رواية شوفت القمر سهرني لياليا الفصل الرابع 4 بقلم أحمد سعد
رواية شوفت القمر سهرني لياليا الجزء الرابع
رواية شوفت القمر سهرني لياليا البارت الرابع
رواية شوفت القمر سهرني لياليا الحلقة الرابعة
((أسماء بتخرج ولأول مره مصطفى بيشوفها ))
مصطفى : امنت بيك يارب ..
ام مصطفى : اقعد يا مصطفى انت وقفت ليه يابنى ؟
ام مصطفى : واد يا مصطفى … اقعد يابنى مالك ؟ ههههههههههههههههههه
نور : هههههههههههههههههه شايفه يابت يا مى بيبصلها ازاى ؟ اخويا اتجنن
مى : يالهوووووووووووى اخوكى وشه بيضحك ده هياكلها بعينه .. يخربيت دى نظره
ام اسماء : ههههههههههههههههههههههه سيبيه يا ام مصطفى ماحنا عرفنا اللى فيها
((مصطفى بيقرب على اسماء ))
مصطفى : حمد الله ع السلامه …. هو انا ف حلم ولا علم يا انسه انتى ؟
اسماء : احم .. الله يسلمك . هههههههههه مش عارفه يمكن حلم
مصطفى : لو كان حلم ف انا خلاص مش عاوز اصحى .. محدش يصحينى
مصطفى : وحشتينى جدااااااا
اسماء : احم !
مصطفى : خطفتينى وخلتينى اكلم نفسي واشوفك واتخيل بيك ف وشوش الناس
رمشك خطفنى من اصحابى وانا واد صياد
لفيت بلاد وبلاد وبلاد
اتاريكى ساكنه الناحيادى
ياسلام يا ولاد
قوليلى اعمل فيك ايه دلوقتى ؟
طب انا كنت نادر ندر انى لما اشوفك هحضنك حضن مطارات واطقطقلك ضهرك
حضنك دلوقتى وابوظ الجوازه يعنى ؟
اسماء : هههههههههه ماتكسفنيش بقي … ارجع بقا تعالى نقعد
مصطفى : ايه ده ؟ مش انتى طلعتى جارتى بجد . يعنى ماكنتش بيتهيالى بقا وانا كنت صح
اسماء : اه صح .. احنا عارفين من يومين بس انك مصطفى اللى شوفته
مصطفى : احنا مين ؟؟ مين عارف
اسماء : كل الناس اللى هنا دى
مصطفى : بجد ؟ يعنى امى واختى وامك وابوك واختك وصاحبتك ؟
اسماء : اه .. أول ما عرفت مانمتش من ساعتها
مصطفى : انتى عارفه انا عملت ايه عشان الاقيك
اسماء : عارفه بس دلوقتى ارجع بقا نقعد معاهم شكلنا وحش كده
مصطفى : ارجع لمين ؟ انا مش شايف غيرك
انا بحبك يمكن حتى من قبل ما اشوفك
اسماء : ماتكسفنيش بقي
مصطفى : مش هسيبك الا لما تقوليها
اسماء : انا كمان بحبك يا احلى صدفه ف حياتى
مصطفى : طلعتى عينى ياست البنات
اسماء : حقك عليا .. ماكنتش اعرف .. فيه احداث كتير حصلت من ورانا والصدفه دخلت ف موضوعنا اكتر من مره
مصطفى : كنت هتتجنن بجد لو ماكنتش لقيتك
اسماء : بعد الشر عنك يا صاصا
مصطفى : الله ! انتى كمان بتقولى صاصا ؟ عيب بقا كده مابحبش الاسم ده
اسماء : ينفع يا حبيبى ؟
مصطفى : ده ينفع وينفع وينفع
اسماء : عاجبك كده ؟ الناس كلها عماله تبص علينا . وأول مره ف عمرى اشوف بابا مبسوط وانا واقفه بتكلم مع حد
مصطفى : ناس مين وده وقته ؟ خلينى واقف ف حضره اجمل مخلوقه ف الدنيا انتى خلاص بقيتى تخصينى ..
اسماء : ياسلام ياخويا
مصطفى : تحبى اخدك من ايدك قدامهم دلوقتى وننزل وماقولش انا رايح فين ؟
اسماء : بص انا عارفه انك مجنون .. بس اعقل كده والنبى انا مش عاوزه الجوازه تبوظ
مصطفى : جوازه مين اللى تبوظ ؟ وحياتك لانتى ولا عيلتك كلها تقدروا تبوظوا الجوازه دى ههههههههههههه
اسماء : مجنون وربنا
مصطفى : وحياه ربنا كنت هتجنن بجد لو مالقيتكيش يا اسماء
اسماء : بحبك
مصطفى : تتجوزينى ؟
اسماء : موافقه
نور : زغروطه بقا يا ماما زغروطه يا طنط
……………………..
(بعد اسبوع ) ( الخطوبه)
( ف التليفون )
مصطفى : مبروك يا حبيبتى بقيتى خطيبتى رسمى اهو وخروج م البيت مش عاوز
اسماء : ايه ده بسرعه كده هههههههههههه طب استنى لما نحب ف بعض شويه وبعدين خوفنى منك
مصطفى : اخوفك منى ؟ دنا من النهارده عايشلك وعايش بس عشان اعملك كل اللى يخليكى مبسوطه …
اسماء : بس النهارده انت كنت جميل اوى ف البدله .. وايه الرقص اللى رقصته انت واصحابك دول بقي
مصطفى : انتى اللى كنتى مزه ف الفستان بتاعك ده .. واصحابك كانوا كلهم مزز
اسماء : اهلا وسهلا … انت مالك ومال اصحابى ياض
مصطفى : الله ! مش اصحابك ولازم اتطمن عليهم هههههههههههه
اسماء : لا ياروح الحاجه انت ليك دعوه بيا وبس
مصطفى : دى حاجه مفروغ منها انى ابقى ليا دعوه بيك وبس .. امال ليا دعوه بمين يعنى
اسماء : ايوه كده اتعدل يا أخ انت
مصطفى : ياخرابى عليك وعلى حلاوه أمك .. اتلمى يابت دا بينى وبينك باب شقه يعنى هخبط واجي ارخم عليك دلوقتى
اسماء : بقولك ايه اعقل مش طالبه هبل … وبعدين انا مهدوده من الحفله اصلا
مصطفى : هبل ؟ بقا بتقوليلى انا هبل ؟ طب وحياه امك لانتى خارجه معايا ودلوقتى
اسماء : مصطفى ! اعقل .. الو ! يامصطفى رحت فين .. الو !
مى : الحقى يا اسماء مصطفى بيخبط الباب وابوك هيفتحله هههههههههههههههه
اسماء : اه يابن المجانين ……. ورطتونى ف واحد مجنون انتى ونور الله يسامحكوا هههههههههههههه
ابو اسماء : تعالى يا درش ادخل
مصطفى : تسلم يا عمى .. بس خلى اسماء ومى يلبسوا عشان هاخدهم وافسحهم شويه وانا خليت نور تلبس هى كمان
ابو اسماء : دلوقتى ؟ داحنا لسا راجعين م الخطوبه والليل خلاص
مصطفى : معلش عشان خاطرى . عاوز احتفل بأول يوم ده .. وكده كده مى ونور معانا ومش هنتأخر
ابو اسماء : طيب بس تعالى ادخل عاوز اقولك كلمتين على ما البنات تجهز
مصطفى : ماشى
ابو اسماء : مى .. قولى لاسماء تجهز يلا واجهزى انتى كمان عشان تخرجوا مع مصطفى
مصطفى : اؤمرنى يا عمى
ابو اسماء : طبعا انا عمرى ما كنت هفرط ف اسماء بنتى الا لواحد عارف انه راجل وهيخاف عليها يمكن اكتر منى
اوعى ف يوم تهينها ولا الاقيها جايه زعلانه منك وغضبانه
عاملها بالحسنى .. ولو لقيتها ناقصه ربايه هاتهالى انا معززه مكرمه اكمل ربايتها واجيبهالك تانى
اسماء ليها ف قلبى معزه ومعزه غاليه جدا .. مش هسامحك يا مصطفى لو ف يوم زعلتها او بكيتها او سيبتها تنام وهى زعلانه
البنت يابنى تاخدها بالراحه .. تعاملها بالحسنى وبرقه هتديك قلبها كله
اسماء بنتى دايما كانت محوشه كل عاطفتها وقلبها وحبها لشخص واحد بس
كانت دايما تقول لامها انها شايله قلبى كله للانسان اللى هيبقى ليا
دايما عاملها واتقى الله فيها وافتكر انك هتكون ليك بنت وشوف كده لو تقبل ان جوز بنتك يعامل بنتك معامله وحشه ولا لا ؟
عشان لما تبقى مكانى كده يا مصطفى وتيجى تنصحه ماتبقاش قلقان زى منا دلوقتى مش قلقان وعارف انها ف ضل راجل
مصطفى : كلامك كله على راسي من فوق يا عم محمد
بس هقولك حاجه ….
اسماء دى اتخلقت عشان مصطفى يحبها
دى نص روحى وانا ماصدقت الاقى نص روحى عشان النصين يكملوا مع بعض
انا مش مكسوف انى بقول لأبوها الكلام ده بس انا مش شايف ان الحب حرام ولا عيب طالما قدام الدنيا كلها
تتقطع ايدى لو فكرت امدها عليها
يتقطع لسانى قبل ما افكر ازعلها او اسيبها زعلانه واخرج او اسيبها تنام
لو بتغرق ياعم محمد ف بحر طويل عريض مافيش فيه اى ملامح لحاجه تنقذك ولقيت قشه ف وسط البحر هتمسك فيها … اسماء بالنسبالى كده . بله ريق ف وسط عالم صعب وماصدقت لقيتها ….
ابو اسماء : الحمد لله يابنى انا كده اتطمنت
مصطفى : عاوز من حضرتك طلب
ابو اسماء : اؤمر يا حبيبى
مصطفى : طيب عارف ان بناتك واختى وصاحبتهم اتفقوا عليا وطلعوا عينى وخلونى ماشى بكلم نفسي قبل الخطوبه
ابو اسماء : هههههههههههههههههههه اه لما بنفتكر بنفضل نضحك
مصطفى : انا بقي عاوزك ف الموضوع ده …. بس يفضل سر بينى وبينك عشان هنطلع عينيهم كتيييييييير
ابو اسماء : عاوزنى اتفق على بناتى
مصطفى : اه هههههههههههه
ابو اسماء : ماشى ياعم قول
مصطفى : اسمع يا عمى
………………………….
ابو اسماء : يابن اللذينه .. ايه كل ده ؟
مصطفى : ههههههههههههههه لا ولسا .. كل حاجه هعملها هقول لحضرتك عليها قبل ما اعملها .. اتفقنا ؟
ابو اسماء : اتفقنا ياسيدى بس بالراحه ع البنات هما مش قدك ولا قد جنانك
مصطفى : ههههههههههههه حاضر من عنيا وبعدين منا هنفخ البت اختى معاهم بردو … مفكرين انى سهل يعنى وهسكت على اللى عملوه فيا
ابو اسماء : لا ودى تيجى هههههههههههههه خلاص اتفقنا
مصطفى : بس ياعمى وحياه النبى ماتقول لطنط حاجه بردو .. خليها معاهم من ضمن المقالب اللى هنعملها … يعنى لما تيجى اسماء تشتكى لمامتها عاوز مامتها ماتكونش عارفه حاجه وييجوا هما الاتنين يشتكوا وحضرتك تبعتلى وتيجبنى عندك وتدينى الطريحه زى ما اتفقنا قدامهم عادى جدا ههههههههههههههه
ابو اسماء : خلاص تمام .. كده كده ام اسماء ماكنش ينفع تعرف لان لسانها فالت وهتقول لبناتها
مصطفى : اتوكلنا على الله ….
ابو اسماء : النهارده فيه مقالب ولا حاجه
مصطفى : لا النهارده لينا عاوز احتفل بيها وبخطوبتنا على طريقتى
ابو اسماء : بس ماتأخرهمش
مصطفى : ان شاء الله
ابو اسماء : يلاااااااااااا يا بنات عشان ماتتأخروش …..
مى : حاضر يا بابا خارجين اهو
……………
مى : يلا يا بت انتى اتأخرنا
اسماء : انا مش عارفه ايه اللى هيجيبك معانا اصلا انتى ونور المفروض ان ده خطيبى خارجه معاه .. ايه اللى هيخليكوا تنطوا معانا
مى : اه يابنت اللذينه بتبيعينا بسرعه كده ؟ تصدقى انك واطيه
اسماء : هتبدأوا تخنقونا بقا ….؟ اعملى حسابك دى اخر مره تخرجوا معانا .. فاهمين ولا لا
مى : وحياه امك قاعدين على قلبك كل خروجه . داحنا اللى مجوزينكوا لبعض ياندله
اسماء : لا ياختى انا وهو حبينا بعض حتى قبل ما نعرفكوا
مى : ماشى ماشى … استنى هتصل ع البت نور اشوفها خلصت ولا لا ؟
مى : الو ! ايوه يا نور خلصتى ولا لسا ؟
نور : ايوه خلاص اهو يابنتى انا خارجه .. ماتعرفوش مصطفى هيودينا فين ؟
مى : وانا اعرف منين ياختى . هو اخويا ولا اخوك
نور : اسالى اختك القرده دى هتلاقيها عارفه كل حاجه
مى : لا ماهى بتقول مش عارفه هيروحوا على فين
نور : طيب يلا مصطفى اخويا جه اهو بيلبس الجزمه … بيقول اطلعوا يلا
مى : اوك .. يلا بينا
مى : يلا يا اسماء مصطفى مستنينا
اسماء : يلا
…………………..
مصطفى : ايه المزز دول . ايه الجمال ده يا اخواتى هخرج مع 3 مزز بالحلاوه دى الناس هتحسدنى
اسماء : طيب يلا يااخويا هتودينا فين ؟
مصطفى : انتى مالك انتى … انتى تمشى من سكات ومالكيش دعوه النهارده رايحين فين وجايين منين
نور : لا بقولكوا ايه انت وهى . بالراحه علينا كده مش ناقصين قله حيا … راعوا اننا لسا سناجل صغننين
مصطفى : امشى ياروح امك وانتى ساكته احسنلك
مى : اسكتى يانور خلينا نخلص خلينا نشوف هنروح فين ؟
………………………..
مى : وااااااااو انت هتركبنا يخت ؟
نور : يابن اللعيبه لقيته فين ده ؟ ده بالحجز يابنى حجزته امتى وازاى ؟
( اسماء بتبص لمصطفى من غير ما تتكلم )
مصطفى : ادخلى انتى وهى
نور : طب ايه هنتعشى جوه ولا ايه الدنيا
مصطفى : ادخلى ياطفسه مانتى لسا واكله ف البيت
نور : لا ياعم انا جعانه لسا
…………..
الجرسون : اهلا وسهلا يافندم ترابيزه حضرتك جاهزه يا استاذ مصطفى
نور : ايه ده وهو عرف منين اسمك ؟
مصطفى : هششش اخرسي مالكيش دعوه
((النور بيطفى ومزيكا هاديه بتشتغل ومصطفى بيشاور على اسماء وبيقولها تعالى هنرقص لوحدينا ))
أسماء : ايه الجنان ده يا مجنون
مصطفى : شششش ارقصي وانتى ساكته
أسماء : مصطفى ! انا بحمد ربنا انه جمعنى بإنسان زيك
انسان تتمناه كل بنت انه يكون جارها بس
وانا حبيتك قبل ما اعرف اننا جيران
بقيت اصلى لربنا واشكره عليك
بقيت ادعى دعوه ليا ودعوه ليك
ربنا ما يحرمنى منك يا اعز الناس وضهرى ف الدنيا دى
مصطفى : أسماء ! انا قبل ما اعرف اننا جيران اتجننت بجد
سيطرتى على تفكيرى وعلى احلامى وعلى كلامى
مابقتش شايف حد غيرك
بقول يارب عترنى فيها لو دقيقه بس لانى استحاله اسيبك تمشى منى تانى بعدها
……………
نور : واخدالى بالك يابت يا مى ف اللى بيحصل ده
مى : ايوه ياختى واخده . جاتنا نيله ف حظنا الهباب
نور : الله الله الله .. شوفتى الواد حاطط ايده على ضهر البت ازاى .. ال ايه بيرقصوا ؟ قله أدب
مى : ولا شوفتى انتى البت ومياصتها .. المجرمه دى والله لاعرفها لما نروح دى ماكنتش كده خالص
نور : اه .. طلعوا هما الاتنين مش سهلين ياختى . والنعمه لانشتغلهم ف الازرق بس اصبرى بس اصبرى ههههههههههههههههههههههه عالم مايصه ياشيخه
مى : اسكتى دول جايين اسكتى
نور : ما بدرى ياخويا انت وهى . كنتوا كملتوا رقص
مصطفى : نكمل ازاى يا سكينه وانتى باصالنا كده ؟ اعوذ بالله داحنا كنا هنقع من كتر قركوا
مى : ماتكلمناش يا خويا ولا فتحنا بؤنا . ربنا يهنيكوا ياعم ربنا يهنيك يا اختى يا حبيبتى يابنت ابويا وامى
اسماء : ههههههههههههههههه الله .. انتى مابتقوليليش الكلمه دى غير لما تكونى مفروسه من حاجه .. من اللى مزعلك يا مى يا حبيبتى
مى : انا مفروسه ؟ ابدا ابدا خالص انا حلوه اهو وهاديه خالص
نور : انا جوعت يا صاصا فين الاكل ياعم .. اهو حاجه نطلع فيها غلبنا
مصطفى : اعوذ بالله .. اهو انتى على طول بطنك مخرومه كده هههههههههههه
مصطفى : اهو الاكل اهو ياستى بالهنا انتى وهى
نور : بعيدا بقا عن الحسره اللى انا والبت مى دول فيها دلوقتى
وبعيدا عن كل حاجه حلوه بتعملوها وبتقهرنا ههههههههههههه
بس بجد انا قلبى مبسوط بجد يا مصطفى بيكوا
مى : وانا بردو عمرى ما كنت هفرح بالشكل ده
نور : بس انا مستغربه من حاجه يا درش
مصطفى : خير
نور : انت لما عرفت يعنى ان انا واسماء ومى وامانى عملنا فيك مقالب وحاجات وطلعنا عنيك
ماعملتش اى حاجه يعنى ولا رديت علينا بمقالبك
اصل انا اختك وعارفاك انك مابتسيبش حقك
مصطفى : ياستى المسامح كريم .. خلاص بقي مانتى عارفه ان قلبى طيب
نور : مين ده ؟ انت … مش عارفه ليه مش مستريحالك يا صاصا
حاسه ان وراك بلاوى هتعملها والله
مصطفى : ابدا ابدا خااااالص اهم حاجه ان اسماء بقت معايا خلاص
اسماء : ربنا يخليك ليا يا حبيبى
نور : حبيبك ايه والله بيستهبل .. طب ورحمه ابويا بتستهبل يا مصطفى .. هو انا مش عارفاك
ع العموم الايام بيننا وهعرفكوا ذا كان نسى ولا لا
ده هينفخنا
مصطفى : يابت قولتلك المسامح كريم خلاص اللى فات مات
نور : عليا انا هههههههههه ماشى ياخويا هنشوف
مصطفى : طب يلا بقا نمشى ؟ تعبتوا النهارده من الحفله ومن العزومه الساعه خلاص الفجر هيأذن
مى : ايوه يلا انا خلاص بدات ابرد الجو بدأ يتلج
اسماء : يلا بينا
………………….
((ف البيت ))
مى : ايه مصطفى ده يا اسماء ايه جنانه ده وايه طريقه حبه دى ؟
اسماء : مصطفى ؟ ده مصطفى ده الحاجه الصح اللى ف حياتى
مى : طب يلا نامى ياختى نامى . ربنا يوعدنا .. بكره الجمعه عاوزين ننام شويه
اسماء : ايوه انا هلكت النهارده عاوزه اشبع نوم
مى : ياترى مصطفى هيخرجنا بكره فين ؟
اسماء : لا اله الا الله .. هو انتى على طول حاشره نفسك كده فيه ايه يا بت ده خطيبى انا مش خطيبك انتى
مى : لا يا حبيبتى انا ونور لينا ف مصطفى نفس اللى ليك بالظبط .. بس
اسماء : اعوذ بالله … طب حسك عينك اسمع حرف النون ده تانى .. مالكيش دعوه بينا
مى : فشر .. وراك وراك انتى وهو .. نامى يلا عاوزين نشبع نوم عشان مصطفى اكيد هيخرجنا ههههههههههههههه
اسماء : يابااااااااااااي .. تصبحى على خير يا تنحه
مى : وانتى من اهله يا قلب التنحه
…………………..
(تانى يوم )
((مصطفى صلى الجمعه ورجع البيت وبيتصل على اسماء ))
……………………..
مصطفى : الو ! اصحى يا بسبوسه
اسماء : انا مش قادره .. هلكت امبارح ولسا يدوب بفتح عينى على رنتك
مصطفى : اه منا عارف منا لسا راجع من بره انا وابوك . كنا بنصلى وعزمنى اتغدى معاكوا . يلا دقيقتين وهكون عندكوا
(اسماء بتنط من على السرير )
اسماء : ايه ده بجد ؟ طب استنى ماتجيش دلوقتى لغايه ما اجهز
مصطفى : هههههههههههههههه انتى مالك اتخضيتى ليه كده خايفانى اشوفك وانتى منكوشه ولسا صاحيه كده .. ياحبيبتى انتى حلوه ف كل حالاتك
اسماء : لا ماينفعش تشوفنى وانا لسا صاحيه . ببقى مبهدله ولازم انت تشوف منى احلى حاجه
مصطفى : مبهدله ايه يا سوسكا ماحنا لما هنتجوز هنشوف بعض واحنا صاحيين عادى
بس بردو هتبقى احلى واطعم واحده صاحيه من نومها ..انا جاى اهو يلا
اسماء : مصطفى ! ماتهزرش انا لسا هجهز .. ربع ساعه وتعالى
مصطفى : ربع ساعه بس ؟ طيب انا ماسك الساعه اهو … بدأنا
(أسماء بترش على اختها ميه تصحيها ))
اسماء : اصحى يا نيله مصطفى جاى ياكل عندنا
مى : الله ! وانا مالى انا سيبينى انام هو خطيبى ولا خطيبك
اسماء : وحياه امك ؟ اه دلوقتى بقا خطيبى انا لوحدى والخروجات والفسح دى اللى بتشبطوا فيها دى ايه ؟
مى : يووووه سيبينى انام يا رخمه انتى
اسماء : طب نامى نامت عليك حيطه
….
ام اسماء : شوف مين يا ابو اسماء ده اكيد مصطفى
ابو اسماء : اهلا اهلا يا درش اتفضل اهلا ياا م مصطفى اهلا يا نور
مصطفى : ايه البنات لسا نايمين ولا ايه ؟
ابو اسماء : ايوه ياسيدى .. اسماء لسا صاحيه من شويه
مصطفى : اه معلش بقا سهروا امبارح والحفله ماشاء الله كانت حلوه
ابو اسماء : ربنا يبعد عنكوا العين وشر كل عين يارب
ام مصطفى : امين يا رب ويحفظهم
ابو اسماء : العصير يا ام اسماء وصحى البنات دى بقا كفايه دلع
مصطفى : ياعمى خليهم على راحتهم .. عندك البت اختى دى قايمه بضرب الجزم دلوقتى ,, جبتها من شعرها عشان تصحى ههههههههههه
ادخلى صحيهم يا نور
نور : انا لو دخلت اصحيهم هنام جنبهم انا لسا كسلانه هههههههههههههه
ابو اسماء : بنات اخر زمن
نور : ايه ياعمى ده يوم من نفسنا بننام فيه شويه .. بس اعمل ايه بقي ف مصطفى اللى صحانى
ابو اسماء : لا ادخلى صحيهم يلا
………………
نور : ايه ده ايه ده .. المزه الحلوه بتاعتنا بتعمل ايه قدام المرايا
اسماء : اهلا ياختى عماله اظبط نفسي .. صحى القتيله دى وانا خلاص خارجه
نور : مى .. بت يا مى اصحى . مصطفى هيخرجنا
مى : نععععم ؟ بجد
نور : اه قومى يلا بسرعه اجهزى
مى : فوريره .. خمس دقايق وهكون جاهزه
اسماء : ههههههههههههههههه اه يا عالم يا هبله
……………..
اسماء : صباح الخير
ام اسماء : قولى مساء الخير ياختى انتى وهى لسا صاحيين
مصطفى : خليها على راحتها يا طنط
ام اسماء : اهلا اهلا لقيتى اللى يدافع عنك اهو
مصطفى : هههههههههههههه الله ! طبعا . مش خطيبتى
اسماء : معلش بقا اهو يوم من نفسنا
مصطفى : انا عارف انكوا تعبتوا امبارح
ام اسماء : المهم .. روحتوا فين امبارح بقا بعد الحفله
ابو اسماء : الله ! انتى مالك انتى يا ست انتى . واحد وخطيبته بيفسحها ومعاه اخته واختها زعلانه ليه
ام اسماء : هههههههههههههههه مش زعلانه ياخويا انا بتطمن بس اشوفهم راحوا فين
ابو اسماء : لا اتطمنى مصطفى دلوقتى زيي بالظبط بالنسبه لاسماء ماتخافيش عليها وهى معاه
مصطفى : بس انا نفسي اعرف حاجه ياعمى
ابو اسماء : خير
مصطفى : هى اسماء على طول خدودها بتحمر ليه كده كل ما حد ييقولها كلمه حلوه زى دلوقتى
اسماء : ههههههههههههههههه الله
ام اسماء : معرفش يا مصطفى صحيح .. انت ماتعرفش ؟
مصطفى : ههههههههههههههههه لا ياريت حد يقولى
ام مصطفى : الله ! وبعدين معاكوا بقي انتوا هتفضلوا تكسفوا البت كده كتير ولا ايه ؟ تعالى يا اسماء اقعدى جنبى ومالكيش دعوه بيهم
اسماء : اهو يا طنط انا هاجى اقعد جنبك وخلاص طالما ابويا وامى وخطيبى جايين عليا ههههههههههههه
(مصطفى بيشاور لاسماء وبيقولها بهمس بالراحه ومحدش واخد باله : بحبك . ب ح ب ك )
( واسماء بتفهمه وبتضحك وبتسكت وبتهمس بلسانها : وانا كمان )
مصطفى : بعد اذنك ياعمى .. هاخد البنات ونخرج بعد العصر كده
ابو اسماء : ماشى يا حبيبى . يلا قوموا ناكل الاول
قومى يا اسماء يلا ساعدى ماما
ام مصطفى : يلا انا معاكوا اهو يا سمسم
……………….
مصطفى : كويس انهم مشيوا يا عمى عاوز اقولك هعمل فيهم ايه النهارده
ابو اسماء : ناوي على ايه يا درش
مصطفى : بص يا سيدى !!
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية شوفت القمر سهرني لياليا)
