روايات

رواية سجينه بين اسوار القصر الفصل السابع 7 بقلم آية عرفة

رواية سجينه بين اسوار القصر الفصل السابع 7 بقلم آية عرفة

رواية سجينه بين اسوار القصر الجزء السابع

رواية سجينه بين اسوار القصر البارت السابع

سجينه بين اسوار القصر
سجينه بين اسوار القصر

رواية سجينه بين اسوار القصر الحلقة السابعة

اما عند ملك خلصت محاضرتها وراحت علي
كافيه لتقابل حسام
ملك..سوري يادوك أتأخرت عليك
حسام بتهكم…مهو دا العادي بتاعك اصلا
ملك.. حضرتك قصدك اي
حسام…ولا حاجه ابدا عاملتي اي النهارده
يعني يومك كان عامل إزاي يارفيقتي العزيزه
ملك بتزمر….كان اتم اوي بجد
حسام…ليه يعني المحاضرات كانت صعبه
ملك…لا انا اصلا مكنتش مركزه عشان اعرف
كانت صعبه ولا لا تفكيري كان في حاجة تانيه اصلا
حسام…امم حاجه اي
ملك… عمر
حسام…ماله
ملك…. مفيش اصل مشفتوش النهارده
ودي حاجه مخليا يومي مقفل خالص
حسام…مش شوفتيه ليه
ملك… بايت في المستشفي من امبارح
عشان عنده عمليات كتير
حسام…ودا بقا الي مدايقك
ملك… بصراحه اووووي
حسام…ملك ليه مجربتيش تقولي لعمر الي حصلك
ملك… عشان مكنتش اعرف رد فعله اي غير
كدا انا الي غلطانه عشان مسمعتش كلامه في الاول
حسام…ندمانه
ملك…اوي ياريت لو الزمن يرجع كنت سمعت كلامه ومرحتش الرحله السوده دي……….
واكملت بحزن…..بس مفيش حاجه هترجع زي الأول
بقولك اي ياحسام ااقفل على الموضوع دا
مش عايزه مودي يقفل اكتر من كدا بليز
حسام.. ماشي هطلب الغدا
ملك… اوكي
طلب حسام الاكل وفضل يدردش مع ملك
في مواضيع تانيه فهو أقرب صديق لها
*************************
عند مروان راح علي المخزن وعفاريت الدنيا امام عينه لاانها ابنه عاصم الفولي وصل مروان علي هنآك ودخل الي الغرفه المحجوزه بها
مروان…انتي يابت ااااانتي يازفته قوووومي
ولكن لا رد صدر منها ابدا
مروان وهو يقترب منها ويحاول أن يفوقها
لكنها فاقده للوعي تماما قام مروان باالنده
علي الرجل الذي بره
مروان….في اي مالها انطق
الرجل… والله معرف يامروان بيه انا دخلتلها
الاكل امبارح وخرجت ومعرفش مالها
نظر مروان الي الاكل كان مثل ما هو
حملها مروان بين يده وخرج عند السياره
وحطها في الكنبه الي وراء وطلع بالسياره

وبعد فتره وقف امام الفيلا الخاصه بيه
حملها وراح علي غرفته
الداده وهي تقترب منه…مين دي يامروان
مروان….لو سمحتي ياداده مش عايز اي أسأله دلوقتي ممكن هقولك بعدين
الداده… حاضر
اتصل مروان علي دكتور وبعد فتره جيه وبدا
يكشف عليها
مروان…مالها يادكتور
الدكتور.. محتاجه تغذيه كويس لاانها ضعيفه
هي شويه وهتفوق لازم الاهتمام باالاكل من
الواضح أن بقالها فتره مكلتش وكمان عشان الانيميا الي عندها ………..انا هكتبلها علي حقن فيتامين عشان الانيميا أعطا لهو الدكتور الروجته ومشي
اما مروان فكان ينظر لها بكره وهو يفكر في شئ
سيفعله باالتاكيد فيها
في اللحظه دي تكلمت الداده فهي الذي قامت
بتربيته هو واخته الله يرحمها
الداده ……مش هتفهمني بقا في اي
مروان بغموض..مفيش مش حضرتك كان
نفسك تفرحي بيا
الداده بفرحه…ياريت
مروان وهو ينظر إلي رهف….يبقا افرحي ياداده
أنا نويت اكتب كتابي النهارده بليل
الداده بفرح لهو….بجد مين
مروان….العروسه قدامك اهو
الداده وهي تنظر لرهف التي لا تحس بأي شئ
حواليها….بس مين دي يامروان
مروان بكره…دي بنت الراجل الي قتل اختي
اما الداده فهي نظرت لهذه البنت التي لا تدرا
بأي شئ حولها بشفقه عليها فهي الآن تعرف ان مروان سيتزوجها حتي ينتقم من والدها فيها
خرجت الداده من الغرفه وهي حزينه عليها
****************************
أما في المستشفي
ميرا بفرحه… عمرررررر
عمر…ميرا انزلي وهاتي المشرط
ميرا..لا لما تسبوني أمشي
اما عمر فهو اقترب عليها وأخذ منها المشرط
وطلب من في الغرفه كلهم يطلعوا بره
عمر وهو يقعدها على السرير… خلاص اهدي
بقا وبطلي لعب عيال شويه
وبعدها حط يده على الجرح الذي في راسها
ميرا بوجع …اه ياعمر حاسب وجعتتي
عمر بحده وغضب….مع عشاااان الهاااانم
سابت رأسها تنزف فتره فطبيعي الوجع بيزيد
ميرا بدموع….لو سمحت ياعمر متكلمنيش
بالطريقه دي أنا مبحبش حد يشخط فيا
عمر بحنان… خلاص اهدي متعيطيش انا خايف عليكي ياميرا في حاجات بطلي تعاندي فيها ممكن
ميرا بابتسامه….ممكن
جاب عمر ادوات التعقيم الجرح وخياطه
ميرا بخوف وهي تبتعد…عمر بقولك اي أنا مش هخيط الجرح فاااااهم حتي لو انطبقت
السما على الأرض مش هخيطه
بعد فتره كان عمر يقوم بخياطه الجرح الذي في يدها بعد ما انتها من الجرح الذي في راسها
عمر…افتحي عينك بقا انتي اصلا مش حسا
بحاجة عشان راشش بينج بطلي افوره
ميرا وهي تغمض عينيها….كان يوم اسود يوم
مشوفتك جرحي وانا حره في الي جابوه
انت ايش دخلك بتحشر مناخيرك ليه
عمر… بس بس اي ماسوره وضربت فيا
عمتن فتحي انا خلصت خلاص
ميرا وهي تنظر لهو…رخم
عمر… بت لمي نفسك وصحيح اي الي خرشمك كدا
ميرا… مفيش ياسيدي عملت فيها بورم ديله وبفهم
قولت بس انا اتعلمت السواقه من حقي اسوق
عربيتي روحت من وراء السواق خدت العربية ومشيت وهوب واحد حمار خبط عربيتي
عمر بسخرية…هو بردوا الي حمار
ميرا بغضب..قصدك اي يامورا
عمر… مورا مش قصدي حاجه أنسي
ميرا بغباء…هو صحيح انت بتعمل اي هنا
عمر..هنا فين
ميرا…في المستشفي
عمر…هكون بعمل اي بشتغل
ميرا…وبتشتعل اي بقا
عمر بصدمه…سباك بشتغل سباك ياميرا
ميرا…سباك عمر الالفي شغال سباك ليه افتقرت
عمر بغضب… بت انتي مش ناقصه غباء
في المستشفي وخيطلك الجرح هكون بعمل
اي شغال دكتور وصاحب المستشفي دي تخيلي
ميرا…خلاص متزعقليش كدا لو سمحت
وكمان منتا الي غلطان مش انا
عمر بنفاذ صبر…غلطان ليه
ميرا… عشان مش لابس بلطوا
عمر…بلطوا
ميرا…اه الدكتور بيلبس بلطوا ابيض
عمر…. يخربيتك هتشليني
ميرا.. بابا بيقول كدا بردوا
عمر… والله عنده حق قومي لما اوصلك
ميرا…. اوكي بس انت مش وراك شغل
عمر…لا انا مطبق هنا من امبارح هروحك واروح انام
ميرا…أواواو معاناه الدكاترة
عمر…طيب يلا ياهانم قدامي
اخذها عمر حتي يوصلها لاانه يعرف والدها زمانه سيموت من القلق عليها فهو لا يوجد عنده غيرها
**************************
اما عند قمر كانت قاعده في الغرفه من سعت
ما اسر سابها ومشي وملاك مشغوله بالرسم
والالوان اما قمر فهي عقلها كله مشغول
كيف ستخرج من هذا القصر بملاك
ملاك…مامي
قمر…اي ياروحي
ملاك…شوفي رسمتي حلوه
قمر وهي تقبلها….اوي اي الجمال دا
بقولك ياملاك انا هنزل شويه تحت متطلعيش
من الاوضه لغايه ما اجي اوكي اقعدي ارسمي
ملاك… اوكي
خرجت قمر من الغرفه وهي تحاول أن تستعد
فاالبتاكيد سيقابلها حد من هذه العائله التي تكرها
نزلت قمر الي تحت ومثل ما خمنت
سريا….تعالي ياقمر اخيرا نزلتي من الاوضه
من سعت ما اسر طلعك فوق مشفتش وشك
قمر….ليه في حاجة
سريا…لا في حاااجات طبعا زي منتي عارفه ملاك اول حفيده للعيله عايزاكي تتجدعني وتجيبي الولد بس يكون شبه اسر احنا مش ناقصين نسخ تانيه منك
قمر وهي تحاول أن تسيطر علي أعصابها…….. انشاء الله المره الجايه يبقا ولد ياحماتي
سريا بصدمه….اي حماتي دي أنا عارفه انك اكيد
مش من مستوا ابني بس هنقول اي بقا ماسك
فيكي زي اللزقه مش عايز يسيبك ابدا
انتي تقوليلي ياسريا هانم فاهمه
قمر…فاهمه عن اذنك
سريا… رايحه فين
قمر….هتمشا في الجنينيه ولا ممنوع
سريا….لا روحي عشان تاخدي علي المكان بسرعه
خرجت قمر وطلعت الجنينه وكانت مسكا أعصابها
باالعافيه فهي تأمرها أن تجيب الولد وملاك من الأساس ليست من هذه العائله فااسر هو الذي
نسبها لنفسه عن طريق التزوير وبعدها بداءت
تشيل كلام هذه المرأة من دماغها وبداءت
تركز في أركان الجنينه
قمر لنفسها…. حتي البوابه عليها حرس كتير اوي
اوووف هطلع من هنا ازاي بس قصاد الوحوش دول
وبعدها بداءت تتمشا فاالجنينه واسعا جدا فضلت قمر تتمشا لغايه ما لقت أن فيه بوابه خلفيه وهذه البوابه ليس عليها اي احد من الحرس فرحت قمر وحست انها واخيرا لقت مرادها هذه البوابه
التي ستخلصها من كل هذا العذاب
رجعت قمر على غرفتها وهي مقررا في أقرب
فرصه ستأخذ ملاك وتمشي من هذا الجحيم
ليعيشوا حياه طبيعيه مثل البشر
***************************
اما عند عمر بعد فتره وقف بسيارته امام الفيلا
عمر…اتفضلي انزلي ولا عايزه عزومه
ميرا….ها متنزل معايا
عمر….امم طبعا عشان زمان في وصله تهزيق جوا
ميرا.. عليك نور يرضيك اتهزق لوحدي يامورا
عمر..لا ازاي انزلي يابلوه
ميرا… بلوه بس قمر علي فكره
عمر وهو يمسك يدها ويدخل..باالستر قمر باالستر
دخل عمر وميرا الي جوه
كان والدها يزعق للسائق… نفسي اااعرف يعني
ااااي تاخد منك العربيه وتمشي بنتي مجنونه
واانا عارف دا ااواي تسبها تسوق لوحدها
والهانم مش عايزه ترد على الموبايل
ميرا… عشان الموبايل اتكسر في الحادثه
والدها وهو ينظر لها بصدمه…حدثه يانهار اسود
انتي عملتي حادثه يااخره صبري اعمل فيكي اي
ميرا وهي تستخبا ورا عمر….بابي اهدا فداني
مليون عربيه انا عارفه المهم انا كويسه اهو
الاب بزعيق… كويسه لا مهو واضح
عمر … احم عمي اهدا انت عارف ميرا مجنونه
الأب…انت هتقولي منا عارف يابنتي افهمي
بقا انا مليش غيرك ليه مش عايزه تفهمي بقا
ميرا وهي تقترب منه…سوري بجد معنتش هتهور
واعمل كدا تاني صدقني…..وبعدها وجهت انظارها
الي السائق……خلاص ياعم محمد روح انت
ملكش ذنب انا الي اخدت العربيه من وراك
عمر محمد….المهم انك بخير يابنتي
مشي السائق
عمر…. طيب همشي انا بقا
والد ميرا ويدعي أحمد….خليك ياعمر شويه
ميرا…اي دا يابابا انت افتكرت عمر
عمر…يابنتي انتي الوحيده الي هبله
احمد….انا مش عارف اعمل معاكي اي بجد
عمر… خلاص ياعمي جت سليمه المرادي
همشي انا بقا وإنشاء الله هشوف حضرتك تاني
ميرا بسرعه وهي تمسك موبيل والدها….عمر
استنا هات رقمك اول ما اجيب موبايل هرن عليك
اداها عمر رقمه وسلم على والدها ومشي
راح علي القصر وطلع على غرفته ليرتاح
**************************
أما في الشركه خلص الميتنج وراح سليم على مكتبه اما عند أسر ويوسف
اسر… يوسف هدي اللعب شويه
يوسف…انا لسا معملتش حاجه
اسر… يوسف انت فاهم قصدي كويس متنساش أن سليم في ايدوا كل حاجه حاول تحسن علاقتك
بيه شويه دا لمصلحتك علي فكره
يوسف بغضب…هو الي خاين وندل اخد مني حبيبتي
اسر بلامباالاه..مش هتخسر سليم عشان واحده
يوسف بوجع.. الوحده دي الوحيده الي ادتها قلبي
وهو بكل برود كسره لما شوفتهم مع بعض
اسر….انت مفيش فايده في الكلام معاك انا ماشي
يوسف…رايح فين
أسر…ملكش فيه
يوسف… ماشي ياعم الغامض أنا كمان ماشي اصلا
أسر…رايح فين
يوسف…ملكش فيه حاجه خاصه
اسر…. براحتك هيكون اي غير نزواتك المعروفه
قال اسر كدا ومشي وخرج من المكتب
ومن الشركه بأكملها ويوسف نفس الشئ
ولكن كل واحد مشي باتجاه غير التاني

اما عند سليم في مكتبه قام بالاتصال على مروان
سليم..الو اي ياابني روحت فين
مروان…انا في الفيلا
سليم… ليه روحت بدري كدا صحيح مشيت البنت
مروان..لا اصلها بقت تخصني دلوقتي
سليم بعدم فهم…تخصك ازاي مش فاهم
مروان… اصلها بنت عاصم الفولي
سليم….بتقووول ااااي اانت عرفت ازاي
حكا لهو مروان عن المكالمه
سليم….وانت اي الي خلاك تصدقه واي الي هيخليه يرمي بنته وهو عارف انها ممكن تتمسك
مروان…كل الكلام دا مليش فيه
سليم…قصدك اي
مروان…يعني كفايه أن بنته تحت ايدي
وهي الي هتدفع تمن موت مريم
سليم… مروان متخليش الانتقام يعميك
مروان… الكلام خلص ياسليم وابقا تعالا بليل عشان تشهد على كتب كتاب اخوك هستناك سلام
قال مروان كدا وقفل
اما سليم فهو تنهد بضيق لاانه يعرف دماغ صديقه
************************
أما عند مروان قفل معه وقام بالاتصال على صديق اخر لهو ويدعي حمزه
مروان…الو
حمزه…اي يامروان أخبارك من سعت منتا سبت المخابرات مبشفش وشك
مروان…مشاغل بقا معلش بقولك انا كتب كتابي
بليل عشان تيجي هستناك
حمزه…الف مبروك ياعم واخيرا هتودع العزوبيه
أنا اكيد جاي مش محتاج عزومه
مروان… ماشي ياعم دا العشم بردوا
قفل مروان مع حمزه أيضا
وابتدت رهف تفوق
ولقت نفسها في اوضه راقيه جدا
مروان بتهكم… أخيرا فوقتي كل دا نوم
رهف بخوف وهي تقوم من على السرير….اانت…
عاوز اي…مني …لو… سمحت انا عايزه امشي
مروان وهو يطفئ السيجاره ببرود ويقف أمامها
اما هي فاابتلعت ريقها بخوف بسبب فرق الطول
الذي بينهم فهي بالكاد توصل لصدره
مروان… اهدي ياعروسه مينفعش كدا
واه جهزي نفسك عشان كتب كتابي عليكي بليل
رهف بصدمه ودموع..انت بتقول اي انت اكيد مجنون
ولكن فجأة صفعها مروان بقوه لدرجه أنها وقعت
علي الارض من شده الصفعه جذبها مروان من شعرها
لدرجه أنها أحست أنها من الوجع سيقتلع في يده
مروان بغضب….ااانا مبحبش أسمع
غير كلمتين حاضر وتحت امرك فاااااهمه
رهف بدموع وهي تحاول أن تبان قويه…لا مش فاهمه انا استحاله أوافق.علي الكلام
دا انا هامشي من هنا
مروان بخبث…بس كدا ماشي انا معنديش مانع
بس قبل ما تمشي استمتع بيكي شويه
قال مروان كدا وحملها بين يده بتجاه السرير
رهف بذعر وهي تبتعد الي الوراء…أنت عاوز اي
مروان وهو يجذبها بين يده….لا اهدي كدا
متقلقيش هبقا حنين معاكي مش انتي عايزه تمشي
من هنا يبقا تمشي مدام ومنستناش كتب كتاب
اي رايك بقا في عرضي حلو صح
رهف وهي ترتجف بخوف….لا…حر..أم…عليك
اما مروان فهو بدأ يقبلها بقسوه تحت صراخها
وبعدها ابتعد عنها….اي رايك اكمل ولا استنا جوازنا
رهف بدموع….لا ابوس ايدك متعملش كدا
انت معندكش اخوات بنات
هنا مروان فقد اخر ذره في عقله فااخته الوحيده
ماتت بسبب ابوها هو الذي قتلها
مروان وهو يصفعها بغضب ويمسكها
من شعرها….بقولك اي ياورح ااامك الكلام دا
مش هيااااكل معاياا اكمل الي بعمله ولا هتوافقي
علي كتب الكتاب اااانطقي يلاااااا
رهف بوجع وصراخ.. مواقفه مواقفه سيب شعري
تركها مروان بعنف…تمام انا جبت بطاقتك بسهوله وانتي وكيله نفسك عشان عندك ٢٣ سنه
هسيبك انا بقا واشوفك بليل سعت كتب الكتاب
قال مروان كدا وخرج علي بره اما هي فاانهارت في البكاء فكل الذي تعانيه الان بسبب والدها الذي هي تكرهوا وبشده ظلت تبكي وهي تلعن حظها

اما في الاسفل نزل مروان وهو يقول
للداده…داده ابقي طلعي ليها اكل
وملتطلعش بره الاوضه دي النهارده
الداده… حاضر يامروان
وباالفعل خلت الداده حد من الخدم يجيب الاكل
وطلعت الداده معاها واول مدخلت
الداده….حطي الصينيه وانزلي
نزلت الخادمة
الداده… قومي يابنتي كلي عشان تسندي طولك
رهف بعياط…مش عاوز حاجه ساعديني امشي
من هنا وانبي عايزه اخرج من هنا
الداده…مش هتعرفي تطلعي الجنينه تحت مليانه
حرس ومروان مديهم أمر انك متخرجيش
كان نفسي والله اساعدك بس مش بأيدي
قالت الداده كدا وخرجت اما رهف فهي ظلت
تبكي وفي الاخر استسلمت للنوم حتي يكون
هذا كابوس وتصحا منه هذا الذي تتمناه
**************************
اما عند اسر راح علي مخزن
جابر..اسر باشا منور
اسر وهو يقعد امامه..اي اخبار العمليه الاخيره
جابر..لا من الناحيه دي اتطمن كل حاجه ماشيه
ميه ميه والبضاعه وصلت صاحبها امبارح طازه
اسر…هو دا الشغل بقا العمليه الجايه
هتبقا زي الي فاتت والقسمه باالنص
جابر…عارف طبعاً احنا شركه يباشا والعيال بتوع العمليه الجايه جهزين علي المشرط على طول
اسر…تمام انت عارف مبحبش الغلط
جابر…هو احنا عشره يوم ياباشا متقلقش
كل الشغل في السليم والعمليات بتم في سريه
أسر….. ماشي ياجابر همشي انا زي منتا عارف
مش هنتقابل كتير الفتره الجايه عشان الشبهات
جابر… عارف طبعا يبقوا يمسكوا حاجه علينا
مشي اسر من عند جابر فااسر يعمل معه
في تجاره الأعضاء البشريه وهو وجابر
يكونوا شركاء من زمان في الموضوع دا
*************************
اما عند يوسف كان يقف بسيارته في مكان خالي من الناس وكل شويه وينظر في ساعته بزهق
لاان الشخص الذي كان يريده تأخر
ولكن فجأة وصل هذا الشخص بسيارته
ويوسف ابتسم بشر أنه أخيرا سينفذ مخططته
بتدمير سليم اخوه
______________________________________

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية سجينه بين اسوار القصر)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى