رواية بنت إبليس الفصل الثلاثون 30 بقلم حياة محمد
رواية بنت إبليس الجزء الثلاثون
رواية بنت إبليس البارت الثلاثون
رواية بنت إبليس الحلقة الثلاثون
….وبصرخه بتقولى بإسم مين…. يوسف عبد الكريم..إزاى إزاى مستحيل أكيد مزور…إمضت إيه انتى هتجننينى بقول ما مضتش توكيل لحد…..وبصرخه اكبر بتقولى إيه باع الشركه لنفسه.¡!!!!!!!!!!!!!!.إزاى إزاى مستحيل.
……بتقولى أيه….هتصرف ازاى…..استنى بس افكر (( وبدات تمشى راحه جايه وهي متعصبه اوى وبتقول بتوتر))فكرى فكرى فكرى…مش قادره افكر…..لا لا لا متقفليش اى حاجه سيبى كل حاجه زى ما هيا ولو حصل اى حاجه عرفينى …بس عايزاكى بس تأخرى توثيق التسجيل الرسمى شويه……(( وتصرخ فيها)) اتصرفى انا مش بديكى كل الفلوس دى ببلاش اتصرفى… ماشى مع السلامه.
قفلت الخط وبدأت تصرخ في عصبيه
انا انا يعمل معايا كده بعد كل إللى عملته لك يا يوسف تغدر بيا…تسرقنى انا…تضحك عليا انا….إزاى بس إزاى انا متأكده انى ما مضيتش اى ورقة ………استنى استنى اقتكرت اتاريك كنت مغرقنى حنيه بس على مين لا لا ده انت لسه صغير أوى ده انت بتلاعب بنت إبليس يعنى انت لسه في سنه أولى مكر عايز تلعب طب استنى وانا هوريك اللعب ابو جد..أأأه.
&&&&&&&&&&&&&&&&&&&
فادي: ارجوكى يا أمانى اسمعينى.
امانى: اسمع ايه يا فادى جاى ليه مش كنا خلاص خلصنا من بعض وانت ارتحت وانا ارتحت.
فادى: انا عمرى ما ارتحت.انا سبت ابنى وانا بحسبنى ارتحت وهرجع اعيش حياتى بس مارتحتش.هاجرت وسافرت وبحسبنى هرتاح وأرجع اعيش حياتى بس لا ارتحت ولا رجعت عشت حياتى
أمانى بسخريه: لا مسكين وجعت قلبى طب وانا المفروض اعملك إيه؟
فادي: انا عارف انى جرحتك أوى
أمانى: لأ دبحتنى
فادي: عندك حق بس انا مش هبرر لك اعمالى لأنى فعلا غلطان بس كنتى عايزانى اعمل ايه.انا كنت بتسلى زيى زى اى حد مجرد لعبه وتسالى.
أمانى: وانا حياتى ومستقبلى بالنسبه لك مجرد لعبه وتسالى.
فادي: وفجأة تيجى صاحبتك وتورينى الذل كله كنت ببوس رجل البلطجية بتوعها عشان يرحمونى.
امانى بدموع: كانت بتساعدنى بعد ما اتخليت عنى ماحبتش انى اتفضح وبابا يوطى راسه.
فادي: اجبرتنى وكسرتنى قدام نفسى كرهتك وكرهت كل حاجه مرتبطه بك حتى ابنى كرهته كمان
أمانى: شكرا انك فكرتنى بذكريات كنت بتمنى انساها.يالا اتفضل.
فادي: بس بعد ما هاجرت قعدت مع نفسي وفكرت كتير واكتشفت أد إيه أنا غبى وبرفص النعمه برجلى ربنا رزقنى ببيت وزوجه وطفل زى القمر أه طريقه الجواز كانت غلط بس خلاص بقيت اب وبدل ما احمد ربنا على رزقه ارفضه وكانت النتيجه انى اشوف ابنى إللى زى القمر اشوفوا في الصور مع بابا زيه زى الغريب. واسمعه بيقول لأخويا يا بابا عشان اتقطع من الندم واموت من الغيره لما اعرف ان اخويا عايز يتجوز طليقتى . عشان يموتنى الندم والحسره.
أمانى: ارجع مطرح ما جيت يا فادى انا
فادي: انا اسف يا أمانى وعارف انى لو عشت عمرى كله اعتذر لك مش هعوضك. بس انا بجد ندمان ونفسى ارجع اعيش معاكى تانى انا بحبك يا امانى بحبك بجد ونفسى نرجع تانى مع بعض ونربى ابننا سوى.
أمانى: والمقابل
فادي: قصدك ايه بالمقابل
أمانى: ان كنت بتظن بكلامك ده انى هرجعلك شقتك وعربيتك يبقى انت بتحلم.
فادى: مش عايزهم والله ما عايزهم وأقولك كمان انا هشترى شقه تانيه نعيش فيها عشان عايز ابدأ معاكى من جديد في مكان جديد بعيد عن أى ذكرى وحشه قلتى إيه ؟
أمانى: كلامك مش معايا كلامك مع بابا في بيته لأن هيا دى الأصول
فادي بفرح: بس كده من عنيا انا فرحان أوى وأوعدك مش هتندمى ابدا أنا…انا بحبك اوى….طب ينفع أشوف ابنى شويه.
أمانى: بعدين لما تقابل بابا.
فادي: تحت أمرك يا مستبده بحبك
أمانى: يالا امشى بقى فرجت عليا الجيران
مشى فادى ودخلت امانى بيتها ووشها منور بإبتسامة راحه وسعاده.
&&&&&&&&&&&&&&&&&&&
دخل يوسف الڤيلا واتفاجأ بالزينه معلقه في كل مكان.وزينب كانت لابسه فستان أحمر قصير وعارى كانت واقفه منتظراه وعلى وشها أجمل ابتسامة.
يوسف: إيه ده كله
زينب: مفاجأة.إيه رأيك
يوسف: حلو أوى بس ليه ده كله؟
زينب: هنحتفل انا وانت بس بمناسبه حلوه اوي حظر فظر ايه هيا المناسبه؟
يوسف: كسبتى مناقصة مشروع الغردقه
زينب: ده شئ اكيد هو فيه حد يقدر ينافسنى وبعدين ده مش سبب يخلينى البس واتشيك وأطبخ لك الوليمه دى كلها بإيدى أكيد فيه سبب تانى فكر شويه
يوسف: هتكرمك المحافظه مثلا ولا بقيتى أهم سيدة أعمال في مصر.
زينب: افكارك محدوده اوى بقولك احتفاليه يكون عشان السبب الأهبل ده.إيه مش عارف تفكر تحب اسهلها لك
يوسف: ياريت.
قربت منه زينب وشالت إيده وحطتها على بطنها.وقالت :: فهمت
يوسف برعشه انتى تقصدى
هزت زينب رأسها بدموع وقالت ا: ايوه يا يوسف هتبقى بابا انا حامل.
انتفض يوسف في مكانه وقال: بجد انتى بتتكلمى بجد
زينب بفرحه: هو المواضيع دى فيها هزار شوف انا النهارده حسيت بتعب ورحت للدكتورة وبقيت زيك مش مصدقه نفسي تعرف بعد ما روحت عملت حوالى ٦٦اختبار حمل وكل مره أفرح بالنتيجة عشان كده قررت انى أعمل الحفله الحلوه دى وحتى اشتريت تورطه حلوه بمناسبه الخبر الحلو ده.
قولى فرحان يا يوسف.
يوسف بفرحه : اوى اوى يا زينب
زينب: طب يالا ناكل وبعدها نقطع تورطه
زينب: طب يالا ناكل وبعدها نقطع تورطه بس مش عايز تتصل بأهلك عشان تفرحهم.
يوسف بحزن: مانتى عارفه انهم زعلانين منى.
زينب: صح كنت نسيت بس ولا يهمك انا هتصرف
يوسف: إزاى؟
زينب: لأ انا عندى طريقتى الخاصه وبعدين أنا عايزة ابنى يعيش حياه طبيعيه بين اهله عايزه يلاعبه عمه وتدلعه عماته ولما يكبر شويه ويغلبنى وأجرى وراه بالشبشب زى اى ام مصريه يجرى يستخبى في حضن جده
ابتسم يوسف لكلامها.
قربت منه وقالت: لو ولد هسميه آدم هتزعل منى عشان هسمى اول اولادنا أدم
يوسف: اشمعنى أدم
زينب بحزن: لأنى عشت حياتي كلها وحيده عمرى مالعبت زى اى طفله عمرى ما فرحت زى اى بنت عمر ماكان ليا أصحاب ولا قرايب يسألوا عنى.عشان كده كنت طول عمرى بتمنى حاجتين بس الأولى انى أتجوزك والتانيه أخلف ولد واسميه آدم.بس متزعلش انا هسمى ابنى الاول وانت هتسمى العشره التانين.
يوسف بضحك: يامجنونه عايزانا نخلف حداشر.
زينب بضحك وعيونها بتلمع.: وكلهم صبيان.
يوسف بابتسامة: اشمعنى
زينب: أصلى سمعت ان البنت حبيبة ابوها وبصراحة أنا بغير اوي ومش هسمح انك تحب حد أكتر منى حتى ولو كانت بنتك.
يوسف: بتحبيني للدرجه دى يا زينب
زينب: وأكتر مش يلا ناكل.
يوسف: ماشى ومسك إيدها وقعدوا على السفره يأكلوا مع ابتسامة حلوه لحد ماحس انها سرحت منه وبان عليها الحزن.
يوسف: مالك يا زينب.
زينب: تعرف انا نفسي اشوف مين دلوقتي
يوسف: مين ؟
زينب: بابا
يوسف: ليه؟
زينب: عشان اقول له شوف هو ده يوسف إللى انت بتقول عليه طمعان فيا اهو
اختفت ابتسامة
زينب: انا اسفه مقصدش أزعلك بس انت مش عارف بابا ربانى انى الكل غدار وخاين وإنى لازم اتغدى بالناس قبل ما يتعشوا بيا.لكن خلاص كل ده خلاص اختفى.تعرف انا مش هربى ابننا كده انا هعلمه إللى ماتعلمتوش هعلمه يحب الناس كلها وإن شاء الله الناس كلها تحبه.وهعلمه يقدم الخير مش الغدر وهاعلمه يسامح ويغفر ويقدر غيره….يووه انا اتكلمت كتير وانت ساكت دوشتك صح
يوسف: بالعكس انا عجبنى كلامك
زينب ‘ طب خد في بالك انا ناويه أطلع عنيك الإتنين وكل حركات الحوامل هعملها معاك يعنى اول اربع شهور هتوحملك على حاجات غريبه وهتجنن عليك
يوسف بابتسامة: ماشى
زينب: وبعدها هتتمشى معايا كل يوم ساعه تقولى فيها كلام حلو عشان نفسية ابنك.
يوسف: ماشى
زينب: تعرف انا بتوحم دلوقتي على انك ترقص معايا سلو وانا في حضنك يالا نرقص ولا عايز ابنك يزعل
وقامت معاه ونامت في حضنه وهما بيتمايلوا في رقصه سلو جميله
&&&&&&&&&&&&&&&&&&
نايمه في حضنه بهدوء وراحه في حين هرب النوم من عيونه وسهران طول الليل يفكر ويعاتب نفسه.: متدايق ليه يا يوسف مش ده إللى انت اقنعت نفسك بيه ان ده حقك مخنوق ليه…. ولا عشان عرفت انك غدار اكتر من ابوها….بقيت ألعن من إبليس…إدتك كل حاجه الحب والأمان حتى الفلوس وانت بالمقابل إدتها إيه….ولا حاجه سرقتها يا يوسف….انت بقيت حرامى ومديت إيدك وسرقتها…غدار…غدار ..حرامى ..خاين.
بدأت تتحرك فتحت عيونها بكسل لقت يوسف سرحان وعيونه للسقف.فقالت بكسل: صباح الخير يا حبيبي.صحيت امتى
يوسف: انا مانمتش اساسا
زينب: ليه يا حبيبي فيه حاجه مضيقاك قولى فيه حاجه مزعلاك.
رد بضيق: بس بقى كفايه كفايه
زينب: كفايه إيه يا حبيبي انا زعلتك في حاجه.
يوسف بحزن في نفسه(( كفايه تكونى أحسن منى كفايه انا بحتقر نفسى بسببك)).:
زينب: سرحان في إيه يا يوسف.
يوسف: ولا حاجه مش هتقومى تروحى شغلك.
زينب بكسل: لأ
يوسف: ليه
زينب: أصلى نسيت أقولك امبارح ان الدكتوره محذرانى من اى مجهود وطلبت منى الراحه التامة لأن ضغطى بيعلى وده غلط على الحمل
يوسف: طب وشركتك.
زينب: ماهى مبقتش شركتى
يوسف بقلق: اصدك إيه؟
بصت له بمكر وبعدين قالت: أقصد بقت شركتنا مش شركتى..
يوسف: شركتنا!؟
زينب: طبعا وبعدين أنا مش فاضيه للشركه وصداعها فالبركه فيك.
يوسف: أنا
زينب: طبعا انا واحده مش فاضيه انا فيه معجزه بنتكون جواها وعايزه تستمتع بكل لحظه.اما الشركه ومشاكلها سيباهالك.انت .
يوسف: إزاى
زينب بمكر: سهله نطلع انا وانت دلوقتى على السجل المدني واعملك توكيل عام.
يوسف بفزع: نعم تعملى إيه.
زينب: توكيل عام وانت تبقى المسؤول عن كل حاجه فيها إيه مش انت جوزى حبيبى ابو ابنى فعادى وبعدين انا بثق فيك وثقتى فيك ملهاش حد.استنى بس خمس دقائق هلبس واجى معاك.
يوسف بخوف: لأ مش دلوقتي انا مشغول استنى بس.انا مش فاضي
ولبس وخرج بسرعه في حين كانت رجعت زينب تنام على السرير بكسل ودلع.
&&&&&&&&&&&&&&&&&&&
يوسف: حامل بقولك مراتى حامل
رباب:وليكن عادى.طبيعى انها تحمل وبعدين حتى ولو حامل خطتنا مش هتتغير
يوسف: يعنى إيه تقصدى
رباب: هنكمل إللى عملناه
يوسف: انتى اتجننتى نكمل إيه لا طبعا مستحيل
رباب: ليه مستحيل مانت بدات وخلاص نقلت الشركه بإسمك روح انقل الڤيلا واسحب رصيدها من البنك زى قبل ما تاخد تكتشف التوكيل.
يوسف: مستحيل وبعدين انتى ماسمعتيش دى هتعمل لى توكيل رسمى يعنى توكيل حقيقى مش مزور زى إللى معايا.
رباب: موت يا حمار على ما تعمله لك وبعدين قول لها ماتتعبيش نفسك انا معايا واحد
يوسف: ياسلام اقول لها يا حبيبتي انا غدرت بك ومضيتك على ورقه فاضيه عملتها توكيل رسمى عشان اسرقك دى كانت تموت فيها.
رباب: خايف عليها أوى كده لا تكون بتحبها اوع تكون صدقت اللعبه دى.
يوسف: لعبه.
رباب: طبعا لعبه وحطه واحنا رسمناها سوا
يوسف: بس يا رباب متحسسنيش انى ندل وحقير للدرجه دى.
رباب: يعنى إيه ضميرك صحى دلوقتي.. يوسف انت بتاخد حقك ده حقك
يوسف: لأ مش حقى انا سرقتها.كانت بتدينى كل حاجه وانا بغدر بها بسرق فلوسها وشركاتها.
رباب: فوق لنفسك يا يوسف انت بتحبنى انا مش هي وبعدين الموضوع خلاص هناخد الڤيلا والفلوس ونتجوز على طول انت مش عايزنا نتجوز… يوسف بص لى يا يوسف…انا رباب حبيبتك…..أنا……
يوسف: ياااااه للدرجه دى انا كنت اعمى إزاى ماشفتش أد إيه انتى انانيه وبتاعت مصلحتك
رباب: يوسف انا…
يوسف: انتى إيه…للدرجه دى كنت اعمى ومش شايف بسيب إللى حبتنى لنفسى واتحدت الدنيا كلها عشانى وجاى اجرى وراكى انتى على إيه
رباب: انت بتحبنى
يوسف: لا يا رباب انا مش بحبك انتى ماتستاهليش.
رباب: أه فهمت بتعمل كل ده عشان هتعملك توكيل رسمى صح.ماشى حلو بس اوعى تسيبنى يا يوسف انا بحبك يا يوسف بحبك.. ماشى حبها بس احنا هنتجوز صح هتتجوزنى يا يوسف صح..
سابها يوسف وخرج بسرعه ورباب بتجرى وراه وهى بتبكى وتقول: لا يا يوسف مش هتتخلى عنى انت بتحبنى انا صح بتحبنى انا مش هى.
&&&&&&&&&&&&&&&&
رجع الڤيلا لقى زينب زينب في الصاله وجنبها عدد كبير من ملابس الاطفال والألعاب فابتسم لها بحب وقرب منها: بتعملى إيه يا مجنونه
زينب: شوف يا يوسف انا جبت حاجات تجنن
يوسف: وانتى خرجتى جيبتى ده كله
زينب: طبعا لا ده كله أون لاين.بقولك احنا بكره ان شاء الله هنروح الشهر العقاري اعملك توكيل وبعدها نروح الحاره عند عمو عبد الكريم ومش هنرجع إلا وهما معانا
يوسف: معانا فين؟
زينب: هنا في الڤيلا .
يوسف: انتى مش قلتى الڤيلا بتاعتى لأ
زينب: لا ده كان زمان دلوقتي الوضع اتغير انا عايزه ابنى يحس بأهله حوليه يحس بالعزوه والاهل يحس بالأقارب حواليه وبعدين الڤيلا كبيرة اوى نقدر نعيش سوا كلنا إيه رأيك
يوسف بغضب: ارحمينى حرام عليكى ارحمينى انا مش قادر.
&&&&&&&&&&&&&&&&
كانت بتمضى الأوراق ويوسف جنبها وبعدها قالت بملل.: يوه خلاص بقى يا يوسف زهقت
يوسف: ده كله ورق متأخر ولازم تمضى عليه عشان الشغل مايتعطلش
زينب: عارفه بس أنا صدعت وعايزه اشرب قهوه وحبوب للصداع
يوسف: انتى اتجننتى القهوه بترفع ضغطك ده خطر على الحمل
زينب: عارفه عشان كده قلت لك اعملك توكيل وانت بقالك عشر ايام مش راضي نروح.مش عارفه ليه؟.
يوسف: بعدين بعدين.طب انا هروح الشركه دلوقتي وبعدين نبقى نشوف الحاجات دى ماشى. وقام بسرعه وراح للشركه وبعد ساعتين وصل لزينب مكالمه تليفونيه فردت بهدوء: الو…. وبعدها انفجرت في الضحك بصوت عالي جدا وقالت: بقى رجع كل حاجه….ورجعت تضحك بصوت أعلى..ياااااه ولغى التوكيل كمان….. طب خلاص اقفلى مع السلامه.ورجعت تضحك تانى وقالت: يااااه يأ يوسف ده انت ساذج اوى ده انا اتوقعت انك هتتعبنى اتاريك سلمت من اول جوله.ده انا كنت مخططه خطط كبيره اوى.بس انت سلمت بالسهوله دى.هاهاهاهاها. وقامت وغيرة هدومها ونازله من على السلم بسرعه لكنها وقفت في نص السلم وقالت اخ نسيت ده انا حامل وبدات تنزل واحده واحده وهي بتتدلع
تمت….
لقراءة الرواية كاملة اضغط على : (رواية بنت إبليس)
