رواية حب أعمى الحلقة السادسة 6 بقلم ندى شريف
 |
| رواية حب أعمى الحلقة السادسة 6 بقلم ندى شريف |
رواية حب أعمى الحلقة السادسة 6 بقلم ندى شريف
وعد في الطريق عائده الى بيتها…
شاب يرتدي خوذه مخبأه وجهه و راكب الدراجه الناريه و وقف بجانبها…
_ القمر رايح فين ؟!
وعد غير مباليه له و ظلت تسرع…
الشاب و هو يلاحقها بالدراجه : توصيله طيب؟؟
ف صرخت وعد بأعلى صوت….
_ يا مجنونه
ثم ذهب مسرعاً و لكن كان هناك سائق سياره عندما سمع صوت الصراخ انتظر الوقت التي تمر فيه الدراجه أمامه و قام بإصطدام الدراجه و وقع الشاب مفترشاً الأرض…
ثم تجمع الناس حوله….و ألقت وعد نظره لفضولها و لكن عندما نظرت ندمت ندم شديد ثم ذهبت مسرعه نحو منزلها…
عندما وصلت المنزل…
وعد : مش هتصدقي ايه اللي حصل
سناء : مش ملاحظه ان كل حكاياتك مبقيتش تتصدق ؟؟
وعد و هي تضحك : طب بصي هحكيلك…..كنت ماشيه عادي روحت لاقيت واحد راكب موتوسيكل و لابس الخوذه دي و مغطي وشه و قعد يعاكسني….انا اسكت؟؟….لا طبعاً قومت صوت و لميت الناس عليه ف هو جري بالموتوسيكل بس كان في واحد ابن حلال معاه عربيه خبطه و لاقيتلك بقى الراجل طار و بعد كده الناس اتلمت اكتر….روحت بقى بصيت بصايه صغنونه خالص قد كده…..ف لاقيت بقى الناس قلعوه الخوذه…..و هنا بقى اتصدمت…عارفه طلع مين !!
سناء : مين؟؟؟!!
وعد و هي تضحك : زين
سناء بصدمه : احلفي
وعد و هي تضحك : زي ما بقولك كده
سناء : ده ايه اللي جابه هنا ده؟؟..طب هو كويس؟؟
وعد و هي تضحك : معرفش….و بعدين يستاهل….اصل مفيش حد يعمل الهبل اللي هو عمله ده
سناء : بتضحكي على ايه دلوقتي
وعد و هي تضحك : على مصيبتي
سناء بعصبيه : لا يا حبيبتي…شغل اللي هو انا بحب الاتنين و مش عارفه اختار انهي…..ده انسيه خالص
وعد : لا طبعا….بنتك عاقله….و بعدين انا لسه مقابلتش اوس عشان احكم عليه
سناء : اما نشوف يا عاقله
★★★★★★★★★★★★★★★
زين : آآآآآآآآآآآآآآآآآآآآآآآآآآآآآآآآآآآآه
اوس : انت كويس؟؟
زين بوجع : انت شايف ايه؟؟
اوس : ما المشكله اني مش شايف
كريمه : مين يا بني اللي عمل فيك كده؟؟
زين بوجع : تعرفي تعدي لحد كام…..آآآه
كريمه : يااااه….هم كتار للدرجادي !!
اوس : ايه اللي حصل طيب؟؟
زين حكاله بالتفصيل الممل….
زين : و بعد كده فين و فين لحد ما صعبت على الناس و خلوني اروح…..ده غير كنت مأجر حتة موتوسيكل جامد….و رجعته و هو متكسر الراجل قاللي هات فلوس قولتله معييش دلوقتي…و اداني حتة ضرب….قال يعني هي جت عليه…..و مكنتش قادر خالص و لاقيت رجليا مودياني عندك
اوس و كريمه فرطوا من الضحك…
زين : اضحكوا على أحزاني….اضحكوا
اوس : مانت اللي اهبل…نعملك ايه يعني
زين : كانت فكره زي الزفت
كريمه و هي تضحك : انا هروح اكمل الأكل
اوس : يعني انا يا متخلف اروح اقولك قابلها عشان تعمل كده
زين : مانا قولت اقابلها بطريقه مختلفه
اوس : المهم دلوقتي….هي عرفت انه انت؟؟
زين : معتقدش…. على ما اعتقد هي جريت على بيتها بعد اللي حصل
اوس : جدعه و الله
زين : هو انت معايا و لا ضدي؟؟
اوس : شششش بقى…….و انا كنت عمال اقول انا بقيت غبي ليه….طلع كله من صحوبيتك
زين : طب اعمل ايه تاني عشان اقابلها؟؟
اوس و هو يضحك : لا متقابلهاش خالص…..انا عايزك حي……أو لو هتقابلها قابلها مقابلة الناس الطبيعيين
زين : من عينيا…..هو انتوا طابخين ايه؟؟
★★★★★★★★★★★★★★★★
* يوم الجمعه..*
اوس على الهاتف : كان نفسي تيجي
زين : و انا و الله….بس زي مانت عارف….مش قادر خالص
اوس : عارف عارف
زين : جهزت يا عريس؟؟
اوس : آه خلاص و مستنيهم
زين : طب اسيبك انا بقى و متنساش اللي قولتلك عليه….مش عايز العروسه تضيع من ايدك
اوس : هقول اهو متقلقش
زين : تمام….مبروك يا عريس
اوس : الله يبارك فيك
ثم اغلق المكالمه….و ذهب لوالده…
اوس : بابا
محمد : اممممممم
اوس : انا بس عايزك تقول لماما و منار ميعملوش حركاتهم اللي كلنا عارفينها دي عشان عايز الليله تعدي…..عشان مش عايز كيد حموات النهارده
محمد : متقلقش…. من غير ما تقول
اوس بسعاده : حبيبي يا بابا…..ايه رأيك؟؟
محمد : احلى عريس في الدنيا
اوس بقلق : يا رب الليله تعدي على خير بس
★★★★★★★★★★★★★★★
عندما ذهب لبيت وعد كان ممسكا ب باقة ورد و والدته كانت تعاونه و منار كانت حزينه و ممسكه ب علبة الشوكولاته..
فقاموا بطرق الباب…
مصطفى قام بفتح الباب و سناء بجانبه…
مصطفى بالترحاب : اتفضلوا اتفضلوا
ثم دخلوا و جلسوا…
كريمه ظلت تنظر للشقه باحثه عن غبار ما لكي تصبح حجه لها….و لكنها لم تجد..
محمد : انا ملقيتش انسب من بنتكم ل اوس ابني
ف كريمه نظرت له بإستغراب..
مصطفى : ده شرف لينا طبعا…..عندك كام سنه يا اوس يا بني؟؟
اوس : 37
سناء نظرت له…
مصطفى : بتشتغل؟؟
اوس : انا بشتغل مدرس في مدرسه ذوي احتياجات خاصه باخد مرتب 6 آلاف في الشهر
كريمه بفخر و هي رافعه حواجبها : الحمدلله ابني بيعتمد على نفسه
سناء بإبتسامه : ده طبعا حاجه كويسه
سناء موجهه كلامها ل منار : انتي اسمك ايه؟؟
منار بإبتسامه بسيطه : منار
كريمه و هي مفتخره : دي منار بنت خالة اوس….شايفه قمر ازاي….ربنا يحميها يا رب
سناء بإبتسامه و بقلق : نورتونا و الله
محمد بإبتسامه : ده بنوركوا
كريمه بخبث : هي مش ناويه تطلع و لا ايه؟؟
سناء : حالا هتلاقيها
محمد : هو حضرتك بتشتغل ايه؟؟
مصطفي : دكتور عيون في العياده
ثم نهضت سناء و ذهبت ل وعد…
سناء : يلا
وعد : انا قلقانه اوي
سناء : بطلي دلع بقى
وعد بخيبه امل : حاضر حاضر
ثم ذهبت وعد إليهم و هي تقدم لهم العصائر…
محمد : عروستنا قمر بسم الله ماشاء الله
انشكح اوس عند سماع اباه يتلفظ بهذه الكلمات…
وعد و هي تقدم له العصير : اتفضل
اوس و هو يبتسم : تسلم ايدك
ثم جلست….
كريمه : انتي بتشتغلي ايه يا حبييتي؟؟
وعد و هي تبتسم : مترجمه
كريمه بخبث و سخريه : بتنقلي الكلام يعني
محمد بإبتسامه محرجه : ههه…..طول عمرها بتعشق حاجه اسمها الهزار
سناء بإبتسامه خفيفه : عادي عادي احنا عيله بنحب الضحك متقلقوش
محمد و هو ملطف الجو : اطلبوا اللي انتوا عايزينه و احنا ان شاء الله نكون في حسن ظنكم
مصطفى : اهم حاجه الشقه
اوس : بص حضرتك انا عندي شقه فوق شقة اهلي….مساحتها كبيره و ان شاء الله تيجوا تشوفوها…و اكيد هيحصل فيها تغييرات زي الدهان و الأثاث… و كله هيبقى على ذوق العروسه….هي بس تؤمرني و انا هنفذ….و انا لو اطول هجيبلها كل اللي نفسها فيه
مصطفى : ربنا يبارك فيك يا بني…يبقى خلاص الاسبوع الجاي لو فاضيين نشوف الشقه و بعديها بيوم ان شاء الله نقرأ الفاتحه
محمد : على بركة الله
★★★★★★★★★★★★★★★★
* بعدما وصلوا البيت… *
اوس بغضب : ممكن افهم ايه اللي انتوا عملتوه ده !!
يتبع..
لقراءة الحلقة السابعة : اضغط هنا
لقراءة باقي حلقات الرواية : اضغط هنا
نرشح لك أيضاً رواية ظلام الرعد للكاتبة فاطمة عيد.
