رواية تركني ورحل الفصل الثامن 8 بقلم ملك شريف

رواية تركني ورحل الجزء الثامن

رواية تركني ورحل البارت الثامن

رواية تركني ورحل الحلقة الثامنة

في صباح يوم جديد علي أبطالنا
في بيت شهد صحيت بدري وقامت لبست وجهزت علشان تروح تقدم علي الشغل في شركة MS والشركة دي نفسها بتاعت لؤي وعدي. وبعد ما جهزت خرجت فطرت ما عيلتها
أبو شهد: أنا يا بنتي مكنتش عايزك تمرمطي نفسك في الشغل أنا الحمد لله بشتغل والدنيا مستوره
صفا: باباكي معاه حق يا شهد
شهد: يا بابا إنت تعبت من الشغل وكمان مصاريف كليتي كتيرة والشغل مش مرمطه وأنا لو إتقبلت في شركة إزاي الشركة إللي هقدم فيها دي هبقي ضمنت مستقبلي ومتقلقش عليا
أبو شهد: ربنا يرضي عليك يا بنتي ويكرمك
شهد: أمين يارب إدعولي بس أتقبل في الشركة
صفا: بندعيلك ديما
شهد خلصت فطارها وقامت علشان تمشي
شهد: عاوزين حاجه
صفا وأبو شهد: سلامتك
ومشيت شهد علشات تعمل المقابله في الشركة وكانت ماشيه تدعي إنها تتقبل لأنها عارفه إن شركة مش بتقبل أي حد ولازم تكون كفاءته عاليه وكمان هيا لسه بتدرس
★★★★★
عند لؤي صحي جهز نفسه وطلع علي الشركة وعدي دخل عليه في مكتبة
عدي بمرح: أهلا بإللي كان غايب إمبارح
لؤي : ماخدش يوم أجازه
عدي بخبث: تأخد طبعاً إللي قولي قابلتها ولا إيه
لؤي ببرود: هيا مين دي
عدي بمكر: إللي واخده عقلك ، والله جالك إللي يوقعك
لؤي: إتلم وشوف وراك إيه علشات أنا كلها ساعه وهمشي
عدي بصدمة: ساعة إيه إنت مكملتش هنا ساعة وبعدين مين إللي هيعمل المقابله علشان تختار المواظفين
لؤي ببرود ؛ إنت
عدي بصدمة: أنا إيه يخربيت برودك ده ، هو إنت تحب وأنا أشيل الطين
لؤي بضحك علي منظره: أيوه وبعدين إنت أخدت علي إني أعمل معظم الشغل وإنت تدور تتسرمح في الشركة مع المواظفات وأخدت علي الدلع إشتغل شويه بقي
عدي بغيظ: ماااشي
وفجأة وهما بيتكلموا دخلت عليهم واحده لابسه هدوم فاضحه أكتر من إنها ساتره وحاطه ميكب أوڤر وراحت ناحية لؤي وحضنته
عدي بقرف: يادي القرف إحنا ناقصين وكمل بخبث بس تستاهل يا لؤي إشرب بقي
البنت وإسمها صافي: لؤي حبيبي وحشتني موت
( وحش يأكلك يا بعيدة علي لبسك دا)
لؤي وهو بيبعدها عنه: إنت إيه إللي جابك هنا
صافي بدلع ماسخ: جايه أشوفك علشان وحشتني
عدي واقف شمتان في لؤي: ههههه بتقول وحشتك لؤي
صافي: إيه ده عوعو إنت هنا عامل إيه
عدي بعصبية: عوعو إيه ده ما تحترمي نفسك
صافي بزعل مصطنع: بهزر معاك
وراحت باصه للؤي
صافي: إنت مش بتتكلم ليه
لؤي ببرود: روحي دلوقتي يا صافي علشان أنا ورايا شغل ومش فاضي
عدي: أنا هستأذن أنا يا لؤي مش ناقص تلزيق
صافي بغيظ: مين دي إللي ملزقه
عدي ببرود : إللي علي راسه بطحه يحسس عليها
وسابها وخرج
صافي: عاجبك إللي صاحبك بيعمله ده
لؤي: هو مغلطش
صافي بغيظ: تقصد إني ملزقه يعني
لؤي ببرود: مقولتش كده ويلا يا صافي إنتي بتعطليني عن شغلي
صافي بغيظ: ماااشي
وخرجت وهيا متعصبة
لؤي بقرف: كنت ناقصك إنتي كمان ، وقال إيه أتجوزها
-إستوب . نعرف مين صافي
صافي تبقي بنت النائب إللي المنشاوي بيه عايز يجوزها للؤي ، ودي بنت متحرره جداً لا تعرف لا دين ولا أخلاق كلها همها الموضة والماركات والشرب والسهر والديسكوها والفلوس ومعندهاش حاجه ممنوعه وعندها 23 سنة
نكمل.
لؤي كمل الشغل إللي عليه وخرج من الشركة وراح علي بيت سما
★★★★★
عند شهد وصلت الشركة وأخدت استمارة من موظفة الإستقبال وكتبت فيها بياناتها وعطتهالها وقعدت مستنيه دورها ولقت بنات مقدمين علي الوظيفه وكانوا قاعدين يحطوا ميكب ويزبطوا في شكلهم
شهد في نفسها: هو كوافير سماح هنا ولا إيه
وبعد وقت قصير شهد جاه دورها وندهوا إسمها وهيا أخدت ملفها وراحت المقابله وكانت متوتره جداً
في مكتب عدي
عدي بزهق: مفيش واحده حلوه خالص دا إيه ده كلهم عاملين زي المهرجين كأنهم جايين Night club
وهو بيتكلم لقي الباب بيخبط
عدي:إتفضل
ولقي بنت داخله متوتره وحاطه عينها في الأرض وشعرها نازل علي وشها
لؤي: إتفضلي أقعدي
وشاور ليها علي كرسي قدامه وشهد دخلت قعدت ومدتله CV بتاعها وهو أخده وقرأها
عدي بتعجب: إنتي لسه بتدرسي
شهد ورفعت وشها وبصلته: أيوه
عدي اول ما رفعت وشها حس بحاجه غربية وكان عمال يبص علي لون عنيها ومستغربها جداً لأنها تشبه عيون القطط بلونهم الرصاصي
عدي وفاق من تأمله لما شافها نزلت راسها لما إتكسفت لما بص في عنيها
عدي وهو بيرجع لطبيعته: وإنتي عايزه تشتغلي ليه من غير ما تخلصي كلية
شهد بتوتر: علشان أساعد في مصاريف الجامعة مع عيلتي وكمان لأني حابه تخصصي جدا وعايز أتعمق في أكتر والشغل هيساعدني
عدي عاجبه تفكيرها: طيب وهتقدري توفقي بين الشغل والجامعة
شهد: أيوة إن شاء الله
عدي: طيب تمام إعتبري نفسك إتعينتي بس هتفضلي تحت التدريب فتره وهنتصل عليك نبلغك هتبدأي الشغل إمتي
شهد بفرحه: شكراً جداً لحضرتك
وقامت خرجت وهيا فرحانه
ولؤي كان مبسوط من فرحتها ومش عارف ليه
★★★★