رواية زوج واحد لا يكفي الفصل الرابع عشر 14 بقلم حنين الماضي

رواية زوج واحد لا يكفي الجزء الرابع عشر

رواية زوج واحد لا يكفي البارت الرابع عشر

رواية زوج واحد لا يكفي الحلقة الرابعة عشر

كريم : مبروك بس احنا لازم نستأذن دلوقتى وهكلمك بكره اقولك هجيلك امتى ونرتب شوية حاجات مع بعض
سما : طب ما تقعدو شويه لسه بدرى
كريم بابتسامه : الحج والحجه عندى بيناموا بدرى دا غير علاج الضغط ال بياخدوه قبل النوم بساعه ومتقليش هكلمك بكره لان عاوز اتكلم معاكى
سما : خلاص هستنا مكالمتك
كريم : يلا هقوم
سما : ماشى
كريم : شكرا يا جماعه على تعبكم والله وان شاء الله قريب تبقه الفرحه الكبيره ، هنستأذنكم بس علشان الحج والحجه لو استنيت عليهم شويه هيناموا منى ههههه
رفعت : هههههههه عموما الف مبروك ودايما نتقابل فى الافراح وربنا يتمم بخير
ابو كريم : الف مبروك سلام عليكم
احمد : عليكم السلام مع الف سلامه
————————
كريم وصل البيت وقفل باب اوضته عليه وكلم اسلام
——-
كريم : قاعد على اعصابى من ساعة لما كلمتنى وجيت قولت لو حد جالى اكيد الجيران هيبلغونا بس محدش قال حاجه
اسلام : هيجيبونا واحد واحد ، أنا نفسى ارنها علقه محترمه واللهى
كريم : ومين سمعك بنت ال 🐶 عملت فيها شريفه عفيفه وعلمت ع الكل
اسلام : الكارثه فى وليد لان احمد سعيد بيقولى أنها عملت بلاغ فيه وحددته بالأسم أنه اعتدى عليها بالضرب وطبعا احمد بيقولى وليد بهدلها خالص ومعرفش جابت أسمى أنا وأنت ليه الغبيه
كريم : فى حد بيخبط استنا اشوف مين قبل ابويا ما يفتح خليك معايا ..ايوه مين
…: أنا جمال يا كريم
كريم : اهلا يا جمال تعالى اتفضل
جمال : الف شكر بس قولت ابلغك أن فى واحد جه قعد يخبط على الباب كتير وفالاخر خبط سألنى عليك وقولتلة انكم فى مشوار
كريم بارتباك : قالك حاجه
جمال باحراج : بيقول انك لازم تروح بكره النيابه بس مفهمتش ليه
كريم : اه اه هتلاقى علشان الناس ال اتخانقوا ف الشغل عندى ربنا يسامحهم هو أنا فاضى وبعدين أنا حاولت افك بينهم يلا تسلم يا جمال
جمال : تصبح على خير
كريم : اسلام مش بقولك جالى حد زيك والمفروض اروح بكره ، بص احنا هنروح ونقول الحقيقه وخلاص وهيبان اكيد انها كدابه
اسلام : مش مطمن يا كريم
كريم : ولا أنا
————-
تانى يوم كريم واسلام اتقابلوا وراحوا النيابه وكل واحد دخل لوحده
وكيل النيابه : اسمك وسنك وعنوانك
اسلام : حاضر أسمى ….
وكيل النيابه : تعرف نورا منين
اسلام : واللهى حضرتك هى كانت زميله زمان بينا كلنا وفضلنا كلنا على تواصل من بعيد ببعض لكن فى يوم لقيت زميلنا اسمه احمد سعيد قابلنى فى مره وجت سيرتها وعرفت منه أنها …
وكيل النيابه: كمل براحه ولعلمك أنا عاوز اعرف الحقيقه لأن مش كل البلاغات بتكون صح
اسلام : واللهى هى اتبلت علينا علشان كشفناها
وكيل : طيب قولى كل حاجة
اسلام : لما احمد سعيد جاب سيرتها قالى أنها شمال وكان لينا زميلنا وليد كان هيرتبط بيها ولما عرف انها شمال واتأكد انفصل عنها بس احمد سعيد قالى أنها خدت فلوس كتير منه وهو كان بيصرف عليها بحكم أنه هيرتبط بيها وكدا وفالاخر لما اتخانق معاها عايرته برجولته وأنه مش قادر عليها وطبعا انفصل وبعد عنها خالص ، بعدها أنا جيت بحكى لكريم صاحبى وكريم دا شخصيه محترمه وكان بيحبها زمان ولما حس انها بتعاملة بطريقه مش كويسه وبقت تحرجه وتبعد هو حافظ على كرامته وبعد عنها لكن هى بعدت عنه علشان تقرب من وليد علشان الفلوس طبعا لان كريم مش نفس مستوى وليد وبالصدفه لما بحكى لكريم عن مقابلتى لأحمد سعيد
وكيل النيابه: عنوان احمد سعيد ايه و تليفونه
اسلام : اهو اتفضل
وكيل النيابه كتب ورقه وبعتها مع العسكرى : كمل سامعك
اسلام : لما حكيت لكريم بالصدفه لقيته مخنوق ومدايق وبيقولى أن نورا حاولت تكلمه اكتر من مره وفالاخر صدقها وقابلها فعلا مره واحده
وكيل النيابه: قابلها فين
اسلام : فى شقتها بس واللهى هى ال قالتله وهى ال حددت
وكيل النيابه: كمل
اسلام : ف لما كريم حكالى قالى أنا مش حابب اكمل معاها وعاوز ابعد علشان هو كان متكلم على واحده وخطوبته على فكره كانت امبارح وطلب منى انى اكلم نورا واقولها تبعد عن كريم بحجة انى عرفت كل حاجه عنها وممكن اقول لكريم وساعتها مش هيحصل كويس كنوع من التهديد واللهى
وكيل النيابه: دا كان اتفاق بينك وبين كريم علشان تبعد نورا عنه ؟
اسلام : بالظبط كدا ، وبعدين لقيتها بتقولى كلام غريب
وكيل النيابه: كلام ايه
اسلام : قالتلى بكل بجاحه ان كريم كان ناقص مره تانيه تشوف معاه هيجى معاها ولا لا لكن هى زهقت منه لأنه مش راجل ومبيعرفش يصمد قدامها وأنها عاوزه واحد لأنها بتحب العلاقه الحميمه تكون اكتر من مره ورا بعض ودا كان نفس السبب ال سابت وليد علشانه بردو وقفلت فعلا وكلمت كريم وقالتله كلام وقح لكن هو مسك أعصابه علشان كان عاوز يخلص من موضوعها ويركز فى خطوبته وبعدها هى اتصلت بيا وقعدت تقولى أنى كلمتها علشان عينى منها وعاوزها ولقيتها هتلف عليا رحت شايط فيها وعرفتها أن احنا عارفين حواراتها مع وليد كلها وهى افتكرت أن وليد ال قالنا لكن وليد ولا قالنا ولا حاجه وعرفت بعدها من احمد سعيد أنها ادايقت من كلامى وراحت لوليد مكان شغله واتهجمت عليه قدام الناس وضربته وطبعا وليد غصب عنه كان لازم يرد لانه اتفاجئ بيها وهو عامل حسابه أنه قطع علاقته تماما بيها
وكيل : قصدك تقول أن وليد أو كريم كانوا فعلا بيحبوها وعاوزين يرتبطوا بيها
اسلام : بالظبط لكن معاملتها ومشيها الشمال خلاهم يبعدوا ودا طبيعى
وكيل النيابه: ممم طب تفتكر ليه قالت انكم رحتوا انتوا التلاته بيتها واغتصبتوها
اسلام : واللهى العظيم أنا مشوفتهاش اصلا أنا كل كلامى كان فى التليفون وحتى رقمها خدته من كريم وبعدين حضرتك يعنى جاتلنا الجرأة نروح فى شقه ف عماره ونخبط وندخل ونقعد وهى كل دا محاولتش تصرخ ومفيش اى جيران هتسمع أو هتشوفنا ؟
وكيل النيابه: ممم تفتكر عاوزه تنتقم لما حست أن ال مستفاده منهم كشوفوها
اسلام : اكيد حضرتك
وكيل النيابه : خد افتح موبايلك
اسلام : اتفضل حضرتك
وكيل : متسجل فعلا مكالمه منك قعدت نص ساعة ومكالمه منها تلت ساعه
اسلام : ايوا هما مكالمتين بس واللهى حضرتك
وكيل النيابه: حلو الموبايل وخفيف
اسلام : مش فاهم حضرتك
وكيل النيابه: ياترى انت عارف كل حاجه فى موبايلك ولا انت اخرك تليفونات وبس
اسلام : بتكلم عادى منه واستخدم كاميرا و منبه يعنى الحاجات العاديه
وكيل النيابه: تعرف أن نوع موبايلك ده فى تخزين داخلى يعنى كل مكالماتك صادره أو وارده متسجله
اسلام بتوتر : واللهى حضرتك عمرى م فكرت ادور على حاجه كدا
وكيل النيابه: لو كلامك مظبوط يبقه أنا هلاقى مكالمات نورا معاك وهيبان ساعتها انك فعلا متعرفش حاجه والا كنت قولتلى أن فى تسجيل مكالمات وتبرأ نفسك لكن واضح انك متعرفش فعلا وعموما خلينى اشوف التسجيلات
اسلام بذهول : اتفضل طبعا
وكيل النيابه : ممم كل تسجيلات المكالمات موجوده فعلا خلينى اسمع واطابق كلامك مع التسجيل
اسلام : اتفضل
وكيل النيابه: ممم نفس الكلام فعلا ودا معناه انك مرحتش البيت عندها
ماشى يا اسلام اتفضل انت دلوقتى
اسلام : طب موقفى ايه حضرتك
وكيل النيابه: هيتحدد بعد سماع أقوال الباقى اتفضل
اسلام : اه عاوز اقول لحضرتك حاجه أن تليفونى أنا وكريم زى بعض لأننا جبناه مع بعض من واحد عندنا فالشغل وحضرتك تقدر تتأكد وأعتقد أن كريم ميعرفش موضوع تسجيلات الداخليه بتاعت الموبايل هو كمان لانه عمره ما جاب سيرتها والا فعلا كنا هنستخدمها دفاع عن نفسنا
وكيل النيابه : عارف لو كنت انت ال قولت على التسجيلات دى شكرا
————
وكيل النيابه: اسمك وسنك وعنوانك
كريم : كريم ….
وكيل النيابه : تعرف نورا منين
كريم : كانت زميلتى
وكيل النيابه: اسلام بيقول انك كنت هترتبط بيها
كريم : دا حقيقى بس محصلش نصيب الحمدلله
وكيل النيابه: ليه الحمدلله
كريم : ليه اسلوب وطريقه متعجبش راجل واى حد عنده كرامه لازم ميكملش
وكيل النيابه: ليه قالت انك انت واسلام ووليد اعتصبتوها غصب عنها فى بيتها
كريم : محصلش واسلام مالوش علاقه أنا اللى دبسته فى الحوار لكن وليد معرفتش موقفه غير من اسلام لما قابل زميلنا احمد سعيد وجه فى الوقت المناسب لان نورا كانت كلمتنى علشان ترجع علاقتنا وانا غبى وحنيت
وكيل النيابه: علشان كده رحت انت واصحابك تغتصبوها
كريم : لا طبعا محصلش
وكيل النيابه: خلاص احكيلى بالتفصيل كل حاجة
كريم : هى لما كلمتنى بعد كام مكالمه قالتلى الشغل ال بينى وبينها جاب فلوس وطلبت منى اروحلها البيت لأنها محتاجه تتكلم معايا ومش هينفع نخرج بره وانا وافقت علشان كنت عاوز فلوسى وكنت حددت خطوبتى واخاف حد يشوفنى فى مكان عام معاها ووافقت فعلا اروح الشقه ولما رحت ودخلت لقيتها محضره سفره ولابسه لبس اى زوجه مستنيه زوجها وفعلا هى ادتنى فلوسى وقالت دى ارباح وسهرنا مع بعض طول الليل والصبح بدرى لقينا الباب بيخبط جامد وانا طبعا قلقت وهى راحت تشوف مين لقت واحد من الجيران بيتخانق معاها علشان المايه بهدلت شقته وقعد وقت على فكره يتخانق وكان البواب موجود كمان وطلبوا يدخلوا الشقه وهى رفضت علشان أنا كنت جوه وخافت انهم يشوفونى لكن لما نزلوا أنا ادايقت جدا وكنت قرفان من موقفى ونزلت وانا بقولها مش هسمع كلامك واجى تانى ونزلت والبواب على فكره شافنى كويس وشافنى وانا خارج لوحدى من عندها ونزل ورايا يعنى لا كان اسلام معايا ولا وليد وانا علشان ابعد خليت اسلام يكلمها أنها تبعد على أساس أنه عرف موضوعها مع وليد وغير وليد وأنه ممكن يقولى لكن اسلام فعلا مالوش علاقه بيها ولا قابلها خالص
وكيل النيابه : وأحمد سعيد دوره ايه
كريم : ولا اى حاجه هو قابل اسلام بالصدفه فى الشارع وحكاله على ارتباط وليد ب نورا وأنه كان هيخطبها لكن اكتشف علاقتها مع حد غيره وقرر يبعد
وكيل النيابه: كلمه سر الموبايل ايه
كريم : مش فاهم
وكيل النيابه: خد افتح موبايلك
كريم : اتفضل
وكيل النيابه: شوفت اسلام وهو خارج
كريم : شوفته بس ملحقتش أكلمه ودخلت على طول وهو مشى
وكيل النيابه: تعرف أن موبايلك فى تسجيل داخلى للمكالمات
كريم وكأنه بيفكر : قصد حضرتك ايه
وكيل النيابه: عمرك سجلت لحد مكالمه
كريم : لا معنديش الحاجه المهمه قوى علشان اسجلها
وكيل النيابه: ولا حتى مكالمات خطيبتك مثلا علشان ترجع تسمع كلامكم تانى
كريم : لا وخطيبتى ملهاش علاقه خالص بالموضوع ومتعرفش حاجه ومحبش أنها تعرف
وكيل النيابه: ليه خايف تسيبك
كريم بتنهيده : يعنى هى غلطه منى انى فكرت فى حاجه متنفعش ومينفعش اجرحها وهى لسه بتقول يا هادى معايا وملهاش ذنب
وكيل النيابه: دا فى مكالمات كتير بينك وبين نورا وكمان اسلام مممم
كريم باحراج : هو حضرتك هتسمع المكالمات دى
وكيل النيابه: عندك مشكله
كريم باحراج : يعنى انا معرفش أن الموبايل بيسجل لكن حضرتك اكيد متوقع كلام بين اتنين كان بينهم علاقه ف اكيد يعنى اااا
وكيل النيابه: فاهم فاهم أنا ال يهمنى اتأكد أن نورا فعلا متهمه مش ضحيه وواضح كدا من المكالمات أن كل حاجة كانت برضاها وعموما تقدر تتفضل ولما نحتاجك هبعتلك
كريم : تمام
——————-
كريم : الو يا اسلام
اسلام : هههههه سبحان الله بنت ال 🐶 معملتش حسابها صح فى البلاغ
كريم : ههههه انت كنت عارف ان الموبايل بيسجل
اسلام : ههههه أنا حبيت موبايلى واستحاله هغيرو بعد كدا ههههه دا نجده لينا يا عم
كريم : كلام نورا واهانتها ليا هو سمعها وسمعها وهى بتنهى العلاقه يا فرج الله
اسلام : كابووووس بس الحمدلله
كريم : متخدش على خاطرك منى فى التدبيسه ال وقعتك فيها دى
اسلام : اهو درس لينا كلنا بس شكلهم هيجيبوا احمد سعيد
كريم : متقلقش احمد سعيد مالوش دور اصلا غير نقل كلام علشان يحرم ينقل هههههههه
اسلام : يعم هو ال نورنا ولولاه كنت زمانك معكوك
كريم : عندك حق وربنا مع وليد هو كمان
اسلام : بص لو وليد جاب محامى شاطر هيقدر يخرجه منها لأن هى ال راحتله شغله ومكان عمله وسط زمايله واكيد فى شهود على كدا
كريم : عارف نفسى اشوفها واخده حكم محترم تتربى فيه بس كان شكلى وحش قوى ووكيل النيابه بيسمعها وهى بتقولى انى مش راجل
اسلام : لا بالعكس دى مريضه وطلعت نفسها بكل سهوله أنها شمال
كريم : يلا المهم أن التسجيلات دى جت نجده فعلا هههههه
اسلام : هههههه خير خير يا صاحبى
كريم : ماشى لو عرفت حاجه كلمنى
اسلام : ماشى يا لورد سلام
كريم : سلام
——————————
وكيل النيابه استدعى نورا
—————–
وكيل النيابه: لسه مصممه على اتهامك لكريم ووليد واسلام بالاغتصاب
نورا بغيظ : ايوه
وكيل النيابه: انتى ليه فتحتى باب شقتك ووافقتى يدخلوا يا نورا مخفتيش
نورا بمسكنه : حضرتك كنت بعاملهم زى اخواتى وعمرى ما شكيت فى حد فيهم
وكيل النيابه: طيب مصرختيش ليه
نورا : خوفت اتفضح فى العماره وانا حواليا جيران وخوفت على شكلى طبعا
وكيل النيابه: كنتى هاتى شاهد واحد شافهم عندك
نورا : جم بالليل ونزلوا بعد ٣ ساعات
وكيل النيابه: جم بالليل ! طيب مش غريبه أن زمايلك يجوا البيت متأخر كدا ومخوفتيش حد يشوفهم وهما طالعين عندك
نورا : قولت لحضرتك بعتبرهم اخواتى
وكيل النيابه: ايه ال وداكى عند وليد الشغل علشان يضربك كدا
نورا : كنت حاسه بالضياع بعد ال عملوه فيا 😭😭 ورحت اخد حقى منه واقوله يتجوزنى لكن طلع ندل وضربنى وبهدلنى
وكيل النيابه: واشمعنا وليد يتجوزك ليه مش كريم ولا اسلام مثلا مدام كلهم شركاء فى الاعتداء عليكى
نورا : لأن وليد هو ال سلطهم عليا وماديا هو هيقدر يتجوزنى بسرعه عنهم
وكيل النيابه: ماديا !!! مممم نظريه علشان تضمنى حياه كويسه طبعا
نورا بتوتر : اه
وكيل النيابه: بس للأسف حابب اقولك أن اتهامك ليهم باطل
نورا بصدمه : ازاى بقول لحضرتك اغتصبونى هما عرفوا يغيروا الحقيقه 😭😭
وكيل النيابه بصوت عالى : انتى قولتى التلاته اعتدوا عليكى مع بعض وانك عمرك ما كانت علاقتك بحد فيهم مش كويسه لكن تسجيلات المكالمات ال هما ميعرفوش أنها كانت على تليفوناتهم سمعت كل مكالماتك معاهم
نورا بتوتر : هما اجبرونى اقول كدا 😭😭
وكيل النيابه بعصبيه : اجبروكى تقولى انك مريضه وان رجولتهم ناقصه طب والبواب ال شاف كريم نازل من عندك وجبناه وسألناه واتعرف على كريم وانك فعلا رفضتى جارك يدخل يشوف سبب المايه لان كريم كان عندك والفلوس ال خدتيها من وليد وادتيها لكريم بحجة أن دى فلوس الشغل ال بينكم وتهديداتك لاسلام وأنه كان عاوزك ومكالمتك لكريم ال بتنهى فيها العلاقه وكأنك بتقوليله أنا استكفيت ولا وليد ال كان هيخطبك ولما اكتشف علاقتك الشمال مع زميل ليه وقرر يبعد عنك ورجعتى لكريم ولما اسلام قالك ابعدى أنه هيبلغ كريم رحتى لوليد مش علشان يتجوزك لا علشان انتى اعتقدتى أنه قال سرك لكريم واسلام ههههه واصلا اسلام عرف قصتك من احمد سعيد بالصدفه وبلغ كريم واتفقوا انك تقطعى علاقتك لكن دخل عليكى استفزاز اسلام ليكى لما هنتيه فى رجولته وقالك أنه عرف من وليد ورحتى تنتقمى لكن دا محصلش وبدل ما انتى تضيعيهم وتدخليهم الحجز ويتحكم عليهم ، انتى ال حكمتى على نفسك بالبلاغ الكاذب وازعاج سلطات وبكلام الشهود وبتفريغ تسجيلات المكالمات أثبتت ادانتك خدها ع الحجز
————————-