رواية الصياد الفصل الرابع عشر 14 بقلم شيماء رضوان
رواية الصياد الجزء الرابع عشر
رواية الصياد البارت الرابع عشر
رواية الصياد الحلقة الرابعة عشر
#الجزء_الثالث الحلقه(5) الأخيرة
ايهاب..انا هسيبك تودعى حبيب القلب قبل ما يموت بس هرجعلك تانى
غادر ايهاب ومن معه اما دانا وضعت راس احمد على قدميها وامسكت يده
ريناد بذعر..احمد خليك معايا اوعى تسيبنى
احمد بتالم..دانا سامحينى على اى حاجه عملتها
دانا بخوف..متقولش كده انا مسمحاك انا محبتش حد غيرك وتركت راسه وهمو لتقوم من جانبه
امسك احمد يدها..رايحه فين
دانا بدموع..هجيب تليفونى اتصل بالاسعاف انا مقدرش اسيبك كده
تمسك احمد بها ..خليكى معايا انا حاسس انها النهايه متسبنيش عايز اموت وانا معاكى
دانا بصراخ ودموع..بس اسكت متقولش كده انت هتعيش وهتفضل معايا ونفضت يدها منه بقوة ونهضت
ذهبت الى السياره واخرجت هاتفها ولكن لا توجد تغطيه فامسكت هاتف احمد ووجدته نفس الشيء
دانا بصراخ…لااااااا لا يا رب لا احمد كده هيموت منى يا رب ساعدنى انا مقدرش اعيش من غيره يا رب
ووقفت بجانب الطريق حتى تطلب المساعده من اى سياره تمر على الطريق لانه كان طريق شبه خالى من المارة
رات سيارة قادمه من بعيد فوقفت امامها وعندما اقتربت السياره لم تتزحزح من مكانها حتى كاد صاحب السيارة ان يصدمها
الرجل بغضب..انتى مجنونه كنت هتموتى نفسك
دانا برجاء..ارجوك تعالى معايا جوزى ناس طلعوا علينا وضربوه بالسكينه وبينزف جامد وانا مبعرفش اسوق
نزل الرجل معها واتجه الى مكان احمد ولكن كان قد فقد وعيه
دانا بصراخ..لا احمد فوق
وضع الرجل يده على رقبه احمد وتحسس نبضه
الرجل ..اهدى يا مدام لسه بيتنفس ساعدينى اوصله للعربيه علشان نلحقه ليموت
ساعدته دانا وركبت معه السيارة
اوصلها الرجل للمشفى ودخل احمد غرفه العمليات
اتصلت دانا بسليم
دانا بدموع..الحقنى يا اونكل سليم احمد انضرب بسكينه وهو دلوقتى فى اوضه العمليات
سليم بفزع..مستشفى ايه يا دانا
دانا..مستشفى……
ارتدى سليم ملابسه وذهب بسرعه الى المشفى ولم يخبر احد
وصل سليم الى المشفى وجد دانا جالسه على الارض وتضع راسها بين قدميها
سليم ..دانا
ركضت دانا اليه واحتضنته
سليم وهو يربت على ظهرها..احمد عامل ايه ابنى ماله يا دانا
دانا..ايهاب طلع علينا فى الطريق واتخانق مع ايهاب وواحد من رجالته ضربه بالسكينه
واحمد فى اوضه العمليات محدش خرج لسه من عنده
اغمض سليم عينيه بالم ونظر الى تلك المنهارة امامه واخذها وجلسوا على احد المقاعد
بعد قليل خرجت ممرضه وتحدثت مع دانا
الممرضه ..المريض فقد دم كتير ومحتاجين دم وفصيلته مش متوفرة عندنا
سليم..انا نفس الفصيله
الممرضه..تمام اتفضل معايا
ذهب سليم مع الممرضه وبقيت دانا امام غرفه العمليات
رجع سليم مرة اخرى بعد ان تبرع بالدم لابنه وجلس بجانب دانا مرة اخرى
بعد فتره خرج الطبيب من غرفه العمليات
سليم بلهفه..ابنى عامل ايه يا دكتور
الطبيب..الحمد لله تجاوز مرحله الخطر وحالته مستقره اطمنوا
تمتم سليم بالشكر لله عز وجل
دانا بلهفه..اقدر اشوفه يا دكتور
الطبيب..لا مينفعش بكرة الصبح ان شاء الله لانه مش هيفوق قبل بكرة ووجودكم هنا دلوقتى ملوش لازمه عن اذنكم
سليم..ارجعى البيت يا دانا انة هفضل هنا
دانا..لا يا اونكل انا هفضل هنا مش همشي
سليم بتعب..اسمعى الكلام يا دانا
دانا ..ارجوك يا اونكل متضغطش عليا لانى انا مش همشي من هنا
سليم..انتى حرة بس امك هتقول ايه انا هتصل بنوران واقولها انى مع احمد وهبات فى الشغل لانى مش عايز اقلقها لان لو قلتلها هتتعب انما امك هتقوليلها ايه
دانا..هقولها الحقيقه وهاكد عليها متقولش حاجه لطنط نوران
سليم..انتى عنيده اوى يا دانا
اتصلت دانا بامها وقصت لها ما حدث وطمانتها على احمد وطلبت منها الا تخبر نوران بشيء
فى منزل سليم
نوران بقلق..انا قلبى مش مطمن اخوكى اتاخر وابوكى راح فين
دينا بقلق..مش عارفه يا ماما بس ان شاء الله خير
دق هاتف نوران باسم سليم
ردت نوران عليه بلهفه
نوران..ايوه يا سليم
سليم……..
نوران..واحمد معاك
سليم……
نوران ..مال صوتك ياسليم
سليم……
نوران..ابنى ماله يا سليم انا حاسه ان ابنى فيه حاجه
سليم……..
نوران..بالله عليك متكدبش انا مش مطمنه من بدرى وانا قلبى مقبوض قلى ابنى ماله او خلينى اسمع صوته
لم يرد عليها سليم واغمض عينيه بالم
نوران بقلق..مش بترد ليه يا سليم ابنى ماله
سليم…….
نوران بفزع..ابنى فى المستشفى ليه
سليم……
نوران ببكاء ..انا جايه يا سليم
سليم..متجيش الا لما فهد يجيلك وتعالى انتى والعيله معاه متجيش دلوقتى يا نوران لوحدك الوقت اتاخر اوى
نوران بدموع ..ماشي يا سليم
اتصل سليم بفهد وقص له ما حدث وطلب منه احضار نوران الى المشفى فاصر فارس على الذهاب معه
فى سياره فهد
كانت نوران ودينا منهارتين من كثره البكاء وكان فارس يراقب دينا من مراة السياره ويود تهداتها والتخفيف عنها ولكن ليس من حقه وكان يتالم بشده من اجلها
وصلت دينا ونوران وفارس وفهد الى المشفى
وصلت نوران الى سليم واحتضنته هى ودينا وبكوا كثيرا فى حضنه
نوران..انا عايزه اشوف ابنى
سليم..الدكتور قال مينفعش دلوقتى بكرة الصبح ان شاء الله
نوران..انا هفضل هنا
سليم..ارجعى البيت يا نوران وانا ودانا هنفضل هنا
نوران..لا انا مش هرجع الا لما اطمن على ابنى واتكلم معاه كمان
سليم..ماشي يا نوران انتى حرة
اصر فارس وفهد على البقاء معهم
مر الليل طويلا جدا عليهم
فى الصباح حضرت دريه والده دانا وجلست معهم منتظره ان يفيق فهد
بعد فترة اتى الطبيب اليهم واخبرهم ان احمد استيقظ وهو بحاله جيده وتم نقله الى غرفه عاديه ويمكنهم رؤيته
اندفع الجميع اليه لرؤيته
فارس..حمد الله على سلامتك يا وحش
احمد ..الله يسلمك يا فارس
فهد..شد حيلك كده يا تعلب
احمد..هو بقى فيها تعلب انا اتعلم عليا يا بص
فهد..متقولش كده انت اتخدت على خوانه وان شاء الله حقك هييجى
احمد..ان شاء الله
سليم و هو يقبل جبينه..حمد الله على سلامتك يا حبيبي
احمد..الله يسلمك يا بابا وانتى يا دينا كفايه عياط بقى
دينا..معلش بقى يا وحش انا مرهفه الاحساس وبعيط بسرعه
ضحك احمد وفارس على كلامها
نوران ببكاء..حمد الله على سلامتك يا حبيبي
احمد بتعب..يا ماما بطلى عياط بقى انا كويس والله
نوران..حاضر يا حبيبي
دريه ..الحمد لله بس الكلب ده لازم ياخد عقابه
سليم بغضب..امسكه بس وانا هقطعه بسنانى
احمد..لا يا بابا سيبهولى انا
سليم بحده..لا ملكش دعوه ده بتاعى انا
نظر احمد الى دانا وجدها تبكى فى اخر الغرفه
اوما احمد لابيه ليقترب منه
احمد بهمس…طلعهم بره يا بابا البت دانا مموته نفسها من العياط
سليم وهو يغمز له..ماشيه معاك حلاوة يا ابن نوران
احمد..قروا بقى عملت حادثه من شهر ودلوقتى واخد سكينه اهو القر بتاعكم ده هو اللى جايبنى ورا ومش بعيد يجيب اجلى
سليم..خلاص هطلعهم بس ابقى افتكر انى علطول بساعدك
احمد بابتسامه..حبيبي يا صياد
سليم..يالا يا جماعه سيبوه يرتاح شويه
خرج الجميع وهمت دانا لتخرج امسكها سليم من يدها
سليم..خليكى انتى وخرج واغلق الباب وراءه
كانت دانا وجهها محمر بشده من اثر البكاء
احمد..واقفه بعيد ليه تعالى وفتح ذراعيه لها
ركضت دانا اليه وارتمت فى حضنه
دانا ببكاء..ااااااااه كنت خايفه لتروح منى انا غبيه لانى موافقتش افضل معاك سامحنى اوعى تسيبنى انا ممكن اموت من غيرك
احمد..هشش بطلى عياط انا معاكى ومش هسيبك انتى قلبى والهوا اللى بتنفسه
دانا بدموع..انت سالتنى اذا كنت اقبل اكون مراتك وحبيبتك وام اولادك انا دلوقتى اللى بسالك تقبل تكون جوزى وحبيبي وابو اولادى وحياتى كلها
شدد احمد من احتضانها واردف
احمد..يااااه يا دانا اخيرا سامحتينى انا بعشقك يا دودو بموت فيكى اوعى تسيبينى
دانا بحب انا عمرى مهسيبك يا حبيبي
امسك احمد وجهها بين يديه وقبلها
فى الخارج
كانت دينا تقف بمفردها بعيده عنهم وراها فارس وذهب اليها
فارس بدون مقدمات..بتهربى منى ليه يا دينا
دينا..انا بهرب منك
فارس..من يوم ما قلتلك بحبك وانتى بتبعدى وتهربى منى
دينا..لاننا مننفعش لبعض انت سبتنى زمان وانا مش مستعده اكرر نفس التجربه
فارس بغضب..انتى بتتكلمى عن حاجه حصلت واحنا صغيرين متقارنيش زمان بدلوقتى
دينا..مش هتفرق يا فارس
فارس..لا تفرق زمان كنا عيال دلوقتى احنا كبار وواعيين وانا بحبك ليه مش عايزه تفهمى ده
دينا..وانا مش عايزه افهم كده وخلاص سبنى فى حالى بقى ارجوك
فارس..دينا تتجوزينى
صدمت دينا من كلامه ولم ترد
فارس..عارف ان الوقت مش مناسب بس انا عايزك تخدى قرار انا جايلى فرصه كويسه انى اخد الدكتوراة من لندن المفروض اسافر بعد بكرة لو وافقتى ااجل السفر لغايه ما اكلم والدك ونتجوز ونسافر سوا وتكملى تعليمك بره ولو موافقتيش هسافر ومش هتشوفى وشي تانى يا دينا فكرى كويس وخدى قرارك
يا ترى ايه اللى هيحصل
توقعاتكم؟؟؟؟
اسفه ان الفصل قصير عندى ظروف بس هعوضه بكره ان شاء الله وده وعد
شيماء رضوان
الجزء التالت
الحلقه(6)والاخييييره
تركها فارس تفكر فيما قاله وظلت شارده الى ان وقفت بجانبها نوران
نوران بجديه..ايه اللى بينك وبين فارس يا دينا
تنهدت دينا بتعب..هحكيلك يا ماما يمكن الاقى عندك الحل
نوران..احكى يا حبيبتى
قصت لها دينا كل شىء من البدايه منذ ان كانوا صغارا
نوران..انتى بتحبيه
دينا..للاسف بحبه
نوران..وليه للاسف
دينا..لانى خايفه يسيبنى تانى وانا بسبب الموضوع ده مبقتش اثق فى حد بسهوله
نوران..بس زمان حاجه ودلوقتى حاجه تانيه خالص انتى بتحبيه يبقى لازم تحاربى علشان الحب ده يستمر مينفعش تهربى وتتحججى انك مش عايزه تنجرحى تانى ده اسمه هروب يا دينا فكرى كويس فى كلامى علشان لما تختارى مترجعيش تندمى فى الاخر
دينا بخفوت ..حاضر يا ماما
عند دانا واحمد
احمد بحب..انا مش متخيل ان جه علينا وقت واحنا مش متخانقين انا كنت قربت افقد الامل
دانا..خلاص انسي اللى فات وتعالى نفكر فى مستقبلنا
احمد..ايوه بقى انا هخرج من هنا ونعمل الفرح مش هستنى اكتر من كده
دانا..انت مستعجل كده ليه
احمد..مستعجل قومى يا بت من هنا ال مستعجل ال ده انا خللت جنبك
دانا…هههههههه خلاص متزعلش اخرج بالسلامه الاول وبعدين نتكلم فى الموضوع ده
احمد..مش هستنا قومى نادى لدريه اقولها
دانا..عيب كده ايه دريه دى
احمد بخبث..ملكيش دعوه اطلعى منها انتى دى دريه حبيبتى
دانا..حبيبتك وانا ابقى ايه ان شاء الله
احمد بحب..انتى قلبى وحبيبتى وعشقى وكل حاجه
دانا بلوم..طب مقولتش الكلام ده من بدرى ليه يمكن مكنش حصل ده كله
احمد ..كل حاجه فى وقتها بتبقى احسن
دانا..فعلا معاك حق
دق الباب وكان سليم
سليم بخبث..عصافير الحب خلصوا ولا لا
اخفضت دانا وجهها من الخجل
احمد..تعالى يا بابا خلاص اتصالحنا
سليم..اتصالحتوا طيب الحمد لله هنعمل الفرح امته
احمد بفرح..الله عليك يا سليم هو ده اللى كنت لسه بتكلم فيه
سليم..طيب انا هتكلم مع مدام دريه ونحدد ميعاد للفرح
احمد..حبيبي ربنا يخليك ليا
فى اليوم التالى
كانت دانا تفكر كثيرا فى كلام فارس تريد ان تذهب اليه وتخبره انها توافق على طلبه ولكنها تخاف من الماضي
(ايه البت دى ماضى ايه ده انتوا كنتوا عيال فوقى الواد بيضيع😅😅)
قامت بالاتصال على رحيق حتى تطلب منها المجىء اليها
بعد ساعه اتت رحيق
رحيق..مالك يا بنتى قولتيلى تعالى بسرعه
دينا..هقولك اقعدى بس
جلست رحيق وقصت لها دينا ما حدث
رحيق..انتى مجنونه صح
دينا..فى ايه وبعدين انا مش مجنونه
رحيق ..لا مجنونه وستين مجنونه كمان يعنى قالك بحبك وطلب يتجوزك وقالك هاجل السفر لغايه ما نتجوز وانتى لسه بتفكرى
دينا..مش عارفه اوصل لقرار وبعدين خايفه اتسرع فى قرارى واندم فى الاخر
رحيق..دينا مفيش وقت هو خلاص مسافر بكرة لازم تخدى قرارك وبعدين هو هيسافر الساعه كام
دينا..هيسافر فى طيارة عشره الصبح
رحيق..لازم تخدى قرار يا دينا وياريت متتحكميش فى مشاعرك اكتر من كده
دينا..ماشي يا رحيق
فى مبنى المخابرات
سليم..يعنى ايه مش لاقيينه ايه الارض اتشقت وبلعته انا ابنى فى المستشفى بسببه
الضابط..اطمن يا سليم بيه احنا مراقبين بيته وهنوصله ان شاء الله
سليم..بحده انت المسؤول قدامى اتفضل
خرج الضابط ودخل فهد مكتب سليم
فهد..ايه يا سليم اهدى شويه انشاء الله هنلاقيه هيروح فين يعنى
سليم..انا لازم الاقيه مش ابن سليم السيوفى اللى يتعمل معاه كده ويا انا يا الواد ده
فهد..طيب لو لقيته هتعمل معاه ايه هتسلمه ولا
سليم بخبث ..هسلمه طبعا بس اخد حق ابنى منه الاول
فهد..ناوى على ايه
سليم..ولا حاجه هادبه الاول
فهد..طمنتنى طيب ادبه بس بالراحه ليفطس فى ايدك
سليم..اطمن مش هيفطس
فى منزل سليم
نوران..انت مجنون ازاى تخرج وانتى يا دانا سبتيه ينفذ اللى هو عايزه
احمد..يا ماما انا كويس وانتى عارفه مبحبش قاعده المستشفيات ودانا ملهاش دعوه انا اللى اصريت
نوران..ماشي يا ابن سليم ابوك برده دماغه ناشفه زيك المهم تعالى ادخلك اوضتك
احمد بخبث..لا يا ماما انتى تعبانه دانا هيا اللى هتدخلنى ارتاحى انتى
نوران بخبث..لا انا اللى هدخلك
احمد..ماما هيا كلمه انتى تعبانه لو سمحتى روحى ارتاحى يالا يا دانا
حضر سليم وسمع جدالهم
سليم..سبيه يا نوران وخلى مراته تدخله وتعالى ارتاحى انتى وغمز لابنه
احمد وهو يغمز له..ربنا يخليك للغلابه يا صياد
دخل احمد الغرفه وكان يستند على دانا
جلس على السرير وجذب دانا اليه
دانا بتوتر..اوعى لطنط تشوفنا يا مجنون
احمد بخبث..وفيها ايه عادى
دانا..هو ايه اللى عادى انا بتكسف انت مفيش خالص
احمد..لا يا قلبى انا مش وش كسوف
دانا..طيب اوعى بقى عايزه اروح انام بقالى يومين منمتش
احمد..يا خبر يومين طيب تعالى اقعدى معايا شويه وبعدين روحى
كانت نوران تفف على باب الغرفه وتبتسم من اجلهم واتى سليم ايضا
سليم..مالك واقفه كده ليه
نوران..فرحانه انهم اتصالحوا
سليم..تحبى ارخم عليهم
نوران..ازاى
سليم ..اتفرجى وشوفى
دخل سليم الغرفه ..سيبها يا ابو حميد
تركها احمد بسرعه
سليم..روحى يا دانا ارتاحى شويه انتى تعبانه
دانا..شكرا يا اونكل وغادرت الى بيتها
سليم..مالك مكشر ليه
احمد ..يعنى مش عارف انا مكشر ليه
سليم بخبث..لا مش عارف حد زعلك او عملك حاجه ضايقتك
احمد ..بابا كلم حماتى خلينا نعمل الفرح
سليم..حاضر شويه كده انت لسه تعبان
احمد..كلمها بس وخلى الفرح بعد شهر اكون جهزت الشقه
سليم..ماشي بس برده مش هتقولى كنت مكشر ليه ولا اقولك انا انك كنت مكشر علشان دخلت وخليت دانا تروح
احمد طيب حضرتك عارف اهه
سليم..عيب عليك بس بجد كاتت لازم تروح ترتاح بقالها يومين منامتش واعصابها تعبانه وبعدين هيا شافتك بتموت قدامها كويس انها استحملت لغايه كده
احمد فعلا يا بابا معاك حق
فى منزل فارس وفهد
فهد..مالك يا وحش
فارس قص له ما حدث.
فهد..وانت قلتلها انك مسافر ليه وانت هتقعد فى مصر علطول ومش هتسافر
فارس علشان تاخد قرار بقى واعرف ان كانت عايزانى وعايزه تكمل معايا ولا لا
فهد..بس انت كده بتضغط عليها انت كده قلتلها انتى معندكيش اختيار وهددتها انها مش هتشوفك تانى
فارس..كان لازم اعمل كده يا بابا
فهد..ماشي يا فارس انت حر بس المهله اللى انت ادتهلها اخرها بكرة الساعه عشرة بعد كده هتسيبها ولا ايه لو ماخدتش قرار
فارس..لا طبعا مش هسيبها وهحاول معاها تانى انا خلاص مش مستعد اعيش من غيرها
فهد..ماشي ربنا معاك ويسعدكم
فارس..امين يا رب
فى احدى الكافيهات على النيل
كانت تجلس رحيق مع يوسف
يوسف..وحشتينى
رحيق..وانت كمان وحشتنى
يوسف..انا اتفقت مع ابوكى اننا نعمل الفرح بعد شهر ايه رايك
رحيق..ليه السرعه دى انا لسه قدامى سنه فى الكليه اخلصها وبعدين نبقى نتجوز
يوسف..انتى قلبك قاسي اوى عايزانى اقعد سنه بحالها مش كفايه اللى فات وبعدين خلصى السنه اللى باقيه عندى وانا هساعدك قلتى ايه
رحيق..ماشي اللى تشوفه
فى اخر الكافيه كانت تقف رحاب مع احد الشباب
رحاب..هى اللى هناك دى يالا روح واعمل اللى اتفقنا عليه
الشاب..عنيا يا ريري
اتجه الشاب الى رحيق
الشاب..ايه ده مش معقول رحيق اذيك عامله ايه
رحيق باستغراب..انت مين وتعرفنى منين
يوسف..انت مين
الشاب..معقوله نسيتينى انا سامح
يوسف ..سامح مين
رحيق..انا اول مرة اشوفك
سامح..ايه يا ريري معقوله نسيتى اليوميه اللى قضناهم فى الشاليه بتاعى فى السخنه
رحيق بغضب..شاليه مين يا مجنون انت
اما يوسف فاندفع اليه ولكمه عده مرات
يوسف وهو يمسكه من ملابسه ويهمس له ..قول للى بعتاك ان مش ان رحيق تخص يوسف المنصورى ولو غلطت معاها تبقى لعبت فى عداد عمرها لان اللى بيغلط معايا بنسفه فاهم يالا
اوما له سامح بخوف ..حاضر
تركه يوسف وجذب رحيق من يديها وغادر الى سيارته حتى يوصلها الى منزلها
ركبت رحيق بجانبه وكانت تبكى بشده
يوسف..بتعيطى ليه يا رحيق
رحيق..خايفه تكون صدقت اللى قاله
يوسف..لا يا رحيق انا واثق فيكى وبعدين كنت عارف ان رحاب هيا اللى بعتاه لانها بتراقبنا من فترة
رحيق..رحاب هيا عايزه منى ايه تانى
يوسف..انسانه مريضه عايشه علشان تضر اللى حواليها وخلاص بس والله لاربيها
رحيق..انت ممكن تصدق اللى قاله لو مكنتش تعرف ان رحاب هيا اللى بعتاه
يوسف..لا يا رحيق انا غلطت مرة وكلفتنى كتير مش مستعد اكررها وبعدين انا حبى ليكى اقوى من ان كل شويه اصدق حد يقول عليكى كلمتين
رحيق بابتسامه..ربنا يخليك ليا
يوسف..ويخليكى ليا يا حبيبتى.
فى اليوم التالى
كانت الساعه السادسه صباحا ومازالت دينا مستيقظه تريد ان تتصل على فارس وتخبره بموافقتها
دينا..اتصل ولا استنى شويه وحسمت امرها واتصلت عليه
كان فارس ينام فى هذا الوقت فاستيقظ على صوت هاتفه
فارس بنوم..مين اللى بيتصل دلوقتى فامسك هاتفه ووجدها دينا
فارس بلهفه ..دى دينا الو
دينا..الو ايوه معلش ان كنت صحيتك
فارس..لا ابدا مفيش حاجه انتى كويسه
صمتت دينا ولم ترد
فارس..دينا انتى معايا
تنهدت دينا واردفت..ايوه معاك
فارس..انتى رحتى فين سكتى يعنى
دينا..فارس انا موافقه اتجوزك واغلقت الهاتف
نظر فارس للهاتف بذهول..هيا وافقت فعلا ولا انا بتخيل صمت قليلا ثم نهض متجها لغرفه ابيه
لا وافقت
دخل غرفه ابيه وايقظه
فهد..فى ايه حد يصحى حد بالشكل ده
فارس بفرحه..دينا وافقت يا بابا وافقت
فهد..الف مبروك سبنى عايز انام بقى
فى المساء
ذهب فهد مع فارس الى بيت سليم
رحب سليم ونوران واحمد بهما
سليم..عامل ايه يا فهد
فهد..الحمد لله تمام والفار قرب يوقع فى المصيده
احمد..فار ايه يا عمى
فهد..ايهاب يا احمد
احمد..يا ريت تسيبوه انا اللى هاخد حقى منه بطريقتى
سليم بغضب..انا قلت ملكش دعوه الواد ده غلط معايا وانا اللى هربيه واقسم بالله لو لقيتك اتدخلت يا احمد لهيكون ليا معاك تصرف مش هيعجبك فياريت تسمع الكلام
احمد باقتناع..حاضر يا بابا
فارس..ايه يا جماعه سيبكم من الكلب ده دلوقتى متفكروش فيه فكروا فيا انا دلوقتى وبعد كده ارجعوا فكروا فيه عادى
احمد بغمزه..ايه يا دوك مالك مش مرتاحلك
فارس بابتسامه..اقعد فى جنب انت بس لتعكها
سليم..فى ايه يا فارس
فهد..باختصار بقى انا جاى اطلب ايد دينا لفارس قلت ايه
سليم بابتسامه..انا مش هلاقى لدينا احسن من فارس بس ناخد راى العروسه الاول قومى يا نوران نادى لدينا
اومات نوران له بالموافقه وذهبت لتحضر دينا
فى غرفه دينا
كانت متوترة بشده وتلعب باصابعها منذ ان علمت سبب مجىء فارس وفهد
دخلت نوران الغرفه وجدتها فى هذه الحاله
نوران بابتسامه..يالا يا قلبى تعالى عايزينك بره
نهضت دينا مع نوران
جلست بجانب سليم
سليم..فاري طالى ايدك يا دينا قلتى ايه
نظرت دينا الى فارس بخبث ولم ترد
سليم..ايه يا دينا قلتى ايه
اما فارس توتر بشده من كلامها وظن انها ترفض الزواج به ورجعت فى كلامها
دينا..اللى تشوفه يا بابا
احمد..لووووووووووولى اخيرا يا بطه بقيتى عروسه
سليم..اسكت يا احمد انت من ساعه ما ايهاب ضربك وانت بقيت اهبل
احمد..كده يا سليم ماشي
جلسوا يتشاورون فى امور الزفاف والموعد
بعد قليل حضرت دانا ودريه
احمد..الحمد لله انكم جيتوا انا كنت جايلكم
دانا..تيجى فين وانت لسه عيان
احمد..خايفه عليا يا قلبى
نظرت دانا للاسفل ولم ترد
لكزته نوران فى ذراعه مستنكره فعلتنوران..بطل تحرجها بقى انت مبتزهقش
احمد..بقولك ايه يا حماتى فرحى انا ودانا الشهر اللى جاى قلتى ايه
دريه..اللى تشوفوه انا موافقه
احمد..الله عليكى يا حماتى
فارس..اشمعنى انا كمان فرحى الشهر الجاى قلت ايه يا عمى
احمد بخبث..لا انت قدامك 20سنه خطوبه طيب انا خطبتها واحنا عندنا خمس سنين حتى اسال ابوك
فهد..على يدددددى
فارس..نعم بس يالا انا هتجوز وانا طالع على المعاش ولا ايه
سليم..ههههه لا خلاص جهز نفسك فرحك هيبقى مع احمد
فارس..الله عليك يا حمايا نقرا الفاتحه بقى
بعد اسبوع
كان احمد وفارس مع يوسف بكافيه
احمد..اعمل فرحك معانا هتبقى ليله حلوة
فارس..اه يا ريت يا يوسف
يوسف..تمام هقول لوالد رحيق
احمد..على خيره الله
فى مبنى المخابرات
فهد..عندى ليك مفاجاه
سليم..لقيتوه هو فين
فهد..انت بتراقبنى ولا ايه
سليم…ههههه لا بس دى المفاجاه اللى انا مستنيها
فهد..طيب يالا بينا
اتجه سليم وفهد الى المكان المطلوب والذي يوجد فيه ايهاب
سليم..اهلا باللى كان عايز يقتل ابنى
ايهاب..ابنك اللى غلط معايا لما فكر ياخد حاجه مش ليه
سليم..ودانا كانت ليك انت تعرف انها واحمد بيحبوا بعض ومن وهما صغيرين
ايهاب بغضب..متقولش بتحبه دانا بتحبنى انا وانا بحبها يعنى دانا بقت بتاعتى وانا لما بعوذ حاجه باخدها سواء بالذوق ولا بالعافيه
سليم بغضب..وانت لما غلطت مع ابنى لعبت فى عداد عمرك تعلالى بقى
ظل سليم يضرب ايهاب بشده حتى خارت قوى ايهاب ووقع على الارض
فهد بقلق وهو يبعد سليم عن ايهاب..سيبه يا سليم كفايه هيموت
سليم بغضب..سيبنى ده كان هيموت ابنى ده واحد مريض
فهد..اهدى بقى متوديش نفسك فى داهيه
سليم..خده سلمه الكلب ده واتاكد انهم يقوموا معاه بالواجب
فهد..من عنيا هخليهم يروقوه
فى حفل الزفاف
فى الاعلى بغرفه بالفندق الذى يقام به حفل الزفاف كانت الفتيات قد انتهين وارتدت كل واحده فستان زفافها
سليم..يالا بقى الناس بتستنى تابطت دينا ذراع سليم ورحيق ذراع وليد والدها ووقفت دانا بحزن كانت تريد ان يكون والدها معها بهذا اليوم ولكنه متوفى راها سليم حزينه فعلم ما بها
سليم..يالا يا بت هاتى ايدك الناس مستنيه
دانا ..ايدى ازاى
سليم..ايه يا دانا ايدك زى دينا كده الناس مستنيه هو مش انا بقيت ابوكى ولا ايه
دانا بحب..طبعا يا بابا وتابطت ذراعه هى الاخرى ونزلن الى الاسفل وقبل كل عريس عروسه من جبينها وحانت لحظه رقصه سلو
قام كل عريس مع عروسه ليرقصوا سويا
اتجه سليم الى نوران
سليم وهو يمد يده لها ..سمو الملكه تسمحلى بالرقصه دى
نوران بابتسامه..سمو الملكه موافقه يا سمو الملك
وانتهت قصه هؤلاء العنيدين وبدات قصه العشاق
النهايه
تمت 😍😍
لقراءة الرواية كاملة اضغط على : (رواية الصياد)
