رواية العاشق المغرور الفصل الخامس 5 بقلم حنان أحمد ماهر

رواية العاشق المغرور الجزء الخامس

رواية العاشق المغرور البارت الخامس

رواية العاشق المغرور الحلقة الخامسة

وعند ابرهيم كان بيستقبل المعزيم راحله الواد حوده اللى
شغال عند حسن
حوده . عم ابراهيم فى واحده بعتالك الظرف ده وبتقولك
افتحه ضرورى قبل الفرح
استغرب ابراهيم وفتح الظرف وعنيه برقت بغضب . اه يابن
سماح وحيات امك لاربيك ياحسن الكلب
قربت منه هدى بقلق . فى ايه يا خويه مالك إيه اللى حصل
ورينى كده
واخدت الصور اللى فى الظرف وضربت اديها على صدرها .
يالهوى شوف الواطى بتاع النسوان هو ده اللى عايز تجوزه
لبنتك ياحج اه ياميلت بختك يابنتى اه ياحظك المنيل
يابنتى
ابرهيم بغضب . ما تبطلى ولوله ياوليه خلينى أشوف هعمل
ايه مع الواد ده
هدى بخضه . يالهوى انت هجوز البت ليه بعد اللى شفته
ابرهيم . وعيزانى اعمل ايه ياهدى والناس اللى بره دى
هنقلهم ايه لو متجوزتهوش البت هنتفضح والناس
لما تصدق تمسك فى سيرت حد
هدى . يعنى تجوزها الواد الجنس ده ياابرهيم
ابرهيم بحزن . مافيش حاجه في ايدى اعملها
قاعدت هدى على الكنبه تندب حظ بنتها . ياما قلتك بلاش
مش عايزه يا بابا ده طمعن فيك يا بابا أنا ما بحبوش يا بابا
لكن انت صوتك من دماغك لله الامر من قبل ومن بعد
دخلت سماح عليم الاوضه بقلق وقف قدمها ابرهيم بغضب .
ابنك فين ياسماح
سماح بقلق . مش عارفه يا ابو نجمه الواد من امبارح ما باتش في البيت بتصل بيه من بدري ما بيردش تليفونه مقفول انا خايفه يكون حصل حاجه للواد يا ابراهيم يا اخويا
ابراهيم . يا ريت يحصل له احسن من اللي هعمله فيه
سماح بغضب . بعد الشر عليه يا ابو نجمه ليه كده ياخويا بتقول علي ابني كده ليه
ماسك ابراهيم الصور وداهم لسماح تكلم بغضب شوفى بنفسك ابنك المحترم بايت فين من امبارح
شافت سماح الصور وضربت اديها على صدورها . يانصبتى
يابختك المنيل فى ابنك ياسماح
حاول ابرهيم الاتصال بحسن لكن ما فيش فايده تلفونه
مقفول
وصل ذياد ونور بيت نجمه وفى نفس الوقت الماذون صل
هو كمان راح حوده يبلغ ابرهيم أن المأذون وصل
هدى قربت من ابرهيم . هتعمل إيه ياخويا الماذون وصل
والولد مش عارفين أرضيه
ابرهيم بكسره . مش عارف ياأم نجمه اعمل أيه وهقول للناس اللى بره دى ايه
هدى بتبص لسماح بغل . منك لله ياحسن يابن سماح اشوف
فيك يوم يابعيد
سماح بغيظ . مخلاص بقى يامرات أخويه شاب وغلط عادى
كلنا بنغلط هنعلق ليه المشنقة ياعنى أنا هروح ادور على ابنى
احسن ليكون حصله حاجه وسبتهم وخرجت يوجهوا مشكلتهم لواحدهم
هدى بقله حيله . انا هروح اطمن على نجمه وانت شوف هتعمل ايه فى الناس اللى بره دى
وسبته وخرجت رحلها ذياد ومعه نور يسلم عليها
ذياد . الف مبروك ياطنط ربنا يتمم على خير
وشاور على نور اعرفك ده نور صاحبى
هدى بحزن . اهلا وسهلا ياذياد يابنى نورتنا وبصت على
نور وسلمت عليه اهلا وسهلا عقبال ما نفرح بيكم
ذياد بيمثل القلق . خير ياطنط شكلك مضايق احكيلى
يمكن اقدر اساعدك
هدى . والله يابنى مش عارفه اقولك ايه وبدأت تحكيله اللى
حصل
ذياد . طيب ممكن تخلينى اقبل عم ابراهيم
هدى . طبعاً يابنى اتفضل
دخلتهم هدى عند جوزها وكان ابرهيم قاعد على الكنبه
وحاتط ايديه الاتنين على رأسه
ذياد . السلام عليكم ياعمى
رفع ابرهيم رأسه . اهلا وسهلا يابنى اتفضل
ذياد . انا هدخل فى الموضوع على طول أنا طلب منك ايد
الانسه نجمه
بص له ابرهيم باستغراب ورجع بص لهدى
كمل ذياد كلامه . بصراحه ياعمى طنط هدى حكيت لى
كل حاجه وأتمنى أن حضرتك مترفضش طلبى أنا معجب
بالانسه نجمه من اول مره شفتها فيها بس لما عرفت انها
مخطوبه لابن عمتها قلت خلاص هى مش نصيبى
بس انا حاسس ان كل ده حصل على شان تكون ليه
فى الاخر
ابراهيم . والله يابنى مش عارف اقولك ايه انت فاجتنى
هدى بفرحه . وافق يا ابو نجمه الشاب محترم وابن ناس
ومش هتلقى أحسن منه لبنتك
ابرهيم . طيب نسأل نجمه
هدى بغيظ . يعنى هو انت اخت رأيها على ابن عمتها
فى الوقت ده حوده خبط على الباب . عم ابراهيم المأذون مستعجل
كملت هدى كلامها . مافيش وقت يابو نجمه الناس هتاكل
وشنا يا خويا
قرب ابراهيم من ذياد . صدقني يابنى أنا مش هيفرق معايا
الناس أنا كل اللى يهمنى اطمن على بنتى ولو وفقت مش
على شان الموقف اللى أنا فيه دلوقت لا على شان أنا
شايف انك راجل وباين عليك محترم وابن ناس
ذياد بصدق . صدقنى ياعمى أنا هتقى ربنا فيها وهحافظ عليها
قرب نور من ذياد وتكلم بهمس . تصدق صدقتك
زغده ذياد فى جمبه نور . ااااه
هدى بخضه . مالك يابنى انت كويس
نور . اه ياطنط كويس بس ما لقيش عندكم عروسه ليه
هدى بضحك . 😂😂 عندى عروسه انما ايه شربات زيك
كده
نور حس أنه هيدبس . لا انا بهزر نطمن على ذياد الاول
ذياد . طيب ياعمى اتفضل على شان المأذون مستعجل
وعند نجمه كانت بتعيط وشيماء بتحاول تهديها. أهدى
ياحبيبتي متعمليش فى نفسك كده على شان خطرى
نجمه بحزن ودموع . مش قادره اصدق انى خلاص هتجوز
من البنى ادم ده انا حسه انى بموت مش قادره أتنفس
الباب خبط ودخل ابراهيم وكان ماسك دفتر المأذون بصتله نجمه بحزن . أمضى هنا يانجمه
مضت نجمه وهى منهار من البكاء قرب منها ابرهيم بحزن
. سامحيني يابنتى وعرفى اللى أنا عملته ده على شان
مصلحتك
نجمه . ما تقولش كده يا بابا انا تحت أمرك حتى لو طلبت منى أرمى نفس فى البحر هعمل كده من غير تردد
بسها ابرهيم من رأسها . ربنا يسعدك يا بنتى ويريح قلبك يارب تعالى ياله على شان عريسك مستنيكى فى العربية
تحت
مشيت نجمه معه بخطوات ثقيله ونزلت على سلم منزلهم
بانفاس متقطعه وحاسه أنها رايحه لموتها مش لعرسها
وصلت نجمه للعربيه وركبت من غير متبص عليه وهى منهاره وبتبكى
ذياد . فى واحده تعيط يوم فرحها
التفتت نجمه بصدمه . ذياد و ………..