رواية أحببت وصية رسول الله الفصل التاسع عشر 19 بقلم نورهان محمد

رواية أحببت وصية رسول الله الفصل التاسع عشر 19 بقلم نورهان محمد

رواية أحببت وصية رسول الله الجزء التاسع عشر

رواية أحببت وصية رسول الله البارت التاسع عشر

رواية أحببت وصية رسول الله الحلقة التاسعة عشر

في صباح يوم جديد
عائشه بتعب وهي تفتح عينيها ايه النوم دا كلو شكلي بقيت كسيله
عمر بابتسامه وهو يخرج من الداخل ولا كسل ولا حاجه انتي بس الفتره دي كنتي مضغوطه شويه ودي ردت فعل طبيعيه
عائشه بابتسامه اه فعلا الواحد كان حاسس باجهاد
لتكمل انت صليت
عمر اه اتوضيت وصليت وكنت جاي اصحيك علشان تصلي
عائشه تمام دقائق بس هتوضي واصلي واحضرلك الفطار
عمر علي راحتك انا هطلع اقعد في البلكونه حتي نفطر فيها انهارده
عائشه بابتسامه فكره حلوه
بعد وقت انتهت عائشه من إعداد الطعام وتوجهت إليه وجلسوا سويا يتناولان فطارهم في جو الصباح الجميل
عائشه بابتسامه ايه رائيك اغيرك علي الجرح
عمر بابتسامه تمام
بعد دقائق انتهت عائشه من التغيير عن الجرح
عمر انا عايز انزل اقعد شويه في تحت
عائشه تمام حتي اذاكر انا وخديجه شويه علشان الامتحانات قربت

عمر تمام يلا بينا
في الاسفل
ألقي عمر التحيه وجلس بجوار جده
عائشه انا هدخل اذاكر مع خديجه شويه ولو احتجتوا حاجه رن عليا ياعمر وهاجي علي طول
عمر تمام ياعائشه
ترجلت عائشه إلي الداخل تذاكر مع خديجه
في الخارج
الجد حامد كان يجلس وملامح الحزن تملي وجه
عمر بتسائل مالك ياجدي
الجد حامد في فضل ونعمه الحمد لله
ليكمل انت اللي عامل ايه دلوقتي ياحبيبي
عمر الحمد لله ياجدي بخير
الجد حامد ربنا يتمم شفاك علي خير ياحبيبي
وعاد إلي صمته مره اخري
عمر مالك ياجدي حضرتك باين عليك الزعل في حاجه حصلت
الجد حامد لا يابني متشغلش بالك
عمر لا ازاي احكيلي يا جدي
الجد حامد
فلاش باك
في عتمة الليل
كان الجد حامد مازال مستيقظا يرتل القرآن
وأثناء قراته سمع صوت في الغرفه المقابله
ترجل بكرسه المتحرك نحو غرفه المكتب ليصعق مكانه من الصدمه
الجد حامد بصدمه اثبت مكانك اوعي تتحرك
التفت حسين نحوه بصدمه عمي
الجد حامد حسين
ليفيق من شروده علي صوت عمر
عمر خير ياجدي سرحت في ايه
الجد حامد عمك حسين
عمر مالو عمل ايه تاني
الجد حامد كان بيحاول يسرق ملفات من البيت
عمر باستغراب ملفات في البيت ازاي طيب وليه مش في الشركه
الجد حامد ابوك لاحظ ان في ملفات ناقصه فجاب الملفات البيت

عمر بذكاء طيب وعرف منين انها في البيت
الجد حامد ما هو دا اللي هيجنني لان محدش يعرف ان الملفات في البيت غير حسن
عمر بعدما فهم بس عمي حسن مع بابا من زمان في الشركه ولا يمكن يعمل حاجه زي كده دا كان بيخاف علي الشركه اكتر منا
الجد حامد بتفكير ما هو دا اللي مزعلاني وبردو حسن انا اللي مربيه ولا يمكن يعمل حاجه زي كده
عمر طيب وهتعمل ايه
الجد حامد مش عارف انا بحاول افكر في حل وخصوصا ان ابوك شاكك ان في عدو في الشركه بس مش عارف مين
عمر الموضوع بقا يقلق ربنا يستر
عمر بتذكر بس ازاي مش المفروض كان مسافر بره مصر وكان جاي يصفي العلاقات قبل مايسافر
الجد حامد منا بردو قولت كده بس اكيد كان ورا حاجه زي عوايده هو دا هيتوب ولا حتي هيصفي
عمر فعلا والله ياجدي فرق كبير بينه وبين عمي حسن
الجد حامد حسن دا اتربي مع ابوك وعمك لكن التاني دا شر وكان بيكرهم من صغروا
عمر فعلا ياجدي باين عليه
ليكمل عمر هتعمل ايه
الجد حامد هسيبوا دلوقتي لحد مااعرف الملفات اللي اختفت معاه ولا لا
عمر تمام ياجدي
مر الوقت سريعا
في المساء
كان الجميع مجتمع علي المائده بحب
ميار بابتسامه ايه الاكل الجميل دا تسلموا والله
لتكمل انا عايزه اتعلم اعمل الاكلات الحلوه دي
فاطمه بس كده نعلمك ياقلبي
ميار خلاص اتفقنا
بعد الانتهاء من العشاء
كان الجميع يجلس وكل منهما في اتجاه مختلف من الريسبشن
♥︎♥︎♥︎♥︎

عند عائشه
ميار بابتسامه عندي خبر حلو ليكم
عائشه وخديجه بانتباه ايه
ميار لا هشوقكم شويه
خديجه لا قولي الفضول هيموتني
عائشه اه قولي ياميار
ميار مستعدين
عائشه وخديجه في وقتا واحد اه
ميار بابتسامه مازن طلب ايدي للجواز
عائشه وخديجه اقتربوا منها بفرحه وأخذ يحتضنها بحب وسرور
عائشه مبارك ياحبيبتي حقيقي مش قادره اقولك فرحتي
خديجه هي الآخر مبارك ياقلبي ايه الخبر الحلو دا طيب والله انا من كتر الفرحه هاين عليا ازغرط
ميار بابتسامه الله يبارك فيكم يااحلي اخوات انا كنت عارفه ان فرحتكم بيا هتعوضني عن عدم وجود اخوات ليا
عائشه بعبوس مصطنع واحنا ايه بقا ما احنا اخواتك
ميار طبعا ياقلبي واحلي اخوات
فاطمه وزينب ايه الفرحه الجميله دي ما تفرحونا معاكم
عائشه بابتسامه ميار هتتخطب لي مازن ابن عمتها
فاطمه وزينب وهما يقتربان منها ويحتضناها مبارك ياحبيبتي ربنا يتمملك علي خير يااحلي عروسه
ميار بسعاده ياارب ويباركلي فيكم يااحلي عيله
وظل المرح والسعادة والكلمات الجميله تتبدل بينهما
♥︎♥︎♥︎♥︎♥︎
عند عمر
أحمد كنت تقصد مين وانا فوق قبل ما عائشه تدخل
عمر في غيرو حسين طبعا
احمد بحزن تفتكر كده
عمر ايوه مفيش غيرو هو اللي ليه في الشر
أحمد انا مش عارف هيستفاد ايه من كل دا ايه الكره والعداوه دي
عمر والله نفس اللي قولتوا والله
أحمد ربنا يجازيه علي أعماله بس بعيد عنا
ليكمل انت عارف جزاء اللي ياذي حد ايه
عمر ايه
أحمد وهو يقص عليه ربنا قال في كتابه العزيز
بسم الله الرحمن الرحيم
قوله تعالى: (يَا أَيُّهَا الَّذِينَ آمَنُوا لَا تَكُونُوا كَالَّذِينَ آذَوْا مُوسَى فَبَرَّأَهُ اللَّهُ مِمَّا قَالُوا وَكَانَ عِندَ اللَّهِ وَجِيهًا).
وفي بردو قوله تعالى: (وَالَّذِينَ يُؤْذُونَ الْمُؤْمِنِينَ وَالْمُؤْمِنَاتِ بِغَيْرِ مَا اكْتَسَبُوا فَقَدِ احْتَمَلُوا بُهْتَانًا وَإِثْمًا مُبِينًا).
قوله تعالى: (قَوْلٌ َّعْرُوفٌ وَمَغْفِرَةٌ خَيْرٌ مِن صَدَقَةٍ يَتْبَعُهَا أَذًى وَاللَّهُ غَنِيٌّ حَلِيم).
وفي حديث عن الرسول بيقول
قال رسول الله صلى الله عليه وسلم: “المسلم أخو المسلم؛ لا يظلمه، ولا يُسْلِمه، من كان في حاجة أخيه كان الله في حاجته، ومن فَرَّج عن مسلم كربة من كرب الدنيا فَرَّج الله عنه كربة من كرب يوم القيامة، ومن ستر مسلماً سترة الله يوم القيامة”.
أحمد بحزن عارف والله انا نفسي اقولوا كل الحاجات دي
اقولوا هتستفاد ايه من الشر والكره والعدواه والغل دأ حقيقي وصل لمرحله خلاص عايز يقتلك ايه دا دااحنا من دم واحد
عمر مهما تقولوا مش هيكون في فايده خلاص الكره عمي عينو
عايز ينتقم باي شكل
ليكمل انت الحادثه اللي عملتها كانت ازاي
احمد بردو كان زي الحادثه بتاعتك
ليكمل تقصد ان هو اللي عمل كده بردو معايا وكان عايز يموتني
عمر دا الاكيد اصل الحادثتين بنفس الطريقه وبردو احنا سواقتنا فيها حرص
أحمد ايوه والله عندك حق
ليكمل بقلق انا خايف ياذي حد من العيله
عمر ماهو دا اللي قلقني بردو
أحمد طيب وهنعمل ايه
عمر أول حاجه خالتو هتكون امانتك تخدها معاك وتجيبها
وماما وجدي كده كده مش بيخرجوا من البيت
وخديجه وعائشه هنحاول انهم ميتحركوش من البيت غير علي الامتحانات واحنا نجيبهم ونوديهم
وبابا نحاول ننبه عليه بقا انو يخلي بالو
أحمد ايوه هو دا الصح
ليكملوا حديثهم في ماهو قادم
♥︎♥︎♥︎♥︎♥︎♥︎♥︎
اما عند محمد
الجد حامد محمد عايز ابلغك بحاجه
محمد بقلق خير ياحج انا من الصبح وانا حاسس ان في حاجه مزعلاك
الجد حامد مش زعل انا خايف عليكم
محمد من مين
الجد حامد من حسين
محمد بضيق عمل ايه تاني
الجد حامد هحكيلك انا كنت قاعد بقرأ قرآن وسمعت صوت في المكتب روحت ناحيه المكتب واتصدمت تتخيل لقيت مين
محمد باستغراب مين
الجد حامد حسين
محمد بضيق ايه ودا دخل ازاي ولا داخل ليه وبعدين مش كان مسافر هو في ايه وعايز مننا ايه مش هيبعد عننا بقا ويسيبنا في حالنا توصل انو يتهجم علي بيتنا
الجد حامد والله ياابني ولا انا عارف غرضوا ايه ودا اللي قلقني
محمد يعني هيعمل ايه مثلا انا اصلا علي اخري منو
الجد حامد اهدي كده عايزين نفكر صح
محمد انا اصلا ياحج قلقان والله تصرفاتوا بقت تقلق
وانا شاكك اصلا انو السبب في حادثه عمر واحمد
الجد حامد دا لو هو يبقا اخرتوا قربت
محمد ربنا يستر احنا لازم ناخد بالنا الفتره دي
الجد حامد ان شاء الله خير
ليقطع حديثهم صوت فاطمه رمضان قرب واحنا عايز نجهز بقا
احمد حاضر ياخالتو كل اللي محتاجينوا اكتبوا وانا هجيبوا لحد عندكم
فاطمه بس انا متعوده اني بخرج واجيب كل حاجه بنفسي
عمر وهو ينظر لاحمد تمام ي احمد هتاخد ماما وخالتو يجيبوا اللي محتاجينوا وترجعهم تاني
احمد لو كده تمام
زينب بس ايه كل دا وايه الحرص دا كلو
عمر لا عادي ياخالتو مش عايزين نتعبكم
زينب تمام تسلموا ياحبايبي
ميار أهم حاجه دلوقتي انا عايزه اخد رأيكم في حاجه
عمر ايه ياميار
ميار متقدملي عريس
عمر مين بقا اللي انو داعيه عليه دا وهياخدك
ميار انت تعرفوا جدا جدا
عمر باستغراب اعرفوا مين دا
ميار بمرح الواد مازن
احمد احلفي بالله
ميار والله
أحمد وانا اقول الواد دا عمال يكلمني باحترام ويسئلني علي الجواز
وانا يعيني عليا كنت بجاوبوا بحسن نيه
خديجه يسلام يا سي احمد وقلتلوا ايه
احمد بابتسامه كل خير انتي عارفاني
خديجه ما هي دي المشكله
محمد ربنا يسعدك يابنتي ويتمم بخير
ميار بابتسامه تسلم ياعمي
الجد حامد مبروك يابنتي ربنا يتمملك علي خير
ميار وهي تقترب وتقبل يداه ورأسه تسلملي ياجدي
الجد حامد تسلمي ياحبيبة جدك طبعا انتي عارفه ان غلاوتك من غلاوه عائشه وخديجه
ميار طبعا ياجدي داانا يكون ليا الشرف
الجد حامد ربنا يسعدكم يابنتي
ميار انا بلغت بابا وهو هينزل علي طياره بكره هيقضي يوم الخطوبه وهريجع وماما بردو احتمال تنزل
وعلشان كده وجودكم معايا هيفرق
فاطمه بحب احنا ان شاء الله هتكون متواجدين معاك
وبعد مرور الوقت بينهم في الحديث
انتهي اليوم بكل سعاده
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
في شقه عمر
عمر بابتسامه نصلي ونقرأ الأذكار وندخل ننام لاني فصلت
عائشه بابتسامه حاضر ياحبيبي
وبعد دقائق
انتهوا من وردهم اليومي وناموا سويا
في صباح اليوم التالي
كان اليوم يسير مثل باقي الايام ماعدا ذهاب فاطمه وزينب إلي المول وتحضيرلهم لجميع استخدامات رمضان
وانتهي اخيرا
في الصباح
اليوم خطوبه ميار وكتب كتبها ايضا
ميار اه تملس علي وجه عمر بحنان اصحي بقا ياعمر
عمر بابتسامه صباح الخير ياحبيبتي
عائشه بابتسامه صباح الورد ياحبيبي
عمر الدلع اللي علي الصبح دا كلو علشان خطوبه ميار
عائشه بسعاده انا فرحانه بيها جدا فرحتي بيها لا توصف
عمر مش بقولك انتي انسانه نادره وحد جميل لا بعد وصف
عائشه بحب مش مراتك لازم اكون كده
عمر وكمان بتقولي كلام حلو لا كده كتير عليا
عائشه ولا كتير ولا حاجه لتكمل يلا قوم بقا علشان تصلي
عمر وهو يقبل رأسها حاضر ياقلبي
بعد دقائق كان عمر اتوضي وكان يصلي فرضه بخشوع
عائشه يلا بينا الفطار جاهز
توجه عمر الي السفره وتناولوا الفطار بشهيه
عائشه انا هنزل اساعدهم تحت وبعدين اطلع اجهز علشان اروح لميار
عمر تمام وانا هخلص شويه حاجه وهحصلك
عائشه تمام
في الاسفل
عائشه صباح الخير
فاطمه صباح الورد علي عيونك ياحبيبتي
عائشه عامله ايه ياخالتو وخديجه فين
فاطمه الحمد لله ياحبيبتي
لتكمل خديجه في الاوضه كانت هتجهز اللبس لاحمد
عائشه تمام انا هدخلها
فاطمه تمام ياحبيبتي
في الداخل
عائشه صباح الخير ياقلبي
خديجه صباح الياسمين ياجميلتي
عائشه بمرح ايه احمد دبسك في لابسه
خديجه ايوه اعمل في ايه بقا جوزي ولازم استحمله
عائشه معلش بقا ممكن يحرمنا من فقره الضحك لو مسمعناش كلامه
خديجه ايوه والله يعملها
ليدور الحديث بينهم
بعد مرور عدة ساعات
عائشه انا هطلع اجهز علشان نلحق نروح لميار
خديجه تمام وانا كمان هجهز
عائشه تمام
ثم توجهت عائشه إلي الاعلي
عائشه بهدوء طلعت ليه
عمر حسيت بتعب قولت اطلع ارتاح شويه
عائشه حاسس بايه
عمر لا عادي دول شويه قلق
ليكمل انا عايز اشيل الشاش دا
عائشه بس ممكن الجرح يتلوث
عمر لا دا يعتبر تخربشه بسيطه وخلاص يعتبر قربت تختفي
عائشه تمام وساعدته في فك الشاش
بعد دقائق
عائشه انا هدخل احضر نفسي علشان اروح لميار
لازم اكون معاها في يوم زي دا
عمر تمام
استعدت عائشه وكانت ترتدي درس باللون الجملي وخمار باللون الاسود وشوز من نفس اللون
عمر بابتسامه ايه الجمال دا
عائشه بجد شكلي حلو
عمر ايوه طبعا واهم حاجه التزامك والخمار طويل ومش حاطه أي حاجه في وشك وشكلك مبهج
عائشه بجد كلامك دا فرحني جدا وخصوصا انك راضي عني وعن التزامي ودي بالدنيا كلها
عمر طبعا ياحبيبتي راضي عنك انتي وصيه رسول الله ليا واقل حاجه اني اشجعك علي التقرب من الله اكثر فاكثر
عائشه بابتسامه يديمك ليا يا اجمل زوج في الدنيا كلها
عمر ويديمك ليا ياحبيبتي
عائشه انا حضرتلك اللبس ياعمر
عمر تسلمي ياحبيبتي
عائشه تمام انا هنزل بقا زمان احمد في انتظارنا
وبالفعل توجهت إلي الاسفل
واخذهم احمد إلي بيت ميار واطمأن عليهم ثم عاد مره اخري إلي الفيلا
عائشه خبطت علي الباب إلي ان اتاها الرد
لتفتح فتاه في عمرها السابع عشر من عمرها
عائشه بابتسامه اهلا ياجميل انتي اكيد اروي
اروي ايوه انتي تعرفيني
عائشه ايوه طبعا ميار حكتلنا عنك
خديجه ايوه وبتحبك جدا
اروي وانا كمان بحبها
لتتجهم إليهم مني مين يااروي
توقفت مني اتفضلوا يابنات نورتونا
لتهتف ازيك ياخديجه تعالي ياحبيبتي
اقتربت منها خديجه هاتفه عامله ايه دلوقتي ياطنط
مني الحمد لله ياحبيبتي
لتكمل وانتي اكيد عائشه
عائشه بابتسامه حضرتك عرفاني
مني ايوه طبعا ميار بتحكيلي عنكم كتير
لتكمل ميار مستنياكم جوا
ترجلت عائشه وخديجه إلي الداخل
وبمجر ان لمحتهم ميار احتضنتهم بشده وبدأت في البكاء
خديجه لا انتي عروسه ومينفعش تعيطي
ميار وهي تمسح دموعها ربنا عوضني بيكم
عائشه دي اقل حاجه وبعدين مش احنا اخوات
ميار طبعا
عائشه خلاص ودي اقل حاجه بين الاخوات ولا ايه ياخديجه
خديجه ايوه طبعا ويلا بقا علشان تجهزي وتكوني احلي عروسه
بعد مرور الوقت
خديجه بابتسامه قمر ياميار
ميار بجد شكلي حلو
عائشه ايوه زي الأمر والنقاب كمان جميل اوي ومفاجأة حلوه
ميار انا حسيت ببهجه كده واني خلاص عايزه اللبس النقاب ولما استدرجت مازن حسيت انو كمان مش ممانع لا دا كان فرحان قولت خلاص اخد الخطوه دي واعملها مفاجأه
عائشه وانا متأكده انها هتكون احلي مفاجأه وهتعجبوا
خديجه ان شاء الله
وبعد مده كان الجميع مجتمع في جو مبهج
فتعرفت فاطمه وزينب علي مني وقضوا بعض الوقت معا واتفقا علي ان يكونوا أصدقاء
اما والد ميار ف عمر كان يعرفه وعرفه أيضا علي البقيه
بعد دقائق اتي المأذون
خرجت ميار وهما كانت المفاجأه
مازن وهو يقف اللهم بارك ايه الجمال دا حقيقي اليوم كمل ودا احلي يوم واحلي مفاجأه في حياتي
ميار بجد
مازن طبعا بجد يلا بقا علشان نكتب الكتاب
بعد دقائق كانت الدموع تغطي وجهه ميار عندما سمعت قول المأذون
بارك الله لكما وبارك عليكما وجمع بينكما في خير
بارك الله لكما وبارك عليكما وجمع بينكما في خير
بارك الله لكما وبارك عليكما وجمع بينكما في خير
خديجه كانت تمسك يد وعائشه اليد الاخري محاولين ان يهدوأ من روعها
عائشه بابتسامه مبارك ياحرم الدكتور مازن
ميار الله يبارك فيك ياقلبي
لتكمل انتو عارفين ان مازن دا أول حب في حياتي ويعتبر بردو الاخير
خديجه بتتكلمي جد
ميار ايوه طبعا انا كنت عايشه هنا وانا صغيره واستقريت فتره هنا وكنت متعلقه بيه ولما سافرت زعلت جدا اني مش هشوفوا
بس طبعا الدنيا خدتني بس لما رجعت وشوفتوا تاني حسيت أني رجعت صغيره تاني بس كنت بحاول ابعد لان مفيش حاجه في الوقت دا كانت تربطني بيه واول لما عرض عليا الجواز وافقت علي طول وحاليا بقيت مراتو رسمي فهمي نظمي انا مش مصدقه نفسي من الفرحه
عائشه وهي تحتضنها لا صدقي ياقلبي ربنا يسعدكم يارب
خديجه وهي تحتضنها هي الاخري مباارك ياقلبي وربنا يتمملك فرحتك علي خير
ميار الله يبارك فيك ياقلبي اللهم آمين
مازن وهو يقترب ممكن اخد مراتي منكم شويه
خديجه ايوه طبعا اتفضل
مازن ابتعد عنهم بعض الشئ وهتف بحب وهو يقبل رأسها اخيرا قدرت احصل علي حب حياتي وبقيتي مراتي
ميار بدموع وانا كمان مش مصدقه نفسي من الفرحه اخيرا اتجوزنا
مازن دا احسن يوم في حياتي
ميار وفي حياتي انا كمان
لتكمل يلا نروح نسلم عليهم وكمان نتصور
مازن تمام

انتهي اليوم بحب وسعاده لتتوجه عائله العمري إلي فيلاتهم
في الجنينه
عائشه بتعب يوم طويل بس جميل
خديجه ايوه وفرحنا اوي
عمر طيب احنا هنطلع نرتاح

فاطمه واحنا بردو هندخل نرتاح تصبحوا على خير
رد الجزء المتبقي وانتو من اهلو
صعد عمر هو وعائشه الي شقتهم
عمر احنا نصلي القيام ونام علي طول انا تعبان جدا
عائشه تمام
بعد دقائق قد انتهوا وتوجهوا إلي غرفتهم لينالوا قسطا من الراحه
مرت عدة أيام والوضع كما هو لا جديد يذكر ولا قديم يعاد فحياتهم كالمعتاد
وفي ذات يوم في الليل المعتم
عائشه وهي تتلملم بتعب آه آه
عمر انتفض من مكانه محاولا افاقتها ليهتف بقلق عائشه فوقي ……
عائشه بصراخ ……….
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية أحببت وصية رسول الله)