رواية زوج واحد لا يكفي الفصل الثالث عشر 13 بقلم حنين الماضي

رواية زوج واحد لا يكفي الجزء الثالث عشر

رواية زوج واحد لا يكفي البارت الثالث عشر

رواية زوج واحد لا يكفي الحلقة الثالثة عشر

كريم : فى ايه يا اسلام ومال صوتك اتكلم
اسلام : جالى تليفون دلوقتى من احمد سعيد و و
كريم : اتكلم اعصابى باظت
اسلام : مش عارف اتلم على اعصابى اعمل ايه
كريم : طب اهدا كدا وفهمنى قالك ايه
اسلام : بيقول ان حصل حوار غريب جداً بين نورا ووليد
كريم : ما فى داهيه واحنا مالنا يكش يولعوا ف بعض
اسلام : اه معاك حق بس حضرتك متعرفش أن نورا اتبلت على وليد ولما استفزها راحتله تساومه أنه طلع أسرارها ليك انت فاااااهم الكارثه
كريم : استنا بس يا اسلام براحه وهو أنا هعرف منين حوارها مع وليد وانا مجبتش سيره معاها ولا حتى لمحت لحاجه !!! وانك انت المفروض ال عارف الحوار بعيد عنى صح ولا أنا حاجه واقعه منى ؟
اسلام : مهو هى اتصلت بيا بعد ما نهت معاك واستفزتنى بالكلام وقالتلى انى مش راجل وجبان وان عينى منها وعلشان كدا أنا كنت عاوزها تبعد عنك وطبعا أنا عنفتها جامد ووقعت فى كلامى علشان احرق دم امها وقولتلها انك انت عرفت كل حاجة بينها وبين وليد بالتفصيل وانا كمان ولما سألتنى وقالتلى كداب قولتلها هكدب ووليد نفسه ال بلغنا بقذارتك ف لقيتها قفلت وبصراحه أنا فرحت وقولت خلاص هتبعد عننا بعد ال أنا قولته لكن الكارثه راحت ل وليد مكان شغله واتخانقت معاه خناقه كبيره ووصلت للضرب وضرب الشرطه جت والهانم جابت اسمك وأسمى هناك واديتهم ارقامنا كمان وأحمد سعيد راح لوليد ولما عرف اتصل بلغنى
كريم : يعنى عمال تلوم فياااا وتقولى وقعت بسهوله وانت عرفت توقعك بالكلام يا جدع دا ينفع بردو ودا وقته لأى حوارات من دى
اسلام : اهو ال حصل بقه هنعمل ايه
كريم : انت شايف ايه هنتنيل نستنا حد يكلمنا ونروح ونقول ولا لينا علاقه بيها و خلاص وبعدين أنا المشوار بتاعى بكره ومش عاوز الدنيا تبوظ
اسلام : انت فاكر لما تنكر هيصدقوك بسهوله كده وبعدين نسيت اقولك وليد مرمطها ضرب لحد ما نزفت وأحمد بيقول وشها مدمر وحد من أهلها ظهر عمال يزعق وبيقول والله ما ساكت وهيجيب حقها
كريم : ظهر أهل دلوقتى هههه وكانوا فين وبعدين اسمع حتى لو نعرفها احنا مالنا بال وليد عملو فيها
اسلام : هو فى ايه يا كريم انت عقلك فين بقوووولك كدا وهى بتكلمنى شايفه ان احنا عملنا عليها ربطيه واستغلناها
كريم : استنا استنا مين استغل مين
اسلام : هو أنا بقولك علشان تدافع يا عم أنا بقولك ال وصلى
كريم : بقولك ايه احنا هنقول كانت زميله قبل كدا وخلاص
اسلام : لو حد كلمك عرفنى
كريم : ماشى سلام
————-
كريم قعد متوتر وعلى أعصابه من حوار القسم ومش واثق من كلام نورا عليه وخايف يلبس فى حوار مش بتاعه و ف نفس الوقت لو الشرطه طلبته هل هيتصلوا بيه فعلا ويطلبوه ولا هيحصل ايه وكان لازم يركز فى خطوبته علشان محدش يلاحظ حاجه
احمد سعيد : الو يا اسلام
اسلام : خير
احمد : مش خير ، للأسف نورا علشان تنقذ نفسها عملت بلاغ فى وليد وكريم وانت
اسلام بصدمه : انت بتقول ايه
احمد : قالت انكم رتبتوا على اغتصابها لما عرفتوا أن امها مسافره وان وليد وكريم زاروها فى البيت وهى اتفاجئت بيهم وحصل أن كل واحد نام معاها غصب اكتر من مره فى اليوم وانك انت ال كلمتها كنوع من تمهيد الزياره على أساس انكم زملائها وكدا
اسلام بتوتر : يا بنت الكلب يا
احمد : الموضوع كدا مش كويس خالص ولازم كريم يعرف ومعرفش اصلا ايه ال خلاها تجيب سيرة كريم بعد ما انفصلوا بقالهم فتره وليه تجيب اسمك انت كمان
اسلام : مش عارف علشان كدا أنا مستغرب احنا مالنا وتخليها فى خناقتها مع وليد لكن كدا هى بتخبط جامد واكيد واحده زى دى مش هنقدر عليها ولبستنا كلنا مصيبه اهو
احمد : مش عارف اقولك ايه لكن موقف صعب وشوشوره جامده
اسلام : طيب يا احمد معلش هقفل معاك واكلم كريم اعرفه الدنيا دى ونشوف هنعمل ايه
احمد: لو اقدر اخدم ف حاجه كلمنى اى وقت
اسلام : تسلم يا ابو الرجوله
————-
اسلام اتصل ب كريم بلغه بكل كلام احمد سعيد معاه وعرفوا كدا أن لازم يكونو جاهزين فى اى وقت لأى حاجه تحصل
———
يوم الخطوبه مساءا
——————-
وفاء : يلا قومى بقه أجهزى زمان العريس على وصول
سما : اه هو كلمنى وقالى ساعه ويكون هنا
وفاء : مبروك يا حبيبتى وربنا يتمملك على خير ، أما أقوم اشوف الاكل استوى ولا لسه وأكمل باقى الحاجه
بعد ساعه ونص وصل كريم وأهله لبيت سما
احمد خالها : اهلا وسهلا اتفضلوا
ابو كريم : اهلا بيكم
كريم : اتأخرنا
رفعت : لا دا اكتر معاد مفيش عريس بيتأخر فيه هههههه
كلهم : هههههههه
ابو كريم: هههه ربنا يسعدهم ونشيل اولادهم
رفعت : فى حياتك ان شاء الله
ابو كريم : طيب احنا مش هنطول عليكم وجايين النهارده بنطلب ايد بنتنا سما وكريم من كلامه عنها واضح انها بنت ناس ومتربيه وحاجه تشرف اى حد
احمد : الشرف لينا احنا طبعا
ابو كريم: واى طلبات انا أو كريم ان شاء الله هنحاول نجهزها لحد ما يقفوا على رجلهم ونعمل معاهم ال اهلنا عملوه ودى سنه الحياه
رفعت : اه طبعا ربنا يديك الصحه والعافيه
ابو كريم : الله يخليك يا راجل يا طيب ، يعنى لو مافيش اى اعتراض على كريم نقرأ الفاتحه
احمد : لا دا كريم يشرف اى عيله محدش يقدر يرفضه
رفعت : كريم أنا بوصيك على سما وانك تعوضها عن حياه هى اتظلمت فيها ودى امانه يا ابنى ووصيتى ليك
كريم : متقلقش حضرتك ان شاء الله هحافظ عليها
ابو كريم : طيب فين العروسه بقه علشان تقرا الفاتحه معانا
وفاء : حالا هجيبها
سما بخجل : سلام عليكو
الكل بفرحه : عليكو السلام ماشاءالله عروسه قمر وأدب واخلاق
ابو كريم : على بركه الله نقرأ الفاتحه
كلهم : ولا الضالين امييين .. الف الف مبروووك
كريم : الله يبارك فيكم بس كان ليا طلب
رفعت : خير
كريم : فى مشكلة ولا كتبنا الكتاب ودخلنا فى شهرين
رفعت : احنا معاكم بس رأى سما مهم بردو لو موافقه
سما بخجل ابتسمت وسكتت
احمد خالها : يبقه موافقه ههههه وكلنا معاكم لو فى اى حاجه
كريم : أنا شقتى موجوده لكن ايجار قديم وهى ٣ اوض وصاله و٢ حمام ومطبخ ، يعنى شوف حضرتك المتاح ايه وانا هكمل الباقى
احمد خالها : بص يا عريس احنا هنمشى بالأصول زى ما اهالينا عملو يعنى الشبكه دى هديتك لعروستك مش هنتشرط فيها والمطبخ علينا والتنجيد والمفروشات كلها بالسجاجيد واوضه وانت عليك الاجهزه كلها وباقى الاوض ومافيش مشكلة نشيل معاك الحمامات لو هتعمل سيراميك جديد
كريم : وانا مش هراجع وراك مفيش مشكلة اتفقنا
ابو كريم: الف مبروك وان شاء الله نفرح بيهم قريب ونعيش لحد ما نشيل اولادهم
وفاء : اتفضلو السفره جاهزه
ام كريم : ليه تاعبه نفسك ومكلفه نفسك كل دا
وفاء : ولا تعب ولا حاجه اتفضلوا
كريم : سما مش هتقعدى معانا
احمد : لو قعدت لا هى هتاكل ولا انت كمان ههههه مكسوفه بقه هههههه انت عارف البنات فى المواقف دى
كريم : هههههههه ماشى خليها عليا
—–
رفعت : مبروك يا سما أنا وصيته عليكى ودا مبلغ كدا شوفى المطلوب ف جهازك وهاتيه
سما : الله يبارك فيك يا بابا شكرا
نجاة : مبروك يا سما عاوزاكى تقولى لجوزك حاضر واوعى تعانديه وقبل ما يرجع من شغله تبقى محضره الاكل والحمام ولبسه وتبقه اوضته نضيفه واوعى تضيعى ادبك مهما حصل فاهمه
رفعت معجبوش الكلام وسابهم ومشى
وفاء : نجاة سيبى البنت تعيش بشخصيتها مش شخصيتك
نجاة : أنا بقولها علشان مصلحتها
وفاء بضيق : نجاة ولما دى الحياه الصح معمرتيش مع رفعت ليه قوليلى !!!؟ مش كل الرجاله ينفع معاهم كدا وكريم شكله حد متفتح وسما مش خدامه
نجاة : أنا قولتلها الصح وهى حره
سما بابتسامه : الله يبارك فيكى يا ماما عقبال اخواتى ويارب يعملو بنصيحتك
وفاء : مبروك يا سمسم وخلاص بقيتى عروسه قمر تعالى تعالى اأكلك اى حاجة لحد ما يخلصو ههههه بقولك ايه سيبك من كلام امك وعيشى حياتك بطريقتك
سما : حبيبتى يا خالتو
—————
كريم عن اذنكم ارد على التليفون
كريم : الو
اسلام : عارف انك فى خطوبتك بس جالى محضر البيت والمفروض اروح بكره
كريم : جالك البيت يا خبر اسود يبقه تلاقيه جالى وملقاش حد اكيد
اسلام : قولتلك طبلت على دماغنا خلاص
كريم : طيب هقفل معاك وساعه كدا واكلمك نشوف هنعمل ايه وكلم احمد سعيد لو وصل لحاجه
اسلام : ماشى يا كريم ماشى سلام
——–
تعليقاتكم وتفتكرو سما هتعرف حاجه عن موضوع نورا وكريم ولا لا ؟ وياترى كريم هيشيل التهمه فعلا مع وليد واسلام ؟