رواية زوج واحد لا يكفي الفصل السابع 7 بقلم حنين الماضي
رواية زوج واحد لا يكفي الجزء السابع
رواية زوج واحد لا يكفي البارت السابع
رواية زوج واحد لا يكفي الحلقة السابعة
سما نزلت جابت فستانها وحضرت كل حاجه ليوم الفاتحه وكانت مبسوطه وحست ان الدنيا هتبتدى تفرحها ..
وفاء : ايه يا عروسه مفيش تليفون من العريس النهارده ولا ايه ؟
سما : لا يا خالتو لسه متصلش
وفاء : طيب مش المفروض تعرفيه على حوار شغلك علشان يكون عارف
سما : هقوله طبعا بس لما نتخطب رسمى علشان لو اتصلت بيه دلوقتى هيفتكر انى ما صدقت واى حاجه وخلاص علشان اتصل بيه
وفاء : يا تقيل انت هههههه
سما : هههه البرستيج يا خالتو برضو هههههه
وفاء : طيب شوفى يا برستيج مين بيتصل تلاقيه هو وجه ع السيره هههه
سما : اه هو الووو
كريم : مساء الخير
سما : مساء النور
كريم : فاضيه ولا مشغولة
سما : لا أنا قاعده أنا وخالتو كنا بنتكلم شويه
كريم : يعنى فاضيه كدا
سما : هههه اه عادى
كريم : جاهزه ليوم الخميس
سما بكسوف : ان شاء الله
كريم : احساسك ايه
سما : مش فاهمه قصدك
كريم : يعنى مبسوطه ولا عادى كدا يعنى
سما : بص هو احساس جديد قوى يمكن علشان اول مره أحسه مش عارفه
كريم : اممم يعنى احساس حلو ولا عادى
سما باستغراب : هو جديد وحلو طبعا
كريم : يعنى انتى وافقتى عليا عن اقتناع ولا علشان تحققى طموحك
سما : بصراحه هههه اسلوبك عجبنى ولقيتك متفهم منى كل حاجة ومقدرها ودى حاجه ريحتنى قوى
كريم بتنهيده : اممم عندك حق انتى اصلا متعرفنيش ف طبيعى القبول بيجى من الراحه للى قدامك ف الاول
سما : دى اهم حاجة لعلمك ههههه
كريم : هههه طبعا طبعا
سما : طيب وانت
كريم : أنا ايه
سما : انت احساسك ايه
كريم بتفكير فى ال حصل بينه وبين نورا وبتنهيده : اكيد طبعا كنت مبسوط
سما باستغراب : كنت مبسوط !!
كريم : اقصد مبسوط
سما : طب الحمدلله
كريم : صحيح كنت عاوز اقولك حاجه
سما : ايه هى
كريم بتردد : كنت جبتلك هديه كدا بسيطه وحابب اديهالك ومش هينفع خالص يوم الفاتحه علشان الناس وكدا ودى تعتبر حاجه شخصيه بينى وبينك
سما باحراج وجه ف بالها لانجيرى : طب خليها لما الوقت يكون مناسب
كريم : لالا أنا ممكن اقابلك فى اى مكان اديهالك افضل وكمان عاوز اعرف رأيك علشان لو مش عجباكى ارجعها
سما : ليه مش هتعجبنى
كريم : أذواق البنات ممكن تختلف بالرغم انى جايبها من مكان معروف حتى هديلك رقم المكان لو حبيتى تغيرى حاجه او تجيبى حاجه
سما : طب كويس قوى ماشى
كريم : طيب اشوفك بكره على خمسه كدا قدام الساعه
سما : خلاص ماشى
كريم : خلى بالك من نفسك
سما : حاضر وانت كمان
كريم : سلام
سما : مع السلامه
———–
وفاء : سيدى يا سيدى على الرقه هههههههه
سما : ههههه يخالتو جايبلى هديه ومصمم انى اقابله بكره اخدها
وفاء : ومالو خديها واتبسطى حبيبتى
سما : خالتو تصدقى أن لا ماما ولا بابا حد كلمنى لحد دلوقتى
وفاء : لا امك كلمتنى وهتيجى مع اخواتك يوم الخميس وابوكى كمان جاى وقال لخالك كدا
سما : ممم كتر خيرهم طيب مش يتصلوا بيا يشوفونى محتاجه حاجه ولا لا
وفاء : ما أنا برد عليهم وبقولهم كل التفاصيل وهما متابعين يا سمسم متقلقيش انتى بس وافرحى اهم حاجة
سما : طيب هقوم اشوف هلبس ايه بكره وانا رايحه اخد الهديه ههههه
وفاء : ههههه قومى قومى واختارى لبس ينورك كدا
سما : ههههه هبقى نجفه حاضر
————————-
وفاء بينها وبين نفسها عمالة تفكر فى جفا قلب اختها نجاة وازاى متشاركش بنتها فى اهم وقت ف حياتها وهتفضل لحد امتى تكدب على سما وتقولها أن امها وأبوها مهتمين بيها وهما ولا ف دماغهم غير بيوتهم وأولادهم ومش هينفع تقول لأختها حاجه علشان وفاء واثقه وعارفه ان اى حاجة بتتقال لنجاة بتروح جرى تنقلها لجوزها ونفس الكلام ل رفعت ابو سما وكل الكلام بياخد رأى مراته فيه وعلشان كدا مكنش قدامها غير أنها تكدب وتسكت علشان متنكدش على سما فى اهم وقت ف حياتها ، على الرغم انها حاسه بإحساس سما ونظراتها دائما ليها أنها بتكدب عليها لكن سما بتسكت علشان خايفه تسمع وتواجه الحقيقه ودا كان اكتر شعور مأثر فى وفاء قوى ..
—————————
نورا : عامل ايه يا حبيبى
كريم : انتى عملتى فيا ايه
نورا : أنا معملتش انت ال عملت
كريم : عملت ايه قوليلى وفوقينى
نورا : ههههه انت دخلت جوه كيانى كله لدرجه انى حاسه بكل حاجه كأنك لسه معايا
كريم : بقولك ايه بلاش طريقتك دى ف الكلام معايا ونبرة صوتك دى علشان بتعب قوى وانا لما بتعب مبضمنش نفسى
نورا : ههههه احلى تعب ولا انت مكنتش مبسوط
كريم : مكنتش مبسوط ازاى !!!! أنا بقولك مش عارف افوق حتى مش عارف افكر ولا أرتب اى حاجة ليوم الخميس
نورا بغيظ : ممم أنا بقه ال فوقت بكلامك دا
كريم : انتى زعلتى
نورا : انت شايف ايه وانا ال متصله اقولك حاجة تفرحك
كريم : أنا مش قصدى ازعلك أنا بقولك بس انتى لدرجة ايه مأثره فيا
نورا : هههه ايوه كدا صلح كلامك
كريم : هو دا قصدى وحياة ال حصل بينا
نورا : طيب بص
كريم : نعم
نورا : لازم اشوفك دا لسه فاضل ٤ ايام لحد ماما متيجى
كريم : نفسى بس عاوز اشوف الدنيا ال ورايا قبل ما تدربك عليا
نورا : وانا بقولك لو مجتش هزعل
كريم : طب نخليها بعد بكره
نورا : لا بكره
كريم : بكره ازاى بس وانا هقابلها بكره واديها الحاجه ال قولنا عليها
نورا : وانت مستعجل كدا ليه
كريم : ي نورا ماهو مينفعش اديهالها يوم الفاتحه قدام الناس والدنيا يومها هتبقى زحمه
نورا : هتقابلها امتى
كريم : الساعه خامسه
نورا : خلاص ٦ تبقى عندى
كريم : بالعقل بسسس هنط يعنى وبعدين هو أنا هديها الحاجه وأجرى مش لازم اخدها تقعد ف مكان علشان اكلمها
نورا : دا انت ناوى تقعد بقه
كريم : يبنتى هو أنا شاقطها ف اشاره ما تفهمى
نورا بحساسيه : قصدك ايه قووول انك شاقطنى وان أنا سهله 😭 كل دا علشان كنت عاوزك ومتمسكه بيك واعتبرتك جوزى بينى وبين نفسى وقدام ربنا يبقى دا جزائي ف الآخر بكلامك الجارح دا
كريم : أنا مش قصدى والله كدا طب اهدى.. أهدى علشان خاطرى وهعملك ال انتى عايزاه
نورا : بجد
كريم : بجد
نورا : يعنى هتيجى بكره
كريم : اه بس مش ٦ خليها ٨ كدا علشان هى كتلاحظش انى مستعجل واعرف أقنعها تكلمك ولا مش عاوزاها تكلمك
نورا : لا طبعا دا انا هستنا التليفون دا بفارغ الصبر ههههه
كريم : ههههه مجنونه
نورا : طيب هتعمل ايه دلوقتى
كريم : هفكر فيكى لحد ما اقابلك
نورا : ههههه وانا كمان
كريم : نسيت صحيح ايه الخبر الحلو ال كنتى هتقوليه
نورا : لاااااا لما تيجيلى بكره هقولك علشان اشوفك وانت فرحان
كريم : هههههه ماشى يلا سلام دلوقتى علشان اشوف ابويا كدا والناس
نورا : ماشى سلام يا حبيبى
كريم : مع السلامه
———————
تانى يوم ومقابله سما وكريم
———–
كريم : بقيتى فين
سما : أنا داخله عليك اهو
كريم : انتى جايه فى تاكسى
سما : اه وخلاص وصلت أنا مش شيفاك لالا خلاص شوفتك
كريم : ماشى
سما : عامل ايه
كريم : الحمدلله تعالى نروح اى مكان نشرب حاجه ومش هأخرك متخافيش
سما : ماشى
كريم : قولتى لحد انك هتقابلينى
سما : اه طبعا قولت لخالتو
كريم : طيب كويس علشان متقلقش
سما : هنروح فين
كريم : فى كافيه هنا قريب مش هنبعد
سما : ماشى
كريم : اهو وصلنا
سما : انزل ؟
كريم : اه انزلى … تعالى نقعد هنا
سما : هادى قوى المكان
كريم : احسن حاجه أنا ضد الدوشه اصلا
سما : وانا كمان
كريم : تشربى ايه
سما : اى عصير
كريم : لو سمحت قهوة ع الريحه وعصير فريش
سما : بتحب القهوه
كريم : بتعدل دماغى
سما : هى بتصحصح الواحد ههه
كريم : انتى مبتحبهاش ولا ايه
سما : لا ماليش فيها أو محاولتش اجربها
كريم : لا دى جميله على ضمانتى
سما : خلاص هبقى اجربها بس بالنهار علشان اكيد هتسهرنى
كريم : هههه .. اتفضلى يا ستى هديتك
سما : انت ليه تاعب نفسك كدا وانا اصلا مش عاوزه اكلفك
كريم : لا بالعكس دى حاجه سمعتهم بيقولو فالشغل البنات بتحب الحاجات دى فقولت اجرب واشوفها هتعجبك ولا لا
سما : اكيد هتعجبنى ومش عارفه اشكرك قد ايه
كريم : طب شوفيها الاول
سما : افتحها يعنى هنا
كريم : اه عادى جدا
سما : حاضر …. ريحتها حلوه قوى بس ايه دا ؟
كريم باستهبال: ايه
سما : الروج فاضى ههههه طمعوا فيه ولا ايه ههه
كريم : ايه التهريج دا .. أنا لازم اهزقهم
سما : لالا ممكن تكون غلطه عادى بس دا فى حاجه تانيه فاضيه بردو ههههه
كريم : طيب بصى خدى الرقم دا معاكى
سما : رقم مين دا
كريم : رقم المكان ال جبت منه الحاجه وهو مكان محترم واكيد دى غلطه مش مقصوده منهم ، كلميهم انتى كبنات بقه مع بعض وغيرى ال محتجاه وانا اصلا سايب خبر أن اى حاجة تحتاجيها تاخديها ع طول وانا هحاسبهم
سما : مش عارفه اقولك ايه ههههه بس انا مش هاخد حاجه أنا بس هكلمهم مدام انت بتقول مكان محترم علشان منخسرهمش واقولهم يبدلو الحاجات دى
كريم : ماشى ال يريحك
سما : مين هيجى معاك يوم الخميس
كريم : ابويا وامى واختى
سما : ايه انطباعهم عنى
كريم : من وصفى ليكى طبعا هما هيتجننوا ويشوفوكى
سما : وصفتنى ليهم هههه
كريم : ما انتى عارفه اسئله البنات والأمهات ههههه.. طيب وانتى وصفتينى
سما بخجل : اه
كريم : ازاى
سما : قولت انك طولك مناسب وحلو وبشره فاتحه وشعر اسود ناعم ودقن خفيفه قوى وبتحب لبس الكاجوال اكتر من الكلاسيك ههههه
كريم : لا بس الكاجوال مريح اكتر وعملى
سما : أنا بحبه
كريم : هههه طب كويس
سما : بتبص ليه كل شويه ف الساعه
كريم : لا مقصدش عادى
سما : انت عندك معاد
كريم : اه بس عادى عادى
سما : ممم معاد ايه بقه
كريم : هههه تحقيق من اولها
سما : لا عادى خلاص لو مش حابب تقول
كريم : لا مش القصد أنا بهرج هههه.. دا معاد شغل كدا مع صديق ليا
سما : يعنى مفيش وقت اقولك على حاجه
كريم : لا طبعا قولى وهو يستنا عادى هيروح فين يعنى ههههه
سما : ههههه ماشى هقولك … أنا من سنتين كنت مقدمه على وظيفه تبع الحكومه وبصراحه كنت فقدت الامل تيجى بس يظهر أن وشك حلو عليا
كريم : مش فاهم هههه
سما : يعنى تانى يوم مجيتك لينا البيت جالى تليفون أنهم عاوزنى علشان اعمل مقابله وأكمل ورقى ورحت المقابله وحضرت ورقى وسلمته والمفروض انزل شغل ليه على اول السنه علشان قالو انهم بيقفلوا السنه وعلى ما يخلصوا كل العدد المطلوب وكله يتعاقد مره واحده
كريم بهدوء : يعنى نزلتى وخدتى قرار من غير ما اعرف
سما بقلق : كنت هعملهالك مفاجئه وبرضو دى حاجه كويسه اساعدك بيها وف حياتنا
كريم : بصى يا نورا أنا مبحبش مراتى أو حتى خطيبتى تاخد خطوه من غير ما اعرف حتى لو انتى واثقه انى موافق بس لازم اعرف صح ولا غلط
سما بصدمه : انت كلامك صح بس انا أسمى سما مش نورا
كريم بصدمه وتوتر : نورا مين
سما : معرفش انت بتكلمنى وتقولى بصى يا نورا
كريم : اكيد انتى سمعتى غلط
سما : لا أنا سمعتك صح
كريم : هو انتى علشان تهربى من الموقف هتقولى اى حاجة علشان تطلعينى غلطان
سما بتوتر : لا والله انا بحسبك اتلغبطت وكنت هقولك هى اختك اسمها ايه
كريم : ايه علاقه اختى
سما : عادى ممكن تكون علشان لسه مش متعود على أسمى ف اتلغبطت
كريم : سيبك من الاسم دلوقتى يا سما اهو يا سما يا سما حلو كدا
سما : ماشى
كريم : لو سمحتى اى خطوه تعمليها عرفينى وأنا مش همانع بس اعرف اتفقنا
سما : اتفقنا
كريم : يلا نقوم علشان متتأخريش علشان اوصلك واطلع مشوارى
سما : أنا هاخد تاكسى وانت روح مشوارك علشان متتأخرش
كريم : طيب تعالى اركبك تاكسى
سما : ماشى
——————————-
سما ركبت التاكسى وهى عماله تفكر مين نورا دى ال كريم قال اسمها وليه اتنرفز كدا وقالت يوم الخميس هتعرف اسم أخته لما تيجى وف نفس الوقت قالت هتكبر دماغها علشان متبتديش مشاكل على حاجه هى مش عارفه صح ولا غلط ..
——-
كريم بقه مخنوق من نفسه أنه وقع بأسم نورا قدام سما ومضايق ومش عارف هل سما هتعدى الاسم عادى ولا هتفضل فاكره ، دا غير أنها لما هتكلم نورا على الميك اب علشان تغيره اكيد هتعرف ان اسمها نورا وممكن ساعتها تشك فى اى حاجه ومع الوقت ممكن تقول لأهله أو لأهلها لو عرفت حاجه ، وهنا كان لازم يفكر ازاى يخرج من المأزق دا لحد ما جه فى باله فكره وقال يكلم بسرعه نورا علشان يرتب معاها ..
كريم : الو نورا
نورا : فى ايه مالك
نورا : أنا جايلك ف الطريق بس لو سما اتصلت بيكى مترديش
نورا : ماشى ماشى بس فى ايه
كريم : هقولك لما اجيلك بس اوعى تردى
نورا : كريم أنا معرفش رقمها
كريم : طيب مترديش على اى رقم غريب لحد ما اجيلك فاهمه
نورا : حاضر حاضر بس يلا تعالى بسرعه علشان جهزت كل حاجة ههههه
كريم : ماشى جاى بس ساعتين وهنزل
نورا : تعالى بس الاول
كريم : ماشى …سلام
—————
وفاء : ايه الهديه الحلوه دى
سما : صحيح فكرتينى اتصل بيهم
وفاء : بمين
سما : هقولك تعالى اقعدى وانا بتصل … الو
نورا : الووو مين
————-
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية زوج واحد لا يكفي)
