رواية تراهنت عليها ولكن الفصل الثالث 3 بقلم فريدة أحمد
رواية تراهنت عليها ولكن الجزء الثالث
رواية تراهنت عليها ولكن البارت الثالث
رواية تراهنت عليها ولكن الحلقة الثالثة
نزلت اقابل العريس بعيوني المنفخة من كتر البكا، دخلت وانا باصه في الارض
بابا قام وقال … هسيبكم مع بعض
وخرج
رفعت وشي بصدمة على صوته وهو بيقولي بسخرية .. تعالي اقعدي ياعروسه ولا مكسوفة
قولت بصدمة … انت
عمران… قربي
………….
بعد اسبوعين
كان اتجوزني وبعد ما عملي اكبر فرح،، كنت مستغرباه ومش عارفة هو مستفاد ايه من ده كله.. طب لما هو شايفني بنت مش كويسة وغلطت معاه ليه اتجوزني!!!
كنت ساندة ظهري علي السرير ببص قدامي بشرود
خرج من الحمام وهو بيقول صباحيه مباركة ياعروسة
قومت اتعدلت بسرعة وبصتله وقولت بتعجب … ه.هو انا ازاي كنت لسه بنت ..
كملت باستفهام…. امال ايه اللي حصل يوم ما..
قاطعني وقال بهدوء… انا ملمستكيش وقتها
قولتلو باستغراب … امال ليه عملت كده . والفيديو اللي بتقول عليه والصور. .و
عمران وهو بيولع سيجاره … مفيش ولا صور ولا فيديو
بصتله بصدمة وانا مش مصدقه لكن قولت بفرحة .. بجد . انت بتتكلم بجد
عمران…انا ماليش في الحرام
قربت ليه وقولت بتعجب.. طب ليه عملت كل ده معايا. ليه
رد عليا وهو بينفث دخان سيجارته وقال ببساطة… كنت مراهن صحابي عليكي ان اجيبك تحت رجلي. وجبتك
بصلي وكمل .. وهتفضلي تحت رجلي
صرخت فيه وقولت بغضب وانا ببصله باستحقار….. انت اكتر واحد و، سخ انا شوفته بحياتي
كملت بقوة وقولت… طلقني ياز،، بالة
وكملت بتهديد… انا هقول ل بابا علي كل حاجه. وانت اكيد عارف اللي ممكن يعملو فيك
ضحك بقوة وقال… انتي واخدة فكرة غلط خالص عن ابوكي. ابوكي اللي فرحانة بيه ده ياشاطرة استحالة يقدر يقف قصادي.. مفيش واحد في عيلتك يابت يقدر يقف قصاد عمران الغول
رديت عليه بتعالي وقولت…. انت اللي مش عارف احنا مين. دا انا عيلتي يقطعوك حتت ياز، بالة يابن الكلـ ب
مسكني من شعري بغضب وقال….لسانك ياروح امك. هتفكري تطوليه هقصهولك
قولت بوجع من مسكته… طلقني بالذوق احسلك
سابني وقال… اكيد هطلقك بس ده هيحصل بمزاجي مفيش طلاق غير بمزاجي
قولت بدموع وانا حرفيا هتجنن… ليه عملتلك ايه . انت ليه بتعمل معايا كده. مستفاد ايه
رد ببرود … انا كدة وده مزاجي . وانتي هتبقي مزاجي لحد مازهق منك
……..
بعد ست شهور
كنت قاعدة علي الكنبة ببكي علي حالي وحياتي اللي اتبدلت من رفاهية كنت عايشاها ل ذل طول الوقت واهانة
دخل عمران من باب الفيلا ولما شافني كده نفخ بضيق لكن قال ببرود بعد ما قعد … مالك . بتعيطي ليه
بصتله بدموع وقولت … انا هفضل محبوسة في الفيلا دي لحد امتا . انا بقالي اكتر من ست شهور مشوفتش الشارع . حرام عليك بجد انت بتعمل معايا كدة ليه
وفضلت ابكي اوي
بصلي وقال.. وانتي عاوزة ايه
مسحت دموعي وقولت بترجي .. عاوزة اخرج اشوف الدنيا وأشوف الناس
عمران .. مفيش خروج من البيت ياكاميليا . انسي
قولت بدموع .. ارجوك كفاية بقا متعملش فيا كده . انا حاسه اني همو، ت
بعد ما بصلي شوية وحسيت اني صعبت عليه لاول مرة قالي … عاوزة تروحي فين يعني
قولت بسرعة… عند ماما، اروح عند اهلي بس
عمران .. طب اطلعي البسي
مسحت دموعي وانا مش مصدقه انه وافق اخيرا
قولت بفرحة … بجد . هتخليني اروح
هز راسه بالموافقة وقال .. يالا اطلعي اجهزي بسرعة
قومت بسرعة وانا بقول… حاضر
وطلعت اجهز
…………..
بعد 3 سنين
في بيت اهل عمران
دخل عمران قرب علي والده وولدته واللي كان واضح انهم مستنينو
قعد قصادهم وقال.. خير ياحاج. طلبتني وقولت عاوزني ضروري. خير
والده…. انا كلمت عمك مختار في جوازك من سمر بنته وهو وافق
اتعصب عمران وقال… ليه شايفني عيل صغير. ومين قالك اني هتجوز من اصله
والدته…. يعني ايه هتفضل كده. من غير مايبقالك عيل يشيل اسمك.. متجوز بقالك 3 سنين والهانم مراتك محملتش فيهم. يبقي مفيش حل غير انك تتجوز.. لازم تتجوز ياعمران علشان تخلف الواد. ماهو مش معقول هتكمل حياتك كده
عمران… وهو انا متجوز بقالي 10 سنين دول 3 سنين زي مابتقولي يعني اكيد لو صبرنا شويه هيحصل. وانا متأكد ان ربنا هيراضينا
والدته…. انت بتكدب علي نفسك ولا علينا. مراتك راحت لاكبر دكاترة نسا وكلهم اجمعو ان عندها مشاكل في الخلفة وان عمرها ما هتعرف تخلف وانت عارف كده. يبقي ليه نضيع وقت و نستني حاجة مش هتحصل اساسا
كملت بحسم وقالت… اسمع انت كده كده لازم هتتجوز. مش شرط بقي سمر ولا غيرها المهم انك تتجوز وتجيب الواد اللي يشيل اسمك
قام عمران وقال بنبرة قاطعة…. انا مش هتجوز علي مراتي فاهمين. محدش يفتح الموضوع ده تاني لانه منهي بالنسبالي
وخرج بضيق وغضب
…………..
كنت واقفة بطبخ اتفاجأت بصوته اللي بقيت اتنفس بأمان بمجرد ما بسمعه.. ايوا ياجماعه انا وعمران حبينا بعض
طبعا دي كانت حاجة غير متوقعة بس اللي حصل بقا. احنا بقينا نعشق بعض
عمران من علي باب المطبخ… بتعملي ايه ياكاميليا
لفيت ليه ببتسامة و قولت .. بحضرلك الغدا ياحبيبي
دخل حضني من ضهري ومسك ايدي باسها وقال… وليه بتتعبي نفسك ياحبيبي.
بعدين قالي بتعجب… انا مش فاهم انتي ليه مشيتي الشغالة اللي كانت هنا
لفيت ليه وحاوطت رقبته وقربت بو، سته علي شفايفه برقة وقولت.. مش عاوزة انثي في البيت هنا غيري انا وبس
عمران…مش معقول بتغيري من شغالة يعني ياكاميليا
قولت بنفي…. لا طبعا شغالة ايه دي اللي اغير منها.
كملت بثقة وقولت … بعدين انا مش بغير من حد اصلا انا واثقة من نفسي ياحبيبي
عمران.. ياجامد انتا…. طب مشيتيها ليه بقا
قولت.. هي اللي كانت بت بتتمايع وحركاتها مكنتش بتعجبني من الاخر مكنتش بستريحلها
عمران….. خلاص شوفي واحدة تانية. علشان متتعبيش
قولت برفض… لا انا مرتاحة كدة
شردت وانا بفتكر من تلت سنين لما اتجوزنا مكنتش بعرف ادخل المطبخ ولا اعمل اي نوع اكل
بصتله وقولت بعد ماظهر علي وشي الحزن… فاكر لما مشيت الشغالين اللي كانو هنا في الفيلا وقولتلي
كملت وانا بقلده…. مراتي هي اللي تخدمني
رجعت لحزني تاني وقولت… وكنت بتخليني اعمل كل حاجه وانا اصلا مش بعرف لحد ما اتعلمت
كملت وقولت بغيظ.. ياسااااتر دا انت كنت وحش اوووي
شدني لحضنه بحنية وقالي.. طب ودلوقتي
قولت بحب … لا انتا دلوقتي احن واحد في الدنيا بجد
بصتله بعشق وقولت.. بحبك اوى ياعمران
رفع وشي من حضنه ومال علي خدي باسني وقال. وانا بموت فيكي ياكوكي
قولت بغيظ…. بس انتا بردو كنت بتذلني. دا انتا عملت فيا عمايل
عمران.. مايبقاش قلبك اسود بقا. انسي ياكاميليا
قولت .. لا خلاص ما انا نسيت
ابتسم وقالي… كده ونسيتي. امال لو منستيش. كنتي حر،قتيني
ابتسمت وقولت .. لابجد نسيت لاني حبيتك اوي
وبوسته وبعدين دخلت في حضنه تاني
رفع وشي وبصلي بخبث وقال.. طب ونظام الاكل ايه. هناكل ولا نطلع فوق.. انا بقول نطلع
وهو بيحرك ايده علي جسـ مي بحرية
فوقت اخيرا وقولت… لااا الاكل.. اطلع بره يا عمران بسرعة خليني اكمل الاكل
عمران…انا اساسا مش جعان اكل. انا جعان حاجة تانية
وهو بيميل وبيشيلني
قولت بدلال وانا بحاوط رقبته .. عمران متهزرش الاكل علي النار
عمران .. نطفي علي امه
وقرب من البوتجاز وقفل علي الاكل اللي لسه مستواش
وهو شايلني وبيتجه بيا لبره قال.. انتي واحشاني يا بطل
وطلع بيا علي الاوضة
………
بعد شهر كنت عند ماما
كنت قاعدة وانا حاطة ايدي علي بطني ومبتسمة بفرحة بعد مارجعت من عند الدكتور اللي فجأني و قالي اني حامل في شهرين، مكنتش مصدقة،، متجوزين من تلت سنين ولما كشفت كذا مرة علشان اتأخرت في الحمل الدكاترة كلهم اجمعو علي رأي واحد اني استحالة اخلف
وفي اللي قليل منهم جدا قالولي اني ممكن اخد وقت كبير علشان يحصل حمل او بردو احتمال كبير ميحصلش
كنت فاقدة الامل وكنت حزينه جدا مش علشاني علشان عمران واني مش هقدر افرحه واخلفله الولد اللي نفسه فيه خصوصا انو رفض يسمع لـ اهله اللي يعتبر كل يوم بيذنو عليه وبيحاولو بقدر الامكان يضغطو عليه علشان يتجوز عليا لكن هو كان طول الوقت متمسك بيا ومكانش بيسمعلهم ابدا
وكان دايما يرد عليهم انه استحالة يتجوز عليا وانه مستكفي بيا حتي لو مش هخلف
بصيت لماما وقولت بفرحة… انا مش مصدقة ياماما.. انا حامل بجد. حامل ياماما
ماما حضنتني بفرحة وقالت… الف مبروك يا عمري. ربنا يتملك علي خير ياحبيبتي
امنت علي دعائها وقولت…. يارب ياماما يارب
ومسكت تليفوني وانا بقول بحماس… عمران هيفرح اوي. انا هكلمه وافرحه
وبدأت اطلبه علي الموبايل لكن رجعت نهيت الاتصال في اخر لحظة وقولت …. لأ هستني لما يرجع واعملهالو مفاجأة احسن
..
بعد وقت كنت رجعت البيت
وجهزت احلي عشا وعملت جو رومانسي جميل دخل عمران من بره قرب عليا وهو بيقول… ايه ده كلو
بصتله بحب وقولت … دا كل الاكل اللي انت بتحبه
ابتسم وقرب باس راسي وقال….. دا انا امي دعيالي بقا.. كمل باستغراب… بس بردو ليه دا كلو وايه المناسبة
رجع بصلي بخبث وقال كعادته الوقحة و اللي اتعودت عليه بيها… محضرالي ليلة حلوة زي الاكل ده ولا هاكل اورديحي
ضحكت اووي وقولت.. بصراحة مفيش ليلة حلوة. انت هتاكل اورديحي.
عمران … ليه كدا بس. انا مكنتش عاوز الاكل. كنت عاوز الليله
قولت… بس انت لازم تنسي الليالي الحلوة اليومين دول. لان مش هينفع
بصلي بدون فهم كملت ببتسامة وقولت … في مفاجاة. هتعجبك اوي يا عمران
بصلي وهو مستني اقول
مسكت ايده وقربتها من بطني وقولت بسعادة… انا حامل. حامل ياعمران
بصلي وهو مش مصدق…. بتتكلمي بجد.. كاميليا الحاجات دى مفيهاش هزار
قولت … لا بتكلم بجد. انا حامل والله. حامل بجد
حضني بفرحة وقالي بحب…. انتي احلي حاجة حصلتلي في حياتي ياكاميليا
رديت عليه بحب اكبر… وانت كل حياتي يا عمران
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية تراهنت عليها ولكن)
