رواية تركني ورحل الفصل التاسع 9 بقلم ملك شريف

رواية تركني ورحل الجزء التاسع

رواية تركني ورحل البارت التاسع

رواية تركني ورحل الحلقة التاسعة

وبعد ما شهد خرجت من الشركة كانت فرحانه إنها إتقبلت في الشغل وروحت البيت وكانت مبسوطة وقالت لعيلتها وعيلتها فرحت جداً وراحت عند سما وحاكتلها وسما فرحت جداً وسما حاكتلها علي إللي حصل معاها وقعدوا إتكلموا وقت قصير ومشيت بسرعة علشان مرات عم سما
★★★★
عند لؤي نزل من عربيته قدام بيت سما وكان وراه حراس كتير ودخل العماره إللي فيها سما وسأل علي الشقة إللي فيها وعرف وطلع ووقف جزء من الحراس تحت وطلع معاه إتنين بس وطلع عند الشقة بتاعت سما وخبط علي الباب
عند فوزيه كانت قاعدة في الصالة وسمعت الباب بيخبط
فوزيه: إنتي يا زفته يا إللي إسمك سما إنتي يا بت ، هيا مش بترد ليه أيوه صح دي راحت تشتري حاجات .
وراحت ناده علي حبيبة
حبيبة: في إيه يا ماما
فوزيه: تعالي إفتحي الباب
حبيبة: أوووف بقي ما تخلي سما
فوزيه: راحت تشتري حاجات
حبيبة وراحت فتحت الباب
حبيبة بهيام: أيوة مين
لؤي ببرود: مامتك فين
حبيبة: جوي
وخلاها واقفه وراح داخل ووراه الحراس
حبيبة في نفسها: يخربيت حلاوتك
فوزيه لما شافت لؤي داخل ووراه الحراس
فوزيه: إنت مين يا جدع إنت وداخل كده ليه
لؤي مردش عليها ودخل قعد علي الكنبة إللي في الصاله وكان عمال يبص علي المكان بقرف
لؤي: إقعدي عايزك في موضوع مهم
فوزيه: مين إنت الأول
لؤي: أنا لؤي المنشاوي صاحب شركات MS
حبيبة بصدمة ومش مصدقه نفسها لأنها كانت بتسمع عن الشركات بتاعته علي السوشيال ميديا وبتسمع عنه لكن عمرها ما شافته
فوزيه بصدمة: شركات إيه
لؤي بغرور: إنتي هتحققي معايا
فوزيه: لا يا بيه مقصدش
لؤي بغرور: أنا عايز أتجوز سما
فوزيه بصدمة هيا وحبيبة: نعم
لؤي: زي ما سمعته
حبيبة بغيط وحقد: وإنت عرفتها منين
لؤي ببرود: وإنت مالك
فوزيه: مش هنجوزها
لؤي بمكر: ولو عطيتك مليون جنيه
فوزيه بطمع ومش مصدقه المبلغ إللي سمعته: عمها ممكن ميوافقش
لؤي بخبث وعارف هيا عايزه توصل لإيه: وهخرجكم من الحارة دي وهديكم شقه في مكان راقي
فوزيه بطمع: موافقه وعمها مش هيعترض
لؤي بتكبر: تمام كده هاجي أكتب الكتاب بعد يومين
وعطاله نص مليون جنيه وفوزيه اول ما شافت الفلوس مكنتش مصدقه
ولؤي كمل كلامه
لؤي: بقية المبلغ هتخدوه يوم كتب الكتاب هو وعقد الشقه
فوزيه بفرحه: تمام يا بيه
لؤي بصلها ومردش عليها وقام مشي
وبعد ما خرج
حبيبة بغل: إنتي هتجوزيها ليه أنا إللي المفروض أتجوزه مش هيا
فوزيه بخبث: عادي هنجوزها ليه وبعد ما يتجوزوا تحاولي إنتي تقربي منه ونخليه يطلقها وتتجوزيه وكملت بطمع إسكتي خليني أتهني بالفلوس دي والله طلع ليكي فايده يا زفته وهما بيتكلموا دخلت سما ولقيت شنطة الفلوس وفوزيه قاعده تعد فيها
سما بصدمة: منين الفلوس دي كلها
فوزيه بفرحه: تعالي يا حبيبتي
سما بإستغراب من أسلوبها: بتقوليلي أنا
فوزيه: أيوه طبعاً يا عروسة تعالي
سما بإستغراب: عروسة إيه مين دي إللي عروسة
حبيبة بحقد: إنتي ياختي ودي تمنك
سما: إنت تقصدي إيه بكلامك ده
فوزيه: في عريس إتقدملك وهياجي يكتب كتابه عليكي بعد يومين
سما بصدمة: إيه إللي بتقوله ده
فوزيه: زي ما سمعتي والفلوس دي مهرك
سما بعياط: مهري إيه انتوا بعتوني ليه
حبيبة بشماته: دا إحنا هنأخد قد دول تاني وهنأخد شقة في أحسن مكان في مصر
فوزيه: اصله متريش يا بت والله وقعتي واقفه
سما ومش مستوعبة أي حاجه: أنا مستحيل أتجوز بالطريقه دي ومش مواقفه علي الجوازه دي
فوزيه بغضب: هتوافقي ورجلك فوق دماغك فاهمه وإلا هخلي حياتك دي سوده ومش هخليكي تشوفي النور في حياتك
سما فضلت تعيط ودخلت أوضتها وقفلت عليها الباب وفضلت تعيط
وبعد فتره جه سعيد عم البطلة من الشغل
فوزيه بفرحه: حمد الله على السلامه
سعيد بإستغراب: الله يسلمك
فوزيه: عايزه أتكلم معاك في موضوع مهم
سعيد: قولي
فوزيه: سما جالها عريس إنهارده وعريس غني اووي من الأكابر
سعيد: وبعدين
فوزيه: ولا قلبين هو طلب إيديها وأنا وافقت وهو دفع فيها مهر كبير أوي
سعيد: كام يعني إللي خلاكي عامله كده
فوزيه بفرحه: مليون جنيه وشقه في مكان راقي أوي
سعيد بصدمة: إيه ليه يكون مين ده وبعدين إنتي إزاي توافقي مت غير ما تأخدي رأي
فوزيه: لؤي المنشاوي ، وبعدين ايه يعني أنا هرميها دا أنا هجوزها وهسترها وهيا كبرت وهتفضل قاعده لحد إمتي في البيت تصرف عليها وهو عريس ميترفضش
سعيد: معاكي حق
فوزيه: وهيكتب الكتاب بعد يومين وهيخدها وهو دفع نص مليون والباقي يوم كتب الكتاب
سعيد: بالسرعه دي وكمان هيا مش جاهزه ومش هنلحق نجهز حاجه
فوزيه بلوية بوز: بقولك غني عايزه بس من غير شنطة هدومها حتي وهيكتب الكتاب هنا من غير زفه ولا حاجه
سعيد : طيب إعملي إللي إنتي شايفاه انا هدخل أنام علشان تعبان من الشغل
فوزيه بفرحه: نوم العوافي ياخويا
وبعد ما سعيد دخل الأوضه
فوزيه: كده سعيد واقف معندناش مشكله باقي الزفته التانيه وأنا هتصرف معاها
وبعد ما خلصت كلام دخلت تنام
★★★★★