رواية امرأة في عصمة صعيدي الفصل الثامن 8 بقلم سلسبيل كوبك
رواية امرأة في عصمة صعيدي الجزء الثامن
رواية امرأة في عصمة صعيدي البارت الثامن
رواية امرأة في عصمة صعيدي الحلقة الثامنة
و بعدين في اقل من لحظة ديما مسكت سكينة و قربتها من رقبة البنت و جرحت البنت جرح بسيط..
ديما: بصي يا حلوة مش فارقة معايا تشقطيه متشقطهوش الزبالة بتترمي جمب الزبالة تمام، لكن تقولي عني قصيرة و وحشة و ربي اعمل وشك خريطة كل الناس تيجي تصورها و ابقي علمت عليكي فاهمة…
نجوي(بخوف): حاضر حاضر وسعي…
جاسر كان مصدوم من ردة فعلها و كلامها…
ديما: ناس زبالة، مالية وشك الوان يا شيخة مستحملة نفسك ازاي؟
جاسر: خلاص خلاص…
بنت: انتي ازاي تقربي من نجوي كدة؟
ديما: تحبي اعملك علامة زي اللي في رقبتها…
بنت: لا ده انتي متربتيش بقي…
ديما: تحبي اوريكي التربية..
ديما مسكت ازازة ازاز و ضربت رأس البنت بيها…
نجوي: انتي عملتي ايه؟
جاسر(بزعيق): خلاص منك ليها، انجزي جيبي الاكل..
الست ودت جاسر الاكل و هي بتبص لديما بخوف…
ديما: اي بنت عندها اعتراض تجيلي علشان اعلم عليها..
جاسر(و هو ماسك ايديها): انجزي يلا…
ديما: لا عايزة اشوف حد معترض..
جاسر مسك ديما من خصرها و شالها بإيد واحدة و خرج…
ديما: طبعا ما الهانم كانت عجباك، رجالة زبالة…
خالد: جاسر في ايه؟
جاسر: اختك بتاعت مشاكل…
تسنيم: عملتي ايه يا مجنونة؟
ديما: كنت بتسلي..
جاسر: الصبر، خد يا ابني خلهيم يأكلوا…
جاسر راح عربيته و خالد و ديما ركبوا العربية…
فتحية: هو حصل ايه يا جاسر؟
اسماء: اه في ايه و كنت شايل ديما كدة ليه؟
دعاء: احكيلنا يا ابيه…
جاسر: مفيش حاجة..
فيروز: و الله و على اسااس هنصدق…
جاسر حكي ليهم كل اللي حصل…
فتحية: يا بت اللمجنونة…
اسماء: هبلة البت دي، بس جدعة..
ددعاء: دي حتة سكرة…
فيروز: بت بمية راجل..
خالد: احكي حصل ايهه؟
ديما: مش لما اكل..
دنيا: لا…
دنيا مسكت الاكل منها ودته لخالد…
دنيا: انجزي احكي..
دنيا: طب انا جعانة هاتوا الاكل…
خالد: انجزي انطقي..
جملات: حرام عليكوا البت مكلتش من الصبح…
تسنيم: سيبوها تاكل بس…
ديما: حبايب قلبي خدوا قلبي، هاتوا بقوا الاكل يا رزلين…
خالد: خدي..
ديما: مفيش يا سيدي كل اللي حصل…
ديما حكت كل حاجة حصلت…
خالد: رفعتي السكينة اتعلمتي رفع السكاكين يا ديما..
ديما: لا يا حبيبي انا برفع من زمان…
دنيا: اه كنا بنتخانق علطول..
تسنيم: هبلة..
جملات: انتي عملتي كدة ليه؟
ديما: البت تقول عليا قصيرة و وحشة و اسكت…
جملات: يعني مش علشان جاسر؟
ديما: جاسر مين انا اللي اضايق علشانه، اللي ضايقني بتقوله سيبك من البت القصيرة و الوحشة و ربي كنت عايزة اقتلها في ايدي…
و بعد فترة الكل وصل للبيت بسلام…
حسن: ها ايه الاخبار؟
فتحية: تمام يا حاج..
محسن: ها يا حبيبتي اختارتي فستانك..
ديما: اه يا بابا، عن اذنكوا…
دنيا: خديني معاكي..
تسنيم: لا انتي ليكي اوضة تانية، سيبي العروسة براحتها…
ديما: لا سيبيها…
اسماء: مينفعش يلا روحي..
و الكل راح لاوضته و هو تعبان علشان ينام…
-عند جاسر…
جاسر دخل خد دوش و خرج لقي سارة قاعدة على السرير…
جاسر: سارة!.
سارة: اهلا اهلا يا حبيبي اللي هتتجوز غيري بكرة اهلا يا حبيبي يا اللي هتلمس غيري بكرة…
جاسر: مش كدة يا سارة انا و الله طلبت ايدك من الحاج بس انا اتصدمت..
سارة: كل بعقلي حلاوة يا جاسر..
سارة: انا بكرهك اوي يا جاسر..
جاسر قرب منها و حضنها و هي قعدت تعيط..
جاسر: معلش يا حبيبتي اكيد ده الخير واكيد هتجوزك بس مش دلوقتي الامور تهدي بس و هتجوزك و الله انا بحبك انتي انتي و بس…
سارة: هستناك يا جاسر..
جاسر: بحبك..
جاسر باس رأسها و حضنها، و سارة مشيت..
جاسر اترمي على السرير بتعب..
جاسر: يا رب فكها..
في الصباح الباكر…
كان في صوت دوشة عالي في البيت…
ديما(بازعاج): ايه القرف ده؟
ديما(بصوت عالي): وطوااااا الصوت مش فرح خالكتوا هو…
دعاء: قومي يلا يا بنتي ده لسة في حاجات كتيييير…
ديما: اه اه روحوا انتوا اعملوها و انا هبقي معاكوا بقلبي و روحي…
تسنيم دخلت و شالت البطانية من على ديما..
ديما(بصريخ): عاااااااااااااااااا، عايزة انام سيبوني في حالي بقي..
الباب خبط…
تسنيم: ادخل..
محسن: ايه يا حبيبتي مالك؟
ديما: ماما شالت البطانية من عليا و انا عايزة انام…
محسن: معلش يا حبيبتي قومي دلوقتي..
ديما: اوف حاضر…
محسن قرب منها و باس رأسها و خرج، و ديما بصت في اثره بحزن…
تسنيم: قومي..
ديما(بقرف): قومت قومت…
تسنيم: مشتفتش حد بينام و هو مشغل التكييف و بيتغطي و ربنا ما شوفتها…
دعاء: اوف هو انتي بتشغلي التكييف؟
ديما: اه طبعا..
دعاء: ابيه جاسر مبيحبهوش…
ديما: يروح ينام عند امه بقي…
تسنيم: مش قولنا عيب…
ديما: اطلعوا سيبوني البس، ايه ده؟
الباب خبط…
ديما: ايه هو في ايه الكل بيخبط عليا انا بس..
دعاء: ادخل..
ديما: مين دي؟
دعاء: دي تهاني بتشتغل هنا..
ديما: اه اهلا…
تهاني: ست فتحية باعتة الفساتين دي لحضرتك..
ديما: ليه؟
تسنيم: النهاردة الحنة و كل الستات تحت، يلا بقي البسي..
ديما: الصبر، اخرجوا…
الكل خرج و ديما اختارت فستان من اللي موجودين..
لبست فستان بدوي جميل باللون الوردي كان واسع من تحت و ضيق من فوق و كان جميل اوي على ديما، و حطت روچ هادئ لبست جذمة من غير كعب و كان في شوية مجوهرات لبستهم، كانت متغيرة خالص…
ديما خرجت و هي ماشية خبطت في جاسر و جاسر مسكها و فضل باصص ليها كتير و ديما مستغربة من ردة فعله..
سارة: استنوا يا عرايس ده بكرة دخلتكوا…
ديما: مش فاضية ارد عليكي..
ديما سابتهم و كملت نزول، و سارة بصت لجاسر بغضب، و جاسر بيبصلها بعتاب…
دنيا: عروستنا جت…
ست1: ايه ده بسم الله ما شاء الله مين دي؟
اسماء: دي العروسة…
ست2: تعالي هنا جمبي يا حبيبتي…
ديما: هو في ايه؟
فتحية: روحي يا حبيبتي متخافيش..
ديما راحت قعدت جمب الست…
ست: ما شاء الله قمر بدر منور يا بنتي..
ديما: شكرا يا طنط…
ست: انتي مصراوية؟
ديما: بيقولوا كدة..
ست: بس انتي مش زيهم خالص انتي وشك صافي…
ديما: شكرا و الله يعني بلاش احراج اكتر من كدة..
ست: خدي يا حبيبتي..
ديما: ايه ده؟
الست لبست ديما عقد دهب كبير تقيل..
الست: ده هدية جوازك، جاسر مش هتلاقي زيه و لا في اخلاقه و لا رجولته…
ديما: شكرا يا طنط انا ارتحتلك اوي…
الست: واد يا جاسر..
جاسر كان ماشي بس سمعها..
جاسر: اهلا خالتي نظيرة..
نظيرة: زين ما اختارت يا جاسر عروستك كيف البدر المنور حافظ عليها..
جاسر: تسلمي يا خالتي، عن اذنكوا..
جاسر بص لديما اللي كانت بصاله و بعدين مشي…
فتحية: قوموا يا بنات ارقصوا…
دنيا: ايوه يلا بقي…
معظم البنات قاموا و قعدوا يرقصوا…
نظيرة: وريني رقصك يا عروسة..
ديما: احم مش بعرف…
عبير: اللي مبتعرفش ترقص جوزها بيتجوز عليها…
ديما: بجد طيب، اصل انا بحب الشراكة اوي…
عبير بصتلها بغضب و ديما بصتلها بهدوء…
بنت: تعالي نعلمك..
و البنات شدوا ديما و حاولوا يخلوها ترقص و هي فرحانة اوي لانه جو جديد عليها…
خالد كان ماشي لمح دنيا و هي بترقص و فرحانة و بص على اخته…
علاء(بخبث): هي الصنارة غمزت؟
خالد(بحدة): خليك في حالك يا علاء و امشي من هنا يلا…
خالد شد علاء و ساب الستات براحتها، و راحوا عند الرجالة…
حسن: مبروك يا ولدي..
جاسر(بابتسامة خفيفة): الله يبارك فيك..
حسن: صدقني انا بعملكوا الصالح…
جاسر بصله بعتاب و حزن…
جاسر: عن اذنك يا حاج..
محسن: معلش هيتعود و ديما انا شايف انها اتعودت..
حسن: حسب خبرتي في حاجة خلت ديما تتقبل الموضوع…
محسن: تفتكر؟
حسن: ممكن..
خالد: كتب الكتاب بليل و لا بكرة يا حاج…
محسن: الدخلة الليلة يا خالد..
خالد(بصدمة): نعم!
حسن: ايوه روح جهز جاسر..
خالد: تمام…
خالد راح لجاسر و هو مصدوم و مستغرب…
جاسر: مالك يا ابني؟
خالد: فرحك الليلة يا جاسر..
جاسر: هو مش بكرة…
خالد: ابوك غير اليوم و بقي كتب الكتاب النهاردة…
خالد: تعالي معايا عند الحلاق نخفلك دقنك دي..
جاسر(بحزن): تمام..
خالد و جاسر راحوا للحلاق و ظبطوا شعرهم و دقنهم و رجعوا تاني…
و الرجالة بتظبط مكان الفرح…
-عند الستات…
تسنيم: يلا يا ديما علشان تحضري نفسك..
-ديما عرفت ان النهاردة الفرح و اتصدمت و خافت جدا…
ديما: ها استني شوية..
فيروز: مش هتعرفي تأخريهم، يلا اطلعي…
ديما(بدموع): بليز هربوني…
دعاء: يا بنتي هو كلام عيال..
ديما(بدموع): ما هو اخوكي لا يُطاق…
سارة(بغيظ): مبروك يا ديما…
ديما: يا شيخة اتلهي…
جملات: يلا روحي مع مامتك يا ديما..
ديما: اوف حاضر تمام…
ديما طلعت مع مامتها اوضتها…
فتحية: مش عارفة الحاج مستعجل على ايه؟
اسماء: و لا انا، انا صعبانة عليا البت اللي مش فاهمة اي حاجة دي..
جملات: خير خير، يلا اعملوا الاكل علشان خاطر الرجالة بره…
عبير: اساعدكوا؟
فتحية: يلا…
اسماء(بهمس): من امتي؟
جملات(بهمس): معرفش..
فتحية: يلا كله يشوف وراه ايه..
تسنيم: يلا يا بنات اطلعوا لديما فوق..
البنات طلعوا ليها…
بنت: تحبي نعملك شعرك ضفيرة؟
ديما: لا بصي يا ماما انا هعمل لنفسي كل حاجة…
دنيا: اتعلموا…
ديما قامت دخلت خدت دوش و خرجت لبست الفستان، و بدأت تعمل شعرها و مكياجها تحت نظر كل اللي موجود و هما مصدومين…
دعاء: ازاي عملتي كدة؟
ديما: دي قدرات يا بنتي..
-و الليل جه و في دوشة و صوت خيول، و الستات بتضحك و بتتكلم…
دنيا: انتي قوية..
ديما: و حياتك ابدا…
دنيا: زمان ماما جت…
دعاء: قمر اوي…
ديما: شكرا…
فيروز: متقلقيش خير…
ديما: يا رب…
فتحية دخلت و تسنيم…
فتحية(بانبهار): ما شاء الله، جميلة اوي مع انك انتي اللي عملتي لنفسك كل حاجة…
ديما: شكرا يا طنط..
تسنيم: ربنا يحفظك يا حبيبتي…
ديما: شكرا يا ماما…
فتحية: انا من هنا و رايح ماما، مامتك هتروح القاهرة يعني انا هنا اللي امك فاهمة…
ديما: هحاول تمام…
فتحية: جاسر طيب و هيحافظ عليكي صدقيني..
ديما(لنفسها): اه اوي، ده اكتر حد بكرهه…
فتحية: يلا يا عروسة انزلي…
ديما بدأت تنزل و وراها دنيا و دعاء و فيروز، و كل اللي موجود اتصدم من جمال ديما و البساطة اللي في وشها…
ديما كانت لابسة فستان باللون الابيض بحملات عريضة مايلة على الكتف و ضيق لغاية الوسط و نازل بوسع خفيف جدا و كانت حاطة روچ و كحل بس و عاملة شعرها على شكل كحكة و لابسة طرحة الفستان و حطت التاج بتاعها و لبست صندلها الابيض بكعب بسيط و كانت لابسة سلسلة رقيقة في رقبتها و قصيرة و حلقين لطاف، كانت جميلة اوي.
دنيا كانت لابسة فستان احمر قصير لغاية الركبة بحملات عريضة و مسيبة شعرها على ورا و حاطة روچ باللون الاحمر و كحل وصندل بكعب احمر.
فيروز و دعاء لبسوا زي بعض فستان باللون الكحلي طويل و واسع شوية و حجاب باللون اوفويت و جذمة بيضاء و روچ هادي..
كانوا الاربع بنات في قمة جمالهم…
فتحية: تعالي يا حبيبتي…
قعدوا ديما على كنبة عريضة و جمبها دعاء و دنيا و فيروز…
نظيرة: حطولها الحنة يا بنات…
ديما: لا لا لا مبحبش الحنة…
عبير: لازم تحطي حنة..
ديما: ابدا…
دنيا: ديما لما بتحط حنة ايديها بتحمر و بتوجعها لا بلاش…
اسماء: خلاص يا بنات…
ست: مالك مايعة كدة ليه؟
عبير: معرفش، ملقوش غير المصراوية…
جملات(بتحذير): عبير…
تسنيم: يلا يا بنات قوموا ارقصوا…
و في اللي قاموا رقصوا، و الكل سامع صوت خيول و اغاني بره…
ديما: انا عايزة اشوف…
دعاء: بس مينفعش..
ديما: بليز ده فرحي…
فيروز: مينفعش تخرجي بره خالص…
ديما: طب نشوفهم من اي حتة…
دنيا: يلا ها؟
دعاء: تعالوا..
دعاء و فيروز طلعوا و وراهم ديما و دنيا بسرعة…
تسنيم: رايحين فين المجانين دول؟
فتحية: انا هعرف بنتك يعني…
اولفت: ازيك يا تسنيم…
تسنيم: اهلا يا حبيبتي، اخبارك؟
اولفت: تمام، هي فين عروستنا؟
اسماء: كانت هنا و قامت طلعت جري و اكيد نازلة تاني…
عند البنات…
دعاء: هنفتح حتة بسيطة من الشباك..
ديما: تمام انا هشوف الاول…
فتحوا الشباك و ديما بتتفرج في رجالة كتير و ناس راكبة على خيول، و بعدين جاسر ركب على خيل و فضل يتمشي بيه و الخيل بيرفع رجله لفوق، و للحظة عنيهم اتقابلت…
جاسر بصلها بغضب و تحذير، و هي بصتله بتحدي..
دعاء: يا نهار اسود جاسر شافك..
فيروز: اقفلي بسرعة يا ديما…
ديما: لا ابدا…
دنيا: يا بنتي دي طباع صعيدية بلاش علشان متتعبيش، متعانديش يا ديما…
ديما: بس ده فرحي و ده من حقي…
فيروز: معلش معلش…
دعاء: اقفلي بقي علشان خاطري…
ديما بصت لجاسر باستفزاز و قفلت الشباك…
بنت: يلا علشان هيكتبوا كتب الكتاب…
دنيا: جايين…
الكل نزل و وديما بتفرك في ايدها، و بعدها بدقية خالد دخل و ماسك في ايده دفتر المأذون…
خالد: امضي…
ديما: ما تمضي بدالي..
خالد: لو كان ينفع كنت مضيت امضي يا بنتي…
ديما مسكت القلم بتوتر و بعدين سابته…
ديما: انا متوترة مش عايزة اكون مراته انا، ايه ده؟
خالد: ربنا يهديكي امضي، منظرنا هيبقي وحش قدام الناس بره…
ديما: ده شخص غليظ و هيتحكم فيا…
خالد: جاسر مش كدة انجزي امضي…
ديما مسكت القلم و مضت بسرعة، و بعدها كل الستات زغرطت، و قبل ما خالد يخرج بص لدنيا و اتسحر بجمالها و بساطتها..
و اول ما خالد خرج بره حصل ضرب نار كتير…
حسن: مبروك يا ولدي…
جاسر: الله يبارك فيك…
محسن: انا بديك حتة من قلبي و لا حتة ايه انا بديك قلبي كله يا جاسر..
جاسر: و ان شاء الله ابقي قد الامانة يا عمي
ايمن: مبروك يا عريس…
جاسر: الله يبارك فيك يا عمي..
على: اخيرا هشوفك متجوز..
جاسر: شكرا يا عمي…
علاء: مبروك يا ابن عمي..
خالد: اختي في عينك يا جاسر..
حسن: خش لعروستك…
جاسر: تمام…
-و بدأوا يوزعوا اكل للرجالة و جاسر دخل…
فتحية: مبروك يا حبيبتي…
دنيا: مبروك…
اولفت: الف الف مبروك يا حبيبتي…
-و بعدها جاسر دخل قرب من مامته و باس ايديها، و قرب من ديما و بعدين بص لسارة و غمض عينه و باس رأس ديما..
جاسر: مبروك…
ديما(بتوتر): الله يبارك فيك، بس ابعد..
جاسر: تمام…
جاسر بعد عنها شوية و بعدين لبسها الدبلة في ايدها الشمال، و باس رأسها تاني و خرج…
ديما: لا انا عايزة اموت…
دعاء: و الله حنين…
فيروز: و طيب…
دنيا: و gentle..
ديما: خلاص يا اختي منك ليها، و غليظ و حقير و استغلالي كمان…
دنيا: هو استغلك في ايه؟
ديما: ده باسني و علشان عارف انه مينفعش اعترض باسني تاني…
فيرود: لا هو هنا كدة بعد كتب الكتاب العريس بيخش بيبوس رأس مراته و بيخرج، او على حسب ممكن يستني لغاية ما يطلعوا فوق..
ديما: اخرسي يا بت…
جملات: يلا يا حبيبتي…
ديما(بخوف): يلا ايه؟
جملات: تطلعي اوضتك..
ديما: احلفي يعني انا هطلع اوضتي و كدة انا اتجوزت الجواز طلع سهل اهو صح..
اسماء: يا هبلة اوضتك دلوقتي بقت اوضة جاسر…
ديما: لا كدة ظلم…
تسنيم: بلاش تتعبي قلبي يلا..
ديما: انتوا هتمشوا امتي؟
تسنيم: هنشوفك بكرة و هنمشي…
ديما: كويس علشان انا عايزة بابا…
و طلعوا ديما اوضة جاسر و قعدوها على السرير..
فتحية: اقعدي كدة لغاية ما يجي جاسر..
ديما: يعني اقعد متذنبة علشان جنابه…
تسنيم: يا بت نفسي مرة مترديش، اه اقعدي كدة..
ديما: اوف حاضر..
و الستات خرجت و ديما كانت حاسة بخوف و توتر و قلق و ملل…
و بعدها بخمس دقايق لقت باب الاوضة اتفتح غنضت عنيها جامد اوي…
جاسر قفل الباب وراه و بصلها بدهشة…
جاسر(بهدوء): افتحي عينك..
ديما فتحت عنيها ببطء و بصتله، و جاسر انبهر بجمالها اللي هو مخدش باله منه تحت، و فضل باصص ليها…
ديما: ايه؟
جاسر(بعد ما فاق): ايه؟
ديما: ايه بقي؟
جاسر(برفعة حاجب): ايه؟
ديما(بتوتر): هو انت اللي هو يعني و هتوريه للناس..
جاسر(بتفهم): لا انا مش كدة…
ديما: طيب كويس…
ديما قامت من على السرير و قربت من جاسر…
ديما: بص يا جاسر انت شكلك مش بتحبني و لا انا بحبك، و اتجوزنا غصب لمجرد انك ابن عمي…
ديما لسة هتكمل كلامها..
جاسر: قصدك اني مش هاخد حقوقي كزوج؟
ديما بصتله بصدمة و اتوترت..
ديما: انت قصدك انك هتلمسني؟
جاسر: اعتقد ده ابسط حقوقي…
ديما في اقل لحظة اغمي عليها…
يتبع…
لقراءة الفصل التالي : اضغط هنا
لقراءة الرواية كاملة اصغط على : (رواية امرأة في عصمة صعيدي)
