رواية حكايه بنت الفصل الأول 1 بقلم لمى وائل

رواية حكايه بنت الجزء الأول

رواية حكايه بنت البارت الأول

رواية حكايه بنت الحلقة الأولى

= صياد عوانس ..
= منال عيب متقوليش كده ده كان جوزك مهما كان
منال بتنهيده = انا مش بكذب عليكي والله يا فندم .. مش مفروض حضرتك الدكتور النفسي الي اهلي جابوني عندك علشان اتعالج انا اهو بقولك سبب مشكلتي .. صياد عوانس
ليلي( الدكتوره ) = ايوه قصدك ايه يعني .. احكي ليا السبب الي خلاكي تقولي كده
ليلي شغلت جهاز التسجيل وبدأ تسمع مشكله المريضه الي عندها .. منال عادل سليمان.. بتشتغل في جها حكوميه عندا ٣٥ سنه اتجوزت وهي ٢٩
دي المعلومات الي قلتها المريضه قبل متبدا وتقول
= من ست سنين كنت قاعده في مكتبي بمارس شغلي كالعاده… ودخل عليا واحد عايز يخلص ورق الأرض بتاعتو كان راجل جنتل بيتكلم بي ادب ..محترم لطيف .. قدرت اشوف كل الصفات دي من اول مقابله
Flash pak
سليم= من فضلك … ممكن حضرتك تمضي علي الموافقه لبناء المشروع ده
منال اعجبت بشكلو= اه طبعا اتفضل …
سليم = شكرا لزوقك
منال= ده مشروع دار ايتام … ممتاز بصراحه ..
سليم = عجبك يا رب انا كمان
منال= افندم ..
سليم= اقصد المشروع عجبك يعني يتوافق عليه
منال= ده مشروع هايل .. وبصراحه هيبقي حاجه مفيده جدا للأطفال
سليم= اصل انا لما بشوف الاطفال دول في الإشارات ببيصعبو عليا اوي .. هما متخلقوش علشان كده
منال بأعجاب = هو حضرتك بتحب الاطفال
سليم = جدا .. انا كان نفسي ربنا يرزقني بي خمس عيال
منال بضحك = خمس عيال دفعه واحده
سليم = يا هانم الاطفال دول نعمه من عند ربنا .. وبصراحه انا بحبهم جدا ونفسي الاقي ..ست جميله وانيقه وشيك تشاركني حلمي ده
منال = تمام حضرتك.. انا لازم اجي وأشوف الأرض الي هيتم عليها المشروع وكمان عايزه كشوفات بمصدر المال وبعد كده بإذن الله همضي
سليم = تشرفينا يا هانم .. ده الكرت بتاعي وقت متحبي تعايني اتصلي بيا
Pak
وبعد المقابله ديه كنت حاسه ان الموضوع مترتب وان ده عريس من طرف ماما وجاي يشوفني .. مهي امي ام زي اي ام نفسها تفرح بي بنتها
ليلي = وحصل ايه بعد كده حكيتي لمامتك
منال= بصارحه أه ..روحت وحكيت ليها وعرفت أن تفكيري كان صح طبعا زعلت شويه من امي .. بس لاني اعجبت بي وافقت اني اشوفو تاني
ليلي = اعجبتي بي .. يعني محبتهوش من اول نظره
منال= منكرش أنو كان وسيم وكان في صفات حلوه كتير بس لا انا عاقله ولما بحب بحب بعقلي مش بقلبي علشان كده قولت ليكي اعجبت بيه مش حبيتو
ليلي = كملي انا سمعاكي
منال = بعد كده اتقابلت انا ويا كتير جدا وتشدينا جدا لبعض ..لحد ما حسيت اني حبيتو واني بداء اتعلق بي وفي نفس اليوم الي كنت رايحه اقولو أن انا حبيتو اعترفلي بحبو قدام الناس
Flash pak
منال = سليم .. انا عايزه اتكلم معاك في موضوع
سليم = انا سامعك اتكلمي
منال = سليم انا … انااا
سليم وقف العربيه ونزل في مكان مظلم
سليم = ممكن تنزلي
منال= ليه ..في ايه
سليم = انزلي بس
نزلت من العربيه كان المكان ضلمه ومفيش اي صوت بس كان في قلب احمر كبير علي السكه مسك ايدي ومشينا ليه وبقينا جوه القلب ده ولقيتو نزل علي ركبتو وقالي
سليم= انا بحبك .. مش عارف ازاي ولا امتي ..مكنتش متخيل أن أحب صالونات خالص … بس شكلي كده وقعت بحبك ..بحبك
وبعد مقالي كده لقيت كل صحابي و زملاتي في الشغل خارجين من المكان المضلم وماسكين شمع وبيغنو لينا
Pak
ليلي = حسيتي بي ايه
منال = حسيت اني بنت عندها ١٧ سنه في عيد الحب نازله تقابل حبيبها كنت طايره من الفرح ..قولت بعد ما بقي عندي ٢٩ سنه اخيرا لقيت حد يحبني زي منا عايزه وبحلال
ليلي = وبعدين يا منال كملي
منال ابتسمت ابتسامه وجع وعنيها بدمع= اتخطبنا انا وسليم . وحبينا بعض جدا كان أول شخص افتحلو قلبي .. قدر يخليني اتعلق بيه ..كنا مبسوطين جدا لحد ..مااا وبداءت تعيط تعيط
ليلي = ممكن تهدي يا منال … انا عارفه أن صعب عليكي..
منال = انتي مش عارفه حاجه .. مش عارفه يعني ايه تكوني احسن بنت في العيله وجميله وحلوه ومع ذالك.محدش عايزك محدش فكر يقرب منك حتي .. وكل ده بسببهم ..
بداتء تعيط تأني لحد مغمي عليها. ادتها ليلي حقنه علشان تهدي وعلشان تقدر تنام وسابتها و خرجت بره
ليلي = الو مدام منيره
منيره= ايوه يا دكتور خير
ليلي = منال انهارت من العياط وانا ادتها مهدئ بعد اذنك ابعتي اي حد يخدها والاسبوع الجاي خليها تيجي الجلسه
منيره = حاضر يا بنتي حاضر
ليلي = متقلقيش هتتحسن أن شاء الله
منيره= يارب يابنتي يسمع منك ربنا
بعد نص ساعه جه حد وخد منال .. وفضلت انا والسكرتيره في العياده
نوره( السكرتيرة ) يا دكتور .. مدام رشا اتصلت وقالت انها مش هتحضر الجلسه النهارده
ليلي = تمام .. انا هروح انا كمان وانتي اقفلي وامشي وتعالي بكره الصبح
بعد يوم مرهق ليلي روحت .. واول مفتحت الباب
مروه و سيف = ماما .. ماما
ليلي = حبايب ماما .. عاملين ايه ..
مروه وسيف = بخير
ليلي = اوعي تكونو زعلتو تيته منكو
سيف = لا يا ماما خالص
مروه= انا كنت بذاكر مكلمتهاش
ليلي = طب يلا اغسلو ايدكو انا جبت اكل من بره
مروه وسيف في صوت واحد= هاااااااااا
ليلي دخلت المطبخ لقت امها واقفه .. باستها
ليلي= ايه يا نسوم .. بتعمل ايه
بسمه= بطبخ للعيال
ليلي= انا مش قولتلك هجيب اكل معايا
بسمه= هو اكل بره ده ليه طعم اصلا
ليلي = مفيش احلي من اكلك يا نسوم يا قمر يا انت
بسمه= شوف البت .. يا بكاشه .. عايزه اقولك حاجه
ليلي = قول يا جميل
بسمه= جوزك اتصل النهارده يطمن علي العيال
ليلي= حقو مهم عيالو برضو
بسمه= مش ناويه تغزي الشيطان وترجعي لجوزك
ليلي = ده ميستهلش يا ماما
بسمه = الله يسمحكم هتمرمطو العيال بينكو
ليلي= ممكن نقفل الموضوع ده تماما .. انا هخش اغير وانتي اغرفي
بسمه= براحتك يا بنتي ..ي بس متتأخريش
………
بعد اليوم الطويل ده ليلي دخلت نامت وقبل متنام لقت مسج من جوزها مكتوب فيها ( ليلي انا بحبك اوي .. انا عارف اني غلط وغلطه كبيره اوي كمان .. بس بجد انا اسف ومش هعمل كده تاني صدقيني انتي ام عيالي اكيد مش هسيبك علشان وحده متسواش ارجوكي فكري تاني في موضع الطلاق ده ) شافت المسج ومردتش ونامت
+++++++++++++++++++++++++++++++++++++++++
= بيخوني
ليلي = مين ده الي بيخونك
= جوزي
ليلي ،= مع مين ..
= مع اختي
ليلي = انتي بتقولي ايه