روايات

رواية عريس اونلاين الفصل العاشر 10 بقلم منار العتال

رواية عريس اونلاين الفصل العاشر 10 بقلم منار العتال

رواية عريس اونلاين الجزء العاشر

رواية عريس اونلاين البارت العاشر

رواية عريس اونلاين الحلقة العاشرة

روان بصدمه:جاى يقبض على ابويا !!!
تسنيم بخضه :معقوله ؟
كان تيم طالع على السلم هو و عيلته و قوات الأمن كانت واقفه تحت البيت
تيم بابتسامه مهزوزه:اهلا يا عمى
صلاح بابتسامه خبيثة:اهلا اهلا باريس بنتى
مراد مستريحش لنظره صلاح ل تيم و حس انه فعلا ناوي على حاجه
مراد بابتسامه:اى يا عم صلاح مش هتدخلنا؟
صلاح :لا ازاى اتفضلوا و بص ل أم تيم “صفاء” و سمر و فريده و قالهم اتفضلوا
كان الكل قاعد فى حاله صمت لحد ما دخلت روان بتوتر و وشها فى الأرض و تيم كان عينه عليها فى كل خطوه لحد ما قعدت
صلاح بخبث:اى يا تيم ساكت ليه ؟ ما تقومى يا ام روان تجيبي العصير
تيم بلع ريقه بخضه و افتكر كلام مراد لما قاله ممكن يحطله سم فى العصير وفجأة وشه اتحول للون الأصفر و صرخ :لاااا مش عاوز عصير مش عاااوز
صلاح بتكشيره:طب بتصرخ ليه !؟ مش عاوز متشربش عادى
مراد بهمس فى ودان تيم:اهدى ياض يخربيتك هيقولوا عليك اهبل
روان بصت ل تيم:انت كويس؟
تيم بتوتر:اه طبعا كويس بس اصل انا مش بشرب عصاير عندى حساسيه منهم
روان :حساسيه من كل العصاير؟؟ازاى
تيم بلع ريقه و بيفكر هيقول اى :اه كلها
الكل بصوا باستغراب لحد ما اتكلمت صفاء
صفاء:ده أنا امك و اول مره اعرف ان عندك حساسيه من العصاير!!
تيم بتوتر:اصل انا كشفت النهارده و الدكتور قالي كده
كلهم بصوله بغرابه من تصرفاته و بعد شويه دخلت واحده لابسه بلوزه بيضاء و بنطلون وردى و سايبه شعرها الطويل على كتفها
كلهم نظرهم اتوجه ليها
صلاح:انتى مين !من قرايب تيم ؟
البنت :اممم من قرايب تيم بس انا بقي خطيبته إللى ضحك عليها و سابها
الكل فى اللحظه اتصدموا و اولهم روان إللى قامت وقفت قصاد البنت دى و زعقت
روان بزعيق:انتى بتقولي اى ياما؟؟
البنت بصتلها بتكبر:اى البيئه دى ! بقي هى دى إللى سايبنى علشانها يا تيمو؟
تيم بزعيق:انتى بتقولي اى يا بت انتى ؟
روان بزعيق ل تيم:انت تعرف البت دى فعلا ؟
تيم :ايوا كنت خاطبها بس من زمان اوى والله و سيبتها
روان بزعيق:و مقولتليش ليه؟؟
تيم :علشان مفتكرتش أصلا يا روان و الموضوع بالنسبالي كانت منتهى
روان بزعيق:مش مهم بالنسبالللك بس مهم بالنسبالي و بعدين اى قوات الأمن إللى انت جايبها معاك تحت دى !؟هااا؟؟
تيم :ممكن تهدى !! انا مش هكلمك و انتى متعصبة كده
روان بعصبيه:اهدى؟انت تصرفاتك كلها غريبه من يوم ما عرفتك أصلا
مراد :يا انسه روان ممكن تخليه يتكلم و يدافع عن نفسه ؟
روان :برا
تيم بصدمه:نعم؟
روان بزعيق:قولت برااا انا مش عاوزه اتنيل اتخطب و لا زفت أصلا مالها ؟ والله كنت مريحه دماغي و بعدين إللى يغور يجى مكانه طابور فاكرنى عمرو دياب اقولك سيبت فراغ كبير و لا اى؟
تيم بعصبيه:انتى كده بتظلمينى يا روان !! و كلامك ده هتتحاسبي عليه !
روان بسخريه:اى هتحبسنى مثلا ؟؟
تيم بعصبيه:ايوا
مراد كان حاطط ايديه على دماغه و خايف من إللى ممكن تيم يعمله وقت عصبيته
صلاح بغضب:تحبسها؟؟انت مفكر نفسك اى و تحبسها علشان اى أصلا ن بتهمة اى
تيم بغضب:بتهمه سب و قذف ظابط إللى هو انا
روان وقفت قصاده و حطت عينيها فى عينيه و قالت بتحدى: طب جرب كده تعملها !
تيم بنفس نظره التحدى و

يا ترى ممكن تتحول قصه حبهم إللى لسه مبداتش لكره؟

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية عريس اونلاين)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى