رواية دكتور نفسي الفصل الأول 1 بقلم نوران أحمد

رواية دكتور نفسي الجزء الأول

رواية دكتور نفسي البارت الأول

رواية دكتور نفسي الحلقة الأولى

ناهد : قوم يا حبيبي الوقت اتاخر اتاخرت علي العياده بتاعتك وراح شغل يا ضنايه الحق أفطر وانزل
اسامه : تسلمي يا ست الكل تعبتك معايا قائم اهو حاضر ياااه الساعه 1 معقول
لبس وطلع علي الفطار
احمد : بتدلعي فيه وبتحبي فيه وممنوع نأكل الا لما ييجي الدكتور راح للدكتور جه وهو مش لاقي ياكل اصلا بصي علي لبسه كان مفيش دكتور غيره مش فاهم انا ليه بتفرقي بينا في المعامله كدا كل ده عشان دكتور
ناهد : ولد اتلم واحترم نفسك انت ازاي مش مقدر كل اللي اخوك بيعملوا لينا الولد يا حبه عيني مبيرتحش ابدا وانت شغال انتقادات فيه إلا ما سمعت كلمه حلوه واحده بس تقولها في حق اخوك لو مش هتقول حاجه حلوه يبقا تخرس
احمد بضيق : ده اي العيشه الزفت دي عيشه تقصر العمر مش واكل ابقي اكليه بقا وطظ فيا سلام
اسامه : في اي يا امي امال احمد فين وجنا فين صحيح البنت دي بقالي فتره مش بشوفها
جنا : انا موجوده يا أبيه احمد وراه شغل ف مشي بدري قولي بقا يا برنس جهزت ليا فلوس الجامعه وعلي فكرة وليد خطيبي عايز يكلمك يعني عشان موضوع الفرح هو عايز يقدمه ويتفق معاك علي ميعاد وكلمني اسالك فاضي أمتي انت عارف ان مليش غيرك قدوه من بعد ما بابا راح للي خلقه
اسامه : حاضر يا حبيبتي فلوس الجامعه جاهزه بس فلوس الجهاز لسه ناقصه وبشتغل علي قد ما بقدر عشان اقدر اوفر اكبر قدر ممكن عشان نعيش
جنا : ليه ده انت دكتور والمرضي كتير في البلد اكيد علي قلبك قد كدا ولا اي يا أبيه يا نمس انت
اسامه : انتي فاهمه غلط حوار الدكتور النفسي ده ما بيجبش فلوس زي ما انتي فاهمه ده انا طالع عيني عشان شويه فلوس بسيطه بس ادي لخطيبك معاد بالليل أن شاء الله أقابله وان شاء الله اقدر اوفر فلوس الجهاز الحاله صعبه معايا اليومين دول ادعولي يا جماعه ادعيلي يا ماما يلا سلام بقا الحق الشغل
نزل بسرعه وصل عيادته
اسامه : عم عوض ناديه عدت عليك خدت منك مفتاح العياده وفتحت ولا لسه مجاتش
عوض البواب : لا يسيدنا الدكتور اجت من بدري خدت المفتاح وطلعت علي طول وفي ناس مستنياك فوق
اسامه : تسلم يا عم عوض سلام طلع فوق وقال لناديه دخليلي اول مريض
اسماعيل : صدقني يا دكتور ساعات كتير بيكون الحب ده نقمه كبيره مش نعمه انا مش عارف اتصرف مرضي ملوش علاج مش عارف اعمل اي ساعدني
دكتور اسامه : اهدي خالص يا استاذ اسماعيل واحكيلي من الاول كدا اي قصتك وحكايتك
اسماعيل : انا واحد كلامي حلو مع الكل والبنات كلها واقعه في دباديبي معرفش اي بيحصلي اول ما بشوف بنت مبقدرش امسك نفسها تليفوني كله بنات والبنات كلها بتحبني وعايزين جواز لحد ما قابلت بنت ادتلي علي دماغي وعلمتني الادب بتصرفاتها جريت وراها كتير جدا وكانت دائما سما يا تلك عليا رجاله الشارع ياكلوني علقه يا تقف وتضربني بالقلم في واحد اتعرض ليها وحاول يتهجم عليها بس عشان انا دائما مراقبها الوحيده اللي قالت ليا لا هفضل وراها ساعدتها واديت الواد ده علقه اعجبت بيا وبدأت تتشد ليا ونتكلم ونخرج وعرفت انها غير اي حد عرفته في حياتي مختلفه وجميله حبيتها اوي وخطبتها وحياتي معاها سعيده بس لسه عندي العاده دي أوقع البنات في حبي انا ضعيف جدا اتجاه البنات ومش عارف اتصرف يا دكتور ساعدني عشان خاطري مرضي ده صعب ولا ممكن اتعالج منه
دكتور اسامه : انت لو حبيت حد كفايه مكنتش هتقع في حب اي حد تاني مرضك ده كل الشباب بتتمناه بما فيهم انا يعني مش خطر ولا صعب يا ابني ما تعلمني اقصد احم انت معرف حبيبتك انك مبتقدرش تتعامل عادي قدام اي بنت
اسماعيل : لا طبعا لو عرفت كدا مش هتثق فيها وأبسط حاجه تعملها أنها تسيبني لا طبعا يا دكتور بس الحمدلله انك طمنتني من الناحيه دي ممكن اتعالج يعني وفي حدود قد اي كدا
دكتور اسامه : علاجك سهل جدا هكتب ليك علي شويه حاجات تاخدهم وتعمل اي اول ما تحس انك دخلت في الحاله دي وعايز كل المعلومات عنك تكتبها هنا وتكتبلي علي المعلومات عن حبيبتك رقمها عنوانها كل البيانات بتاعتها وبتاعتك تكون في الورقه وان شاء الله الجلسه الجايه هتكون كل مشاكلك انحلت وقريب اوي أن شاء الله هتخف من المرض ده
اسماعيل : انا خايف جدا يا دكتور حبيبتي لو عرفت اني بروح لدكتور نفسي او اني عندي مشكله وبحب كذا حد عليها هتكون مصيبه كبيره بالنسبه ليا انا لو خسرتها خسرت العالم كله معاها
دكتور اسامه : كل اسرار المرضي عندي مستحيل تطلع مستحيل متقلقش يا استاذ اسماعيل وان شاء الله نلحق نعالجك قبل ما حبيبتك تكتشف اي حاجه وياريت تعرف كل البنات اللي تعرفهم انك مرتبط وتمسح اي طريقه للتواصل معاهم اتفقنا اتفضل يا استاذ اسماعيل
دخلت نرمين
نرمين : يا دكتور ارجوك الحقني الحقني ابوس ايدك خطيبي عرف واكتشف كل حاجه عني ومش عارفه اتصرف
بص اسماعيل لاسامه بخوف
اسامه : اهدي يا انسه نرمين واتفضل انت يا استاذ اسماعيل بره ومتقلقش من اي حاجه خالص وانتي اقعدي واحكيلي حصل اي
نرمين : معرفش معرفش يا دكتور كل اللي حصل ان زي ما انت عارف كل ما بتفرج علي فيلم بتأثر بالشخصية وبقلدها لاني بحب التمثيل والمصيبه اني اتفرجت علي فيلم فيه رقص وكباريه وبقيت رقاصه ولبست وروحت الكباريه ونزلت رقص علي واحده ونص والكل اعجب بيا المصيبه لما لقيت خطيبي الظابط المحترم داخل وراح ضربني قلم وقعت علي الارض وفوق وهو بيقولي الكلام اللي سمعته عنك ووصلي صح انا مش عايز اعرفك تاني ومحدش يعرف اي حاجه عن مرضي ولا بعمل اي غيرك انت انت بس يا دكتور اللي تعرف اعمل اي اتصرف ازاي قولي انا ممكن اخلص علي نفسي من غيره مقدر اعيش من غيره
اسامه : اهدي اهدي يا استاذه نرمين انا هتصرف وهحل كل المشاكل متقلقيش بس من اي حاجه خالص اهدي انا هخليه يرجع ليكي اتفقنا ارتاحي واهدي واقعدي في البيت اللي حصل ده كويس جدا لحالتك الصدمه هتجيب مفعول صدمه ومشكله في حياتك هيلهوكي وده ممكن يكون سبب علاجك
رن الفون
وفاء : اسامه انت بتستهبل يعني تديلي ميعاد الساعه 2 وانا قاعده لحد الساعه 5 دلوقتي وانت لسه مجتش قول انك مش جاي لكن قله التقدير دي مش بحبها
اسامه : انا اسف جدا يا حبيبتي انشغلت مع المرضي والوقت خدني خمس دقائق يا حبيبتي واكون عندك سلام ناديه اجلي اي ميعاد ليا لحد ما اجي ساعه وجاي علي طول سلام عن اذنك يا نرمين لازم امشي دلوقتي هحل الموضوع بتاعك متقلقيش
وفي كافيه علي النيل
وفاء : كدا بردو يا اسامه حبيبي انت بتتعب نفسك وبتجهد نفسك في كل حاجه وبتفضل واقف مكانك ما انت لو تسمحلي اخلي بابا يساعدك هتقدر تقف علي رجلك بدل البهدله دي
اسامه : وفاء انا راجل عصامي احب ابني نفسي بنفسي وورايا مسؤوليات ومسمحش لحد يساعدني بمجهودي وتعبي هوصل متتكلميش معايا في الموضوع ده تاني
وفاء : طب اعمل اي يعني يا اسامه احنا بقالنا سنتين مخطوبين ومفيش اي خطوه جديده عملتها في حياتك وبابا متضايق كل شويه يسالني أمتي هنتجوز انت اه جبت شقه بس محتاجه حاجات كتير وبابا خلاص زهق وعايز يقابلك عشان نشوف اخر الموضوع ده اي بس احب افهمك أن ابن صاحب بابا عماد جاي من امريكا وكان بيحبني وشكله كدا لافت نظر بابا وممكن يفسخ الخطوبه عشان عماد ارجوك يا اسامه متديش فرصه لبابا يعمل كدا واتصرف جيب فلوس من اي مكان وجهز اي حاجه وحاول تطلب منك يحدد ميعاد الفرح
اسامه : ازاي بس يا وفاء الدنيا عندي بجد صعبه ورايا التزامات و 100 الف حاجه بس هحاول صدقيني اتصرف
رن الفون
الممرضه ناديه : دكتور اسامه في اتصال ليك من قسم الشرطه في حاجه ضروريه اقول ليهم اي احولك المكالمه
اسامه : اخلصي بسرعه حولي المكالمه جيب العواقب سليمه يارب انا اسف يا وفاء شكلي لازم اتحرك دلوقتي هكلمك اول ما اروح سلام
الو ايوه يا فندم مع حضرتك دكتور اسامه ايوه عندي فعلا مريضه اسمها سلمي بصدمه نعم طب طب انا جاي