رواية زوج واحد لا يكفي الفصل الثاني عشر 12 بقلم حنين الماضي

رواية زوج واحد لا يكفي الجزء الثاني عشر

رواية زوج واحد لا يكفي البارت الثاني عشر

رواية زوج واحد لا يكفي الحلقة الثانية عشر

اسلام بعد ما قفل مع نورا كان قرفان ومضايق جدا وفضل ساكت
كريم : انت ساكت ليه ما تتكلم يا اسلام
اسلام بزهق: عاوزنى اقول ايه
كريم : يا عم قول اى حاجة بس اتكلم وبعدين هو أنا جايبك تهون عليا ولا تحط عليا اكتر ، هو أنا ناقص
اسلام : أنا مش قادر اصدق انك تقع بسهوله كدا !!!
كريم بضيق : وبعدين معاك انت كل شويه هتعيد نفس الكلام
اسلام بتنهيدة : مالوش لازمه ال حصل حصل خلاص وعموما على كلامنا دلوقتى هى هتتصل بيك وتنهى الحوار
كريم : تفتكر دخل عليها الحوار
اسلام بنظره استغراب : احسن لو مدخلش
كريم : يعنى ايه
اسلام : بلاش اقولك هى شيفاك ازاى يا صاحبى علشان مجرحش فيك اكتر من كدا
كريم : قصدك ايه
اسلام : مصمم يعنى
كريم : ما تقول فى ايه انا مش فاهمو
اسلام : قالتلى زيك زى وليد مش صامد والنوع دا مينفعهاش وكان نقصلك مره تجربك وتشوف فى امل منك تعرف تسد عليها ولا لا و كدا كدا كانت هتديك استماره ٦
كريم باحراج : أنا ال استاهل لكن الحيوانه دى مريضه ومطلعانه كلنا مش رجاله
اسلام : عاوزها تقول ايه ، عموما احنا معاها للآخر واتمنى الموضوع يخلص قبل خطوبتك
كريم : كابووووس يا اسلام
اسلام : طبعا بس كل حاجه وليها حل ان شاء الله
كريم : مش عارف اشكرك ازاى بس مش جديد عليك جدعنتك معايا
اسلام : يا عم بلاش الكلام دا احنا اخوات وربنا يسعدك فى ال جاى ان شاء الله
كريم : عقبالك يخويا
اسلام : ايدى على كتفك لو عندك حد مناسب ههههه
كريم : مافيش اكتر منهم هههه بس انت شاور
اسلام : كله نصيب ويلا نقوم بقه لحسن خلاص عينى غفلت وعاوز انام بشكل رهيب
كريم : يلا نقوم أنا كمان محتاج انام ساعتين كدا قبل ما انزل
———————–
فى بيت سما
ـــــــــــــــــــــ
وفاء : كدا كل حاجه جاهزه خلاص
سما : بس كدا مش الاكل كتير يا خالتو
وفاء : علشان يكفى الكل وبعدين هو احنا بنفرح كل يوم ههههه والله الواحد عاوز يشغل اغانى بس خالك نبه عليا مشغلش حاجه لحد الفاتحه بيقولى دى لسه فاتحه لما يبقه كتب كتب او فرح نبقه نشغل براحتنا
سما : ايوه صح يمكن العريس ميجيش ويبقه شكلنا وحش بعد ما الناس كلها سمعت الاغانى هههههه وساعتها نشوف بقه عبده البواب يستر علينا ههههه
وفاء : فشرررر هو يطول ياخد جمال وحلاوه وأدب بالجمال دا
سما : ونبى يا خالتو انتى ال رافعه من معنوياتى هههههههه
وفاء : بتحسبينى بقول اى كلام مش كدا ؟ طب تعالى معايا وشوفى
سما : ههههه
وفاء بتفك شعر سما : بصى فى جمال وشعر اسود طويل حلو كدا طيب بصى الرموش والعيون بسم لله كأنها مرسومه بالكحل ولا الابتسامه والضحكه العسل دى ، دانتى لما بتضحكى ملامح وشك كلها بتتغير وبتضحك معاكى وانتى لازم تحسى بجمالك انتى فاهمه
سما بدموع : ربنا يخليكى يا خالتو
وفاء : بتعيطى ليه
سما : ساعات اكلم ربنا واقوله استغفر الله العظيم بس غصب عنى لما يارب انت عارف ان امى وابويا مش مناسبين لبعض وهينفصلوا وانا لسه بقول يا هادى فى الدنيا ، مكنتش خليت امى تحمل فيا ومكنتش جيت ولا بقيت كدا والله يا خالتو ساعات بقول ياريتك انتى كنتى امى كنت زمانى شبعانه بحضنك وبدلعك واهتمامك وكنتى كل دنيتى واحس انى بنت طبيعيه زى اى بنت
وفاء بدموع : تعالى فى حضنى وبعدين مهو أنا مامتك هو انتى فاكره نجاة علشان خلفتك تبقه مامتك لااااااا أنا ربيت وكبرت وعيشت كل صغيره وكبيره معاكى أنا يمكن فرحانه بخطوبتك اكتر من امك وابوكى نفسهم ال خلفوكى أنا عيشت ايام اتمنيت اجيب بنت حلوه زيك ويمكن ربنا مرزقنيش بأولاد علشان اخد بالى منك وحمدت ربنا أنه عوضنى بيكى وبقيتى كل حياتى ولا انتى حاسه انى منفعش اكون مامتك
سما بحضن اقوى : والله انا بحبك قوى قوى ومتزعليش منى أنا بس بفضفض معاكى باللى جوايا
وفاء : لا يا حبيبه قلبي عمرى ما ازعل منك وقولى اى حاجة تخطر على بالك
سما بتمسح دموعها : طيب قوليلى بقه هتعملى اكل ايه للعريس وأهله ههههه
وفاء رجعت ابتسامتها : بصى يا ستى أنا هعمل سرفيس كدا محاشى بس هكتر ورق عنب وكمان مكرونه بالبشاميل وفراخ محشيه ورقاق ولحمه محمره وبشوربه اللحمه دى بقه هعمل الرقاق والملوخيه ولسان عصفور وسلطه ايه رأيك
سما : ههههه أنا جوعت يا خالتو من دلوقتى واكيد أنا هقعد اكل معاهم
وفاء : لا خالك احمد قال بلاش خليهم براحتهم وانك هتتحرجى
سما : والله خالو دا عسل وفاهمنى وبعدين مش هعرف اكل والأكل هيخلص ههههه أنا أول ما يتحط الاكل هجرى اعملى طبق وادخل اوضتى اعيش بقه هههههه
وفاء : هاجى معاكى أنا كمان هههههه
سما : اه وناكل ونتكتم ونفرد على السرير وننام وخالو احمد يبقه يسلم عليهم هو ويمشيهم
وفاء : هههههه واخيرا عندنا فرح بس فستانك جميل وكمان مع التسريحه والمكياج هتبقى قمرين
سما : انتى اكتر حاجه مفرحانى ايه هههه
وفاء : ايه
سما : الفستان وربنا ههههه كان نفسى البس فستان وخلاص ههههه
وفاء : ههههههه اهى كلها يوم وتلبسيه وتتهنى يا روح قلبي
————————
نورا بتتصل بكريم
————-
نورا : الو
كريم : ايوه
نورا : غريبه رديت على طول المرادى
كريم : علشان التليفون فى ايدى عادى
نورا : بقولك ايه هو انت ليه كنت جبان قوى كدا لما البواب شافك
كريم بغيظ : انتى هتستعبطى
نورا : لما انت خايف كنت بتيجى ليه
كريم : اممم عندك حق بقيت أنا ال غلطان دلوقتى مش كدا
نورا : أنا عاوزه اسألك سؤال ومعرفش انت ازاى مفكرتش ، انت مختش بالك انى كاملة الانوثه
كريم : ههههههههه ازاى يعنى
نورا : ايه دا انت مفهمتش
كريم : انتى عاوزه ايه
نورا : أنا متصله اقولك انك بخوفك والجبن ال شوفته فيك يومها خلتنى احس انك سوسن خالص
كريم : احترمى نفسك عاوزه ايه من واحد ولا متجوزك ولا حتى خاطبك ونازل من بيتك والجيران عرفوا أن مامتك مش موجوده ولا ليكى اب ولا راجل ولا حد ويشوفونى نازل من عند حضرتك ع الصبح كدا ، واكيد هيتفهم انى كنت نايم معاكى طول الليل والمفروض ابقه عادى صح
نورا : أنا مبحبش الشخص الجبان دا غير بقه حاجات تانيه لاحظتها
كريم : لا قولى ال عندك واخلصى
نورا : انت محتاج تكشف على رجولتك هههه
كريم بغضب : احترمى نفسك بدل ما اجيلك اعرفك الأدب
نورا : انت فاكرنى بقول اى كلام ههههه انت يبنى مره واترميت ع السرير وشويه وهتطلع ف الروح لكن أنا عاوزه واحد يكون اسد فعلا أنا ال اهنج منه وانام مش هو يسبقنى وينام
كريم : ولما انتى شيفانى كدا وجربتى مره ، ايه خلاكى تتصلى تانى مره وتتحايلى علشان اجيلك وانام معاكى تاااانى
نورا : عاوز الصراحه ! أنا قولت انت اول مره مكنتش جاهز لكن لما قولتلك على تانى مره ف توقعت هتكون عامل حسابك ومظبط نفسك لكن انت طلعت ابيض وانضف من الصينى
كريم باستفزاز : انتى صح وانا كدا فعلا وملهاش حل
نورا : مهو أنا عرفت أن ملهاش حل وعلشان كدا أنا قولت اكلمك واقولك احنا مش مناسبين نكمل خااااالص وانت من طريق وانا من طريق وياريت حتى ضلك محبش اشوفه
كريم : هههه والله دا عز الطلب وابقه متشكر لان أنا مش هعرف ابقه زى ما انتى عاوزه وعموما عاوز اقولك كلمتين واخر كلمتين : ال زيك هتفضل كدا تحرق نفسها وتسوأ لنفسها ولأهلها وإذا عدت مره استحاله هتعدى التانيه وساعتها النهايه مش هتبقه حلوه خالص ومش بعيد تبقه فى صفحه الحوادث لأن صوابعك مش زى بعض
نورا بتوتر : انت لو كنت عجبتنى كنت هتجوزك لكن ايه ذنبى ادبس فى جوازه وبعدها اعرف انك مش عارف ترضينى
كريم : دا قمه الحرام ال بتقوليه وال عندى قولته
نورا : حلال عليك نص انوثه اهى على قدك هههههه
كريم : اخرسى على الأقل ليها أهل ومحترمه
نورا : هههه محترمه هتاخد مش محترم هههه وياترى بقه يا نضيف هتقولها انك قبل خطوبتها نمت مرتين مع حبك القديم ههههه
كريم : اهم حاجه أن ربنا يسامحنى واى حاجه تانيه مقدور عليها وأعتقد كدا الكلام خلص
نورا : مبروك عليك الفلوس على قد مجهودك هههههه
كريم بغضب : هقول ليه لواحده شمال
كريم قفل المكالمه وقرر يحذف اى رسائل بينه وبينها وعملها بلوك وحس أنه هم وانزاح من عليه ودخل خد دش سريع وصلى ركعتين ونام ساعتين وقام يركز فى خطوبته ويشوف سما .
سما : الو
كريم : عامله ايه
سما : الحمدلله انت فين كدا ومش بتتصل
كريم : معلش انشغلت شويه
سما : أنا قولت كدا بس عادى مش مشكلة
كريم : عاوز اتكلم معاكى شويه علشان اتعرف عليكى اكتر ممكن
سما : اه طبعا
كريم : تحبى فتره الخطوبه قد ايه.
سما : مش انا ال هحدد
كريم : ليه امال مين
سما : انت وخالو
كريم : يعنى لو كلمت خالك وقولت أنا جاهز خلال شهرين انتى موافقه
سما : ال هتتفقوا عليه أنا موافقه عليه
كريم : أنا حاسس انك بدأتى تحسى بيا ولا انا غلطان
سما : …..
كريم : ساكته ليه
سما : بتكسف من الكلام دا مش بعرف اتكلم أو ارد
كريم : هههههه حلو بس انا من حقى احس بيكى ودى اكتر حاجه بتشجع اى واحد أنه يتجوز النهارده قبل بكره
سما : مهو مدام أنا موافقه على الخطوبه وكل حاجه تمام يبقه ليه مش هبقه عاوزه اتجوز
كريم : ههههه ماحنا بنقول كلام عميق اهو وشاطرين ههههه
سما : هههههه يعنى بعرف اتكلم
كريم : احلى كلام اهو
سما : أنا ممكن اسألك سؤال مهم بالنسبالى
كريم : طبعا
سما بتردد : كنت بسمع أن اى اتنين متجوزين طبيعى يحصل مشاكل بينهم وكدا ، هو لو حصل مشكلة انت ممكن تعايرنى أن ابويا وامى منفصلين
كريم بابتسامه : ليه بتفكرى كدا
سما : بخاف اتحاسب على حاجه ماليش ذنب فيها
كريم بتنهبدة : بصى يا سما ، مش اى اب وام انفصلوا ينفع نعيب فيهم لان فى أهالى مبتربيش عيالها ويسيبوهم على الناس كدا من غير مراقبه وطبعا بنات زى دى معروف طريقهم لكن فى أهالى حريصين بالرغم من انفصالهم أنهم يراعوا بنتهم ويطلعوا احسن تربيه وعلشان كدا بقولك أنا لو شاكك فى اى حاجه فيكى مكنتش كملت وبالعكس انتى محترمه وحلوه ومتعلمه وطموحه واى حد يتمناكى
سما بفرحه : أنا بس كنت بطمن علشان أنا حابه حياتى تبقه هاديه من غير مشاكل
كريم : وانا كمان واكتر شويه ودى بدايه تفتح النفس اهو وتشجع الواحد ياخد خطوه
سما بهروب : هههه خالتو عاملة وليمه يوم الخطوبه
كريم : ههههه ليه التكلفه دى بس وتتعب نفسها
سما : لا دى فرحانه قوووى وبقالها خمس ايام بتحضر الحاجه
كريم : طيب هتأكلينى ايه من ايدك
سما : لا أنا عروسه مش هطبخ هههه
كريم : ههههه لا مقصدش أنا أقصد هتقعدى جنبى اكيد واحنا بناكل وعاوز اجرب بقه انى اكل اى حاجه من ايدك من الاكل الموجود لان اكيد بايدك طعمه احلى
سما : . …
كريم : هههههه سكتنا تااااانى
سما : مبعرفش بتحرج غصب عنى هههه
كريم : طيب قوليلى بتحبى الورد
سما : قوى قوى
كريم : كويس والشيكولاتة
سما : ههههه دى السعاده كلها
كريم : يعنى المقوله ال طلعت بتاعت عاوز تصالح خطيبتك أو تفرحها هاتلها شيكولاته ههه صح
سما : صح هههههه
كريم : خلاص حاضر غالى والطلب رخيص
سما : أنا جبت فستان حلو قوى
كريم : وانا كمان جبت بدله يارب تعجبك
سما : اكيد هتعجبنى
كريم : قوليلى بتحبى الهدايا
سما : بص يا كريم أنا عاوزه اقولك على حاجه أنا بنت بسيطه جدا جدا يعنى مش زى البنات ال تحب هديه بمبلغ أو عندها شروط فى اى حاجه بالعكس أنا بكون مرضيه بكلمه حلوه ومعامله حنينه دى عندى بكل هدايا العالم والحمد لله عندى قناعه بأقل حاجه أنا بكون فرحانه وراضيه
كريم : انتى جميلة قوى يا سما
سما : بكره تتأكد من كلامى واصلا هساعدك فى كل حاجة وهبقه صاحبتك ومراتك وانا كمان هتكون انت صاحبى وجوزى وكل حاجه اجى اخد رأيك فيها ونعمل كل حاجة سوا
كريم : بتحلمى بكام طفل بقه
سما : اربعه ههههه
كريم : هههه اشمعنا اربعه
سما : علشان يكونوا فى ضهر بعض لما يكبروا واكتر من كدا هنفتح حضانه هههههه بس نفسى يكبروا وسط باباهم ومامتهم ونكون سند وامان ليهم ونخلى ضحكتهم على طول موجوده
كريم : ده احلى جو بيت واسره وأعتقد يوم الخطوبه هقرر نتجوز فى اسرع وقت علشان نلحق نجيب الاربعه دوول هههه
سما : ….
كريم : هههههه لما تفضلى مكسوفه كدا هنجيب ولادنا ازاى ههههه أنا خلاص قدام ربنا والدنيا كلها هبقه جوزك يعنى بطلى كسوف ههههه
سما : هحاول ههه
كريم : طيب هسيبك معلش دلوقتى وهكلمك بكره ان شاء الله وانا جايلك
سما : ماشى وتصبح على خير
كريم : خلى بالك من نفسك يا أم الاربعه هههه
سما : هههههه حاضر
——————–
بعد نص ساعه
—————
اسلام : الو الو
كريم : ايوه يا اسلام
اسلام : أنا اتصلت بيك اكتر من خمس مرات مبتردش ليه
كريم : فى ايه معلش كنت فى الحمام
اسلام : شوفت ال حصل
كريم بتوتر : حصل ايه ومال صوتك بيترعش ليه
اسلام : أنا مرعوب
كريم : فى ايه يا اسلاااام انطق
———————-
ياترى اسلام خايف من ايه ؟؟؟ وايه ال حصل مخليه مرعوب كدا ؟