رواية المتخفي الفصل الثامن 8 بقلم ريم محمد
رواية المتخفي الجزء الثامن
رواية المتخفي البارت الثامن
رواية المتخفي الحلقة الثامنة
*كنت قلقانه فضلت قاعدة في الاوضة، وقفلت علي نفسي
بحاول افتكر اي حاجه عشان اعرف اقاومه، مش عارفه بجد*
*قررت أطلع واقول لروز، طلعت بسرعه أدور على روز
ملقتهاش!، رحت اوضتها
لاقيتها، نايمه اتسحبت
وفضلت اصحي فيها
كأنها واخدة منوم! *
*رنيت على أليكس، مردش
سمعت صوت خطوات وانفاسه السريعة، ورايح ناحية اوضتي، فتحها ملاقش حد*
*راح ناحيه الجناح الغربي، وبعدها معرفش راح فين!
كأنه اختفى! *
^^^^^^^^^^^^^^^^^^
_امتي؟
_قريب اوي بس مش دلوقتي اديني مُهله
_جاك، أنت أقوى شخص وتستحق أنك تحكم المملكة بس لازم تمشي علي الشروط
_ايه هي؟
_انت ****
_اه لسه حاجات بسيطه
_طيب كويس
_قريب اوي، هتوصل
_مستني
^^^^^^^^^^^^^^^^^^
_أليكس جاك، كان شكله غريب
_عارف
_تعرف منين يا اليكس؟
_اهدي يا جين، واسمعيني كويس
_في ايه يا اليكس؟
_أنتِ تعرفي
_اعرف ايه
*كان لوحده مش متجمعين زي كل مرة واتكلم بكل جديه ومثبت عيونه في عيوني وقال*
_بصراحه يا جين أنا
_أنت ايه؟؟
_أنا
_اتكلم بكل وضوح عشان اقدر افهم
_جين، أنا أنا
_أنت ايه؟
_انا بصراحه بكنّ ليكِ مشاعر
_مشاعر ازاي؟
_بحبّك يا جين
*اتصدمت انا اعرف انه بيخاف عليّ، بس على انه ابن عمي مش بيحبني! اتصدمت مكنتش متوقعه لاني بعتبره كصديق
ومكنتش عارفه ارد، يعتبر اليكس مُنافس لجاك، لانه قوي جدًا وان اتعاركوا مع بعض للاسف حد فيهم هي*موت! *
*معرفتش ارد، وحسيت برجفة سرت في جسدي كله ولما بتوتر شفايفي بتترعش*
_أنتِ كويسه، اهدي
_اه.. اه بس عايزة ميه
*بسرعه كان جايب ميه*
_اشربي، اقعدي معايا انهاردا يا جين
*قرب مني ومِسك ايدي وقال *
_انا تعبت ومحتاجك بستمد الطاقه منك
*متعودتش علي اليكس وهو متقمص دور الرومانسية
ومستغربه اول مرة يظهر ضعفه ليّا*
_أنا عارف دايمًا شيفاني قوي
بس تعبت يا جين بقالي فترة هنا بحاول اتأقلم عايز اخدك ونمشي من هنا، لما بشوف جاك قريب منك بحس بنار جوايا كلامه لمساته نظراته نار مبتتطفيش بخاف عليكِ حتى من نفسي
_انا حاليًا مش عارفه أقولك ايه
_متقوليش، اقعدي معايا انهاردا ممكن؟
*كان بيبص برجاء وأمل مالي عيونه، مستني اوافق*
_طيب واجتماعنا؟
_معاهم روز انهاردا، هتنوب عنّي
*قررت اقعد معاه في البيت بتاعه، وبدأت استكشف اليكس غير اللي ظاهرلي، شخص تاني تمامًا، بعيًدا عن أنه مُقاوم*
^^^^^^^^^^^^^^^^^^
_فعليًا على أرض الواقع، محدش من جاك ولا ابراهام اتقابلوا، بس لحد ما يتقرر موعد لقائهم كل المملكه هتشهد على اللقاء دا
بس البقاء معروف للأقوى
_وجود رفيقة هام جدًا يا صوفيا في استقرار المملكة
_طبيعي يا أرثر بيه، بس اللي متعرفوش إن لابد من الح*رب دي يا ابراهام يا جاك يمسكوا المملكة أنما تفضل كدا دا غلط
_بس ابراهام، ماشي بطريقه غير قانونيه يا صوفيا
_حربنا مش مع البشر بس فعلًا الحاجات دي تدينه
بس جاك بيه معاده قرب أنما ابراهام لسه
_كويس دا في صالحنا
_ايوا، جاك هيتعين ملك
علطول لقوته
_بس ابراهام ذكي ومش سهل
^^^^^^^^^^^^^^^^^^
_ابراهام بيه، لاقيتها
*لمعت عيناه بشر وقال*
_حلو اوي، وصلت اللي انا عايزه لسه الرفيقة
_هتنال إعجابهم، وهتتعين علطول يا ابراهام بيه
_مش هنرجع تاني؟
_مش انهاردا يا إلياس، بس هتعمل ايه مع لونا
_هخطبها
_واثق اوي فيها؟
_قابلني يا ابراهام
_استعملت قوتك ووصلت لهنا بسرعه
_محدش شايفنا يا ابراهام استعمل قوتي شويه
_صراحه، شايفها مناسبه
_وجين؟
_لا جين بقت عادي، في البدايه كان إعجاب ممزوج بشويه مشاعر حاليًا بقى عادي
لونا موجوده علطول معايا
_وانت يا ابراهام؟
_ملقتش رفيقتي لسه
_بس العجوزة دي هي اللي هتعرفك
_صوفيا، تخيل معايا يا إلياس حكمنا احنا، واخترنا اللي احنا عايزينه
*تحدث إلياس بخبث وقال*
_ودا اللي انا عايزه
_معرفتش اي خطط بيعملها جاك؟
_جاك هادي وراه حاجات كتير عامل زي المُحيط من برا هادي ومن جوا أعاصير
_لازم تغوص في المحيط عشان تكتشف أسراره
_هعرف كل حاجه يا ابراهام
_سلام دلوقتي في بشريه كلمتني
_وضعك ايه يا إلياس، مع لونا ولا البشريه
_بسلي وقتي يا ابراهام، ولونا مظهر اجتماعي
_متتعودش علي البشريات كتير
_متشغلش بالك، سلام
*تحدث ابراهام بمكر*
_محدش هياخد الحكم غيري
ومعايا الرفيقه بتاعتي
^^^^^^^^^^^^^^^^^^
_معقول!، جين لحد دلوقتي متعرفش بتحارب مين؟؟
_أليكس نبه علينا محدش يعرفها
_هو فين اليكس؟
_اعتذر وقال مش هيقدر يجي وجين كمان مش هتقدر
_انا انوب عنه
_طيب حسيتِ بإي حاجه يا مدام روز؟
_انهاردا حاولت جين تصحيني بس مقدرتش اقوم، كأن في حاجز مانعني كنت شيفاها ومش قادرة اقوم ولا اتحرك
بس غالبًا هيقبضوا على مقاومين
_كويس فين؟؟
_هنتتبع مسارهم واكيد هنوصل ليهم أكيد
^^^^^^^^^^^^^^^^^^
_أليكس؟
_في حاجه يا جين؟
_أنت فيك قوة مشابه شويه لقوة جاك بس عمرك ما ادربت يعني عشان اكتسب قوة ادربت وفي تعويذات استعملتها وكمان نفس الحكايه لونا
انت مدربتش خالص
*لاقيته اتوتر شويه وقال*
_انا بشري قوي
_طيب ما احنا بشر اقوياء برضو بس مع التدريب
_ما لونا وروز وأنتِ زيي عادي وبشر اقوياء
_لا أنت مشابه لجاك، دا أنت اقوى من إلياس ازاي وأنت بشري؟؟
_أدربت كتير وضاعفت قوتي
*محستش إن إجابته مُقنعة بس عملت إني مقتنعه*
_أنا مبسوط أنك فضلتِ معايا حاسس إني عايش يا جين
_ممكن مترفضيش اي طلب ليا؟
_هرفض ليه؟
_معرفش بس حاسس كدا
_ماشي
_عايز نرقص سوا على موسيقى هاديه زي الجميله والوحش
*قعدت اضحك، لان اليكس وسيم ميستاهلش لقب الوحش*
_عارف عارف انا مش وسيم
_لا انت لقبت نفسك بلقب مش فيك
_مش مهم، كله لأجل عُيونك
_وتلبسي فُستان بيل
_شكلها بتحبها
_بحبك أنتِ
*تجاهلت الموضوع، وطلعت اوضه شاورلي عليها، وقال *
_دي اوضتك مجهزها زي ما بتحبّي أنتِ بتحبي البنفسج والاسود الديكور زي ما بتحبي
*دخلت الاوضة ولاقيت فعلًا الالوان اللي بحبها كأني مختاراها مكنتش متوقعه ابدًا إن أليكس بيحبنّي بالطريقة دي بجد، فتحت الدولاب لاقيت الفُستان اللي قال عليه*
*ومعاه فساتين تانيه كتيره
لبست ونزلت تحت لاقيته مجهز سفرة زي ما في الجميلة والوحش والشموع والديكور*
_انا خليت مصمم يصمم هدومك أنتِ بتحبي المصمم ******
_لحقت تعرف كل دا منين؟؟
_من كلام أدريان عليكِ، صدقيني هنطلع من هنا ومعانا أدريان وهننتصر عليهم
_وحشني اوي اوي يا اليكس
*مِسك ايدي وحضنهم وقال*
_كل اللي أنتِ عيزاه هيحصل
_انا واثقه فيك يا إليكس لولاك مكنتش وصلت لهنا
_بس برضو ذكائك خلاكي تكملي هنا
_يلا نرقص؟
*ابتسمت وقولت يلا*
_زمانك جعتِ تاني، بتحبي اللحمه المشويه؟
_اه بحبها
_طيب كُلي
_عايزة
_بس عرفت عيش، أنتِ والعيش علاقه غراميه ياريتني عيش يا جين
*ضحكت على كلامه، مكنتش اعرف إن أليكس لذيذ كدا، بس هقوله ازاي وانا كل مشاعري انتقام وكره مفيش مشاعر تانيه*
_سرحانه في ايه؟
_بفكر هنطلع من هنا امتى
_قريب اوي
_ياريت، طيب هتفضل تتأمل فيّ كتير؟، مكلتش حاجه
_شبعت لما شوفتك
_مكنتش متوقعه انك كدا
_لا أنا معاكِ بس قررت اخلي انهاردا راحه
_كويس
_وأنتِ كمان اتصرفي طبيعي
_عايزة اصمم
_في اوضه لتصميم مخصوص اتعملت ليكِ، ادخلي وصممي
هعمل حاجة فريش كدا تنعنشك
_وقيمي بالمرة تصميم الفساتين دي
_وحشني جين المُصممه
_في الحقيقة موحشنيش حاجه زي كدا
_ليه؟
_مكنتش قريب منك بالشكل الكافي دايما أنا وأنتِ مشغولين اول مره نتجمع كدا
ونقرب
*أليكس الكاريزما تخلى عن كاريزمته عشاني! *
*رحت الاوضه، وبدأت ارسم
واندمجت، وحسيت بروحي بترجع من تاني حسيت نفسي أخيرًا، محستش بنفسي ونمت*
^^^^^^^^^^^^^^^^^^
*صحيت الصبح، لاقتني في السرير، عرفت إن أليكس
شالني ونومني في السرير*
*نزلت لاقيته، مجهز الفطار*
_كُلي كويس بعد الاكل هدربك على شويه مهارات
_طلعت شيف يا أليكس
_طبعًا أنا ابهرك، للأسف مقمتيش الفساتين ولا شربتِ العصير، اشربيه بعد الفطار ويلا
*طلعنا في جنينة بيته، ودربي على كذا حاجه ومكنتش عارفه امسك المسدس كويس*
*كنت ماسكه المسدس وهو ماسك ايدي يعلمني، اندمجت شويه، لحد ما بدأت اتعلم*
*لحد ما فوني رن لاقيت جاك بيرن*
_جاك بيه؟
_مش كفاية كدا يا جين؟
_كفايه ايه؟
_جين، من امبارح برا، تعالي فورًا
*خلصت معاه، كان اليكس ماسك نفسه بالعافيه
وعروق ايده بانت وقال*
_يلا يا جين، هرجعك القصر اساسًا عندي معاد مع جاك دا
_اهدى يا أليكس وركز على الهدف
_انا لو مش هادي، كان زماني قض*يت عليه
*لبست، أليكس قرب مني وحضني جامد، كانت عيونه باهته ممزوجه بحُرقه فهمت دلوقتي غضبه مكنش خوف عليّ كعضو في فرقة المُقاومين طلع غِيرة!*
*كان بيسوق بسرعه، حاولت اهديه وصلني قبل القصر بشويه*
*بصلي بنظرات كلها خوف عليّ وقال*
_خدي بالك من نفسك يا جين
_متقلقش كله تمام
*مشي بعربيته وانا دخلت القصر ملامحي تلقائي ابدلت للاسوء هقابل جاك! وخصوصًا بعد تحوله اللي مفهمتوش*
_خير يا جين، لسه فاكره ترجعي؟؟
_فكرت ورجعت
*مِسك دراعي بقوة وقال*
_تقابليني في مكتبي
*لاقيت روز بصتلي بنظرات طمأنينة وهمست بس سمعتها وقالت لابد من التحقيق *
_هنعمل ايه مضطرين، نستحمل
*دخلت المكتب وانا بحاول مضايقش، واول ما دخلت قفل الباب جامد، وقعد علي المكتب وحط رجل على رجل
وقال*
_جين، أنتِ تعاديتِ حدودك مين سمحلك أنك تفضلي برا
_محدش سمحلي، بس حبيت اخد يوم راحه
_وقف وقرب مني وقال بشدة
_بعد كدا تستأذني، واحترمي وجودك هنا
_انا مقلتش من حد عشان تتكلم كدا
*بصتله بتحدي، وحطيت ايدي علي المكتب وقربت منه وقولت*
_طالما خلصت شغل، بعدها أنا حُرة طليقة
_مش حُرة يا جين، أنتِ متعلقة بيا احترمي دا
_متعلقة ازاي؟؟
_هتعرفي
_مش حابه اعرف
*حسيت إن بدايه الطوفان بدأت تظهر ملامحه كلها متشجنة! *
_ممكن اطلع؟
*لاقيته فجأة قرب مني وحط ايده علي خدي، وقال*
_بشرتك، جذابة جدًا أنتِ رُتبتك ايه؟
_شيف
_جين بلاش الكلام دا، انا عارف وأنتِ عارفه انه غلط
_أنت رُتبتك ايه؟
*ضحك بصوت عالي وقال*
_كلكم هتعرفوا رُتبتي ايه
_مفيش مشكلة نعرف كلنا
_شايف أنك قوية واسلوبك جرئ عن كل مرة
_جاك بيه خلصت
*انا طلعت برا، وكنت مضايقة منه جامد، زود الموضوع اوي*
*رحت اتابع شغلي، وأنسى كل كلامه، اللي يضايق *
_عملك حاجة؟
_كالعادة شاكك أني مقاوم
_لو عرف هتكون مُشكله
^^^^^^^^^^^^^^^^^^
*ابراهام بعيون لامعه
“رفيقة” *
^^^^^^^^^^^^^^^^^^
*كعادتي طلعت في الجنينه
اقعد واشم هوا، لاقيت جاك
برا دايما بيتصادف اني اقابله في الجنينه، حاولت على قدر الإمكان اتجنبه*
_جين؟
_نعم، في حاجه؟
_بدأت اعرف عدوي من قريبي
_بمعنى؟
_له معاني كتير، فسري زي ما تحبّي
_تمام
*دخل القصر، واوضته، بعدها بساعة بالضبط دخلت اوضته*
*اتسحبت وسحبت سِكينه صغيرة، وبعدها دمه سال على ايدي*
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية المتخفي)
