روايات

رواية جعلني ملتزمة الفصل الرابع 4 بقلم ريم أحمد

رواية جعلني ملتزمة الفصل الرابع 4 بقلم ريم أحمد

رواية جعلني ملتزمة البارت الرابع

رواية جعلني ملتزمة الجزء الرابع

رواية جعلني ملتزمة
رواية جعلني ملتزمة

رواية جعلني ملتزمة الحلقة الرابعة

بصيت وقتها لقيت بابا وكان قاعد مع تلاته صحابه على الطربيزه اللي قصادي وباصص عليا بكل صدمه أقوله ايه طيب أنا مليش ذنب أنا مقعدتش معاهم ب إرادتي دي ياسمين اللي جابتهم أنا مش عايزه كده ولله وفجأه بابا قام من على الطربيزه واجه ناحيتي ولقيت صحابه باصين علينا وقالي أنتِ بتعملي ايه هنا ومين دول ي فرحه رديت عليه وانا ب العافيه بجمع حروف الكلام من خوفي ورغم أني مش عامله حاجه غلط بس هو شاف كده قدامه مفيش مبرر تاني غير إني قاعده معاهم وبتكلم معاهم لقيته بياخدني من إيدي وبيحضني استغربت من ردة فعله أنا قولت اكيد هيبهدلني وهيمسح بيا الأرض إني قاعده مع شابين ف كافيه ولقيته بيقولي ايه ي بنتي خلصتوا البحث بتاعكم اللي مطلوب منكم ف الكليه لحظه لحظه افهم بس بحث ايه وكلية ايه بصيت ليه لقيته بيبص ليا بمعنى اوعي تفضيحني حسيت كده نظرته قولتله ايوا ي بابا ووقتها قال لأصحابه دي بنتي فرحه ف أولي حقوق مطلوب منهم بحث وعلشان كده جبتكم هنا نقعد سوا علشان اكون معاها لأنها مش هينفع تقعد وحدها مع شباب وكده بس دول زي المجموعه سوا كده لقيته عمال يبرر لأصحابه وهو حاضني من غير م يشتمني قدام صحابي أو وأصحابه من غير م يقلل مني أو يضربني على الرغم لو عمل كده مكنتش هقدر اتكلم لأنه من حقه بس استغربت ردة فعله دي مكنتش متوقعاها خالص ف وقتها لقيت صاحبتي ياسمين بتقول لبابا بسرعه .
ياسمين :ي عمي مش اعرفك على باسم ده بيحب فرحه اوي وعايز يتتقدم ليها كمان
بصيت لياسمين بصدمه أنتِ بتقولي ايه أنا صدقت م بابا قدر يلم الموضوع قدام صحابه بصيت ليها وانا مش فاهمه هي عملت كده ليه إزاي صحبتي تشوه صورتي ب الطريقه دي ليه طيب تقول كده بس وقتها استغربت بردو من ردة فعل بابا اللي صدمتني
قال بابا ليها:ومالوا ي بنتي البيت مفتوح ويجيب أهله ويجي يتقدم ويسمع مننا الرد وبعدها استأذن من صحابه واخدني ومشي فضلت ماشيه جنبه طول الطريق وأنا مش عارفه اتكلم اقول ايه حاسه أن لساني اتشل وحطيت عيني ف الأرض وانا مش قادره ارفعها رفعت عيني على بابا لقيته ماشي سرحان وف عيونه زي كسره أو حزن معرفتش افسرها بس كنت عارفه أنه أتوجع أو فكر إني بعمل حاجه غلط بس ولله أنا مغلطتش وصلنا البيت دخلت الشقه وأنا عارفه إني هضرب ده اقل حاجه ممكن أتوقعها لقيت بابا بيقولي: قوليلي كل حاجه ب الظبط وايه حصل وإزاي تقعدي مع شباب كده ريحيني وقوليلي ي بنتي ايه في
رديت وأنا هعيط من ردة فعل بابا اللي متوقعتهاش منه قولتله:ولله ي بابا أنا كنت طالعه مع ياسمين وهي اللي قالت ليا نقعد ف الكافيه وأنا وقاعده لقيتهم اجو وقعدوا جنبنا لما اتكلمت فضلت تقولي عادي دول صحابنا وكلام من ده لحد م شفتك قايم وجاي عليا لكن. ولله ي بابا أنا مش بكلمهم ولا ليا علاقه بيهم يمكن أنا كل حياتي غلط ف غلط بس ولله مش بتكلم مع شباب ولا ليا علاقه بيهم خالص مش هقولك حرام ومش عارفه ايه بس هقولك إني أنا مش بحب كده ولا عايزه اكون كده وأنا عارفه أنه غلط ومبنفعش بسكده
رد بابا وقالي: وأنا واثق فيكِ وعارف أنك مش هتعملي حاجه تخليني امشي ف وأنا حاطت راسي ف الأرض من الناس عارف أنك مش هتعملي كده ي بنتي بس هقولك أنك تبعدي عن صاحبتك دي صاحبتك دي هتاخدك طريق الهلاك دي مش كويسه وهو صح صاحبك دي عايز يتقدم
رديت وقولتله:ولله معرف ي بابا
وقتها قالي:طيب أنتِ موافقه عليه
قولت ف نفسي انا اه مش بتكلم معاهم بس منكرش أنه هو نفس الشخصيه ودي نفس الصفات اللي عيزاها إنسان فرفوش وبيحب الحياه وفاهمني وفاهم دماغي ده ميمنعش أنه نفس الشخص اللي عايزاه فقت من تفكيري على صوت بابا وهو بيقولي ايه ردك
قولتله موافقه ايوا لانه نفس الشخصيه اللي أنا عيزاها وبتمناها قالي طيب والشيخ أحمد رديت وقولتله الشيخ أحمد تاني ي بابا لاء مش موافقه عليه ده إنسان معقد أنا مش هعيش ف سجن معاه لأنه سجن عيشته دي أنا مش عايزه كده
رد بابا عليا وقالي:ومين قلك أنه سجن ي بنتي مين اللي فهمك كده السجن ده اللي انتِ عائشه فيه طيب اسمعي مني وفكري مره تانيه ف الموضوع وصلي صلاة استخاره علشان خاطري لو لسه ف قلبك ذرة حب ليا فكري تاني
كلامه أثر فيا بصراحه بابا عمل كتير علشاني منكرش إني من يوم م خلاني اخلع الخمار وأنا مش بديه وش بس عمل كل حاجه علشان يسعدني ويريحني وقتها قولتله تمام نفكر ف الموضوع وهرد عليك ي بابا دخلت اوضتي وأنا مخنوقه من اللي عملته ياسمين اتصلت عليها مردتيش ترد عليا بعتلها رساله أنها تبعد عني وملهاش علاقه بيا تاني وبعدين عملت ليها بلوك وقتها فضلت اعيط وأنا مخنوقه جدااا صاحبه عمري إزاي تعمل كده معايا خذلنتي كنت متوقعه اي حاجه من الغريب لكن هي لأء وقتها أنا وبعيط سمعت صوت حد بيغني استغربت مين ده اللي بيغني لأني أنا على طول بسمع المزعج اللي بيقرأ قرآن خرجت من البلكونه لقيته هو واقف وشايل ابن أخته الصغير وبيغني حاجه كده بس لاء لاء دي مش اغنيه دي بيقولوا عليها انشوده سمعتها قبل كده وأنا بقلب على الفيس اللي بتقول دي بشر فؤادك أنا مش حفظاها بس فاكره اول كلمه. منها صوته كان جميل جداا فيها استغربت أنه حافظ حاجه غير القرآن أو ببقول حاجه غير القرآن فضلت واقفه وانا بسمع وهو مش شايفني لانه ضهره ليا وقتها لف على ناحيتي وأول م شافني بص بعيد ودخل جوه الاوضه ايه ده هو شاف عفريت يعني ايه الهم ده دخلت من البلكونه ووقتها وقفت قدام المرايا وشفت نفسي واقفه من غير حجاب اصلي لما دخلت بعد م كلمني بابا خلعت الطرحه بتاعتي ووقتها عرفت هو ليه عمل كده منكرش أن الموقف عجبني وأنه هو حلو وكويس بس بردو خايفه من عيشة السجن اللي هعشها. مع شيخ محتاره وخايفه ومش عارفه الجأ لمين واشير مين ف الموضوع ده كل صحابي نفس طبعي وكلهم هيقولوا لاء طب اروح لمين واقولها وقتها افتكرت صاحبتي نور اللي قطعت علاقتي بيها بسبب أنها كانت تنصحني ف اترددت كتير بس ملقتش غيرها ووقتها اتصلت عليها وكنت خايفه متردش لأني اخر مره أنا عملت ليها بلوك لما علقت ليا على استوري كنت منزلاه اغاني اتصلت وأنا خايفه تحرجني قولت هقفل خلاص بس جاني صوتها وهي بتقولي السلام عليكم ورحمه الله وبركاته اخبارك ي فروحه عامله ايه
وقتها ..

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية جعلني ملتزمة)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى