رواية البنت غير الشرعية الفصل الثاني والثلاثون 32 بقلم ياسمين
رواية البنت غير الشرعية البارت الثاني والثلاثون
رواية البنت غير الشرعية الجزء الثاني والثلاثون
رواية البنت غير الشرعية الحلقة الثانية والثلاثون
طلع الصباح شفتو دخل غسل وخرج من الشومبرة شوية ساعفت روحي بالسيف دخلت للدوش استرحت وغسلت وجهي وخرجت للبالكون البرد يقطع والشتا خيط من السما رانا في ديسمبر جيت عند القرياج طلعت درجة منو وخرجت روحي باش طيح عليا شتا عسى أنها طفي النار لي شاعلة في قلبي وتغسلني من وسخي وعاري لقيتو غير دخل بقى يدقدق فالدوش حسبني تم حتى لمحني فالبالكون جا يجري عندي هبطني ويعيط واش ديري نتي هبلتي كون طيحي قتلو واذا طحت واش يصرا يا راح نتكسر يا راح نموت بالصح فالحالتين موش راح ننظر خاطر البراكة فيك قتلتني هبط راسو قالي هيا ادخلي راكي مشمخة ضوك تمرضي ضحكت خايف عليا علاه مخفتش عليا البارح ودخلت غير نساعف السطر كارثة جيت للخزانة نجبد حوايج حتى تفكرت صح زعفت هذيك المرة من ماما كي داتني للطبيبة بصح عسى تكرهو شيئا وهو خير لكم
تفكرت بلي عطاتني سرتفيكة وجبتها معايا تقول حسيت راح نحتاجها جبدتها ورميتها عليه قالي واش هذي مجاوبتوش حنا هكاك دقدق الباب فتح لقاها الخدامة جابتنا الفطور قاتلو سي يوسف هذا واش وصيتني قاللها صحا اخرجي هي راحت وهو جا عندي قالي بسمة واش هذي بقيت ساكتة شدلي وجهي ضربتلو يدو قالي مزلتي شفتي وين وصلتينا البارح من طيارتك ارتبي قتلو مالا أنا وصلت روحي صحا معليش جيت رايحة قالي استناي ربي يخليلك يماك ويشافيهالك طفي ناري وقوليلي الحقيقة صح انا أول واحد توشاك بقيت ساكتة قالي تعيشي جاوبيني هزيتلو راسي ورحت للدوش نلبس شفتو قعدعلى السرير وحاكم راسو ، بدلت وجيت في بلاصتي فطرت مدلي الدوا شربتو وناض خرج السنيوة حطها عند الباب طفى الضو
ولاتيلي دار الريدو لباب للبالكون ظلم الحالة وجا غطاني سقمت روحي ورقدت جابتني الفطنة كي بديت نتفكر واش صرا فطنت مخلوعة نقول يا ربي يكون منام وفقت منو بصح للأسف حقيقة مرة لازم عليا نتقبلها
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية البنت غير الشرعية)
2 تعليقات