
اسماء : اصل صوتك حلو اوى و شدنى ..
مصطفى : يا اخواتى . انا محظوظ والله قومى يلا
اسماء : على فين
مصطفى : قومى معايا بقا على اوضتنا .. هقولك على كلمه سر جوه
(اسماء بتعضه من كتفه وبتسيبه وبتجرى على الاوضه وبتقوله : انت رخم اصلا ومخامصاك
مصطفى : يا بركه دعاكى يامه … (وبيقوم وراها ع الاوضه )
………………………………
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية شوفت القمر سهرني لياليا)
