رواية الصياد الفصل الثالث 3 بقلم شيماء رضوان

رواية الصياد الجزء الثالث

رواية الصياد البارت الثالث

رواية الصياد الحلقة الثالثة

منى..مين دى يا سليم
سليم بهدوء ..مراتى يا ماما اتجوزتها امبارح
منى..طيب الف مبروك يا حبيبي مين يا روح امك مراتك
سليم..شفتى يا نوران اهو قلبت عبده موته زى ما قلتلك
منى..انا عبده موته يابن منى والله لاوريك شكلك نسيت الشبشب بتاعى اللى كان بيسلم على قفاك كل يوم وامسكت شبشبها
سليم..قام من مكانه وحدى الله يا ام سليم بتحرجينى يعنى قدام المدام مكنش العشم
منى..انت ليك نفس تهزر كده يا سليم تحرمنى انى اشوفك عريس
سليم..معلش يا ماما الموضوع جه بسرعه
منى.. بسرعه ليه يا اخويا
سليم..ابن عمها كان هيتجوزها وانا كان لازم اتصرف واتجوزها والا كانت هتضيع منى وانا بحبها يرضيكى يام سليم كنت اسيبها لابن عمها واعيش عمرى كله مقهور عليها
تاثرت منى لكلام ابنها بشده ورق قلبها له
منى..لا يا حبيبى ميرضنيش انت بتحبها للدرجه دة يا حبيبى
سليم وهو ينظر الى نوران ببراءه ..بحبها اوى يا ماما انا ممكن يجرالى حاجه لو هيا بعدت عنى قوليلها يا ماما متسبنيش انا ممكن اموت فيها
احتضنته والدته..بعد الشر عليك يا حبيبى مش هخليها تسيبك ولو حكمت هضربها بالشبشب علشان تفضل معاك
سليم وهو يغمز لنوران بمعنى ايه رايك
نوران فى نفسها ..يابن ال ده كل عقل الوليه ده طلع ممثل جامد اوى ربنا يسترها معايا
منى..خلاص يا سليم بس انا عايزه اعملك فرح اسكندريه كلها تتكلم عنه
سليم ..انت تؤمر يا عسل بس شويه كده علشان عندى شغل كتير الفتره دى
عندما سمعت نوران ما قاله سليم اخذت تسعل بشده
سليم وهو يعطيها المياه …مالك يا قلبى اشربى دى اكيد عين وصابتك وانتى حلوه وزى العسل كده
منى..اتلم يا واد عيب كده احترم نفسك ده انا واقفه حتى
سليم..ايه بس يا ماما انتى مش غريبه
كانت نور تنظر اليه بذهول وتتساءل اهذا هو سليم الذى كان يزعجها ويهينها عندما كانت فى شقته بالاسكندريه
قاطع شرودها صوت منى
منى..معلش يا حبيبتى على الكلام اللى قلته فى الاول
نوران..لا يا طنط محصلش حاجه اللى عملتيه ده رد فعل طبيعى
منى..بلاش طنط مبحبهاش قوليلى يا ماما
نوران ..حاضر يا ماما
منى..وانتى اهلك فين يا بنتى
نوران..اهلى اتوفوا يا ماما
منى..معلش يا بنتى اعتبرينى امك
نوران ..ليا الشرف طبعا
منى…وانتى بتعرفى تطبخى يا نوران
سليم..ايوه يا ماما بتعرف متخافيش ابنك ميقعش الا واقف
منى..انت هتقولى صدق اللى سماك الصياد
فى منزل عثمان القناوى
عثمان..لسه الواد مظهرش
وهدان بتنهيده..لسه يا بوى مظهرش انا مستنيه علشان اشرب من دمه
عثمان…كل اللى خططتله ضاع فى غمضه عين يا ولدى بسبب بت المصراويه
وهدان..هنلاجيها يا بوى متجلجش وساعتها هخليها تندم على اليوم اللى فكرت فيه تهرب من اهنه
عثمان..نلاجيها بس وانا اللى هربيها من اول وجديد
دخلت حكمت عليهم
وهدان..عايزاك فى موضوع يا وهدان
عثمان..ايه اللى جابك اهنه دلوجتى ودخلتى من غير متستأذنى كيف يا مرات ولدى
حكمت..استأذن علشان ادخل اوضه فى بيت جوزى يا جوز خالتى
وهدان..اتحشمى يا بت انتى عتردى على ابوى ولا ايه
حكمت..انتوا بتعاملونى اجده ليه انت عاوز تتجوز عليا بت المصراويه وابوك مبيطجنيش من ساعه ما اتجوزتك انا هجول لخالتى
عثمان..الله يجطعك انتى وخالتك فى ساعه واحده وانت يا وهدان مرتك ناجصه ربايه اعمل الصالح يا ولدى وتركه وخرج
وهدان..امرك يا بوى وظل وهدان يضرب حكمت حتى اتت امه وانقذتها من بين يديه
انعام زوجه عثمان وام وهدان
انعام..سيبها يا ولدى الله يرضى عليك
وهدان..دى محتاجه ربايه يمه سيبينى اربيها
انعام..مرتك متربيه متسمعش كلام ابوك بيسلطك عليها لانه معيحبهاش
وهدان..انتى اللى كبرتى دماغها يمه وانا اللى هكسرهلها وتركهم وذهب
حكمت وهى تبكى..شفتى يا خالتى كان بيضربنى كيف
انعام..معلش يا بتى كويس انك ساعتى نوران تهرب والا كنتى هتبجى اهنه كيف الخدامه
حكمت ..الحمد لله انها هربت يا خالتى
فى المساءفى منزل سليم
منى.. ههههههه انتى دمك خفيف اوى يا نوران
نوران..والله انتى اللى عسل يا ماما
منى..ياما كان نفسي يبقى عندى بنت اقعد اتكلم معاها اصل طول النهار قاعده لوحدى وسليم فى الشغل يا مسافر
نوران ..ده ليا الشرف انى ليا ام عسل زيك
منى..والله انتى اللى عسل
سليم..ايه ده انتوا خلاص اتصاحبتوا وبقيتوا حزب ربنا معايا بقى
منى..بس يا واد انت حزب ايه شكل شبشبي وحشك نولع فى بعض يعنى ولا ايه
سليم..وعلى ايه اسكت خالص كله الا الشبشب انا داخل انام يالا يا نوران
نوران توترت..لا انا هقعد مع ماما شويه وهحصلك
عرف سليم انها متوتره من فكرة انهم سوف يناموا بحجرة واحده
سليم..براحتك انا داخل انام خليكى انتى ولما تحبى تنامى تعالى ودخل لينام
منى..قومى يا بت ورا جوزك يا هبله
نوران..لا يا ماما انا هقعد معاكى شويه اصل قعدتك مسليه اوى وشويه كده وهدخل انام
منى..قومى يا بت متهمليش جوزك لواحده تاخده منك
نوران..ايه الكلام ده بس يا ماما
منى..قومى يا بت بدل ما اضربك بالشبشب قومى وامسكت شبشبها
نوران قامت من مكانها..ههههههههه لا خلاص هقوم ودخلت نوران غرفه سليم
راها سليم متوترة وهى تدخل
سليم ..تعالى يا نوران متخافيش انا هنام على الكنبه انا عارف ربنا كويس وعمرى ما اقدر اضر اى حد
نوران..انا عارفه يا سليم بس انا خايفه لمامتك تعرف اننا مش متجوزين ومع بعض فى اوضه واحده
سليم..متخافيش مش هتعرف حاجه
نوران..ايه الكلام اللى انت قولته لماما ده
رفع سليم حاجبه ببراءه..كلام ايه اللى انا قلته بس يا نوران
نوران..انت قلت انك بتحبنى وهتعمل فرحنا قريب
سليم…امال عاوزانى اقولها ايه انتى مشفتهاش قلبت ازاى لما قلتلها انك مراتى
نوران..ماشي يا سليم اه صحيح ممكن تقولى بتشتغل ايه
سليم..انتى عايزه تعرفى ليه
نوران..اصل انت قلت ان لقبك الصياد وانا مش عارفه شغل ايه اللى مسميينك فيه الصياد ده
سليم..انا ظابط مخابرات يا نوران برتبه مقدم
نوران..انت بتتكلم جد
سليم..اه بجد
نوران..طيب انت اكيد بتطلع ماموريات خطيره بس مامتك بتسيبك ازاى
سليم ..ماما عارفه شغلى لان بابا الله يرحمه كان لوا فى المخابرات وهيا مقدرة كويس صحيح بتعيط وانا مسافر وبتقعد تدعيلى
نوران..الله يكون فى عونها
سليم..يالا نامى احنا مش هنفضل نتكلم طول الليل انا عايزه انام
نوران..تصبح على خير
سليم ..وانتى من اهله
فى الصباح فى منزل عثمان القناوى
وهدان..حكمت تعالى عاوزك
حكمت..نعم عايز ايه يا وهدان
وهدان..عاوزك تطلعى على بيت ابوكى لغايه ما تتادبى كويس وتعرفى تتكلمى معايا ومع ابويا زين
حكمت ببكاء..ليه بس يا وهدان انا معملتش حاجه
وهدان ..واللى انتى عملتيه امبارح ده تسميه بايه
حكمت..انا اسفه يا وهدان سامحنى احب على يدك
وهدان..هيا كلمه وجلتها روحى على بيت ابوكى بدل ما ارمى عليكى اليمين دلوجتى
حكمت..علشان خاطر العيال يا وهدان سبنى اهنه وانا مش هكررها تانى
وهدان..قلتلك روحى على بيت ابوكى وانا لما الاجيكى اتربيتى زين هاجى اخدك وتركها وذهب
ذهبت حكمت الى خالتها وهى تبكى
حكمت ..الحجينى يا خالتى وهدان جالى روحى على بيت ابوكى ولما تتربى هاجى اخدك
انعام…انا سمعت كل حاجه يا بتى والاحسن نفذى اللى جالك عليه ولدى راسه ناشفه زى ابوه وممكن يتحجج علشان يطلقك ويفضى لبت المصراويه
حكمت..ليه يا ربى بيحصل فيا اجده
انعام..معلش يا بتى فترة وهتعدى
حكمت ..حاضر يا خالتى هروح على بيت ابوى
فى منزل سليم
استيقظ سليم على اصوات ضحك عاليه
خرج سليم من الغرفه وجد امه ونوران يجلسون سويا ويضحكون بشده
نوران..انتى فظيعه يا ماما
منى..انتى مشفتهوش وهو صغير كان عليه خدود شبه المخدات كده كنت علطول امسكه منهم لما يعمل حاجه غلط
نوران…هههههه انتى عندك صور ليه وهو صغير
منى..استنى هجيبهالك
سليم..اوعى تعمليها يا ماما
نوران لا هاتيها يا ماما بالله عليكى عايزه اشوف الخدود اللى شبه المخدات
منى من عنيا يا حبيبتى سيبها تشوفهم يا سليم دى مراتك ومن حقها تشوف شكلك وانت صغير لما كنت شبه الكورة الكفر وخدودك شبه المخدات وتركتهم وذهبت لتحضر الصور
نوران…هههههههه حلوه الكورة الكفر والمخدات دى ماما زى العسل امال انت كنت جايب المخدات دى منين
سليم وهو ينظر لها بشر ويقترب منها ..حلوه يختى عجبتك اوى وجايه على هواكى
نوران وهى تبتعد..اعقل يا سليم مالك مامتك هى اللى قالتلى تعالى وانا احكيلك عن عاهات سليم وهو صغير
سليم ..عاهات يا مجنونه وجرى وراءها
جريت نوران منه وذهبت الى منى فى غرفتها
نوران ببراءه وهى تختبيء وراءها..الحقينى يا ماما ابنك عاوز يضربنى يرضيكى كده يعنى هو علشان يعنى اهلى ماتوا هو هيظلمنى ويفترى عليا
منى..واد يا سليم اعتذرلها حالا
سليم..واد ايه يا ماما ده انا الصياد الكل بيعملى الف حساب كبير وصغير
منى… صياد على نفسك يا روح امك اعتذرلها حالا ولا انت عارف شبشبي ممكن يعمل فيك ايه
سليم وهو يتوعد لنوران..انا اسف يا حبيبتى حقك عليا
منى..ايوه كده اتعدل واتفضل اطلع بره عايزه اوريها الصور
سليم..يا ماما بلاش
منى..اطلع من هنا يلا شوفلك حاجه اعملها يالا
خرج سليم وهو ينفخ من الغيظ
بعد اسبوع عاد احمد هاشم من السفر لان العمل فى الامارات لم يتناسب معه
فى منزل عثمان القناوى
وهدان..اجيب مرتى بجى يا بوى العيال بتسال عنيها
عثمان..لا سيبها تتادب شويه دى بت ناجصه ربايه ابوها معرفش يربيها
وهدان..امرك يا بوى انا اصلا ناوى اول منلاجى نوران هطلجها علشان اتجوز نوران
عثمان..نلاجيها بس يا ولدى وبعدين نعمل اللى احنا عاوزينه وبعدين مفيش اخبار عن الواد اللى هربت معاه
وهدان ..لا يا ابوى انا مستنيه يظهر علشان اجطعه بسنانى
عثمان..ده عجابه كبير اوى يا ولدى ده القتل جليل عليه
وهدان..عندك حج يا بوى
اتى احد رجال وهدان
الرجل..وهدان بيه الرجل اللى احنا رحناله شجته فى اسكندريه ظهر وهو دلوجتى فى شجته
وهدان ..انت متاكد من اللى انت بتجوله
الرجل..طبعا متاكد يا وهدان بيه
وهدان ..طيب ونوران معاه
الرجل ..لا يا بيه محدش من الرجاله شافها
وهدان ..طيب روح انت ونبه على الرجاله يفتحوا عنيهم كويس
الرجل ..امرك يا وهدان بيه وتركه وذهب
عثمان ..تاخد الرجاله وتروح ليه هو اكيد عارف نوران راحت وين
وهدان ..تحت امرك يا بوى