رواية شظايا العشق الفصل السابع عشر 17 بقلم ميفو السلطان

رواية شظايا العشق الجزء السابع عشر

رواية شظايا العشق البارت السابع عشر

رواية شظايا العشق الحلقة السابعة عشر

كانت ديمه مشتعله من تقليل خطيبته لها ثم كلامه وعدم دفاعه عنها امام تلك الكاذبه لتنظر اليه بغضب.. انا يا رائف تقولي بصي لنفسك مالها نفسي يا رائف بي …تصدق فعلا انا بقالي زمان مابصيتش لنفسي كلو لغيري اتحطيت في دنيا مش بتاعتي . مشدوده من رقبتي بس خلاص انا هبيع كل حاجه ومش عايزه حاجه من حد انا خلاص تعبت تعبت والله تعبت عشان اخرتها تيجي تقولي بصي لنفسك ..انا بقه اوعدك اني هبص لنفسي خلصت كده يا رائف بيه منعول اي حاجه غير نفسي وبس .استدارت بعنف وغضب .
بهت من عنوانها كانت تتكلم بقوه لتتجه لدولابها وتهجم علي ورقه الجواز العرفي تمزقها هوي قلبه اندفع مسرعا مسك يدها بجنون وقبض علي يدها بعنف .
صرخت….اوعي اوعي هقطعها اوعي.
صرخ ويده تضغط عليها بقوه وهياج … والله بروحك تعمليها .
بدات تدفعه ..اوعي مش عايزه اعرفك نش عايزه اكون معاك تعبت اوعي خلاص ورقه وتترمي اوعي روح للهانم انا مش شحاته ولا جربوعه انا اللي مش عايزاك .
مسك يدها بعنف صارخا …بطلي الورقه هتتقطع بطلي مش هسمحلك تقطعيها …فتح يدها وهيا تقاومه بقوه اخذها منها عنوه لتنظر اليه غاضبه..وتصرخ… هات البتاع دي بقولك.
وضعها في جيبه…. اعقلي بقه ايه ده.
نظرت اليه.. بقي اعقل.. طيب يا رائف انا هعقل خليلك الورقه ابلعها انا اصلا مش عايزه حد في حياتي هعمل بيها ايه هتجوز مثلا يا حسره خليهالك اشربها انا مش قعدالك . لتستدير وتفتح دولابها وتحضر شنطتها .
صرخ… انت بتعملي ايه.
قالت بقوه ….. ماشيه.. خارجه من حياتك خالص هاخد ابني واختفي ماعتش هتلاقيني .
مسكها من ذراعها ….انت بتحلمي انت بتاعتي.
نظرت اليه بغضب….. انا مش بتاعه حد خلاص خلاااص انا تعبت منكو خلاص عارف ايكش تولع ماعاد يهمني انا ماعتش هدور علي حد. ماعتش عايزه حد ابني وبس روح ماعتش عايزاك ماعتش هدور عليك كانت منهاره موجوعه .
صرخ… انت بتتكلمي علي ايه فيه ايه كل ده من زفته كلمه هيا كانت عيانه وانا كلمتك قفلتي التليفون وهيجتيني كنت هتجنن تختفي طول النهار وانا قاعد هتجنن
نظرت اليه بغضب وصرخت ….. وكنت عايزني اعمل ايه لما الهانم محسساني اني شحاته ومستنيه حسنه والبيه جوزي مانطقش.
قال غاضبا … مانا ماسكتلهاش والله ووقفتها عند حدها ومرضت ووديتها وكلمتك كتير وكنت هتجنن تسيبيني طول الوقت وانت بره كنت هتجنن قولت مشيتي وسيبتيني انا كنت هموت عليكي .
صرخت…. اه وبالاماره قضيت اليوم معاها… كان قلبها يحرقها ..صرخت …انت ايه مش انا مراتك مش هيا وماعبرتنيش.
قال… مانا كلمتك ماردتش.
صرخ …وتكلمني ليه ماتجيش ورايا ماستهلش مش انا مراتك برضه وال اللي في الدار مالهاش قيمه تتهان وتنكتم ويتقلها بصي لنفسك.. ماله نفسي يا سي رائف ها كنت جريت وراك والا قولتلك اتجوزني عشان اخرتها تقولي بصي لنفسك.انطق مالي انا قولتلك ابعد عني الف مره قولتلك مش عايزاك الف مره سيبني في حالي الف مره واخرتها تقولي بصي لنفسك .
اقترب منها وشدها لتدفعه ….ماتلمسنيش انت فاهم انا جبت اخري خلاص كفايه شبعت منكو شبعت كفايه هو ايه مافيش غيري تقطعو فيه كفايه بقه ..
اجهشت بالبكاء تستدير تحاول ان تضع ملابسها وهيا تنتحب اندفع يشدها يحتضنها وهيا تنتحب وتحاول ان تبتعد شدد عليها .
… اهدي طيب لتحاول ان تدفعه احتضنها بشده … اسف والله اسف انا عارف انها قلت ادبها وانا بهدلتها ماسكتلهاش دانت عندي اغلي من نور عيوني.
صرخت … بطل بقه مش كل شويه تقولي كده وتسكتني انا تعبت والله تعبت انت ماتعرفش انا جوايا ايه انا مقهوره علي حالي.
تنهد.. طب انا اسف والله خفت تعرف وتعملي مشاكل وهيا برضه شالتني.
صرخت.. بطل بقه بلاش كذب.
بهت.. كذب كذب ايه يا ديده داليا تلت سنين مافارقتنيش مش معني اني مابحبهاش ابخسها حقها.
لتسيل دموعها.. تبخسها حقها.. لا ازاي انما تقهرني انا.
قال بلين.. انت روحي ماقدرش والله.
لتهمس …رائف ارجوك انا عايزه ابعد احترم قراري بقه انت اتجوزتني غصب وادي النتيجه من فضلك.
قال وقلبه يؤلمه …. مش بعد ما اتملكتي مني اسيبك اسيبك لما اكون ميت او مقتول اسيبك لما احس اني مابقتش راجل انا بحس برجولي وانت جنبي انا عارف اني غلطت بس والله خفت عليكي انتي انا مايهمني انت قولتيلي اهل جوزي هيبهدلوني وداليا مش هتسكت وهتفضح الدنيا انا عندي استعداد اقول للعالم واقول لداليا ذات نفسها انا رائف مابيهموش حد مابيهمنيش الا انت وقربك مني انت ليه مش قادره تفهمني انك بتاعتي عشنا متنا بتاعتي.
كانت تقف بين ذراعيه تنتحب وهو يمسد عليها لتدفعه وتبتعد وقف ينظر بالم .
نظرت اليه بغضب ابتسم وقال… طب اعمل ايه مانا بقول اسف رائف بذات نفسه اللي عمره ماتاسف لحد.
قالت غاضبه.. ليه أن شاء الله ابن بارم ديله.
رفع حاجبيه.. ايه ده انا بتهزا صح.
قالت بغضب…. بطل بقه برود.. ايه ده وماتعتذرش ليه أن شاء الله مش غلطت يبقي تعتذر.. والا اقولك مش عايزه اعتذار يلا من هنا بقه لتذهب اليه غاضبه وتدفعه خارج الحجره وهو مذهول وهيا صارخه روح روح الهانم بتاعتك تبسطك مش خايف عليها والا خايف منها انت يللا لتدفعه بالخارج بهياج وترزع الباب وهو مذهول من عنفوانها فاول مره تثور هكذا
وقف متنهدا.. اعمل ايه منك لله يا داليا ماكت كويس وبحب فيها ولانت وبقت قمر في حضني. ظل واقفا ليستدير ويخبط.. افتحي يا قلبي انا اسف.
صرخت… مش فاتحه ولو فتحت هطلق بقولك اهوه روح بدل ماخلي ليلتك سوده يا بتاع داليا.. روح خليها تتنحنح وتحضن وتقل ادبها عليك.
ظل واقفا يفكر ليستدير مسرعا ينوي الوصول اليها.
……
عند شوكت كان يجلس هو وزوجته يتصل باحد معارفه.. اسمع بقه انا عايزك ترشق ورا اللي اسمه رائف وتعرفلي بيروح فين انا مش مطمن تجبلي اراره فاهم. اصرف مايهمك بس تقولي بيختفي فين علي ايامه الجاز.
قفل الخط لتهتف زوجته.. ايه يا شوكت انت فيه حاجه تقلق .
قال غاضبا … ماعرفش مش مستريح سي زفت ده انا هشوف لسه.
لتدخل الخادمه عليهم لتهتف.. فيه حد عايزك يا بيه.
نظر اليها مين ..
قالت ست كده عايزاك .
قال … دخليها.
لتدخل عليه سيده كبيره يبدو عليها الشيب ليندهش هو .. ملك.. ايه اللي فكرك بينا جايه ليه انت .
نظرت اليه ملك … جايه اشوف اخرتك معايا يا شوكن واشوف هترجع لي ابني والا نلعب عالمكشوف.
قطب جبينه.. ارجع ايه يا مهبوشه انت مش غورتي من سنين وخلصنا منك.
صرخت.. انت السبب كنت انا صغيره وهبله وبعتلي واحد يضحك عليا وجابلي صور ان جوزي بيخوني وقالي اطفشي منه عشان هيطلقك ويبهدلك ويغدر بيكي . وانت أكدت ده لما جيتلك اشتكيلك وبعدين لما رجعتلك تتوسكلي عنده قولتلي لمي نفسك وابعدي بدل ماحبسك.. خوفتني خلتوني طفشت منكو بعد ماخليت جمال يشك فيا وكل يوم ضرب واهانه. كل يوم تخش توز فيه يا كافر وترجع من وراه توز فيا وتعصينا علي بعض عملتلك ايه تخرب بيتي .
صرخ… وانا مالي جايالي ليه تقلبي في اللي فات ماتولعي ماتروحي لابنك.
صرخت… رافض رافض اروحله واحد مابيقابلنيش هيا سميه اللي كانت هتقف جنبي هيا بس راحت منك لله .
قال ساخرا …. وانت فاكره اني هقف جنبك ماتولعي انا ماصدقت غورتي هو ايه القرف ده .
صرخت …. اه يا شوكت هتوقف جنبي والا هروح اقوله انك السبب في اني طفشت انا ماعتش خايفه منك ايه هتعمل ايه حبستني مره ظلم ولما خرجت ضيقت عليا عيشتي يا ظالم .ماشي ورايا تهددني بس انا كنت صغيره وخايفه دلوقتي خلاص يلا القبر واخرتها عايزني اموت بدل مابني يقف علي قبري يدعيلي يتمني موتي …
اقترب بعنف ومسكها.. ابعدي عن سكتي احسنلك انا مش فايقلك انا قرصتي والقبر ..وهحبسك تاني.
لتدفعه وتقول…. لتكون فاكر اني لسه ملك العيله.. لا يا حبيبي دانا رد سجون ومعايا اللي يعلم عليك انت من سكات تروح لرائف تخليه يقابلني بدل يمين الله مافضحك قدامه خصوصا بعد ماقولت انه كان عندك سنين. وال مراعيه يا كداب يا ضلالي .
ليبهت هو….. ايه ..انت بتقولي ايه ..اه كان عندي مالك انت .
قالت بسخريه ….. تعالي يا واد امسح الرياله لا يا حبيبي انا ليا عين في كل حته وعرفت وعرفت..ملك ماعادتش الست الهبله اللي انضحك عليا وانخرب بيتها .ملك انت علمتها الصياعه والنجاسه عشان تعرف تاخد حقها ..مريم لفت وعرفت ودارت …عرفت اللي عملته سميه.. عملت ايه عشان تحافظ علي رائف وفلوسه منك يا تعبان . وانت ضحكت علي ابني وعايز تجوزو الحداديه بنتك. بقي تاخد الواد وتنيمه وتكدب وتقول انه كان عندك يا قادر .نظرتواليه بغضب ..
اسمع يا شوكت انا ممكن اتساهل في كل حاجه اتساهل في خراب بيتي في سجني وتشريدي بس خلاص العمر خلص ..ماهتساهلش ان رائف يبعد عني تاني. يبقي تتلم وتخليه علي الاقل يقابلني انا بدور علي مراته وهعرف هيا فين هاه مش هسيب العيشه كده عشان امسكك من رقبتك وكل واحد ساعتها ياخد حقه فامتخلنيش اقلبها دمار عالكل.
فلم نفسك بقه هاه انا جبت اخري لتتركه وتخرج
وقف ينظر اليها بذهول ميف عرفت ذلك ..هاج صارخا… منك لله ايه اللي حدف المصيبه دي علينا عقربه جايه تبخ سمها تفضحني.. طب اعمل ايه الوليه شكلها مش سهل ووراها ناس اعمل ايه ربنا ياخدها حبستها وشردتها ماتلمتش ايه ده وتدور علي مراته تلاقيها قلبلي تبقي نصيبه سوده ..لا لا انا مش هسكت لازم اعرف مكان الزباله دي مهما كلفني الامر وجلس يفكر ماذا يفعل معها..
…….
كانت ديمه تجلس غاضبه من رائف مشتعله تشعر بغيره رهيبة لتقف تاكل نفسها.. جاي يقولي اسف زي كل مره وانت روحي وانت زفتي ايه هيا قصه الزرقه الكدابه منهم لله ماهو شوكت تعبان هيخلف ايه الا عقربه .اه ياناري نفسي اطبق في زماره رقبتها تاخد جوزي الكدابه وهو عادي شايفها بتتبجح ولا نطقش. لتتنهد وتجلس بغلب طب لحد امتي هفضل في القهر ده اقوله هو شكله بيحبني وعايزني اقوله اه جايز يصدقني والا مش هيصدقني. لا انا اروح لشوكت واخرب بيته انا ماعتش متحمله انا هبلغ عنه اه هو اللي موت سميه انا تعبت …طب اعمل ايه ماعتش عارفه اعمل حاجه ..لم تحتمل قامت انا مش قادره مش قادره قامت ولبست ملابسها وتسللت ونزلت من الفيلا واتجهت الي الشاليه وتتجه الي الشباك وترفعه وتدخل وتجلس بالداخل وتنكمش علي فراش رائف ظلت تبكي علي حالها …جلست انت بتعيطي علي ايه انت هتفضلي كده انت مش ضعيفه انت قويه ايه مابتواجهيش ليه اساليه الاول انت بتحبني لو بيحبك هيصدق لو بيحبك هيثق انت ليكي سنين شايله وقويه ايه الرعب ده حتي لو ماعترفش خدي ابنك وسيبي دنيتهم وانشي لحد مايجي يوم والخق يبان بكلي انت قويه انت قويه .مسحت دموعها سمعت صوتا بالخارج ،ارتعبت وقامت مسرعه اختبئت كان احد رجال شوكت دخل يبحث كان قد لمح دخولها …اتصل بشوكت ..،شوكت بيه انا كنت براقب الشاليه ولقيت ست دخلت فيه .اه بدور اهه اه بدور ظل يبحث ويكلم شوكت طب تمام انت في الطريق تعالي .ارتعبت هيا ودخلت بجانب الستاره ..يا نهار اسود يا ديمه هتموتي . مر الوقت دخل شوكت …ايه فتشت مين اللي دخل .
قال الرجل ..ماعرفش لمحت خيال ست بيعدي من جنب الشاليه وسمعت صوت خبط الشباك .
قام شوكت ودار معه ..مافيش حد انت مش تاخد بالك جايبني علي ملي وشي .
قال الرجل ..يا بيه انا شفت والله هكدب .
قال ..يا ريت تكون هيا كنت دفنتها في الشاليه بس ايه اللي هيجيبها هنا .استدار ليتوقف فجاه ونظر للفراش وجد عليه وشاح ،
توقف مره واحده …فصرخ …لف حوالين الشاليه كان فيه حد في الشاليه واندفعو يفتشون بهستيريه وهيا تشعر ان قلبها سيتوقف .يا رب انجدني يا رب انا هموت يا رب ابني .كان يتحدثون ويصرخون ..انت فين يا بنت الكلب يا حراميه اطلعي انا هطلع روحك وادفنك هنا ..حايه ليه هاه انا هعرفك مين شوكت وبدا يكسر في البيت وهيا تضع يدها علي فمها ترتجف من الرعب ..لا لا لازم اقوله لازم يحميني انا وابنه واللي يحصل يحصل .مر الوقت بلا فائده وهم لم يعثرو عليها وسمعت صوت العربه ترحل ظلت قابعه مكانها ودموعها تسيل قهرا .قامت بهدوء تتلفت حولها فلم تجد احدا نزلت بهدوء وهيا تسرع وبينما هيا تسير سمعت حركه وراىها لتلتفت وجدت الخارس يجري باتجاهها فصرخت وتندفعت تجري برعب كانت تعدو وهو ورائها حتي وصلت الي مكان به بعض التجمهر واندفعت بداخله وهيا تختبيء في الناس والرجل يبحث عنها فانسلت من بين الناس وهرولت مسرعه . وصلت البيت مرتعبه فتسللت لتسمع رائف يصرخ …ايه لقيتها لقيتها فين لا لما تلاقيها هاتهالي اياك تيجي جنبها انا هاخد حقي بنفسي .
اسرعت مهروله وقفلت علي نفسها وظلت ترتجف …هيعملو ايه فيا اعمل ايه هقول هقول خلاص هو بيحبني اه بيخبني ..
جلست لبعض الوقت ..سمعت خبكا .،افتحي يا قلبي لسع زعلانه انا اسف .
لم تنطق ماذا تفعل .،هل ستظل في السر تهان وتقتل كبريائها وحقها وتنتظر زوجها ان يتزوج بكاذبه ام ماذا تفعل ..سمعته يقول ..اسف يا عمري دانت في قلبي اقدر اذعلك افتحي قلبي بيوجعني مش قادر حاسس اني نش كويس محتاجك .
اغمضت عيونها وتذكرت داليا لتقول ..امشي مش هفتح امشي .
جلست مقهوره مر الوقت لتسمع خبطا …و ابنها يهتف… ماما ماما الحقي .
اندفعت وفتحت الباب لتهتف.. ايه ايه.
سمعته يقول.. بابا نايم في الجنينه عالارض ومش بيرد وبهز يه هو نام تاني ومش هيصحي.
لترتعب وتصرخ …انت بتقول ايه…اندفعت تنزل جري مسرعه لتجد رائف نائم علي الارض صرخت… رائف حبيبي بيك ايه لتتجه اليه وتحتضنه برعب نظرت لابنها …انت شفته ازاي..
قال…. كنت سمعت صوت بلعب لقيت دب دب في الجنينه لقيت بابا نايم كده ماما هو حصل ايه انا خايف.
قالت برعب… لا يا حبيبي مفيش روح انت انا هتصرف .
قال.. لا هقف معاكي انا خايف .
احتضنت زوجها بقوه.. رائف رائف حبيبي والنبي رد عليا بدات تخبط علي وجهه حبيبي رد مالك. احتضنته بقوه .
فتح رائف عينه وغمز لابنه ابتسم الصبي … طب انا هروح انام يا ماما وانت صحي بابا براحتك. ليستدير فرائف قد اتفق معه علي ان يفعلا ذلك.
لتستدير ديمه برعب… رائف حبيبي افتح عينك مالك يا ربي ليكون جراله حاجه تاني قلبي هموت.. لتمسح علي وجهه وتقبل عيونه ….. رائف حبيبي فوق.. لتجده يفتح عينه ببطئ لتندفع وتحتضنه بقوه وتشده الي صدرها برعب كانت تعشقه وشعرت خوفا من ان يعود الي ما كان عليه وتفقده مره اخري لتنزل دموعها.. مالك حبيبي فيك ايه..
كان قلبه يدق بعنف فكلماتها واضحه وهمسها بكلمه حبيبي جعل نفسه يحس انه ايضا يعشقها لتمس وجهه بحنان.. بصلي نظر اليها بعشق لتهمس انت كويس.
اغمض عينه فهيا حنونه لدرجه لا توصف لتقبل جبهته وتمسح عليه بحنان ولهفه…بصلي انت مالك فيك ايه تنهد بقوه لتهتف… ايه حاسس بايه ماتخليش قلبي يوجعني انا كفايه عليا كده والنبي مش تاني انا مش قادره لمست خده وظلت تملس عليه.. حبيبي قول ساكت ليه.
تنهد .. يا ريتني وقعت من زمان.
قالت بلهفه…. اخص عليك تقول كده لتتلفت حولها.. اجيب حد يطلعك فوق.
تنهد.. لا انا هفضل هنا انت زعلانه انا استحق مش هضايقك عشان زعلتك.
لتحتضنه بشده… لا والله ماعتش ماعتش زعلانه .قول بس انك كويس وانا خلاص والله بس تبقي كويس .
تنهد.. لا انا مزعلك واستحق الرمية دي سيبيني جايز الصبح روحي تطلع.
لتندفع وتحتضن راسه في صدرها .. بطل تقول كده دانا اموت. انا ماليش غيرك والله ماليا غيرك .
تنهد فهو احس انه ملك الدنيا وهو في احضانها ليهتف.. ما قلبي زعلته مش زعلته برضه.
لتبعد وجهه وتمسه بحنان…. وانا خلاص مش زعلانه بس تبقي كويس.
نظر اليها وعيونه تشع مشاعر ….. ابقي كويس ازاي وانت بعيده عني.
قالت…. خلاص والله انا جنبك اهوه بس تبقي كويس انت ايه اللي وقعك .
ابتسم وقال… حسيت بأن قلبي كان هيقف لما قفلتي وبعدتي ديده انا اموت من غيرك اموت ولا اني ابقي في حضنك اموت ولا اني افارق قربك .
نظرت اليه بحب.. رائف انا انا…كانت تريد ان تعترف بمشاعرها …وتقول له مابها …. ليهتف ايه قولي..
همست ونظراتها تشع حبا … مش عارفه اقول عايزه اقولك كل حاجه اندفعت وحاوطته بقوه تشدد عليه كانه روحها كانت تعيش حاله من التخبط …تريد ان تقول له وقررت فعلا ان تقول له ولكنه متعب …ابتعدت فهمس عايزه تقولي ايه ..
نظرت اليه بحب اقول …
لمس خدها وتلنس شفتيها …بدا قلبها يدق عشقا وهامت به وابتسمت ..وقررت ان تفتح قلبها فهمست …. قلبي بيدق جامد ..
اقترب وقبل شفتيها بحنان همس… وانا قولتلك قلبك ده هيدق ليا وهيفضل يدق ليا العمر كله. قولتلك قادر اخليني جوا مش بقيت جوا برضه .
نظرت اليه بعشق …تنهدت لترتبك وتهمس طب طب قوم هتتوجع كده قوم.
حاوطها وهمس …..مايهمني طول مانت في حضني وحاسس بيكي كده وحاسس انك راضيه عني.
حاولت ان تقوم وتشده قام وسند عليها متصنعا التعب لتحاوطه وتصعد به لاعلي دخلت به اتجها للفراش اراحته شدها وقعت فوقه في احضانه لتهمس ايه ده اوعي انت تعبان.
قال بلين واراحها ومال فوقها …… بطلي بالله عليكي كفايه بعدتي عني اليوم كله انا كنت هموت.
همست…. مانت اللي وحش ومزعلني وعملت حاجات وحشه.
قال… ادعي علي نفسي بايه طيب.
وضعت يدها علي شفتيه… بطل بعد الشر.
ابتسم وقال ..تزعلي لو جرالي حاجه .
نظرت اليه بعشق ولامست خده بحنان ..ازعل دانا يجرالي حاجه انت بقيت اللي ليا في الدنيا .
مسك يدها يتلمسها بشفتيه ويقبلها.. انا بقيت مجنون بيكي هموت عليكي ظل يتلمسها ومشاعره تطحن داخله شدها اليه وجسده يطلب جسدها لتستجيب له ليتوها معا لفتره كانت وشيكه ان تكون له من كثره مشاعرهم ليسمعا خبطا علي الباب وسليم ينادي ابيه.
ورائف مكلبش في ديمه لا يريد أن يتركها.. لتتململ بقوه وتهمس.. رائف سليم بطل.
قال بعنفوان … مش قادر عايزك ديده كفايه بعد انا عايزك عايزك مراتي مش قادر اتحمل اكتر من كده ..
ليزداد الخبط.
تنهدت وابتعدت تهندم نفسها لتقوم.. وتفتح الحجره لتجد ابنها ومعه تليفون رائف.
ليهتف.. بابا نسي تليفونه لما جالي القوضه اهوه خديه هنزل بقه.
ليستدير وجد ابيه جالسا ابتسم خلاص اتصالحتو قطبت ديمه جبينها.. ليهتف سليم.. يلا بقه ماتعملش حاجات وحشه يا بابا عشان مش بحب الكدب ماما بتزعل .ليشد امه… صالحيه بقه عشان اللي بيخاصم حد بيخش النار وانا اسف ان كدبت .
قبل وجهها وخرج لتقف ديمه قاطبه جبينها ورائف ينظر اليها برهبه لتدرك انه اتفق مع ابنه لتشتعل هيا وترفع راسها غاضبه فهو مرر الامر دون عقاب له ليهتف بمهادنه .. والله ماكت اقدر اسيبك ثانيه والله يا قلبي ما كت اقدر ابات بره والله ما……. ليصرخ مره واحده عندما….