رواية زين الصعيد الفصل الخمسون 50 بقلم دودي
رواية زين الصعيد الجزء الخمسون
رواية زين الصعيد البارت الخمسون
رواية زين الصعيد الحلقة الخمسون
جنة جسمها اترعش وقلبها اتقبض وعنيهااا مصدومة وجواها شعور ب الخوف وهي عاملة تهز ف عز ابوهااا ع امل أنه يقوم مفيش اي حركة منه …فجاة بتصرخ بأعلي صوتها…بابا … بابا اصحااا علشان خاطري …وعلي صوتها بتكون طالعة جميلة وبتدخل الأوضة بتشوف جنة قاعدة علي السرير وواخده عز ابوها ف حضنها…وقاعدة بتعيط ب حراقة …جميلة اتثبتت ف مكانها وبتعيط وواحدة واحدة بتتحرك ناحية جنة …جميلة بتاخد نفس عميق جنة لا لا بتعيطي ليه …بتعيطي ليه عز ماله … وجميلة بتروح ناحية عز …جميلة … عز قوم مالك لا لا …وبتصرخ
جنة قلبها بيدق من الخوف وقاعدة بتعيط …جميلة بتحاول تاخدها ف حضنهاا وبتطبطب عليها …جميلة …خلاص ي جنة والنبي خلاص كفاية عياط …
جنة بدموع وعيط…ماما بابا مش بيرد عليااا ليه …ليه ي ماما …وبتمسك ايد عز ابوها… مستحيل ي بابا …وبتصرخ من الوجع
جميلة بعيط وبتحاول تهديهااا …كفاية بقا ي جنة كفاية …عز مات ي جنة …مات وبتبعد جنة وبتروح ناحية عز وبتغطي وشه …جنة بتصرخ وبتبص ل جميلة وبتقولهااا …لا مش تقولي كدا ع بابا …بابا ممتش وبتعيط …بابا لسه عايش هو هيقوم دلوقتي …بابا نايم وهيقوم …وقاعدة بتصرخ من قلبهااا ودموعها نازلة بكثرة ومش بتقوم من مكانها خالص
كل اللي فيهااا انها بتعيط وبتصرخ وبس …
جنة بعيط…ماما خليه يقوم بقا …انا ملحقتش اشبع منه …بابا ليه تسبني كدا لسه بدري اووي انا لسه عايزاك …انت كنت لسه معايا …انا ي بابا روحت اجبلك الغدا علشان تأكل وتاخد الدوااا…انا كنت لسه معاك …كنا لسه هنحكي سوا زي كل مرة …لسه عندي حكاوي ولسه عندي حب ليك اووي … وبتنهيدة…مش كان نفسك تفرح بيااا انا كنت هفرحك بيااا …كنت هتشوفني عروسة وتقبل زين …
وبصرخ …لا لا انا تعبت والله تعبت …اه والنبي ي رب والنبي رجع بابا ليااا تاني …انا مقدرش اعيش من غيره مقدرش …
**وجع الفرق عمره م كان هاين ابدا …موت الاب بيكسر اووي … أنه حد عزيز عليك كدا فجأة كنت لسه بتكلمه وقاعد معاه يدوب تروح وترجع تلاقيه مش بيرد ولا بيتكلم وقاطع النفس فجأة تلاقيه مات…الفرق صعب صعب اووي ومش هيحاس ب الفراق غيره اللي جربه … الموت بيكسر وبيوجع اووي …لما الاب بيموت يعني كل حاجة ماتت وراحت معاه …كل ضحكة ف البيت وكل موقف وحكايات كتير اووي راحت كمان وياه … الاب هو ضهر البنت وساندهاا ف الحياة …الاب هو روح البيت … وعمود البيت …الاب محدش يقدر يعوض مكانه تاني …كل حاجة بتروح معاه …ومهما مرت وعدت الايام والسنين …هيفضل الوجع والكسرة محدش حاسس بيهم غيرك …محدش هيمر بالعيط والصراخ اللي ف داخل قلبك …الاب هو كل حاجة ف حياتنا ب الذات ف حياة البنت … لانها بكل الحب بتكون دايما شايفاه كيان حياتها كله …شايفاه الضهر والسند والعزوة لها …كل واحد والده اتوفي موته كسره وساب فيه وجع وذكريات عمرها م راحت ولا هتروح …يفيد بإيه كل يوم قاعدة ل وحدها ف الأوضة وعلي سريرهااا وبتعيط يفيد ب ايه كل يوم ماسكة صورته وبتعيط وقلبها بيتقطع عليه …يفيد ب ايه كل يوم الذكريات والحكاوي تمر شريط قدامهاا …اه لو رجع بس الزمن لو نشوف عزيز غالي علينا راح وسابناا …اه لو كنت نعرف أن الفراق وحش اووي كدا وهياخد مننا حبايبنا كنا حطنهم جواه قلوبنا …والله لو خيروني بين نفسي وبين بابا لاختاره هو ومش مهم انا المهم هو وبس … اه لو يرجع الزمن وافديه بروحي… الفراق بيكسر اووي والله ي جماعة
**وبمناسبة الأغنية اللي طالعة تريند بتاعت بنت ابويااا اللي أغلبية البنات شوفتها بتحطهاا استوري …حقيقي المفروض تراعوا شوية ف بنات كتير اووي باباهم اتوفااا يعني اكيد قلبهم بيوجعهم لما يشوفوا الأغنية دي وبيحسوا بكسرة وأنهم ل وحدهم ف الدنيا …فبجد بلاش كل شوية بنوتة تحطها …ع الأقل راعي شعور اللي حواليكي… وباباكي تحبيه بينك وبين نفسك واظن محتاج يشوف الحب ف الحقيقة يعني مش اغنيه هي اللي هتعرف باباكي بتحبيه اد ايه …الحب بيبان ف الحقيقة مش ع صورة وأغنية وتحطيه استوري… انا بقول كدا علشان والله العظيم متعرفوش اي واحدة باباها اتوفا بتحاس بإيه وقتها …ربنا يبارك ف باباكم ويخليه ليكم ي رب ويرحم كل بنوتة باباها اتوفي ويصبرها وربنا ميوجعش اي قلب بنوتة ع باباها ابدا ي رب …
ربنا يرحم كل عزيز وغالي راح …ويرزقنا بيه ف الجنة …
_من يملك أبداً فليحافظ عليه فو الله الشوق
_رأيت رجلاً يشبه أبي فظننته هو، ثم تذكرت أنه مات ولن يعود أبداً رحمك الله.
_تفاصيل كثيرة دفنت بجوار أبي، كضحكته تلك التي تمحي كل أحزاني، ونظرته المليئة بالحنان التي تزيل أوجاعي.
_أخذك منا الموت الذي لم أتوقع أن يسلب مني أغلى ما أملك؛ فو الله اشتقت لك و تعبت أن أعيش بدونك…
……………………………………………
بعد كام يوم كان زين بقا كويس وخلاص خرج من المستشفي …وهو طلع من بابا الأوضة…افتكر أنه هينزل إجازة وقرر يروح ل جنة يشوفهاا قبل م ينزل …
بيشوف ممرضة …
زين :لو سمحتي
الممرضة :ايوه ي فندم
زين :هي فين الدكتورة جنة دورت عليها ف أوضة الدكاترة مش لاقيها
الممرضة :الدكتورة جنة ف إجازة ي فندم
زين:ايوه صح افتكرت دي كانت قالت ليااا فعلا انها نازلة إجازة
الممرضة :عايزة حاجة تانية ي فندم …
زين :لا شكرا …
بعد شوية فون زين بيرن
زين :الو
سليم :الو ي زين انت فين …
زين :انا ف المستشفي
سليم ب خضة :في ايه انت كويس
زين :ايوه كويس …متقلقش المهم انت عايز ايه
سليم :عايز ايه …مش انت ي بني اللي قولتلي أننا هنتقابل ف محطة القطار علشان ننزل سوا إجازة …انت نسيت ولا ايه
زين :ايوه افتكرت …طيب خلاص ي سليم شوية وهتلاقيني عندك …هروح اشوف العقيد نادر بس واجيلك ع طول
سليم :طيب متتاخرش وانا قاعد ف المحطة …اول م توصل رم علياا…
زين :ماشي يلا سلام …
(زين كان متفق مع سليم أنهم يسافروا الصعيد سوا … وطبعا زين واخد إجازة وسليم كمان علشان خطوبة سليم وزين اقتراح ع سليم أن بدل م كل واحد ينزل ل واحد ف يوم لا سليم يستنااا زين ويسافروا ف نفس اليوم )…
زين جاه ع باله جنة وزعل اووي أنه هيسافر من غيره م يشوفهااا رغم أنه لسه فاكر انها فعلا قالت انها نازلة إجازة بس كان ناسي خالص …وف نفسه …ده انا حتي مش معايا رقمهااا… وبتنهيدة بيمشي …
………………………………………….
رحيم :يلا يمااا يلا ي بويااا
تفيدة :طيب يخويااا براحة مستعجل ع ايه
رحيم :مش مستعجل يمااا …بس علشان مش نتاخر وكمان زمان زين وسليم جايين ف السكة ولازم نكون واصلين الدوار علشان كل حاجة تبقا جاهزة…علشان الشبكة
تفيدة :طيب …انا عارفة مش عملها هنا وخلاص ليه … قال يعني بيتنا مش قد المقام ولا حاجة …اول مرة اشوف شبكة هتعمل ف بيت العريس مش العروسة
رحيم :يمااا زين هو اللي أمر بكدهااا …وبعدنا كنان علشان عايز يفرح ب سليم وعمل ليلة ولا الف ليلة وليلة …
تفيدة بضيق :قال يعني احنا اللي مش عاوزين نفرح ب اختك ولا ايه … طيب لما نشوف …
رحيم ب تنهيدة :الله يرضك عنك يمااا بلاش عكننه النهاردة النهاردة خطوبة بتك يعني افرحي كدهااا بجااا …هنا ولا هناك واحد انا طالع اشوف ازهار وقمر خلصوا ولا لسه …
وبيطلع رحيم …
رحيم :هااا ي ازهار خلصتوا
ازهار بحب :ايوه ي رحيم خلصنا اهااا …
رحيم :اومال فين قمر …
ازهار :بتلبس وجاية
رحيم :طيب يلا …انا هنزل وانتوا تكونوا تحت ع طول
ازهار :ماشي يخويااا
(تفيدة مكنتش طبعا هتاخد قمر الشبكة معاها ابدا …يعني كانت هي وصالح ورحيم وازهار بس وكانت هتفضل حابسة قمر ف البيت … بس زين أكد ع رحيم أنه قمر لازم تيجي ومهما حولت تفيدة لازم رحيم يجبهااا … وفعلا رحيم اقنعهاا ب العافية عن أنها فكت الحبس عن قمر وخلتها تيجي معاهم …وكمان زين كان متفق مع رحيم ع كل حاجة …وادا ل رحيم فلوس علشان ينزل يجيب الشبكة اللي تعجب ازهار وفعلا رحيم وازهار جبوا الشبكة وكله تمام …والشبكة هتعمل ف الدوار وزين هو اللي اقتراح ده علشان الدوار واسع وزين كمان عامل ليلة كبيرة ل سليم اخوه …)
بعد شوية …كانت ازهار نزلت هي وقمر كانوا صالح ورحيم وتفيدة تحت …
ازهار :خلصنا ي رحيم يلا
رحيم :يلا …
صالح :جبتي ي ازهار ي بنتي الفستان …
ازهار :ايوه يبويااا معايا ف الشنطة
(ده فستان الشبكة …لأن ازهار اكيد يعني مش هتلبس فستان الشبكة وهي رايحة هتلبسه هناك ف الدوار)
بعد شوية كانوا وصلوا …
وقبل م يدخلوا رحيم ميال ع تفيدة أمه …والنبي يمااا قبلي خالتي راضية حلو بلاش تتخانقي معاه زي كل م تشوفيه كدهااا …والنبي خلي الليلة تعدي ع خير…
تفيدة ب ضيق :م خلاص رحيم …تعال علمني اتكلم ازي معاها
رحيم ب تنهيدة :ربنا يستر
بيدخلوا كلهم وبيسلموا ع بعض
راضية بحب :اهلا ب عروسة ابني …تعالي ف حضني ي ازهار
بتحضن راضية ازهار وبعد كدا بتحضن ع قمر …
وفجأة بتلاقي راضية تفيدة بتفرد لها دراعها وداخلية تاخدها ب الحضن …اذيك ي ام زين والله وحشتيني جووي
راضية استغربت من تفيدة جووي …اللي هو بقا دي اللي كانت ماشية من آخر مرة زعلانة وزعقت معاها
حتي رحيم استغرب ومبقاش مرتاح لامه ولا ف تصرفهاا مع راضية ده
تفيدة بخبث :بصي ي راضية …انتي زي اختي وانا مش عايزاكي تزعلي مني واصل يعني علي آخر مرة كلمتك فيهااا كدهااا …وإذا كنت زعلتك ف حاجة فحقك عليااا دي مصارين البطن بتتعارك وادي راسك ابوسهااا اهي
راضية :محصلش حاجة ي تفيدة …وبرضوا انا مقدرش ازعل منك …وربنا وحده يعلم معزتك عندي قد ايه …المهم اننا نفرح دلوقيت وننبسط
تفيدة بخبث :ايوه طبعا …وإذا كانت ع حكاية زين وقمر انا خلاص شلت الموضوع من دماغي وربنا بقا يرزق كل واحد فيهم
راضية :ايوه كدا ي راضية …و والله صدقيني لو كان لهم نصيب مع بعض من الاول كانوا هم اللي اختاروا بعض …وكفاية أن سليم بيحب ازهار وازهار كمان بتحبه …واهو كلها شوية ونفرح بيهم …وبعدهم رحيم ومودة
تفيدة بخبث :والله عندك حقك … تعال ف حضني بجااا
رحيم بيميل ع ازهار :هي مال امك ي بت ي ازهار …
ازهار بإستغراب:والله م انا عارفة ي رحيم …مالها اتقلبت كدهااا …بس شكل الموضوع في حاجة
رحيم :ده اكيد … بصراحة مش خيل علياا حكاية انك انك فعلا هتشيل حكاية زين وقمر دي من دماغها وكمان شوفتي بتكلم خالتك راضية ازي …
راضية :بقولك ي مودة يلا خدي ازهار وقمر واطلعي بيهم ع فوق
مودة بحب :حاضر يمااا …يلا ي ازهار يلا ي قمر
رحيم بضحك :الله …طاب وانا م اجاي معاكم
مودة :تيجي معانا تعمل ايه انت كمان
رحيم : اجاي اسليكوا
مودة بضحك :لا شكرا …خليك ف حالك بقا …
رحيم بضحك :طيب اهو يومنا جاي ي حلو
صالح :رحيم ….تعال يلا نروح نشوف الرجالة برا…عن اذنك ي ام زين وانتي بقا ي تفيدة خليكي هنا
راضية :ماشي ي صالح …وانا وتفيدة هنقعد سوا …
…………………………………………
مودة بحب :ازهار حاسة ب ايه كدا والنهاردة شبكتك…احكيلي بحب اووي اسمع
ازهار بحب :حاسة ب احساس مختلط كدهاات …اني فرحانة اووي اووي والفرحة مش سايعة قلبي وحاسة بخوف وتوتر وقلق
مودة :ليه بتقولي كدهااا
ازهار :معرفش …بس الاكيد أن أنا دلوقيت فرحانة
مودة بغمزة:ويا تر ليه بقا …
ازهار ب كسوف :الله مش النهاردة شبكتي …
مودة بضحك :فعلا عندك حقك…مالك ي قمر مش معانا خالص كدهاا ليه
قمر :لا ولا حاجة
مودة :الله ولا حاجة ازي …مش شايفة نفسك من ساعة م طلعنا وانتي مش بتتكلمي خالص …فيكي ايه
قمر :مفيش …بفكر شوية
مودة :بتفكري ف ايه
قمر بتحاول تتوه:ف ازهار خلاص هتسبني بقا
مودة بضحك :هتسيبك فين ي حجة …ي شبكة مش فرح …يلا يلا قومي فرفشي كدهاا معانا اقولكم تعالوا نرقص
قمر :لا نرقص ايه ي مودة… نتكسف
مودة بضحك :نعم تتكسفوا …يلا ي ازهار قومي …يلا ي حجة قمر انتي كمان…
وفعلا بعد محيلة بقا من مودة ل قمر وازهار بيقوموا وبيفضلوا يرقصوا هم التلاته سوا…
……………………………………………………
بعد شوية
كان زين وسليم وصلوا وسلموا ع رحيم وصالح
زين :رحيم كان حاجة جهزت
رحيم :متقلقش ي زين كل حاجة زي م عوزت ب الضبط …انت وسليم ادخلوا غيروا ومش ليك دعوة ب اي حاجة واصل
زين ب ضحك :سايب ورايا سبع
رحيم بيضحك…
بيدخلوا زين وسليم يسلموا ع راضية وتفيدة
سليم :اومال فين مودة يمااا
راضية :مودة فوق هي وازهار وقمر بيجهزوا ل ميعاد الشبكة …وانت كمان خد زين واطلعوا اجهزوا يلا …
سليم :ماشي …عن اذنك ي عمه تفيدة …
راضية :بقولك ايه ي تفيدة … انا هقوم اشوف يختي الطباخين دول عملوا ايه … احسن لازم كل حاجة تطلع مظبوطة أنتي عارفة …مع اني والله قولت ل زين مش عاوزة طباخين …بيني وبينك مش بحب اكلهم ابدا وزي ما يكونوا بيعكوا كدهااا ف الاكل …
تفيدة:ع رأيك …ده حتي اكلهم مسخ كدهااا
راضية :اه والنبي … اقولك تعالي معايا
تفيدة :يلا يختي … وبيروحوا المطبخ …
بعد شوية بتيجي واحدة وبتنادي ع راضية
_ي ست راضية ف واحد برا عاوزاك
راضية ب استغراب :واحد مين ده ي بت
_انا معرفش …هو قالي نادي ستك راضية من جواه …وقالي كمان أنه عايزاك ف موضوع مهم جووي
راضية ب استغراب : موضوع مهم!!….اومال فين صالح ورحيم خلي حد منهم يشوفوه عايز ايه انا اديااا مش فاضية
_سيدي صالح ورحيم بيه محدش منهم باين برا
راضية :طيب روحي خليه يقعد ف أوضة المكتب ل حد م اجاي اشوف مين ده … علشان البنات هتقعد برا ف الصالة
_طيب ي ستي …
تفيدة : هو مين ده ي راضية
راضية:والله انا عارفة ي تفيدة .اديني هروح واشوف …
وبتمشي راضية وبتروح تشوف مين ده …بتغيب شوية
طبعا تفيدة هتموت وتعرف مين اللي جاه وعاوز راضية بتطلع من المطبخ وبتتسحب براحة من غير م حد ياخد باله وبتقف قدام باب المكتب وبتتصنط علشان تسمع وفجأة بتتخض من اللي سمعته وعرفت مين جواه مع راضية …
تفيدة بخضة :معقولة …
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية زين الصعيد)
نزلي على طول حتى لو كل يوم بارت او اتنين