رواية تركني ورحل الفصل الثاني عشر 12 بقلم ملك شريف
رواية تركني ورحل الجزء الثاني عشر
رواية تركني ورحل البارت الثاني عشر
رواية تركني ورحل الحلقة الثانية عشر
وبعد ما لؤي طلعلها بيجامة من عنده وسما دخلت غيرت ولبستها وكانت لونها أسود وخرجت
لؤي بضحك: هههههه لا مش معقول هههههه
سما بدبدب في الأرض برجلها: متضحكش عليا هيا بس طويله شويه
لؤي بضحك: طويله شويه ههههه دا إنتي مش باينه منها
سما بغيظ: مش إنت إللي طويل اووي أنا مالي
لؤي وراح مقرب عليها وبص في عنيها وبان الفرق الطول إللي بينهم وإنها يدوبك واصلة لحد كتفه
لؤي هو باصص في عنيها: أنا إللي طويل ولا إنتي إللي أوزعه
سما بإرتباك وكسوف من نظراته ليها: هااا
لؤي بهيام: هاااا إيه
سما بكسوف وناقصه تعيط: مم..ممكن تبعد
لؤي ولاحظ كسوفها وإرتباكها وراح باعد عنها وهيا راحت جاريه علي السرير وراحت نايمه عليه ومغطيه نفسها
لؤي بضحك علي تصرفها: تصبحي علي خير يا قطتي
سما بخفوت وكسوف وصل ليه: وإنت من أهله
ولؤي راح ناحية الكنبة ونام وكل واحد فيهم نام بعمق
★★★★★
عند هانم في أوضتها
هانم بقلق: ربنا يستر لما المنشاوي يعرف هيقلب الدنيا ، بس لؤي باين عليه بيحبها جداً وكان باين عليه إنه بيغير عليها موت وكملت برجاء ربنا يسعده ويحنن قلب المنشاوي ويخليه يقبلها علشان لو محصلش كده في هتبدأ مشاكل ومش هتخلص
★★★★★★
في صباح يوم جديد في شركة MS
بنشوف عدي طالع من مكتبة وشاف شهد واقفه مع موظف في الشركة وكانت بتضحك معاه وهو حس إن الدم بيغلي في عروقه
عدي بصوت جهوري: شههههد
شهد بخضه وبصت عليه لقته واقف متعصب جداً وهيا إتخيلت للحظه إنه هينفجر من العصبية
شهد بخوف: نعم يا عدي بيه
عدي بهدوء مصطنع: تعالي ورايا علي مكتبي
شهد وهيا رايحه وراه: ربنا يستر أنا عملت ايه إللي مخليه عامل زي القنبلة كده
ودخلت وراه المكتب
شهد بإرتباك: طلبتي يا عدي بيه تؤمر بحاجه
عدي بعصبية وغيرة: إيه يا هانم إللي أنا شوفته ده
شهد بعدم فهم: شوفت إيه حضرتك
عدي بعصبية أكتر : إنتي جايه هنا تضحكي وتتسرمحي مع ده وده دي شركة مش نادي رايحه فيه إنت وأصحابك وإنت جايه تشتغلي ولا تضحكي وتهزري
شهد بدموع من كلامه بتحاول تكتمها علشان متعيطيش قدامه: أنا معملتش حاجه غلط زميل معايا عزمني علي قهوة وكنت واقفه بشربها وكانت أمل سكرتيرة لؤي بيه واقفه معانا وكان بيحكلنا علي موقف حصل معاه وكمان كانت وقت البريك يعني مش في الشغل وأنا جايه علشان أشتغل ومش أضحك وأهزر زي ما حضرتك بتقول وأنا مسمحش لحضرتك تهني بالشكل ده
وسابته وخرجت
عدي بندم: غبي وهتفضل غبي مكنش المفروض أتعصب عليها بالطريقه دي وبعدين أنا مالي أصلا
★★★★★
في فيلة لؤي في جناحه
وبنشوفه صحي من النوم علي صوت سما بتعيط وهيا نايمه فراح ناحيتها
سما بعياط: أرجوك يا مرات عمي متعمليش فيا كده
لؤي بخوف عليها: سما سما إصحي متخافيش أنا معاكي
سما وبدأت تفتح عنيها وأول ما شافته راحت حضناه
لؤي: هششش إهدي متخافيش محدش هيعملك حاجه وفضل يمشي إيده علي شعرها لحد ما حس إنها هديت شويه
سما وحست بالحرج وراحت باعده عنه: أنا أسفه جداً
لؤي بمرح علشان يخرجها من المود: عادي ولا يهمك حضني ديما في خدمتك
سما بكسوف: شكراً
لؤي: طيب يلا قومي علشان نفطر وغيري هدومك وهتلاقي طقم في الدولاب إلبسيه
سما: تمام
وقامت اخدت دوش وغيرت هدومها ولبست الطقم إللي جابه لؤي وكان عبارة عن دريس اوف وايت وعليه توب جلد لأنهم في الشتا وسابت شعرها وطلعت من أوضته تغير الملابس لقت لؤي مستنيها وكان لابس طقم كاجول وكان شكله يخطف العقل ولؤي اول ما شافها فضل سارح فيها شويه
لؤي بغيرة: لمي شعرك ده
سما: ليه شكله كده حلو
لؤي وراح ناحيتها وراح ماسك شعرها ولمه
لؤي براحه: كده أحسن وكمل كلامه بغيرة اوعي تفردي شعرك بعد كده خالص وحد يشوفه مفرود إلا في الجناح ده بس ماشي يا سما
سما بإستغراب بس معترضتش: ماشي
لؤي: شطوره
وراح ماسك إيديها ونزله تحت
علي سفرة لؤي نزل وكان ماسك إيد سما
لؤي: صباح الخير
هانم: صباح النور يا حبيبي وراحت باصه لسما صباح النور يا حبيبتي
سما: صباح النور يا طنط
المنشاوي: صباح وكمل بإستغراب وهو بيشاور علي سما: مين دي وماسك إيديها ليه كده
لؤي: دي سما مراتي
المنشاوي بصدمة وراح قايم من علي السفرة: مراتك إزاي يعني إنت اتجننت ولا إيه
لؤي ببرود: وإللي يتجوز يبقي مجنون
المنشاوي بغضب وراح دابب علي السفرة بإيديه: مراتك إزاي وإتجوزتها إمتي
لؤي وراح مشاور لمامته إنها تأخد سما ويطلعوا جناحه
وهانم راحت واخده سما وطلعت ولؤي راح باصص لباباه
لؤي ببرود: مراتي زي الناس وإتجوزتها إمبارح
المنشاوي بغضب: إنت إزاي تعمل كده وإزاي تتجوزها من غير ما تعرفني
لؤي: إتجوزتها وخلاص
المنشاوي: إنت لازم تطلقها وحالا إنت فاهم ولازم تتجوز صافي وإلا
لؤي بمقاطعة
لؤي: طلاق ومش هطلق وصافي إللي بتقول عليها دي أنا مستحيل أتجوزها
المنشاوي بغضب جحيمي: إنت بتعصي كلامي بسبب واحده منعرفش إنت جايبها منين ولا نعرف أصلها من فصلها وأكيد ضحكت عليك وخلتك تتجوزها علشان تأخد فلوسك
لؤي بغضب: أنا مسمحلكش تقول عليها كده وأنا مستحيل أطلقها ولو علي موتي
وسابه وطلع عند سما ومامته
المنشاوي: إنت إللي خلتني أوريك وشي التاني يا لؤي والشحاته إللي جايبها تكوش علي ثروتك أنا هعرف إزاي أطلعها من حياتك
★★★★
عند سما وهانم
سما: هو إللي كان تحت كان باباه للؤي
هانم: أيوه المنشاوي
سما: هو أكيد مش موافق علي
الجوازه دي صح يا طنط
هانم بحنية: متشغليش بالك يا حبيبتي لؤي هيحل الموضوع ومتقوليش يا طنط قوليلي يا ماما أنا زي مامتك برضوا سيبك إنت من كل ده وإحكيلي عن نفسك شويه
سما بحب لهانم مع إنها متعرفهاش إلا لسه إمبارح بس حبتها: حاضر يا ماما
هانم بحب: ماما طالعه منك زي العسل إنت عارفه أنا كان نفسي ببنت وربنا رزقني بيكي وأنا من أول ما شوفتك أعتبرتك زي بنتي إللي مخلفتهاش
سما بدموع فرحه من كلامها: الله يخليكي ليا
هانم: ويخليكي ليا يلا بقي إحكيلي عنك شويه
سما: حاضر
وبدأت تحكلها كل حاجه عنها وبس مردتش تحكيلها لؤي إتجوزها إزاي
هانم بحزن عليها: يااه يا بنتي إنتي إتعذبتي كتير أوي معقول في ناس بالجحد ده
سما بدموع: وأكتر كمان
هانم بأسف: أنا أسفه إني فكرتك بعيلتك وبحاحه زي دي
سما: لا متتأسفيش إنتي زي أمي
هانم: وأنا هعوضك عن أمك يا حبيبتي وأي حاجه عايزاها متترديش تطلبيها مني
سما بفرحه وحب: حاضر
وهما بيتكلموا دخل عليهم لؤي وكان باين عليه متعصب
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية تركني ورحل)
