رواية شوفت القمر سهرني لياليا الفصل الثالث 3 بقلم أحمد سعد
رواية شوفت القمر سهرني لياليا الجزء الثالث
رواية شوفت القمر سهرني لياليا البارت الثالث
رواية شوفت القمر سهرني لياليا الحلقة الثالثة
نور : مش هما كل واحد ف ناحيه ؟.. ومش بيكونوا موجودين ف البيت الا بالليل لما كل واحد منهم يرجع من الشغل وينام حبه ويقوم
مى : اه اسماء اختى بتعمل كده .. اول ما بتيجى من بره بتقول فين السرير … بتجرى تنام
نور : وهو ده الللى احنا هنلعب عليه
مى : ازاى بقي ؟
نور : مصطفى هييجى من شغله .. تمام ؟ هيتغدى وينام شويه .
وبعدين هيصحى على المغرب كده او العشا يلبس ويخرج مع اصحابه تمام ؟
مى : تمام
نور : وبعدين بيرجع بالليل على 12 ونص او 1 .. تمام ؟
مى : تمام
نور : وطبعا انتى واسماء بتسهروا سوا ممكن للفجر .. زى منا بسهر مع مصطفى نتفرج ع التلفزيون ونعمل شاى بردو للفجر … تمام ؟
مى : تمام
نور : ايه اللى تمام تمام .. ماتركزى يابت معايا يخربيت فقرك
مى : منا معاك اهو بس بستوعب انتى بتقولى ايه ؟
نور : تمام .. هنا خطتنا ليها جزئين .. الجزء الاول اننا نخليهم يتقابلوا المغرب ومصطفى اخويا نازل لاصحابه … لو مانفعش مش عاوزين نيأس . هنخليهم يشوفوا بعض بالليل
مى : ازاى ؟
نور : هتقفى ف البلكونه مع اسماء اختك ماليش دعوه تتصرفى وتقوليلها نقف ف البلكونه شويه …. وانا هجيب مصطفى اخويا ونقف ف البلكونه بتاعتنا .. والبلكونتين جنب بعض .. ونسيب بقا العيون تقول كلامها ههههههههههههههههه
مى : اه يا مصيبه .. ايه الدماغ دى
نور : اتوكلنا على الله .. اهو احنا بنشقى ونتعب عشان غيرنا والله
مى :” ربنا يقوى ايمانك يا شيخه عطيات
نور : هههههههههههههههه استرها معانا يارب
………………………………..
((بعد المغرب ))
نور : الو ! بت يا مى مصطفى اخويا بيلبس اهو ونازل .. فين اختك ؟
مى : اختى قاعده اهى على السرير حاطه سماعات ف ودنها وبتسمع عمرو دياب
نور : هههههههههههههههه ده مش وقت نحنحه وحياه امك …. اتصرفى وخليها تخرج دلوقتى على باب الشقه
مى : امممممممم . طب اقفلى
……………..
مى : أسماء! .. انا زهقانه ما تيجى ننزل نشترى حاجات م السوبر ماركت اللى على اول الشارع ونيجى
اسماء : وانتى اتكسحتى ؟ ماتنزلى انتى ولا خايفه تروحى لوحدك
مى : قومممممى بقا بطلى رخامه
اسماء : ماتمسكيش رجلى يابت انتى والله اجيبك من شعرك
مى : يلا قومى عشان خاطرى
أسماء : انا مش عارفه يعنى .. اشمعنى النهارده . مانتى كل يوم بتنزلى زى القرده
مى : اهو نتسلى سوا .. انتى من ساعه ما رجعتى من بره ماخرجتيش . يلا
…………………..
مى : الو ! نور انا وأسماء خارجين دلوقتى انتوا فين
نور : اقفلى اقفلى خلاص مصطفى اخويا هيخرج اهو
………………….
نور : يلا يا مصطفى
مصطفى : عاوزه ايه يابت
نور : يلا عشان هتوصلنى بس للسوبر ماركت وانت نازل وترجعنى
مصطفى : وانتى كنتى اتشليتى .. ماتنزلى انتى مانتى بتنزلى وترجعى
نور : ياعم يلا طالما انت نازل . هنزل معاك بالمره اهو اونسك يا عم عشان ماتحش بالوحده
مصطفى : ابعدى عنى يا فوزيه الساعادى مش لاقى أم فرده الشراب
نور : شراب مين يا راجل ده اسمه كلام .. يلا يلا بس بسرعه .. خد الشراب بتاعى اهو بس انجز
مصطفى : ههههههههههههههههه يخربيت فقرك .. غورى يابت خلاص لقيته
………………………
ابو اسماء : رايحين فين يا بنات ؟
مى : نازلين هنشترى حاجه م السوبر ماركت
ابو اسماء : طب خليكوا خليكوا انا كده كده نازل تحت وطالع .. عاوزين ايه اجيبه ؟
اسماء : الحمد لله دى مصدعانى م الصبح تعالى ننزل تعالى ننزل .. قولى لبابا بقي عاوزه ايه ؟
نور : كده ؟ طب بص بقا يا بابا انا عاوزه كل حاجه .. شيسي وبيبسي وشوكولاتات وكل حاجه …. واعمل حساب نور معانا عشان هتيجى تسهر معانا كمان شويه
ابو اسماء : ههههههههههه انتى مالك يابت متعصبه ليه ..
نور : عاوزه اخرج شويه
ابو اسماء : ياسلام . بس كده … البسي وتعالى ننزل ونطلع سوا
نور : أسماء تيجى معانا
اسماء : الله . انتى مالك ومال اسماء سيبينى ف حالى
نور : طب خليك .. ياباااااااااااى عليك
……………………………
((على الباب ))
ابو اسماء : اهلا .. ازيك يا درش عامل ايه ؟ عامله ايه يا نور ؟
مصطفى : اهلا يا حاج . ف فضل ونعمه والله . اخبار حضرتك انت ايه ؟
نور : اهلا يا عمو .. اهلا .. مساء الخير بقي
مى : ازيك يا نور يا حبيبتى
نور : اهلا يا مى اهلا ((ان ماوريتك يا جزمه ))
مى : ((غصب عنى ياختى هفهمك لما تيجى ))
ابو اسماء : انتوا رايحين فين ؟
مصطفى : انا خارج بس البت اختى شبطت فيا عاوزانى اوديها السوبر ماركت وهترجع
ابو اسماء : طب خلاص روح انت شوف رايح فين وانا هوديها مع مى . هى كمان رايحه
مصطفى : تسلم يا عمى .. عن اذنكوا بقا
………………………..
((الساعه 11 بالليل ))
مى : الو ! ايوه يا نور … ما تيجى يابت تسهرى معانا انا وأسماء . بابا وماما ناموا
نور : طب افتحيلى انا جايه اهو
……
مى : اهلا ياختى اتفضلى تعالى
نور : انا هوريك .. بقا اعمل قرده عشان انزل اخويا وانتى مش عارفه تنزلى اختك
مى : لا والله كنا نازلين بس بابا اللى قالنا خليكوا
اسماء : ايه يا بنات واقفين عندكوا بتقولوا ايه ما تدخلوا الاوضه
نور : سمسمه .. وحشانى يا مزه
اسماء : هههههههههههه وانتى كمان يا قلب المزه ..اتأخرتى ليه مستنيينك
نور : اهو كنت مستنيه ماما تدخل تنام عشان ماسيبهاش قاعده لوحدها
اسماء : ماشى … ايه رايك ف كيك امبارح
نور : دى تحفه … دا مصطفى اخويا كان ناقص ياكل صوابعه وراها
اسماء : بجد عجبتكوا
نور : اه والله .. مصطفى اخويا الرخم بيقولى اتعلمى ادى البنات ولا بلاش
اسماء : هههههههههههههههههه
مى : ماتكسفيش اسماء بقا يا بت يا نور
اسماء : انا مش بتكسف يا حبيبتى خليكى ف نفسك
مى : اه بأماره الواد اللى شافك ف الشغل مش كده
اسماء : واد مين ده ؟
مى : سمعتك وانتى بتكلمى امانى وبتقوليلها واحد شافك وفضل متنح هههههههههههههههههه لوحتى الواد اعوذ بالله
اسماء : هههههههههههههه وانا مالى ياختى انتى وهى .. هو اللى فضل واقف يبصلى وماكنش عارف هو بيقول ايه ؟
نور : طب وانتى ؟
اسماء : هههههههههههههه بس يابت .. هو الواد كويس وشكله كويس ومحترم وباين انه محترم وراجل كده ولو كان كلمنى كنت ممكن ارد عليه بس بحدود طبعا ..
نور : هييييح . طب اوصفيهولنا كده
اسماء : مخدتش بالى اوى يعنى بس اللى فاكراه ان عينه خفيفه جدا .. شفافه كده حاجه عسلي خفيف.. وطويل ماشاء الله ..
نور ومى ف نفس واحد : عيونه مالها ؟ عسلى خفيف ؟؟؟؟
اسماء : اه مالكوا انتوا الاتنين
نور : اصلك بتتكلمى عن مصطفى اخويا كده
مى : ههههههههههههههههههه اه والله دا كأنك بتوصفيه هو
اسماء : هههههههههههه مش للدرجادى يا هبله انتى وهى
نور : لا والله دا كل حرف بتقوليه بيتكلم عنه … طب شعره طويل ولا قصير
اسماء : يعنى كان وسط كده .. خفيف شويه من الجناب ومن فوق متساوى وشكله حلو اه وكان قاشط حاجبه هههههههههه معرفش دى موضه ولا هو اللى متعور ف حاجبه
نور ومى بيضحكوا ف نفس واحد : هههههههههههههههههههههههه نععععععععععم ؟
اسماء : بتضحكى على ايه يابت انتى وهى .. الله
نور : مش عارفه انا حاسه ان فيه حاجه غلط ف الموضوع . انتى بتتكلمى عن واحد شغال معاك ولا عن اخويا
اسماء : لا يا حبيبتى ده مش شغال معايا . دنا اللى كنت رايحه شركته وشافنى هناك
نور : بتقولى ايه انتى .؟
اسماء : ايه مالك
نور : اصل اخويا بردو معجب بواحده جات شغله وشافها هناك مره واحده وبيدور عليها
اسماء : هههههههههههههه ياسلام
نور : اقسم بالله بجد .. ده حالته حاله من ساعه الموضوع وعمال يفكر فيها
حتى قالى على اسم البنت وقال لماما بس مش فاكره خالص والله
اسماء : الله يخربيوتكوا .. انتوا نشفتوا دمى كده .. فين اخوك يمكن يطلع هو
نور : لسا بره بيرجع كمان ساعه كده ولا ساعتين
اسماء : وانا لسا هصبر
نور : ههههههههههههههههه ومين قالك انى انا اللى هصبر .. تعالوا ورايا
………………..
نور : ماما ! ماما ! اصحى انا عارفه انك لسا مانمتيش
ام مصطفى : عاوزه ايه يابنتى خير .. حد جراله حاجه
نور :لا يا حبيبتى ماتقلقيش بس عاوزه اسألك على حاجه كده
ام مصطفى : خير يابت انطقى قلقتينى
نور : فاكره البنت اللى حكالك عنها مصطفى اخويا ان شافها ف شغله وعاوز يخطبها
ام مصطفى : مالها ؟
نور : هو قالك اسمها ايه ؟
ام مصطفى : بقا مصحيانى عشان تسالينى السؤال ده
نور : انطقى يا وليه احنا مش على اعصابنا هههههههههههههههه انطقى ابوس ايدك اوعى تكونى مش فاكره
ام مصطفى : لا فاكره .. كان اسمها …… هاتيلى شويه ميه اشرب ريقى ناشف
نور : يا وليه انطقى هقتلك والمصحف ..
ام مصطفى : كان اسمها اسماء على اسم اسماء جارتنا
نور : يا نهار اسود ومنيل .. طب نامى يا حاجه نامى …
……………………………
مى : ها يابنتى امك قالتلك البنت اسمها ايه ؟
اسماء : انطقى يابت ايه تعب الاعصاب ده
نور : مش هتصدقى !!
اسماء : ماتنطقى يا زفته
نور : بتقول قالها ان اسمها أسماء
اسماء : يا خرابى … معقول ممكن يكون هو ؟
مى : تعالوا نروح شقتنا ونتكلم هناك هههههههههههههههههه تعالوا داحنا ايامنا عنب
………………………….
نور : استنوا هرن على اخويا اشوفه فين وجاى امتى ؟
نور : الو ! ايوه يا مصطفى انت جاي امتى ؟
مصطفى : شويه يا نور انتى عاوزه حاجه
نور : لا بس هاتلى معاك عصير وانت جاى وماتتأخرش
مصطفى : ماشى يا قلب اخوك … سلام
نور : سلام
………………
((بعد ساعه ))
مصطفى بيركن عربيته تحت البيت والبنات واقفين ف البلكونه بيبصوا عليه
…………………..
نور : اهو مصطفى اللى تحت ده يا اسماء .. شوفى هو ده اللى شوفتيه ولا لا ؟
اسماء : مش باين استنى لسا وشه مظهرش
مى : ماتركزى يابت انتى انا اعصابى تعبت هههههههههههههه
اسماء : والله مش ظاهر اعمل ايه
نور : اخلصى يابت دا هيدخل البيت
اسماء : مش لامحه الله ياخدكوا
نور : طب تعالى بصى عليه من العين بتاعه بابكوا
مى : بسرعه قبل ما يدخل الشقه
………………
نور : ها هو ولا ايه ؟
مى : يابت ايه هو ولا ايه ؟
اسماء : يالهووووووووووووووى
نور : ايه يا بت انتى ابوك وامك هيصحوا
اسماء : هو والمصحف هو يابنات
مى : يا نهار اسود ههههههههههههههههه ايه الافلام دى
نور : بتقولى فيها ؟ وربنا ما مصدقه خالص
دا مصطفى اخويا بيفضل يقولى لو لقيت البنت دى هاخدك من ايدك انتى وامك ونروح نخطبها حتى لو غصب عنك
اسماء : ههههههههههههههههه ياسلام ياختى ؟
نور : اه والمصحف .
مى : ههههههههههههههههه انا مش مصدقه اللى بسمعه ده والله
نور : المهم تعالوا نتفق هنعمل ايه بقي .. استنوا مصطفى بيرن عليا
نور : الو! ايوه يا مصطفى
مصطفى : انتى فين ؟
نور : انا عند البنات سهرانين
مصطفى : هتتأخرى ؟
نور : لا جايه على طول .. ربع ساعه بس
مصطفى : منا كنت عارف انك هتسهرى معاهم .. طب تعالى خدى الايس كريم ده كلوه عامل حسابهم معاك جايب 3 علب ايس كريم
نور : ياراجل ههههههههههههه طب ثوانى وجايه
مصطفى : يلا
نور : عن اذنكوا يابنات دقيقه وجايه
اسماء : راحه فين لسا ماخلصناش ..
نور : لا ياختى دا خطيبك جايبلنا ايس كريم
مى : انتى خلاص خليتيه خطيبها هههههههههههههه
نور : وربنا هيتخطبوا وهيتجوزوا وبكره تقولوا نور قالت . ثوانى هجيبه وجايه
……………………..
(بعد 5 دقايق )
نور : ها اتأخرت عليكو
مى : اسماء مش على بعضها ههههههههههههههه
اسماء : اتلمى بقي يابت
نور : هههههههههههههههه مش محتاجه تقوليلى يا مى .. دنا ذات نفسي مش على بعضى من اللى حصل والصدف اللى مابتحصلش الا ف الافلام دى بس
اسماء : طب هنعمل ايه دلوقتى ؟
نور : بصى ياستى احنا هنشتغله شويه ونبهدله
اسماء : حرام عليك يا جزمه دا بردو اخوك
نور : الله ! انتى بدأتى تحلوى اهو ههههههههههههه منا عارفه انه اخويا بس عاوزين نعيش شويه ايام حلوه مليانه حركات واشتغالات
مى : قولى قولى هنعمل ايه
نور : الاول انا هخليكى تتأكدى انه بيحبك بجد
اسماء : ازاى ؟
نور : لما هروح البيت دلوقتى هرن عليك واسيب التليفون مفتوح وانتوا شغلوا الاسبيكر واسمعوا الكلام اللى بينى وبينه ..
اسماء : ماشى
نور : هههههههههههههه ياختى عليك يا سمسمه وانتى مكسوفه كده .. يابختك يا مصطفى
مى : اوعدنى يارب
نور : لا يا مى احنا لسا شويه
مى : اهو لو ماكنوش الاتنين دول شافوا بعض كان زمانى انا حجزت مصطفى ليا غصب عنكوا هههههههههههههه
اسماء : اخرسى يابت
مى : الله ! انتى بتشتمى اختك من دلوقتى عشان مصطفى .. ربنا يستر علينا
اسماء : كملى يا نور .. بعد ما نسمع كلامكوا ايه اللى هيتم بقي
نور : هنخيله يتجنن
اسماء : ازاى بردو ؟
نور : يعنى هنخليه يحلم بيك يشوفك كده وبعدين يبص تانى مايلاقيكش هههههههههههههههه دنا عندى خطط توديكوا ف داهيه
اسماء : طب روحى انتى يلا عشان تلاقيه عاوز يتعشى ولا يشرب شاى
نور : الله !! ماتتلمى يابت ده بردو اخويا واكره اللى تحبه اكتر منى هههههههههههههههه
اسماء : انتى مش قولتى انه خطيبى خلاص اشربى بقي
نور : ايوه خطيبك بس مش كده يعنى … اتقلى شويه .. اه وبالحق .. هنحتاج صاحبتك امانى ف الخطه دى .. لانه شافها ف الاول وافتكر انها هى انتى اسماء جارتنا
اسماء : ايوه معاك حق .. بس اخاف اجيبها تشبط ف مصطفى دى مره شافته ع السلم اتجننت وقالت كنت هقوله بحبك
نور : هههههههههههههههههه ياستى هاتيها
اسماء : طب يلا امشى انتى بقي … هستنى رنتك
نور : ايوه بس لما تفتحوا عليا ماتتكلموش ولا تقولوا اى كلمه .. يدوب تشغلوا الاسبيكر بس وماسمعش صوت حد فيكو
اسماء : اوووووك
مى : يلا بسرعه بقي
……………………….
مصطفى : مين ؟
نور : انا نور يا صاصا افتحلى
مصطفى : اهلا يا شملوله انتى هناك من امتى ؟
نور : من ساعه كده .. اعملك شاى ؟
مصطفى : لا انا شارب ع الكافتيريا ..
نور : مالك زهقان ليه كده ؟
((نور بتتصل على اسماء وبتسيب الخط مفتوح ))
مصطفى : مافيش اهو ملل
نور : روق يا حبيبى روق .. صحيح انت لسا ماشوفتش البت اللى انت بتدور عليها دى ؟
مصطفى : بتسالى ليه ؟
نور : عادى اهو بفضفض مع اخويا اشوف اموره العاطفيه كده هههههههههههه
مصطفى : زفت .. أمورى العاطفيه زفت بعيد عنك
نور : ليه يا قلبى بس ؟
مصطفى : انا عارف ياختى ؟ دى زى ما تكون فص ملح وداب …..
نور : ليه عملت ايه ؟
مصطفى : قولى معملتش ايه … كل يوم وانا مروح م الشغل اعدى على شغلها افضل واقف ف الشمس ابص على وشوش البنات اللى طالعين م الشغل وبردو مش بلاقيها لما نافوخى ورم وقرب يطلع م الشمس
نور : ههههههههههههههههههه
مصطفى : انتى عماله تضحكى وتبصى على ام التليفون ليه .. فرحانه ف اخوك يا جزمه ؟
نور : هههههههههههههههههه انا فرحانه جدا . مش قادره اقولك فرحانه اد ايه ؟
مصطفى : افرحى ياختى افرحى … وحياه امها لو لاقيتها لارنها حته علقه على اللى هى عاملاه فيا ده الجزمه دى
نور : ههههههههههههههههههههههه اااااااااااه هموووووووووت والله
مصطفى : فيه ايه الله يحرقك … ماتسيبى ام التليفون يابت وقومى اعملى شاي
نور : من عنيا يا سيد المعلمين ((بتقفل التليفون ))
……………………
(الناحيه التانيه )
مى : انا ههمووووووووووووووووووت مش قادره
اسماء : بقا انا جزمه ؟ ههههههههههههههههههه ماشى يا مصطفى مااااشى والله لاطلع عنيك
مى : يااااااااربي انا هموووت اقسم بالله .. هو فيه كده ههههههههههههههههه بقا يا قادره يا مفتريه الواد بيجيلك كل يوم لما خلاص الشمس سيحت مخه .. انتى بتطلعى منين ؟
اسماء : يا نهار اسود .. دنا بطلع من الباب الورانى عشان بطلع مع امانى واسراء وبنركب تاكسي وبنيجى على طول
مى : اااااخ يااانى …. دى باينها احلى ايام دى ولا ايه ؟
اسماء : يعنى يوم ما اسمعك يا مصطفى تقول عليا جزمه ؟ ماشى ماشى
مى : حقه والله دانتى طلعتى عنيه
اسماء : وانا مالى انا … وبعدين تعالى هنا … اوعى تقوليلى انك كنتى عارفه عشان كده كنتى عاوزانى اجي معاك العشا على السوبر ماركت
مى : لا ماكناش نعرف انك انتى اللى بيدور عليها وانه هو اللى انتى شوفتيه وبتتكلمى عنه
كنا عاوزينكوا تتقابلوا ف بعض بس
اسماء : اه يا جزم ماشى
……………………………
نور : اتفضل يا سيدى .. احلى كوبايه شاى للأستاذ مصطفى حبيب اخته ياناس
مصطفى : والنبى ايه ؟؟ ايه الحنيه دى من إمتى ؟ دانتى بتفضحينى لما بطلب منك شاى .. مش مرتاحلك يا نور وراكى ايه ؟
نور : هههههههههههههههههه ابدا والله بس حكايتك دى مأثره فيا اوى
((نور رجعت تتصل على اسماء وسايبه الخط مفتوح ))
نور : بس بجد احكيلى ليه البنت دى بالذات يعنى فيها ايه مميز عن غيرها وممكن انت اكيد شوفت بنات اجمل منها
مصطفى : انتى لسا صغيره لما تكبرى هقولك
نور : يووووووووووووه والله هتقول
مصطفى : اقول ايه انتى ماسكه تليفونك ده ليه يابت انتى ومكلبشه كده
نور : اهو التليفون جنبى اهو قول بقا
مصطفى : البنت دى يا نور فيها براءه عمرى ما شوفتها ف اى واحده تانيه .. شوفتها دقيقه واحده كيانى اتقلب خالص …. عنيها فيها هدوء رهيب محستش بنفسي غير وانا باصصلها وعماله اقول سبحان الله .. هو لسا فيه حد جميل كده ؟ رغم جمالها وكبريائها وضحكتها اللى تدوب التلج دى الا انها بشوشه ووشها نفسه تحسي انه بيبتسملك .. والوحيده اللى قلبى اتخلع من مكانه لما شوفتها … عسل بنت اللذينه بس اشوفها بس
نور : طب افرض انك شوفتها هتعمل ايه ؟
مصطفى : هعمل ايه ؟ هاخدها حضن مطارات حضن هيخلى ضهرها يطقطق بين ايدى
نور : احم احم .. احنا نلم الموضوع بقا احسن اسكت
مصطفى : ليه هى امك صاحيه ولا ايه ؟
نور : لا بس اسكت يا اخويا عيب حد يسمع الكلام ده
مصطفى :حد مين يا مجنونه يابنت المجنونه هو فيه حد غيرنا هنا ؟
نور : هههههههههههههههههه
مصطفى : بردو بتضحك البت .. يابت هخنفك والمصحف
…………………….
مى : احم احم .. مالك مسهمه كده ليه يا اسماء ؟
اسماء : مافيش
مى : اسماء ! مالك انتى بتعيطى ؟
…………………
اسماء : لا مش بعيط
مى : لا انتى بتعيطى اهو . مالك يا حبيبتى دانتى المفروض تفرحى انك سامعه الكلام ده
اسماء : انا بعيط من الفرحه يا مى .. مش مصدقه ان ربنا عوضنى عن السنين دى كلها اللى كنت قافله على نفسي ومش عاوزه احب ولا افكر ف الحب بإنسان زى مصطفى
مى : ربنا عوض صبرك خير يا قلبى .. وايه بقي . مصطفى كمان ويطلع هو كمان بيحبك
اسماء : هههههههههههههه اه
مى : انتى بتتكسفى يا بيضه هههههههههههههه وشك نور كده ليه هو الحب بيعمل كده
اسماء : اتلمى يابت ونامى يلا
مى : نوم ايه وهو انا هيجينى نوم النهارده ؟
اسماء : وهو انا يعنى اللى هعرف انام . دنا هاين عليا اروح اسهر معاهم هناك دلوقتى
مى : اعقلى كده يا حاجه مش عاوزين نبوظ الخطه عاوزين نجنن مصطفى شويه
اسماء : انا خايفه تطفشوه يا ولاد المجانين
مى : ههههههههههههههه لا احنا هنخليه يتجنن شويه بس زى ما نور قالت
اسماء : ماهو الخوف من نور دى … دى اخوها يعنى مش هيزعل منها
مى : وانتى حبيبته واستحاله هيزعل
اسماء : كسفتينى ياجزمه
………………………
((تانى يوم ))
نور : الو ! ايوه يا مى انتى لبستى ولا لسا يلا عشان مصطفى جاهز وهننزل انا وهو اهو
مى : خلاص جاهزه
نور : واخبار المزه بتاعتنا ايه ؟
مى : مانامتش من امبارح هههههههههههههههه محدش نام اصلا
نور : وهو انا يعنى اللى نمت .. طب اخرجى يلا انا خلاص خارجه مع مصطفى اهو واوعى أسماء تظهر ع الباب دلوقتى
مى : لا اتطمنى … يلا خارجه اهو
…………………..
مصطفى : ازيك يا ميوي ؟ عامله ايه ؟
مى : كويسه يا صاصا وانت ؟
مصطفى : صاصا ؟ مين اللى قالك الاسم المنيل ده ؟ اكيد القرده أختى
نور : نعم ؟ فيه حاجه يا أخ
مصطفى : يلا يا لمضه انتى وهى اتأخرنا .. اركبوا
………….
((أسماء واقفه فوق وبتبص عليهم وهما نازلين على السلم وفجأه مصطفى بيبص بالصدفه ناحيه فوق لكن مش بياخد باله م الشكل ))
مصطفى : ايه ده ؟
نور : مالك ياعم ؟
مصطفى : انا اتخايلت بواحده كده بتبص علينا من فوق
مى : واحده ؟ واحده مين ياعم صلى ع النبى كده يلا عشان اتأخرنا ..يلا يا مصطفى
نور : ايوه والنبى يا مصطفى يلا يا حبيبى
مصطفى : يلا ايه ؟ انا زى ما يكون شوفتها قبل كده
مى : يا عم دى تلاقيها اسماء اختى كانت بتبص علينا صدفه ولا حاجه وانت اكيد شوفت اسماء اختى هنا ولا هنا عشان كده بتشبه عليها
مصطفى : انتوا شايفين كده ؟
نور : ايوه ياعم امال ايه ؟ يلا يلا
((نور بتبص على مى وبتكلمها بشويش ))
نور : عاجبك كده .. اختك كانت هتفضحنا الهبله
مى : هههههههههههههههه اسكتى بقا دنا قلبى وقف
……………..
((ف شغل أسماء ))
اسماء : اسكتوا يابنات انا مش حاسه بنفسي من امبارح ولسا مانمتش
امانى : ليه ها ؟ ليه انطقى
اسراء : ليه يابت اخلصى
اسماء : فاكرين الواد الحليوه اللى حكتلكوا عليه ف الشركه اللى روحتها من اسبوعين وفضل يبصلى ومتنح …
امانى : اه فاكرين ماله ؟ شوفتيه تانى ولا ايه ؟
اسراء : ماله يابت انطقى ؟
اسماء : وفاكره يا امانى الواد جارنا الحليوه اللى انتى شوفتيه ؟ وكنت عاوزه تروحى تقوليله انا بحبك
امانى : اه يا اخويا فاكراه هو ده يتنسى ههههههههههههه
اسراء : هو فيه ايه يا ست العبيطه انتى ماتقولى فيه ايه ؟
اسماء : وفاكره يا اسراء الشاب اللى كان واقف بعربيته بره الشركه وكان بيبص على وشوش البنات زى ما يكون بيدور على حد فيهم
اسراء : يا خرابى على طعامه أمه مش ناسياه من ساعتها والله
اسماء : احترمى نفسك يابت انتى
اسراء : فيه ايه يابت هو حد كلمك ؟ ههههههههههههههه
اسماء : هههههههههههههههههه اصل ال 3 شباب دول هما هما نفس الشخص
امانى واسراء ف نفس واحد : نععععععععععععم ؟ بتقولى ايه يا حيلتها
اسماء : ههههههههههههههههه اه والله
لما شوفته ف الشركه ياعينى فضل يدور عليا كتير وعرف مكان شركتى وكان بييجى عشان يدور عليا .. ولأجل بختى وعشان امى داعيالى شقتنا الجديده تكون قصاد شقته وهو ولا انا نعرف بالموضوع
امانى : ياخراااااااااااابى ايه الافلام دى
اسماء : افلام ايه يابنتى انا من ساعه ما عرفت وانا مش عارفه انام
اسراء : اه يابنت المحظوظه .. طول عمرها بايضالك ف القفص اعوذ بالله
اسماء : قروا على اللى خلفونى بقا دا لسا هو معرفش على فكره ولا عرف انى جارته اصلا
امانى : يا قلبك … امال عرفتى ازاى
اسماء : لا منا واختى واخته شغالين اشتغالات من امبارح ههههههههههههههه
المهم تيجو النهارده عشان عاوزاكوا معايا وهنطلع عنيه شويه
امانى : ازاى ؟
اسماء : لما تيجو هتعرفوا
امانى : طبعا جايه دى فيها كلام
اسراء : معاكى يا ريسه
………………………………
((المغرب ف البيت ))
نور : اهلا يا مصطفى اتأخرت ليه ياعم انا وامك جوعنا
مصطفى : مافيش … كلتوا ولا لسا
نور : لسا
ام مصطفى : قومى يا نور سخنى الاكل يلا عشان نتغدى
مصطفى : ماليش نفس .. شويه كده اما انام واقوم
نور : طب تعالى نقف ف البلكونه شويه غير جو كده
مصطفى : بلكونه ايه بقولك هنام يا بومه
نور : لا بقي طب ورحمه ابوك هتقف معايا ف البلكونه شويه عاوزاك ف موضوع
مصطفى : مدى قدامى اخلصى .. ايه ده ؟
((مصطفى بيتخايل ب أسماء واقفه ف البلكونه وهو واقف ف اوضته بيجرى على البلكونه عشان يتأكد بيلاقى امانى ))
مصطفى : ايه ده هى فين ؟
نور : هى مين هتفضحنا ؟
مصطفى : اللى كانت واقفه هنا من شويه
نور : ماهى قدامك اهى امال دى مين ؟
مصطفى : لا والله مش هى انا شوفت البت التانيه اللى حكتلك عليها
نور : يا عينى عليك انت بقيت تتخايل بيها ولا ايه ؟
مصطفى : بقولك ايه يا بنت المجنونه انا لسا ماتجننتش والنعمه شوفتها هى
نور : طب استنى هثبتلك …… ازيك يا اسماء
امانى : تمام يا حبيبتى انتى عامله ايه ؟
نور : بخير يا حبي .. فين البت مى ؟
امانى : اهى زى القرده جوه .. اما تخلصى غدا ابقى تعالى اقعدى معانا
نور : ماشى
…………….
نور : اهو ياعم شوفت دى اسماء جارتنا
مصطفى : ياخرابى .. دنا بدأت اتجنن فعلا ..
((اسماء وامانى ومى الناحيه التانيه واقعين على الارض من كتر الضحك ))
امانى : هموووووووووووووت يخربيوتكوا
مى : هههههههههههههههههههههه اه يانى يا بطنى
اسماء : هتجننولى الواد اللى حيلتى ياولاد الفقريه ههههههههههههههه
امانى : شوفتى الواد كان شكله عامل ازاى وهو بيجرى على البلكونه عشان يشوفك .. ياعينى اتصدم لما شافنى انا هههههههههههههههههه اه يانى يابطنى عمرى ما ضحكت كده
…………………….
مصطفى : روحى اتغدى انتى وامك انا هنام … انا حاسس انى سخن . شكلى هموووت يا فقر واخره المتمه بقيت اكلم نفسي اهو
نور : ههههههههههههههههه
مصطفى : بتضحكى على ايه يا هلاهوطه انتى .. والنعمه انتى اللى جايبالى الفقر
نور : هههههههههههههههههه
مصطفى : غورى من وشى يابت اقفلى الباب وراك
نور : هههههههههههههههههه
……………………….
((مصطفى بيكلم نفسه ))
مصطفى : وبعدين يا درش فيه ايه انت وصلت لمرحله ايه مع البت دى ؟ بقيت تتخايل بيها ولا ايه ؟ اثبت كده عيب اللى بتعمله ف نفسك ده
………………………………..
((بعد ساعه ))
مى : مين بيخبط ؟
نور : افتحى يابت انا نور
مى : اهلا ياختى اهلا باللى هتجنن اخوها
امانى : اه يا مصيبه انتى ههههههههههههههههه احنا من ساعتها واحنا هنموت
نور : امال انا اعمل ايه ؟؟ من ساعتها ومصطفى وامى فكرونى اتهبلت ومش فاهمين فيه ايه
اسماء : حرام عليك يا نور اللى بتعمليه ف اخوك بجد
نور : مش عاوزين طيبه قلب بقا ….. نيجى بقا للموضوع الكبير
اسماء : موضوع ايه تانى
نور : الخطوبه !!
اسماء : خطوبه ايه . ؟
امانى : خطوبه ايه يابت ؟
نور : بكره بعد المغرب هجيب مصطفى اخويا وامى ونيجى نخطب اسماء لمصطفى
اسماء : بطلى هبل بقا
نور : وربنا ما بهبل
اسماء : وهيخطبنى ازاى يا فالحه من غير ما يعرف شكلى .. وبعدين اخوك مش بالساهل يخطب واحده مايعرفهاش
نور : مالكيش دعوه بقا .. المهم عرفى باباك ومامتك ان احنا عاوزين نيجى نتقدم وشوفى رأيهم الاول قبل ما نيجى
اسماء : رأيهم ف ايه ؟ طبعا اكيد موافقين .. ده بابا بيفضل يشكر ف مصطفى جدا وامى بتقولى لو ربنا يوفقك مع مصطفى ابن الجيران ده يبقى ربك بيحبك
نور : خلاص عرفيهم وبعد المغرب هجيبه واجى هو وماما وانا هقول لماما الفوله كلها
… انا هروح بقا نكمل الخطه .. ماتنسوش هنعمل المره دى خطه العين السحريه
اسماء : اشطا … روحى شوفيه هو صاحى ولا لسا نايم .. ولما يقرب من الباب عشان ينزل عرفينا
نور : يلا بينا
………………..
نور : الو ! ايوه يا اسماء اجهزى انتى وامانى بسرعه اخويا خلاص بيسرح شعره ونازل
اسماء : يلا بسرعه
مصطفى : بتبصى على ايه يابت يا نور
نور : ببص م العين السحريه عشان عاوزه اخض البت اسماء هههههههه
مصطفى : بطلى شغل العيال ده بقي اتاخرى عاوز انزل
نور : لا والنبى والنبى استنى دنا مستنيه عاوزه اخضها من الصبح طب بص انت كده شوف هى فتحت ولا لسا
مصطفى : طيب اتاخرى …. ((وفجأه بيشوف اسماء ))
مصطفى : ايه ده ؟ افتحى افتحى … فين ام الزفت المفتاح . انتوا قافلين بالمفتاح ليه ؟
نور : اهو استنى استنى بس فيه ايه مالك ؟
مصطفى . افتحى اخلصى بسرعه
نور : اهو
مصطفى ((بيشوف امانى اللى واقفه ))
نور : فيه ايه ياعم متنح كده ليه مالك ؟
مصطفى : هشش اخرسي يابت خشى جوه واقفلى ام الباب ده الله يخربيوتكوا … انا اتجننت منكوا لله … انا نازل …
…………………..
امانى : هههههههههههههههههههه ياخرااااااااااااابى
اسماء : ههههههههههههههههه حرااااااااااااام عليكو يا ولاد المجانين
نور : انا مش قادره خلاص انا بطنى هتفرقع …. حرام والله اللى بنعمله ده اخويا مخه اتلحس …
مى : على فكره لو ربنا اراد ومصطفى واسماء اتخطبوا .. مصطفى لو عرف اللى عملناه فيه ده هينفخنا
امانى : انا ماليش دعوه ياختى انتى وهى
اسماء : لا يا حبيبتى دانتى اهم واحده . هيفضل يجرى وراك
نور : وانتى يا اسماء بردو هيبهدلك
مى : وانتى بردو يا نور دانتى اس البلاوى
نور : كلنا رايحين ف داهيه رايحين
……………………..
نور : المهم يا اسماء كلمى عمو وطنط قوليلهم الجماعه هييجو بكره بعد المغرب
…………………
نور : ماما ! ركزى معايا شويه عاوزاك ف موضوع
ام مصطفى : خير يا عنيا . دايما مابيجيش من وراك غير المصايب
نور : ليه ياستى طيب دنا بنتك يعنى
ام مصطفى : عاوزه ايه ؟
نور : عاوزه اخطب اسماء ل مصطفى
ام مصطفى : انتى عاوزانا نقع مع اخوك ولا ايه احنا مش قد اخوك
نور : لا منا هقولك ….. عارفه البنت اللى مصطفى بيدور عليها واسمها اسماء
ام مصطفى : اه مالها
نور : تبقى هى اسماء جارتنا
ام مصطفى : اييييييييييييييييه ؟ بتتكلمى بجد يابت انتى ولا ايه . ماتلعبيش بأعصابي انتى يابت
نور : ههههههههههههههه اه والله هى . وهو لسا مايعرفش حاجه . وبقالنا يوم انا والبنات عارفين بس وجننا ابنك
ام مصطفى : جننتوه ازاى
نور : بنخليه يشوف اسماء ولما ييجى عشان يتأكد نخلى امانى صاحبه اسماء هى اللى يشوفها ياعينى كان بيكلم نفسه امبارح
ام مصطفى : هتجننوا ابنى يا ولاد الجزمه .. دا يا ويلكوا لو عرف
نور : وهو يعنى مين اللى هيقوله .. ها مين ؟؟ بصيلى كده مين ؟ ولا انتى ناويه تبيعى بنتك
ام مصطفى : الله . طبعا دا الحيله بتاعى ههههههههههههههه
نور : المهم انا كلمت اسماء تاخد راي ابوها وامها وتاخد ميعاد على بكره بعد المغرب
ام مصطفى : ليه يابنتى افرضى اخوك كان بره ولا خرج
نور : لا مانتى بقي يا ست الكل هتكلميه وتقوليله اننا رايحين زياره لجيراننا علشان هما عزمونا
ام مصطفى : اخوك مش هيصدق وهيحس ان فيه حاجه ومش هييجى
نور : الله ! انتى بتقفليها ليه داحنا عاملينها مفاجأه . عشان عاوزين نشوف رد فعله لما يشوف اسماء
ام مصطفى : طيب وبعد ما نروح هنعمل ايه ؟
نور : هنقعد نتكلم شويه بين العيلتين .. وانتى مره واحده كده تقولي انا جايه اخطب بنتكوا اسماء لابنى مصطفى .. ونشوف هو هيعمل ايه بقي ولحد ما اسماء تدخل هيعمل ايه ؟؟
هموت واشوف رد فعله يا ماما
ام مصطفى : دانتى داهيه يخربيتك
نور : طب بزمتك المنظر اللى هيكون فيه ابنك ده مايستاهلش انك تعملى اى حاجه عشان تشوفيه
ام مصطفى : يستاهل …. نفسي افرح الواد ده وهو من ساعه ما ابوك مات وهو اللى شايل البيت ومش بيفكر ف نفسه وكل ما اقوله يابنى عاوزه افرح بيك يقولى لما اتطمن عليكو وعلى نور ..
نور : ياماما انا ماقعدتش مع بابا اد ما قعدت مع مصطفى . مصطفى ده ابويا مش اخويا بس واكتر حد بحبه ف الدنيا دى
ام مصطفى : ربنا ما يحرمكوا من بعض يا حبيبتى
نور : ولا منك يا ست الكل .. ها تمام الخطه ولا ايه ؟
ام مصطفى : تمام ياختى تمام … لو اخوك جه بالليل وانا صاحيه هكلمه
لو مالحقتوش هاكلمه الصبح وانا بعمله الفطار
نور : اشطات .. هاتى بوسه بقي
…………………..
اسماء : الو ! ايوه يا نور . اخوك جه من بره ولا لسا
نور : لا لسا ماهو بييجى على 12 كده مانتى خلاص عرفتى مواعيده
اسماء : طيب لو ماما نامت تعالى اقعدى معانا
نور : طيب افتحى الباب انا جايه
………………………
مى : اهلا اهلا أخت عريس اختى
نور : اهلا اهلا باخت عروسه اخويا هههههههههههههه
اسماء : تعالى يا مصيبه
نور : اهلا بالمزه بتاعتى .. كده تجننى الواد اخويا
اسماء : هو مين اللى اتجنن انا ولا هو
نور : الواد بيكلم نفسه حرام عليك
اسماء : الله !! انتى بتخرجى نفسك من الموضوع ولا ايه ؟؟ دانتى الراس الكبيره واللى مخططه كل حاجه ولا انتى ناويه تبيعينا لاخوك
نور : بصراحه اه هههههههههههههه ده ممكن يحلقلى شعرى
اسماء : ياساتر .. يحلقلك شعرك ؟ امال انا هيعمل ايه فيا
نور : هيبوسك
اسماء : احم . اتلمى يا جزمه
مى : ايه ده خدودها احمرت كده ليه هههههههههههههههه
نور : فاكرانى بهزر ؟ والله اخويا مجنون وممكن لما يشوفك بكره يقوم يبوسك قدام ابوك والجوازه تتفشكل ههههههههههههه
اسماء : فال الله ولا فالك يا فقر .. بسيطه .. هاجى اعيش معاكو واتجوز مصطفى بردو
نور : تعرفى يا اسماء ! انا فعلا مستغرباكوا لغايه دلوقتى
اسماء : والله وانا كمان
نور : ازاى واحد وواحده يشوفوا بعض دقيقه بس وماتكلموش مع بعض نص كلمه حتى وبيحبوا بعض بالشكل ده … معقول جمال الشكل بس يكون هو اللى شدكوا لبعض
انا ماظنش كده لان انا عارفه ان اخويا شاف بنات جميله جدا قبل كده وماتشدش ولا كان بيشغل باله اصلا .. ومتأكده انك انتى بردو جالك عرسان الدنيا وفيه منهم الاحسن والاجمل
بس مستغربه انه ازاى و ليه انتى حبيتيه وهو ليه حبك بالشكل ده
اسماء : مش هضيف حاجه زياده عن اللى مصطفى قالهولك … هو ان احنا كل واحد فينا حس ان التانى ببينده عليه .. اخوك نظرته ليا ماكنتش نظره جارحه ولا وحشه .. نظرته كانت بريئه جدا نظره طفل لامه اللى كانت غايبه عنه .. لأول مره بحس بالأمان من نظره واحد ليا . نظره راجل يا نور مش عيل من بتوع اليومين دول
حسيت نفسي ملكه هو وبس حسيته بيكلمنى بعينه ف الثانيتين اللى شافنى فيهم وبيقولى بحبك
نور : بجد ؟
اسماء : والله العظيم ده اللى حسيته بجد .. ياعينى اول ما شافنى فضل باصصلى حتى ساعتها المدير بتاعه فضل ينادى عليه وهو ولا هو هنا ومش مركز معاه اصلا
((نور ومى بيسمعوا كلام اسماء وهما بيعيطوا ))
اسماء : عارفه … ادفع نص عمرى واشوف نظره اخوك ليا بكره هتبقى عامله ازاى
نور ومى : واحنا كمان
نور : عندى ليكوا خطه حلوه بردو بكره هتضحكنا شويه
اسماء : خير يا وش المصايب
نور : هاتى امانى بكره تحضر الخطوبه .. ولما ابوك ينادى عليك انك تدخلى القهوه او الحاجه اللى هنشربها ويقول هاتى الحاجه يا اسماء .. تدخلى انتى امانى .. عاوزاكى انتى اللى اخر واحده تدخلى علينا
اسماء : هههههههههههههههه اه يانى . هتودينا فين انتى مش عارفه
نور : لكل خير ياختى … انتى والواد اخويا ده تستاهلوا كل الخير .. والله العظيم بحبكوا اوى
اسماء : احنا خلاص بقينا عيله يا نور
مى : اه بقينا عيله وهتبقى انتى ف وشى ليل نهار يا نور .. اعوذ بالله
نور : انتى ؟ دنا هطلع عينيك يا مى بس ماتقلقيش مصطفى اخويا هيجيب شقه جنبنا وهنروح نطلع عينيهم كل شويه
اسماء : الكلبه اللى هتيجي فيكو هطردها طرده الكلاب
نور : من اولها كده بتبيعينى .. انا همشى بقا مصطفى اخويا جه من شويه انا سمعت صوت باب الشقه بيتفتح وهيتصل عليا … اشوفكوا بكره يا بنات
اسماء : تصبحى على خير
…………………………..
مصطفى : كنتى عند البنات بردو ؟
نور : ايون .. اعملك عشا
مصطفى : اه واعمليلى سندويتش مع الشاى
نور : ماشى
مصطفى : جبنه بطماطم
نور : طيب
مصطفى :حطى خيار
نور : قوم اعمله انت طيب
مصطفى : هههههههههههههه وهاتى الشاى
……………
نور : خد يا سيدى احلى سندويشت جبنه بطماطم للاستاذ صاصا مع احلى كوبايه شاى
مصطفى : امك نامت من امتى ؟
نور : من ساعه كده
نور : اه مش عارفه كانت عاوزه تقولك ايه
مصطفى : خير ؟
نور : خير بس ام اسماء جات وعزمت امك وعزمتنا بكره على العشا .. هنروحلهم بعد المغرب
مصطفى : مانتوا عارفين انى ببقى نايم او بصحى واخرج
نور : يا مصطفى دى نص ساعه بس انا كمان مش عاوزه اروح بس اعمل ايه لأمك دى
مصطفى : بت انتى ماتعمليهمش عليا .. ده مش بعيد انتى اللى تكونى مرتبه العزومه دى يا فقر
نور : أنا ؟ انا دايما حظى كده كل الناس ظالمنى .. اهيئ اهئ
مصطفى : يا عنيا .. اجيبلك مناديل
نور : سيبنى اندمج شويه بقا ياعم .. المهم هصحيك قبل المغرب تظبط نفسك وتلبس حاجه كويسه عشان العزومه
مصطفى : هى عزومه ولا خطوبه اتنيلى
نور : ياسيدى ماتقاطعش اعوذ بالله .. هى عزومه وممكن تقلب بخطوبه ههههههههههههه
مصطفى : بعينك مش هتجوز الا البت اللى ف دماغى
نور : يادى البت بتاعتك دى … ياعم اصحى انت خلاص مش هتلاقيها تانى
مصطفى : مين قالك ؟ انا خلاص قربت الاقي عنوان بيتها
نور : يا نهار اسود ازاى ؟ قصدى خير هتلاقي عنوان بيتها منين
مصطفى : فيه ايه يابت مالك ؟
نور : يا اخويا قول هتلاقي بيتها ازاى اعصابى تعبت
مصطفى : مافيش .. اتعرفت على واحد شغال ف شركتها وطلبت منه خدمه انه يعرفلى الملف بتاعها مكتوب فيه عنوان ايه ؟
نور : اه يا سوسه …. طيب ياخويا ربنا يستر
مصطفى : يستر على ايه .. يابت انتى اقسم بالله انتى بقالك يومين مش مظبوطه … وراكى ايه يابت بتعمليه من ورايا مش متطمنلك
نور : ههههههههههههههههههههه لا والله مافيش حاجه بس فرحانه بيك انك اخيرا هتلاقى البنت اللى بتدور عليها
………………………………
((ف اليوم الاخير قبل المغرب ))
ام مصطفى : قومى يانور صحى اخوك يلا عقبال ما يجهز
نور : اما ألبس انا الاول
ام مصطفى : يابنت العبيطه ماتخليش اخوك يشك ان الموضوع فيه خطوبه لاحسن هيحلف مش هييجى والمفاجأه تروح
نور : طيب
نور : صاصا ! قوم ياعم يلا
مصطفى : مش قايم سيبينى انام وروحوا انتوا قوليلهم تعبان
نور : اسم النبى حارسك وصاينك .. قوم لاحسن وكتاب الله اصوت والم الناس عليك
مصطفى : ههههههههههههههههههه يخربيت فقر اهلك .. ايه يا بت انتى فيه ايه عاوز انام
نور : لما نرجع ابقى نام براحتك بس قوم يلا .. قوم الناس مستنيينا
مصطفى : امك خلصت ولا لسا
نور : احنا مخلصين وجاهزين ومستنيينك
مصطفى : طيب . اعملى شاى عاوز اصحصح
نور : ابقى اشرب هناك
……………………
نور : الو ! ايوه يا مى انتوا جاهزين ؟
مى : ايوه يلا هاتيهم وتعالوا بابا مستنيكوا
مى : واسماء اختى فهمت ماما ع الموضوع كله من اوله لاخره والصدفه بتاعتهم دى وماما فضلت تضحك لما صوتها جاب اخر الشارع وفضلت تدعيلهم
واقولك على مفاجأه مش هتصدقيها ؟
نور : قولى !
مى : بابا كمان عرف بالموضوع . ماما قالتله
نور : الله ! دى احلوت اوى .. يعنى كلنا النهارده هنشتغل مصطفى هههههههههههههههههههه يانهار ضحك
…………………………
((الباب بيخبط ))
ابو اسماء : اهلا وسهلا اتفضلوا يا جماعه البيت بيتكوا
مصطفى : اهلا بحضرتك يا عمى الحى كله منور من ساعه ما حضراتكوا نورتوها
ام اسماء : اهلا يا ام مصطفى نورتينا ياست الكل
ام مصطفى : نورك يام العرايس ربنا يباركلكوا ف البيت ويجعل قدمه قدم الخير
مى : اهلا يا نور فينك مش باينه بقالك مده هههههههههه
نور : اهلا يا سوسه ههههههههههههه
ابو اسماء : اتفضلوا يا جماعه اتفضلوا …. تشربوا ايه ؟
مصطفى : ولا حاجه مش عاوزين نتعبكوا كفايه ذوقكوا
ابو اسماء : قومى يا ام اسماء اعملى طقم شاى حلو كده على ما العشا يجهز
وانت يا مصطفى بقي مبسوط ف شغلك ؟
مصطفى : الحمد لله .. انا كل يوم بثبت نفسي ف شغلى اكتر
ابو اسماء : انت ابن حلال وتستاهل كل الخير
(ام اسماء بتنادى على اسماء من جوه ))
ام اسماء : أسماء هاتى الشاى
اسماء : حاااضر
((بتدخل امانى صاحبه اسماء بتقدملهم الشاى ))
ام مصطفى : اهلا اهلا بست العرايس زى القمر يا حبيبتى
((مصطفى بيبص لأمه وبيشوشها : ايه اللى انتى بتقوليه ده ياست انتى ))
امانى : ههههههههههههههه عن اذنكوا
((امانى بتدخل جوه مع البنات نور ومى وأسماء واقعين من الضحك ))
امانى : ههههههههههههههههههه امك دى يا نور زى العسل ماشيه ف الدور بالظبط
نور : ههههههههههههههه والله انا مش قادره خالص ربنا يعدى الليله دى على خير
مى : حرام عليكو بطنى ههههههههههههه
اسماء : اسكتوا اسكتوا عاوزين نسمع بيقولوا ايه ؟
…………………..
ام مصطفى : دلوقتى يا حاج محمد ده مصطفى الواد اللى حيلتى وكبيرى وضهرى وسندى ف الدنيا والنور اللى منور الضلمه اللى ف حياتنا
ابو اسماء : ربنا يخليهولك ياست الستات
((مصطفى بيبص على امه ومش فاهم حاجه ))
ام مصطفى : دلوقتى انا عاوزه اسماء بنتكوا ل مصطفى ابنى
ابو اسماء : داحنا نتشرف ياست الكل ب مصطفى .. ياسلام هو فيه ف الحته كلها زى مصطفى أمنه على بنتى
ام اسماء : والله العظيم مش هلاقى لبنتى احلى واجمل وارجل من مصطفى ابنك وربنا يقدم اللى فيه الخير
((مصطفى فقد النطق وعمال يبص على امه وبيبرطم بكلام مش مفهوم ))
ام مصطفى : مش مبسوط يا مصطفى ولا ايه ؟
مصطفى بيشوشها : ايه اللى انتى عملتيه ده ياوليه انتى … انتى فاكره انك بتحرجينى كده ؟
ابو اسماء : طيب اندهى على اسماء يا ام اسماء تيجى تشوف عريسها وتقولنا رأيها ولا هتتكسف تيجى ؟
ام اسماء : لا هتيجى . ولازم تيجى عشان تقولنا رايها هنا
ام اسماء : أسمـــــــــــــاء !! اسمـــــــــــــاء تعالى عاوزينك
…………………..
نور : أتت اللحظه الحاسمه يلا بسرعه
مى : يلا كلنا جايين معاك
امانى : يلا وانا اول واحده هخرج عشان الاشتغاله تكمل
اسماء : انا قلبى هيقف والله
………………………..
((امانى بتخرج وبتقعد جنبهم ))
ام اسماء : ايه يا امانى امال فين صاحبتك
مصطفى : صاحبه ايه ؟ مش دى اسماء بنتكوا ؟
امانى : هههههههههههههه لا انا صاحبتها اسماء خارجه حالا
مصطفى بيكلم أمه : كمان ؟ دى مطلعتش اسماء…… انتى هتجوزينى مين يا وليه والله ابطح نفسي عليكوا دلوقتى
((نور ومى بيخرجوا ))
نور : اسماء خلاص جايه اهى
مى : تعالى يا اسماء
………………….
((أسماء بتخرج ولأول مره مصطفى بيشوفها ))
مصطفى : امنت بيك يارب ..
……………………
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية شوفت القمر سهرني لياليا)
