رواية شوفت القمر سهرني لياليا الفصل الخامس 5 بقلم أحمد سعد
رواية شوفت القمر سهرني لياليا الجزء الخامس
رواية شوفت القمر سهرني لياليا البارت الخامس
رواية شوفت القمر سهرني لياليا الحلقة الخامسة
مصطفى : بص يا سيدى . ده تليفون صغير من ابو ٢٠٠ جنيه ههههههههههه وعليه شريحه تليفون . وكتبتلك رساله محفوظه عليه وسجلت عليه رقمى كمان … ما عليك الا انك الساعه 9 بالظبط هتبعت الرساله دى على تليفونى وانا هقوم بالباقى
ابو اسماء : ورينى كده كاتب ف الرساله ايه
مصطفى : اهو فتحتهالك اهو
ابو اسماء : ايه يابنى ده انت عاوز تقهر البت حرام عليك
مصطفى : هههههههههههههه لا ماتقلقش هلم الموضوع بس المهم لما تيجى تشكيلكوا وتقولك مش عاوزه اكمل مع مصطفى ده قولها معاك حق انا هندهله دلوقتى وهقوله كل شي قسمه ونصيب
ابو اسماء : ياخرابى . بس اشمعنى الساعه 9
مصطفى : اولا عشان هنكون خلاص خلصنا قعدتنا وخلاص هنقوم نيجى والخروجه ماتبوظش
ثانيا عشان الساعه 9 الا خمسه بالظبط هقوم اقولهم رايح الحمام واسيب تليفونى وكده كده تليفونى مالهوش باسوورد
ابو اسماء : طب وانت ايه اللى مخليك متأكد انهم هيمسكوا التليفون . وممكن نور اختك اللى تفتحه وتدارى عن اخوها
مصطفى : نور مين ياعمى اللى تدارى على اخوها . هههههههههههههههه دول هما التلاته بقوا بيتفقوا عليا ونور لو عرفت حاجه زى دى ما هتصدق عشان تشعللها وبعدين انا متأكد ان أسماء هى اللى هتمسك الفون وهتفتح وتشوف الرساله
ابو اسماء : ايوه بس غير الرساله دى صعبه يابنى …
مصطفى : والنعمه ما لقيت غير الصيغه دى اللى ينفع معاهم
ابو اسماء : ماشى اتوكلنا على الله
مصطفى : وخلى بالك ده المقلب الاولانى لما نخلصه هنبدأ ف التانى
……………..
((قبل المغرب ))
مصطفى : يلا يا اسماء جهزتوا ولا لسا عاوزين ننزل بقا
اسماء : خلاص خلصنا اهو انت فين ؟
مصطفى : على الباب اهو ..
اسماء : خارجه يا حبيبى حالا
ابو اسماء : خلى بالك منهم يا مصطفى
مصطفى : من عنيا .. المهم ماتنساش بالظبط 😉
ابو اسماء : 😉
اسماء : ايه بتقولوا ايه ؟
مصطفى : لا دا ابوك موصينى اجيبله حاجه ؟ فين مى مش جايه معانا ؟ احمدك يارب
مى : مي مين اللى مش جايه ؟ انا راشقه معاكو .. كنت بلبس الكوتشى
مصطفى : اعوذ بالله ..
نور : يلا بقا .. هتودينا فين ؟
مصطفى : ايه رأيكوا ندخل سينما .. ف فيلم حلو اوى عاجبنى التريلر بتاعه على التلفزيون وشكله حلو بتاع انجلينا جولى
اسماء : يلا وانا كمان بحبها والفيلم ده شكله تحفه اصلا
مصطفى : اشطا .. يلا بينا
…………….
((ف العربيه )
مصطفى : ( بيغنى وهو بيبص ل أسماء ) الليلادى سيبنى اقول واحب فيك .. وانسي كل الدنيا دى وغمض عينك
أسماء : احم احم
نور : احم احم .. ياسيدى ياسيدى الله يسهلوا
مى : بقولك ايه يا مصطفى .. ماينفعش تسيبك من اسماء اختى وتخطبنى انا يومين بس هههههههههههههه
مصطفى : ياسلام . بكره يجيلكوا انتى ونور القرده دى احلى واجمل الناس اللى احسن من مصطفى 100 مره
نور : … بت يا اسماء ! انتى متنحه لمصطفى كده ليه عيب احنا معاكوا
مى : هههههههههههههههههه
مصطفى : انتى مالك انتى يا بارده يا حماره ما تسيبيها ف حالها .. انا والله ما عارف ايه اللى جابكوا معانا انتوا الاتنين
مى : اعوذ بالله .. نفس البؤين دول لسا اسماء قايلاهوملى ف البيت
هو احنا للدرجادى تقيلين على قلبكوا اوى
مصطفى : يا مى يا حبيبتى انتوا مش تقيلين خالص .. دانتوا عباره عن تقل ماشى على الارض .. اعوذ بالله
نور : هههههههههههههه بردو على قلبك انت وهى
اسماء : المره الجايه مش هناخدكوا معانا
مى : ماتقدروش
مصطفى : يلا وصلنا اهو انزلوا بقا . حد هياكل حاجه قبل السينما ولا نخليها بعدها
اسماء : لا مافيش وقت الفيلم هيبدا .. هيبدا 7 ونص وهيخلص 9 ونص ؟
نور : المهم احجز انت على طرف واسماء على طرف وانا ومى ف النص ما بينكوا
مصطفى : انتى بتقولى ايه يا حيلتها ؟ عليا النعمه من نعمه ربى احلقلك شعرك زلبطه دلوقتى
نور : هههههههههههههه خلاص ياعم بهزر الله
مى : ههههههههههههههههههههههههه وسعت منك دى يا نور مش للدرجادى دى اسماء ممكن تاكلك
مصطفى : يلا بينا … حجزت ف اخر صفين من ورا عشان الفضايح
نور : فضايح ايه ؟
مصطفى : لا مافيش
……………………
((الساعه 9 الا خمسه دقايق ))
مصطفى : سوسكا ! امسكى تليفونى على ما اروح الحمام واجى
اسماء : ماشى يا حبيبى وهحكيلك على اللى هيفوتك
……………………..
(فجأه بتيجى الرساله من ابو اسماء مكتوب فيها “”حبيبى وحشتنى اوى من ساعه ما عرفت انك خطبت وانا تعبانه .. وحشتنى اوى يا مصطفى ونفسي اشوفك النهارده “”
(((اسماء بتقرا الرساله بالصدفه ))))
…………………
مى : مالك يا اسماء انتى مسهمه كده ليه ؟ اتفرجى ع الفيلم
نور : مالك يا اسماء ساكته ليه ؟ ايه ده انتى بتعيطى ولا ايه ؟
مصطفى : ها ايه اللى فاتنى يا بنات
مى : الحق يا مصطفى اسماء عماله تعيط
مصطفى : نععععم ؟ ليه ؟ مالك يا سوسكا
اسماء : بلا سوسكا بلا زفت قوم روحنى .. قومى يا زفته انتى وهى
نور : مالك يا بنتى فيه ايه
اسماء : انت هتيجى تروحنى ولا امشى لوحدى .. وامسك الزفت التليفون بتاعك ده
مصطفى ماسك ضحكته عشان ماينكشفش : يا حبيبتى مالك فيكى ايه بس فهمينى ؟
اسماء : يوووووووووووووه انا ماشيه
مصطفى : خلاص يلا قومى يا نور انتى ومى يلا .. اتفضلى يا ست اسماء
………………….
((ف العربيه ))
مى : ايه مش هتقعدى قدام جنب مصطفى
اسماء : لا اقعدى انتى .. اخلصى
نور : فيه ايه هما زعلوا مع بعض امتى
نور بتهمس لاسماء : مالك يا سومه ايه اللى مزعلك ؟
اسماء : مش وقته . بس انا مش طايقه اخوك دلوقتى ولا عاوزه اشوفه
نور : يا خرابى .. ليه ؟
اسماء : مش وقته يا نور هقولكوا بعدين
………………
((تحت البيت ))
مصطفى : اتفضلوا
نور : مش هتطلع يا مصطفى
مصطفى بيعلى صوته : لا انا هروح ف ستين داهيه بقي مالكوش دعوه بيا .. يلا انزلوا
(اسماء بتبصله بغضب : وبتخرج وبترزع باب العربيه )
مصطفى بينه وبين نفسه : ههههههههههههه اه يابنت المجنونه … لو اطول ازغرط هزغرط .. البت بتغير عليا يامه هههههههههههههههه
……………
اسماء : نور غيرى هدومك وتعالى عاوزاكوا .. وماتقوليش حاجه لطنط ولا تقولى اننا زعلنا سوا ولا حاجه وهندخل قدام بابا وماما واحنا بنضحك عادى
نور : ماشى .. هغير هدومى واجيلكوا على طول
…………………
((بعد نص ساعه ))
نور : ها .. احكولى بقا عاوزه اعرف فيه ايه انتى وهى
مى : اسماء لسا مش عاوزه تقول
نور : طيب اتكلمى ياستى يلا فيه ايه انا مش على بعضى
اسماء : واحنا ف السيما لما مصطفى سابلى تليفونه ومشى ع الحمام ..
جاتله رساله من واحده اسمها سالى بتقوله وحشتنى يا حبيبى ونفسي اشوفك النهارده .. ومش بعيد اصلا يكون عمل الحجه دى علشان يروح يقابلها
انا خلاص كده تعبت ومش عاوزه مصطفى ((بعياط))
نور : نععععم ؟؟ لا ياستى اهدى بس لما نفهم الموضوع الاول ممكن يكون فيه لبس
اسماء : بقولك باعتاله حبيبى وحشتنى وعاوزه اشوفك يعنى ايه ؟؟ يعنى اكيد اخوك كان عارف البنت دى مين … البصباص ابو عيون زايغه .. ال وعامل نفسه بيحبنى
نور : ياستى الله يهديك انا مش متطمنه اصلا للموضوع ده
اسماء : ليه ماهو كل حاجه واضحه اهو
نور : اولا غريبه اصلا ان مصطفى اخويا يسيبلك تليفونه .. ده عمره ما عملها
ثانيا : انا ماسمعتش اسم سالى ده على لسان اخويا خالص قبل كده وحتى لو يعرفها كان قالى لانه مش بيخبى عنى حاجه
ثالثا مافيش واحده ف شغل مصطفى او زميلته اسمها سالى
اسماء : يعنى ايه بقا
نور : يعنى الموضوع فيه حاجه .. ممكن حد من اصحابه عامل فيه المقلب ده
او واحده فعلا غيرانه منك وعاوزه تخرب عليك
اسماء : ازاى يا فالحه ؟ وهو لو حد صاحبه بيعمل فيه مقلب هيعرف منين ان التليفون معايا
ولو واحده عاوزه تخرب عليا خطوبتى هتعرف منين بردو ان التليفون معايا
نور : لا بردو مش متطمنه والله ..
يعنى عاوزه تقنعينى ان مصطفى هيسيبلك تليفونه اللى عمره ما عملها كده صدفه
ويقوم ع الحمام صدفه
وبعدها بدقيقتين تجيلك الرساله صدفه ؟
اسماء : طب نعمل ايه طيب دلوقتى ف الليله السوده دى
نور : انتى كتبتى رقم التليفون اللى بعتله الرساله ولا لا
اسماء : اه طبعا كتبته هو انا ممكن انسي ده
نور : طب هاتى الرقم اما نرن عليها ونشوف مين دى .. المهم ابوك وامك ناموا ولا لسا
اسماء : روحى شوفيهم يا مى كده ناموا ولا لا
……………
مى : اه ناموا حتى بابا ساب تليفوناته ونضارته على الكنبه بره ف الصاله
اسماء : طب كويس .. خدى يا نور الرقم اهو ورنى انتى بس ماتتكلميش . عاوزين نسمع اذا كان مصطفى معاها ولا لا
نور : ماشى .. يلا اهو برن
مى : فيه صوت رنه تليفون بره غريبه ف تليفونات بابا ….. اول مره اسمعها
نور : مافيش حد بيرد يا ستى
اسماء : طب رنى تانى
نور : اهو برن تانى ………..
مى : يا جماعه وربنا كل ما ترنوا فيه رنه تليفون بره من تليفونات بابا يرن فيه ايه
انا هخرج اشوف فيه ايه ..؟
اسماء : رنى تانى يا نور خليكى ورا الرنه لغايه ما الهانم دى ترد
مى : محدش هيرد
نور : ليه ؟
مى : لان الرقم اللى بتتصلوا عليه معايا اهو مع بابا هههههههههههههههه
اسماء : نععععععععععععم ؟ وده اسمه ايه ده ان شاء الله
نور : هههههههههههههههههههه معناه ان ابوك هو سالى
اسماء : احترمى نفسك يابت
نور : مقصدش والله بس مصطفى بدأ يلعب معانا وال ايه واخد عمو ف صفه عشان يشتغلونا شويه ههههههههههههههههه يالهوى يامه
اسماء : هههههههههههههههههههههههههههههه اه يانى .. بتهزرى ؟
نور : هههههههههههههههههه انا هموت وربنا .. غلبان يا مصطفى ماتعرفش احنا مين ولا ايه ؟
مى : يا نهار ازرق .. بقا ابويا يتفق مع خطيبك يا اسماء علينا
اسماء : الله .. ما اخته اهى متفقه معانا عليه يا حيلتها اتنيلى ههههههههههههههههه
بس بجد يا جماعه انا مش مصدقه عينى ههههههههههههههههه
نور : اوباااا دى فرصه وجات لغايه عندنا .. دى هتولع
اسماء : هااا يا وش المصايب قولى بقا هنعمل ايه ؟
نور : هقولكوا .. بس الاول روحى رجعى التليفون مكانه بسرعه يا مى وماتخليش حد يحس بحاجه
مى : خلاص رجعته … هنعمل ايه بقي ؟
أسماء : اخلصى يا نور هنعمل ايه
نور : شوفى ياستى انتى وهى .. دلوقتى مصطفى وابوك بيلاعبونا
واحنا دلوقتى خلاص بقينا ف معركه لانهم هما اعلنوا علينا الحرب
ف لازم دلوقتى نخدع الكل
اول حاجه هندخل على ابوك نهدده ونثبته ونجيبه ف صفنا اجبارى وهو طبعا مش هيقدر يقول لمصطفى ان اللعبه اتكشفت لاننا هنحلفه ونقوله اننا عاوزين نرخم على مصطفى بس اشطا ؟
اسماء : اشطا
مى : اشطا تمام .. وبعدين
نور : نجنن مصطفى بقي … تتعاملى معاه بكل دلع ورقه وتحسسيه انك مش فارق معاك انك عرفتى انه بيكلم غيرك ولا حاجه .. وحتى لو خلاكى تسمعى صوت واحده بيكلمها ماتتجنيش بردو لانه كده خلاص احنا اتأكدنا انه بيشتغلنا وبيعمل كده عشان ياخد حقه
اسماء : اعوذ بالله دانتى دماغك سم
مى : يانهار ألوان ههههههههههههههههه ايه الدماغ دى دا اخوك يا منيله
نور : هو يدوب اخويا حبيبى .. انما انتوا حبايبى ومززى هههههههههههه
اسماء : ونعم الاخوات
نور : اتوكلنا على الله يا جماعه ؟
اسماء : تمام اتوكلنا على الله … هنعمل ايه دلوقتى بقي
نور : اتصلى على مصطفى ودلعيه شويه قوليله وحشتنى هترجع امتى ماتتأخرش . اي حاجه م الكلام ده ههههههههههههههههههه
اسماء : ياخرابى ههههههههههههه طيب هتصل اهو
……………….
(الناحيه التانيه مصطفى قاعد مع اصحابه حسن وخالد على القهوه ))
حسن : فينك ياعم الشباب يعنى بقيت منفضلنا اليومين دول من ساعه ما خطبت
مصطفى : ههههههههههههههههه منا موجود اهو يا حيله انت وهو انتوا هتغنوا عليا ولا ايه
حسن : ومالك بتضحك ليه كده
مصطفى : اصل عامل مقلب ف خطيبتى واختها واختى
حسن : انت مش هتبطل يابنى هتطفشها .. وانت حاكيلى عنها حكايات الدنيا … عامل فيهم ايه فرحنى يا حيله
مصطفى : مخليهم يقتنعوا ان فيه واحده بتكلمنى . وعارفين مين اللى متفق معايا ف الموضوع ده … حمايا .. راجل سكره
حسن : يا نهار ازرق هههههههههههههه هتموت البنت يا اخى حرام عليك
مصطفى : استنوا استنوا دول بيتصلوا . هقوم ارد بره لاننا المفروض اننا كنا متخانقين من شويه … هتلاقيها عاوزه تتخانق دلوقتى هههههههههههههه
………….
اسماء : الو ! ايوه يا حبيبى فينك اتأخرت ليه ؟
مصطفى : مين ؟
اسماء : هههههههههههههه مين ايه يا صاصا انا سوسكا
مصطفى : احلفى انك سوسكا
اسماء : هههههههههههههههههههههههههه هتموتنى . هو انا رقمى مش ظاهر ولا ايه ؟
مصطفى : والله هو ظاهر بس انا مش مصدق نفسي
((مصطفى بيتأكد ان ده رقم أسماء وبيبص تانى للفون ))
((نور ومى الناحيه التانيه بيسمعوا اسماء ومصطفى وواقعين م الضحك ))
اسماء : ايوه يا حبيبى انت وحشتنى بقي وكان نفسي نكمل خروجتنا النهارده والفيلم
مصطفى : هه ! ايوه يعنى عاوزه ايه دلوقتى
اسماء : ماتتأخرش طيب وارجع على طول
مصطفى : هه ! حاضر راجع اهو خلاص . اجيبلك حاجه وانا راجع ؟ شوفى كده واسالى البنات
اسماء : ثوانى …. عاوزين حاجه يا بنات ؟
نور : هههههههههههههههههههههههههههههههههههههه همووووت
مى : مى ههههههههههههههههههههههههه مش قادره وربنا
اسماء : بيقولولك عاوزين ايس كريم علب وكيسين فشار وشيبسي شوكولاته وانا هاتلى غزل البنات بس عشان ماليش نفس اكل حاجه
نور : ههههههههههههههههه يابنت المفجوعه
مصطفى : ماشى انا خلاص راجع اهو عشان كده كده ورايا شغل بكره ولازم انام بدرى
اسماء : سلام يا قلبى ❤
مصطفى : سلام يا سوسكا سلام .. اسماء انتى كويسه ؟
اسماء : اه يا قلبى بس وحشتنى قولت اسمع صوت صاصتى حبيبتى
مصطفى : وكتاب الله المجيد ؟ طب اقفلى اقفلى
………………………….
نور : ياخراااااااااااااااااااابى انا اكتر واحده حاسه بمصطفى دلوقتى اقسم بالله وعارفه انه فقد النطق هههههههههههههههههههه
مى : حرام عليكو يا شويه اندال الواد هيتجنن والمصحف
اسماء : ههههههههههههه سبحان اللى كان مخلينى ماسكه نفسي ومابضحكش وانا بكلمه .. مصطفى كان متنح وكل كلمه اقولهاله يقولى هه ! هه ! مابقاش فاهم حاجه
نور : صبركوا عليا بس داحنا هنخليه يكلم نفسه زى زمان
مى : قوينا ع الشر يارب ههههههههههه
…………………………
حسن : مالك يا مصطفى بتبص على التليفون ليه ؟
مصطفى : هه !
حسن : يابنى هه ايه ؟ مالك يا حيله مسهم ليه . هى دى خطيبتك اللى كانت بتكلمك ولا مين ؟
مصطفى : اه هى
حسن : امال مالك يعنى … اتخانقت معاك ورميتلك الدبله مثلا ولا ايه ؟
مصطفى : ياريت . ماكنتش هبقى متجنن زى دلوقتى
حسن : امال عملتلك ايه ولا قالتلك ايه ؟
مصطفى : بتقولى وحشتنى يا صاصا وعاوزانى اجيبلها غزل البنات
حسن : ياعم قول ماتهزرش
مصطفى : والمصحف زى ما بقولك كده
حسن : يعنى ايه ؟ مش انت بتقول انكوا متخانقين وهتتصل بيك عشان تكمل خناقه ولا ايه ؟
مصطفى : ايوه يا عم ماتزهقش اللى خلفونى بقي .. قوم امشى يالا ماتجيش هنا تانى
حسن : ههههههههههههههههههه الله . انت هتتعصب على اللى خلفونى ليه دلوقتى . وانا مالى انا
مصطفى : اهو اطلع غلى ف حد وانت الى موجود دلوقتى
حسن : طب ايه قاعد مكمل ولا هتروح دى شكلها فيه مطره الليلادى
مصطفى : لا انا مروح .. هعدى اجيبلهم حلويات وماشى
حسن : ماشى يا حب .. نتقابل بكره عشان الشغل وتبقى تحكيلى عملت ايه ؟
مصطفى : ماشى ياعم ..
حسن : سلام يا بوب
مصطفى : سلام يابو على وهات لمراتك وانت مروح حاجه تاكلها ولا تفرح بيها كاتك الغم راجل نكدى
حسن : هههههههههههههههه ياراجل ؟؟ ولا عشان انت هتتعور دلوقتى يعنى وعاوز الكل يجيب زيك
مصطفى : اه .. هاتلها شوكولاتات ولا مكسرات ولا اى حاجه ماتبقاش تلح كده فرحها .. وخلى بالك هى كانت جارتى قبل ما تكون انت صاحبى . يعنى لو زعلتها ف يوم هتلاقينى واقف معاها ضدك وهطلع عين اللى خلفوك
حسن : ههههههههههههههه تبيع صاحبك يا ابو نسمه ؟
مصطفى : ابيع نسمه ذات نفسها .. اجرى هاتلها شوكولاته
حسن : ياعم منا اصلا لما بجيبلها بتقولى مصطفى اللى قالك تجيبلى صح ههههههههههههههه
مصطفى : يابن الهبله ههههههههههههه وبتعرفها ان انا اللى قايلك ليه ؟
حسن : ماهى اللى بتفضل تجرجرنى ياعم ف الكلام . دى ستات قادره اعوذ بالله
مصطفى : لا هاتلها وعرفها انك انت اللى جايب من نفسك
حسن : هحاول … يلا سلام
مصطفى : سلام
……………………….
نور : جاهزين يا بنات ع المرحله التانيه
اسماء : مرحله ايه بقي
نور : بكره لما نيجى م المدرسه وانتى تيجى م الشغل هنهجم على ابوك وناخده ف صفنا ضد الاشتغاله بتاعه مصطفى ونبقى محاوطين مصطفى من كل ناحيه
اسماء : اشطا هههههههههههههههه
نور : انا همشى بقي قبل ما مصطفى ييجى
مى : سلام يا مزه
اسماء : سلام
………………………..
((مصطفى جاب الطلبات وواقف تحت البيت وطالع ع السلم وبيكلم نفسه ))
مصطفى : ياترى فيه ايه مستنيك ياد يا مصطفى …. اسماء ناويه على ايه
ولا هى مش غيرانه عليا طيب
ولا انا مش شاغلها مثلا ولا واثقه فيا زياده عن اللزوم
طب ماهى حتى لو هى واثقه فيا لازم بردو تغير على خطيبها وحبيبها
انا مابقتش فاهم حاجه خالص
ايه اللى انا فيه ده ؟
………………..
مصطفى : ازيك يا نور … امك نامت ؟
نور : اه نامت من شويه
مصطفى : وانتى ماكنتيش عند البنات ولا ايه ؟
نور : لسا جايه من عندهم اهو جبت الحاجات ؟
مصطفى : اه اهى خدي وديهالهم بقي … وادى غزل البنات ده لأسماء
نور : طب وانا ماجبتليش ليه ؟ مانت عارف انى بحبه ..
مصطفى : انتى حوله منا جايب 3 اهو وجايب شيبسي وفشار كمان .. هتعملوا بيه ايه ده معرفش .. بس اهو اى غرامه وخلاص
نور : طب ايه انت اتعشيت ولا اعملك عشا
مصطفى : لا انا كلت
نور : مالك يا صاصا
مصطفى : مافيش …. بقولك . هى اسماء ماقالتكيش حاجه ؟
نور : حاجه ايه ؟
مصطفى : اى حاجه … حاجه زى .. اى حاجه يابت انتى ماتطلعيش روحى .. يعنى كانت زعلانه ولا فرحانه
نور : زعلانه ايه يابنى داحنا مابطلناش ضحك من ساعتها ..
مصطفى : ضحك على ايه ؟
نور : عادى كنا بنحكى اللى حصل ف الفيلم وبنفتكر الخطوبه بقي وامبارح وكده . كلام بنات
مصطفى : بس كده ؟
نور : اه .. انت عاوزنا نتكلم ف ايه بقي ….
مصطفى : طب امشى روحى وديلهم الحاجه
نور : هقعد معاهم شويه طيب ربعايه كده
مصطفى : طيب . انا كده كده هعملى كوبايه شاي .. وهعملى حجر شيشه واشربها ف البلكونه عشان دماغى هتفرقع
نور : بلكونه ايه الجو برد .. تبرد يا حبيبى
مصطفى : بلا حبيبك بلا هباب امشى خدى الحاجه وسيبينى ف حالى
نور : طيب انا ماشيه اهو
…………………….
نور : الحقونى هموووووووووووت ههههههههههههههههههههه
اسماء : فيه ايه بسرعه احكى كل حاجه
نور : مصطفى اخويا اتجنن خالص يا عينى بيكلم نفسه هناك
اسماء : قالك ايه ؟ احكى يا هبله بسرعه شويه
نور : اقول ايه بس داخل مش على بعضه وبيكلم نفسه وبيسالنى هى اسماء كويسه ؟ لا زعلانه ولا فرحانه طب مش عارف ايه .. وانا ماسكه نفسي بالعافيه . وبيشيش كمان دلوقتى وانا عارفاه مش بيشرب شيشه ف البيت غير لما تكون دماغه هربانه ههههههههههههه
اسماء : حرام والله علينا كده
نور : بقولك ايه وحياه امك مش عاوزه قلبك الطيب ده
اسماء : يابت انتى اقسم بالله انا ساعات بستغرب وبسأل هو مصطفى ده اخوك بجد ولا لا .. بتعملى فيه كده ليه ؟
نور : قولتلك مصطفى مش اخويا .. مصطفى ده ابويا .. بس بحب اناغشه كده وارخم عليه عشان دى الحاجه اللى بتفضل ذكرى لينا بعد سنين بنفضل نفتكرها ونضحك … يعنى بعد 20 سنه هتفتكرى وتقولى لعيالك احنا كنا مطلعين عينين ابوكوا وعمتكوا نور معانا
اسماء : صح والله … ربنا يخليهولى
نور : نعم ياروح امك ؟ ايه ربنا يخليهولى دى .. اسمها ربنا يخليهولنا ماتخلنيش اتغابى واقلب علي امك
اسماء : هههههههههههههههههه ربنا يخليهولنا
نور : انا هروح بقي اشوفه بيعمل ايه
اسماء : ماشى
……………………………….
((ف صباح اليوم التانى ))
مصطفى بيكلم اسماء وبيقولها خلى مى تجهز يلا عشان اوصلكوا ف طريقى
………..
اسماء : يلا يا مى اجهزى بسرعه مصطفى على اخره
مى : هههههههههههههه مصطفى ده عسل اوى . ياخواتى عليه كده واحنا مطلعين عينه
………………….
اسماء : ايه مصطفى فين يا نور
نور : نزل يدور العربيه وقالى هاتيهم يلا . هههههههههههه وعلى اخره مش فاهمه حاجه
اسماء : طب يلا هههههههههههههه لاحسن يحدفنا بحاجه
…………..
((ف العربيه ))
مى : ازيك يا صاصا
مصطفى : اسمى مصطفى ع الصبح بقي مش قولتلكوا مابحبش صاصا دى
مى : طيب طيب بتزعق ليه بقي دلوقتى
مصطفى : مازعقتش
((نور ومى قاعدين ورا وماسكين نفسهم م الضحك ))
اسماء : مالك يا حبيبى ! مكشر ليه ع الصبح كده
مصطفى : مين ده انا ؟ لا خااالص دنا حلو اهو وهادى جدا جدا خالص . ياسلام ع الهدوء اللى انا فيه
اسماء : طيب قولى بقي روحت فين امبارح بعد ما وصلتنا . اكيد ع القهوه صح
مصطفى : ايوه . فيه حاجه ؟
اسماء : انت عاوز تتخانق ولا ايه يا حبيب قلبى ههههههههههههه
مصطفى : ماتقوليش حبيب قلبى دى تانى فيه ايه مالكوا النهارده عمالين تبصولى وتضحكوا ليه ؟ وبعدين تعالى هنا يا هانم انتى …. امبارح واحنا ف السينما عملتى هوليله ويلا روحنى واتخنقت ومعرفش ايه ورزعتى باب العربيه واحنا مروحين …. وجايه النهارده تقوليلى روح قلبى وحبيبى ومعرفش ايه ؟
نور : ايه ده انتوا هتتخانقوا قدامنا .. طب وصلونا الاول وابقوا كملوا خناق
مصطفى : هشش اسكتى يابت انتى دلوقتى
اسماء : ولا حاجه يا قلبى انا حسيت انى زودتها اوى وكنت سخيفه امبارح وحبيت اعبرلك عن أسفي فيها حاجه دى
مصطفى : شووووف ازاى .. يعنى من متعصبه ومش طايقه حد ل سبحان الله قطه سيامى هاديه وبسكوته مره واحده ؟ اكيد فيه حاجه حصلت ف الاجتماع بتاعكوا
اسماء : اجتماع ايه ؟
مصطفى : ياعينى ع البراءه … الاجتماع اللى انتوا بتعملوه ف اوضتكوا على طول ..
اسماء : ابدا ابدا خالص
مصطفى : اللهم طولك يا روح . انتى جبتى البرود ده منين ماكنتيش كده هههههههه
اسماء : ههههههههههههههههه اهو بتضحك اهو .. فك بقي يا حبيبى انا قولتلك انى كنت بعبرلك عن اسفى من الطريقه بتاعه امبارح .. حصل خير بقي يا سيدى . حقك على راسى
مصطفى : مع انى مش متطمنلكوا انتوا التلاته بس ماشى … نعديها
نور : اخيرا … وصلونا بقا ع المدرسه اتأخرنا
…………………
مصطفى : يلا انزلى ياختى انتى وهى .. وابقى رنى عليا وانتى خارجه لو كنت جاى هعدى عليكوا بعد ما اجيب اسماء
نور : ماشى
…………
مى : هههههههههههههههههه اخوك خلاص لسع
نور : هههههههههههههههههههههههههههه من بدرى ..
……………………
اسماء : ممكن تفك التكشيره دى بقي
مصطفى : مش مكشر
اسماء : طب بحبك
مصطفى : شكرا
اسماء : وبموت فيك وف عصبيتك وف نرفزتك دى
مصطفى : طيب
اسماء : لا وشكلى هشدك من شعرك دلوقتى عشان تتعدل مع خطيبتك .. ايه شكرا وطيب دى بقي … طب والله اهووووو
مصطفى : بالراحه يابنت العضاضه دراعى نمل .. ايه السنان دى
اسماء : الله اكبر .. عشان تتعدل تانى
مصطفى : يا نهار ازرق .. ايه الهبره دى .. بقا فيه واحده جميله بجمالك ده تعض خطيبها العضه دى
اسماء : اه انا .. ولو كملت رخامه هديك بالبوكس
مصطفى : ايه العسل ده والرقه دى ؟
اسماء : بتتريق ؟
مصطفى : وحياه ربنا ابدا ما بتريق ..
طبعا بحبك ووحشانى جدا ويارب يارب بقي الكام شهر دول يخلصوا بسرعه وتكونى مراتى حلالى بلالى بقي لانى زهقت
اسماء : يارب .وانا كمان نفسي . بس كله ف اوانه
مصطفى : يلا يا حبيبتى انزلى واعملى حسابك هعدى عليك اخدك
اسماء : ماشى يا بطتى .. سلاام
مصطفى : وكمان بقيت بطتك ؟؟ طيب … سلام
اسماء : بطوطى ونص هههههههههه سلام يا حبيبى
………………………….
(ف شغل مصطفى ))
مصطفى : صباح الخير يا شباب
حسن : صبح صبح يا عم الشباب والرياضه بقيت تحلقلنا خالص الصبح
مصطفى : خلاص بقي ياعم الصحه والسكان انت بقيت اوصل خطيبتى واختى هههههههههههه هما أولى
خالد : ماشى ياعم . ماحنا اتلطمنا من بعدك
هبه : مبروك الخطوبه يا مصطفى صحيح وربنا يباركلك يا عم
مصطفى : الله يبارك فيك يا هبه ونفرح بيك عن قريب
هبه : بس مش غريبه يعنى انك كنت رافض فكره الخطوبه والجواز والحب وبتقول عليهم كلام فاضى
مصطفى : اهو كله نصيب بقي ومحدش عارف نصيبه فين
هبه : وكان فين النصيب ده قبل كده ؟
مصطفى : نعم ؟ يعنى ايه ؟
(هبه بتخرج من المكتب بعصبيه وبتنادى على مصطفى : مصطفى ! عاوزاك لو سمحت بره ))
…………….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية شوفت القمر سهرني لياليا)
