رواية رفيف الحب الفصل السابع عشر 17 بقلم كالغيم
رواية رفيف الحب البارت السابع عشر
رواية رفيف الحب الجزء السابع عشر
رواية رفيف الحب الحلقة السابعة عشر
بيوصل عيسي اسماء وبيسيبها ويمشي بتكون يارا شافتهم من البلاكونة بتطلع تستني اسماء علي السلم وهي قلقانه يكون حصل حاجه بتتاكد لما بتشوف اسماء طالعه سرحانه مش واخده بالها اصلا من وجودها
يارا//انتوا ضر*بتوا بعض ولا اي
اسماء//هااا؟!
يارا//هي وصلت ل هااا!! مالك
بتبصلهاا اسماء وبتكون جابت اخرهاا من محاولة التظاهر قدام عيسي انها عادي وبتاخد يارا بالهاا انها مش تمام ف بتحاول تخفف عنها عشان تفهم حصل اي وبتحضنها بس اسماء بتع*يط جامد لدرجة ان يارا قل*قها بيزيد وبتخا*ف عليها وبتخليها تدخل معاها عشان محدش ياخد باله ويسالها
اسماء//هي امك هنا
يارا//لا واهدي كده وقوليلي حصل اي.
اسماء//كل حاجه باظت الموضوع شبه انتهي اصلا
بتحكي اسماء كل اللي حصل بينهم ليارا من اول ما راحت وقعدت معااه لحد ماا مشي بعد كلام عيسي وهي بتعي*ط ايديهاا بترتعش وبتكون يارا مضا*يقة عشانها
يارا//خلاص متعي*طيش خير ان شاء الله يمكن يوافق
اسماء//يوافق علي اي ده رفض كلامه قبل ما يكمل اصلا ومشي وكلامه قبل ما يمشي بيقول ان خلاص كده
يارا//طيب ما تحاولي مع عيسي
بتبصلها اسماء وبتحاول تمسح دموعها وتهدا بس بتكون مش عارفه تتكلم من كتر العيا*ط وكلامها مقطع
اسماء//انا اه بحبه من بدري وكنت مبسوطه انه خد خطوة بجد بس مستحيل اعمل كده وادخل من غير ما يحاول حتي عشاني او يعمل اي حاجه يتصرف يكلم عيسي اي حاجه مش يمشي كده ويسيبني
يارا//ماشي يحاول بس في المعقول انما اخوكي اوڤر اوي في الدهب حد بقي يجيب كل ده انتي عارفه دول يكلفوا كام
بتبصلها اسماء وهي حاسة بيأ*س وبتحاول تقنع نفسها ان خلاص الموضوع انتهي وكويس انه مطولش عشان متتا*ذيش اكتر
اسماء//هو اصلا الموضوع مكنش نافع من البدايه وانا اللي كنت بقا”وح وخلاص ودلوقتي انتهي يبقي خلاص كأن محصلش حاجه
يارا//انتي نهيتي الموضوع وهو لسه مردش اصلا
اسماء//مش هستنا لما هو ير*فضني
يارا//بس وقتها هو مش هيبقي رفضك هيبقي رفض طلبات عيسي الكتير وبعدين لو رضوي اتجوزت مفكرتيش مين هيجهزها يعني هيبقي بيجهز الشقة وبيجوز اخته شغال حرا”مي ولا اي
اسماء//مش عارفه بصراحه انا هصلي تاني وهدعي ربنا ييسرها من عنده بقي
بتحضنها يارا وبتكون اسماء بتع”يط مش عارفه تعمل ايه بتحس بالع”جز قدام اللي حصل مش هتقدر تكلم عيسي وبتتمني اسلام يحاول عشانها ويكلم هو عيسي تاني وقلبها بيو”جعها لفكرة ان الموضوع ممكن ينتهي هنا من قبل ما يبدا حتي كانت عايشه علي امل ان يجي في يوم دلوقتى لو راح هتعمل ايه؟
بتكون يارا بتحاول تقلل خو*فها شويه وبتجلهاا فكرة بس مش بتقول لاسماء
♡•••••••••♡
بيوصل حبيب المكتب بتكون رفيف قاعده بتكتب حجات ومخدتش بالها انه دخل
حبيب//مساء الخير
رفيف//مساء النور
بيسمع صوت انين حد في مكتبه حد بيحاول يتكلم او يعمل اي صوت بيبصلها مش بتقول حاجه ولا بتعلق بيدخل مكتبة وبيتصد*م وقبل ما يسألها بترد هي عليه وهي بتحدفله المطو”ة اللي كانت في ايده وهي خدتها منه
رفيف//صد”عني جه سال عليك قولتله تعاله بليل رد بقلة ذوق وطلع البتاعه دي في وشي
بيبص حبيب للدكش اللي بتكون رفيف ربطااه في الكرسي من ايده ورجله وحاطه بلاستر علي بوقه
بيبصلها حبيب بصد”مه ومش مستوعب انها هي اللي عملت كده وفي الدكش!!
حبيب//انتي اللي عملتي كده؟
بتحط رفيف ايدها وراء راسها وهي بتقلب بعنيها بعيد عنه
رفيف// كنت زهقانه بصراحه قولت اقعده يسليني
وبعدين عصبن”ي حسيته قليل الادب تخيل يرفع عليا انا مطو”ة علي اخر الزمن
بيضرب حبيب كف بكف وهو بيضحك ومش مستوعب انها عملت كده شكلها كيوت ميقولش انها تقدر تق”تل نمله اصلا بيدخل مكتبه و بيفك الدكش
حبيب//وعاملي فيها دكش وشر”س…خد خد يا اخويا
بيديله حبيب المطو”ه بتاعته تاني وبيقعد علي المكتب وبيقف الدكش وهو بيعدل هدومه ومتع”صب
الدكش//انا سكت عشان خاطرك وعشان هي ست غير كده….
مش بيلحق يكمل كلام وبيجي صوت رفيف من بره وهي بترد عليه
رفيف//شكلك عاوزني اجيلك تاني كنت هتعمل اي
الدكش//مش هعمل ياست مش هعمل اوووف
بيضحك حبيب عليهم وهو مذ”هول ازاي عرفت تعمل معاه كده ومعجب جدا بتصرفها بيخرج الدكش وبيقف قدام رفيف وهي مش بترفع عنيها وبتبصله وبتفضل باصه للورق قدامها
الدكش//عارفه انتي هتوقفي حال الراجل انا مش هاجي تاني عشان مشوفش وشك
بترفع رفيف ورقتين قدامها لونهم غير بعض وبتبصلهم بتقييم
رفيف//اكتب في انهي ورقه البينك احلا ولا الزرقه؟
بيبصلها الدكش وهو هيج” لط منها وبيسيبها وبيخرج وبيكون متابعهم حبيب وبعدين بيخرج يقعد قدامها
حبيب//براحه يا استاذ شويه النااس مش قدك
مش بترد عليه وبتكون ملامحها بارده وجاد جدا وبتبصله بمعني يكمل
حبيب//تمام قبل ما تبلع”يني انتي شغلك هيخلص الساعه7بعدها تقدري تمشي بس هتسيبي المفتاح لاني بفضل هنا لوقت متاخر وهبعتلك المفتاح عشان تيجي انتي الصبح انا العادي باجي زي دلوقتي مش باجي بدري وتفاصيل الشغل وهتعملي اي بظبط هقولهالك كلها
رفيف//والمرتب
حبيب//اه نسيت مش هنختلف هديكي زي الشاب اللي قبلك
رفيف//تمام وده قبل ما اربط الدكش ولا بعد
بيفهم انه مش عاجبها وبيبصلها وهي قاعده قدامه حاطه ايديها علي خدها ورافعه حاجبها ومستنيااه يتكلم
حبيب//تمام هزودك
رفيف//كده بدأنا نتفق
حبيب//بدأنا؟…ليه هو لسه في تاني
رفيف//اكيد يعني في يوم المكتب اجازة فيه
حبيب//هو مين اللي بيشتغل عند التاني…عموما الفتره دي مفيش اجازات ممكن شويه ويبقي في يوم كل اسبوع اجازة
رفيف//اممم طيب
♡•••••••••••♡
بيقف قدام المرايا وهو بيظبط هدومه وبتكون اسماء سرحانه وهو واخد باله
عيسي//حلو كده
اسماء//عريس عريس يعني مفيش كلام
عيسي//انتي اضا”يقتي النهارده من اللي حصل؟
اسماء//حصل اي
بيبصلها عيسي بطرف عنيه وهو فاهم انها بتحاول تعمل نفسها عادي والموضوع مش فارق معاها
عيسي//بجد موضوع اسلام
اسماء//لا عادي هو حصل اي يضا”يقني اصلا
بيقرب عيسي وبيجيب كرسي ويقعد قدامها وهو بيحاول يفهمها عشان متكونش مضا”يقة لانه واثق ان اسلام مش هيرد عليه والموضوع هينتهي وخلاص
عيسي//انا عملت كده عشانك انا اصلا قلقا”ن عليكي منه وعارف ان مش الفلوس اللي هتأمن حياتك معاه بس انا عوزه يتع”ب عشان يوصلك مش كل حاجه بسهوله ده بيضيع من عمره عشانها تفتكري ممكن يحصل ايه معاكي
اسماء//هيضيع من عمره برضو عشاني لو احتاجته
بتكون باصه لايدها بترفع وشها وبتبص لعيسي وبيكون باين انها عوزه تع”يط بس بتمنع ده وبيبصلها عيسي وهو مش مستوعب انها بتحبه او الموضوع فارق معاها كده حبته امتي اصلا وازاي كان فاكرها معجبه بشخصيته او طريقة تعامله مع اخته بس لكن الموضوع مش كده بتاخد بالها من نظراته بتسيبه وتخرج بهدوء من غير كلام عشان مش عوزه تتكلم تاني وبيقوم عيسي وبيخرج من الاوضه بتاعته وهو بينادي علي فاطمة عشان يروحوا ليارا
عيسي//يلا ولا لسه مخلصتيش
فاطمة//خلصت
بتخرج اسماء وبتتجنب النظر لعيسي وهو بيكون فاهم انها فكرت هي قالت اي وند”مت لانها مش بتحب حد يعرف جواها اي وموضوع زي ده مش هتحب عيسي يفهم هي فكرت فيه ازاي
♡••••••••♡
سيف//ادخل يابني
عمران//عندك د*م وبتتكسف اووي يلاا
بيدخل عيسي ومعااه اسماء وفاطمه وبتدخل اسماء عند يارا وبتدخل فاطمه لخديجة في المطبخ
عيسي//هعديهالك دلوقتي بس
سيف//اي اخبارك يابني
عيسي//الحمدلله بخير
سيف//دايما بخير واخبار شغلك اي
عيسي//الحمدلله ماشي كويس
سيف//طيب عشان منضيعش وقت ندخل في المفيد وانت زي ابني يعني مش هنحتاج رسميات كتير
عيسي// اه طبعاا ياعمي ده شرف لياا
سيف// قبل ما تقعد مع يارا ونتكلم في رؤية شرعيه وكده نتفق الاول عشان نكون علي نور
عيسي//ان شاء الله ربنا ميجبش بناا خلا*ف
سيف//بما ان شغلك مستقر الحمدلله ف نقدر نتكلم عن الشقة
عيسي//انا عندي شقة بس محتاجه تجهيزات لان جبتها وسبتها معملتش فيها حاجه لان مكنتش محتاجها يعني ولا واقف عليها
سيف//حلو جدا يعني مثلا التجهيزات دي تخلص في سنه!
عيسي//سنة واحده بس؟ مظنش دي علي الطو”ب يعني محتاجه كل حاجه
سيف//مش هتقدر تخلصها في سنه ليه!
عيسي//يعني ممكن نطول الفتره شويه ممكن علي الاقل سنتين
سيف//علي الاقل! هي سنه كفايه ياعيسي الموضوع مش صعب
بيبص عيسي لعمران عشان يقول حاجه ويكون عمران فعلا شايف ان يطول المده شوية
عمران//مع احترامي ليك بس ممكن نزود الفتره شويه واهو يتعرفوا علي بعض احسن
سيف//يتعرف علي مين انا اصلا معنديش بنات تكلم رجاله يكلمها لما يكتب عليها ده لو وافقت يعني وقتها وفي الخطوبه يجي ينورنا هنا
عيسي//اصلا
سيف//اومال انت كنت فاكر اي؟
عيسي//لا ولا حاجه ياعمي عندك حق دي اصول
بيكون عيسي قاعد وبدا يحس ان الموضوع بدايته مش مبشره و بيتعقد وبيكون عاوز يكلم حبيب عشان يبقي حل وسط بينهم بس مش عارف يقوم يكلمه
سيف//الشبكه دي هديتك لبنتنا
عيسي//طيب الحمدلله وانا عنيا ليهاا ان شاء الله اجبلها اللي تطلبه
سيف//7غوايش وسلسلة وخاتم والدبلة عيار24 والجرامات هنتفق عليها قبل ما نروح نشتري
بيتصد*م عيسي وبيحس انه فقد النطق لانه عارف سعرهم هيوصل لكام وبيحس ان بطنه وجع”ته وبتكون يارا واقفه وراء الستاره ومتابعه تعبيرات وشه اللي اتغيرت180درجة وبتضحك وبتحس ان خطتها بتنجح
عيسي//معلش بس هو ينفع كوباية مياة
بيقوم عمران عشان يجيب مياة وبيكون هو كمان مصد”وم من طلبات ابوه ومش مصدق انه طلب منه كده بجد وبيستغل عيسي الفرصة وبيبعت رساله لحبيب علي الواتس انه يلحقه وينزل عند عمران
بيجيب عمران المياه وبيدهاله بيشرب عيسي وهو بيدعي ان حبيب ينزل بسرعه لان لو فضل لوحده هيفر”كش الموضوع
عيسي//اومال لو مكنتش ابنك في اول القاعده
سيف// وهي بنتي وتستاهل ااكتر بس انا عامل حساب انك زي عمران
عيسي//كمان…بس المعقول حلو ممكن نخلي الموضوع وسط شويه رغم انه هيبقي مازال كتير
سيف//اسمع الشروط للاخر وبعدين فكر فيهم براحتك لان معنديش فصال انت مش جاي تشتري مني خيار
عيسي//لسه في شروط تاني
سيف//تكتب لبنتي الشقه اللي هتقعد فيهاا
عيسي//ننننعم ده ازاي ده مسمعتش عن الشرط ده قبل كده
سيف//طيب ودلوقتي سمعت ولما تفكر ابقي رد علياا بس متاخدش راحتك اووي عشان انا بز”هق بسرعه كبيرك معايا بكره
بيقوم عيسي وهو مضا”يق وبيستأذن ويمشي وبتكون فاطمه سمعت كل حاجه واضا”يقت وبتفهم انهم بيطفش”وا ابنها وبتوجه كلامها لخديجة وهي مضا”يقة
فاطمه//اعتقد يا فاطمه لو كنتوا مش موافقين من الاول كانت بنتك قالت او قولتي انكم مش موافقين بدل الطريقه السخي”فه دي من امتي ودي شروط بتتحط ولا دي طلبات بتتجاب
مش بتستني ردها وبتمشي وبتشد اسماء يارا في الاوضه وبتكون شاكه ان كل ده بسبب يارا لانها متاكده ان ابوهاا ميطلبش كده
اسماء//عارفه لو اللي في بالي صح
يارا//خلي يتحط في نفس الموقف عشان يفهم ان الانسان طاقة وانه بيشتري راجل لاخته يجبلها ويعززها اه بس بالمعقول والاصول مش الفلوس والدهب الاوڤر اللي هيخلي اخته مبسوطه مع جوزها او ضامنه حياتها معااه
اسماء//تروحي تعملي كده وتبو”ظي جوازتك انتي عب”يطه
يارا//محدش بياخد غير نصيبه لو انا وعيسي مكتوب اننا نتجوز مش ههر”ب من قدري
اسماء//ماشي بس متبو”ظيهاش وتقولي نصيب
يارا//انا مبو”ظتش حاجه انا عملت الصح ويلا روحي بدل ما امك تو*لع فيكي بعد اللي حصل لو لقيتك مجتيش وراها
بتحضن اسماء يارا وهي دموعها بتنزل
اسماء//مش عارفه بصراحه صح ولالا بس انا ممتنه جداا لوجودك واسفة عشان حاسه ان بو”ظتلك يوم زي ده
يارا//بس يا عبي”طه انتي مطلبتيش حاجه وبعدين احنا بندعي وربنا عالم ان نيتي مكنتش كده وان الطبيعي مكنش ده ومكنش هيحصل ف هيحلهاا من عنده
بتخرج اسماء وبتشوف سيف قاعد لوحده بيشاورلها تيجي وبتحس انها مكسوفه لانها بو”ظت موضوع يارا خالص
اسماء//اانا اسفه جدا انا معرفش اصلا ان يارا هتقول لحضرتك تعمل كده وكنت مستحيل اوافق ان ده يحصل
سيف//بس انا معملتش حاجه انتوا الاتنين بناتي وفرحك عندي زي يارا بظبط وكل حاجه هتتحل واخوكي ده هجيبه وهياخد علي قلبه بس بعد ما اربي شويه وقتها سيبك من اخوكي ده انا هقعد مع اسلام ونتفق
اسماء//هو عيسي بيعمل كده عشان خا”يف عليا بس
سيف//وده المطلوب هو بيشد واحنا بنرخي هو بيعززك واحنا بنمشي الموضوع وتبقي الكفه موزونه وهو لسه علي كلامه والموضوع كمل علي خير
اسماء//انت عارف اسلام واتعاملت معااه كتير اي رايك فيه
بيبتسم سيف علي طريقتها في السؤال وبيفهم انها متردده وخا”يفة
سيف//اسلام راجل جدع وكويس واهم حاجه انه حنين يعني مش هيجي يوم ويق”سي قلبه عليكي
في الجواز في حجات كتيره اهم من الحب والفلوس
زي الآمان والتفاهم والاحترام والحنية
وكلهم هتلاقيهم في اسلام مع العشره هتفهمي كويس طبعه اكتر كمان مفيش اتنين مش بيتخا”نقوا ف اختاري اللي تعرفي تتكلمي معااه حتي وقت عصبي”ته وميحاولش يكسب خنا”قة علي حساب مشاعرك ويجر”حك من الاخر اختاري الشخص اللي يختارك من بين كل حاجه فهمتي
اسماء//اااه فهمت
سيف//وبعد ما فهمتي لسه شايفه انك موافقة علي اسلام
اسماء//ااااه
سيف//يبقي اكمل علي عيسي براحتي
بتمشي اسماء وهي مبسوطه جدا وحاسه ان في امل وان في حد بيحاول عشانها وان الموضوع يمشي ومن غير ما يقلل منها وبتدخل البيت بتلاقي امها قاعده في وشها وباين عليها انها مضا”يقة جداا وبتكلمها بعن”ف وبيكون صوتها عالي
فاطمة//انتي مجتيش ورايا ليه
اسماء//كنت بكلم يارا
بتضر”بهاا فاطمة بالقلم وبتتصد”م اسماء منها ومش بتكون حاسه بوشهاا من قوة القلم لدرجة ان شفايفها بتنز”ف وهي مش حاسه وبتحاول تتظاهر بالقوة ومتعي”طش وبتنجح في كده لدرجة انها بضا”يق فاطمة اكتر
فاطمة//بتكلمي يارا ولا اسلام
بتكون فاطمة فاهمه انها فضلت عشان تقدر تكلم اسلام وبتكون اسماء مش فاهمه هي عرفت منين موضوع اسلام اصلا خديجه متعرفش ومستحيل يارا تقولهاا
وبيخرج عيسي من الاوضه علي صوتهم
اسماء//اسلام مين واي الكلام ده هو انتي فكراني اي عشان اروح بيت حد واكلم واحد كمان
بتكون اسماء هتسيبها وتدخل اوضتها بس فاطمة بتشد*هاا من شعرهاا وبتر”جعها تاني قدامها
فاطمة//لما اكلمك تفضلي واقفه قدامي
بيفصل عيسي بينهم وهو بيشد اسماء وراء ضهره
عيسي//انتي بتمد*ي ايدك عليها ليه
بتضر”به فاطمة وهي في قمه عصبيت*ها منهم لانها عارفه اللي عيسي عمله
فاطمة//اخرس ياحيو”ان انت كمان انتوا فاكرني نايمه علي ودني
الجوازة دي لو فضلت ماشي فيها والهانم فضلت موافقه لا انتوا عيالي ولا اعرفكم واليوم اللي تقرر فيه انك تقابل اسلام ده تاني لا انت ولا هي مش عوزة اشوف وشكم في البيت
بتدخل اوضتها وبتسيبهم وبتكون اسماء مش فاهمه ليه كل حاجه ضد*دها كده وليه مش بتتحل بيحضنها عيسي وهو بيفكر هيعمل اي وبيشوف اسماء ازاي بتع*يط وهو عمره ماا شافها كده ودايما تصرفتها شد”يدة لدرجة انه هو اللي بدا ينادي عليها باسم آلفي ولا مره كانت كده بيحس ان ظلم اووي لو جه عليها عشان خاطر عقد×ه امه وماضي انتهي هياخد فيه ناس ملهاش ذنب
عيسي//شكلنا هنعزل قريب
بتمسح اسماء دموعها وهي باصه عيسي كانها عوزه تتاكد انها سمعت صح
عيسي//اانا قولتلك طالما انتي موافقه انا واقف معاكي
بس ده مش هيحصل الا لما اشوف انه يستاهل مينفعش تدي من غير ما تتاكدي انك بتدي للشخص الصح
بتكون اسماء مقتنعه بكلامه وعارفه انه مش هيضر*ها وبتحضنه وهي بتحاول تطمن نفسها وهو بيكون بيفكر هيعمل اي في اللي جاي خصوصا لما قعد مع سيف حس بالع*جز وحس ان ده نفس موقف اسلام وانه فوق طاقته
وبيكون مش عارف يعمل اي ويتفق مع سيف ازاي وكل طلباته صع”به شبه مستحيله وهيعمل اي مع اسلام
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية رفيف الحب)
