رواية رفيف الحب الفصل السادس عشر 16 بقلم كالغيم
رواية رفيف الحب البارت السادس عشر
رواية رفيف الحب الجزء السادس عشر
رواية رفيف الحب الحلقة السادسة عشر
بيدخل اسلام العربيه وبيغير وبيخرج وهو راضي جدا عن شكله وبيكون حبيب باصص عليه بقر*ف وعاجبه الاستايل التاني اكتر
وبيكون اسلام لابس تيشرت اوڤر سايز مينت جرين وعليه بنطلون دارك جرين
اسلام//ايوة كده يااعم مش استغفر الله العظيم اللي كنت عاوزني البسه
حبيب//امشي امشي قدامي
♡•••••♡
يارا//بس كده فل اوووي زي القمر
اسماء//بجد حلو ولا اغيره
يارا//والله العظيم حلو اقسم بالله تحفه
اسماء//امممم ماشي
يارا//انزلي بقي لعيسي قبل ما يطلع يحد*فك من هنا ونخلص
اسماء//بس انا حاسة ان لو
يارا//متحسييييش يلااا
بتز*قها يارا بسرعه قبل ماا تكمل كلامها عشان تمشي
♡•••••♡
اسلام//حاسس ان اتاخرنا سيكا
حبيب//لا ولا اتاخرت ولا حاجه يلا انزل و وحياااة امك حاول تكون لطيف لما تقعد معاها
اسلام//هو انا ها*كلهاا
حبيب//لا بس هي مش واحد صاحبك لازم تكون جنتل شويه
اسلام//حاضر
حبيب//ولو بقيت معترض علي حاجه عيسي قالها حاول توزن الامور عشان المواضيع دي بذات لو اتقالت بشكل قل*يل الذوق كانك بتق*لل منها هتتفهم كده ف وضح ان معندكش مشكله تجبلها اللي عوزاه واكتر كمان بس لو ظروفك تسمح وان كل حاجه بالمعقول عشان عيسي هيس*لخك
اسلام//حااضر
حبيب//وتكلمني هتقولي عملت ايه ولو عوزتني اديني رنه هتلاقيني في الكرسي اللي جمبك
اسلام//حاضر مع اني اصلا مش فاهم ليه نتقابل في كافية
حبيب//عادي في ناس بتفضل انها في الاول تتقابل بره
اسلام//ايوه بس ده كده هنتقابل وهنتفق وبعدين احنا ساكنين فوق بعض وهو صاحبي ولو هو كان شايف ان نتقابل بره احسن هيقابل عمران في بيته ليه مش حاسس انه عادي بس ماشي
حبيب//عيسي مش بتاع حركات ممكن يكون فعلا في سبب او شايف ان الكافية افضل لانه مكان عام هيقلل التو*تر علي اخته شويه الوضع بينكم هيكون مريح
اسلام//يمكن
حبيب//يلا بقي روح واخلص
♡•••••♡
اسماء//مش ده المكان اللي المفروض نتقابل فيه
عيسي//ااه عارف هنقعد هنا شويه وبعدين نبقي نروح الكافية فين المشكله
اسماء//انت قاصد تضيع وقت عشان نتاخر صح
عيسي//كويس طلعتي بتفهمي
اسماء//انت قولت لماما اي
عيسي//ولا حاجه قولتلها اسماء واخده اجازة هاخدها نتمشي شويه قبل ما نروح لعمران
اسماء//بس كده
عيسي//بس كده الموضوع بسيط
اسماء//تعاله نجيب درة
عيسي//تعالي،،،،،حلو الدريس ده
اسماء//بجد كنت بفكر اغيره اصلا
عيسي//لا شكله جميل
بتقتنع اسماء لانها بتكون واثقه في كلام عيسي وبتشتري دره وبتقف تاكلهاا وبيكون عيسي واقف جمبهاا ماسك الفون وبيلعب بتقسم الدرة نصين وبتمد ايدهاا ليه
اسماء//تاخد طعمهاا حلو
عيسي//ناخد ياست عشان خاطرك رغم ان ماليش فيها
اسماء//هتعجبك اووي النوع ده حلو
عيسي//هي الدرة بقت انواع
اسماء//اااه النوع ده مسكر بحس ان فيه عسل واغلا التاني ممكن يبقي مسكر وممكن لا وكمان طعمه وشكله مش زي ده
عيسي//حاسس ان كده كفايه عليه يلاا
اسماء//تصدق كنت قربت انسا احنا نازلين ليه
♡••••♡
بيكون اسلام قاعد ماسك الفون وعارف ان عيسي هيتاخر بيكون طلب قهوة وقاعد وبيدخل عيسي وبيشوفو بس اسلام مش بياخد باله لحد ما عيسي بيقرب
بتكون اسماء مصدو*مه من الصدفة اللي حصلت وانهم عاملين ماتشنج مع بعض ولابسين نفس الالوان
اسلام//كل ده انا كنت بفكر اجيب الويتر نرغي مع بعض شويه لحد ما تيجي
بتكون اسماء قاعده مبصتش لاسلام ولا مره وبتتجنب انها تبصله ومركزه مع عيسي لحد ماا الموبايل بتاعه بيرن وبيكون حبيب وبيكون عيسي واخد باله ان عربية حبيب واقفه بره بيرد وهو قاعد
عيسي//اكيد يعني مش واحشك
حبيب//مش بترد بسرعه ليه يلاا
عيسي//عاوز اي اخلص
حبيب//انا واقف بره اطلعلي عوزك
عيسي//انت عبي*ط يلا
حبيب//انت كده كده هتقوم ف قوم دلوقتي علي الاقل معاك حجه يلا مستنيك
بيقفل عيسي معااه وبيبقي مش عاوز يقوم بس طبيعي هيسيبهم عشان يتكلموا بيقوم وهو مش طا*يق نفسه وبيكلم اسلام بغ*يظ
عيسي//هطلع اشوف حبيب عاوز اي
بيخرج وبتكون اسماء قاعده عوزه تطلع وراء عيسي وبتتو*تر جدا لما بتلاقي نفسها قاعده معااه لوحدها وبتحاول تخلي ايدهاا تحت الطربيزة عشان ميبنش انها متوتره بس اسلام بيفهم وبياخد باله وبيبدا كلام ب اي حاجه تشتت انتباها عشان تنسي توتر*هاا شويه
اسلام//القهوة اللي هنا مش احسن حاجه احنا عندنا في الشغل عم محمود بيعمل قهوة لو جربتيها هتروحي مخصوص عشان تشربيها من عنده وتمشي انتي بتحبيها بس الاول ولالا
اسماء//اه بحب القهوة
اسلام//والصبح بذات
اسماء//جربت تاكل جمبهاا كيك شوكولاتة
اسلام//لا بصراحه لان بعملهاا لنفسي ومش بعرف اعمل غيرها فا*شل شويه في المطبخ
اسماء//لما اعملها هبقي ابعتلك تجربها هتعجبك جدا
اسلام//شكلك بتحبي الحلويات
اسماء//اااه جدا بس مش بحب اشتريهاا من بره لان بقر*ف عموما من الاكل الجاهز يعني شايفه ان مفيش احلا من الاكل البيتي وبعدين بتدي اجواء لطيفة اووي
اسلام//بتحبي البيت والاجواء دي
اسماء//اه جدا بتحس فيها روح جميله
اسلام//طيب ليه بتشتغلي
اسماء//بحب اتعلم اكتر من حاجه واجرب حجات مختلفة عشان كده فكرت اجرب انزل شغل
اسلام//وناويه تكملي فيه
اسماء//مش عارفه لسه بفكر بحب ارتب اولوياتي الاول كل فتره واشوف
اسلام//تفتكري اي اهم الشغل ولا البيت
اسماء//تختلف لو بنت متزوجه يبقي البيت
بيقدر اسلام يخليها تخرج من التو*تر وتتكلم عادي وبتنسي انها كانت متو*تره اصلا وبتاخد عليه وبتتكلم براحتها بتحس براحه وبتقول رأيها بسهوله وبيعرف اسلام يخلي الكلام بينهم اسئله غير مباشره يقدر يفهم شخصيتها منها
اسماء//يعني انت شغلك مفيهوش بنات؟
اسلام//فيه بس قليل
اسماء//بس شغلك لذيذ انك تشتغل في العربيات انت اللي اخترت تدرس كده وتشتغل فيهم ولا جت معااك صدفة
اسلام//لا انا كنت عاوز ادخل هندسه واخترت التخصص ده لان بحبه
اسماء//مجربتش تسافر تشتغل بره
اسلام//جاتلي كذا فرصه اسافر بس مسافرتش عشان رضوي
بتكون قاصده تساله السؤال ده عشان تفتح معااه سيرة رضوي بشكل غير مباشر لانها عارفه انه مسافرش كذا مره عشانها وعشان تفهم ممكن بعد كده يسافر ولالا
اسماء//بكرة رضوي تتجوز وتعرف تسافر
اسلام//معتقدش
اسماء//ليه ما هي هتكون اتجوزت
اسلام//لان لو سافرت هبقي لوحدي ولو حصل نصيب مش هاخدك معايا
اسماء//حابه اعرف وجه نظرك يعني ليه متروحش لوحدك
اسلام//بالنسبالي الجواز اكبر بكتيرر من نظرتناا البسيطة عنه يعني ربنا قال عليه ميثاق غليظ هما اتنين بيعيشوا مع بعض يكملوا بعض مش كل واحد فيهم يروح في مكان ويسيب الطرف التاني لوحده يبقي لازمتها اي لما كل واحد هيحتاج التاني مش هيلاقيه طبيعه البني ادم انه بيحتاج حد اقرب ليه من امه وابوه مش بلاقي تعبير ادق ليهاا من قول الله (ومن آياته أن خلق لكم من أنفسكم أزواجا لتسكنوا إليها وجعل بينكم مودة ورحمة)
الاية فيها حجات كتيره جدا مهمه بس من ضمنهم ان السكن مش بيجي غير بالموده والرحمه مش الحب وتختلف لان الحب مع الوقت بيروح لكن الموده والرحمه اعمق بكتير وبتفضل بين الطرفين وبتحل مشاكل كتيره
اسماء//عجبتني فكرتك
اسلام//بس تعالي هنا انتي معندكيش مش*كله لو سافرت
اسماء//عادي فين الم*شكله ما كده كده رجلي علي رجلك خلينا نلف بلاد الله ياراجل
بيضحك اسلام علي طريقتها وبيكون فاهم ان سؤالها من الاول عشان تفهم وضعها معااه اي
اسماء//رضوي اصلا لو فكرت تسافر مش بعيد تقت*لك
اسلام//هي رضوي مش صغيره الفكره انها هتكون لوحدها وهي مش بتحب كده
اسماء//ليه ما ممكن انت تتجوز قبلها وقتها هتقعد لوحدها
اسلام//معتقدش ان ممكن اتجوز قبلهاا لان مش هينفع اسيبها لوحدها
اسماء//وافرد هي قعدت كتير دي حتي مش مخطوبه مثلا وقربت تتجوز
اسلام//وممكن متقعدش الله اعلم
اسماء//بس شكلها بتغي*ر اووي عليك
اسلام//تغ*ير!! لا رضوي مش بتغير هي بتخاف اتجوز واسيبها
بتبصله اسمااء وهي تعبيرات وشها متغيرة اتغيرت بين الضحك والفرحة اللي كانت باينه ومش عارفه تداريهاا من مجرد فكره انها مرتحااله للجد والكلام الغير قابل للنقاش عينيها اللي مفيهاش اي تعبيرات تتفهم
اسماء//لا بتغير عليك مفيش ست مش بتغير علي راجل يخصها حتي لو قالت عكس كده الا لو مش فارق معاها
اسلام//انتي قولتي يخصها يعني جوزها مثلا ف طبيعي جدا غير*تهاا عليه انما اي علاقه تانيه اخ ابن اب معتقدش
اسماء//او لو هي حاسه ان يخصها ملكية خاصه وقتها بتغ*ير وبتحس ان مينفعش حد تاني غيرها يكون موجود
اسلام//كل ده كلام نقوله علي ست وجوزها بس
بتبصله اسمااء وبتضحك بسخر*ية انه ازاي مش واخد باله ان رضوي بتغ*ير عليه وبيكون هو فاهم قصدها كويس بس بيحاول ميثبتش كلامها عشان ميبقاش في فكرة سيئه بينها وبين رضوي او تفهم ان ممكن يتقبل الامر وانه عادي بس بيحس انها اضا*يقت او في حاجه من شكلها مش عجباهاا او بتفكر في حاجه بيحاول يوضحلها االامر بالنسباله عشان متقلقش
اسلام//رضوي اختي وغالية جدا علياا انا اللي ربتها طبيعي جدا احساس المسؤلية اتجاها وان مقدرش اتجوز قبلها ولو عملت كده اعتقد ان انتي اصلا وقتها هتحسي اني شخص مينفعش يكون في آمان جنبه ازاي هسيب اختي في بيت لوحدها تفتكري لو عيسي خدك تخرجوا سواء وسابك في مكان بعيد بليل ترجعي لوحدك هتحسي ان ينفع تعتمدي عليه تاني او تخرجي معااه لوحدك هتحسي انه شخص مالوش آمان نفس الحاجه
ومفيش مقارنة ابدااا بين اختي ومراتي مينفعش يكون في اصلا
يعني تفتكري لو اتجوزها وقولتلك انا ولا عيسي تختاري مين
اسماء//مفيش مقارنة اصلا
اسلام//تفتكري لان مفيش مقارنة بينا ده يخليكي تقصري معايا ااو تتخا*نقي معايا بسببه
بتفهم اسماء قصده اي وبتحسباله نقطه زيادة لصالحه لانه اختار يوضح الامر ومسبهاش تفكر في رده مع نفسها
وبتكون عجباها طريقة توضيحه ليها وانها بيقولها بشكل غير مباشر انه عمره ما هيجي عليها او يتخا*نق معاها بسبب رضوي وبتفهم انه بيحاول يوزن الكفتين عشان هي متحطش فكرة سيئه عن رضوي في دماغها وكلامه بيريحها شويه
بيدخل عيسي وبيقعد وهو بين*هج
اسماء//مالك انت كنت في حر*ب
عيسي//كنت بجري وراء حبيب ابن المؤمنين هكمل حسابي معاه بعدين
وبعدين بيبص لاسماء وبيكون حاسس انهم متفقين وان توترهاا راح
عيسي//قبل ماا كل واحد يفكر في كام حاجه كده عوزين نتفق عليهاا عشان تحطها من ضمن تفكيرك مناسبه معااك علي بركه الله مش مناسبه كان الله في العون
اسلام//ابهرني
بيتكلم عيسي من غير ما يبص لاسماء اللي بتكون عارفه شروطه اي ومتابعه رد فعل اسلام
عيسي//اولا لو حصل وربنا تتم علي خير هنحدد فتره معينه للخطوبة متز*علش مني كانت رضوي اتجوزت او لا المعاد مش هيتغير
اسلام//اولا مرفو”ض ثانيا بقي اي
عيسي//مع الاسف والله انا عندي الباكدچ يتاخد علي بعضه
اسلام//عيسي انت فاهم انت بتقول ايه دي حاجه انت متقبلهاش لو مكاني يبقي متحطهاش شرط علي غيرك وانت عارف ان مش هيحصل
عيسي//وانا مش هقعد اختي جمبك دي مفيهاش ز*عل انت خا”يف علي اختك وانا مش هحط اختي في موقف زي ده هما الاتنين زي بعض مش هقعدها وهي مستنياك لمدة مجهوله
اسلام//انت ليه مش فاهم ده مينفعش انا لو اتجوزت هي هتقعد لوحدها ازاي ده
عيسي//اانا مش هحط مده قليله وبرضو مش هزودها
اسلام//خلاص احنا نحط حل وسط نحدد فترة الخطوبه ولو كانت رضوي قربت تتجوز نأجل حاجه بسيطه فضلها شويه تقعد معايا
عيسي//ما ده بقي ثانيا ان اختك متقعدش معااك بص يا اسلام عشان منزعلش حط نفسك مكاني انت فاهمني كويس انت مش هتحب تحط رضوي في موقف زي ده وجودهم مع بعض غلط وانت فاهم كويس ليه لو هما بيتفقوا كنا قولنا معلش فترة وتعدي انما اختك عرفت من هنا وبدات تضا*يقها من هنا وانا مش هديك اختي عشان اختك تضا*يقها وقتها هاخد اختي ومش هتشوفها تاني
بيبص اسلام لاسماء وهو مستغر*ب وبتكون بتتجنب انها تبصله خالص
اسلام//ضا*يقتها امتي اصلا لما الموضوع كله بقاله فارة بسيطه جدا
عيسي//اسأل اختك واسالها قالت اي وفكر براحتك ولما ترد عليا وقتها هنفكر
بالنسبة للدهب مقولة ده هدية من العريس للعروسه ده عند خالتك انا عاوز 5غوايش والدبلة طبعاا والاتنين عيار24
اسلام//انت عارف انت كده طالب دهب بكام
عيسي//اااه عارف
اسلام//اانت لو قاصد تخليني اطف*ش مش هتعمل كده ده كتير اووي اوووووي فوق المعقول
عيسي//وهنكتبهم في القايمة ان شاء الله
اسلام//كمااان لا بص اانا هحسب الفلوس اللي معايا ونشوف تجيب اي لكن كده مينفعش ده كتير والقايمة دي حجات انتوا جايبنها الدهب هي اللي جيبااه
عيسي//ده اللي كل النااس بتعمله
اسلام//كل النااس بتجيب5غوايش
احنا كده مش هنتفق بربع جنيه
عيسي//بالنسبة للشغل
اسلام//خير ده كمان عاوز منه اي
عيسي//انا مش هوافق نكتب الا وانت مستقر في شغلانه جو فرقع لوز ده مش عاجبني
اسلام//الصبر يارب
عيسي//لو اتفقنا علي دول يبقي ان شاء الله الباقي سهل متفقنااش ولا كان حاجه حصلت ولا كأننا قعدنا وخلاص
لو يوم الجمعه عدا هعتبر الموضوع انتهي
اسلام//وتا*عب نفسك وهتستني ليه هو انت بكلامك ده هنتفق اصلا
بياخد اسلام حاجته وبيمشي وهو مضا*يق جدا وعيسي بيفضل مصمم ومش مستعد يغير اي شرط وبيكون اسلام نوعا ما فاهم عيسي وانه خا*يف عليها بس ده فوق طاقته وطلباته كلهاا صعب*ه وكانه بيعجز*ة
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية رفيف الحب)
