رواية بين يدي الغامض الفصل الثامن عشر 18 بقلم رقية

رواية بين يدي الغامض الجزء الثامن عشر

رواية بين يدي الغامض البارت الثامن عشر

رواية بين يدي الغامض الحلقة الثامنة عشر

كانت واقفه في نص القاعه كان واقف وراها ماسك خصرها
حاولت تبعد ايديه من على جسمها همس في ودنها : اهدي شويه بطلي فرك
قالت بعصبيه= ايدك يا جواد صحابي واقفين عيب
قال ببرود وابتسامه سمجه_ هو أنا شاقطك من ملهي ليلي انتي مراتي يابنتي
بصتله بصه عصبيه بصت للي جايه قدامها واحده زميلتها = هاي إسراء اخبارك ايه مين الحلو ده صاحبك
اتعصبت من البنت دي لاني عارفه انها صفرا ومبتصدق تعلق علي اي حاجه تخصني
حضنته وقولت_ لا ي حياتي ده جوزي وأبو العيال إن شاء الله
تممت علي آخر كلمه من كلامي
ابتسملها وفهم هيا تقصد اي ف استغل الوضع وحط بوسه علي خدها
اتحرجت البنت ومشت
بصتله وبصيت علي الناس اللي بيبصولنا = جواد انت مستفز علي فكره أنا ماشيه وسيبهالك
سيبته وروحت لمريم كانت مريم بتابع حوارهم من بعيد
ابتسمت بحب خالص ليها = الواد دايب فيكي دوب يا موكوسه حني قلبك شويه
بصتله وهو واقف عند باب القاعه _ حساه هيركبني قطر سته إلا تلت
اتعصبت مريم = يابنتي بقي جروبات البنات دي اللي مودياكي ورا الشمس، بس كويس انه جابك الخطوبه
_ انتي أختي يا مريم وجواد مرضاش يزعلني ونزلنا ع اول طياره جايه مصر علشان احضر معاكي اليوم من أوله
============================
كانت مايا في اوضه جواد بتبص للباب كل شويه
فتحت الدولاب بتاع جواد فتشت فيه عن الورق اللي جايه علشانه
عدا بعض الوقت وملاقيتهوش، بصت جوا الدولاب لقت باب سري صغير حاولت تفتحه معرفتش حاولت تفتح درج من الأدراج تاخد اي حاجه معدن تفتح بيها َالخزنه لكن لسوء حظها اتكعبلت وهيا ماشيه وكان قدامها مزهريه فيها ورد وقعت علي الأرض واتكسرت
سمعت صوت حد من الخدم جاي للاوضه جرت بسرعه َن الباب الخلفي للجنينه
دخلت واحده من الخادمات لاوضه جواد لقت المزهرية واقعه مكسوره على الأرض
________________________
كانت إسراء بتبص من وقت للتاني لباب القاعه بعد دقايق لقت امها واختها وابوها داخلين من باب القاعه لما بصت لابوها حست برعب وخوف جرت بسرعه للأمان الوحيد وقفت وراه يداريها مسكت فيه جامد من ورا
حضنت دراعه _ مالك فيه اي
كانت بتتكلم ببطئ شديد = جو ااد با.با هـ. نا
_ طب تعالي
دخل بيها في اوضه جوا القاعه قعد وقعدها معاه جمبه حطت راسها على صدره
اتكلمت بخوف = أنا خايفه أوي يا جواد مش من بابا لأ من المعامله بتاعته هيعاملني إزاي لما يشوفني
نظر بداخل عينيها وجد خيبه أمل وحزن وكأنها تترجاه أن لا يتركها أبدآ
_ أنا معاكي متخافيش بس صدقيني عمر م اب كره بنته
بصتله بخيبه أمل = بيتهيألك
دام الصمت بينهم لدقائق تركها على راحتها
_ أنا عمري في حياتي ما حسيت بالأمان يا جواد بس عارف حسيته من امتا
بص بدهشه مش مفهومه من كلامها = من امتا
حطت ايديها على قلبه = من أول ما بقيت في حياتي بحس إني بستقوي بيك أنا عارفه ان علاقتنا مش أحسن حاجه وجوازنا كمان بس انا أول مره احس اني بتحامي ف حد ومبخافش طول ماهو معايا
بصتله بامتنان مسكت ايده : أنا بشكرك على وقوفك جمبي، بشكرك على كل حاجه عملتها معايا، أنا عارفه إني شقلبتلك حياتك من أول ما دخلتها ده حتى كفايه إنك سيبت كل شغلك ونزلت مصر علشاني صدقني دي جميله مش هنسهالك طول العمر
اكتفي بابتسامه وبس..
لا مش عارف يقول اي في الحالات اللي زي دي
=========================
كان أهل إسراء قاعدين على الترابيزه لقي والد إسراء موبايله بيتصل
_اي يا رياض فيه حاجه
= الحقني ياعمي أمي ماتت
صدمه احتلت ملامح الأب اخد مراته وبنته وساب المكان كله
بصت مريم من بعيد لضلهم استغربت مريم انهم مشوا بسرعه
بعتت صاحبتها لإسراء تقولها ان أهلها مشوا
كانت إسراء قاعده في حضن جواد دخلت صاحبه مريم تقولها زي ما مريم بعتتها
= إسراء بتقولك مريم ان اهلك مشوا فجأه باباكي جاله تليفون وقام مش على طول
استغربت إسراء من انهم مشوا بسرعه علي فجأه قامت هيا وجواد
خرجت برا ملاقيتش أهلها فعلآ
مسكت ايديه _ ياتري فيه اي
مسكهايطمنها= خير بإذن الله
انتهت الخطوبه وكانت هتمشي هيا وجواد وقفتها مريم وقالت = إسراء تعالي عايزاكي
______________________
= فيه اي يا حاج مشيتنا علي ملا وشنا ليه كده
_ نعيمه اتوفت
لطمت غاده علي وشها وقالت بحزن = ياعيني يا أم أحمد ربنا يرحمك يا حبيبتي
مشت ورا جوزها لتأديه الواجب
____________________
_ جبتي اللي قولتلك عليه
مارديتش علي كلامه من شده خوفها
كرر سؤاله مره تانيه بتهديد رعبها_ جبتي اللي قولتلككك علييييه
ردت بخوف = لسه
_ ليه يا روح امك ان شاء الله اللي لسه
= بقولك اي يا عادل انت مش أهم حاجه عندك اجبلك الورق يبقي متربطنيش بوقت ده اللي اعرفه
قال بنبره مسايسه _ ماااشي يا مايا أنا صابر لحد الآخر بس صدقيني الورق لو مجاش روحك هتطلع في ايدي واظن عداني العيب اوي لحد كده، كمان يومين هرن عليكي تاني هشوفك وصلتي لايه يا سنيوره سلام
______________________
بصت لجواد يسمحلها بالموافقه
= متتأخريش ويالا
= حاضر
مشت ورا مريم : اي يا مريم فيه حاجه عايزاني اساعدك فيها
اديتلها فستان متغلف جديد
استغربت = اي ده؟؟
_ وأنا بأجر فستان الخطوبه شوفت الفستان ده قولت مش هيليق غير علي إسراء
= مريم انتي بتهزري ليه تعبتي نفسك كده
غمزتلها _ لا تعب ولا حاجه وانتي فاهمه بقي
فهمت هيا تقصد اي= يابت اللل كل ده علشانه ياعني
_ كافئيه بقي مش أنا اللي هقولك
حضنتها وقالت = ربنا يباركلي فيكي واشوفك بالفستان الأبيض يا صاحبه عمري
_ حبيبه قلبي عقبال م ابقي خالتو كده شهلي نفسك
خطبتها علي كتفها= ادعيله بصلاح الحال ياختي
دعت من قلبها _ياااارب، يالا ياختي أحسن يمنعك مني خالص
ضحكت وبعدين ودعتها ومشت