رواية توبه لاخر عمري الفصل الثاني 2 بقلم زهرة الربيع
رواية توبه لاخر عمري الجزء الثاني
رواية توبه لاخر عمري البارت الثاني
رواية توبه لاخر عمري الحلقة الثانية
نصر كان هيقع من طوله لما شاف شاب طالع من حمام بنتو وكان بيستحمى بص لتوبه بزهول ودموع وقال..مين…مين ده يا توبه
توبه بقت تبص للشاب بدموع الي هو ازاي دخل استحمى وحطها في الموقف ده قالت..لا..لا والله انت فاهم غلط يا بابا..ده دلوقتي حالا دخل وقلي خبيني فيه ناس هيقتلوني و
بس قبل ما تكلم ماجد قال بغضب…وانتي خبيتيه في حمامك مش كده يا حلوه.. بس الميه طرطشت عليه…ومسك الشاب من رقبتو بغضب وقال..انت مين يلا
الشاب بص لتوبه وقال بارتباك…انتي مش قولتيلي ان محدش هيحس بينا ازاي تورطيني كده
توبه اتصدمت بشده وبصتلو بزهول وقالت… انت.. انت بتقول ايه الله يخرب بيتك متصدقوش يا بابا والله ده كداب و
ماجد قال بغضب كداب ياحيلتها ما انا طلبتك بالحلال عملتيلي خضره الشريفه الي متقبلش بفلوسي الحرام..وانتي عايمه في الحرام عوم
توبه بقت تبكي وامها بقت تلطم وتضربهاوتقول…يا مصبتك في بنتك يا نورا يا مصيبتكك
توبه بقت تقول والله مظلومه والله يا ماما و
بس قطعت كلامها لما ابوها وقع من طوله …صرخت بابااااااا
بعد ساعات كانو في المستشفى قدام العنايه وكانت توبه بتبص على ابوها من القزاز وبتبكي اتقدمت عليها امها بغضب ومسكتها من دراعها بشده وقالت…زعلانه قوي عليه…وفري دموعك هو مش محتاجها
توبه بصت لامها بدموع وقالت..والله يا ماما انا مظلومه والله كداب و
امها قالت بحده ودموع…متقوليش ماما انا ونصر مخلفناش معندناش عيال…وبصت لها بحسره وقالت..يا خساره يا توبه ضيعنا عمرنا عليكي..كنا فاكرين نفسنا عملنا انجاز في تربيتك …يلا ..مش عيزاه يقوم يشوف وشك غوري من هنا
توبه قالت ببكا …لا لا وانبي يا ماما ماتعملي كده انا مقدرش اروح من غير ما اطمن عليه
امها قالت بحزم..لا ما هو انتي مش هتروحي..انتي ملكيش مكان وسطنا…امشي…مش عايزين نشوفك تاني
توبه اتصدمت وقالت..انتي…انتي عايزه ترميني في الشارع يا ماما
امها قالت بدموع ..وهتفرق معاكي في ايه..انتي كنتي عايشه عيشة الشارع وانتي وسطينا…وبعدين انتي ميتخافش عليكي..روحي كملي حياتك زي ما كنتي مقضياها يلا غوري من هنا ودفعتها جامد وقعتها على الأرض
توبه وقفت ودموعها بتنزل بصدمه رهيبه ومشيت خطوات متعثره مش قادره تصلب طولها من الصدمه نزلت من المستشفي وماشيه وسط الشارع من غير هدف ولا خوف ودموعها مغرقه وشها.. العربيات كانت بتضرب لها تلكس بشده بس مفيش فايده مكانتش سامعه ابدا وفيه عربيه مقدرتش تقف كانت هتخبطها بس في شخص شدها عليه بسرعه البرق
توبه بصتلو بدموع واول ما شافتو زقتو بكل قوتها وقالت بغضب..عايز ايه يا ماجد
ماجد ابتسم بخبث وقال…زي العاده… عايزك
توبه بصتلو بحقد وقالت…وانا زي العاده مش طايقه اشوف وشك..ابعد عني بقى حرام عليك لحد كده كفايه
توبه لسه هتمشي ماجد قال…بعد الفضيحه الي حصلت دي محدش هيقبل بيكي غيري يا توبه…وقرب منها وهمس لها وقال…علشان محدش عارف انك مظلومه غيري…لاني انا الي عملت كل الحوار ده
توبه بصتلو بغضب وقالت…انت بتتباهى بانك شخص كداب وقزر وانك رمتني ببهتان افتريته ..لس حتى لو فعلا محدش قبل بيا…يكفيني ان ربنا قابل بيا وهو كمان عارف اني بريئه…وقادر بسهوله يا خد حقي منك..حسبي الله ونعم الوكيل
ماجد اول ما شاف القهر الي في عيونها وهيه بتقول كده خاف وبلع ريقه وقال…انتي ليه بتعامليني كده..انا بحبك يا بت..ومستعد اتوب علشانك..ومعدتش اقتل ولا اسرق..وهتكسبي ثوابي لما اتغير علشانك
توبه بصتلو بسخريه وقالت..الي زيك عمره ما بتغير..وحاشى لله اني اقبل بتوبه علشاني…توب وانضف علشان خاطر ربنا…ووقتها هتلقى احسن مني بكتير
توبه قالت كده ومشيت بحزن رهيب
وكان فيه عيون بتراقبهم بدموع وكان الشاب الي كان في اوضتها نزلت دموعه بحزن وندم لما سمع كلامها مش مصدق الي عملو فيها واتحولت ملامحو لغضب رهيب واتقدم علي ماجد ومسكو من قميصه بشده وقال..ايه الي انت عملتو ده..ليه عملت كده يا وا،طي انت شيطان يا اخي ده حتى الشياطين انضف منك
ماجد زق ايده بغضب وقال…فيه ايه يلا…انت هتصيع عليا انا…ما انت قابض علشان الدور ده وعارف هتعمل ايه…عايز تعمل بريئ دلوقتي..لو عايز تذود نسبتك ماشي قول من غير حوارات
الشاب قال بدموع .نسبة ايه وزفت ايه انت عارف احنا عملنا ايه..احنا دمرنا البنت..انا كنت في المستشفى اهلها اتبرو منها..انت فهمتني انها بنت شمال بتشتغل في كباريه واخوك غلبان وبتضحك عليه…وعايزو يشوفها على حقيقتها…فهمتني انها بتجيب شباب في البيت واهلها عارفين وهما زيها…وكمل بدموع وقال… انا..انا كان لازم اتأكد انا غبي لاني صدقتك ..انا مفرقش عنك
ماجد قال بضيق…بالظبط..متفرقش عني…فكل عيش واقفل بقك ..لانك عارف كويس لو فكرت تروح تقول حاجه من الحقيقه لاهلها ايه الي هيحصل..انت عندك اخت حلوه يا منصف..وملهاش غيرك
ماجد قال كده ومشي ومنصف شد شعره لورا بغضب وندم ودموع وقفل التليفون بتاعو كان بيسجل كلام ماجد علشان يمكن يقدر في يوم يبرأ توبه
اما توبه كانت ماشيه مش عارفه تروح فين وسمعت شخص بيناديها..انسه توبه
توبه بصت تشوف مين واتصدمت لما لقتو منصف كانت عيونها هتطلع نار من الغضب حرفيا هتتجنن ازاي له عين يقف قدامها .وووووو
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية توبه لاخر عمري)
