رواية منقذي الفصل السادس 6 بقلم رحمة سامي
رواية منقذي الجزء السادس
رواية منقذي البارت السادس
رواية منقذي الحلقة السادسة
ادم اول ما دخل: اي اللي بيحصل هنا ازاي تتجرأ وتدخل اوضتي وانا مش موجود يا سامر وازاي تسمح لنفسك تمسك ايدها
سامر بخبث: يا ادم هي السبب الكل مخدوع فيها هي وانا رايح اوضتي مسكتني وجبتني هنا وقالتلي كلام كتير مينفعش
جنه بصدمه: انت بتقول اي اوع تصدقه يا ادم محصلش والله انت واحد كداب
سامر: ادم انت عارفني كويس وعارف اني مش بكدب انا اخوك وتربيتك دي واحده زبالة
جنه: اوع تصدقه يا ادم انا مش طايقه اشوف وشه مستحيل اكون عملت كدا
ادم قرب بغضب ومره واحده راح ضرب سامر بالقلم: انا مراتي مستحيل تكدب اياك اشوفك قريب منها تاني يا سامر انت فاهم
سامر بغضب: انت بتضربني عشان واحده زي دي يا ادم بقي بتخسر اخوك عشان…..
ادم بزعيق: اياك تقول حرف واحد عليها ساعتها هنسي انك اخويا وهتخليني اعمل حاجه نندم عليها امشي علي اوضتك
سامر: ماشي يا ادم بس صدقني هتندم
جنه قعدت علي الارض تعيط ادم قرب منها: ممكن تهدي مفيش حاجه حصلت انا معاكي اهو خلاص بلاش عياط
جنه: جنت خايفه متصدقنيش صدقني هو اللي دخل عليا الاوضة مره واحده
ادم: انا مصدقك يا جنه خلاص اهدي ويلا عشان ننام في شغل الصبح
جنه بكسوف: هو انا هنام فين يا ادم مفيش حته كنبه هنا خلاص انا هفرش علي الارض
ادم وهو بيمسك ايدها: جنه انا جوزك مفيش مشكلة لو نمتي جانبي علي السرير يلا وكفايه رغي بقي
جنه: بس يعني….
ادم: يوووه مش هنخلص جنه انا مش بحب اعيد كلامي يلا اتفضلي
جنه: حاضر4
…………………………..
في اوضة دنيا محسن رن عليه وهي اتخنقت ورديت عليه عشان تخلص من زنه…
دنيا: خير يا محسن عايز اي هو انا لحقت
محسن: اي يا عروستنا مالك انا بس حبيت افكرك انتي عندك بتعملي اي
دنيا: متخفش مش ناسيه بس ياريت تخف رن المنفلوطي لو اخد باله مش هيرحمني دا ميعرفش ابوه يعني بنته مش هتفرق معه
محسن بضحك: طول ما ادم معاكي انا مش خايف بس انتي شدي حيلك شوية انا عايز فلوس
دنيا: يوووه هو كل شوية فلوس يا محسن متهمد شوية متودنيش في داهيه يا شيخ
محسن بزعيق: اتلمي يا حلوة وبلاش صوتك دا يعلي عشان متندميش متنسيش امك معايا
دنيا بخوف: هي فين امي عايزة اكلمها اوع تكون مديت ايدك عليها تاني
محسن بضحك: لا يا حلوة متخفيش بس لو مجبتيش فلوس امك الحلوة هتزعلي علي وشها اشطا
دنيا: طيب طيب اديني بس اكلمها عايزة اطمن عليها
محسن: ماشي خدي يا ست نادية كلمي بنتك واياك تقوليلها كلمه كدا ولا كدا
نادية: اي يا دنيا طمنيني عليكي يا حبيبتي انتي كويسه اخواتك بيعاملوكي كويس
دنيا: متخفيش يا ماما انا كويسه المهم انتي خالي بالك من نفسك وانا هجيب فلوس للزفت دا عشان يسكت وبلاش تنزلي شغل
نادية: متشليش همي انا مرتاحه في شغلي واهو بخرج اشم هواء
محسن: هاتي الزفت دا ويلا غوري هاتيلي الاكل وانتي يا حلوة ملكيش دعوة بشغل امك يلا هستناكي بكره بالفلوس سلام
دنيا ببكاء: حسبي الله ونعم الوكيل فيك يا بعيد يارب قدرني خليني اريح امي من العذاب دا ياريتني اقدر احكي لحد بس مش هينفع انا هنام والصباح رباح بقي1
…………………….
في الديسكو وصل سامر وهو علي اخره وشافه صحبه عصام…
عصام: اي يا شبح مالك في اي شايل طاجن ستك كدا ليه لسه خايف من ادم
سامر: ادم لاول مره في حياته يمد ايده عليا وكله عشان الزبالة دي
عصام: قولتلك يا ابني الستات دي ليها سحرها الخاص انت لازم تبعدها عن اخوك خالص
سامر: ازاي بس انا حاولت اخليه يشك فيها النهارده بس فشلت مبقتش عارف اعمل اي
عصام: مش عارف بس انا عندي حلين شوف انهي هينجح معاك
سامر: قول يا عصام انا لازم اخلص من البت دي بي اي طريقة يا صحبي
عصام بخث: طب اسمع بقي يا صحبي………….. جرب كدا وواثق انك هتدعيلي
سامر بفرحة: الله عليك وعلي دماغك اشطا يلا خلينا نرتاح منها ومن قرفها
عصام: طب ايدك علي الفلوس بقي معلش يا صحبي الشغل شغل
سامر: امسك يا عم مش خسارة فيك والله يلا بقي خلينا ندلع
عصام: يلا يا باشا دا في اشكال جديده متاكد انها هتعجبك قوم بينا نرقص يلا واختار اللي تعجبك1
…………………..
تاني يوم لبس ادم وجنه ونزلوا عشان يروحوا الشركة وقفهم المنفلوطي…
المنفلوطي: انت برضو مصمم تشغل البت دي معاك في الشركة يا ادم
ادم: اسمها جنه وتبقي مرات ابنك وبعدين شركتي وانا حر فيها عن اذنك
المنفلوطي: انت فعلا حر بس صدقني هتندم
دنيا: ادم معلش عايزة اطلب منك طلب ممكن فلوس بس اصل محتاجه اجيب شوية حاجات
المنفلوطي: ادفع يا مغفل يلا البيت دا بقي يسد النفس انا خارج
دنيا: معلش يا ادم بس انا بدور علي شغل وهعتمد علي نفسي
ادم: بطلي هبل انتي اختي الصغيرة امسكي الفيزا دي واصرفي منها براحتك يلا يا جنه
جنه: حاضر يا ادم يلا سلام يا دنيا
دنيا في نفسها: سامحني يا ادم فعلا غصب عني
*وصل ادم وجنه الشركة والكل بقي يبص ليهم باعجاب وفي اللي بيبص بحقد وفي اللي بيتكلم عشان عارف قصة الجوازة دي وجنه كانت سامعه كل حرف وبتبص علي الارض ادم لاحظ دا وفجاه وقف في نص الشركة ومسك ايد جنه…
ادم: احب اعرف كل اللي في الشركة بالمدام جنه وهي تبقي مراتي ياريت الكل يرحب بيها لانها هتشتغل معانا هنا واياك اسمع ان حد زعلها مفهوم
الكل بخوف: مفهوم يا افندم والف مبروك
ادم: يلا يا جنه
جنه بابتسامه: يلا
في المكتب جنه بحزن: انا اسفه يا ادم اكيد الكل بيتكلم عليك دلوقتي بسببي انا هرجع البيت ومش هخرج خالص
ادم: ممكن تسكتي شوية انتي دلوقتي مراتي واياك حاجه تمسك هي تمسني انا كمان وانتي مش مجرمه عشان تستخبي في البيت انا اينعم مش بحب صنفكم بس برضو مش بحب الظلم
جنه بحزن: ماشي يا ادم شكرا لحضرتك
ادم: انتي دلوقتي هتبقي السكرتيرة الخاصة بتاعتي ويلا اجهزي عشان اجتماع امبارح هيتعاد تاني استعدي
جنه: حاضر
……………….
في العربية….
مدحت: حلو اوي يا مني يعني وصل هو والحلوة
مني: ايوة يا مدحت يلا متتاخرش بقي
مدحت بخبث: متقلقيش ثواني واوصل يا قطو
مدحت: ها يا كرم حافظ اللي قولتلك عليه
كرم: متقلقش يا باشا كله هيتم زي ما انت عايز
مدحت بشر: ابقي وريني بقي يا ادم باشا هتتصرف ازاي بعد الفضيحة دي
*وصل مدحت الشركة ودخل اوضة الاجتماعات كان ادم وجنه وبقيت الموظفين جوه…
ادم: انا طبعا بتأسف علي اللي حصل امبارح وان شاء الله مش هيتكرر تاني يلا نبداء الاجتماع
مدخت بخبث: بس انا شايف وجوه جديده هنا مش هتعرفنا ولا اي
ادم بضيق: مدام جنه مراتي وتبقي السكرتيرة الخاصة بتاعتي وهتحضر كل الاجتماعات نبداء بقي
مدحت: اه طبعا نبداء يلا بينا
ادم: جنه لو سمحت شغلي الفديو بتاع التصميمات الجديده
جنه: حاضر يا مستر ادم
*جنه قامت تشغل الفديو واول ما اشتغل الكل بص بصدمه وادم وقف وهو مزهول من اللي شافه ومدحت بيضحك بخبث…….
1
ياتري اي اللي حصل والفديو اشتغل علي اي… وهو دا اللي مدحت كان بيتكلم عليه ولا لسه في مؤامرات تانية…. وسامر ناوي يعمل اي في جنه… ودنيا هتتصرف ازاي عشان تنقذ امها… قولوا توقعاتكم يا حلوين…. 😉❤
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية منقذي)
