رواية شوفت القمر سهرني لياليا الفصل السادس 6 بقلم أحمد سعد
رواية شوفت القمر سهرني لياليا الجزء السادس
رواية شوفت القمر سهرني لياليا البارت السادس
رواية شوفت القمر سهرني لياليا الحلقة السادسة
هبه : يعنى عامل نفسك عبيط يعنى
مصطفى : نعم ! انتى عاوزه تقولى ايه ؟
هبه : فيه ايه يا مصطفى انت عاوز تقنعنى انك مش حاسس بيا خالص
مصطفى : انا ف ايديا ايه ؟ هبه احنا زمايل .. وعمرى ما بصيتلك غير بصه احترام وزماله مش اكتر
هبه : بس انا مش كده .. انا بحبك وانت عارف واوعى تقولى انك مش حاسس
مصطفى : هبه ! انا راجل خاطب دلوقتى .. واللى بتقوليه ده لو كان ينفع زمان مش هينفع دلوقتى .. .. احنا زمايل وبس .. اكسبينى كزميل .. عن اذنك
………………………..
منى : ايه ده واقفه كده ليه يا هبه مالك وبتعيطى ليه يا بنتى مالك ؟
هبه : مافيش
منى : لا بجد مالك فيه ايه … تعالى نقعد ف الكافتيريا نشرب كوبايتين شاى ونفطر وتحكيلى
………………..
منى : احكى !
هبه : عارفه مصطفى اللى معانا ف ال HR
منى : عارفاه ؟ هههههههههههه دنا بحبه بقالى سنه ف صمت وهو ولا حاسس
هبه : الله يحرقك انتى كمان هى ناقصاك
منى : فيه ايه انا عكيت الدنيا ولا ايه . انا بقولك عادى بهزار
هبه : تصدقى كرهتك … انتى اه سكرتيره المدير بتاعى بس كرهتك فجأه
منى : هههههههههههههه ياحبيبتى انا بقول بهزار ماقصدش اصل الواد مز كده وحليوه وشايف نفسه علينا
هبه : طب اخرسى
منى : ماله مصطفى بقي
هبه : خطب من يومين والباشا بيقولى اننا زمايل مع انه عارف انى كنت بحبه
منى : طيب وهو انتى فعلا كلمتيه او عبرتيله قبل كده عن حبك
هبه : بشكل مباشر لا بس هو اكيد فاهم وعارف هو ذكى مش غبى واكيد عارف تصرفاتى معاه كانت عباره عن ايه
منى : غلطانه انك ماتكلمتيش . اهو خلاص راح من ايدك
هبه : هو مين ده اللى راح منى ؟ شعرى ده مايبقاش على ست ان ما فشكلت خطوبته دى
منى : هبه عاوزه اقولك على حاجه .. مصطفى مش سهل ومش عيل عشان تفتكرى انك ممكن تعملى معاه نمره وهيسكتلك ..
هبه : انا عاوزاك معايا ف اللى هنعمله موافقه ولا لا
منى : لا بس اعرف هنعمل ايه الاول قبل ما اقولك موافقه ولا لا
هبه : ماتقلقيش هتبقى عارفه ومش هقولك تعملى حاجه الا لما تقولى موافقه
منى : ماشى موافقه .
……………………..
((ف نهايه اليوم ))
مصطفى : الو ! سوسكا انتى فين ؟
اسماء : ايه يا حبيبى انا نازله اهو دقيقتين هبقى على باب الشركه تحت
مصطفى : طب يلا انا مستنيك تحت اهو
اسماء : امانى هتيجى معانا
مصطفى : ماشى هاتيها عشان عاوز اسلم عليها واشتمها شويه على المقالب اللى عملتوها
اسماء : نازلين اهو ههههههههههه
……………..
مصطفى : اهلا اهلا بوش المصايب اهلا اهلا
امانى : ههههههههههههه الله . وانا مالى ياخويا خطيبتك واختك اللى طلبوا منى اعمل كده
مصطفى : تقومى تسمعى كلامهم على طول كده
امانى : انا عاوزه اقولك اننا كنا بنموت على روحنا م الضحك .. بجد كنا خلاص بنموت
مصطفى : ماشى ماشى مردودالكو
اسماء : ههههههههههههه ماشى يا عم
مصطفى : ماشى .. ماتيجوا اعزمكوا بره
اسماء : لا ياعم لاحسن نتأخر على البنات .. انت كلمتهم ولا لسا
مصطفى : ياسلاام :: هكلمهم واروح اجيبهم ونتغدى كلنا بره .. نروح أدوره كده ناكلنا اكله سمك ولا حاجه ….
اسماء : احم .. اللى انت شايفه
مصطفى : الو ! ايوه يا نور انتوا فين طلعتوا ولا لسا
نور : ايوه احنا بره اهو كنت لسا هكلمك . .
مصطفى : طيب انا دقيقتين هكون عندك … هاخدك انتى ومى ونروح نتغدى بره احنا الخمسه
نور : خمسه مين ؟ احنا اربعه
مصطفى : لا ماهو الضلع الخامس بتاعكوا موجود معانا . امانى ياستى
نور : ههههههههههههههه ماشى مستنينكوا اهو
………………………………..
((ف البيت بعد العصر ))
اسماء : الو ! ايوه يا نور مصطفى نام ولا لسا
نور : اه رجع نام على طول
اسماء : طب تعالى يلا عشان هنهجم على بابا دلوقتى
نور : اوكى .. يلا جايه اهو
……….
ابو اسماء : اهلا يادى النور بال3 قمرات بتوعى
نور : اهلا يا عمى
ابو اسماء : اهلا يا نور ازيك ؟
نور : سلاامات يا عمى
ابو اسماء : الله ! مالكوا
اسماء : الا قوليلى يا مى .. ماما تعمل ايه لو قولتلها ان بابا معاه تليفون تانى بيكلم من عليه واحده مزه حلوه كده هههههههههههههه
مى : يا نهار ازرق دى هتبقى ليله
ابو اسماء : يا ولاد الجنيه .. انتوا بتساومونى وبتهددونى
اسماء : ههههههههههههههههههه اه .. التليفون اللى معاك الجديد ده بيعمل ايه معاك .. اعترف يا حاج
ابو اسماء : ده هديه من خطيبك جايبهولى اقوله لا يعنى ؟
اسماء : هديه من خطيبى بس ولا اشتغاله من خطيبى
ابو اسماء : يعنى ايه مش فاهم
مى : خلاص يا اسماء ماتفهميش بابا حبيبى انا هروح لماما وهى تفهمنا
نور : ههههههههههههههههههههه قر واعترف يا عمى خلاص المستور انكشف
ابو اسماء : مستور ايه وبتاع ايه انا مش فاهمكوا يابت انتى وهى
اسماء : الرساله دى ؟ مبعوته من على تليفونك لتليفون مصطفى امبارح ….. فيه ايه بقي عاوزين نفهم ؟ لاحسن هنقول لماما والله انك شايفلك شوفه تانيه هههههههههههه
ابو اسماء : على اخر الزمن بناتى بيهددونى
اسماء ومى ونور : اه بنهددك هههههههههههههه
ابو اسماء : يا بنات حرام كده .. مصطفى هيزعل
اسماء : يا بابتى يا حبيبى وهو مصطفى هيعرف ازاى ومين هيقوله ؟
ابو اسماااء : اممممممم عليا انا ؟ دانتوا تقتلوا القتيل وتمشوا ف جنازته
اسماء : هههههههههههههه لا لو قولت الحقيقه هنعتبرك شاهد ملك ونخفف عنك العقوبه ونعفوا عنك
ابو اسماء : طيب .. مصطفى فين ؟
نور : نايم هناك ف شقتننا
ابو اسماء : مصطفى اللى جابلى التليفون وكتب الرساله وهو اللى طلب منى ابعتهاله الساعه 9 بالظبط وقالى عاوز اجنن اسماء والبنات
نور : هههههههههههههههههه وبعدين وبعدين
اسماء : هههههههههههههههه وايه تانى اوعى تخبى عننا حاجه
ابو اسماء : بس كده .. وقالى كل ما هعمل مقلب جديد هييجى يقولى على طول … والمفروض ان فيه مقلب جديد ف الطريق بيحضرله
اسماء : والمقلب ده عباره عن ايه ؟
ابو اسماء : والله يا حضره الظابط لسا مش عارف
اسماء : طيب . احنا ماتكلمناش معاك و مانعرفش حاجه .. يعنى يبقى الوضع على ماهو عليه وماتقولش لمصطفى اننا كشفنا أمرك ولا جندناك معانا
ابو اسماء : وهو انا مجنون عشان اقوله ههههههههههههه اه يا جزم يلا انتى وهى من هنا يلا
اسماء : اندهى على امك يا مى
مى : يا ماماااااااا يا مام………..
ابو اسماء : خلاص انسدى جاتكوا البلاء والبلا .. اعوذ بالله . دانتوا ستات كبيره وعاملين نفسكوا صغيرين اعوذ بالله
اسماء : هههههههههههههه ها معانا ولا لا
ابو اسماء : معاكوا وأمرى لله …
اسماء : اشطا .. لما يقولك ع المقلب الجديد بقي تقولنا عليه
ابو اسماء : ماشى .. ادخلى اعمليلى شاى
اسماء : ياسلام .. احلى كوبايه شاى تكون حاضره قدام بابتى حبيبى
نور : خلاص سيبوه يا بنات هو اعترف بكل حاجه هههههههههههههه
مى : هههههههههههههههههههه بقا تتفق على بناتك يا عم الحاج ؟ ماشى ماشى
نور : تعالوا ندخل الاوضه يا بنات
…………………..
((ابو اسماء بيكلم نفسه : ربنا يحفظكوا م العين يا حبايبى ويجعل ايامكوا كلها هزار وضحك وحب بالشكل اللى انا شايفه ده ويجعلك خير عوض ل أسماء يا مصطفى وتخليها دايما وشها منور زى دلوقتى .. ويهديكوا يا بنات وماتقولوش لأمكوا على اللى عملته ))
…………………….
نور : حلو اوى الشغل ده يا بنات … مش عاوزين نكسل ونفضل فايقين كده ل مصطفى
اسماء : اه .. روحى انتى شقتكوا شوفيه صاحى ولا لسا نايم .. عشان ده ميعاد صحيانه ومش عارفه بقا هياخدنا يخرجنا ولا هيخرج مع حسن صاحبه
نور : على فكره حسن صاحبه متجوز واحده كانت جارتنا وكانت بتحب مصطفى ههههههههههههههه
اسماء : بتقولى ايه ؟
نور : اه والله …
وحسن عارف ومصطفى عرف بعد ما هى اتخطبت انها كانت بتحبه
ولما عرف ان حسن صاحبه عرف ان خطيبته بتحبه عزمهم هما الاتنين عندنا
وقالهم انتوا الاتنين ف مقام اخواتى .. حسن مش بس صاحبى وعشره عمر ده اخويا . وساره جارتى وبنت حتتى واختى الصغيره طول عمرها ومتربيين سوا
اسماء : تمام وبعدين
نور : ولا قبلين دى حاجه بمناسبه حسن يعنى .وكتير الاقي حسن عازم مصطفى وبيكلمه ويقوله ساره ياسيدى هزقتنى وعاوزه تعزمك وهو عادى يوم يوافق ويوم يشتمهم ويقولهم سيبونى بقي هههههههههه
اسماء : انا ساعات بستغرب اخوكى يا نور
ازاى فيه كل الحاجات والصفات دى ؟ ازاى يقدر يحتوى صاحبه ومايخسروش عشان مرات صاحبه كانت بتحب مصطفى قبل الجواز
اد كده هو بيحب الناس القريبين منه ؟
نور : جداااا . دايما يقولى حب الناس عزوه يابنتى وهينفعوك ف وقت ضيقتك وزنقتك .. المهم تختارى ناس صح … ومصطفى اخويا حظه حلو ف اصحابه او بمعنى اصح بيختار الناس الصح .. اللى يقفوا جنبه ويشتروه
اسماء : صح كده .. روحى يلا انتى شوفيه صاحي ولا نايم . وعرفينا هيعمل ايه ؟
نور : وحياه امك ؟ ماهو اكيد هيتصل عليك اول ما يصحى
اسماء : قرى بقي ع اللى خلفونا
نور : مابقرش ياختى .. انا ماشيه بقي .سلام دلوقتى
…………………..
نور : ايه ده انتى صاحي من امتى ؟
مصطفى : لسا حالا .. كنتى فين ؟
نور : هكون فين يعنى .. عند خطيبتك
مصطفى : وعاملين ايه ؟
نور : كويسين .. هتخرج ؟
مصطفى : ايوه شويه كده . اعمليلى كوبايه شاى وحطى فيها قرنفل عشان قايم مصدع
نور : موووووشى …
مصطفى : بقولك ! ابو اسماء هناك ف البيت ولا بره ؟
نور : لا هناك … عايزه ف حاجه ؟
مصطفى : اه . هقوله حاجه كده
نور : طب قولى وانا اقولهالو لما اروح تانى
مصطفى : لا ماينفعش
نور : ياعم قول وانا اقوله احسن .. بدل ما اخلى البنات تعرف وتقولى
مصطفى : لا البنات مش هتعرف حاجه وهو استحاله يقولكوا . وبعدين دى حاجه رجالى انتوا مالكوا انتوا
نور : هههههههههههههههههههه
مصطفى : بتضحكى على ايه ؟
نور : لا ولا حاجه .. ماشى ياعم … بدانا شغل الاسرار اهو
مصطفى : اعملى الشاى يا لمضه
…………..
نور : الو ! اجهزوا يا بنات وطقطقوا ودانكوا كويس مصطفى هييجى يكلم ابوك ف حاجه وهيخرج تانى
اسماء : اه ماهو لسا مكلمنى وقال انه هينزل شويه مع اصحابه بس عاوز بابا
وبعدين ماتقلقيش بابا كده كده هيقولنا هو ناوى على ايه
نور : يا عبيطه انتى وهى لازم تراقبوا الجو بردو لاحسن ابوكوا يقوله اننا كشفنا امرهم
لازم تطلعوا وتخرجوا قدامهم كده تحسسي ابوك انكوا موجودين
اسماء : اه والله تصدقى … اقفلى بقي انا رايحه افتح لاخوك . طب ما تيجى معاه بسرعه واهو تبقى معانا ….
نور : فكره . انا جايه اهو هتلاقينى مع مصطفى ع الباب .. سلام
………………….
مصطفى : وحشتيني يا سوسكا
اسماء : وانت كمان يا صاصا . تعالى ادخل
نور : وانا كمان بحبكوا
مصطفى : بسم الله الرحمن الرحيم … انتى طلعتى منين يا قرده انتى
نور : واقفه وراك اهو من ساعه وحشتينى يا سوسكا
اسماء : ههههههههههههههههههههه ادخلوا يا جماعه ادخلوا بابا جوه مستنيك
……………
اسماء : تشربوا ايه ؟
مصطفى : لا ولا حاجه انا عاوز عمى ف موضوع كده عشان خارج انا
اسماء : ماااشى
نور : منور يا عمو .. منور . اجيبلك حاجه يا عمو
ابو اسماء : يا خفى الألطاف نجنا مما نخاف … لا يانور شكرا ادخلى انتى مع البنات
مصطفى : اسمعنى بقي بسرعه عشان فكرت ف حاجه تانيه اعملها طالما الاولانيه اتقفشت … دى بنات مش سهله اعوذ بالله مش عارف انا بيعرفوا منين ؟
………………….
ابو اسماء : خير يا مصطفى
مصطفى : بص يا عمى … انا هتفق مع واحده تكون معرفة حد من جيراننا او معارفهم تيجى وتسال عليا ف البيت وتكون أسماء معزومه عندنا ف الشقه وانا أكون بره واخليها تتقابل مع البنات
ابو اسماء : وبعدين ؟ وتعرف انت البنت دى
مصطفى : لا انا بقولك على الفكره لسا ماشوفتش هقول لمين هههههههههههه
ابو اسماء : ماشى . فكره حلوه بردو
مصطفى : اتفقنا … قوينا عليهم المره دى يا رب هههههههههههههه
…………………………
نور : احم احم . منور يا عمى
ابو اسماء : اهلا ده نورك
اسماء : ايه بقي ؟
……………….
نور : يا نهار ازرق ههههههههههههههههههه لا ده مصطفى اتجرأ خالص
نور : بنات !! ورايا على اوضه الاجتماعات
اسماء : يلا بينا هههههههههههههه
مى : ههههههههههههههه
………………………………….
حسن : مالك يا عمنا ؟
مصطفى : بفكر ف مصيبه اعملها مع البت خطيبتى واختى واختها هههههههههههه
حسن : احكيلى فضفضلى
مصطفى : عاوز اعمل فيهم مقلب يا اخى واتفقت مع حمايا انى هخلى واحده تيجى تسال عليا ف البيت وهما موجودين
حسن : طب دلوقتى عاوز ايه
مصطفى : عاوز اشوف واحده تبعنا كده صاحبتنا ولا جارتنا بس ماتكونش نور اختى عارفاها تيجى تعمل التمثيليه دى وتمثل عليهم شويه
حسن : عندى انا البنت دى
مصطفى : وحياه امك بجد ؟؟ مين ؟ انا اعرفها ؟
حسن : اه تعرفها هههههههههههههههه
مصطفى : بتضحك ليه ياعم .. اوعى تقولى مراتك هههههههههههههههه
حسن : لا مش للدرجادى وبعدين اختك تعرف مراتى .. صاحبتها بقي عارفها ؟ البت مروه
مصطفى : ياااااااااااااااااه . هى لسا عايشه ؟
حسن : ههههههههههههه اه . بتيجى لساره مراتى كل فتره كده … وكم فتره كده بلاقيها بتسال عنك . زى ما تكون عينيها منك ولا حاجه
مصطفى : عينيها منى ايه دى حوله …. وبعدين عاوزها تيجى تعمل المقلب ده معايا .. دى هتسلمنى تسليم اهالى يابنى
…………………………
(اخر السهره )
حسن : انا قايم بقا يا شباب
مصطفى : رايح فين يابنى ما بدرى
حسن : فيه مشوار كده هعمله الاول قبل ما اروح عشان ماتأخرش بس
مصطفى : ماشى يا حب .. ماتنساش الموضوع بتاعنا بقي
حسن : لا من عنيا .. النهارده هيكون الموضوع خلصان
مصطفى : ماشى يا ابو على …. عاوز حاجه ؟
حسن : اه ثوانى يا مصطفى كده
مصطفى : ثوانى يا شباب . وحياه ابوكوا اللى هيسرق ف الورق لاطلع عين امه .
خير يابنى ؟
حسن : معاك 400 جنيه لاخر الشهر لما اقبض بس لان صاحبك قشفر خالص
مصطفى : طب تعالى
حسن : رايح فين
مصطفى : هسحبلك فلوس من الماكينه اللى ع البحر تعالى
……………
حسن : ايه يابنى ده انا بقولك 400 بس دول 1000 جنيه
مصطفى : وانت مال أهلك انت . امسك .. وهات لمراتك حاجه حلوه
حسن : ماشى .. بس مش هسددهملك كلهم الشهر ده هههههههههههههه
مصطفى : تصدق انك بايخ . امشى يالا ههههههههههههههه
حسن : ماشى يا حب . سلام
مصطفى : سلام
………………………………
( ف بيت حسن )
حسن : ازيك يا سو
ساره :سونسون . اتأخرت ليه ؟
حسن : ولا حاجه . كنت هتصل بيك اخرجك بره بس لقيت الوقت اتأخر
ساره : ههههههههههههههههه اه يبقى مصطفى اللى قالك خرجها صح ؟
حسن : هههههههه لا هو قالى هات حاجه حلوه بس
ساره : دايما فاكرنى كده مش ناسينى هههههههههههههههه
حسن : عندى ليكى موضوع بقا ومصطفى اللى عاوزه منك شخصيا
ساره : ايه ده موضوع بجد ؟ ومصطفى كمان ؟ لا دانت تستنى بقي لما اجيب ودنى واركز معاك … قول يا معلم
……………………
ساره : انتوا عاوزين تفقعوا مرارة مروه حرام عليكو . مانتوا عارفين ان البت مهتمه بمصطفى
حسن : ههههههههههههههههه طب ايه عندك واحده تانيه ؟ ده اول مره مصطفى يطلب منك الخدمه دى .. وبيقولك اقفى مع اخوك
ساره : لا خلاص اعتبر الموضوع موضوعى … هفنن كده وممكن اشوفلكوا خطه جديده حلوه احسن من دى
حسن : اشطا .. تمام . واهو بردو كيد النسا غلب كيد الرجال … العيال مجننينه
ساره : ههههههههههههههههه لا خلاص انا دخلت اللعبه . وهجنن اهاليهم … بقولك ايه ؟ ماتعزم مصطفى وخطيبته
حسن : بنت حلال انا كنت ناوى اعزمهم اصلا بس اخر الشهر .. يعنى كمان 4 ايام كده على الجمعه الجايه ان شاء الله
ساره : خلاص تمام .. بس عرفه من بكره عشان يعمل حسابه .. عاوزه اتعرف على اسماء واكون صاحبتها اوى
حسن : خلاص تمام … مش هتعشينى بقي انا جوعت
ساره : من عنيا يا حبيبى
……………………..
((تانى يوم ف شغل مصطفى ))
هبه : منى ! دقيقه لو سمحتى
منى : خير
هبه : انا هروح اسال على مصطفى النهارده ف بيته وهحاول اتقابل مع خطيبته وهفشكل الموضوع ده النهارده
منى : انتى مجنونه ؟ افرضى هو شافك هناك
هبه : لا هو متعود يخرج المغرب .. انا هروح هناك على العشا كده وكده كده هى مواصله واحده بينى وبينه . مش بعيد يعنى
منى : ربنا يستر ..
هبه : تيجى معايا المشوار ده ؟
منى : لا يا ستى ماليش دعوه بالليله دى مش ناقصه بهدله .. دا واد مجنون وممكن يهزقنا هناك ههههههههههههههههه
هبه : ماشى
………………………
(بعد المغرب .. مصطفى خرج مع اصحابه . وأسماء قاعده مع نور
وهبه بتخبط عليهم ))
نور : أسمــاء ! افتحى انتى انا بعمل الشاى
أسماء : ماشى
اسماء : اهلا بيك
هبه : اهلا .. انتى نور ؟
اسماء : لا انا أسماء . عاوزه حد هنا ؟
هبه : ماشاء الله انتى فعلا جميله اهو زى ما مصطفى بيحكى عنك
اسماء : نعم ؟ انتى تعرفى مصطفى منين ؟
هبه : اه طبعا اعرفه انا زميلته ف الشغل والمفروض اللى كان يخطبنى قبل منك ومش مهم تعرفى اسمى ..
اسماء : ثانيه واحده . انتى مين اللى باعتك . مصطفى اللى قالك تيجى تعملى كده مش كده ؟
هبه : لا انا مش عارفه انتى بتتكلمى على ايه ؟ انا قولت اجى انصحك وافهمك ان مصطفى ده يعرف بنات كتير وانا عارفه انى زميلته وماينفعش اقول كده بس انا خوفت عليكى وقولت اجى انصحك .. وكان هيخطبنى بس لما عرفته على حقيقته انا اللى مارضيتيش
نور : نعم ؟ انتى مين يا حلوه انتى وعاوزه مين ؟ احنا عارفين المقلب اللى ناوى مصطفى يعملوا فينا بس ماتأبحيش ف الكلام اكتر من كده . رسالتك وصلت . مع السلامه
هبه : صدفونى والله انا ما عارفه انتوا بتتكلموا على ايه ومقلب ايه انا فعلا زميلته ف الشغل وبكلمه كل يوم بس لما عرفت انه خطب قولت اجى انور البنى ادمه المسكينه دى عشان ماتتخدعش فيه وماتفكرش انه هيحبها حتى لو كان خطبها
نور : اللهم طولك يا روح … طب تعالى ادخلى وانا هتصل عليه ييجى تقوليله انتى الكلمتين دول
هبه : هههههههههههههه انا قولت اللى عندى وقولت اريح ضميرى
نور : ضمير مين يا ام ضمير .. تعالى ادخلى بدل ما اشدك وادخلك غصب عنك …
هبه : عن اذنكوا
نور : بتجرى يا جبانه يا ناقصه .. ودينى لانعرف شغلنا معاك
مى : ايه يا بنات فيه ايه ؟ صوتكوا عالى ليه كده
نور : ايه ده انتى بتعيطى يا أسماء ؟ ايه يا حبيبتى فيه ايه مانتى عارفه انه أكيد مقلب
اسماء : لا يا نور شكله مش مقلب وده بجد .. انا مش مصدقه اللى سمعته ولا اللى البت دى قالته
نور : يا عبيطه انتى بطلى هبل بقي والله مقلب وحتى لو مش مقلب ف اكيد هى بتتبلى على مصطفى اخويا وكانت بتحبه ولا حاجه وهو كان مصدرلها الطرشه
اسماء : ماظنش كده . انا رايحه اوضتى . ماتجوش ورايا لو سمحتوا
نور : اسمااااء ! اسماااااء . يا اسماااااء تعالى عيب بقي
وراها يا مى وخليكى معاها وانا هتصل على مصطفى
مى : ربنا يستر
…………………..
نور : الو ! فينك يا مصطفى
مصطفى : ايه يا نور فيه ايه خير ؟
نور : مش خير . تعالى دلوقتى عاوزاك ضرورى
مصطفى : خير يابت انتى قلقتينى فيه ايه ؟
نور : مستنياك يا مصطفى ماتتأخرش
……………………..
مصطفى : فيه ايه يا زفته انتى قلقتينى ليه ؟
نور : انت اتفقت على انك تجيب واحده هنا البيت وتعمل نمره علينا انا والبنات صح ؟
مصطفى : هههههههههههههه ولحقتوا تعرفوا ؟ دانتوا عالم قرده
نور : مابهزرش دلوقتى …. البت جات وطينت الدنيا ونيلت الدنيا خالص وخلت اسماء تتقهر ومن ساعتها وهى قافله على نفسها الاوضه
مصطفى : بت مين اللى جات ؟ انا لسا ماتفقتش مع حد اصلا …. بت انتى بتتكلمى جد ولا اشتغاله ؟
نور : اهلا اهلا … يعنى الموضوع بجد بقي
مصطفى : موضوع ايه يخربيتك فيه ايه ؟
نور : ياسيدى واحده جات وقالت انها زميلتك ف الشغل وانت كنت بتشاغلها ومعشمها بالحب والكلام ده بس لما هى عرفت انك بتاع بنات وكل يوم مع واحده سابتك . وعملت انها جات النهارده عشان تريح ضميرها وتقول لاسماء على حقيقتك ؟
مصطفى : هى مين الحيوانه دى ؟
نور : معرفش بقي وحياه امك اتصرف انت .. مش انت اللى عامل فيها بتاع مقالب ؟
اهى قلبت بجد ياخويا
مصطفى : هههههههههههههه وانتى فاكره ان حاجه زى دى ممكن تبعد اسماء عنى ؟
نور : هتعمل ايه يعنى ؟
مصطفى : بتقول انها زميلتى مش كده ؟
نور : اه
مصطفى : طب يارب ياختى تطلع زميلتى وماتطلعش واحده من بره ولا حد باعتها وتبقى هى اللى جابته لنفسها
نور : ليه هتعمل ايه ؟
مصطفى : مالكيش فيه .. استنى هبعت لاسماء رساله عشان لو اتصلت عليها مش هترد . دى دماغها جزمه قديمه ههههههههههههه
نور : انت بتتكلم ببرود كده ليه ؟ فيه ايه مالك البت بقولك مقهوره م العياط جوه
مصطفى : نور ! انتى تتوقعى ان اخوك يعمل كده ؟
نور : لا طبعا
مصطفى : ولما هو لا طبعا يا حماره انتى فيه ايه ؟ قلقانه من ايه .. مش احنا اللى ننكسر يا قلبى ولا نتهز مهما شوفنا وقابلنا
نور : هتبعت لاسماء ايه ؟ ممكن ماتشوفش الرساله اصلا
مصطفى : بتقولى فيها اهى قافله التليفون خالص
نور : طب وبعدين ؟
مصطفى : روحيلها دلوقتى وادخلى بالذوق بالعافيه قوليلها مصطفى بيقولك ماتروحيش الشغل بكره وهو هياخدك مشوار كده
نور : طيب بس يارب تسمع كلامى
مصطفى : لا بقولكوا ايه . ماهى هتسمع الكلام بدل ماا دخل اكسر راسها من دلوقتى
نور : بالراحه ياعم انت ياعم .. الله
مصطفى : يلا روحي
نور : طيب
…………………………
نور : افتحى يا مى انا نور
مى : تعالى ادخلى .. اسماء ف الاوضه
نور : سوسكا حبيبه قلبى انا يا ناس
اسماء : فيه ايه يا نور ايه البرود ده ؟
نور : اه برود عشان الموضوع شكله هيطلع فشنك
اسماء : ازاى بقي .. انتى كلمتى مصطفى ؟
نور : اه وقالى انه مش مقلب
اسماء : انتى جايه تفرسينى اكتر يابت يا جزمه انتى فيه ايه
نور : اسمعى بس ! هو بيقول انها كدابه وبكره عاوزك تاخدى اجازه من شغلك وهياخدك معاه مشوار
اسماء : مشوارا يه مش عاوزه اشوفه انا
نور : لا ياختى ماليش دعوه كان بيتكلم وهو شايط
اسماء : خليه شايط على نفسه ماليش دعوه بيه
نور : ههههههههههههههههههه اسمعى الكلام ماحناش قده ..
اسماء : هيودينى فين ؟
نور : مش عارفه .. اهو اللى يحصل يحصل بقي
اسماء : ربنا يستر
………..
((ف صباح اليوم الاخير ))
(ف العربيه )
مصطفى : اركبى ورا يا نور انتى ومى .. خلى سوسكا قدام
نور : اقعدى قدام يا اسماء خلى اليوم ده يعدى على خير والنبى
اسماء : طيب
مصطفى : منورين يا بنات منورين …
مى : نورك
مصطفى : فكى التكشيره دى بقي يا بت يا نور ها
نور : انا مكشرتش يا خويا ولا جيت جنبك
مصطفى : فكى التكشيره يا بت يا نور ياللى قاعده جنبى انتى ها .. فكيها بقي
اسماء : 😏😏
مصطفى : ايه ده بقي . هو انا اقدر على زعلك انت يا حبيب قلبى يا مكشر انت .. عليا النعمه مزه حتى وانتى غضبانه
فاكره يا نور الاغنيه اللى كنت بغنيها وانا صغير على طول وكان ابوك وامك معجبين بيها اوى
نور : طب غنيها انت انا مش فاكره
مصطفى : يابت بتاعه محمد فوزى
نور : محمد فوزى مين ياعم صلى ع النبى …
مصطفى : طب والله لاغنيها بقي ….
اسماء : ماتغنيش حاجه يابت يا نور صوتك وحش
مصطفى :ههههههههههههههههههه لا هغنى يا نور بقي
نور : طب غنى ورينا
مصطفى :
يا سلام لما وافق ابوها
يوم اهلى يوم ما جم خطبوها
لو كان مهرها نور عينى
دى انا روحى كمان يا خدوها
على ست البنات زفونى
على العش الجميل ودونى
دى عروستى و فداها عيونى
وعيونى عليها شوية
وعيونى عليها شوية
نور : اه حلوه اوى كنت بحب اسمعها منك
مصطفى : هههههههههههههههههههه اهي سنانك بانت اهى يا بت يا نور والله بتضحكى
اسماء : انا مضحكتش يا نور ولمى نفسك بقي . ماضحكتش خالص انا
مصطفى : هههههههههههههه طب يلا يا نور انتى ومى على مدرستكوا يلا
نور : ماتاخدنا معاك والنبى يا مصطفى المشوار اللى انتوا رايحينه . والنبى والنبى
مصطفى : لا … النهارده ماليش دعوه بحد الا البت المزه اللى مكشره جنبى دى
وبتضحك كمان مره اهو اهو والله هههههههههههههه
نور : طيب .. هتبقوا تحكولنا وربنا يهدى
مصطفى : نور انتى ومى ! زى ما اتفقنا 😉😉
نور ومى بيضحكوا : 😉😉😉
………………………..
(ف شغل مصطفى )
اسماء : انت جايبنى شغلك ليه ؟
مصطفى : تعالى بس ادخلى ومالكيش دعوه
اسماء : اهو دخلنا .. عاوز ايه بقي ؟
مصطفى : صباح الخير عليكو يا حضرات .. اقدملكوا أسماء خطيبتى وأحلى حاجه ف الدنيا دى ؟
والشئ اللى عايشله بقيه عمرى
وانتى يا ستى اقدملك حسن صاحبى واكيد عارفاه .. ورامى باشا صاحبى الكسلان
والست هبه زميلتنا هنا
اسماء : 🤨
مصطفى : بتشبهى على هبه ولا ايه ؟ تكونش شوفتيها ولا حاجه ؟
الا قولى يا حسن صحيح … انت صاحبى من إمتى ؟
حسن : فوق ال 12 سنه
صحيح انا كان بينى وبين أى بنى ادمه حلوفه هنا ف الشغل او بره الشغل اى علاقه من اى نوع غير علاقه الشغل والزماله
حسن : محصلش
مصطفى : على صوتك يا حسن … وبعدين انا بحلفك برحمه ابوك انى لو كنت متفق معاك انك تقول الكلمتين دول تقولهم دلوقتى
حسن : ورحمه ابويا انت ماتفقتش معايا على انى اقول الكلام ده .. وطول عمرك علاقتك بزميلاتك هنا ف الشغل علاقه زماله مش اكتر
مصطفى : طب تعمل ايه يا حسن لو واحده هنا ف الشركه جات لغايه البيت عندى وحاولت توقع بينى وبين خطيبتى اللى قدامكوا دى … وتقولها انى بتاع بنات ومعرفش ايه وكمان كنت ناوى اخطبها
حسن : هى مين دى ؟ دى كدابه بنت كدابه …. هى مين ؟
مصطفى : ماظنش مهم دلوقتى تعرف هى مين ؟ المهم ان الكلام وصلها واكيد شايفه نفسها حشره ماتستاهلش انى ارد عليها ,,,, انا بس كنت جايب خطيبتى اعرفها على مكان شغلى واخد اجازه النهارده عشان طالعين انا وهى نتفسح فسحه حلوه
حسن : حقك ياعم هههههههههههههه ربنا يباركلك فيها ..
مصطفى : عن اذنكوا يا شباب النهارده انا اجازه
………………………….
مصطفى : بتعيطى ليه دلوقتى يا سوسكا ؟
اسماء : عشان بحبك اوى وزعلت ان فيه واحده ممكن تحاول تفرق بينى وبينك
مصطفى : هششششش بلاش العكننه دى احنا النهارده بتاعنا .. وعاوز اقولك حاجه
اسماء : ايه ؟
مصطفى : يا حماره يا جزمه انا ما صدقت لقيتك وغصب عنك وعن عين اهلك كلهم هتجوزك ومحدش هيقدر ياخدك منى .. فهمتى ولا اجيبك من شعرك دلوقتى ؟
اسماء : فهمت يا ارق واجمل واحلى واعقل مجنون ف الدنيا دى وبعدين ايه حماره وجزمه دول ؟
مصطفى : هههههههههههههه ساعات كلمه يا جزمه بتبقى اكتر رومانسيه من كلمه يا حبيبتى
اسماء : ياسلاام ياخويا . سمعت الحكمه دى فين ؟
مصطفى : طب تعالى يلا اركبى العربيه
اسماء : اممممممم هتودينى فين ؟
مصطفى : امشى ومالكيش دعوه خالص . ماتتكلميش
اسماء : امرك يا سي مصطفى
………………
اسماء :مودينى فين مش فاهمه
مصطفى : اطلعى بس هوريك حاجه ف العماره دى الدور التالت
اسماء : ايه يعنى ؟
مصطفى : خدى افتحى الشقه دى بالمفتاح ده
اسماء : يووووووه قول يا مصطفى انا اعصابى تعبت . فيها ايه الشقه دى
مصطفى : افتحى وبلاش غلبه
اسماء : طيب طيب اهوووووو
…………………….
(بتفتح الشقه بتلاقى ابوها وامها ومى ونور وام مصطفى مستنينهم )
اسماء : ايه ده ؟ انتوا ايه اللى جابكوا هنا
مصطفى : ههههههههههههههههه ايه رايك ف شقتك اللى هنتجوز فيها ؟
اسماء : بتتكلم جد ؟ انا مش فاهمه حاجه
ابو اسماء : ههههههههههه انا وخطيبك بقالنا شهرين بنجهز وبنخلص فيها .. وكنا بنفرشهالك من غير ما تعرفى
ودى كانت هديتك … وعلى فكره كل الاشتغالات اللى انتوا فاكرين انكوا بتعملوها فينا .. كنا عارفينها انا وخطيبك وامك وامه .. وسايبنكوا انتوا البنات تضحكوا ههههههههههههههه
نور : اييييييييييييييييييييييييييه ؟ بقا كل ده مفكرين ان احنا اللى بنشتغلكوا طلعتوا انتوا يا كبار اللى بتشتغلونا ؟ هموتكوا والله كلكوا
ام مصطفى : ايه يا سمسمه بتعيطى ليه يا حبيبتى
اسماء : فرحانه يا طنط بيكوا وبمصطفى . انا بحبه اوى
ابو اسماء : بنت ! اتحشمى يا قليله الادب استنوا لما تتجوزوا وقوليها براحتكوا
مصطفى : هههههههههههههههههههه سيبها يا عمى تقول اللى هى عاوزاه . دى بنتى وحبيبتى من اول ما شوفتها
قولها يا عمى ع المفاجأه التانيه
نور : هو لسا فيه مفاجأت تاني ؟
ابو اسماء : حجزنا القاعه ياستى اللى هنعملكوا فيها احلى فرح واتفقنا مع بتوع ال دى جى وكله كله .. مش ناقص بس غير مشوار الكوافير والفستان بتاعك هننزل كلنا النهارده بعد العصر نختارهولك
مصطفى : والفرح الخميس الجاى … عند حضرتك اى مانع يا انسه سوسكا ؟
اسماء : ههههههههههههههه بحبك يا مجنون
مصطفى : وانا بعشقك يا قلب وعقل المجنون
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية شوفت القمر سهرني لياليا)
