روايات

رواية زواج بالإجبار الفصل الثالث 3 بقلم تسنيم قاسم

رواية زواج بالإجبار الفصل الثالث 3 بقلم تسنيم قاسم

رواية زواج بالإجبار الجزء الثالث

رواية زواج بالإجبار البارت الثالث

زواج بالإجبار
زواج بالإجبار

رواية زواج بالإجبار الحلقة الثالثة

روحت اشوفها ونتكلم وقلبى كان بيدق جااامد اوووى كأنه هيخرج من جسمى ومع كل خطوة بقرب منها كنت بتمنى فيها تكون هياااا بس اتصدمت لما شوفت واحدة تانية خاالص منكرش انهااا جميلة برده بس مشدتنييش زيهااا وكأن اتكتب على قلبى الوجع واتكتب عليا احارب اللى حواليا قعدت جنبها وبدأت اتكلم اول حاجة قولتها وكنت عاوز اسمع ردها فيها..
انا: هو انتى موافقة..
هيا: مش موافقة بس مجبرة
انا: ليه مجبرة انا نفسى مش موافق زيك انا برده مجبر زيك بس لو لاقوا مننا اعتراض يمكن يغيروا رأيهم
هيا: بس مش معنى انى مجبرة انى هقف قصاد ابويااا واقوله لأ مش انا اللى اعمل كدة
انا: هو انتوا كلكوا هنا بتتكلموا عاادى يعنى مثقفيين ممكن اعرف انتى درستى ايه
هيا: انا دكتورة صيدلانية ياابن عمى ومش جهلة وحكاية انى اتجوز ابن عمى والجو ده المفروض انه قدم خلاص اوصل لحل لوحدك بس انا مش هقف قدام ابويااا
وقامت وقفت بعدها قعدت تانى وقالتلى.. هو انا وحشة

 

 

 

قولتلها لأ طبعااا.. قالتلى طب ليه محدش بيحبنى وكل الناس بتبقى مجبرة عليا فى حياتها قولتلها ليه بتقولى كدة ردت وقالتلى
هيا: مش انا اللى بقول انتوا اللى بتقولوا
انا: مين احنا
هيا: كلكوا كبنى ادمين انا محدش حبنى انا امى ماتت وانا صغيرة من بعدهااا محستش بمعنى الحب ابويا طول عمره همه منصبه فى البلد وان لازم بنته تدخل حاجة عالية كنت دايما مجبرة على كل حاجة حتى الجامعة دخلتها عن اجباار علشان اراضى ابووويا كل مرة يجبلى واحد يقولى هتتجوزيه يعنى هتتجوزيه ولو فكرت اعارضه يعاملنى اسوأ معاملة ولما اوافق منهم اللى يقولى نفس اللى قولته ده انا مجبر عليكى واعترضى واللى سابنى يوم كتب كتابى وقام مشى لدرجة انى حسيت انى مرض معدى كل الناس بتخاف تقرب منى لتتعدى دايما كنت لوحدى محدش كان بياخدنى فى حضنه محدش كان بيحتويينى ويطمنى ويقولى اللى جااى احسن حتى الصحااب مليش صحااب ولا اخوااات احكيلهم واشكيلهم حزنى معنديش حد غير هيا واحدة بس اللى جات من اسبوعيين وقربت منى مع انى كنت بخاف من القرب بس هيا بدأت تحببنى فى الدنيااا كنت حابة تشوفهااا اسمهااا ضى وهياا حقيقى ضى… سيبك بقى من كل ده بس مقولتليش انت اسمك ايه مش معقول يعنى تبقى ابن عمى ومعرفش اسمك
انا:ضحكت شوية ان فعلا الكلام اخدنا ومعرفناش اسامى بعض..قولتلها انا اسمى محمد وانتى
هيا:وانا اسمى شمس ياابن عمى…..بتيجى على السيرة اهى هيا ديه ست ضى ياسى محمد اللى كنت لسة بحكيلك عليهاااا

 

 

قومت وقفت اول ماشوفتهاااا وحسيت ان قلبى بيضحك وبيرقص وبيتنطط قولتلها انتى اسمك ضى
ضى:وانت مالك انت
شمس:ضى فى ايه ده محمد ابن عمى بتكلميه ليه كدة
ضى:بصراحة بقى ياشمس مش طيقاه علشان انا مش عاوزة حد يجبرك على حاجة مهما كانت وبعدين بقى هو اصلا جاااى وفاكر اننا جهلة حتى متفاجئ اننا بنتكلم زيه جااى ومش عاوز حد احسن منه مش عارفة فاكر نفسه مين ده
انا اتدايقت من كلامها بس هيا فعلا معاها حق كنت واخد فكرة عنهم وحشة بس انا مأجرمتش يعنى مالفكرة الوحشة بتتمسح عااادى وبتتعدل لافكار حلوة رديت وقولتلها
محمد:هو انتى ممكن تهدى فيه ايه اولا انا اسف ياستى بس ساعتها كنت بسألك عااادى بس انتى عصبية حبيتين بس سيبك انتى اسمك حلووو اوووى يااضى
اول ماقولتلها كدة ابتسمت ووشها احمر ومشيت من غير ولا كلمة
شمس:ايه ياعم الواقع مش لما نعرف نقنعهم الاول وبعدين ابقى حب ونحنح براحتك😂
محمد:ايه يابنتى ده 😂شمس هو انتى مش زعلانة منى بجد
شمس:ياعم هيا جااات عليك يعنى اللى هزعل منك….وبعدين عاوزة اعترفلك بحاجة
محمد:قولى ياشمس
شمس:انا بحب واحد معايا فى الجامعة بس ابويا مش راضى يجوزهولى خالص علشاان يعنى برستيجوا مش حلوو اوووى محسسنى انه الملك رمسيس الثانى هيتنك كمان على النااس طب والله عمك ده دماااغ😂😂😂😂
لسة بتضحك وخلصت الجملة ولاقيت صوت جااى من ورايا
عمى بغضب:بتتمألسى على ابوكى يابت دمى
شمس:ابووى
عمى:ايوة ابوكى يلااا اطلعى على فوووق ومااشوفيش وشك وااصل
محمد:ياااعمى ايه حصل يعنى لده كله دول مجرد كلمتين هزار مفيهااش حاجة يعنى
عمى:لأ فيها ياولد اخووى واوعى تنسى حالك واصل

 

 

محمد:هو ده كلامك عن البنات انهم المؤنسات الغاليات هو ده كلامك ياعمى انت بتناقد نفسك ليه عمى اتدايق جداااا من الكلمة وكان لسة هيضربنى بالقلم بابا جيه وقف قدامى ومسك ايديه
عمى:انت بتمسك ايد اخوك الكبير ياااخووى
بابا:انا ابنى مش صغير علشان تضربه على سبب تافه زى ده انا ابنى عندى اغلى من الدنيا كلهااا واللى يفكر يزعله فى يوم من الايام هيكون زعله على ايدى قبل مايمسه زعل ومش هيفرق معايا مييين
عمى:والله عاال يااخووى بتهيين اخوك الكبيير فى بيته وقدام بته
بابا:كلمة بيته ديه انا هعديهالك مش علشان مطالبتش بحقى السنيين ديه كلها هتصدق ان كل حاجة ليك لوحدك بس انا برده مش عاوز حاجة اشبع بيهم انا عملت بأصلى وجبت ابنى يتجوز بنتك بس زى ماجيبته هنا غصب عنه هاخده من هناا برضاااه وزى ماكان جواز بالاجبااار فاانا هخليه جوااز برضااه وبس ومش هخليه يتجوز اى بنى ادمة غير اللى قلبه يختارهاا
فى اللحظة ديه معرفش ليه مجااش فى بالى غير شمس وانها عايشة هناا عيشة وحشة وانها قد ايه مظلومة واحنا كدة بنزيد جرحها وفكرت اننا بعد مانمشى مش بعيد يأذيها ماانا اتخدعت فيه فى اللحظة ديه نسييت الدنيا كلها ونسييت اى حد ولاقيتنى بقول

 

 

محمد: انا هتجوز شمس النهاردة وهاخدها وهنسافر الفجر
كلهم كانوا بيبصولى بصدمة اللى هو انت بتقول ايه واكتر حد كان متفاجئ هيا اللى هو انا لسة قايلالك انى بحب حد ليه انت كمان عاوز تحرمنى من حبى زى ابويااا بس هيا مش قادرة تفهم انى بعمل كدة لمصلحتهااا….. بعد شوية كان المأذون جييه وكتبنا كتابنا وطلعنا نحضر الشنط بتاعتنا وانا بحضر شنطتى فى اوضتى لاقيت الباب اتفتح….

يتبع..

لقراءة الفصل التالي : اضغط هنا

لقراءة الرواية كاملة اضغط علي : (رواية زواج بالإجبار)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى