رواية حب من اول لقاء الفصل الخامس 5 بقلم نور ربيع

رواية حب من اول لقاء الجزء الخامس

رواية حب من اول لقاء البارت الخامس

رواية حب من اول لقاء الحلقة الخامسة

لا حول ولا قوة الا بالله 🤎
اللهم صلي علي سيدنا محمد 🤎
السلام عليكم ورحمة الله وبركاته جماعه قبل الكتابه و الكلام لجميع البنات. يا جماعه بالله عليكي بلاش كلمه هاي دي في حاجه اسمها السلام عليكم ورحمة الله وبركاته بلاش الكلمه المستفزه اللي بقت منتشرة في كل مكان دي مع البنات مش كل ما امشي في الشارع تجي بنت في الشارع تقولي هاي كل ما واحده تدخلي شات هاي اي هاي دي اقسم بالله انا بخجل ارد ع الكلمه الزبالة دي اصلا الله يهديكم يا بنات غيرو من الاسلوب ده شويه مش بنت الاكابر انتي و حتى لو بنت مين برضو بلاش الكلمه دي ارضي ربنا الله يرضي عليكي ي حبيبتي+ و الكلام لجميع +مش قصدي اهانه لحد وكمان ال بيقول السلام عليكم ورحمة الله وبركاته بياخد ٣٠ حسنه وال حسنه بعشر امثالها
♕♕♕♕♕♕♕
زياد بابتسامة: اومال فين نادين؟
ام محمد بابتسامة: جوه بــ تلبس ثواني انادي عليها
و قامت دخلت ليها
عمت نادين ابتسمت: لا بقيتي بتفهمي اهو انا عاوزه اي بالظبط يا نادين
نادين قامت من قدام التسريحة بتوتر
نادين بابتسامة كلها حزن: اي رايك فيا انا حلوه؟
عمتها بسخرية: قمر يا بنت اخويا
نادين قالت بــ كره لنفسها: اد اي انا حاسه اني رخيصة اووي في نظر نفسي معقول انا انا ليه كدا انا بــ كره نفسي اوي
عمتها: يلا يا قمر علشان زياد جاه بره
نادين خرجت و عمتها دخلت المطبخ تجيب الضيافه
_________________________
في منزل اهل زياد جرس الباب كان بــ يرن ورا بعض
سيف نزل بسرعه بعصبيه: طيب ما هرحمك يا اللي بترن كدا. فتح الباب
سيف ابتسم بغيظ: روح
روح دخلت بسرعه وهي طايرة من الفرحة. وقالت عامل اي سيف
سيف: الحمدلله بخير انتي عامله اي عاش من شافك و سمع صوتك
روح بحزن: يعني انتوا حد فيكم بيسأل
في الوقت ده زهراء و نغم جم
زهراء بابتسامة: روح
روح جريت عليها بسرعه حضنتها
نغم بابتسامة: عاش من شافك يا غاليه
روح وهي في حضن زهراء بدموع وبعتاب فيهم: ليه محدش فيكم بيسال عليا انتوا لو بتسالو عليا كنت شفتوني وكنتي سمعتي صوتي لكن انتوا نسيتوني اصلا
زهراء طلعتها من حضنها بزعل:يروحي حقك علينا احنا مش ناسيينك ولا حاجه والله بس الايام اللي فاتت كانت امتحانات وكانت لبخه ما انتي عارفه
سيف بابتسامة: متزعليش كده اوي انتي في بالنا والله علطول ومش ناسيينك ولا حاجه
نغم بمرح:هو احنا نقدر ننساك ي جميل
زهراء بضحك: قوليلها بالله.
روح بحزن: لا زعلانه منكم والله
نغم شدت ايدها و دخلو ع جوه
نغم بضحك: تعالي تعالي بس سيبك من الزعل ده دلوقتي تعالي اطلعي ل ماما دي كانت لسه جايبه في سيرتك الصبح وانتي وحشاني اصلا كتير اوي اوي
سيف بتريقه: يا راجل
زهراء ضحكت: اه والله
و راحو ل ميرفت
_________________________
في المنزل عند نادين
نادين دخلت بابتسامة توتر: زياد
زياد رفع عيونه بصلها و تصدم ل تاني مره منها و المره دي اشتعلت جواه نار الغضب منها
( نادين كانت لبسه ترنج بيت و التشيرت بتاعه قصير و عليه الجاكت نصه مفتوح و حاطه ميكب و الطرحة موجوده كدا وخلاص ع شعرها)
نادين قربت منه بابتسامة: وحشني يا زياد اسفه عارفه اني اتاخرت عليك ي حبيبي
زياد قام بغضب معمي: نااادين غوري بدلي هدومك دي و تعالي عاوزك
نادين بخضه: زياد في اي؟
زياد بغضب: قولتلك غوري بدلي هدوك و تعالي و البسي اسدال اخلصي بدل القرف اللي انتي لبساه
نادين بدموع وحزن: يعني انت مش عايزني كدا؟؟
زياد دار ضهره بشده غضب : انا في حياتي ما شوفت مسخرة زي المسخرة دي ي بنت الناس. زي دي دلوقتي الله يرضي عليكي روحي من قدامي
نادين بندم و دموع: حاضر بس اوعا تمشي هغير و اجي والله دلوقتي
زياد اتنهد وهو زي ماهو وقال: انا مش همشي غير لما اخلص الكلام معاكي و بعدها همشي
نادين بسرعه وعياط: يعني خلاص مش عايزني والله العظيم مش هعيدها تاني و اللي انت عاوزو بس بلاش تسبني
زياد بهدوء: روحي ي نادين بدلي هدومك يلا الله يهديكي
نادين راحت من غير و لا كلمه وهي بتعيط جامد
_________________________
في غرفه نادين
نادين كانت واقفه تغير هدومها بعياط و جواها كره نفسها
عمتها ابتسمت:تصدقي زياد ده مش زي باقي الشباب اوعا تخليه يروح من ايدك ي نادين
نادين بصتلها بــ كسرة و. دموع: دا انتي خلتيني ارخص نفسي قدام كل شاب يدخل البيت انتي عارفه انا في لحظه دي نفسي الارض تنشق و تخدني علشان خلاص بقيت رخيصة اوووي في نظر نفسي و نظر كل شاب يدخل البيت
قالت بكل غضب عمتها: كل الشباب عاوزه كدا لو انتي ما عملتيش كدا و عملتي فيها شيخه قدام كل واحد ابقي شوفي مين اللي هيبص ليكي يا حلوه واحده ابوها وامها مفصلين ورامينها ليا و عندها 25 سنه لحد دلوقتي ما فيش واحد راضي يبص ليها ولا حتى يوافق عليها وكل حياتها معقده. عايزني اعملك اي يعني مفيش قدامي غير كدا علشان يوافقوا عليكي لازم تعجبيهم كدا بالطريقة دي
نادين بدموع وكرة لنفسها: ياريت مكنتش جيت ع الدنيا دي ياريت كانت امي نزلتني لما عرفت انها حامل بيا
عمتها بسخرية: ياريت ياريت اخلصي مش خلصتي روحي يلا ادخلي
نادين راحت اتجاه الباب وهي حاسه ان روحها بــ تنسحب منها جامد و فقدت كل الشغف اللي جواها
_________________________
البنات كانو قاعدين سوا و مرفت معاهم و سيف وكل الوقت مقضينه في الضحك والهزار والجو الهادي ما بينهم هم مبسوطين وروح كانت مبسوطه جدا من جواها انها معاهم شافتهم اخيرا بعد الوقت ده كله
روح بضحكه فرح: انتوا عارفين انا كنت جايه داخله فيكم شمال بس بعد ما شفتكم خلاص اللي كان في دماغي راح والله
مرفت ضحكت: اخص عليكي نهون عليكي يا روح
روح بزعل: ما انا كنت زعلانه والله
زهراء بابتسامة: لا متزعليش يروحي حقك علينا ما عادش نعيده
نغم: يلا نلعب لعبه حلوه اي رايكم
زهراء: هي اي؟
نغم: هقولكم
روح بفرحه: وانا موافقه
_________________________
نادين كانت قاعده هي و عمتها مع زياد
عمت نادين بخبث: شوف يا زياد نادين مش قصدها حاجه بلاش تاخد القرار غلط بسبب طيشها ده
نادين بدموع راسها في الارض: والله مش قصدي يا زياد بس
زياد قطع كلامها وقال:بعد اذنك يا خالتي ممكن سيبيني انا اللي اعرف اتكلم مع نادين بلاش بعد اذنك تدخلي انتي سبيني انا اتعامل معاها
عمتها: تمام
زياد بصلها بــ جديه:انتي بتعملي كدا ليه يا نادين؟
نادين بدموع وحزن: علشانك والله
زياد: علشاني ازاي؟
نادين: علشان خاطرك قولت اللي يعجبك هكون بيه
زياد بنرفز منها قال بغضب: نادين انتي عارفه لو واحد غيري كان عامل فيكي اي؟ كأن طمع فيكي و عمل فيكي عمايل سود ي بنتي انتي كدا بطمعي فيكي الرجال يا بنت الناس
نادين قالت لنفسها بــ كره: فعلاً و ده اللي حصل من زمان
زياد: نادين!؟
نادين بصت لي بدموع وعد: وعد منى اخر مره من انهارده هكون انسانه غير اللي قدمك دي بس انت بلاش تسيبني وتاخد موقف مني انا مش وحشه ولا حاجه والله العظيم انا عاوزه اللي يرضيك علشان انا بحبك وربنا
زياد اتنهد وقال:استغفر الله العظيم نادين انا مش عايز تعملي حاجه ليا عاوزه تعملي اعملي لما يكون ما بينا لما تكوني مراتي في بيتي لكن مش دلوقتي احنا مفيش حاجه ما بينا رسمي كل ده حرام انا عاوزك زوجه صالحه زي ما انا عايز كدا انتي كمان ترضيني بــ كدا الله يرضي عليكي غيري من نفسك شويه دا علشان خاطر ربنا لو عاوزه تعملي حاجه علشاني دلوقتي غيري من نفسك كوني انسانه جديده بنت صالحه اللي انا بتمناها من زمان هو ده اللي هيرضيني والله
نادين بــ ندم وحزن: حاضر والله اغير من نفسي وانت متزعلش منى بالله
زياد بهدوء: انا مش زعلان منك انا زعلانه عليكي انتي انتي غاليه يا وصيه الرسول عليه الصلاه والسلام حافظي على نفسك وحافظي على دينك بلاش تغضبي ربنا عشان ما يغضبش عليكي غضب ربنا وحش أوي كل معصيه بتعمليها ربنا هيعاقبك عليها ارضي ربنا علشان يرضى عليك يا نادين بالله عليكي انتي غاليه وعايزك احسن زوجه انتي غاليه عليا وانتي من دلوقتي في عيوني لازم احافظ عليكي عشان بكره هتبقى مراتي باذن الله وده حقي ان احافظ عليكي الرسول صلى الله عليه وسلم وصى بالنساء وانتي من اول ما تبقى مراتي خلاص هتبقى وصايتي وامانتي فهماني يا نادين
نادين هزت راسها بمعنى فاهمه كل كلمه وانها مطاوعه كلامه وجواها بتقوله انك انت مختلف عن كل اللي دخلو حياتي انت انسان غير اللي عملت معصيه معاهم في حياتي انت فعلا العوض وفي نفس الوقت جواها حزين بيصرخ بوجع وقهره انها بتخذل الثقه اللي ما بينهم وانها بتكذب عليه في حاجات
_________________________
في المساء
في منزل طارق
طارق الوقت جه من الشغل
طارق بنرفز: بقولك فين روح؟؟
مروة ام طارق بهدوء: بلاش تتعصب وتتنرفز بتغضب خد الامور يا طارق روح راحت عند خالتك ميرفت علشان البنات وحشينها كانت عايزه تشوفهم
طارق اللحظه دي الغضب عماه: ااانتي ليه بتخليها تروح هو انا مش قولتلها ميت مره تنساهم وبلاش تجيب في سيرتهم او تخطي البيت بتاعهم
مروه: يا ابني انت بتتعصب ليه كده
طارق بغضب: بنتك بتمشي بدماغها كتير.اوي وانا هعلمها الادب عشان خاطر تبقى تسمع الكلام حلو اومال هما ما فيش واحده فيهم بتيجي ليه ولا بيكلموها ها
مروه اتنهدت وقالت طارق الله اعلم بظروفهم وبعدين هما ازاي هيجوا هنا يا ابني بس فهمني؟
طارق بغضب شديد: اومال بنتك ازاي تروح هناك فهميني وزياد وسيف دول يبقى اي فهميني انتي بالله عليكي
مروه بهدوء: معاك حق وانا غلطانه اني خليتها تروح وزهراء معروفه انها ما ينفعش تيجي هنا عشانك ما تنساش اللي حصل زمان لو على نغم نغم بتيجي وبتروح عادي لكن الفتره دي قطعت ما بقتش تيجي عشان اكيد امتحانات كانت في الايام اللي فاتت بلاش تتعصب من حاجه انا هرن عليها واقولها تيجي استهدى بالله كده
طارق دار ظهره بغضب وتوعد ليها: انا هروح اجيبها من شعرها وانهى على حياتها علشان تبقى تعمل كل حاجه بدماغها كده
مروه بعصبيه: طارق لو مديت ايدك عليها ما هسامحك لاخر عمري
_________________________
في منزل زياد
زهراء بصت في الساعه وقالت: روح يلا علشان تمشي احسن طارق زمانه جاي من الشغل وكده هيقعد يتعصب انك جيتي وقاعده لحد دلوقتي يا روحي تبقى تعود تاني باذن الله القعده دي تاني يلا
نغم بضيق: هو انتي بتطرديها يا بنتي
روح بحزن منها: اي دا يا زهراء عايزني امشي
زهراء بهدوء: يروحي لا والله مش كدا أبداً بس عاوزك تمشي علشان خاطر طارق يرضي يخليكي تجي تاني علشان الوقت كدا بــ يتاخر لو عارف انك تاخرتي اكتر من كده مش هيخليكي تيجي تاني
روح بحزن: هو ميعرفش اصلا جيت من غير ما يعرف
نغم: خلاص خليكي قاعده هو كدا كدا ما يعرفش واول لما زياد يجي هنوصلك ان شاءلله
زهراء بنرفز منها: اسكتي يا نغم بطلي تشجعيها على الغلط ما ينفعش انك تيجي من وراه تاني مره يروحي لازم تقولي لي.ع كل حاجه بتعمليها تمام دا اخوكي الكبير لازم يعرف عنك كبيره و صغيره تمام ي روحي
روح: بس مكنتش هيخليني اجي والله ي زهراء
في الوقت ده الجرس رن
نغم قامت: زياد اكيد ده اروح افتح
_________________________
نغم فتحت و كان
نغم ابتسمت: طارق اهلا اتفضل
طارق داخل بغضب هو مش شايف قدامه اي حاجه و بقا ينادي على روح بصوت عالي: روووح
نغم بقلق: طارق في اي اهدي
الكل جاه على صوت طارق الغضبان
روح بخوف منه: طارق
مرفت ابتسمت بسيط جدا: طارق اخبارك اي
سيف بسخرية: عامل اي يا. غالي
طارق مهتمش لاي حد فيهم وراح شد روح من ايدها بغضب روح اترعبت منه
روح بدموع خوف: طارق سبني في اي
طارق نزل على وشها جامد بالقلم بشده غضب منها
زهراء بزعيق فيه: انت ي بني ادم انت مفيش عندك رحمه ابدا بتمد ايدك على اختك كدا ليه هي كانت عملت ليك اي
سيف بغضب: انت زي ما انت مش بتتغير ابدا
نغم بعصبيه و سخريه: الانسان اللي فيه حاجه مستحيل يجي يوم و يتغير منها نهائي يا عالم
مرفت بغضب منه راحت شدت روح وقالت بغضب: الله يهديك ي طارق
روح بعياط و ألم: والله ما هسامحك يا طارق بس علشان انا مش صغيره عشان تعمل فيا كده بالطريقه دي وتمد ايدك عليا
طارق بغضب شديد: دا انا هكسر راسك وشدها من حجابها وبقى ماشي
زهراء وقفت قدامه بغضب شديد وقالت: انت بتعمل كدا ليه ها؟ كل ده علشان خاطر جت عندنا و اي يعني ما تجي هي جايه علشان خاطر اخواتها مش جايه عشان خاطر حد غريب
طارق بــ شده غصب وضيق: ياريت تبعدي عني السعادي لو سمحتي
زهراء بدموع وغضب منه: مش هبعد ياريت تسيب روح هي مش طفله صغيره علشان خاطر تعملها كدا
روح بغضب وعياط: سبني بقا يا طارق
مرفت بزعيق: طارق سيب روح
راحت قربت منه مسكت ايد روح
طارق زقها بعنف روح ل ورا وقال بنبرة كلها غضب وصوت عالي:لو حد فيكم عرفت انه حاول يتواصل بــ روح هيزعل بجد مني وانا مش بقول كلام كدا وخلاص
سيف بغضب: وانت ولا تقدر تعمل حاجه اصلا خلي تهديداتك ليك
طارق بصله بغل: انا قولت ال عليا وخلاص
نغم بعصبيه: انت واحد بلطجي
زهراء بنبرة كلها حزن وعتاب: خاف من ربنا لو مره و غير من نفسك ده علشان خاطرك مش علشان حد تاني
طارق بصلها بسخرية وقائلا: خليكي انتي ع. جنب يا شيخه زهراء خلي حكمك دي لحد غيري
زهراء راحت من قدامه وقالت بدموع وقهره منه: هيجي يوم و تندم والله
مرفت بحزن جواها منه: بكره يجي وتوعه على نفسك كويس يا طارق.و تعرف انت بتعمل ايه كويس
روح بدموع وعتاب: انت ما خلي الكل زعلان منك و شايل منك اوي و اول واحده زهراء. اللي انت ظلمتها معاك وتعبتها في حياتها بسبب حبها ليك الله يسامحك يا خويا
طارق ما اهتمش لاي حد في جرح شدها وراح ماشي والكل اخد منه موقف للمليون مره اكتر و جواهم بقى حزين منه جامد و اكثرهم زهراء