رواية زمزم قلبي الفصل الثاني والثلاثون 32 بقلم بيان الجارحي
رواية زمزم قلبي البارت الثاني والثلاثون
رواية زمزم قلبي الجزء الثاني والثلاثون
رواية زمزم قلبي الحلقة الثانية والثلاثون
عادت زمزم وبشرى للمنزل قبل أذان الظهر،ودخلت زمزم لتنام هاربة من الواقع
أما بشرى،فقد أخبرتهم بما حدث،وصدم الجميع.
رؤوف بقلق: هيطلعوا المهمة والليلة!!
بشرى: ايوا،خلينا من هنا لحد ما يرجع راجح والي معاه نحاول نهدي زمزم
زنود بقلق: يارب تعدي الي جاي على خير
بعد مرور ساعتان
وكان الوقت حينئذٍ وقت العصر،استيقظت زمزم وهي تصرخ برعب
جاء الجميع على صوتها،واحتضنتها زنود وقالت بقلق:حبيبتي اهدي،مالك في ايه
زمزم بدموع: راجح مش بخير،مش بخير،وانهارت من البكاء
إشراق بدموع وهي تحتضنها: اهدي يا قلبي،هو بهير،وهيرجع متقلقيش،ادعيله
بشرى بحزن: بس أهدي خلاص،متخفيش
خرج إيهاب من الغرفة،فتبعه الشباب،ثم قال: قلبي مش مرتاح،حاس انهم مش بخير
رؤوف بصبر: يا عمي اهدى ارجوك،كلهم هيكونوا بخير،لازم ندعيلهم بس
=====================================
:حان وقت التسليم
وقبل أن يتم أي شيء،دخل أحد الأشخاص الملثمين بسرعة وقال:تمت محاصرة المكان من قبل الصقر الجارح وعناصره
:ت..باً،كيف حدث هذا
فاجأه راجح عندما دخل بسرعة كبرى،ونظر له بأعين كالصقر وقال: يا لك من غبي،القي ما بيدك وإلا ستكون نهايتك هنا
رفع الآخر سلا…حه وقال: بل ستكون نهايتك،وأطلق رصا…صة صوب راجح لكنه تفاداها بمهارة واختبأ وراء احد زوايا الغرفة،بدأ الاشتباك بين الطرفين،إلى أن بقي راجح والطرف الآخر في الغرفة
دخل رأفت وزملائه،وحاصروا الطرف الآخر،وقبل أي خطوة،أطلق الطرف الآخر رصا…صة طائشة جاءت بكتف راجح
صرخ رأفت برعب على رفيقه،لكنه ما لبث أن تند بارتياح عندما وجده بخير،وأن كتفه المصاب فقط
راجح: خدوهم،والحكم عليهم المرة هيكون أعد….ام
خرج العناصر،بعد أن القوا القبض على رفقاء مازن،الذين كانوا يظنون بأنهم في امانٍ،وهم مختفين عن العالم
اقترب رأفت من راجح وقال بقلق: انت كويس
راجح بابتسامة هادئة: كويس الحمدلله،حد اتأذى؟
رأفت بابتسامة: لا الحمدلله اصا…بات سطحية،كلهم طلعوا قدها،تعال بس خلي الدكتور يشوف جرحك،بس مقلتش ليا،مين دا؟
راجح بهدوء: هقولكم كل حاجة في وقتها
خرج راجح ورأفت والشباب باتجاه المشفى،للإطمئنان على راجح وعلى بقية العناصر
=====================================
إيهاب بسرعة: دا تحسين،فتح إيهاب الخط وألقى السلام،ثم قال تحسين: عمي احنا بالمشفى،متقلقش محصلش حاجة،بس احنا هنا مع العناصر الي اتصا…بوا،لكن الحمدلله اصا…بات سطحية،على المغرب راجح يوصلكم
ثم أغلق الخط بعد أن شكره إيهاب،سمعت زمزم ما قاله تحسين،ابتسمت بفرح وسجدت لله سجدة شكر،ثم احتضنتها إشراق وقالت: قلت الك كل حاجة كويسة متقلقيش
زنود بدموع وابتسامة: الرعب الي اكلته بسبب صريخك هندمك عليه يا بت،ضحكت زمزم واحتضنتها بسرعة.
—————————————————————
السعادة التي غمرت قلوب الجميع وتحديدا قلب زمزم،لم يراها أحد من قبل،وقد اكتملت فرحتهم عند رؤية راجح أمامهم سالماً غانماً.
بعد العشاء
إشراق: الشاي
كان الجميع يجلس في غرفة المعيشة،بعد أن اطمأنوا على راجح،وتناولوا العشاء
كانت زمزم تنظر لراجح تارة والى كتفه تارة أخرى بحزن وحيرة،فقال رؤوف: طب يا عم قولنا مين دول،واعرفت ازاي انهم لمازن
نظر له راجح برفع حاجب وقال: ريح نفسك مش هقول،وزمزم حبيبتي متتعبيش نفسك انا مش هقولك
تنهدت بغضب وحزن وقالت: أستغفر الله العظيم،آحر كلام ليك
نظر لها راجح وقال: آخر كلام ليا،هتعملي إيه
أمسكت زمزم كأس الشاي وقالت بغيظ: هعمل ايه،هستنى لما اسمع انه معدش في خوف،وارجعي انه كتفك مصا…ب،بعدها ربنا يعينك
تامر: الله يرحمك يا غالي،بس قوليلي يا ماما ازاي متعصبتيش من راجح انه قال لتحسين انه مصا…ب،لو مكانك اقت…له
زمزم وإشراق بنفس اللحظة: بعيد الشر
رؤوف بصدمة: الله،ايه الهجوم الي صار دا،وايه القلق كله دا،معرفتكيش يا زمزم
وضعت إشراق يدها على كتف زمزم وقبلت رأسها ثم قالت: ملكش دعوة بيها،حقها تخاف عليه
تامر: ما شاء الله،ايه يا راجح باشا،فرحان دلوقتي
ضحك راجح وقال: يا عم سيبني في حالي بقا،متغاظ ليه مش فاهم
ضحك الجميع،ثم قال أحمد: على كدا الفرح مش هيكون الاسبوع الجاي
راجح: على سيرة الفرح،الفرح هيتم،لكن من دوني انا وزمزم،مش هعمل اي خطوة الا قبل ما اتأكد من نهاية مازن والي معاه
رؤوف: على كدا نأجل كلنا
زمزم بهدوء: مينفعش،دا غير كدا انا عندي شغل مع مجموعة من البنات علشان القرآن،يعني يمكن نطول،كل حاجة هتم عادي
تامر: بس يا زمزم…قاطعته زمزم بابتسامة: تامر قلنا خلاص
تامر وهو يقصد إغاظة راجح: قلب تامر،خلاص ماشي
نظر له راجح برفع حاجب وأمسك بالوسادة التي كانت بجانبه وألقاها عليه،وقال بغيرة: متعرفش تفضل ساكت!
ضحك تامر بصدمة وقال: لا مؤاخذة اهو حطيت لساني في بوقي
ضحكت زمزم وقالت: حرام عليك،ايه عمل
راجح برفع حاجب: والله؟!
زمزم بضحك: خلاص خلاص،اعمل الي تعمله بلاش النظرة دي،دائما تامر جايب ليا الكلام
ضحك الجميع عليها،وأكملوا جلستهم بسعادة تملأ قلوبهم.
=====================================
عند اذان الفجر
استيقظت زمزم،وتوضأت ثم صلت الفجر،وقرأت سورة البقرة ووردها اليومي،ثم جلست تتصفح على الهاتف
وبالصدفة ظهر أمامها منشور يتحدث عن المهمة التي كان بها راجح،وعن إصابته هو وبعض العساكر،وأنه سيتم إصدار الحكم الذي ستطلقه المحكمة على مازن ومن معه يوم السبت القادم.
زمزم: ربنا يستر،دا جزاء كل واحد يعمل كدا
ثم ذهبت إلى النوم.
في الصباح وبالتحديد عند الساعة التاسعة صباحا استيقظ الجميع ونزلوا للأسفل
كانت زمزم ترتب المائدة،لوضع الإفطار،رأت اخوتها فقالت: تامر روح نادي راجح من المكتب
تامر: مش رايح،روحي انتِ
زمزم بغيظ: تامرر روح بقا
احمد:روحي انتِ يا زمزم،بعدين بيعمل ايه بالمكتب،دا طول حياته شغل
زمزم برفع حاجب: احسن من بعض جماعة،اكل ومرعى وقلة صنعة
محمد بصدمة: الكلام متوجه لينا
إيهاب: في غيركم يعني هنا
زمزم: اهو إيهاب باشا قالكم الجواب
رؤوف: متزعليش من الي هنعمله
زمزم: متقدروش تعملوا حاجة،ومبتهددش،وابتسمت
اقتربوا منها اخوتها فهربت بسرعة من أمامهم،وذهبت لتنادي على راجح
جنان بضحك: جبانة،بس والله يا شباب ليكم وحشة ها،راجح باشا مش هيقبل انكم تهددوا زمزم ويفضل ساكت
رؤوف: اسكتي يا بت،جاية تطمنينا ولا تخوفينا
ضحكت جنان عليهم،وجلست تتحدث مع ورود
بمكتب راجح
دقت زمزم الباب فأذن بالدخول،دخلت زمزم وقالت بابتسامة: الفطار جاهز
رفع نظره لها وقال بابتسامة: جاي حالا
زمزم: الخبر الي عن مازن صح
نهض راجح وقال: قصدك عن موعد محاكمته وكدا،ايوا صح
تنهدت براحة وقالت: ربنا يستر ويكمل كل شي ء على خير
ثم خرجا إلى الخارج
رأتهم جنان فقالت: راجح،رؤوف والشباب هددوا زمزم،وأخبرته بكل ما حدث وهي تنظر لهم وتضحك
تامر بصدمة: رادار ولا ايه،اسطتي يابت
راجح لزمزم: مفيش حل،لسانك موديكِ في مشاكل دايما
زمزم بتذمر: وانا علاقتي ايه ها
راجح للشباب: هو ايوا طولها جاي بلسانها الي أطول منها،بس ميمنعش انه يكون في ليكم حساب،لو عملتوا ليها حاجة
زمزم بصدمة: انا لساني أطول مني
راجح: جدا،وأي كلمة تانية هسيبهم يعملوا الي يعملوا فيكِ
جلست زمزم بعد مجيء زنود ونهلة وإشراق وآينور وقالت: لا والله بجد شكرا يا حبيبي على وقفتك معايا
راجح: أي خدمة يا حبيبتي
ضحك محمد وقال: الوحيد الي بيعرف يسكتها نع انه بغيظها
نهلة بضحك: معاك حق
زمزم بهمس: اشوف فيك يوم يا محمد
محمد: بتقولي ايه
فزعت زمزم وقالت: لا بقول اشوف فيك يوم يفرحني ويفرحك يا محمد
جنان بضحك: بتكذبي ليه ها
زمزم: اسكتي،يا اختي اسكتي،هتوديني في دا…هية
ضحكت جنان وبشرى،وأكملوا تناول إفطارهم.
=========================≈===========
بعد تناول الانتهاء من تناول الإفطار
ذهب إيهاب لغرفته،ليستريح قليلا
أما إشراق وزنود ونهلة وآينور جلسن في غرفة المعيشة
وجنان والفتيات والشباب في الحديقة
بشرى:طب زمزم شوفي الفستان دا،حلو ازاي وبسيط زي ما انتِ عايزة
كانت زمزم والفتيات يتناقشن في فستان الفرح الخاص بزمزم،نظرت زمزم للهاتف حيث أشارت بشرى فقالت بملل: لا مش حلو
بشرى بغيظ: ودا ايه العلة الي فيه ها؟
زمزم: مش واسع ولا مناسب ليا
أزهار: عيني عليك يا راجح،شكله مش هيتعمل ليكوا فرح،دا الفستان العشرين الي مش عاجبها
ورود: طب بصي،دا حلو ازاي
زمزم: لا لا مش حلو أبدا،فيه ورود كتيرة
بشرى: هتم…وتيني اقسم بالله
رؤوف بصدمة: ربنا يكملك بعقلك يا رتيل ومتعمليش فيا كدا
بشرى: لا رتيل عاقلة،ومرجان بردو عاقلة،مفيش الا دي الي منشفة دماغها،هو صحيح راجح فين
زمزم بتذمر: بس يا رخمة،ما انا ملقيتش حاجة حلوة،ايه ذنبي ها،صح هو فين
جاء راجح بعد أن أنهى اتصاله،وجلس ثم قال: جايبين سيرتي ليه
بشرى: شوف بقا الهانم بتاعتك،مش عاجبها العجب،فوق العشرين فستان وولا واحد عاجبها
نظرت له زمزم ببراءة وقالت: والله ما ليا دعوة،بعدين بص انا محجبة ولازم اختار حاجة واسعة وهادية وجميلة علشان ربنا يرضى عني،يعني مش هنعمل موسيقى ولا اغاني علشان نرضي ربنا،نقوم نغضبه في شغلة اللبس،دا اولا
رؤوف: وايه تانيا
زمزم بابتسامة: تانيا مش لازم اختار فستان استاذ راجح مش شايف انه مناسب،وانا عارفة ذوق راجح
جنان بمرح: طب متقولي انك خايفة من غيرة راجح
زمزم: انتِ هنا من أيمتا ها
ضحك الجميع وقال راجح بابتسامة: لا كويس،ياريت تفضلي على عقلك دا،حافظة الدرس كويس،وعلشان انا عارفك هتجنني البنات معاكِ،اتفضلي دا رقم مصممة أزياء تقدري تكلميها وخليها تصمم الك فستان زي ما انتِ عايزة
ابتسمت زمزم بفرح وأخذت الرقم،ثم قالت بغيرة: لحظة،جبته منين ها؟وبيعمل معاك ايه
احمد بضحك: الحق نفسك بسرعة
راجح بضحك: يا بنتي متقلبيش،والله ما اعرفها،لكن من فترة كلمت ماما وقلت الها لو تعرف مصممة ازياء تصمم الك الفستان،فهي اعطتني الرقم دا وانا افتكرت الرقم اليوم
تنهدت براحة وقالت بشرى: دا ايه الدلال دا يا ست زمزم،اهو جا الي حل الك المشكلة
زمزم بضحك: انتِ متغاظة كدا ليه
بشرى بغيظ: ما انا خايفة ملقيش واحد يعاملني زي معاملة راجح ليكِ
زمزم:ولا هتلاقي اصلاا
تامر: اصلا!
بشرى بضحك: اكيد هتقولي كدا،مش حبيب القلب
وقفت زمزم بسرعة وامسكت هاتفها وقالت: أنا هروح اشوف رتيل ومرجان
وهربت للداخل بسرعة
ضحكت الفتيات وقالت جنان: كسفتيها كدا ليه
نظرت لراجح وقالت: الدنيا ماشية معاك يا عم،ثم قالت لجنان: رخامة والله مش أكثر
ضحك تامر وقال: معترفة انك رخمة يعني
بشرى بضحك: ايوا معترفة،زمزم رجعت،خير في ايه
زمزم بارتباك: اا رتيل و.ومرجان هييجن على الغدا
سحبتها بشرى جانبها وقالت:مرتبكة كدا ليه ها
زمزم: ها،انا لا وعلى ايه يعني
بشرى: متأكدة
زمزم بغيظ:بت ابعدي كدا وايوا متأكدة،احم راجح
رؤوف بترقب: دي بتتكلم بهدوءمع راجح،معرفتكيش يا ضنايا
ضحك راجح وقال: بس اسكت،ايه يا حبيبتي
غمزت لها بشرى فقالت زمزم: اقسم بالله ثواني وأم.. وتك يا بشرى،يارب تتجوزي يا بشرى بس غلطان اوريكِ نجوم الضهر بعز الليل،المهم جنان يبدو نسيت تلفوني جوا روحي جيبي ليا ممكن
ركضت جنان للداخل بينما قالت زمزم: عايزة اجيب حاجة لجنان يعني هدية،ومحتاجة اروح اي مول
وبشرى: مناسبة،ولا عادي
زمزم: لا لا عادي
راجح: مين الي هتروحي معاه
زمزم: المرة محتاجة وجودك لانه طبعا انتَ بتفهم مش زي بعض جماعة،ونظرت لبشرى
جاءت لاتمسك بها بشرى،فهربت إلى جانب راجح وهي تقول: اهدي بس اهدي،متتحوليش
بشرى:انتِ يعني هتفضلي جنبه،مصيرك تبعدي،ساعتها هقت…لك يا زمزم،مالهم بالله بغض الجماعة الي مش عاجبينك دول
ضحكت زمزم وقالت لراجح: ماشوف اختك،ساكت ليه
راجح:اختي مين معلش
بشرى بضحك: باعك في ثواني
راجح بضحك: بس متسمعيش ليها،مشهاقدر تعملك حاجة،ايوا مقلتيش ايه الوقت المناسب علشان تنزلي
قبل أن تجيب زمزم جاءت جنان وأعطت الهاتف لزمزم ثم عادت للداخل وصعدت لغرفتها كي تنام،فأجابت زمزم: قبل فرح المجانين دول بكام يوم،علشان يعني تكون ارتحت
ورود: لا حنينة أويي
راجح بضحك: انتوا مالكوا مسكتوها كدا ليه،بعدين يا ستي انا رايح اليوم اشوف تلفوني ماله،ننزل اليوم عادي
زمزم وهي تنظر لورود: عارفة لو عديت للتلاتة ولقيتك قدامي انتِ وبشرى وأزهار،الشب…شب على وشك،قدامي على المطبخ نعمل حلو لجنان
لم تكمل زمزم كلامها حتى ركضن بسرعة للداخل،ضحكت عليهن وقال رؤوف: مسيطرة
زمزم بغرور متصنع:عارفة،ثم ضحكت ودخلت بسرعة ورائهن.
تامر: مش مصدق انه زمزم وأخيرا بدأت حياتها تتيسر يا حبيبتي يا زمزم
رؤوف بابتسامة: بقولك ايه،قوم من هنا،احسن ما راجح يعلقك
تامر بضحك: لا مؤاخذة يا حبيبي،آسفين
راجح: قوم من قدامي يا تامر،ربنا يعينها الي هتاخدك
تامر بغرور متصنع: دا نيالها فيا
راجح: قال نيالها قال،وضحكوا جميعا.
=====================================
في المطبخ
دخلت زمزم المطبخ بعد أن رأت والدتها،ثم وقفت بصدمة،فقد كان حال المطبخ وكأنما هناك غز..و فضا…ئي غز…اه
زمزم بصدمة: ايه الي حصل هنا،ايه كل الدقيق الي على وشكن دا،وايه كل الأغراض دي الي مطلعاتها،والشوكولاتة بتعمل ايه على هدومكن،احنا هنعمل كيكة مش….ثم توقفت عن الكلام عندما اقتربن منها،رجعت للخلف بخوف وقالت: الله يهديكن اهدن بس،خلاص اعملنا الي تعملنه،يا مامييي،وهربت خارج المطبخ،ركضن خلفها وقالت بشرى: هتروحي فين ها،انا ليا حساب معاكِ،نسيتي ولا ايه
زمزم وهي تضحك وتركض: حساب ايه يا بشرى،اهدي بس،وسيبي الي في ايدك دا،لاحقاني بالدقيق ليه هاااا
خرجت زنود وإشراق وآينور ونهلة ورأينهنَّ على هذا الحال،ضحكت نهلة وقالت: مالكن في ايه
أوشكت بشرى على إمساك زمزم لكنها هربت بسرعة في اللحظة التي دخل فيها الشباب
بشرى: لو قر…دة مش كدا،اثبتي يا بت،بنات امسكوها،وليكن عندي عزومة حلوة
زمزم: اوعن اوعن تقربن مني
ورود: على عيني والله،بس الشغلة فيها أكل
تامر: في ايه يا مجنونات
بشرى: في ليا حساب عند الست زمزم مش ههدأ قبل ما اخلصه منها،وداخلة المطبخ تقول ايه الي عملاته دا،ايه فهمك في الطبخ بس
ركضت زمزم واختبأت خلف راجح وقالت بعد أن نظرت لها: طبخ!!! دا الي هياخدك انتِ والي معاكِ امهم داعية عليهم،قالبات المطبخ وكأنه غز..و فضا..ئي غز..اه
بشرى بضحك: بت انتِ لسانك ظهر دلوقتي،مش من شوية قلتي اعملن الي تعملنه بس ابعدن عني،ولا خلاص بوجود حبيب القلب مفيش خوف
زمزم بغضب طفولي وهي تقف أمامها: تصدقي انك قليلة أدب،ايه دخلك ها
أمسكه راجح وهو يضحك ثم قال: بس تعالي هنا،هتق…تلك يا بنتي
بشرى بضحك وهي تقترب منها: بالله مش معايا حق با شباب،ولا ايه رأيك يا نهلة
زمزم بغضب طفولي لتخفي إحراجها وخجلها: بت بت اسكتي خلاص،واه بعدين معاكِ حق،وانتِ مالك ها،وبعدين تسكتي وإلا هخليكي تشوفي وجهي التاني،ها ولا مش ها
ضحك الجميع على غضبها،وقالت بشرى: خلاص خلاص،اهدي،بس مش ها
زمزم: رخمة،عندك عقو…بة انتِ والبنات،روحن رتبن المطبخ قبل ما رتيل ومرجان ييجن،يلا اتفضلن
ورود: عقو…بة!!
زمزم بحدة متصنعة: ايوا،يلا قدامي
أزهار: مسيطرة زي راجح باشا
بشرى: طبعاا،مش قرة عينها
زمزم بصراخ: والله يا بشرى ما هينضف غيرك،ورود وأزهار،عليكن الغدا
بشرى بصدمة: منك لله يا عدوة زمزم،لو قولت ساكتة افضل
زمزم: تستاهلي
ورود: واحنا نعمل إيه
زمزم ببرود: عدي ادخلن اعملن السلطة،لحد ما الهوانم يطلبن حاجة
أزهار: ليه حاسة انك بتشبهي مرات أبو سندريلا
زمزم باستفزاز: لا ما انا هي فعلا،يلا بلا كترة كلام
دخلت الفتيات المطبخ والباقي يضحك،فقالت زمزم: ناس متجيش الا بالعين الحمرا والله
تامر بصدمة: قوية،مالك صايرة قوية كدا ليه
زمزم برفع حاجب: نعم يا تامر،في ايه
سبقه راجح عندما قال: اخرس،انت مستغني عن نفسك،هتخليك تدخل تساعدهن دلوقتي،فخليك ساكت
زمزم ببرود: أهو قالك
تامر بمرح: لا وعلى ايه،اهو سكت
زمزم: راجح هتنزل دلوقتي؟
راجح: ايوا
زمزم: ثواااني،وجاية
صعدت للأعلى بسرعة بينما قالت إشراق: على فين
راجح: زمزم هتقولك بعدين
جاءت زمزم وقالت: ايوا ايوا يا حبيبتي هقولك بس ارجع،متبصيش كدا يا نهلة،هقولكن كلكن كوبس كدا
ضحكت زنود وقالت آينور: روحي يا حبيبتي،سيبك منها بس
زمزم: قلبي والله،سامعة يا نهلة
نهلة:والله يا قلب نهلة،نفسي تحترميني مرة،بس يلا هسامحك علشان مليش غيرك لما احتاج مساعدة
زمزم: مصلحة!! ثم ضحكت وخرجت مع راجح
=====================================
في منزل رتيل
نزلت رتيل من غرفتها وتوجهت لغرفة المعيشة فوجدت أولاد أعمامها وأمهاتهم والجدة اسمهان
ألقت الصباح ثم قالت: شباب العيلة سرحانين في ايه
صباح: سيبيبهم باين اوي انهم عشقانين
رتيل: مين مين
سماح: الله أعلم
وائل: عشقانين ايه بس
رأفت: رتيل انتِ مش هتروحي لبيت عمي إيهاب،روحي بقا
رتيل: ماشي،على كلن انا اعرفت مين البنات،يعقوب ايوب،عايزين حاجة
يعقوب: لا وروحي يلا
أيوب: ايوا ومترجعيش
رتيل بصدمة: مالك يا حبايبي في ايه
أسمهان بضحك: سيبيبهم زعلانين لأنك هتتجوزي وتسبيهم
ضحكت رتيل وحتضنتهم بحنان ثم قالت: طب لو جبت ليكم حاجة حلوة او هدية ترضوا؟
يعقوب: ايوااا
رتيل: يبقا تقعدوا هاديين من هنا لحد ما ارجع المسا وهجيب ليكم هدية
ايوب: ماشي ماشي احنا هاديين أهو،صح يا يعقوب
يعقوب: ايوا صح
قبلتهما من جبينهما ثم ودعت العائلة وخرجت،حيث أتى رؤوف ليأخذها
ركبت بجانبه وألقت السلام ثم قالت: آسفة تأخرت،بس على ما راضيت ايوب ويعقوب
رؤوف: معلش،مالهم
رتيل بضحك: قال زعلانين لاني هتجوز واسيبهم،افكر اغير رأيي علشانهم
رؤوف بغيظ: قال تغيري رأيك قال،يزعلوا شوية وانا اصالحهم،بس يسيبوكي
ضحكت رتيل،وقالت: أخبار البنات ايه،وزمزم،البت وحشاني اوي مكلمتهاش امبارح،واخوك عامل ايه بعد الاصا…بة
رؤوف: كويسين الحمدلله،وأخبرها بما فعلته زمزم مع الفتيات،ضحكت بشدة عليها وقالت: خسارة لازم شفتها وهي متعصبة،ثم عادت تضحك
ضحك رؤوف،وأكملوا حديثهم لحين أن يصلوا.
=====================================
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية زمزم قلبي)
