رواية سأنتقم الفصل الرابع عشر 14 بقلم ميرفت السيد
رواية سأنتقم الجزء الرابع عشر
رواية سأنتقم البارت الرابع عشر
رواية سأنتقم الحلقة الرابعة عشر
طبعا احمد راح النيابة وكالمتوقع
طلع منها بعد التحقيق معاه قدم دليل انه كان بمكان تاني وقت الحادث وفي شهود
وانه طبعا عارف انه لو أذاها هو اول مشتبه فيه لانه على خلاف معاها وهو مش بالغباء دة
وانا كنت بامثل ان قلبي معاه
وانا نفسي يتعدم
وطبعا إيجابيات الي حصل من وجهة نظري ان اسمه اتهز بالسوق هو كان محصن نفسه باكتر من مشروع بس نفسياً كان محطم
كان بيلح عليا نسرع بالجواز وانا باتحجج وبأماطل
لحد مافي يوم عيد ميلاده كنا بنتعشا سوا وبنحتفل
اتفاجئت بأنه بيقدملي دعوة لفرحنا عاملهالي مفاجأة
اتصدمت وحاولت اماطل بس مفيش سبب
كل يوم بيعدي بيتعلق بيا لدرجة انه يوميا معايا ولو موظف كلمني بس في الشغل ممكن يرفده
ولو برة الشغل حد بصلي ممكن يقتله
اشتغلت على النقطة دي وخليته يغير بجنون بدون قصد
ولما طلب نتجوز بالشكل دة مفيش حجة ليا حاولت اخر محاولة معاه
قلتله : احمد انا نفسيا مش مستعدة
انا عاوزك جنبي وبس مش لاقي سبب للتأجيل
:طب شوية وقت تكون انت نسيت الي حصل
انا تمام وزي الفل
:انا خايفة تكون انت الي …
قولي
:مش قادرة
خايفة اكون القاتل
:اه بصراحة
مابقتلش ياجوليا انا مش قاتل
:بس ممكن تحرض
الكلمة طلعت بتلقائية وقهرة لأنها جوايا
اتصدم وسكت وبعدها قام قعد على ركبته قدامي وقالي : مسيرك هاتعرفي انا إيه
انا لاقاتل ولا مغتصب اعمل اي شيء في حياتي إلا دول
ممكن في غضبي اقول اني هاقتل بس معنديش المقدرة على الأذى
انا حوت زي ماسمعتي ابلع منافسيني اوقع اي ست في حبي واجيبها تحت رجلي كمان بمزاجها انما مجرم لأ ياجوليا انا اتولدت لقيت في بقى معلقة دهب
ابويا مات بدري شيلت هم الحفاظ وتنمية الثروة لوحدي
لو كنت انحرفت محدش يلومني مفيش حد قوم سلوكي
بس انا بنيت شخصيتي وقومت نفسي بنفسي
بكرة الايام تثبتلك صدق كلامي
كل دة باسمعه وساكتة
بس جوايا بركان عاوزة اقوم اصرخ فيه واقول الحقيقة
بس مش هاضيع مجهود سنين هباء
ابتسمت واتظاهرت اني موافقة على كلامه
:المهم قدامك شهر اهو جهزي كل احتياجاتك والفيلا اهي هديها وابنيها تاني من بكرة خدي اجازة وهبعتلك مهندس الديكور ومنظم الحفلات ورصيد مفتوح ومش عاوز اسمع تأجيل تاني
سكتت وقولتله عاوزة اروح
اوك هاوصلك
وصلني البيت واتصلت بفارس وحكيتله
اتجنن وقالي جواز لا
انا مستعدة أرمي نفسي بالنار بس هو يتحرق قبلي
:سلمى كفاية كدة انتي برضه انتقمتي بكرق مختلفة كونك تسيبيه وترجعيلنا بعد ماخبك واتعلق بيكي دة اقوى انتقام
لازم اكمل مش هانسحب اناحاولت أأجل و اتحجج ماقدرتش
: معاكي شهر فرصة للانسحاب فكري ارجوكي
ربنا يسهل
نمت وانا مرهقة فعلا فارس عنده حق بس محدش حاسس بنار قلبي
وعدا الشهر بسرعة وانا باتعايش باشرف على توضيب الفيللا وتجهيزات الفرح واكني باموت بالبطيء كنت باعمل محاولات بائسة بس مش لاقية اي ثغرة اوقعه فيها الشيء الوحيد الي باقدر اعمله اني اقربه ليا زيادة عن اللزوم واصبح مجنون بيا 🥺
لجد ماجه اليوم الموعود والي حصل فيه كان أغرب من الخيال
🤗🤔
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية سأنتقم)
