روايات

رواية القاضي الشيطان الفصل الرابع 4 بقلم شروق حسام

رواية القاضي الشيطان الفصل الرابع 4 بقلم شروق حسام

رواية القاضي الشيطان البارت الرابع

رواية القاضي الشيطان الجزء الرابع

رواية القاضي الشيطان
رواية القاضي الشيطان

رواية القاضي الشيطان الحلقة الرابعة

بعد فترة طويلة
في أحد الأحياء العشوائية البسيطة
خبطت علي الباب بهدوء وهي حاسة بتعب وضعف
الباب إتفتح وأول ما شافتها قدامها سمحت لنفسها بالإنهيار بين أحضانها
بصت لها بخضة وسندتها ” رفيف مالك يا حبيبتي أنتِ كويسة حاسة بإيه قوليلي ووشك أصفر كده ليه ”
رفيف بضعف ” أنا هربت يا رنا هربت منه ”
رنا قعدتها علي الكنبة اللي شكلها بسيط ومن النوع القديم أوي
رنا بصدمة ” هربتي ده سيف هيقلبها عليها واطيها عشان يلاقيكي وخصوصًا وأنتِ حامل وعلي وش ولادة ”
_” أنا عايزة أبعد عايزة أروح مكان بعيد أي منطقة ريفية أو شعبية اي حتة المهم مش عايزاه يلاقيني هيحرمني من حتة مني وهيرميني لو لاقاني ”
ضغطت علي بطنها بحنان ” أنا مش هسمح لأي حد أو لأي مخلوق إنه يبعد إبني عني حتي لو ده معناه إنِ هفضل طول عمري هربانة ”
………………..
في نفس الوقت
عند سيف
حس بقلق وفتح كاميرات المراقبة وقعد يتفرج علي الفيديو ويقدم ويرجع فيه لحد ما وصل للجزء بتاع رفيف وهي بتقوله
_” من غير حتي سلام اللي زيك عمرهم ما هيتهنوا في حياتهم ”
بص لها بصدمة ممزوجة بغضب وهو بيشوفها ماسكة شنطة وخرجت من البيت بالمفتاح مفتاح هو ميعرفش أصلًا هو وصل لإيديها إزاي
_” غبية غبية غبية ”
فضل يصرخ ويكسر كل حاجة حواليه وعينيه بقت حمرا من العصبية
إتنفس بسرعة وحاول يهدي نفسه وعقله اللي عمال يغلي من كتر التفكير مسك موبايله وكلم واحد
_” عربي عايزك تدورلي علي مراتي هبعتلك صورة ليها تدور عليها في كل مكان مفيش شارع أو حي ما تدورش عليها فيه بالذات المناطق الشعبية والريفية لأنِ عارف تفكيرها كويس أكيد هتستخبي في منطقة فيهم ”
عربي بطاعة ” حاضر يا باشا الهانم هتكون عندك في أقرب وقت ”
سيف قفل المكالمة ورجع بص لتسجيل كاميرات المراقبة وهمس لنفسه
_” ترجعي بس وأنا هربيكي بس بطريقة تانية ”
…………………
بعد يومين
في بيت رنا
كانت رفيف قاعدة بتأكل بسكويت بالمشروب الغازي ومستمتعة وهي بتأكله
_” يابنتي حرام عليكِ انا أول مرة أشوف حد يأكل بسكويت مع كانز ”
رفيف كانت لسه هترد عليها الباب كان خبط بقوة ورفيف لما سمعت صوت الخبط العالي قلبها وقع بين رجليها
رنا بهمس ” أستني هنا أنا اللي هروح أفتح ”
قربت رنا من الباب بحذر وبصت من العين السحرية لكن ملقتش حد واقف فتحت الباب ببطء لكن فجأة حست بحد بدفعها وبتدخل جوا الشقة
_” أخيرًا لقيتك ”
رفيف بخوف ” أنت مين ”
_” مش مهم انا مين سيف بيه بيسلم عليكي وقالي أجيبك بأي طريقة فلو سمحتي نوري العربية عشان نروح له ”
_” أنا مش هتحرك من هنا قوله إن حياتي معاه إنتهت وإنِ مش راجعة له ”
قبل ما يتكلم ويرد عليها كانت رنا ماسكة ماسورة الستارة الحديد وضربته بيها علي رأسه بكل قوتها فوقع مغمي عليه
رفيف بخضة ” أنتِ عملتي إيه يا مجنونة ”
_” أنقذت حياتك يا حبيبتي يلا بسرعة هنمشي من هنا ”
رنا دخلت بسرعة لمت الهدوم بتاعتها اللي مكنوش كتير وحطتهم في الشنطة وخدت شوية الفلوس اللي كانت مخبياهم وبعدين خدت رفيف وخرجوا من الشقة بسرعة
……………….
بعد ساعات طويلة
كانوا وصلوا مع صوت آذان العصر لحي البراجيل في الجيزة
_” أقعدي علي المصطبة هنا لحد ما أسأل عن شقة للإيجار هنا ”
وبالفعل رنا فضلت تسأل لحد ما أخيرًا بعد ساعة من التدوير لقت شقة فاضية في آخر الشارع إيجارها 1000 جنيه ومفروشة في الأول إستغربت لأن السعر يعتبر قليل علي الشقة دي بالذات إنها مفروشة فالرجل وضح لها إن صاحب المكان ربنا فاتحها عليه وسافر برا وسايب الشقة دي للإيجار بالسعر ده للي عايز يسكن فيها
إبتسمت بسعادة وخدت رفيف وطلعوا علي الشقة اللي كانت نظيفة جدًا رنا راحت ناحية الثلاجة لقت فيها أكل كتير إستغربت وإتصدمت بس رجعت إفتكرت كلام الراجل إن صاحب المكان سافر فهتلاقيه سافر قريب وسايب الأكل ده
رنا بصوت عالي نسبيًا ” رفيف إرتاحي شوية علي ما أعمل الأكل ”
رفيف قامت وراحت عندها وسألتها بإستغراب
_” هو فيه هنا أكل أصلًا يا بنتي ”
_” اه فيه في التلاجة شطل صاحب البيت سابهم قبل ما يسافر ”
رفيف فتحت التلاجة وبصت له بإستغراب فالحاجة باينة إنها لسه فريش
إتنهدت بعدم إهتمام وقالت ” تمام أعملي منهم وهنبقي ندفع حقهم كويس إز أنا سحبت فلوس من الفيزا مش فاهمة مين اللي يحط 4 سبعات باسورد ”
كملت بتريقة ” وعاملي فيها وحش أنتِ متعرفيش أنا مين أنا القاضي الشيطان اللي وأخد من إبليس كل صفاته من مكر وكده وخداع نينينينينيني ”
رنا إنفجرت من الضحك ومعدتها وجعتها من الضحك ورفيف بتكمل تريقة عليه
رفيف بتنهيدة وجع ” لو مكنش دخل حياتي كان زماني دلوقتي متجوزة أنا وصديق ”
_” بت متجبليش سيرة الكائن ده أنا مش بطيقه والحمد لله إنه بعد عنك ده كان بيضحك عليكي وبيوهمك إنه بيحبك فوقي بقي ”
_” يووووه بقي يا رنا علي فكرة هو بيحبك وبيعتبرك زي أخته ”
رنا بسخرية ” أخته ”
كملت بهدوء ” بصي يا رفيفو أنا مكنتش هقولك بس الأستاذ كان بيحاول دايما يكلمني ويجرني في الكلام عشان أحبه وكده بس أنا طبعًا رفضت وحتي لو مش مصدقاني خدي شوفي الشات أنا كنت أخذت إسكرينات للشات شوفيهم ”
رفيف بدأت تتفرج علي الشات بصدمة وقهر
_” يعني سيف كان عنده حق في اللي قاله وإن القواضي اللي عليه دي كانت حقيقية يعني أنا ضحيت بنفسي عشان حد ميستاهلش ”
_” أهدي وحاولي تفكري بعقلك أكتر بعد كده ما تدي لسيف فرصة يمكن تكملوا سوا وتحبوا بعض ”
رفيف بشرود ” أنا وسيف زي الليل والنهار وزي الشرق والغرب والأهم من كل ده زي الملاك والشيطان وإستحالة نحب بعض ”
_” أنا ملاك وقعت في إيد القاضي الشيطان “

يتبع….

لقراءة الفصل التالي : اضغط هنا

لقراءة الرواية كاملة اضغط على : (رواية القاضي الشيطان)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى