رواية توبه لاخر عمري الفصل الأول 1 بقلم زهرة الربيع
رواية توبه لاخر عمري الجزء الأول
رواية توبه لاخر عمري البارت الأول
رواية توبه لاخر عمري الحلقة الأولى
حط ايده على بقها وقال ابوس ايدك خبيني عندك عشر دقايق هيقتلوني…هشيل ايدي وانبي ما تصرخي
هزت راسها بخوف واول ما نزل ايده جريت خطفت طرحتها من على السرير لفتها بسرعه قالت وهيه مرعوبه..انت مين واخبيك فين انا اهلي نايمين جوه انت دخلت هنا ازاي
قال بارتباك…انا لقيت البلكونه بتاعتك قريبه عليا فدخلت منها ارجوكي في جماعه عايزين يقتلوني لو خرجت هموت ممكن بس افضل عندك هنا لحد ما يمشو
البنت صعب عليها لما قال كده بس كانت خايفه قالت..طيب…طيب انت خليك هنا وانا هطلع اقعد في الصاله بس ١٠ دقايق وتخرج من مكان ما دخلت
الشاب مسك ايدها وقال..لا لا ارجوكي متخرجيش هتقولي لاهلك ايه…خليكي هنا وانا والله ما هضايقك
البنت قعدت بعيد عنو بخوف وقالت..احم..انت…انت عملت ايه علشان يقتلوك..اوعي تكون..اوعي تكون مجرم ولا حرامي
الشاب قال بدموع..لا ابدا والله….انا ..انا من فتره كنت راجع من شغلي شوفت واحد قتل بنت…وبعد كده اطلبت للشهاده…فأهل الجاني ساوموني على فلوس كتير..وقالولي اشهد زور..بس انا قولت ده قدام المحكمه وقلت انهم عايزين يدفعولي فلوس…وبعدين قريبهم القاتل ده اخد اعدام..ودلوقتي بيطاردوني وانا مش عارف اعمل ايه
بقلم…زهرة الربيع
البنت رغم ان الموضوع خطر لاكن ابتسمت وقالت…متخافش مدام وقفت مع الحق…ربنا هيكون معاك…وطلما مرضتش تبيع ضميرك يبقى متقلقش من حاجه ربنا وحده هيحميك
الشاب بصلها وابتسم وقال..باين عليكي انسانه طيبه اوي
البنت قالت…. كلنا طيبين …بس لازم نخلي بالنا على الطيبه الي فينا
الشاب لسه هيرد سمعو خبط شديد على الباب
الشاب طلع سلاحو بارتباك وقال…روحي شوفي مين ولو حد سأل عليا انا مش هنا تمام
البنت خافت من السلاح وقالت ايه الي معاك ده
الشاب قال بسرعه..متخافيش ده بتاعي ومترخص للحمايه…ارجوكي متخليش حد يعرف اني هنا
البنت هزت راسها بالموافقه وهيه مرعوبه وخرجت من الاوضه وكمان امها وابوها خرجو على الصوت وقالو…خير يا رب مين جاي السعادي
ابوها فتح الباب واتفاجأ بشاب في العشرينات يعرفو كويس بصلو باستغراب وقال..خير يا ماجد يا ابني فيه ايه
ماجد بصلهم بغضب وقال…فيه قله ادب يا عم نصر فيه انك نايم على ودانك فيه واحد مع بنتك في أوضتها
نصر قال بغضب..اخرس..انت وصلت معلك للدرجادي غور من هنا يلا خد رجالتك دول وامشي احسن اطلبلك البوليس
ماجد بص للبنت بخبث وعصبيه وقال…طب اهيه قدامك خليها تكدبني
البنت بصت لهم بخوف ونصر بصلها وقال….ردي عليه يا توبه يا بنتي…واقلعي جزمتك وديه بيها
توبه خافت قوي وقالت بارتباك…طبعا كداب يا بابا…انا دي مش اخلاقي وانت عارف كده
ماجد قال بغضب…طب احلفي ان مفيش شب جوه…احلفي مش انت ديما بتقول بنتي عمرها ما كدبت..خليها تحلف كده يا عم نصر
نصر قال بسرعه…تحلف ايه يعني…احلفيلو يا توبه خليه يغور
بقلم…زهرة الربيع
توبه بقت تبصلهم بخوف ودموع ومتكلمتش
ابوها اتصدم جدا لأنو عارفها ومعني انها محلفتش يبقى كلامو صح..بس ازاي يصدق حاجه زي دي على بنتو الي حافظها كويس بصلها بزهول وقال..محلفتيش ليه يا توبه
امها بصت لها بدموع وقالت..توبه يا حببتي مالك مبترديش عليه ليه يا بنتي
توبه دموعها نزلت وقالت…هو..هو مش مش
بس قبل ما تتكلم ماجد دخل البيت من غير اذن حد وفتح الباب بتاع اوضة النوم بتاعتها من غير ما يستأءن حد
نصر جري وراه بغضب وهو بيقول..تعالي هنا انت حيوا،ن داخل كده و
بس سكت ووقف مكانو بزهول وصدمه رهيبه..لما شاف الشاب خارج من حمام بنتو وبينشف شعره وهو لافف فوطه عليه وووووو
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية توبه لاخر عمري)
