رواية بين يدي الغامض الفصل الخامس عشر 15 بقلم رقية

رواية بين يدي الغامض الجزء الخامس عشر

رواية بين يدي الغامض البارت الخامس عشر

رواية بين يدي الغامض الحلقة الخامسة عشر

صوت جسم وقع علي الأرض بعد دقايق رجعت الأنوار لاقيت جسمه في النص وهدومه غرقانه في دمه
ناديت بصريخ وصوتٌ عالي = جواااااااد
جريت بسرعه ليه اتلم الناس حواليا حطيته علي رجلي
حاولت افوقه _ جواد يا جواد انت كويس
بصلي وقال بهمس = نادي مازن معاكي
رديت بدموع _ طب ماشي ماتقلقش والله، خليك معايا ماتسبنيش
وصل مازن صاحبه واخده مني جريت وراه
= تعالي انتي يا إسراء جمبه هنا وأنا هسوق
_ حاضر
كان قاعد جمبي وراسه علي كتفي وايدي محطوطه علي صدره مكان الإصابة
وقف بينا في كوخ وسط الغابه، كان عباره عن كوخ قديم مليان تراب
=======================
_ أنا عملت اللي اتفقنا عليه مستنيه جميلك انت بقي
ضحك معاها=طب استني ضرغام يصلب طوله مش كله مره واحده كده
_ علي مهلك أنا مستنيه مكالمتك ليا إنه حصل
= عيني ياست البنات
ضحكت بمياعه _ مستنيه يا باشا
======================
دخلت الكوخ وحطيته علي السرير الموجود جه الدكتور بتاعه وخيطله مكان الاصابه
كان الدكتور بيتكلم معايا وهو بيخيطله = جواد برضه مصمم ومش عايز يهدي
بصيت باستغراب _ مش فاهمه مش عايز يهدي من اي
ابتسم وقال = هو مقالكيش؟؟
_لا للأسف
= متقلقيش متقلقيش هيحكيلك لو ارتاحلك
_ ليه هو مش ييحكي لأي حد
= تعرفي أنا أعرف جواد من امتا
_ من امتا؟؟
= لما أهله سابوه شاب لسه بيتعرف علي الدنيا
_هما اهله سابوه!!
= للأسف آه
اخدني فضولي _ ليه!!
= لا دي حكايته حكايه لما يفوق يبقي يحكهالك، بصي انا خيطت الجرح وطلعت الرصاصه الحمدلله إن الرصاصه مدخلتش للقلب لأنها بينها وبين القلب حاجات بسيطه، بينه وبين ربنا عمار الراجل ده
ابتسمت _ ربنا بيحبه علشان طيب
= جدآ والله بس مش بيبين ده عموماً هكتبلك علاج لو تعرفي تبعتي حد يجيبه وتديهوله واهم حاجه ياخد العلاج بعد الأكل علي طول ممنوع علي معده فاضيه
_ حاضر
_____________________
= دي هيا بنتي والله والراجل اللي جمبها ده باين عليه جوزها ربنا يفرح قلبك يابنتي بصي يا نسمه الابتسامه مفارقتش وشها ازاي
_ آه يا ماما باينه طيب معاها ربنا يهنيها ويسعدها،بص كده يا بابا إسراء
رد بجحود = مش عايزه اشوفها ولا اسمع حاجه عنها وأنا قولت قبل كده لا هيا بنتي ولا اعرفها من ساعه ما مشيت من البيت اقفلوا علي السيره دي وقومي ياوليه انتي حطيلنا الغدا علشان ناكل اللقمه ونتخمد
جريت بسرعه _ حاضر حاضر ياحاج
كانت بتتهامس هيا وامها في المطبخ
= ماشاءالله يا ماما جوزها باين عليه معروف ده بصي الناس كلها بتقول عليه اي في الكومنتات كله بيشكر فيه
_يا حبيبتي يا بنتي ربنا عوضك علي صبرك
= بيقولوا صاحب شركات الغُمري للتسويق والمبيعات
اتكلمت الأم وكأنها خبيره علي النت _ايوه يابت عرفاها دي مشهوره أوي وصاحبها ابصر اسمه اي المجهول ده
= والنبي ياما ماعرف هو مين ولا اسمه
_استني استني هجيبه
سمعت زعيق جوزها من برا = يالا ياوليه
_ اهو جااايه
خبطت نسمه بايديها = يالا ابوكي هيطلقني يخربيتك
=====================
عدا 3 ساعات وهو نايم متخدر كنت قاعده جمبه مستنياه يفوق ايدي كانت على دقنه وشعر راسه الكثيف
بعد مده فاق علي لمسات ايديها علي شعره
= اي اللي حصل في الحفله؟؟
قامت تسند ضهره بمخده _ حمدلله علي سلامتك يا جواد قلقتني عليك
ابتسم بغرابه = اخس عليا أقلق القمر ده
ابتسمت ببلاهه_ حتي وانت بتفرفر لازم تزاولني
اتكلم بصوت مرهق= ماقدرش افوت الفرصه
_ ماشي ياعم هعديهالك علشان انت تعبان بس، هقوم اجهزلك حاجه تاكلها وتاخد علاجك
سيبته ودخلت للمطبخ اللي كان منظره بيطل علي الغابه وكان تصميمه من خشب تقيل من البني الغامق
كان بيسند ضهره وفي ايديه الموبايل بيتكلم مع شخص ما
= ياعني هو بيعصي أوامري فبعتلي حد يغدر بيا، هو اللي بدأ يبقى يستحمل الضرغام لما بيقلب هو فتح نار جهنم بإيده
_ استهدي بالله يا ضرغام يمكن مش هو
= عامل حفله هبله زي دي وبيعزمني فيها وجايبلي قناص وتقولي مش هو اقفل ياعم اقفل
دقايق ورد اللي بيتصل بيه
_ اسمع بكره الصبح تروح مخازن الديب وتحرقهالي كلها ماتسيبش قشايه وتحطله ورقه مكتوب فيها “الضرغام بيقولك ده أقل حاجه لسه التقيل مجاش ”
= عيني يا ضرغام باشا انت تؤمر تحب اعمل اللي اتفقنا عليه
ابتسم بـشر _ لا خليها في الآخر نبقي نحلي بيها
دخلت عليه أثناء ما هو بيتكلم انتهي من مكالمته بصلي
قلت بغيره بنات = مين دي اللي هتحلي بيها انت بتجيب ستات البيت يا جواد
ضحك بعلو صوته _ يابت انتي تفكيرك دايماً شمال كده
قعدت جمبه حطيت الصينيه اللي فيها العشا علي السرير
= والله مانت اللي كلامك مش مظبوط اي اللي خليها في الآخر نحلي بيها دي
وضع ايده علي رقبتي من ورا وقربني ليه _ والله م هحلي بعد الاكل ده غير بيكي
بعدت ايده عني = اوعي ايديك بس كده وبعدين ياعني اي هتحلي بيا هو أنا كنافه
ضحك _ لا بسبوسه بتنقط عسل يا عسل
استغربت من تغير حاله بعد الاصابه بقي رومانسي عن الأول
كنت بإكله شويه وشويه هو ياكلني من الاكل
قومت اجيب علاجه
= بص دي الدكتور قالي بعد الغدا، ودي بعد الفطار وده مرهم للجروح وده شاش وقطن اغير الإصابة
قال علشان يزاولني_ هتعرفي تغيري علي الجرح ولا نجيب ممرضه احسن
رديت بغيره قاتله= ومين قالك اني هسمحلك تجيب ممرضه اي الهبل ده وهيا تشوف جسمك ليه ان شاء الله وأنا واقفه كيس جوافه في النص ياعني
_ اومال هتتعلمي عليا ولا اي
بصيت وانا متعصبه= اه هتعلم، امسك اشرب
اديته الدوا وبعدين دخل ياخد دش دافي
_________________________
= اسمعني يا ديب ماتمشيش ورا كلام النسوان علشان هتروح في داهيه اسمع مني
_ الست اللي بتتريقوا عليها دي برقبه واحد منكم
= ماتنساش فضل ضرغام عليك هو اللي كبرك وعلمك الشغلانه
_ وأنا كبرت ومابقيتش صغير علشان يوديني ويجبني
= صدقني إحنا من غير الباشا هنضيع وصدقني زعله وحش
_ ههه انت جبت ورا ليه يالا خايف منه ولا اي
= مش موضوع خوف بس ده مش جزاه اللي ساعدنا لغايه ما وقفنا علي رجلنا
_ يالا انت مفكرنا بنبيع سبح ولا مصاحف فوق يالا إحنا بنبيع سلاح!!